روايتي وطن عمري(أحبك لا تقول اشلون)بقلمي

[miss 3yara]

وراح انزله على موعدي 3 بالظبببط

 

[مريوم]

يلا اصوله لايوقف لايوقف لايوقف لايوقف لايوقف

 

[*الهنوف*]

ويييييي عاد قاعده اطقطق روس معدله نومي يعني بنام الحين
اذا مالحقت عليه اخليه لسهرة باجر

 

[فتاة الكئابه]

يالله بقى 7 دقايق

 

[RooRoo ^_^ Q8]

باقي 2 دقيقتين ههههههههههههههه

 

[مريوم]

باقي دقيقه

 

[حورو الحلوة]

نااااطريييييييييييينج

 

[مريوم]

يلا اصوله صار يلا يلا يلا يلا

 

[فتاة الكئابه]

59
60
3:00
الساعه3

 

[فتاة الكئابه]

يالله بنات كلنا لا نحط رد عشان تنزل البارت حلو و مرتب

 

[RooRoo ^_^ Q8]

دقت الساعه اصول يلا يلا صار ودقيقتين هههههههههههههههه

 

[RooRoo ^_^ Q8]

اثوله الحلوه يلا بليييث احنا نبي بارت لوووووووووووووووووووول

 

[RooRoo ^_^ Q8]

اصوول عطيناج خمس دقايق هديه يعني بلييز نزليه الحين هههههههههههههههههههههههه

 

[سعودية تخقق]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[miss 3yara]

بنات الحين بنزل البارت والحين لحد يرد الا لما انزل البارت واخلص

 

[لمعة سراب]

Up
up
up
waiting :*

 

[miss 3yara]

~البارت السادس والعشرون~​

ــــــــــــــــــــ​

ام فيصل واقفه جدام المنظره بعبايتها وقاطه الشيلة على جتفها وقاعده تتبخر​

فيصل:يما وين بتروحين؟!​

ام فيصل:عزا​

فيصل:عزا منو​

ام فيصل:ناس ماتعرفهم​

فيصل:انزين يما بتزوج​

ام فيصل :فصول انا جم مره اقولك غير حصة ماني مزوجتك​

فيصل:يما انا ابي ريم اشلون​

ام فيصل:انت موتقول اهلها غصبوها​

فيصل:اي وخطيبها توفى ​

ام فيصل:لاحول ولاقوة الا بالله يا يما يافيصل ياحبيبي انا ابي لك الخير​

فيصل:تبين لي الخير عيل زوجيني ريم انا مستعد الحين اروح واحجز حق قطر​

ولابوفيصل داش البيت:خير شسالفه؟!​

ام فيصل قالت له السالفه​

بوفيصل تنهد:اي خلاص اماني خل نخطبها له​

فيصل استانس وباس راس ابوه:على راسي يبا​

ام فيصل وهي واثقه من رفض اهلها:ماشي يافصيل انا بسايرك بهالموضوع لان ادري اهلها مراح يوافقون​

فيصل باس راس امه:اي جي يما ​

ام فيصل:بس ها ماكو سفره الا لما شيخة وحصةيردون ​

فيصل:لايكون حصوه بتيي ويانا​

ام فيصل:اي بتيي بعدين انا ماعندي غير شيخةبس انا وشيوخ نقعد​

فيصل:وماما سبيجة؟​

ام فيصل:امي اليوم سافرت ​

فيصل:وخالاتي؟​

ام فيصل:اي اشوف خالتك منيرة وليالي​

فيصل:بس يعني حصة ماله داعي تيي​

ام فيصل:وبعدين تعال بنسفر هالعايله كلها​

فيصل:اي على طاري العايله يبا قول حق عميويما قولي حق خالي​

ام فيصل:فصيل ماتنجعم بالله اشلون بنسفرهم ويانا كلهم بس انت وابوك كافي...ولبست نظارتها الشمسيه:يالله انا تأخرت حمود عفيه اذا بتطلع اخذ مشاري معاك فصول انا ادري فيه مراح يطلع ميشو وياه مامنه فايده...وطلعت من البيت​

بوفيصل:فصيل​

فيصل:نعم​

بوفيصل:تحبها؟​

فيصل: الا امووت فيها​

بوفيصل:يحليلك يافصيل والله وكبرت​

ـــــــــــــــــــــــــــــــ​

الدوحة​

ـــــــــــــــــــــــــــــ​

ريم مستانسه حدها:فطووم واخيرا ضحكت لي الدنيا فيصل قالي لما ترد اخته من السفر بيوون قطر وبيخطبوني​

فاطمة منصدمه:وعلىى طول توه خطيبج متوفي​

ريم:تكفين فكينا بس​

فاطمة عصبت:ترى هذا اخوي ياهانم...وقامت من الفراش ولبست شيلتها:الشرها علي الي قاعدده ويا وحده ماتستحي على ويها وماتقدر احد..وطلعت من الدار​

ريم:ويع الحمدالله والشكر اشفيها هذي​

ــــــــــــــــــــــــــــــ​

بالكويت ​

ــــــــــــــــــــــــــــ​

بالسياره​

ام فيصل قعدت تتأمل البيت مده اخر شي استوعبت وحطت الشيله على راسها وعدلتها ونزلت ....دخلت وسلمت اول ماوصلت لاخت عبدالعزيزقالت لها:عظم الله اجرج​

نهى اخت عبدالعزيز:اجرنا واجرج​

ام فيصل قعدت بزاوية وقعدت تتأمل ويه نهى وردت فيها الذاكرة قبل 28 سنة​

ـــــــــــــــــــــــــــــــــ​

عبدالعزيز:امون اشفيج هالحديقه كلها يهال منجذي انا يبتج اهني​

اماني :لا مادري عبدالعزيز انا برد بيتنا هذي حزة يية ابوي واخاف اذا ماشافني يسوي سالفه ​

نهى وهي شايله ولدها الي بالمهاد وقالت بعصبيه:منوو هذي عبدالعزيز​

اماني ارتبكت​

عبدالعزيز:ها نهى انتي شيايبج هني​

نهى:عبدالعزيز بتتحجى تقول هذي منو لا والله اقول حق امي وابوي​

عبدالعزيز:هذي هذي​

اماني طالعته بعدين راحت​

نهى تناديها:انتي هيي تعاليييي​

ـــــــــــــــــــــــــــــــــــ​

 

[miss 3yara]

نرد للواقع​

ام فيصل تطالعها وبقلبها ....الشر والخبث مبينين من ويهج ​

يت لها وحده نسخه من عبدالعزيز بس على بنيه والي ميزها عيونها البنيه وشعرها الاشقر الي نفس شعر امها لابسه عبايه بدون شيلةويها احمر من البجي قعدت يمها:خالتي انتي الي يحبها ابوي صح​

ام فيصل انصدمت​

اماني تمسح دموعها:انا اماني بنت عبدالعزيز​

ام فيصل ارتبكت:هلا هلا حبيبتي​

اماني نزلت راسها:خالتي انا ادري ابوي الله يرحمه كان يحبج والله ....بعدين سكتت :حتى كان يحلم فيج كل يووم وادري ان كان ميننج ...وردت وسكتت :وانا علشان جي يايه اقعد يمج عشان اعتذر لج عن ابوي​

ام فيصل ماتدري شتقولها :حبيبتي تعالي...اماني ماصدقت على طول لمت ام فيصل وقعدت تبجي على صدرها​

نهى تهمس لاختها منى:اقول منى هذي منو الي قاعده ولامتها امانيو​

منى:والله مادري ياوخيتي علمي علمج بس الظاهر انها خالتها​

نهى:هااو اشفيج منوه خرفتي وهذي الي مساعه طلعت منهاو المرحومه كانت عندها اخت وحده بس اشفيج​

منى:وي بعد مع اللويه نسيت​

نهى:المهم جنج ماتدرين قومي وقعدي يمها وسحبي منها حجي خنشوف منو اهيا​

منى:لا هاو قولي حق وحده من البنات​

نهى:مالت عليج مامنج فايده....و نادت بنتهاعذاري:عذوره​

عذاري قامت وعدلت شيلتها وقعدت يم امها:نعم يما​

نهى :شفتي هذيج المره الي قاعده يمها بنت خالج الله يرحمه​

عذاري:اي اشفيها ...يما هذي ناظرة مدرسة ولدي يعقوب​

نهى رفعت حاجبها :شسمها؟؟​

عذاري:جنه جنه اماني ال......​

نهى انصدمت وبقلبها اي اهي ماغيرها...وقامت وراحت صوبهم:اماني قومي روحي قعدي يم عمتج منى تبيج​

اماني وخرت عن ام فيصل ومسحت دموعها وقامت​

نهى قعدت يم ام فيصل:عذرينا يا اماني ماعرفناااج​

ام فيصل قعدت تطالعها:لا عاادي​

نهى:وانا اقول ياربي هالشيفه شايفتها​

ام فيصل عصبت:نهى احترمي نفسج​

نهى:الي مايحترمنا احنا مانحترمه ولاتبين اذكرج شسوت فينا امج يوم انيي نخطبج حق عبدالعزيز الله يرحمه ​

ام فيصل:وليش يايه تبطلين صفحة انطوت​

نهى:والي يبط الجبد امج وابوج رفضو اخوي علشان امي الله يرحمها موكويتيه ​

ام فيصل:لاحول ولا قوة الا بالله ترى نسيت الموضوع انا ​

نهى:لا حبيبتي احنا مانسينا اخوي كان كل يوم يتعذب عشانج ولا بكل وقاحه امج داقه علينا عازمتنا على عرسج​

ام فيصل:يالله عاد عطيتج ويه وايد اشووف​

نهى:ولا واخوي ماتزوج الا لما شاف مرته فيها شبه منج​

ام فيصل:استغفرالله نهى انتي شبتستفيدين بفهم هالسالفه صار لها اكثر من 24 سنة ​

نهى:لا بس حبيت اذكرج ولوسمحتي يالله بره بيتنا يتعذرج​

ام فيصل قامت وخذت جنطتها:تكفين الي يقول اللحين انا ميته عليكم اصلا انا طالعه بدون لاتقولين لي​

ــــــــــــــــــــــــــــــــــــــ​

بعد مرور 3 ايام​

ــــــــــــــــــــــــــــــــــــ​

اماني تبجي:عمتي والله انا مالي غيركم ​

نهى حذفت عليها جنطتها الي فيها هدومها:طلعي بره بيتي مابقى الا اربي بنت عبدالعزيز​

مرزوق:يما خليها​

نهى:انت انجب ولا كلمة..امانيو اشوفج ماسمعتي الكلام..وسحبتها من تيشيرتها :بررره يالله ...وحذفت عليها جنطتها:سمعي لاتروحين لاحق عمتج منى ولاعمامج ابراهيم وسالم ترى محد يبيج.....وصكرت الباب حيل​

اماني قعدت تطق الباب حيل وتبجي:بطللووووو الباااااااابب......قعدت عالارض وتبجي ماتدرين وين تروح بهالمطر الجو بارد ونهى طلعتها فبجامتها الصيفيه نص جم ​

اماني قامت ونادت السايق وتبجي:كومار تكفى ودني بيت خالتي​

كومار كاسره خاطره:جين ماما​

اماني وقفت مده تحت المطر تطالع بيت عمتهاا لي اطردتها من بيتهم..وبعدين ركبت السيارة​

(اي نسيت اقول شي اخوان عبدالعزيز باعوا بيته علشان محتاجين فلوسه !! )​

ــــــــــــــــــــــــــــــــــــ​

لندن​

ـــــــــــــــــــــــــــــــــــ​

بشاير:اقول لورا جنج حاطه عينج على ضاري​

لورا:حبيبتي انا مابي ضاري بعدين فكري فيهاانا اكبر منه ب3سنين مادري سنتين انا بس الي ابيه اقهر شيخة وكاني قهرتها​

بشاير تتحجى بس لورا قاطعتها ورراحت عند خالد​

لورا:حبيبي اشلونك​

خالد:انتي شنو مافي كرامة يبا مابيج​

لورا:بس اناا ابيك اشلون !!​

خالد:انا ابي شيخة​

لورا طالعته بعصبيه وترددت فبالها (انا ابيشيخة)​

ــــــــــــــــــــــــــــــــــــــــ​

الكويت​

ـــــــــــــــــــــــــــــــــــــ​

قاعده وحاطه ريل على ريل وتقرا المجلة​

نورية:منو ياي هالحزه...سيسيل روحي بطليالباب​

سيسيل:اوكي مدام​

راحت بطلت الباب ​

اماني ركضت ولمت خالتها حيل:خاالتييي اناااماليي غيرررج خالتي كلهم مايبوني..وتبجي حيل​

نورية عورها قلبها على بنت اختها:بس حبيبتي ​

اماني ميته من البجي:خالتي تكفين خلييني عندج​

نورية:حبيبتي انا عادي اخليج عندي بس ريليمايرضى​

اماني وخرت عنها:انتو كلكم ماتبوووني انتوماتحبوني ليش نسيتو امي وابوي شسوو لكم والله انتو موكفوو​

ــــــــــــــــــــ​

كومار يتحجى بالتلفون:ماما والله هزا بيبي مسكين والله هرام​

نهى بعصبية:حرمت عليك عيشتك قول امين ياللهرد البيت ولاخصم من معاشك 20 دينار​

كومار:جين ماما...وحط جنطة واغراض اماني عندالباب وداس​

ـــــــــــــــــــــــــ​

نورية:حبيبتي اماني سامحيني ...وطلعت من بوكها 40 دينار:هاج يما دبري حالج فيهم​

اماني تبجي:خالتي شنو 40 دبري حالج فيهم خالتي شسوي وين اسكن واشلون بدرس حق امتحاناتي الي بتبدي الاحد هذي​

نورية قالت على طول:لا يما لاتقولين جذي اناالحين اقول حق السايق يقطج المكان الي تبينه​

اماني:لا مايحتاي(مايحتاج) بره سايق عمتي..وطلعت بره البيت وانصدمت كومار مو موجوود ..طلعت فونها تدق عليه لقته مغلق!!اماني صرخت:شسوووووووي ...أي اي ماكو غيرها​

وتذكرت قبل جم شهر​

ــــــــــــــــــــــــــــــــــــــــــ​

عبدالعزيز:اوووهوووو اماني بلا حنه بس انجعمي اشوي​

اماني:يبا انزين ليش لاحقها​

عبدالعزيز معطيها سكب:والله عنوانهم سهل​

اماني صرخت:يباااا​

عبدالعزيز طالعها بعصبيه:وحطبه اشتبين​

اماني :ليش لاحقها​

عبدالعزيز:جب ولاكلمة وانتبهي عالطريج علشان مانضيع مره ثانيه​

ـــــــــــــــــــــــــــــــــــ​

اماني قعدت تسحب جنطتها ووقفت عالرصيف وعلى حظها كان واقف تاكسي ركبت​

اماني عيونها تدمع وبقلبها هذي حاله انا اماني بنت الدكتور عبدالعزيز اركب تكاسي​

:ها يا بنتي عايزه تروحي فين​

اماني تذكرت العنوان:انت روح الشاميه وانا ادليك​

ــــــــــــــــــــــــــــــــــــ​

 

[miss 3yara]

فيصل انسدح وحط راسه بحضن امه​

ام فيصل تطقه على راسه :ياهل انت​

مشاري عصب:قووم انا بحط راسي بحضن امي​

ام فيصل:ميشو باجر اخر امتحان لك اصعد دارك ادرس واذا مافهمت شي نادني​

مشاري مد البوز:انزييين​

فيصل:يمااا ابيي حنااان​

ام فيصل:حنان منو بعد​

فيصل:ابي حناانج​

ام فيصل تلعب بشعره:بييه فصول تدري متى اخر مره حطيت راسك بحضني ​

فيصل:متى​

ام فيصل:كان عمرك 10 سنين بعدين عشتو ماقمت ترضى تقول صرت ريال​

فيصل:اي اشلون عيل​

ام فيصل سرحت بويه ولدها:تدري انك طالع عل ىابوك​

فيصل:واحلا من ابوي​

ام فيصل كفخته على راسه:مالت عليك بس​

فيصل:يما بسج تكفخ​

ولايرن الجرس​

ام فيصل:هاو منو ايي هالحزه ابوك عنده المفتاح...لجمي لجمييي​

لجمي:يعرف يعرف اروح ابطل الباب​

ام فيصل:عمى بعينج تحجي عدل...وكفخته على راسه:وانت قوم بعد خنشوف منو عند الباب​

فيصل:يماا بسج تكفخ خلاص ​

ــــــــــــــ​

اماني ولويتها بايدها جنطتها المدرسةوالثانيه جنطة ملابسها ومعلقه جنطة لابتوبها على جتفها:ماما اماني موجوده​

لجمي:اي موجود انتي منو​

اماني:قولي لها اماني​

لجمي:جين...ودخلت داخل:ماما في بره وحده اسمها اماني يبي انتي​

ام فيصل استغربت:اماني !!! خليتها تدخل​

لجمي:يالله دشي​

اماني دخلت اول ماشافت ام فيصل لمتها على طول وتبجي حيل​

وفيصل يطالعهم متنح​

اماني ميته من البجي:خالتي انا مالي غيرج والله...خالتي عمامي وعماتي وخالتي كلهم مايبوني​

ام فيصل كسرت خاطرها:خلاص حبيبتي اهدي قطعتي قلبي والله​

اماني:خالتي انتي بعد ماتبيني صح​

ام فيصل:لا حبيبتي انا ابيج وبخليج عندي وبعتبرج مثل بنتي شيخة ويا ليتج ماتناديني خالتي ناديني يما​

فيصل@​

اماني وخرت عنها ومسحت دموعها:صج خال..صج يما​

ام فيصل حطت ايدها على شعر اماني:اي حبيبتي صج...لجمي دخلي اغراضها داخل..انا الحين بخليج تنامين بدار شيخة على مانجهزلج غرفة​

اماني استانست:مشكوره خالتي وايد​

ام فيصل:يالله تعالي معاي خل اوديج غرفة شيخةواخذي لج شاور وارتاحي لان مبين عليج تعبانه ولبسي شي ثقيل ..ومشت معاها​

فيصل :منو هذي بعد​

ـــــــــــــــــــــــــــــــــ​

اماني انا ماوصفتها حقكم اول شي هي توهاكاملة 16 سنة بيضه وعيونها ناعسه وبنيه وشعرها طويل واشقر وعندها غمازتين وطويله وطولها اينن وضعيفه وفيها من ابوها وايد​

ـــــــــــــــــــــــــــــــــــــــ​

لندن​

ــــــــــــــــــــــــــــــــــــ​

حصة وهي واقفه عند ليالي الي تجهز جنطتها​

حصة:واي ليول تعودنا عليج​

ليالي وهي تحط خصلتها ورا اذونها:لا لا لازمارد الكويت وانتو كلها جم يوم واتردون الكويت​

حصة:والله مايندرا​

ليالي:الا وين شيخة ​

حصة:شيوخ قاعده تدرس ​

ليالي:واي هالبنيه سج ام قليب حسه حبيبتي حتي(حطي)جنطة مكياجي بالجنطه...وراحت الصالة عند شيخة وتخصرت لها:واي بسج ذبحتي عمرجبالدراسة ​

شيخة وهي حاطه القلم ورا اذونها ورابطه شعرها بأهمال وكانت تطلع كل حرتها بضاري بالدراسه:ماكو ابي اصير الاولى على دفعتي ابي اتفوق وارفع راسكم​

ليالي:اي حبيبتي رفعي راسنا بس موجي تذبحين عمرج بالدراسه​

شيخة تهد كتبها:يالله كاني قعدت​

ليالي قعدت يمها وطالعتها وابتسمت:اي ابي اقعد معاج قبل لا اسافر..وشالت القلم الي حاطته ورا اذونها:جننج خياطه شيخوه​

حصة بصوت عالي:ليياالييي جنج قزرتيها عليي​

ليالي:واي واي رفيجتج نسرة...وقامت​

شيخة ابتسمت​

ــــــــــ​

الساعه 12 بالليل​

ــــــــــ​

حصة وليالي نايمين وشيخة ملت مافيهاا النووم​

اخر شي قامت ولبست وطلعت ​

شيخة بقلبها واي برد لو لابسه اثقل شوي​

وقعدت تمشي تمشي ليما وصلت مطعم اصوات الاغاني عاليه فييه..دخلت وانصدمت شافت خالد قاعد بمكان بروحه ولورا واقفه بمكان بعيد عنه ​

شيخة قربت صوب لورا:سكرااانة !!!​

لورا تغني وترقص وبأيدها كااس وتقول:وخرري عنيي ​

شيخة:شنو ا وخر عنج طا حالتج قعدي رحمي حالج....وخذت منها قلاصها وحطته ​

لورا دزت شيخة:م م محد له ش شغل فيني وانتي اولهم​

شيخة :عمى بعينج صج موكفو​

لورا:م مو كافي ماخذه حبي بي مني اشتبين بعد​

شيخة:انتي ينيتي صح .. وطلعت فونها من جنطتهاوقعدت تصورها فيديو بدون لاتحس ..وبعدين ابتسمت بخبث وخلتها وطلعت من المطعم وخالد لحقها:شيخة شيخة​

شيخة:نعم خير​

خالد:انا بفهم ليش تصديني وماتبيني​

شيخة:يبا مابيك افهم ​

خالد:اوكي ماتبيني ماتبيني بس الايام بينا ياشيخة​

ــــــــــــــــــــــــــــــــــــ​

 

[miss 3yara]

اليوم التالي​

ـــــــــــــــــــــــــــــــــــ​

الساعة 6 الصبح​

ــــــــــــــــــــــــــــــــــ​

بوفيصل معصب:وهالبنيه من وين طلعت لناانشالله​

امفيصل:والله يتيمه تخيل اهلها مايبونها حسبي الله عليهم​

بوفيصل تنهد:لاحول ولاقوة الا بالله​

ام فيصل باسته على خده:يالله حمود عشاني خنخليها تعيش عندنا​

بوفيصل:ماشي انزين شسمها​

ام فيصل:اماني​

بوفيصل:بعد اسمها اماني خلاص بخليها علشان سميتج ​

ام فيصل قعدت تطالعه وتضحك بعدين قامت:يالله خل اروح اقعد مشاري عشان يراجع له جم كلمة قبل لانروح المدرسه وبقعد اماني بعد تدرس امتحاناتها اسبوع الياي​

بوفيصل:ليش هي ثانوي​

ام فيصل:اي جنه بعاشر مادري 11​

بوفيصل:وفصيل بعد قعديه ابيه ايي وياي بودي هشركة صاحبي يشتغل عنده طالبين مهندسين اهما​

ام فيصل:اوكي...وراحت​

ـــــــــــــــــــــــــــــــــــ​

اماني مانامت طول الليل​

تطالع صور شيخة المعلقه بالغرفه(غرفة شيخةجنها ستيديو :p كلها صورها :p)​

اماني بقلبها يابختج يا شيخة دام هذي عايلتج...وقربت صوب جنطتها وطلعت كتابها الفيزيا علشان تدرس​

ولا تدخل عليها ام فيصل:ها حبيبتي قاعده​

اماني:اي​

ام فيصل:انزين ليش تدرسين الحين قومي تريقي بالاول​

اماني:لا مومشتهيه​

ام فيصل:اماني طالعيني​

اماني طالعتها وام فيصل لقت الدموعبعينها:حبيبتي اشفيييج​

اماني :احس اني مثقله عليكم​

ام فيصل:لاحبيبتي مومثقله ولاشي ويالله بلادلع وتعالي نزلي معاي تحت علشان تشوفين عمج ومشاري ماشفتيهم امس​

اماني:انشالله​

ـــــــــــــــــــــــــــــــــــــ​

فيصل وهو يصب له حليب:يبا مالي خلق شغل وعوار راس​

بوفيصل:وانا لي متى بصرف عليك وبحط بحسابك وانت الحين بتتزوج​

فيصل:خلاص زين​

مشاري يبجي:ماماااااااااا مابي اداوم​

ام فيصل وهي تمشي وراه:واي ميشو خلاص اليوم اخر يوم​

مشاري يركض ويروح عند ابوه ويحط راسه بحضنه:بابا مااابيييي اداااوم​

بوفيصل:ليش بابا ليش يالله قوم بس اليوم اخريوم يالله اقعد تريق على ما امك تروح تلبس​

ام فيصل وهي تمشيي:وايي ينني..ِشافت اماني نازله:روحي يما قعدي تريقي​

اماني بصوت واطي:صباح الخير​

بوفيصل وفيصل:صباح النور​

بوفيصل:هلا يبا هلا​

اماني سحبت لها كرسي يم مشاري وقعدت​

مشاري:أنتي منو @@​

بوفيصل:هذي اختك اليديده​

مشاري:انا عندي اخت وحده بس ومابي غيرها​

فيصل:ماقلتي لنا شسمج​

اماني :اماني​

فيصل:اووه سمية الوالده طلعتي ​

اماني قعدت تضحك​

فيصل:جم عمرج؟​

اماني:توني كاملة 16​

فيصل:العمر كله وبأي صف؟​

اماني:عاشر​

بوفيصل:الله يهديك فصيل قاعد وتحقق مع البنية:امونه بابا تريقي مالج شغل فيه​

اماني بتحط لها لبنه جان يوخر الصحن عنهامشاري:لاتحطين لج هذي لبنتنا​

بوفيصل:ها مشييري ​

مشاري مد البوز:زين اسف​

اماني قعدت تطالعه وتضحك وبعدين طالعت فيصل الي ياكل ومندمج وسرحت بويها وتخيلت نفسها متزوجته !!​