روايــتي الثــالثـه / خطــايــا القلــب / وهالمــره قصــه حقيـقيـه

[دكتوره دلال]

واااااااااو بارت واايد حلوو
محد معوووور قلبي غير عذووووب حرام جذي يصيير فيها
وتيي هالرييم اللي تبط الجبد نااااااااشبه فيهم نشبه شتبييييي قاطه رووحها !!!:eh_s(1):

ورووااااااااابي احســــــــــــــــــن اللي يصييير فيها "طبخن طبختيييه يا الرفله اكلييييه " لانها مدمغه :eh_s(14):
والله يستر بس >>> جننج وايد شديتي حيلج :dddds:


حدج زووغه هموووووووس
يلااا ترا نااطرينج _03BA:​

 

[مـ سهله ـو]

ناااطرينج :>

 

[فروحه 87]

:eh_s(16):
واااااااااي لا قلبتي المواجع علي ورجعتيني وراااا
بجيت بجي مو صج
يالله هموس ناطرينج وناطرين ابداعج
عاد انا الاسبوع الياي وراي شغلللللللل وماراح اقدر اشبك >> نقزه يعني نزليه بسرعه قبل الدوام:tomato2:
عشت مع الاداث عدل طقتني البوهه مع عذوووب حبيبتي
وهالريم ماوراها والي طقع قاطه عمرها على الريال واهو شلون يرضى بوحده جذي خفيفه
وامها مو صج:eh_s(14)::eh_s(14)::eh_s(14):
رززززززززززززززززه ويييييه:eh_s(14):

يالله ناطرين البارت الياي والي متأكده انه بيكون قمه لانج كاتبته

يعطيج العافيه:eh_s(6):

 

[طال الهجر]

امبي هموووس البارتات مو صج

مو صج
:ggdw::ggdw:

وعبدالله كرهته كره موطبيعي شكو يحب ريموه هالخايسه ويع ويع
لا وبتسافر معاهم بعد !!! وااااي لأ لأ بذبحها حقيره :eh_s(1):
عايشه جو الاخت <<< خخخخخخ

وااااي هموس انتي روووعه


متى البارت _03BA:

؟؟

 

[همســات حالـمه]

البـارت العـاشر

روابي: السلام

فهد: وعليكم السلام

روابي: انت فهد اخو سعود صح؟؟

فهد: اي صح....منو معاي؟؟

روابي: انا...انااا

فهد: اي انتي منو.؟؟؟

روابي: انا مرت أخوك سعود

فهد انصدم: شنووو؟؟؟؟

روابي: انا زوجة سعود الثانيه

فهد: انتي شقاعده تقولين؟؟؟ زوجته الثانيه!! متى ؟؟!! شلون؟!

روابي: أخوك كان يحبني وبعدين تزوجني

فهد كان ساكت يحاول يستوعب....

روابي: والله انا مو قاعده أقص عليك ودقيت عليك لاني محتاجه احد يساعدني

فهد: لحظه لحظه انا أخوي قالي ان يحب وحده بس ما دريت الأمور وصلت لدرجة ان يتزوجج من ورانا!! توقعت تلفونات وبس

روابي بدت تبجي : الحين اللي صار صار وانا بمشكله وابيك تساعدني

فهد: خلاص خلاص انزين بس لازم أشوفج وافهم كل السالفه

روابي: خلاص انزين

وحددوا المكان والوقت عشان يتلاقون فيه.....

عبدالله كان توه نازل تحت وشاف ريم وتفاجئ....

عبدالله: ريم!!!

خل أوصفلكم ريم.....بنت حلوه وطويله وجسمها خياااال....بيضه و شعرها أسود مموج...ذكيه وحبوبه ودلوعه وما يهمها احد وعندها ثقه بنفسها بشكل مو طبيعي....

ريم: هلا والله

عبدالله: ااااه شالمفاجأه؟؟

ريم: تدري ليش يايه؟؟

عبدالله: ليش؟؟!

ريم: راح أسافر معاكم باجر

عبدالله انصدم: شنوو؟!!!

ريم: امي وامك اتفقوا على كل شي وامك رضت اني ايي معاكم

عبدالله: اهاااا
ريم: شفيك ؟؟ ما ودك ايي؟؟

عبدالله: هاه؟؟؟ لا بالعكس حياج الله

ريم: الله يحيييك ...وااي ما تتصور شكثر مستانسه

عبدالله: هههههههه يحليلج انتي كل شي معاج فجأه

ريم: اي أحلى جذي لما يصير من غير تخطيط

عبدالله: ههههه يلا ان شاء الله تستانسين هناك

ريم: أكيد راح استانس دام اني مسافره معاك

عبدالله انحرج من كلامها.... صج عبدالله صارح ريم ان يحبها عقب ما صارحته لان حس ان فعلا معجب فيها وحس بمشاعر اتجاهها... بس عذوب....يظل يفكر فيها وعمره ما مر يوم من غير ما تخطر على باله.... يغليها ويعزها حيـل ويحنلها وايد بس في صوت بعقله يظل يقوله عذوب مثل اختك..... فيتراجع ويحاول يتناساها....
اهوه ما يدري شكثر الجرح اللي تسببه حق عذوب لان عمره ما كان في شي بينهم بشكل صريح.... يدري ان كان في اعجاب متبادل وكان يحس ان يحبها بس ما كان يدري وقتها شكثر كان يحبها ولا عرف اهيه شكثر تحبه.....
فعمره ما تخيل انه سوى شي غلط وعمره ما كان بنيته يأذيها وما كان يدري ان بعده عنها ممكن يتعبها بهالطريقه....

دخلت روابي البيت الساعه 9 بليل وكان باين عليها متضايقه....

عبدالله تفاجئ انها كانت طالعه: روابي!!! وين كنتي؟؟

روابي: اووف عبدالله مو وقتك ها

عبدالله: شنو ما وقتك!!!! انتي متى راح تعدلين أسلوبج؟؟

روابي: انا بفهم شي واحد...ليش انا بالذات قاعدلي قعده؟؟ كا ما خواتي يطلعون ويرجعون وما أشوفك تحاسبهم كثر ما تحاسبني

عبدالله عصب وانتبه ان ريم بعدها واقفه وما حب يتكلم جدامها ومسك روابي من ايدها عشان يدخلون غرفه ويصكون الباب...

روابي: اووف اشتبي هدني

عبدالله: بكلمج تعالي

ودخلوا الغرفه وصك الباب....

روابي: نعم؟؟ هاه؟؟! خير؟؟

عبدالله: انا لما اكملج واحاسبج عشان خايف عليج هاا مو عناد وخلاص

روابي: اي اووكي بس ليش ما تحاسب خواتي بالطريقه اللي تحاسبني فيها؟؟

عبدالله: لان انا خواتي الباجي أثق فيهم بس انتي للأسف ماني قادر أثق فيج وياما وياما لما كنتي متروكه هدد ومحد يدري عنج ما كان تيي وراج الا المصايب

روابي انفعلت : عنك ما وثقت فيني وانت اخر همي وبعدين لا تخليني ارجع اكلم أبوي عنك

عبدالله : والله الشرهه علي قاعد احاتيج بس تدرين شلون بالطقاق زيـن وسوي اللي تبينه

عبدالله مشى عنها لان مـل واهو يحاول معاها بس ماكو فايده وكل ما يحاول يحاسبها ابوه يتدخل ويقوله انه ماله شغل فيها وانها مو ياهل....

ثــاني يـوم سافروا مصـر كلـهم وظلت روابي ورغد وأبوهم....

طلعت من صباح الله خير وراحت تلتقي بأخو سعود....

قعدت معاه وقالتله السالفه كلها وورت أخوه ورقة الزواج العرفي....

فهد كان معصب حيـل واستغرب شلون بنت ترضى بكل هذا فكانت طايحه من عينه...

فهد معصب: انتي تساهلتي معاه وايد وسلمتيله نفسج

روابي: شسوي مثل ما قلتلك الزواج العرفي كان الشي الوحيد اللي جدامي واهو أقنعني فيه

وبدت تبجي جدامه واهو انكسر خاطره عليها.....

فهد: شوفي...انا راح أضغط عليه يتزوجج بس ان طلقج بعد الزواج انا مالي شغل....المهم اني استر عليج والياهل ما يستاهل اللي بيواجهه فأهم شي ان يتسجل بأسم أبوه وعقب كيفكم

روابي رضت لان أهم شي عندها الحين ان يتزوجها ويستر عليها وبعدين يصير خير...

فهد: خلاص بينا تلفون بعدين

روابي: لازم يقتنع لان مافي حل غير جذي

فهد: لا تحاتين راح أضغط عليها لما يقتنع

ومــشى عنها.......

مر يومين وبعده أخوه ما عطاها خبر شصار...كانت نفسيتها تعبانه حيـل وصارت خايفه من المستقبل وتنطر تشوف شنو راح يكون مصيرها...!!!

بقضي الليالي انتظر .. صابر على المقسوم

متعلق بطرف الأمل .. يمكن يجيني نوم


قاعده بغرفتها وياها تلفون وكان سعود....

سعود يصرخ: انتي يا....... شلون توصلين حق أخوي وتكلمينه؟؟؟ شالجرأه اللي عندج؟؟؟ والله لا أوريج يا........... ان ما خليتج تكرهين نفسج وتلعنين الساعه اللي فكرتي تدقين فيها على أخوي يا..........وفهمي يعني ما أبيج ما أبي أتزوجج يا غبيه فهمي !!!!

وصك الخط بويهها......

واهيه طول ما كان يتكلم كانت ساكته ومنصدمه منه وقعدت عقبها تبجي حيل....

لعبت الدور في حبي ولكـ مني أشد اعجاب

عرفت شلون توهمني وكنت أكبر ضحياتك

مصـر....

عبدالله وريم ورهف قاعدين يتمشون وكان شارع وايد في ناس ماشيه رايحه ويايه وكل شي اييهم واحد من الشحاتين....

رهف: واااي لأ وايد أوادم شنو هذا!!!

ريم : عبود انت وين مودينا بالضبط؟؟؟

عبدالله: مجمع يقولون عنه حلو

رهف: وااي يعني جان ركبنا تاكسي! والله حررر واحسني عرقت جني مراسل مصري

عبدالله: هههههه الله يخس ابليسج بسج دلع ... قريب مو بعيد المكان

ريم: مادري ليش مصر تمشينا!!

عبدالله: يا جماعه لازم مغامرات بالسفر...انتو شفيكم جذي ؟؟؟

وياله بعد واحد يشحت منه....

عبدالله: وبعديــن؟؟!!

رهف: بس لا تعطيه!! لحد الحين عطيت 3

والشحات كان ما يتكلم يعني أخرس وبس بالاشارات...

عبدالله قاعد يحاول يوخر عنه بس منكسر خاطره...

ريم: ترى تلاقيه مو أخرس بس جذي

عبدالله: حرام في منهم صج

رهف: امبيه لا مو طبيعي خل يوخر !!!

عبدالله: أوووف....انزين شوف أعطيك 50 جنيه لو الحين تكلمت

الشحات: والنبي انا غلبان يا بيه... يا بيه دانا مسكين...انا عايز أتغدا يا بيه

الكل : ههههههههههههههه

عبدالله: هههههه يرحم أمك هاك هاك

الشحات: ربنا يكثر من أمثالك....ربنا يريح بالك يا بيه

ريم: موو قلتلك ههههههه

عبدالله: هههههههه يلا زين بس وصلنا المجمع

رهف: مالي شغل بالرده تاكسي يعني تاكسي

عبدالله: انزين انزين

ودخلوا المجمع يتسوقون وأي شي قاعد يعجب ريم بالسوق قاعد اييبلها اياه...

ريم: الله هذا حلوو

عبدالله:صج!! خلاص اخذيه

ريم: بس هالمره عاد انا بدفع

عبدالله: لا ماكو وحده فيكم راح تدفع واهيه طالعه معاي

ريم : بس عبود وايد يبتلي أشياء

عبدالله: ميخالف.....انزين رهف انتي ليش مو قاعده تشترين شي؟؟

رهف : مو عاجبني شي اهني

رهف كانت متضايقه شوي ان قاعده تشوف اخوها قاعد يدلع بريم واييبلها اللي تبي ومع الأيام قاعدين يتقربون حق بعض أكثر...

عبدالله: رهف شفيج؟؟

رهف: لا ولا شي.....ما تبون ندخل سنما او شي؟؟

عبدالله: يلا امشوا نشوف شنو في أفلام

ريم: يلا بس عاد أبي فلم روومااانسي

رهف من حرتها: انا أبي فلم أكشن وفيه طق وذبح وتقتل واااايد وناس تمووت ومجازر

عبدالله: ههههههه انزين وليش جذي عاد؟؟

رهف: بس جذي أبي أشوف احد جدامي يموت اليوم

ريم: وااي لأ انتي حدج عنيفه...انا ما اتحمل جذي

رهف: اي انا العاده ما اتحمل بس اليوم مستعده أتحمل

عبدالله: أقول اللي نلقاه راح ندشه زين

رهف: انزيــــن

ريم: انا مستعده ادش الفلم اللي تبيه انت

عبدالله: ههههه يااا مؤدبه يا ريـم

ريم: ههههه لا ترى بس معاك على فكره

عبدالله: اي اهم شي معاي انا

ريم: اي لو مع احد ثاني جان تناجرت على الفلم بس انت غيــر الناس عندي انت عندي شي كبير

وبدت تغني......

عبدالله: ههههه من قدي والله

رهف: أقول انت ووياها انا بسبقكم

عبدالله: ليش؟؟

رهف ما ردت عليه ومشـت أسرع منهم.....

الكويـت.....

روابي كانت قاعده بغرفتها....

رن تلفونها وكان رقم غريب....

روابي: الوو؟!!

.........: انتي روابي صح؟؟

روابي: اي صح منو معاي؟؟؟

..........: انتي ياللي ما تستحين على ويهج وقاعده تخربين بيوت الناس يا حقيره

روابي انصدمت من الكلام واسكتت مو قادره ترد...

.........: مو حرام عليج تاخذين الريال من بيته وعياله؟؟؟ الله لا يوفقج بحياتج يا......... والله ياخذج ونفتك منج يا زباله....أخوي ما يواطنج بعيشة الله شلون تبينه يتزوجج ياااا........ ووين بتروحين من حوبة المسكينه مرته؟؟!! الله لا يوفقج ولا يريح بالج ان شاء الله

وصكت الخط بويههاااا....

روابي كانت ساكته وتحت تأثير الصدمه .....

أشيـــل البحــر في صــدري..
واشيل الارض في كفي..
تعـــال يا ?صمت? ،، ابي كتفك على كتفي..!
تمر الكلمة من صوبي ،، اغض طرفي
واشوف الصمت .. بس الصمت ،، في صفي ..!
قتـلتـني حالة الـ لا حال .. انا مـوجود او منفي ..؟!


عقبها عصبت حيل واحذفت التلفون والبست بسرعه عشان تطلع من البيت لانها حست انها مخنوقه....

اهيه لو بأيدها جان تركتـه بس وين تروح من أهلها اذا اكتشفوا عن اللي ببطنها!! الحين كل همها ان يتزوجها ويستر عليها جدام اهلها والناس وبعدين اللي يصير يصير...
طلعت من البيت من غير حجابها واركبت السياره ومشت......

مـر حوالي أسبوعين وبعد ما صار شي على روابي ... بعدها تنطر أي خبر من أخوه لكن ما دق.... بس كل يوم والثاني تتهاوش مع اختها رغد لان طلعاتها كثرت وخصوصا انها فصخت الحجاب موليه ولا قاعده تسأل عنه..

رغد: امي لو تعرف انج فصختي الحجاب جان تذبحج

روابي: اووه محد له شغل فيني

رغد: اشفيج استهبلتي جذي؟؟!!

روابي: أقول بس لا تلوعين جبدي

رغد: بالطقاق اللي يطقج زين وأمي راح تعرف شلون تتعامل معاج

روابي دخلت غرفتها معصبه وصكت الباب....

وياها تلفون وكان من فهد....

روابي: الوو!!!

فهد: السلام

روابي: وعليكم السلام!! شصار ؟؟؟

فهد: اشوه الحمدالله اقتنع وأخيرا وراح انيي نخطبج

روابي فرحت حيل وبغت تصرخ من الفرحه....

روابي: صج!!

فهد: اي والله صج ومرته وافقت انها تظل على ذمته عشان اليهال بس
روابي: اهااا

واتفق معاها على اليوم اللي راح اييون فيه عشانها بس بالأول لازم يكلمون أهلها....

ثاني يوم وصلوا كلهم من مصر وباليوم اللي بعده دقوا عليهم يسألون عن روابي واتفقوا اييون باجر عشان يخطبونها.....

واللي يو كانوا سعود وفهد وولد عمه بس.... أبوها بس عرف انه متزوج ومعيل وبس مشوا عصب حيل.....

بو عبدالله: لا طبعا ما راح أرضى بنتي تاخذ واحد متزوج وعنده يهال

ام عبدالله: اي وفوق كل هذا شكبره عليها

بو عبدالله دش داره واهو معصب.... وبس دخل أبوها راحت روابي عند أمها لان كانت خايفه منه...

روابي: يمه انا موافقه وابيه

أم عبدالله: شنوو؟؟؟ موافقه!!! ليش؟؟

روابي: يمه شنو ليش؟؟؟ يايين يخطبوني وانا موافقه

ام عبدالله: اشمعنا يعني هذا وافقتي عليه؟؟؟

روابي خافت وسكتت.....

روابي: يمه انا موافقه خلاص

ام عبدالله: بكيفج اهو؟؟؟ أصلا أبوج كلش مو موافق

طلع بو عبدالله من داره....

روابي لأول مره بحياتها قررت تواجه أبوها : يبه انا موافقه عليه

بو عبدالله: شنوو؟؟؟

روابي: انا موافقه عليه

بوعبدالله: تبين وحد متزوج وعنده يهال؟؟؟؟ من صجج انتي؟!

روابي: اي يبه من صجي!! شفيها يعني؟؟؟

بوعبدالله بعصبيه: لا انسي اني راح أوافق عيه

روابي بدت تبجي....

بوعبدالله: شفيها هذي؟؟ من صجها!! انتي ينيتي؟؟ ليش قاعده تبجين على واحد ما تعرفينه!!!

روابي خافت تفضح نفسها جدام أبوها ودخلت دارها ويات وراها امها...

أم عبدالله: انتي ليش قاعده تبجين؟؟؟؟ لا يكون تحبينه؟؟؟

روابي واهيه تبجي : اي يمه أحبه وابيه

أم عبدالله انصدمت: من متى تحبينه ؟؟؟ وشلون؟؟!!

روابي ما ردت عليها وبس تبجي.....

أم عبدالله: ياا........ يااا اللي ما تستحين على ويهج يا المو متربيه

وبدت تطقها وتسبها وروابي منهاره وبس تبجي.....

أم عبدالله: والله انا كنت ادري انتي ما وراح الا البلاوي يا......... يا ريتج ما كنتي بنتي ولا يبتج يا........... الله ياخذج ويفكني منج ان شاء الله

روابي واهيه منهاره: يمه تكفين رحميني يمه

ام عبدالله: والله لا أوريج يا........

وطلعت من غرفتها.....

وروابي صارت على الأرض وتبجي على نفسها وعلى الوضع اللي صارت عليه....

إبليس والدنيــــــا ونفســــــــي والهــــــــــوى

كيف النجــــــــــــــاة وكلـــــــــــــهم أعــــــــــــدائي

ويوم شافت أبوها داخل عليها وبعيونه شرار ماااتت من الرعــب....

بوعبدالله بصراخ : تحبينه هااا!! تحبيــــنه

روابي قامت تشاهق من كثر البجي : يبــه

وابوها اللي عمره ما مد ايده عليها قام يطقها بطريقه هستيريا والبنت كانت راح تموت بأيده....

بوعبدالله: وانا أقول هالطلعات والهياته مو لله

روابي كانت تستنجد ودارت فيها الدنيا و جلدها مات من كثر الطق لدرجه ما قامت تحس فيه....

عبدالله سمع صراخ ودخل غرفتها على طول....

عبدالله: يبه لا بس

وحاول ان يهدي أبوه ويبعده عنها....

بوعبدالله: لا أختك ال........ تستاهل اللي يصير فيها

عبدالله: يبه بس اذكر الله

بو عبدالله: والله انك كنت صاج فيها ..... انتي ما عرفنا نربيج يا.....

عبدالله قدر على أبوه ووخره عنها وطلع من دارها....

عبدالله انكسر خاطره على اختها وحاول يرفعها عن الأرض...

أم عبدالله: خلها خلها هذي ما تستاهل

عبدالله: يمه حرام عليكم .... شصار!!!

أم عبدالله: شفت اللي كان ياي يتقدملها

عبدالله: اي شفيه؟؟

أم عبدالله: اختك الحلوه طلعت تحبه

عبدالله انصدم وسكت.....

روابي واهيه دايخه بس كانت خايفه يكمل عليها: عبدالله تكفى

عبدالله سكت وما قال ولا كلمه: ارتاحي ارتاحي انتي الحين

وحطها على الفراش وقعد معاها شوي وقرى عليها عشان تهدا واهيه من التعب غفت على طول....

وطلع من الغرفه وشاف أبوه وأمه قاعدين يتهاوشون...

بوعبدالله: كله منج انتي اللي هيتيها وما اهتميتي فيها

أم عبدالله: هذا من دلعك الزايد لها

بوعبدالله بصراخ : انتي حضرتج كله مسافره وطلعات أكيد راح تطلع بنتج نفسج

أم عبدالله: والله انت اللي عودتهم على الحريه لا تحاسبهم وين رايحين ولا من وين يايين

وكانوا بس يتهاوشون ويلومون بعض وعبدالله كان يحاول يهدي الوضع بينهم... بو عبدالله لاعت جبده ومشى...

عبدالله: يمه شلون عرفتوا؟؟

أم عبدالله: اهيه اعترفتلي

عبدالله: والله يمه انا أقول زوجوها وخلاص

أم عبدالله: من صجك؟؟! انا هقيت الحين راح تعصب وتتهاوش

عبدالله: يمه والله أحسن لو نزوجها عشان يستر عليها ونفتك من طلعاتها ومشاكلها

أم عبدالله: الريال متزوج وعنده يهال!!! شفيك انت؟؟

عبدالله: يمه هذي بنتج انا اعرفها ... لو بنعاند راح تعاند اكثر وقلتلج لو نزوجها نفتك من بلاويها

أم عبدالله: مادري عبدالله .... تفاهم مع أبوك لان كلش مو راضي

عبدالله: خلاص انا اكلمه

أم عبدلله: مالت عليها هذي مادري شلون طالعه عويه جذي

عبدالله: يمه انتي حاولي تفهمين منها كل شي وشنو اللي كان بينها وبينه بالضبط وانا راح أتفاهم مع أبوي

أم عبدالله: انزين

عبدالله راح حق أبوه عقب ما خلاه يهدا شوي وحاول يقنعه انها تتزوج وتاخذ اللي تبيه....

عبدالله كان من داخل صج معصب عليها ومو راضي بس يحس ان احسنلها تتزوج وتقعد ببيتها واهو مو اسلوبه يطق ويمد ايده على خواته....

عقب يومين واخيـرا أبوها اقتنع....

بوعبدالله: شوفي .. انا راح وافق عليه بس اياني واياج اشوفج بعدين تتشكين منه واتيين عندنا وتبين تطلقين .... تروحين بيت ريلج وتفكينا منج فاهمه ولا لا؟؟

روابي: فاهمه

بوعبدالله: مو بعدين اتيينا وتقولين مو قادره اتفق معاه ومادري شنوو!! انتي خذيتيه برضاج وتتحملينه واحنا ما راح يكون لنا شغل فيج..... خل ياخذج ونفتك منج ومن مشاكلج

وطلع من غرفتها....

روابي على قد ما كانت خايفه من هالزواج من سعود اللي خسرها كل شي...بس كانت فرحانه ان وأخيرا راح تتزوجه قبل ما تنفضح ويعرفون انها كانت متزوجته عرفي وحامل منه بعد....

رهف كانت في بيت عذوب...

رهف: عذوب بقولج

عذوب: هلا قولي

رهف: تدرين عبدالله راح يكمل دراسته بره

عذوب: حللفي!!! ليش؟؟

رهف: لان اقبلوه في بمعهد كاراتيه معروف وايد بأمريكا فراح يكمل دراسته بجامعه بأمريكا ويروح المعهد بنفس الوقت

عذوب تفاجئت: لا والله!!! متى رايح؟؟؟؟

رهف: بس يبلش الكورس الأول عندهم

عذوب: اهااا

عذوب ضاق خلقها حيل......مع انه خلاص قررت ان تطلعه من قلبها بس ما تتخيل انها ما تشوفه مده طويله

رهف: على الأقل الحين تقدرين اتيين بيتنا متى ما حبيتي وما تحاتين تشوفينه

عذوب: اي بس هالريم جنها ساكنه عندكم !! كل ما اروح لازم تكون هناك!!

رهف: اي ادري فيها دعله بشكل مو طبيعي بس اهيه تدرين وايد صايره مشاكل في بيتها فتقول ما تتحمل تقعد هناك

عذوب: اهاا!! مسكينه

رهف: اي

عذوب: وشلون كانت السفره معاها؟!

رهف: عادي....بس معاج جان كانت اونس وايد

عذوب: حبيبتي والله

رهف: عذوب امبيه ترى انتي وايد ضاعفه عن أول

عذوب: اي صايره ما اشتهي شي مادري شفيني

رهف: حبيبتي ديري بالج على نفسج عفيه

عذوب: ان شاء الله لا تحاتيني .... انزين رهف بسألج

رهف: هلا

عذوب: عبدالله راح يخطب ريم قبل لا يسافر؟؟

رهف: هااه!!! لا من قال !!

عذوب: مادري محد قال بس قاعده أسألج

رهف: لا لا ما أعتقد

عذوب: بس يحبون بعض صح؟؟؟

رهف: اممممم

عذوب: خلاص رهف بعد قولي

رهف: بصراحه عقب السفر تأكدت ان يحبون بعض

عذوب نغزها قلبها : اي كان باين

رهف: عذوب بعدج تحبينه؟؟

عذوب غورقت عيونها : رهف خل نغير الموضوع أحسن

رهف: اوكي أحسن


يـوم زواج روابي....كان مافي حفله ولا استقبال وولا شي....

اقتباس من روابي : اي حفله وانا مسوده ويه أهلي؟!

سعود كان كأنه طفل غاصبينه على الروضه....طول الوقت ما طالع روابي بعينها ولا مره.... اهيه كانت ميته خوف من هالعالم اليديد اللي راح تدخل عليه.... ما تدري شنو راح يكون مصيرها معاه..... كانت راح تكون أريح في بيتها ؟؟ او في بيته؟؟

اركبوا السياره رايحين الشقه اللي أجرها لها.....كانوا طول الطريج ساكتين وروابي عيونها تدمع وقلبها يطق...كأن أول مره تطلع معاه.....طبعا اليوم جنه ما كان يوم زواجها....حتى طلعه ما طلعها وطبعا خل تنسى موضوع شهر العسل......

سعود: انا أجرت شقه بجنوب السره عشان مكان أمان مو نفس شقة قبل

روابي: انزين

سعود: طبعا راح اكون يومين عندج ويومين عندها

روابي: انزين

سعود: ولا يكون عبالج عيشتج في بيتج راح تكون نفس عيشتج اهني....انا لي قوانيني وغصبن عليج تتبعينها.... وتسمعين كلامي ولو أشوف منج شي بيوم ما يعجبني والله لا تكون نهايتج على ايدي....فاهمه؟؟

روابي اخترعت وقلبها بدا يرقع من الخوف واسكتت ما ردت عليه.......

مابقا فيني كلام..ولاعتاب..وقصيد...

مابقابي غير دمعه عالقه ترفض تطيح...

كاتمن أه وعبره..لاأقول ولاأعيد...

فاقدن صدر حنون ارتمي وسطه واصيح


تــــم البــارت العـــاشـــر

 

[NaB'9 QaLBi]

waaaay hmoooooos alpart 3jeeeeeb
bs 3thoooob 3wraaaaaaaat Qaaaaalbiiiiiiii
o 3wraaat galbi akthar enha 7gegya
waaaaaaay laaaaaa laish chthe s3ooood naatheeeel
Bs rwaaBiii y3nii ma fkaart enha raa7 t7meeeel '3byaaaaa @@!
thaanx 3la alpart 7daa rw3aa
o na6rench blnew part

 

[همســات حالـمه]

وااااي همساات قطعتي قلووبنا

تكفييين نبي الباارت اليوم اليوم


ولا انا راح انهار نفسيا :krkrkr:


محد باط جبدي غير ريم :krkrkr:

حيااااااتي

سووري قلبي ما نزلته أمس بس نزلت البارت اليوووم :ggdw:

لوووول اسم الله عليج :dddds:

اي وانااا باطه جبدي :eh_s(14):

 

[همســات حالـمه]

وااااااي هموسه انتي ابداااااااع

الله لا يحرمنا منج فديتج ولا من ابداعج

وناطرينج حبيبتي

بعد قلبــــــــــــــــــــــي والله.... ولا يحرمني منـــج يااااارب :eh_s(22):

مشكووووووره مااااي لوووف :fun:

 

[همســات حالـمه]

ما شاء الله هموسه مبدعه ومازلتي مبدعه

وانا احس ان روابي صار فيها جذي من دعاء امها عليها يوم تقول روحي الله لا يوفقج

اموااااااااااااااااج أهليــــــــــــــــــن :ggdw:

حيااااااااااتي والله :eh_s(22):

صــح ترى واهيه بنفسها تقول من وقت دعاوي أمي علي وانا كله مو متوفقه !!

 

[همســات حالـمه]

نااااطريييييييينج

فديـــــــــــتج حــــبي :eh_s(6):

 

[همســات حالـمه]

تسلمين همووسه حبيبتي ع البارت ماقصرتي وسوري ع الغيبه تدرين مدارس ولويه
بس والله هالريم هذا تنرفزني وحدها لزقه .. وعذوب كااسره خاطري فديتها والله .. لوووول عشت القصه
بس والله حرام عبود ليش تغير على عذوب
ناطرين البارتات اليايه بفاااارغ الصبر ..

يااا هلااااا والله :ggdw:

حبيبتي ادري والله وحتى اناا مضغووطــه بشكل مو طبيعي :0bee2e8d89:

ان شاء الله راح تعرفين كل شي مع الوقت :ada:

تسلميــــــــن يــا قلبـــي :eh_s(6):

 

[همســات حالـمه]

تسلمين
ويع شكو هالريم وااااااااي لصقه عله ويعه
يعطيج الف عافيه ناطرينج .......

لوووول اي اووف حدهاااا :dddds:

الله يعااااافيـــــــج مااااي لووووف :eh_s(6):

 

[همســات حالـمه]

ناطرينج يا قلبي

حيااااااتي فديــــتج :eh_s(6):

 

[همســات حالـمه]

وعلياااااا عـ رواابي أول كنت أكرهاا ليش مغرؤره والحين كااسره خاطري
وااااااي كله من هالشاااااااايب السخيف ماعنده أحساااس ..
:eh_s(4):
و هالرييييم أوف عليهاا تبط جبدي ودي أبط راسهاا بالطوف أطلع مخهاا أفف عليهاا شكو شكو مسافره معااهم هااا
ملقووووووفه :jumpon:
خلي عبووود بحاااله شكو تتلزقييييين واااااااااااااااااي :eh_s(14):

السموحه عـ الانفعاااال لوووووووول ,, و اللقصصصصصصصه تيييينن تسلم إيدج :eh_s(17):
بـ إنتظاار البارتااات الياايه

اي والله ضيعهااا اكثر ما اهيه كانت ضاايعه قبل :0bee2e8d89:

لووووووووووول اي حد اللقافه الصراحه :dddds:

حياااااتي انتي اللي اتيننيييييين وحد مشكوووووووووره :eh_s(6):

 

[MC ANFAL]

هااااااي هموووسه حدي مشتاقتلكم :eh_s(6): ابي لا لا القصه مووووو طبيعيه و سعووود و رييم اففف حدهم باطين جبدي :eh_s(14): بس صج اكثر وحده اكسرت خاااطري عذوووب والله ما تستاهل :0bee2e8d89: ناااطرين البااارت الياااي _03BA:

 

[همســات حالـمه]

واااااااااااااااااااااااااااااي لااااااااء حرااااااااام حيااااتي عذوووووووووووووب

امبيي والله احس غورقت عينييي بعد جبدي كسرت خاطريييي ... :eh_s(2):


ريم شتبي رازه ويهااااااا و بدوووووون لا تقول لهمم!!!!!! :eh_s(14)::eh_s(14):

هذي خل تعرف على سعود و يعيشون بروحهم ملاقيف!!:eh_s(1):

روابي المسكييييينه شبتسويييي آآمبـــييييييي سعودو بضيعهاااااااا دمااااااار شااااااااااامل هالإنساااااااااااااان

بس احسن شي سوته روابي انها دقت على اخووووه بس ياخوفي يحتر سعود و بلحظة غضب يروح بيتهم :eh_s(12):

عاد هني روابي تطلع من القصه لوول!! ربنا يُسسستر .. بس حارتنيييييي رييييييييممم خطفت عبود من عذوووب غير هذا انها ملقوفه كل شووي رزت ويها و راحت عندهم


>>> :jumpon::jumpon: <<< جيكي على هالفيسييين انا البرتقاليه و واحد منهم سعود و الثانيه ريم _03BA: هيييع هاااع :dddds:

امبي احدااااث نااار ناااااااااااااااار .. بس عذوووب حق عبدالله صح؟؟ عفيه قولي صح لوول


ثانكس حبي و افحميييييينااااا بالبارت الياااي .. بس عذوب حق عبدالله صح ؟
























































حــــقـــه صح ؟؟ :krkrkr:
​

هذي خل تعرف على سعود و يعيشون بروحهم ملاقيف!!:eh_s(1): >>>> لوووووووووووووووول من قلب

لووووووول اي والله عفسهاااا اكثر من ما كانت معتفسه قبل :dddds:

لووووووووووووووووووووووووول اي يبيلهم هذيله احد يقعد عليهم :dddds:

لوووووووووووووووووووووووووووووول موتيني من الضحك والله :krkrkr:

امممم حقه او مو محقه!! حقه او مو حقه!!!

امممممم يمكن حقـــــه




ويـــمكن







مـــو حقــــه :eh_s(6):

 

[طال الهجر]

الله هموسه روووعه

والبارت ينن

حراام تكسر الخاطر عذوب

بس بغيت اسألج الروايه كم بارت بالضبط

؟؟؟؟؟؟

 

[طال الهجر]

واااي هموس شوقتينا على سالفه عبود وعذوب

ميته ابي اعرف شيصير فيهم

 

[ma3boocha]

لا يوقف لا يوقف لا يوقف

 

[Miss.Nony]

مسكينه روابي فديتها والله << وانا اي واحد يكسر خاطري اتفداه
وعذووب ياقلبي والله ماتستاهل واتوقع عبود يسوي هالتصرفات لأن عباله اهي تحب الي معاها بالكليه اظن اسمه سليمان << شكو ادري
يعطيج العافيه حبوووبه
..نااطرين الـ New لاتحرمينا منه ..~