همســات حالـمه
New member
سوووري على التأخيـــر بس والله تووني مخلصه من البارت
البارت الـرابـع عشــر
ثــاني يــوم من عرف عبدالله عن عـرس عذوب....
عبدالله: رهف قوليلي ولد منوو؟؟؟
رهف: ليش الا تعرف؟؟
عبدالله: بس قلتلج بسأل عنه
رهف: البنت عرسها باجر ورايح اليوم تسأل عنه!! شالفايده؟!
عبدالله: رهف لا اتيننيني اذا ما قلتيلي راح اعرف اسمه من بطاقة الدعوه
رهف: اووف انزين اسمه سليمان الـ.......
عبدالله: شسم أبوه؟؟
رهف: سليمان راشد الـ...... ,,, ارتحت؟؟
عبدالله: مشكوره.....ااااه رهف
رهف: شنو بعد؟؟
عبدالله: اهيه تحبه؟؟؟
رهف: عبدالله ممكن أعرف شفيك؟؟
عبدالله: لا بس يعني مو مجبوره فيه او شي؟؟
رهف: لا وين قاعدين!! شنو مجبوره فيه ؟؟ عمي جاسم مستحيل يجبرها على شي وبعدين اهيه أكدتلي انها برضاها ومقتنعه فيه
عبدالله ضاق خلقه: انزين اهم كانوا يحبون بعض؟؟؟ يعني شلون عرفها؟؟
رهف: شالأسئله اللي نازله عليك؟؟!
عبدالله: رهف قلتلج ان عذوب اعرفها من سنين ومثل اختي وتهمني
رهف: انزين.....اهو معاها بالكليه ويحبها من زمان بس ما كانت تعطيه ويه وبعدين بعد فتره اكتشفت ان بعده يحبها واقتنعت فيه
عبدالله بلع ريجه : اهااا
رهف: في شي ثاني بعد تحب تعرفه؟؟
عبدالله: لا بس خلاص....
رهف حست ان فيه شي : عبدالله لا يكون.....
عبدالله: لا يكون شنوو؟؟
رهف: لا يكون تحبها؟؟؟
عبدالله ارتبك: هاه؟؟!!! لا لا شفيج؟! انا الحين أصلا مع ريم
رهف: اي صح.... وينها صمغ باتكس؟
عبدالله: نعم؟؟؟؟
رهف: لا يعني غريبه انت بالكويت من جم يوم وما تعدي علينا
عبدالله: انا بفهم شنو اللي فيها يخليج جذي ما تحبينها؟؟
رهف: لا جذي ما راح اخلص... "قول شنو اللي فيها احبه" احسن
عبدالله: البنت شفتي منها شي؟؟
رهف: عبدالله انا اللي قاهرني ان انت كان مبدأك أول ان ما تحب البنت تركض ورا الريال صح؟؟ شاللي خلاك تغير تفكيرك؟؟
عبدالله: اول شي اهي ما كانت تركض وراي وكان كل اللي بينا زماله ومع الوقت تطور يعني ما كانت داخله علي بقوه من البدايه
رهف: اهاا اي اووكي اووكي
عبدالله: ترى مالي خلقج
رهف: انت أصلا تشوف نفسك معاها بعدين؟؟؟
عبدالله زهق: رهف انا ماشي .... يلا باي
عبدالله كان مقموت ومخنوق بس يحاول يفهم نفسه ان ما فيه شي وأصلا مافي شي بأيده يسـويه و يحس انه مقيد و مشتت ومشاعره متضاربه....
دق على رفيجه مساعد.....
عبدالله: صباح الخير
مساعد: يا صباح النور...هلا والله
عبدالله: وينك امس كل ما ادق عليك يطلعلي مشغول؟!!
مساعد: هاه؟؟ اي كان معاي خط ضروري
عبدالله: المهم انت الحين مصحصح ولا دايخ؟؟
مساعد: ااااه عادي ,,,, ليش شنو في؟؟
عبدالله: بغيت أسألك عن واحد اذا تعرفه
مساعد: منو؟؟
عبدالله: سليمان راشد الـ....
مساعد: اممممم مادري والله بس لا جنه ما اعرفه
عبدالله: مالك فايده خلاص ارجع نام
مساعد: انزين ليش تسأل عنه؟؟
عبدالله: لا بس بعرف شيطلع
مساعد: أسئلك وأشوف
عبدالله: يلا اوكي.....اكلمك بعدين عيل
مساعد: ماشي
عبدالله: مع السلامه
مساعد: مع السلامه
وعبدالله بدا يدق على ربعه وناس يعرفهم يسألهم عن سليمان وشلونه واذا خوش ولد او لا.... واللي سألهم وعرفوه امدحوله اياه ويحس انه تطمن عليها وقلبه ارتاح....
عذوب في غرفتها قاعده تفكر.....
تحس انها مخنوقه وان خلاص من باجر حياتها راح تتغير وان سليمان اهو الانسان اللي راح تعيش معاه باجي عمرها.....اهي حبت سليمان لان وايد طيب ويحبها حيل بس مشكلة سليمان انه مو عبدالله....مو عبدالله اللي طول عمرها ما شافت نفسها الا معاه.... اهي تدري انها بعدها تحبه ...وتدري ان راح يظل له مكان في قلبها وما راح تنساه لو شنو ما صار.....
بس حست انها اتعبت واهي تنطر منه شي وخلاص اكتفت وما تقدر تتحمل بعد أكثر بروده معاها.... تبي تتزوج قبل ما ايي يوم وتسمع ان عبدالله خطب ريم لان تدري هاليوم راح يذبحها....ففكرت انها تاخذ هالخطوه قبل ما اهو ياخذها وعلى الأقل ما تحس انها وحيده وفي من يحبها وموجود معاها....
ما عاد باقي لـ دقة القلب
حاجهـ ..
!مدام .. اللي نعشقهـ .. فيهـ ماحس
خلَّهـ يموت القــلب ما أبي علاجهـ
يمكن
بعد فرقاي..{ يستوعِب }..الدرس
روابي قاعده بالشقه وتبـجي على نفسها......
سعود بعده قاطع روابي من فتره واهي حاولت تدق عليه أكثر من مره بس ما يرد عليها وحاسه بقهر وقامت وراحت بيت اهلها لان ملت واهي كل هالأيام قاعده بروحها....
روابي اول ما شافت امها اخنقتها العبره....
ام عبدالله استغربت لان اليوم مو يوم يمـعه اللي بالعاده تزورهم فيه...
أم عبدالله: روابي!!!
روابي: هلا يمه شلونج ؟؟
أم عبدالله: زينه الحمدالله.....شيايبج اليوم؟؟
روابي: لا بس قلت ايي اشوفكم واقعد معاكم
أم عبدالله: مو على أساس سعود ما يرضى الا يوم اليمعه ايتيينا؟؟
روابي اسكتت لان تحس لو تكلمت راح تبجي.....
أم عبدالله: شفيج؟؟؟ صار شي بينج وبينه؟؟؟
روابي ما قدرت تتحمل اكثر واركضت على امها وبدت تبجي....
ماجيت احدد واشتكي لك مكاني..
ولاجيت أبين للمشاريه نبره
غصب(ن) علي تحكي عمايل زماني..
وش حيلة المكتوم لآثار صبره..
أم عبدالله: هاو شفيج؟؟؟ شصار؟؟ قوليلي
روابي بس تبجي مو قادره تتكلم....
أم عبدالله: اسم الله عليج.....تعالي تعالي
وودتها معاها غرفة روابي وقعدتها على فراشها.....
أم عبدالله: قوليلي شفيج؟؟
روابي: انا وسعود تهاوشنا
أم عبدالله: على شنو؟؟
روابي اسكتت ما تدري شتقولها !!!
أم عبدالله: مو مرتاحه معاه صح؟؟؟
روابي واهيه تبجي هزت راسها بمعنى " لا "
أم عبدالله: اكيد توقعت هالشي...بعد الريال متزوج وعنده يهال وبيت ومسؤوليات شي طبيعي ما راح ترتاحين معاه
روابي: يمه مادري شسوي
أم عبدالله: مو ياما قلنالج وما كنا نبيج تاخذينه بس انتي عاندتي واصريتي عليه وما طعتينا
روابي بس تبجي......
أم عبدالله: شتسوين الحين؟؟؟ شبتقولين حق أبوج؟؟؟
روابي: لا يمه لا تقولين حق ابوي اهو من غير شي زعلان وما يكلمني
ام عبدالله: اكيد ما راح أقوله .... لو يعرف راح يقلب الدنيا عليج ويكسر راسج ويردج بيت ريلج
روابي: انا استاهل ... انا استاهل اللي قاعد يصير فيني
وقامت تبجي حيل وتشاهق وامها تقطع قلبها عليها.....
أم عبدالله: ميخالف روابي تحملي شوي لان توكم متزوجين....ردي بيت ريلج وحاولي انج تعدلين الوضع بينكم
روابي هدت شوي وامسحت دموعها.......
روابي: يمه انتي تحبيني؟؟
أم عبدالله سكتت وتفاجئت من سؤالها: انتي بنتي اكيد احبج
روابي : يمه ليش كنتي تدعين علي؟؟؟ انتي ما تدرين شقاعد يصير فيني
أم عبدالله : ليش؟؟؟ شقاعد يصير فيج؟؟؟
روابي: يمه انا تعبت ...
أم عبدالله: روابي اللي يصير فيج نتايج أفعالج.... كنتي عايشه حياتج على كيفج وشوفي شنو اخرتها....لازم تتحملين مسؤوليه أخطائج
روابي ما قامت تتحمل كلام امها تلومها وبدت تبجي مره ثانيه....
دخيلك تخـــــــلي ضايق الصدر في حــــــــاله
تـــــــــراني على حد البكاء لاتبكينــــــــــــــي
أم عبدالله: بس خلاص خلاص لا تبجين....قومي غسلي ويهج قومي
روابي: يمه خليني بروحي شوي
أم عبدالله: انزين غسلي ويهج وصلي واقريلج شوي قران عشان تهدين
روابي: انزين يمه بس خليني الحين بروحي
أم عبدالله: انزين بطلع
واطلعت أم عبدالله وصكت وراها الباب.....
روابي منسدحه على فراشها وبس تبجي..... قاعده تفكر بحياتها.... وشلون كل هذا يصير فيها..... ووين كانت اول ووين صارت الحين....
تطالع غرفتها وتتذكر طفولتها وايام ما كانت المشاكل أبسط من جذي والحياة أحلى....تمنت ترجع طفله لما كانت الحياة أبسط والأمور مو بهالتعقيد.....
تعيـد شريط حياتها وتتذكر كل اللي فات....
روابي بقلبها: لو اني حبوبه مع الناس.....لو اني ما تعرفت على البنات اللي خربوني.....لو اني ما تعرفت على سعود....يا ليت ما وقفت سيارتي....ياليتني ما حبيته.....يا ليت عمري ما خذيت الرقم منه.....يا ليت ارجع بالزمن وما أكرر أغلاطي.... ياليت وياليت....
مليت من ياليت !!
ومليت من لو !!
مدري متى يدور الوقت وارتاح مني !!!!
ريم أكثر من مره حاولت تدق على عبدالله بس ما يرد عليها.....وخافت
ريم طالعه مع اختها أنوار......
ريم: اووه أنوار بعده ما يرد علي ... مادري شفييييه!!!
أنوار: يمكن نايم
ريم: ما يصير صارت الساعه 3 وبعده نايم!!! انا من الصبح أدق عليه
أنوار: وايد ترى قاعده تحاتين انتي
ريم: مادري احسه زعلان مني....اخاف عرف شي ومايبي يكلمني
أنوار: لا لا ما أعتقد يدري عن شي بس مثل ما قلتلج يمكن نايم وما يدري عنه
ريم: بحاول بعد ساعه واذا ما رد بدق على أخته أشوف شسالفته
أنوار: اي اوكي
عذوب كانت قاعده بدارها وتبجي.....وبس دقت عليها رهف بسرعه امسحت دموعها وامسكت نفسها وشالته...
عذوب: اهلين
رهف تغنى: مباركين عرس الأثنين ليلة ربيع عيني قمرى
عذوب: هههههههههههه اي انتي المهم لازم تغنيلج شي حق عايشه المرطه
رهف: ههههههههه اي عايشه المرطه حبيبتي...اختي بالرضاعه
عذوب: ههههههههه اهم شي
رهف: عذووب رااح اووله عليييج لما تسافرين
عذوب: بعد قلبي وانا بعد والله بس كلها ثلاث أسابيع
رهف: ما احبه سليمان بياخذج مني اهئ اهئ
عذوب: ههههههههه عاد انا قلتله مالي شغل رهف لازم اشوفها دايما فكيفك تتحمل
رهف: هههه وشقال؟؟
عذوب: لا عاد اهو حرام ما يقول شي .... كله عادي وميخالف
رهف: يحليله... انزين ها شلون النفسيه؟
عذوب: امممممم والله متوتره وايد
رهف: انزين شتسوين انتي الحين؟؟؟
عذوب: ماكو الحين قاعده بغرفتي
رهف: انزين اذا ما عندج شي الحين تعالي عندي شوي
عذوب: امممم
رهف: يلا قعدي عندي شوي لا تطولين....يلا عفيه ابي اقعد معاج قبل ما تسافرين
عذوب: ااااه اوكي شوي وامشي
رهف: اووكي تمااام انطررج عيل
عذوب: اوكي يلا باي
رهف: باااي
عذوب عشان كانت حاسه نفسها مخنوقه كان ودها تطلع من البيت شوي وتقعد مع رفيجتها.....
روابي كانت منسدحه على فراشها وتفكر.... وتحس انها حنت حق سعود وودها تشوفه وتكلمه وتقعد معاه....
حنيت له والقلب بالبعد ملزوم
وش حيلتي لااشتقت له ولالقيته
غصون طقت الباب عليها ودخلت....
غصون : هااااي....توني اعرف من امي انج اهني
روابي: هلا والله
غصون: هاا شلوونج؟؟
روابي: هلا حبيبتي تمام
غصون: انزين بسألج....بعدج ما عرفتي اذا بنت او ولد؟؟
روابي: لا مادري
غصون: انزين اذا بنت شنو راح تسمينها؟؟
روابي: اااه مادري
غصون: جم شهر بقالج؟؟
روابي: امممم حوالي 6 أشهر
بالصج بقالها 4 أشهر بس ما تقدر تقولهم لان راح يعرفون انها كانت حامل قبل ما تتزوج رسمي....
غصون: وناااسه ماني مصدقه راح أصير خاله
روابي: اي ان شاء الله
غصون: شفيج؟؟ أحسج متضايقه!!
روابي: لا عادي ما فيني شي بس تعبانه شوي
غصون: عيل اطلع واخليج ترتاحين؟؟؟
روابي: اااه تعالي انسدحي شوي يمي
غصون: امممم ليش؟؟؟
روابي: اذا عندج شي خلاص روحي
غصون: لا لا عادي مو مشكله انسدح...
وقطت روحها على الفراش وتمددت يمها....
غصون: روابي اذا فيج شي قوليلي
روابي: لا انتي سولفيلي....شلونج مع العطله؟؟
غصون: امممم كله سهرانه واطالع تلفزيون
روابي حست براحه شوي واهي تسولف مع اختها الصغيره....حتى لو كانت سوالف عاديه ومالها داعي بس على الأقل يلهيها شوي وينسيها همومها وسعود....
عذوب وصلت بيت رهف وقاعدين بالصاله يتكلمون.....
رهف: شنووو شعوورج؟؟؟
عذوب: والله مرعووبه
رهف: اي ما تنلامين الصراحه....حتى انا متوتره مادري الشكوو اللي يقول عرسي باجر
عذوب: اي بعد رفيجتي لازم تعيشين الوضع معاي
رهف: اي والله بس أفكر فيج
عذوب: حبيـــبتي انتي والله
يرن تلفون رهف.... وشافت اللي داق ريم واعفست ويهها وطنشته وحطته سايلنت
عذوب: ليش ما رديتي؟؟
رهف: مالي خلق ارد مو وقتها
عذوب: ههههههه اهاا عرفت منو اللي داق
رهف: مادري اشتبيني اسويلها يعني وبعدين عبدالله مو موجود بالبيت فالشكو داقه علي!!!
عذوب: اهاا مو موجود
رهف: اي مادري عنه طالع من الصبح
عذوب: اهاا
رهف: تدرين قبل امس درا ان عرسج باجر
عذوب: اي؟
رهف: تدرين من وقت ما عرف احس فيه شي مو طبيعي
عذوب: لا والله!!! يعني شلون؟؟
رهف: مادري حسيته على أعصابه وبعدين قام يسألني منو راح تاخذ وخل أسأل عنه ومادري شنو
عذوب: ليش يعني اهمه وايد!!!
رهف: انا قلتله نفس الشي وقالي اكيد يهمني لان عذوب مثل اختي واعرفها من زمان ومن هالكلام
عذوب: اهاا اي اوكي
رن تلفون عذوب واللي داق سليمان.....
عذوب: هلا والله
سليمان: هلا فيج....شلونج؟؟ وشقاعده تسوين
عذوب: والله تمام وعند رهف انا الحين بقعد عندها شوي وماشيه
سليمان: اخذي راحتج حبيبتي وسلميلي عليها
عذوب: الله يسلمك..... وانت وينك؟؟
سليمان: انا والله ماكو كنت نايم وبعد شوي بطلع مع اخوي نقعد بمكان
عذوب: اهاا اوكي
سليمان: يلا حبيبتي تامرين على شي؟؟
عذوب: لا والله ....سلامتك
سليمان: مع السلامه
عذوب: بااي
وصكت الخط......
عذوب وايد حياويه مع سليمان وبعدها تحس ما خذت عليه بس اهم شي عندها انها متقبلته وتشوفه مريح وطيب ويكفيها ان يحبها وايد ودايما يبينلها هالشي....
عذوب: يسلم عليج سليمان
رهف: الله يسلمه.... اهو شكله جدي شوي صح؟؟
عذوب: امممم اهو طبعه هادي بس مو جد جد يعني لا عادي يضحك ويسولف
رهف: اهااا اوكي
ريم بالسياره مع اختها......
ريم: أنوار مو قاعده ترد عليي!!!
أنوار: بسج تتحلطمين أذيتيني
ريم: لا والله صج يمكن عبدالله قايلها لا ترد
أنوار: انتي الحين مصره ان عبدالله عرف !! صدقيني ما يعرف شي لو يدري جان ما سكت اكيد
ريم: لا والله أنوار قاعده احاتي .... انتي تدرين اني احبه وايد واخاف اخسره
أنوار: شبتسوين يعني الحين؟؟
ريم: بروحله البيت
أنوار: من صجج انتي؟؟!!! وايد ترى قاعده توسوسين على الفاضي
ريم: بالله وصله كلام من احد ثاني وفهموه الموضوع غلط!!! لازم اكلمه واوضحله
أنوار: نطري لي باجر واذا ما رد روحيله
ريم: لا لا ما أقدر بروحله اليوم ما أقدر لازم اعرف شفيه لان اول مره يطنشني جذي!!
وغيرت طريجها عشان تروح بيته......
ريم: اخاف بعد صار فيه شي بروح اتطمن
أنوار: وفجأه جذي بطقين على بيت الناس تسألين عنه؟!
ريم: اي عادي اهم يعرفوني وقبل ما يسافر كنت كله عندهم ومع اخته
أنوار: مادري عنج والله كيفج
بـعد 10 دقايق وصلوا بيت عبدالله وطقوا الجرس وافتحتلهم الشغاله....
ريم: سلام....موجوده رهف؟؟
الشغاله: اي موجود
وادخلت اهي واختها وودتهم الشغاله عند رهف بالصاله وتفاجئت انها يايه....
رهف: ريم!!!!!
ريم: هاي رهف شلونج؟؟؟
عذوب لحد الحين لما تشوف هالبنت معدتها تقلب وتنقث.....
ريم سلمت على رهف وباستها وعذوب قامتلها وسلمت عليها بس بأيدها....
ريم: شلونج عذوب؟؟
عذوب: تمام بخير
ريم: هذي اختي أنوار؟؟
رهف وعذوب: هلا والله
أنوار كانت بنت يثله شوي ومو حلوه بحلاوة ريم اختها وملامحها دفشه شوي وكله تنفس على الناس اللي ما تعرفها...
أنوار: أهلين
ريم : كنت ادق عليج ابي اكلمج بس ما تردين علي !!
رهف: وي صــــج!!! سوري ناسيته سايلنت.... اووه اي والله 5 مس كولز متى هذا؟!!
ريم: ما عليه حبيبتي.....انزين امممم ما تدرين عبدالله شفيه؟؟؟
رهف: ليش شفيه؟؟؟
ريم: مادري من الصبح ما يرد كلش على التلفون
عذوب نغزها قلبها واخترعت وخافت يكون صار فيه شي!!
رهف: لا والله!!! مادري عنه اهو طالع من الصبح.... خل ادق اشوفه
ريم: اي ياريت والله
رهف خذت تلفونها ودقت على عبدالله مره....مرتين.....ثلاث بس ما يرد!!!
رهف: مو قاعد يرد!!
عذوب توترت: ما قالج وين كان رايح؟؟
رهف: لا مادري ما قال!!
ريم: ياربي مادري شفيه !! ليش جذي مو قاعد يرد على احد ؟!
رهف: مادري عنه بس اخاف متضايق من شي لان اعرفه اذا كان متضايق يصير ما يبي يكلم احد
ريم خافت: متضايق؟؟!! متضايق من شنوو؟؟؟ مااا قال؟!
رهف: مادري لأ ما قال شي !!
عذوب: انزين حاولي مره ثانيه
ريم: اي بليز ظلي حاولي
وردت رهف تدق عليه وعقب 3 محاولات رد....
رهف صرخت: عبوووود....انت وينك؟؟!! صارلك شي؟
عذوب وريم ارتاحوا انه رد.....
عبدالله: شفيج ؟؟ لا ما فيني شي
رهف: من زمان ادق عليك ما ترد!!
عبدالله: كنت مخليه بسيارتي ونازل اتمشى
رهف: من الصبح؟!!
عبدالله: كنت حاطه سايلنت من زمان ما كان لي خلق اكلم احد
رهف: انزين شفيك؟؟؟
عبدالله: ما فيني شي عادي
رهف: اكيد ما فيك شي؟؟ مو متضايق!!
عبدالله: لا لا مو متضايق عادي
رهف: اااه انزين ترى ريم عندنا يات تسأل عنك
عبدالله: اهاا صج.... قوليلها بعدين اكلمها
رهف: اوكي....تبي شي؟؟
عبدالله: لا مشكوره
رهف: اوكي عيل يلا باي
عبدالله: باي حبيبتي
وصك الخـط.....
ريم: شقالج؟؟ متضايق؟؟ فيه شي؟!
رهف: لا لا يقول ما فيه شي عادي
ريم: اكيد؟؟ ليش عيل ما يرد ؟
رهف: يقول انه مخلي تلفونه بالسياره ونازل
ريم: اهااا!! ما قالج متى ياي؟؟
رهف: لا والله ما سألته
ريم: اووكي مشكوره حبيبتي
رهف: لا عادي ما سويت شي
وفجأه ريم وأنوار اقعدوا معاهم على القنفات..... ورهف وعذوب طالعوا بعض واعفسوا ويوههم!!!
ريم ارتاحت: واااي اشوه انه ما فيه شي كنت احاتيه
رهف: عادي ترى اهوه مزاجي شوي
ريم: اي اخوج ادري فيه..... بس والله كنت احاتيه الحمدالله ما فيه شي
أنوار: قلتلج ان قاعده توسوسين بس ما تدرين علي
عذوب كانت قاعده يم رهف وأشرتلها انها بتقوم بس رهف ماسكتها ومو مخليتها تروح....
عذوب بصوت واطي: بس بمشي
رهف: لا مابي خليج معاي
عذوب: مابي ويع ويع والله ويع بقوم
رهف: هههه ادري عشان جذي ما يصير تخليني اعاني بروحي
ريم وانوار كانوا يطالعونهم بس مو قادرين يسمعون شي....وخصوصا أنوار نظراتها لهم كانت تخرع فخافوا منها.....
ريم حست ان يبونها تمشي: أقول احنا ماشيين حبيبتي
رهف: لا ليش خليكم
عذوب عطت رهف نظره.....
أنوار بنفسيه: لا ما عندنا وقت
ريم: عفيه اذا شفتي عبدلله قوليله خل يكلمني
رهف: ان شاء الله
ريم: مع السلامه
رهف وعذوب: مع السلامه
ومشوا ريم وأنوار......
رهف: وأخيــرااااا
عذوب: انتي الله يعيـــنج....شنو هذيله؟!
رهف: ايييه وااااي....أولك هيدي البئرة اللي بتعمل جبنة كيري؟؟
عذوب: هههههههههه لكن هيديك شو بتعمل..حليب ولا أشطة
وقاموا يحشون فيهم ويضحكون عليهم ويتطنزون......
بالسياره.....
أنوار: ارتحتي؟؟؟
ريم: لا انا ما راح ارتاح الا لما أصارحه
أنوار: مينونه لو سويتيها
ريم: لا احسن شي اني أقوله كل شي وارتاح وان شاء الله يتفهم
أنوار: والله كيفج بس راح تتحسفين....
ريم: لا ان شاء الله ما اتحسف
مشت عذوب وراحت بيتها وعبدالله ما رجع البيت الا الساعه 1 الفير... كانوا كل اللي بالبيت نايمين ودخل غرفته وصك على نفسه الباب...
يـوم عرس عذوب....
عبدالله بهاليوم كان مو طبيعي وما يتحاجى مع احد وكل ما احد يحاول يكلمه يصرخ عليه وينفعل.....
رهف تطق عليه الباب....
رهف: عبوود...عبوود
عبدالله يصرخ: نعم؟؟؟ مو قلت ما ابي احد يأذيني
رهف: عبدالله بكلمك بس شوي
عبدالله عصب : اووووه
وفتح الباب....
عبدالله: نعم؟؟؟
رهف اخترعت: شفيك؟؟
عبدالله: الحين اشتبين؟؟
رهف: نبي احد يودينا العرس لان السايق اليوم اجازه
عبدالله سكت وحس انه مخنوق: وين عرسها؟؟
رهف: مسوينه في بيت عذوب
عبدالله توتر: ماكو احد ثاني ممكن يوديكم؟؟ رغد وينها؟؟
بعدين تذكر عبدالله انه ما يبيهم يرجعون من العرس متأخر بنات بروحهم....
عبدالله: خلاص خلاص انا اوديكم
رهف: انزين انت أساسا معزوم يعني اول وتالي بتروح مو صح؟!
عبدالله بلع ريجه : اي صح
رهف: اوكي يلا عيل ننطرك
عبدالله: انزين
صك الباب وقام يحوس بالغرفه رايح راد ومتوتر وعلى أعصابه ويحس انه مخنوق ومو قادر يتنفس عدل..... يقعد شوي على الكرسي ويحط ايدينه على راسه ويفكر.....ويهز ريوله ويحس انه ضايع ومقهور وأعصابه مشدوده..
عبدالله يكلم نفسه: عبدالله شفيك !! يعني اكيد كان هالشي اول وتالي راح يصير.... لازم تفرحلها.... اصحى من اللي انت فيه....عذوب مو لك
قام واخذ شاور سريع ولبس دشداشته وغترته ونزل تحت وتبخر....
الكل لاحظ عليه ان كان فيه شي بس ساكتين لان مالهم خلق يقولون شي وينفعل عليهم....
عبدالله عقب ما تبخر طلع على طول بره وما كلم احد!!
أم عبدالله: شفيه هذاا؟؟!
رهف: مادري عنه؟!
أم عبدالله: امشوا شكله شغل السياره لا يروح عنا
وقاموا وطلعوا اركبوا السياره معاه وكانوا طول الطريج كلهم ساكتين....
وصلهم عند الباب واول ما شاف البيت اللي كان قصر وكله ليتات ومنور حس انه مو قادر يتنفس واختنق فجأه....
أم عبدالله: احنا بس نخلص ندق عليك عشان اتيينااا
عبدالله: انزين
أم عبدالله: الرياييل في الديوان صح؟
عبدالله يبلع ريجه: اي صح...الحين رايح
أم عبدالله: انزين يلا عيل مع السلامه
عبدالله: مع السلامه
على طول داس وحرك السياره.....
بالبدايه ما كان يبي يروح الديوان ويبارك حق المعرس بس بعدين قال حق نفسه ان لازم يشوفه....لازم يشوف منو هالمحظوظ اللي راح تكون عذوب له واذا يستاهلها واذا بمستواها ولا لا!!
وصل عند الديوان وظل بالسياره بره قاعد.....متردد....خايف ينزل وينسى نفسه كانت خانقته العبره بس ماسك نفسه وماسك دمعته لانه اهو مو سهل عليه يبجي ومو أي شي يبجيه ومن زمان ما بجى على شي أصلا....
كل ما يفتح الباب يهون ويرجع مكانه.... بدا يعرق حيل وقام يتنفس بسرعه وبدا يقراله شوي قران لما هداا ونزل اخر شي....
اهو ويمشي داخل القاعه قلبه كان يرقع بقوه..... كان خايف يشوفه وينهار...اول ما دخل حس بجسمه يقشعر... وبعديــن أخيـــرااا شــافـه واول ما شـافه بلع ريجه وبدا يرجف و قلبه تقطع من الغيــره ....تـمنى لو انه بمكانه...
وظل واقف وبس يطالعه من بعيد....
أبد .. ما جيت ابارك ولكن جيـت باوصّيـك
على الله ناوي ٍ تدخل بهـا الليلـه .. مُعذّبْتـي
ترى لولا الظروف اللي عطتْك وحدّت محاكيك
قسم بالله ما تدخل عليهـا لـو علـى رْقبْتـي
ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتي
تراها غاليه جـداً .. وتكفـى .. والله يخليـك
تـدللها .. تدلعهـا .. تنسّيـهـا مصاحبْـتـي
أنا من كثر ما اغليها أحس اني بديـت اغليـك
ولا تسـأل بأيّـة حـق ولا ّ وش مناسبْـتـي
لإنك لو بتسألني بتسمع شـيء مـا يرضيـك
لذا ياخـوي لا تسـأل ولا تسمـع لأجوبْتـي
أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي
فداعبها شوي شـوي حتـى تشتهـي طاريـك
وشاغبها إلين تقـول لـك: بطّـل مشاغبْتـي
واذا هي مالها خلقك..ولا تضحك ولا تسلّيـك
تحمّلها وإسألهـا: يـا عمـري ليـه عصّبْتـي
وبالك اسمع انّك يوم تضربها وهـي تشكيـك
ما يحتاج اورّي لك بفـن الضـرب موهبْتـي
صحيح انك بتملكها ومعـك الصـك بالتمليـك
وانا عارف حدود الله ومـن حقـك معاقبْتـي
ولكن قلّها المجنـون وصّانـي وهـو يعنيـك
يقول انّـه بينتظـرك ولـو شيّـب وشيّبْتـي
وانا مجنونها اللي ما نساها وانت مـا يمديـك
تغطّي ذكرياتي في هواها.. وربْـع تجربْتـي
أحس اني تماديت بكلامي.. والغضب حاديـك
ولو انّك في مكاني ما تفكّـر فـي محاسبْتـي
كفاك اني تركت الليله اشغالي عشـان اجيـك
دخلت القاعه برجلي ولا ادري ويش عاقبْتـي
وانا ما جيت اخرّب عرسك الليلـه ولا أذّيـك
أنا جيتك عشان اخاطبـك واسمـع مخاطبْتـي
توصّى..وانتبه..واحرص عليهـا والله يهنّيـك
ترى كل الكلام اللي طلَع من ضيقـيَ وكبْتـي
ولكن ما قدرت انّي أقوله وانـت مـا يخفيـك
أخاف انّـي إذا قلتـه تقـوم وتقطـع رْقبْتـي
عبدالله كان سرحان بعدين انتبه على بو فيصل يناديه من بعيد.... ابتسمله وراح يسلم عليه
عبدالله وصوته يرجف: مبروك عمي
بوفيصل: حبيبي الله يبارك فيك
وبعدين لف ويهه وشافه سليمان....
عبدالله مد ايده وسلم عليه: الف مبروك
سليمان: الله يبارك فيك
بوفيصل: هذا ولد بدر الــ...... اللي شفته توه
سليمان: اي هلا والله
عبدالله: هلا فيك
وابتسمله سليمان وما قدر يوقف عبدالله اكثر ومشى....عبدالله ارتاح حق شكله وحسه انه صج زين وخوش واحد....تطمن قلبه شوي لان اهم ما عنده بكل هذا اهي عذوب...
مشى ووقف على جنب وسـرح وكان ويهه أصفــر وشكله تعبان...... انتبه عليه بوفيصل من بعيد وراحله....
بوفيصل: ها عبدالله فيك شي؟؟
عبدالله: لا لا مافيني شي
بوفيصل: اكيد؟؟ احسك متضايق!!
عبدالله: لا عمي من صجك!! اليوم عرس عذوب وتبيني أتضايق
بوفيصل: تدري عاد....طول عمري كنت احسب انكم راح تاخذون بعض مادري ليش!!
عبدالله : هاه؟!
بوفيصل: يعني كنت دايما اشوف انت وعذوب مع بعض بس كل شي نصيب صح
عبدالله تبققت عيونه و سكت وما رد عليه.....
عبدالله: اااه عمي انا مضطر امشي الحين
بوفيصل: وين بتروح؟؟؟
عبدالله: اااه عندي شغله لازم اسويها
بوفيصل: خلاص على راحتك
عبدالله: مع السلامه
بوفيصل: مع السلامه
ومشى بسرعه وطــلع وركب السياره.... كان حيل مخنوق وفتح زراير الدشداشه لان وقام يتنفس بسرعه....
بعدين على طوول داس بالسياره لان ما كان قادر يتحمل اكثر....ظل ماشي بالشارع ما يدري وين يروح.... وكل شوي يدخل شارع ولفه ومتوتر واخر شي وصـل بيـتها مره ثانيـه.... صفط السياره بره وظل قاعد فيها.... بس يطالع البيت ويسمع صوت الأغاني وقاعد بهدوء وماسك نفسه ما يبي يبجي....
عذوب كانت ماسكه نفسها ما تبي تبجي وقامت تقول حق نفسها كلام عشان تخدع روحها ورتاح شوي.....
عذوب بقلبها : هذا أحسن قرار اتخذتيه.... جذي احسن عشان ترتاحين...لو بتمين تنطرين عبدالله راح تتعبين اكثر وانتي تعبتي بما فيه الكفايه....اهو اللي خسرج مو انتي اللي خسرتيه....
تع ـبت آكتب على آورآقكـ غ ـرآمـ وحـضرتك تمـحيهـ
تع ـبت آصبـر وآنـآإ آتآمل تح ـس فـ يومـ وش فيـني
.
.تع ـبت آضحكـ وج ـرح آلقلـب تعبني ولآ قـدرت آخفيهـ
وآدآري شـلون يـ قلبي وح ـزني وآضح فـ ع ـيني
.
.تع ـبت آسقي ورود آلغير و وردي مآعرفت آسقيهـ
آطآوع قلـبي آلمج ـنون وآجني آلهمـ بـ آيـديني
.
.
تع ـبت آشكي تع ـبت آبكي وج ـرح آلقلب كيــف آطويهـ
وآرج ـع وآبتدي مـن آولـ وآلملمـ بـآقي سنيـني
.
.تع ـبت آتآمل آوصآلك ودربك من كـثر مآ آمشيهـ
تع ـب مـن خ ـطوتي ورجـلي ترآ مآ عآد تـقويني
.
.
تع ـبت وضآعت سنيني وعمري ب آولهـ وتآليهـ
تع ـبت آذكرك كـل لح ـظة وآحآتي وآنتهـ نآسييني
.
.تع ـبت آقبل عـزآ فـ خـآفقي يـ صآحـبي وآرثيهـ
ح ــرآمـ آشلون كل مآ آحتجت لـ وجودك تخليني
.
.
آبآ آرحل وآوع ـدك قلبي آقص فـ لهفتهـ رجليهـ
وآبي ترتـآح لآ تسآل بـ غـير كل عنـآويني
.
.وآبآ آبـعد لآخر آلدنيـآإ مكـآنـ(ـن) مستح ـيل آتجيييهـ
وآبي تذكر غ ـ‘رورك لي وـقف مآ بينك وبيييني
دخــلت عذوب الـقاعـه وكان شكلها ياخــذ العــقل...والناس ينت عليـها وعلى نعومتها.....اهي وتمشي انزلت دمـعه منها مع ابتسامه وايدها كانت تـرجف من الخوف بس من قوتها قدرت تسيطر على روحها.....
بعد جم ساعه وصـل المعـرس مع السيارات والهرنات....هاللحظه اللي اكسـرته مره وحــده....اول ما شافه ينزل من السياره ويدخل البيت بداا ينتفض كل جسـمه..... عيـونه بدت تـرف....لان مو قادر يمسك دموعه اكثر من جذي ولا شعوريا بدت عيونه تـدمــع....
عذوب كانت داخـل وما تدري ان بكل اللي قاعده تحس فيه الحين نفسه اللي تحبه وتبيه قاعد يمـر فيــه....
بـعد ما سمع عبدالله زفـة المعـرس انــهاااار...وبدااا يبــجي بقووه ويشاهق.... عبدالله الشخصيه اللي ما يهزه شي هزته عذوب وبـجي عليـها دم....واستمر ساعه كامله بس يبجي بالسياره.....طلعوا المعاريس وشافهم يركبون السياره وحس بدمـه يغلي من الغيره.....اول مره يحس بجذي....اول مره يحس انه يحب انسان للهدرجه....ما تصور هالكثر كان يحبها ويبيها.....
رن تلفونه وكانت رهف اللي داقه....اول مره ما رد لان خذاه وقت على ما يحاول يمسك نفسه ودموعه.....وبعدين رد
عبدالله صوته يرجف: الو!!
رهف: عبدالله يلا وينك؟؟؟
عبدالله: اااه 10 دقايق وطلعوا
رهف: اووكي يلا باي
عبدالله: باي
نزل عبدالله التلفون اللي كان بايده واهو اللي عطته اياه عذوب وقلب التلفون وشاف الحروف اليابانيه اللي كان ناقشها لما كان باليابان....اللي اهي حروف اسمهاا مو اسمه مثل ما قال حق رهف.....ويمسح بصبعه على الحروف ويرجع يبجى غصبن عليه...
بعدين حاول بسرعه يمسح دموعه بس كانت عينه منتفخه وويهه أحمر وباين انه كان يبجي....
طلعوا أم عبدالله ورهف ورغد من العرس واركبوا السياره....
رغد: والله كان خوش عرس
رهف: اي حيل وناااسه...واااي ماني مصدقه عذوب حبيبتي تزوجت
أم عبدالله: والله هالبنت تستاهل كل خير...الله يوفقها
وظلوا يسولفون عن العرس وولا واحد فيهم انتبه على عبدالله اللي كان ساكت طول الوقت وقلبه يتقطع ويحترق......
عشر دقايق ووصلوا البيت....
عبدالله على طول وقف السياره ونزل ودخل قبلهم بسرعه وراح غرفته وصك عليه الباب....
قط غترته وعقاله....وقعد على الكرسي وحط ايدينه الثنتين على راسه....كان ماسك نفسه ما يبي يرجع يبجي.....بس شلون ما يبجي واهو بس يفكر فيها وانها خلاص راحت منه للأبد وعمرها ما راح تكون له!!!
وبدا يبجي حيـــل ويشاهق بصوت عاالي لدرجه رهف اللي كانت ماره بالممر اسمعته وبدت تطق عليه الباب....
رهف خايفه: عبدالله .... عبدالله شفيك؟؟ افتح البااب
عبدالله ما كان يرد...
رهف بدت تصرخ: عبدالله شصاير؟؟؟ افتح الباااب
عبدالله: رهف روحي
رهف: عبدالله لا ما راح اروح يلا افتح خوفتني
عبدالله يصرخ: رهف بس روحي خلاص روحي
رهف: ما راح اتحرك من مكاني....عبدالله تكفى افتح الباب
عبدالله ما يتحمل احد يشوفه يبجي وراح بسرعه غسل ويهه ورهف كانت بعدها تطق الباب وراح وفتحلها...
عبدالله وصوته يرجف: رهف ما فيني شي
اول ما فتح الباب وشافته بهالحاله وكان ويهه حيل أحمر وعيونه حمرا ومنتفخه شوي اخترعت...
رهف ابلعت ريجها: عبدالله!! شفيك؟؟
عبدالله كان يبي يرجع يصك الباب بس ما خلته ودخلت....
رهف: عبدالله كنت قاعد تبجي!! ليش؟؟ شصار؟؟
عبدالله صار يبلع ريجه لان حس انه خلاص لو تكلم بيرجع يبجي جدامها...
رهف: عبدالله كلمني قولي شفيك
عبدالله بدا يبجي : عذوب راحت
رهف انصدمت: هاه؟!!!
عبدالله: رهف عذوب راحت خلاص
رهف بدا قلبها يطق ومو مصدقه كل هذا عشان عذوب....
عبدالله تسند على الطوفه ونزل على الأرض وحط ايده على ويهه ما يبيها تشوف دموعه...
رهف حست انها قاعده تتقطع لان اول مره تشوف دموع اخوها واللي صادمها ان كل هذا حق رفيجتها عذوبّ!!!
رهف: عبدالله من صجك!!! يعني انت تحب عذوب؟؟
عبدالله: انا طول عمري أحبها
رهف: انزين وينك من قبل ما تكلمت؟!!!!
عبدالله واهو يبجي : كله مني.....كله مني انا فهمته غلط
رهف ويهها انصفق: هاه؟ّّّ!!!! فهمت منو غلط؟؟!!
عبدالله: انا كنت ابي احترم رغبته وطلعت غلطااان
رهف: عبدالله انت شقاعد تقول؟؟؟ فهمني ؟؟ منو اللي فهمته غلط؟!!!
عبدالله كان قاعد يبجي ومو قادر يتكلم وتحاول رهف تهديه...
رهف: عبدالله شوي شوي قولي....فهمني منو هذا اللي فهمته غلط؟؟!!
عبدالله حاول يهدا شوي وبلع ريجه: تذكرين اليوم اللي قلتلج بروح فيه الحداق مع بو فيصل؟؟
رهف: اي؟؟!!
عبدالله قام يقولها اللي صار.....
عبدالله وبوفيصل كانوا واقفين ويتكلمون.....
بوفيصل: ها عذوب نايمه عندكم هاليومين
عبدالله: اي صح
بوفيصل: تدري انا كلش ما احاتيها لما تروح عندكم ولو بيت ثاني جان مستحيل خليتها تنام او تروح هناك خصوصا انك هناك وريال بالبيت بس انا أثق فيك
عبدالله بلع ريجه وسكت.....
بو فيصل: لازم تعرف اني انا اعتبرها أمانه عندك وانا أثق فيك بشكل مو طبيعي وهذا وانا ما أثق بأي أحد
عبدالله: لا تحاتي عمي انا قد الثقه
بوفيصل: وانا ادري انك تخاف عليها مثل ما تخاف على خواتك
عبدالله انفعل: عمي خلاص لا تكمل فهمت عليك
بوفيصل: اللي احب اوصله لك ان....
عبدالله: ادري عمي خلاص والله عرفت وما يحتاي تكمل
بوفيصل: انت خوش ولد وتستاهل كل خير
بوفيصل: تسلم عمي
-------------------------------------
رهف: شنووو!!!! عبدالله من صجك انت؟؟!
عبدالله: رهف هذا انا اللي فهمته منه!! وانه يبيني اكون مثل أخ حق بنته ومن حقه يطلب اللي يبيه اهو ابوها وانا لازم احترم رغبته....صرت احاسب نفسي كل ما اكون معاها واحاول كثر ما أقدر ما أتمادى !! ما تتصورين شكثر كنت أتعب وانا أسوي جذي...مرات انسى نفسي من كثر ما احبها وارجع معاها عادي وعقبها الوم نفسي وأعصب على اللي سويته وهذا اللي خلاني أصير مع ريم وهذا اللي شجعني أسافر بس عشان أساعد نفسي أنساها.....
رهف بس ساكته وتسمعه ومصدومه...
عبدالله: كنت دايما أقول ان عادي اكيد راح انساها وانه حب مراهقه وانه عادي اعجاب بس............
عبدالله سكت شوي ورجع تكلم...
عبدالله: تدرين اليوم شيقولي!! يقولي كنت اشوفك معاها...!!! كله مني... انااا غبي...ما أفهم
رهف انصدمت واسكتت ومو مصدقه ان هذا السبب اللي خلى عبدالله يوخر عنها ويبتعد وانه كان يحبها وبعده يحبها!!!
http://www.4shared.com/file/101314245/46fd964b/__-___.html?s=1
متيّم بالهوى يروي
حكاية حب مخفيّـة مع من عاش وياهم
ولولا الأمر ما يحوي
ما قلت الذي بيّـه ولكن بعد فرقاهم
لقيت القلب يهواهم
خطاي والخطى ما هو خطاهم
مكتوب الشقى ليّه
معاهم صادق النيّه
خلوني مع نفسي
شوقي زاد حنيّـه من اللهفة لعيناهم
أراجع ذكريات أمسي
و ماضي ما حصل ليّه بعد ما عز لقياهم
بالود قلبي يسقاهم
عساهم يذكروا ودي عساهم
في الروحات والجيّـة
معاهم صادق النيّة
ما حيلتي ما أسوي
رقيق القلب والنية ولا أدري عن نواياهم
بصدق الحب لهم أنوي
وأعلنها علانية قلبي كيف ينساهم
محلّق بين اجواهم
وراهم حيث ما رحلوا وراهم
وهم ما فكروا فيّ
معاهم صادق النيّة
أسير الحب لمن أشكي
والعشاق موليّه من يصغي لشكواهم
على حظي أنا أبكي
لأني ما معي حيلة لأكسب بها رضاهم
ولا أقدر أقول ماباهم
هواهم كل شيء عندي هواهم
وأفديهم بعينيّا
معاهم صادق النيّة
تـــم البــارت الـرابــع عشــر
بنات والله هذا كان السبب تخيلوا !!!
وايد اتعبت نفسيتي وانا أكتب هالبارت :0bee2e8d89:
بنات فديتكم مو عشان عذوب تزوجت ما تكملون الروايه ,, شوفوا الأشياء اللي بتصير للاخر
البارت الـرابـع عشــر
ثــاني يــوم من عرف عبدالله عن عـرس عذوب....
عبدالله: رهف قوليلي ولد منوو؟؟؟
رهف: ليش الا تعرف؟؟
عبدالله: بس قلتلج بسأل عنه
رهف: البنت عرسها باجر ورايح اليوم تسأل عنه!! شالفايده؟!
عبدالله: رهف لا اتيننيني اذا ما قلتيلي راح اعرف اسمه من بطاقة الدعوه
رهف: اووف انزين اسمه سليمان الـ.......
عبدالله: شسم أبوه؟؟
رهف: سليمان راشد الـ...... ,,, ارتحت؟؟
عبدالله: مشكوره.....ااااه رهف
رهف: شنو بعد؟؟
عبدالله: اهيه تحبه؟؟؟
رهف: عبدالله ممكن أعرف شفيك؟؟
عبدالله: لا بس يعني مو مجبوره فيه او شي؟؟
رهف: لا وين قاعدين!! شنو مجبوره فيه ؟؟ عمي جاسم مستحيل يجبرها على شي وبعدين اهيه أكدتلي انها برضاها ومقتنعه فيه
عبدالله ضاق خلقه: انزين اهم كانوا يحبون بعض؟؟؟ يعني شلون عرفها؟؟
رهف: شالأسئله اللي نازله عليك؟؟!
عبدالله: رهف قلتلج ان عذوب اعرفها من سنين ومثل اختي وتهمني
رهف: انزين.....اهو معاها بالكليه ويحبها من زمان بس ما كانت تعطيه ويه وبعدين بعد فتره اكتشفت ان بعده يحبها واقتنعت فيه
عبدالله بلع ريجه : اهااا
رهف: في شي ثاني بعد تحب تعرفه؟؟
عبدالله: لا بس خلاص....
رهف حست ان فيه شي : عبدالله لا يكون.....
عبدالله: لا يكون شنوو؟؟
رهف: لا يكون تحبها؟؟؟
عبدالله ارتبك: هاه؟؟!!! لا لا شفيج؟! انا الحين أصلا مع ريم
رهف: اي صح.... وينها صمغ باتكس؟
عبدالله: نعم؟؟؟؟
رهف: لا يعني غريبه انت بالكويت من جم يوم وما تعدي علينا
عبدالله: انا بفهم شنو اللي فيها يخليج جذي ما تحبينها؟؟
رهف: لا جذي ما راح اخلص... "قول شنو اللي فيها احبه" احسن
عبدالله: البنت شفتي منها شي؟؟
رهف: عبدالله انا اللي قاهرني ان انت كان مبدأك أول ان ما تحب البنت تركض ورا الريال صح؟؟ شاللي خلاك تغير تفكيرك؟؟
عبدالله: اول شي اهي ما كانت تركض وراي وكان كل اللي بينا زماله ومع الوقت تطور يعني ما كانت داخله علي بقوه من البدايه
رهف: اهاا اي اووكي اووكي
عبدالله: ترى مالي خلقج
رهف: انت أصلا تشوف نفسك معاها بعدين؟؟؟
عبدالله زهق: رهف انا ماشي .... يلا باي
عبدالله كان مقموت ومخنوق بس يحاول يفهم نفسه ان ما فيه شي وأصلا مافي شي بأيده يسـويه و يحس انه مقيد و مشتت ومشاعره متضاربه....
دق على رفيجه مساعد.....
عبدالله: صباح الخير
مساعد: يا صباح النور...هلا والله
عبدالله: وينك امس كل ما ادق عليك يطلعلي مشغول؟!!
مساعد: هاه؟؟ اي كان معاي خط ضروري
عبدالله: المهم انت الحين مصحصح ولا دايخ؟؟
مساعد: ااااه عادي ,,,, ليش شنو في؟؟
عبدالله: بغيت أسألك عن واحد اذا تعرفه
مساعد: منو؟؟
عبدالله: سليمان راشد الـ....
مساعد: اممممم مادري والله بس لا جنه ما اعرفه
عبدالله: مالك فايده خلاص ارجع نام
مساعد: انزين ليش تسأل عنه؟؟
عبدالله: لا بس بعرف شيطلع
مساعد: أسئلك وأشوف
عبدالله: يلا اوكي.....اكلمك بعدين عيل
مساعد: ماشي
عبدالله: مع السلامه
مساعد: مع السلامه
وعبدالله بدا يدق على ربعه وناس يعرفهم يسألهم عن سليمان وشلونه واذا خوش ولد او لا.... واللي سألهم وعرفوه امدحوله اياه ويحس انه تطمن عليها وقلبه ارتاح....
عذوب في غرفتها قاعده تفكر.....
تحس انها مخنوقه وان خلاص من باجر حياتها راح تتغير وان سليمان اهو الانسان اللي راح تعيش معاه باجي عمرها.....اهي حبت سليمان لان وايد طيب ويحبها حيل بس مشكلة سليمان انه مو عبدالله....مو عبدالله اللي طول عمرها ما شافت نفسها الا معاه.... اهي تدري انها بعدها تحبه ...وتدري ان راح يظل له مكان في قلبها وما راح تنساه لو شنو ما صار.....
بس حست انها اتعبت واهي تنطر منه شي وخلاص اكتفت وما تقدر تتحمل بعد أكثر بروده معاها.... تبي تتزوج قبل ما ايي يوم وتسمع ان عبدالله خطب ريم لان تدري هاليوم راح يذبحها....ففكرت انها تاخذ هالخطوه قبل ما اهو ياخذها وعلى الأقل ما تحس انها وحيده وفي من يحبها وموجود معاها....
ما عاد باقي لـ دقة القلب
حاجهـ ..
!مدام .. اللي نعشقهـ .. فيهـ ماحس
خلَّهـ يموت القــلب ما أبي علاجهـ
يمكن
بعد فرقاي..{ يستوعِب }..الدرس
روابي قاعده بالشقه وتبـجي على نفسها......
سعود بعده قاطع روابي من فتره واهي حاولت تدق عليه أكثر من مره بس ما يرد عليها وحاسه بقهر وقامت وراحت بيت اهلها لان ملت واهي كل هالأيام قاعده بروحها....
روابي اول ما شافت امها اخنقتها العبره....
ام عبدالله استغربت لان اليوم مو يوم يمـعه اللي بالعاده تزورهم فيه...
أم عبدالله: روابي!!!
روابي: هلا يمه شلونج ؟؟
أم عبدالله: زينه الحمدالله.....شيايبج اليوم؟؟
روابي: لا بس قلت ايي اشوفكم واقعد معاكم
أم عبدالله: مو على أساس سعود ما يرضى الا يوم اليمعه ايتيينا؟؟
روابي اسكتت لان تحس لو تكلمت راح تبجي.....
أم عبدالله: شفيج؟؟؟ صار شي بينج وبينه؟؟؟
روابي ما قدرت تتحمل اكثر واركضت على امها وبدت تبجي....
ماجيت احدد واشتكي لك مكاني..
ولاجيت أبين للمشاريه نبره
غصب(ن) علي تحكي عمايل زماني..
وش حيلة المكتوم لآثار صبره..
أم عبدالله: هاو شفيج؟؟؟ شصار؟؟ قوليلي
روابي بس تبجي مو قادره تتكلم....
أم عبدالله: اسم الله عليج.....تعالي تعالي
وودتها معاها غرفة روابي وقعدتها على فراشها.....
أم عبدالله: قوليلي شفيج؟؟
روابي: انا وسعود تهاوشنا
أم عبدالله: على شنو؟؟
روابي اسكتت ما تدري شتقولها !!!
أم عبدالله: مو مرتاحه معاه صح؟؟؟
روابي واهيه تبجي هزت راسها بمعنى " لا "
أم عبدالله: اكيد توقعت هالشي...بعد الريال متزوج وعنده يهال وبيت ومسؤوليات شي طبيعي ما راح ترتاحين معاه
روابي: يمه مادري شسوي
أم عبدالله: مو ياما قلنالج وما كنا نبيج تاخذينه بس انتي عاندتي واصريتي عليه وما طعتينا
روابي بس تبجي......
أم عبدالله: شتسوين الحين؟؟؟ شبتقولين حق أبوج؟؟؟
روابي: لا يمه لا تقولين حق ابوي اهو من غير شي زعلان وما يكلمني
ام عبدالله: اكيد ما راح أقوله .... لو يعرف راح يقلب الدنيا عليج ويكسر راسج ويردج بيت ريلج
روابي: انا استاهل ... انا استاهل اللي قاعد يصير فيني
وقامت تبجي حيل وتشاهق وامها تقطع قلبها عليها.....
أم عبدالله: ميخالف روابي تحملي شوي لان توكم متزوجين....ردي بيت ريلج وحاولي انج تعدلين الوضع بينكم
روابي هدت شوي وامسحت دموعها.......
روابي: يمه انتي تحبيني؟؟
أم عبدالله سكتت وتفاجئت من سؤالها: انتي بنتي اكيد احبج
روابي : يمه ليش كنتي تدعين علي؟؟؟ انتي ما تدرين شقاعد يصير فيني
أم عبدالله : ليش؟؟؟ شقاعد يصير فيج؟؟؟
روابي: يمه انا تعبت ...
أم عبدالله: روابي اللي يصير فيج نتايج أفعالج.... كنتي عايشه حياتج على كيفج وشوفي شنو اخرتها....لازم تتحملين مسؤوليه أخطائج
روابي ما قامت تتحمل كلام امها تلومها وبدت تبجي مره ثانيه....
دخيلك تخـــــــلي ضايق الصدر في حــــــــاله
تـــــــــراني على حد البكاء لاتبكينــــــــــــــي
أم عبدالله: بس خلاص خلاص لا تبجين....قومي غسلي ويهج قومي
روابي: يمه خليني بروحي شوي
أم عبدالله: انزين غسلي ويهج وصلي واقريلج شوي قران عشان تهدين
روابي: انزين يمه بس خليني الحين بروحي
أم عبدالله: انزين بطلع
واطلعت أم عبدالله وصكت وراها الباب.....
روابي منسدحه على فراشها وبس تبجي..... قاعده تفكر بحياتها.... وشلون كل هذا يصير فيها..... ووين كانت اول ووين صارت الحين....
تطالع غرفتها وتتذكر طفولتها وايام ما كانت المشاكل أبسط من جذي والحياة أحلى....تمنت ترجع طفله لما كانت الحياة أبسط والأمور مو بهالتعقيد.....
تعيـد شريط حياتها وتتذكر كل اللي فات....
روابي بقلبها: لو اني حبوبه مع الناس.....لو اني ما تعرفت على البنات اللي خربوني.....لو اني ما تعرفت على سعود....يا ليت ما وقفت سيارتي....ياليتني ما حبيته.....يا ليت عمري ما خذيت الرقم منه.....يا ليت ارجع بالزمن وما أكرر أغلاطي.... ياليت وياليت....
مليت من ياليت !!
ومليت من لو !!
مدري متى يدور الوقت وارتاح مني !!!!
ريم أكثر من مره حاولت تدق على عبدالله بس ما يرد عليها.....وخافت
ريم طالعه مع اختها أنوار......
ريم: اووه أنوار بعده ما يرد علي ... مادري شفييييه!!!
أنوار: يمكن نايم
ريم: ما يصير صارت الساعه 3 وبعده نايم!!! انا من الصبح أدق عليه
أنوار: وايد ترى قاعده تحاتين انتي
ريم: مادري احسه زعلان مني....اخاف عرف شي ومايبي يكلمني
أنوار: لا لا ما أعتقد يدري عن شي بس مثل ما قلتلج يمكن نايم وما يدري عنه
ريم: بحاول بعد ساعه واذا ما رد بدق على أخته أشوف شسالفته
أنوار: اي اوكي
عذوب كانت قاعده بدارها وتبجي.....وبس دقت عليها رهف بسرعه امسحت دموعها وامسكت نفسها وشالته...
عذوب: اهلين
رهف تغنى: مباركين عرس الأثنين ليلة ربيع عيني قمرى
عذوب: هههههههههههه اي انتي المهم لازم تغنيلج شي حق عايشه المرطه
رهف: ههههههههه اي عايشه المرطه حبيبتي...اختي بالرضاعه
عذوب: ههههههههه اهم شي
رهف: عذووب رااح اووله عليييج لما تسافرين
عذوب: بعد قلبي وانا بعد والله بس كلها ثلاث أسابيع
رهف: ما احبه سليمان بياخذج مني اهئ اهئ
عذوب: ههههههههه عاد انا قلتله مالي شغل رهف لازم اشوفها دايما فكيفك تتحمل
رهف: هههه وشقال؟؟
عذوب: لا عاد اهو حرام ما يقول شي .... كله عادي وميخالف
رهف: يحليله... انزين ها شلون النفسيه؟
عذوب: امممممم والله متوتره وايد
رهف: انزين شتسوين انتي الحين؟؟؟
عذوب: ماكو الحين قاعده بغرفتي
رهف: انزين اذا ما عندج شي الحين تعالي عندي شوي
عذوب: امممم
رهف: يلا قعدي عندي شوي لا تطولين....يلا عفيه ابي اقعد معاج قبل ما تسافرين
عذوب: ااااه اوكي شوي وامشي
رهف: اووكي تمااام انطررج عيل
عذوب: اوكي يلا باي
رهف: باااي
عذوب عشان كانت حاسه نفسها مخنوقه كان ودها تطلع من البيت شوي وتقعد مع رفيجتها.....
روابي كانت منسدحه على فراشها وتفكر.... وتحس انها حنت حق سعود وودها تشوفه وتكلمه وتقعد معاه....
حنيت له والقلب بالبعد ملزوم
وش حيلتي لااشتقت له ولالقيته
غصون طقت الباب عليها ودخلت....
غصون : هااااي....توني اعرف من امي انج اهني
روابي: هلا والله
غصون: هاا شلوونج؟؟
روابي: هلا حبيبتي تمام
غصون: انزين بسألج....بعدج ما عرفتي اذا بنت او ولد؟؟
روابي: لا مادري
غصون: انزين اذا بنت شنو راح تسمينها؟؟
روابي: اااه مادري
غصون: جم شهر بقالج؟؟
روابي: امممم حوالي 6 أشهر
بالصج بقالها 4 أشهر بس ما تقدر تقولهم لان راح يعرفون انها كانت حامل قبل ما تتزوج رسمي....
غصون: وناااسه ماني مصدقه راح أصير خاله
روابي: اي ان شاء الله
غصون: شفيج؟؟ أحسج متضايقه!!
روابي: لا عادي ما فيني شي بس تعبانه شوي
غصون: عيل اطلع واخليج ترتاحين؟؟؟
روابي: اااه تعالي انسدحي شوي يمي
غصون: امممم ليش؟؟؟
روابي: اذا عندج شي خلاص روحي
غصون: لا لا عادي مو مشكله انسدح...
وقطت روحها على الفراش وتمددت يمها....
غصون: روابي اذا فيج شي قوليلي
روابي: لا انتي سولفيلي....شلونج مع العطله؟؟
غصون: امممم كله سهرانه واطالع تلفزيون
روابي حست براحه شوي واهي تسولف مع اختها الصغيره....حتى لو كانت سوالف عاديه ومالها داعي بس على الأقل يلهيها شوي وينسيها همومها وسعود....
عذوب وصلت بيت رهف وقاعدين بالصاله يتكلمون.....
رهف: شنووو شعوورج؟؟؟
عذوب: والله مرعووبه
رهف: اي ما تنلامين الصراحه....حتى انا متوتره مادري الشكوو اللي يقول عرسي باجر
عذوب: اي بعد رفيجتي لازم تعيشين الوضع معاي
رهف: اي والله بس أفكر فيج
عذوب: حبيـــبتي انتي والله
يرن تلفون رهف.... وشافت اللي داق ريم واعفست ويهها وطنشته وحطته سايلنت
عذوب: ليش ما رديتي؟؟
رهف: مالي خلق ارد مو وقتها
عذوب: ههههههه اهاا عرفت منو اللي داق
رهف: مادري اشتبيني اسويلها يعني وبعدين عبدالله مو موجود بالبيت فالشكو داقه علي!!!
عذوب: اهاا مو موجود
رهف: اي مادري عنه طالع من الصبح
عذوب: اهاا
رهف: تدرين قبل امس درا ان عرسج باجر
عذوب: اي؟
رهف: تدرين من وقت ما عرف احس فيه شي مو طبيعي
عذوب: لا والله!!! يعني شلون؟؟
رهف: مادري حسيته على أعصابه وبعدين قام يسألني منو راح تاخذ وخل أسأل عنه ومادري شنو
عذوب: ليش يعني اهمه وايد!!!
رهف: انا قلتله نفس الشي وقالي اكيد يهمني لان عذوب مثل اختي واعرفها من زمان ومن هالكلام
عذوب: اهاا اي اوكي
رن تلفون عذوب واللي داق سليمان.....
عذوب: هلا والله
سليمان: هلا فيج....شلونج؟؟ وشقاعده تسوين
عذوب: والله تمام وعند رهف انا الحين بقعد عندها شوي وماشيه
سليمان: اخذي راحتج حبيبتي وسلميلي عليها
عذوب: الله يسلمك..... وانت وينك؟؟
سليمان: انا والله ماكو كنت نايم وبعد شوي بطلع مع اخوي نقعد بمكان
عذوب: اهاا اوكي
سليمان: يلا حبيبتي تامرين على شي؟؟
عذوب: لا والله ....سلامتك
سليمان: مع السلامه
عذوب: بااي
وصكت الخط......
عذوب وايد حياويه مع سليمان وبعدها تحس ما خذت عليه بس اهم شي عندها انها متقبلته وتشوفه مريح وطيب ويكفيها ان يحبها وايد ودايما يبينلها هالشي....
عذوب: يسلم عليج سليمان
رهف: الله يسلمه.... اهو شكله جدي شوي صح؟؟
عذوب: امممم اهو طبعه هادي بس مو جد جد يعني لا عادي يضحك ويسولف
رهف: اهااا اوكي
ريم بالسياره مع اختها......
ريم: أنوار مو قاعده ترد عليي!!!
أنوار: بسج تتحلطمين أذيتيني
ريم: لا والله صج يمكن عبدالله قايلها لا ترد
أنوار: انتي الحين مصره ان عبدالله عرف !! صدقيني ما يعرف شي لو يدري جان ما سكت اكيد
ريم: لا والله أنوار قاعده احاتي .... انتي تدرين اني احبه وايد واخاف اخسره
أنوار: شبتسوين يعني الحين؟؟
ريم: بروحله البيت
أنوار: من صجج انتي؟؟!!! وايد ترى قاعده توسوسين على الفاضي
ريم: بالله وصله كلام من احد ثاني وفهموه الموضوع غلط!!! لازم اكلمه واوضحله
أنوار: نطري لي باجر واذا ما رد روحيله
ريم: لا لا ما أقدر بروحله اليوم ما أقدر لازم اعرف شفيه لان اول مره يطنشني جذي!!
وغيرت طريجها عشان تروح بيته......
ريم: اخاف بعد صار فيه شي بروح اتطمن
أنوار: وفجأه جذي بطقين على بيت الناس تسألين عنه؟!
ريم: اي عادي اهم يعرفوني وقبل ما يسافر كنت كله عندهم ومع اخته
أنوار: مادري عنج والله كيفج
بـعد 10 دقايق وصلوا بيت عبدالله وطقوا الجرس وافتحتلهم الشغاله....
ريم: سلام....موجوده رهف؟؟
الشغاله: اي موجود
وادخلت اهي واختها وودتهم الشغاله عند رهف بالصاله وتفاجئت انها يايه....
رهف: ريم!!!!!
ريم: هاي رهف شلونج؟؟؟
عذوب لحد الحين لما تشوف هالبنت معدتها تقلب وتنقث.....
ريم سلمت على رهف وباستها وعذوب قامتلها وسلمت عليها بس بأيدها....
ريم: شلونج عذوب؟؟
عذوب: تمام بخير
ريم: هذي اختي أنوار؟؟
رهف وعذوب: هلا والله
أنوار كانت بنت يثله شوي ومو حلوه بحلاوة ريم اختها وملامحها دفشه شوي وكله تنفس على الناس اللي ما تعرفها...
أنوار: أهلين
ريم : كنت ادق عليج ابي اكلمج بس ما تردين علي !!
رهف: وي صــــج!!! سوري ناسيته سايلنت.... اووه اي والله 5 مس كولز متى هذا؟!!
ريم: ما عليه حبيبتي.....انزين امممم ما تدرين عبدالله شفيه؟؟؟
رهف: ليش شفيه؟؟؟
ريم: مادري من الصبح ما يرد كلش على التلفون
عذوب نغزها قلبها واخترعت وخافت يكون صار فيه شي!!
رهف: لا والله!!! مادري عنه اهو طالع من الصبح.... خل ادق اشوفه
ريم: اي ياريت والله
رهف خذت تلفونها ودقت على عبدالله مره....مرتين.....ثلاث بس ما يرد!!!
رهف: مو قاعد يرد!!
عذوب توترت: ما قالج وين كان رايح؟؟
رهف: لا مادري ما قال!!
ريم: ياربي مادري شفيه !! ليش جذي مو قاعد يرد على احد ؟!
رهف: مادري عنه بس اخاف متضايق من شي لان اعرفه اذا كان متضايق يصير ما يبي يكلم احد
ريم خافت: متضايق؟؟!! متضايق من شنوو؟؟؟ مااا قال؟!
رهف: مادري لأ ما قال شي !!
عذوب: انزين حاولي مره ثانيه
ريم: اي بليز ظلي حاولي
وردت رهف تدق عليه وعقب 3 محاولات رد....
رهف صرخت: عبوووود....انت وينك؟؟!! صارلك شي؟
عذوب وريم ارتاحوا انه رد.....
عبدالله: شفيج ؟؟ لا ما فيني شي
رهف: من زمان ادق عليك ما ترد!!
عبدالله: كنت مخليه بسيارتي ونازل اتمشى
رهف: من الصبح؟!!
عبدالله: كنت حاطه سايلنت من زمان ما كان لي خلق اكلم احد
رهف: انزين شفيك؟؟؟
عبدالله: ما فيني شي عادي
رهف: اكيد ما فيك شي؟؟ مو متضايق!!
عبدالله: لا لا مو متضايق عادي
رهف: اااه انزين ترى ريم عندنا يات تسأل عنك
عبدالله: اهاا صج.... قوليلها بعدين اكلمها
رهف: اوكي....تبي شي؟؟
عبدالله: لا مشكوره
رهف: اوكي عيل يلا باي
عبدالله: باي حبيبتي
وصك الخـط.....
ريم: شقالج؟؟ متضايق؟؟ فيه شي؟!
رهف: لا لا يقول ما فيه شي عادي
ريم: اكيد؟؟ ليش عيل ما يرد ؟
رهف: يقول انه مخلي تلفونه بالسياره ونازل
ريم: اهااا!! ما قالج متى ياي؟؟
رهف: لا والله ما سألته
ريم: اووكي مشكوره حبيبتي
رهف: لا عادي ما سويت شي
وفجأه ريم وأنوار اقعدوا معاهم على القنفات..... ورهف وعذوب طالعوا بعض واعفسوا ويوههم!!!
ريم ارتاحت: واااي اشوه انه ما فيه شي كنت احاتيه
رهف: عادي ترى اهوه مزاجي شوي
ريم: اي اخوج ادري فيه..... بس والله كنت احاتيه الحمدالله ما فيه شي
أنوار: قلتلج ان قاعده توسوسين بس ما تدرين علي
عذوب كانت قاعده يم رهف وأشرتلها انها بتقوم بس رهف ماسكتها ومو مخليتها تروح....
عذوب بصوت واطي: بس بمشي
رهف: لا مابي خليج معاي
عذوب: مابي ويع ويع والله ويع بقوم
رهف: هههه ادري عشان جذي ما يصير تخليني اعاني بروحي
ريم وانوار كانوا يطالعونهم بس مو قادرين يسمعون شي....وخصوصا أنوار نظراتها لهم كانت تخرع فخافوا منها.....
ريم حست ان يبونها تمشي: أقول احنا ماشيين حبيبتي
رهف: لا ليش خليكم
عذوب عطت رهف نظره.....
أنوار بنفسيه: لا ما عندنا وقت
ريم: عفيه اذا شفتي عبدلله قوليله خل يكلمني
رهف: ان شاء الله
ريم: مع السلامه
رهف وعذوب: مع السلامه
ومشوا ريم وأنوار......
رهف: وأخيــرااااا
عذوب: انتي الله يعيـــنج....شنو هذيله؟!
رهف: ايييه وااااي....أولك هيدي البئرة اللي بتعمل جبنة كيري؟؟
عذوب: هههههههههه لكن هيديك شو بتعمل..حليب ولا أشطة
وقاموا يحشون فيهم ويضحكون عليهم ويتطنزون......
بالسياره.....
أنوار: ارتحتي؟؟؟
ريم: لا انا ما راح ارتاح الا لما أصارحه
أنوار: مينونه لو سويتيها
ريم: لا احسن شي اني أقوله كل شي وارتاح وان شاء الله يتفهم
أنوار: والله كيفج بس راح تتحسفين....
ريم: لا ان شاء الله ما اتحسف
مشت عذوب وراحت بيتها وعبدالله ما رجع البيت الا الساعه 1 الفير... كانوا كل اللي بالبيت نايمين ودخل غرفته وصك على نفسه الباب...
يـوم عرس عذوب....
عبدالله بهاليوم كان مو طبيعي وما يتحاجى مع احد وكل ما احد يحاول يكلمه يصرخ عليه وينفعل.....
رهف تطق عليه الباب....
رهف: عبوود...عبوود
عبدالله يصرخ: نعم؟؟؟ مو قلت ما ابي احد يأذيني
رهف: عبدالله بكلمك بس شوي
عبدالله عصب : اووووه
وفتح الباب....
عبدالله: نعم؟؟؟
رهف اخترعت: شفيك؟؟
عبدالله: الحين اشتبين؟؟
رهف: نبي احد يودينا العرس لان السايق اليوم اجازه
عبدالله سكت وحس انه مخنوق: وين عرسها؟؟
رهف: مسوينه في بيت عذوب
عبدالله توتر: ماكو احد ثاني ممكن يوديكم؟؟ رغد وينها؟؟
بعدين تذكر عبدالله انه ما يبيهم يرجعون من العرس متأخر بنات بروحهم....
عبدالله: خلاص خلاص انا اوديكم
رهف: انزين انت أساسا معزوم يعني اول وتالي بتروح مو صح؟!
عبدالله بلع ريجه : اي صح
رهف: اوكي يلا عيل ننطرك
عبدالله: انزين
صك الباب وقام يحوس بالغرفه رايح راد ومتوتر وعلى أعصابه ويحس انه مخنوق ومو قادر يتنفس عدل..... يقعد شوي على الكرسي ويحط ايدينه على راسه ويفكر.....ويهز ريوله ويحس انه ضايع ومقهور وأعصابه مشدوده..
عبدالله يكلم نفسه: عبدالله شفيك !! يعني اكيد كان هالشي اول وتالي راح يصير.... لازم تفرحلها.... اصحى من اللي انت فيه....عذوب مو لك
قام واخذ شاور سريع ولبس دشداشته وغترته ونزل تحت وتبخر....
الكل لاحظ عليه ان كان فيه شي بس ساكتين لان مالهم خلق يقولون شي وينفعل عليهم....
عبدالله عقب ما تبخر طلع على طول بره وما كلم احد!!
أم عبدالله: شفيه هذاا؟؟!
رهف: مادري عنه؟!
أم عبدالله: امشوا شكله شغل السياره لا يروح عنا
وقاموا وطلعوا اركبوا السياره معاه وكانوا طول الطريج كلهم ساكتين....
وصلهم عند الباب واول ما شاف البيت اللي كان قصر وكله ليتات ومنور حس انه مو قادر يتنفس واختنق فجأه....
أم عبدالله: احنا بس نخلص ندق عليك عشان اتيينااا
عبدالله: انزين
أم عبدالله: الرياييل في الديوان صح؟
عبدالله يبلع ريجه: اي صح...الحين رايح
أم عبدالله: انزين يلا عيل مع السلامه
عبدالله: مع السلامه
على طول داس وحرك السياره.....
بالبدايه ما كان يبي يروح الديوان ويبارك حق المعرس بس بعدين قال حق نفسه ان لازم يشوفه....لازم يشوف منو هالمحظوظ اللي راح تكون عذوب له واذا يستاهلها واذا بمستواها ولا لا!!
وصل عند الديوان وظل بالسياره بره قاعد.....متردد....خايف ينزل وينسى نفسه كانت خانقته العبره بس ماسك نفسه وماسك دمعته لانه اهو مو سهل عليه يبجي ومو أي شي يبجيه ومن زمان ما بجى على شي أصلا....
كل ما يفتح الباب يهون ويرجع مكانه.... بدا يعرق حيل وقام يتنفس بسرعه وبدا يقراله شوي قران لما هداا ونزل اخر شي....
اهو ويمشي داخل القاعه قلبه كان يرقع بقوه..... كان خايف يشوفه وينهار...اول ما دخل حس بجسمه يقشعر... وبعديــن أخيـــرااا شــافـه واول ما شـافه بلع ريجه وبدا يرجف و قلبه تقطع من الغيــره ....تـمنى لو انه بمكانه...
وظل واقف وبس يطالعه من بعيد....
أبد .. ما جيت ابارك ولكن جيـت باوصّيـك
على الله ناوي ٍ تدخل بهـا الليلـه .. مُعذّبْتـي
ترى لولا الظروف اللي عطتْك وحدّت محاكيك
قسم بالله ما تدخل عليهـا لـو علـى رْقبْتـي
ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتي
تراها غاليه جـداً .. وتكفـى .. والله يخليـك
تـدللها .. تدلعهـا .. تنسّيـهـا مصاحبْـتـي
أنا من كثر ما اغليها أحس اني بديـت اغليـك
ولا تسـأل بأيّـة حـق ولا ّ وش مناسبْـتـي
لإنك لو بتسألني بتسمع شـيء مـا يرضيـك
لذا ياخـوي لا تسـأل ولا تسمـع لأجوبْتـي
أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي
فداعبها شوي شـوي حتـى تشتهـي طاريـك
وشاغبها إلين تقـول لـك: بطّـل مشاغبْتـي
واذا هي مالها خلقك..ولا تضحك ولا تسلّيـك
تحمّلها وإسألهـا: يـا عمـري ليـه عصّبْتـي
وبالك اسمع انّك يوم تضربها وهـي تشكيـك
ما يحتاج اورّي لك بفـن الضـرب موهبْتـي
صحيح انك بتملكها ومعـك الصـك بالتمليـك
وانا عارف حدود الله ومـن حقـك معاقبْتـي
ولكن قلّها المجنـون وصّانـي وهـو يعنيـك
يقول انّـه بينتظـرك ولـو شيّـب وشيّبْتـي
وانا مجنونها اللي ما نساها وانت مـا يمديـك
تغطّي ذكرياتي في هواها.. وربْـع تجربْتـي
أحس اني تماديت بكلامي.. والغضب حاديـك
ولو انّك في مكاني ما تفكّـر فـي محاسبْتـي
كفاك اني تركت الليله اشغالي عشـان اجيـك
دخلت القاعه برجلي ولا ادري ويش عاقبْتـي
وانا ما جيت اخرّب عرسك الليلـه ولا أذّيـك
أنا جيتك عشان اخاطبـك واسمـع مخاطبْتـي
توصّى..وانتبه..واحرص عليهـا والله يهنّيـك
ترى كل الكلام اللي طلَع من ضيقـيَ وكبْتـي
ولكن ما قدرت انّي أقوله وانـت مـا يخفيـك
أخاف انّـي إذا قلتـه تقـوم وتقطـع رْقبْتـي
عبدالله كان سرحان بعدين انتبه على بو فيصل يناديه من بعيد.... ابتسمله وراح يسلم عليه
عبدالله وصوته يرجف: مبروك عمي
بوفيصل: حبيبي الله يبارك فيك
وبعدين لف ويهه وشافه سليمان....
عبدالله مد ايده وسلم عليه: الف مبروك
سليمان: الله يبارك فيك
بوفيصل: هذا ولد بدر الــ...... اللي شفته توه
سليمان: اي هلا والله
عبدالله: هلا فيك
وابتسمله سليمان وما قدر يوقف عبدالله اكثر ومشى....عبدالله ارتاح حق شكله وحسه انه صج زين وخوش واحد....تطمن قلبه شوي لان اهم ما عنده بكل هذا اهي عذوب...
مشى ووقف على جنب وسـرح وكان ويهه أصفــر وشكله تعبان...... انتبه عليه بوفيصل من بعيد وراحله....
بوفيصل: ها عبدالله فيك شي؟؟
عبدالله: لا لا مافيني شي
بوفيصل: اكيد؟؟ احسك متضايق!!
عبدالله: لا عمي من صجك!! اليوم عرس عذوب وتبيني أتضايق
بوفيصل: تدري عاد....طول عمري كنت احسب انكم راح تاخذون بعض مادري ليش!!
عبدالله : هاه؟!
بوفيصل: يعني كنت دايما اشوف انت وعذوب مع بعض بس كل شي نصيب صح
عبدالله تبققت عيونه و سكت وما رد عليه.....
عبدالله: اااه عمي انا مضطر امشي الحين
بوفيصل: وين بتروح؟؟؟
عبدالله: اااه عندي شغله لازم اسويها
بوفيصل: خلاص على راحتك
عبدالله: مع السلامه
بوفيصل: مع السلامه
ومشى بسرعه وطــلع وركب السياره.... كان حيل مخنوق وفتح زراير الدشداشه لان وقام يتنفس بسرعه....
بعدين على طوول داس بالسياره لان ما كان قادر يتحمل اكثر....ظل ماشي بالشارع ما يدري وين يروح.... وكل شوي يدخل شارع ولفه ومتوتر واخر شي وصـل بيـتها مره ثانيـه.... صفط السياره بره وظل قاعد فيها.... بس يطالع البيت ويسمع صوت الأغاني وقاعد بهدوء وماسك نفسه ما يبي يبجي....
عذوب كانت ماسكه نفسها ما تبي تبجي وقامت تقول حق نفسها كلام عشان تخدع روحها ورتاح شوي.....
عذوب بقلبها : هذا أحسن قرار اتخذتيه.... جذي احسن عشان ترتاحين...لو بتمين تنطرين عبدالله راح تتعبين اكثر وانتي تعبتي بما فيه الكفايه....اهو اللي خسرج مو انتي اللي خسرتيه....
تع ـبت آكتب على آورآقكـ غ ـرآمـ وحـضرتك تمـحيهـ
تع ـبت آصبـر وآنـآإ آتآمل تح ـس فـ يومـ وش فيـني
.
.تع ـبت آضحكـ وج ـرح آلقلـب تعبني ولآ قـدرت آخفيهـ
وآدآري شـلون يـ قلبي وح ـزني وآضح فـ ع ـيني
.
.تع ـبت آسقي ورود آلغير و وردي مآعرفت آسقيهـ
آطآوع قلـبي آلمج ـنون وآجني آلهمـ بـ آيـديني
.
.
تع ـبت آشكي تع ـبت آبكي وج ـرح آلقلب كيــف آطويهـ
وآرج ـع وآبتدي مـن آولـ وآلملمـ بـآقي سنيـني
.
.تع ـبت آتآمل آوصآلك ودربك من كـثر مآ آمشيهـ
تع ـب مـن خ ـطوتي ورجـلي ترآ مآ عآد تـقويني
.
.
تع ـبت وضآعت سنيني وعمري ب آولهـ وتآليهـ
تع ـبت آذكرك كـل لح ـظة وآحآتي وآنتهـ نآسييني
.
.تع ـبت آقبل عـزآ فـ خـآفقي يـ صآحـبي وآرثيهـ
ح ــرآمـ آشلون كل مآ آحتجت لـ وجودك تخليني
.
.
آبآ آرحل وآوع ـدك قلبي آقص فـ لهفتهـ رجليهـ
وآبي ترتـآح لآ تسآل بـ غـير كل عنـآويني
.
.وآبآ آبـعد لآخر آلدنيـآإ مكـآنـ(ـن) مستح ـيل آتجيييهـ
وآبي تذكر غ ـ‘رورك لي وـقف مآ بينك وبيييني
دخــلت عذوب الـقاعـه وكان شكلها ياخــذ العــقل...والناس ينت عليـها وعلى نعومتها.....اهي وتمشي انزلت دمـعه منها مع ابتسامه وايدها كانت تـرجف من الخوف بس من قوتها قدرت تسيطر على روحها.....
بعد جم ساعه وصـل المعـرس مع السيارات والهرنات....هاللحظه اللي اكسـرته مره وحــده....اول ما شافه ينزل من السياره ويدخل البيت بداا ينتفض كل جسـمه..... عيـونه بدت تـرف....لان مو قادر يمسك دموعه اكثر من جذي ولا شعوريا بدت عيونه تـدمــع....
عذوب كانت داخـل وما تدري ان بكل اللي قاعده تحس فيه الحين نفسه اللي تحبه وتبيه قاعد يمـر فيــه....
بـعد ما سمع عبدالله زفـة المعـرس انــهاااار...وبدااا يبــجي بقووه ويشاهق.... عبدالله الشخصيه اللي ما يهزه شي هزته عذوب وبـجي عليـها دم....واستمر ساعه كامله بس يبجي بالسياره.....طلعوا المعاريس وشافهم يركبون السياره وحس بدمـه يغلي من الغيره.....اول مره يحس بجذي....اول مره يحس انه يحب انسان للهدرجه....ما تصور هالكثر كان يحبها ويبيها.....
رن تلفونه وكانت رهف اللي داقه....اول مره ما رد لان خذاه وقت على ما يحاول يمسك نفسه ودموعه.....وبعدين رد
عبدالله صوته يرجف: الو!!
رهف: عبدالله يلا وينك؟؟؟
عبدالله: اااه 10 دقايق وطلعوا
رهف: اووكي يلا باي
عبدالله: باي
نزل عبدالله التلفون اللي كان بايده واهو اللي عطته اياه عذوب وقلب التلفون وشاف الحروف اليابانيه اللي كان ناقشها لما كان باليابان....اللي اهي حروف اسمهاا مو اسمه مثل ما قال حق رهف.....ويمسح بصبعه على الحروف ويرجع يبجى غصبن عليه...
بعدين حاول بسرعه يمسح دموعه بس كانت عينه منتفخه وويهه أحمر وباين انه كان يبجي....
طلعوا أم عبدالله ورهف ورغد من العرس واركبوا السياره....
رغد: والله كان خوش عرس
رهف: اي حيل وناااسه...واااي ماني مصدقه عذوب حبيبتي تزوجت
أم عبدالله: والله هالبنت تستاهل كل خير...الله يوفقها
وظلوا يسولفون عن العرس وولا واحد فيهم انتبه على عبدالله اللي كان ساكت طول الوقت وقلبه يتقطع ويحترق......
عشر دقايق ووصلوا البيت....
عبدالله على طول وقف السياره ونزل ودخل قبلهم بسرعه وراح غرفته وصك عليه الباب....
قط غترته وعقاله....وقعد على الكرسي وحط ايدينه الثنتين على راسه....كان ماسك نفسه ما يبي يرجع يبجي.....بس شلون ما يبجي واهو بس يفكر فيها وانها خلاص راحت منه للأبد وعمرها ما راح تكون له!!!
وبدا يبجي حيـــل ويشاهق بصوت عاالي لدرجه رهف اللي كانت ماره بالممر اسمعته وبدت تطق عليه الباب....
رهف خايفه: عبدالله .... عبدالله شفيك؟؟ افتح البااب
عبدالله ما كان يرد...
رهف بدت تصرخ: عبدالله شصاير؟؟؟ افتح الباااب
عبدالله: رهف روحي
رهف: عبدالله لا ما راح اروح يلا افتح خوفتني
عبدالله يصرخ: رهف بس روحي خلاص روحي
رهف: ما راح اتحرك من مكاني....عبدالله تكفى افتح الباب
عبدالله ما يتحمل احد يشوفه يبجي وراح بسرعه غسل ويهه ورهف كانت بعدها تطق الباب وراح وفتحلها...
عبدالله وصوته يرجف: رهف ما فيني شي
اول ما فتح الباب وشافته بهالحاله وكان ويهه حيل أحمر وعيونه حمرا ومنتفخه شوي اخترعت...
رهف ابلعت ريجها: عبدالله!! شفيك؟؟
عبدالله كان يبي يرجع يصك الباب بس ما خلته ودخلت....
رهف: عبدالله كنت قاعد تبجي!! ليش؟؟ شصار؟؟
عبدالله صار يبلع ريجه لان حس انه خلاص لو تكلم بيرجع يبجي جدامها...
رهف: عبدالله كلمني قولي شفيك
عبدالله بدا يبجي : عذوب راحت
رهف انصدمت: هاه؟!!!
عبدالله: رهف عذوب راحت خلاص
رهف بدا قلبها يطق ومو مصدقه كل هذا عشان عذوب....
عبدالله تسند على الطوفه ونزل على الأرض وحط ايده على ويهه ما يبيها تشوف دموعه...
رهف حست انها قاعده تتقطع لان اول مره تشوف دموع اخوها واللي صادمها ان كل هذا حق رفيجتها عذوبّ!!!
رهف: عبدالله من صجك!!! يعني انت تحب عذوب؟؟
عبدالله: انا طول عمري أحبها
رهف: انزين وينك من قبل ما تكلمت؟!!!!
عبدالله واهو يبجي : كله مني.....كله مني انا فهمته غلط
رهف ويهها انصفق: هاه؟ّّّ!!!! فهمت منو غلط؟؟!!
عبدالله: انا كنت ابي احترم رغبته وطلعت غلطااان
رهف: عبدالله انت شقاعد تقول؟؟؟ فهمني ؟؟ منو اللي فهمته غلط؟!!!
عبدالله كان قاعد يبجي ومو قادر يتكلم وتحاول رهف تهديه...
رهف: عبدالله شوي شوي قولي....فهمني منو هذا اللي فهمته غلط؟؟!!
عبدالله حاول يهدا شوي وبلع ريجه: تذكرين اليوم اللي قلتلج بروح فيه الحداق مع بو فيصل؟؟
رهف: اي؟؟!!
عبدالله قام يقولها اللي صار.....
عبدالله وبوفيصل كانوا واقفين ويتكلمون.....
بوفيصل: ها عذوب نايمه عندكم هاليومين
عبدالله: اي صح
بوفيصل: تدري انا كلش ما احاتيها لما تروح عندكم ولو بيت ثاني جان مستحيل خليتها تنام او تروح هناك خصوصا انك هناك وريال بالبيت بس انا أثق فيك
عبدالله بلع ريجه وسكت.....
بو فيصل: لازم تعرف اني انا اعتبرها أمانه عندك وانا أثق فيك بشكل مو طبيعي وهذا وانا ما أثق بأي أحد
عبدالله: لا تحاتي عمي انا قد الثقه
بوفيصل: وانا ادري انك تخاف عليها مثل ما تخاف على خواتك
عبدالله انفعل: عمي خلاص لا تكمل فهمت عليك
بوفيصل: اللي احب اوصله لك ان....
عبدالله: ادري عمي خلاص والله عرفت وما يحتاي تكمل
بوفيصل: انت خوش ولد وتستاهل كل خير
بوفيصل: تسلم عمي
-------------------------------------
رهف: شنووو!!!! عبدالله من صجك انت؟؟!
عبدالله: رهف هذا انا اللي فهمته منه!! وانه يبيني اكون مثل أخ حق بنته ومن حقه يطلب اللي يبيه اهو ابوها وانا لازم احترم رغبته....صرت احاسب نفسي كل ما اكون معاها واحاول كثر ما أقدر ما أتمادى !! ما تتصورين شكثر كنت أتعب وانا أسوي جذي...مرات انسى نفسي من كثر ما احبها وارجع معاها عادي وعقبها الوم نفسي وأعصب على اللي سويته وهذا اللي خلاني أصير مع ريم وهذا اللي شجعني أسافر بس عشان أساعد نفسي أنساها.....
رهف بس ساكته وتسمعه ومصدومه...
عبدالله: كنت دايما أقول ان عادي اكيد راح انساها وانه حب مراهقه وانه عادي اعجاب بس............
عبدالله سكت شوي ورجع تكلم...
عبدالله: تدرين اليوم شيقولي!! يقولي كنت اشوفك معاها...!!! كله مني... انااا غبي...ما أفهم
رهف انصدمت واسكتت ومو مصدقه ان هذا السبب اللي خلى عبدالله يوخر عنها ويبتعد وانه كان يحبها وبعده يحبها!!!
http://www.4shared.com/file/101314245/46fd964b/__-___.html?s=1
متيّم بالهوى يروي
حكاية حب مخفيّـة مع من عاش وياهم
ولولا الأمر ما يحوي
ما قلت الذي بيّـه ولكن بعد فرقاهم
لقيت القلب يهواهم
خطاي والخطى ما هو خطاهم
مكتوب الشقى ليّه
معاهم صادق النيّه
خلوني مع نفسي
شوقي زاد حنيّـه من اللهفة لعيناهم
أراجع ذكريات أمسي
و ماضي ما حصل ليّه بعد ما عز لقياهم
بالود قلبي يسقاهم
عساهم يذكروا ودي عساهم
في الروحات والجيّـة
معاهم صادق النيّة
ما حيلتي ما أسوي
رقيق القلب والنية ولا أدري عن نواياهم
بصدق الحب لهم أنوي
وأعلنها علانية قلبي كيف ينساهم
محلّق بين اجواهم
وراهم حيث ما رحلوا وراهم
وهم ما فكروا فيّ
معاهم صادق النيّة
أسير الحب لمن أشكي
والعشاق موليّه من يصغي لشكواهم
على حظي أنا أبكي
لأني ما معي حيلة لأكسب بها رضاهم
ولا أقدر أقول ماباهم
هواهم كل شيء عندي هواهم
وأفديهم بعينيّا
معاهم صادق النيّة
تـــم البــارت الـرابــع عشــر
بنات والله هذا كان السبب تخيلوا !!!
وايد اتعبت نفسيتي وانا أكتب هالبارت :0bee2e8d89:
بنات فديتكم مو عشان عذوب تزوجت ما تكملون الروايه ,, شوفوا الأشياء اللي بتصير للاخر
التعديل الأخير:
