روايتي الرابعه ~ قـَرين فجر ~ واقعية 100% .. اللي يخااف لا يدش ReRez

[اخت google]

هاي ريريز وايد استانست حق فجر والحمدالله حقهم ردلهم والله ما ينسا عباده الله يوفقج ويحمي فجر تقبلي مروري


اختج : اخت google

 

[~*~الملكة~*~]

يعطيج العافيه ريرز كنت بعلق على الروايه من الاول

لكن المنتدى يبط الجبد يدوووب افرا بارت بعدين يرد يعلق

فجر الحمدلله الي شافاج وعافاج وانا حاسه بلي مريتي فيه

والله ياخذ لكم حقكم ان شاءالله

مبدعه كالعاده ريرز وبانتظاااااااااار روايه جديده

 

[كويتية و النعم]

الحمدلله انها تشاافت و ان شاء الله ما ترد لها الكواابييس مرة ثاانية ياارب ..
يعطيج الف عافية حبيبتي و جد جد ما قصرتي ..
و تسلمين على هالقصة الرووعة ..، و دووم مبدعة كالعادة :****
ناطرة يديدج و بقووة ..

 

[Q8K-2]

بليزززززززززز ابي ارقام الصفحات

 

[ReRez]

الشكر لكل وحده تابعت القصه فديتكم و الحمدلله على سلامة المنتدى ارد عليكم ان شاءالله وقت ثاني

البارتات تحت الصوره
V
V
V


________________

واقعية 100% اللي تخاف من ( العالم الآخر ) لا تقراها
البارتات صفحه 1 , 6 , 12 , 17 , 25 , 30 , 35 , 49 , 55 , 59
تمت بحمد الله

 

[هواي كويتي]

مشكووووره والف الف شكر لج


الصراحهـ حدي اندمجت اول مره اقرا قصه بالاسلوب الرااااااائع مثلج
خلاااص بعد هالروايه اذا دشيت القسم اعرف عيني راح تدور منو


مشكوورهـ

 

[*toot]

وواخيرا فتح معاي المنتدى :\
القصه بختصار روعه اتينن والحمدالله فجر تشافت من الي اهي فيه .. وقدرو ياخذون
حقهم .. ويعطييج الف الف االف عافيه ريريز انشالله انشوفلج رواية 5 .. ناطرين يديدج حبيبتي لاتحرمينا من ابداعج ~_^

 

[هاديهـ&مطيعهـ]

مشكورة ريريز عىلى القصة والحمدلله ماضاع حقهم صبروا ونالوا والحمدلله على سلامتها مادري ليش حسيت فجر حبوبة وتدخل القلب
يعطيج العافية ريريز وناطرة روايتج اليديدة لأن كل رواياتج قاريتهم وبقرى كل رواية تكتبينها لأنج والله بدون مجاملة التوب ولا هانوا الجميع

 

[دنيا رديه]

عجيبه قصتج

وام فجر حبيتها وايد الله يخليها لهم

والله لايبلانا مابلا فجر

اللي صار لها مو شويه
وام خلف بعد ماقصرت لانها كانت اخت لام فجر

مشكووره ومشكووره ماقصرتي على القصه
وننطر يديدج يالغاليه

 

[دنيتى زوجي M]

واخيرا المنتدى بدع فيني صارله يومين

المهم

يعطيج العافيه روووزه حبيبتي

والحمدالله على سلامة فجور

وان شاءالله حقها وحق امها مايضيع

وبنتظار روايه يديده ان شاءالله

وموفقه حبيبتي

 

[ماسة الماسة]

واخيييييييييييييرااااا وليييس آآخررراااااااااا ...
بصرااااااحة ابداااااااااااااااع × ابداااااااااع

وسلامتها فجوورهـ

 

[ماسة الماسة]

اوريغاتو لج حبي عالمتابعه ^^
و ان شاءالله ربي يحفظج ويبعد عنج كل شر و عن كل المسلمين

آآآآآآآآآآآآآآآآمييييييييييين يااااااااااااااااااااااااااااارب
وعقباااااااال مولودج الخامس

اقصد روااايتج 5 هههههههههه

 

[7nayen]

ااااااااااااااااااااااااااااشلونكم بناااااااااااااااااااااااااااااااااات
ٍهلا وغلا حياتي حبيت الروايه حسبي الله على ابوها انزين انا بصراحة ناطرة الروايه

:n2006107:

[/COLOR][/LEFT]





بسم الله الرحمن الرحيم

اشلونكم بنات والله ولهت عليكم وااايد و بقول هالكلمتين والله من حبي لكم
تره انا ماكتبت القصه بس لمجرد اني استانس اخرعكم او اخليكم ماتعرفون تنامون عدل بالليل لا والله انا كتبتها لأن بإذن الله القصه بتساعد وايد ناس يمكن يكونون مرو حتى لو بربع من اللي مرت فيه فجر او عالأقل يعرفون ناس صارتلهم احداث شبيهه من احداثنا

و تره فجر وايد قريبه مني بس ماراح اقول صلة القرابه و الاحداث كلها واقعيه 100% بس غيرت الاماكن اللي احصلت فيها الاحداث

و بعيد لكم اللي قلته بتوقيعي تره القصه تتكلم عن ( العالم الآخر ) و اللي تخاف امنتها الله لا تقراها لأني مو مسؤوله عن اي شي

ومره اخيره اقول لحد يدعي علي و لا حتى بكلمة حسبي الله عليج ماخليتني انام حتى لو قلتيها على غشمره انا بتضايق وايد لأن مابي دعوات من هالنوع

واللي تبي تقراها عفيه حطي تعليق حتى لو كلمتين المهم تطلعين من الصمت ..
---

- 1 -

هالمره روايتي من نوع مختلف .. هالروايه بتكون واقعيه 100% و أحداثها تتعلق بالعالم المجهول ..
و لأن روايتي هالمره غير .. ماراح ارويها انا .. راح ترويها لكم فجر
بسم الله .. نبدي
--


انا فجر .. عمري 24 سنة صارتلي وايد اشياء بحياتي كبرتني 20 سنة زياده على عمري .. راح تعرفون كل شي بوقته .. بس قبل لا ابدي قصتي .. بعرفكم على بيتنا واللي فيه .. و ماراح تضيعون لأن كل اللي بالبيت 5 اشخاص

- انا ( فجر ) ببداية قصتي كانت سنة 2004 كان عمري وقتها 18 سنة .. كنت توني متخرجة من الثانوية
مواصفاتي : بيضه حيل لدرجة ان العروج تبين بارقبتي و ايدي و كل مكان بجسمي ماحب بياضي لأن اوفر و جسمي صاير يخرع جنه شفاف .. شعري كستنائي فاتح لي بداية جتفي .. عيوني سود عاديه لا كبيره ولا صغيره و خشمي مرسوم ( طالعه على امي ) .. حلجي عادي .. ماقدر اقول عن نفسي حلوه بس الناس يقولون عني ناعمه .. و يسموني بنت غزة ( لأني بيضة حيل و شعري فاتح )
- اختي ( فاطمة ) اصغر مني ب سنتين يعني وقتها عمرها 16 سنة .. اهي عكسي سمره سمارها حلو .. عيونها كبار و خشمها بعد مرسوم شعرها قصير لونه اسوود .. انا اشوفها احلى مني بس الناس تقول اني انعم منها
- امي الغالية ( سعاد ) : ربة بيت ( ماتشتغل ) طيبة و حنونه و اهي بالنسبة لنا الأم والأبو اللي ماعرفناه عدل من يوم ما طلق امي يعني بالضبط من بعد ولادة فاطمة الا اللهم جم مره زارنا فيها وماخذت اكثر من ربع ساعه من وقته الثمين
- يدتي ( ماما آمنة ) : أم أمي و عايشة معانا لأن امي موراضية تخليها تعيش عند خوالي ماترتاح تخليها عند حريمهم لأن يدتي مره عوده و يمكن يتمللون منها .. و هم لأنها امها وماتبي تكون بعيده عنها
- سوما : خدامتنا الهندية ..

- احنا ساكنين بمنطقة الصليبيخات .. قاعدين ب دور أرضي ( ايجار ) .. مع العلم ان ابوي غني حيل عنده خير بالكويت و بره الكويت بعد - و اهو ريال معروف بالديره - بس للأسف لأن امي بنت ناس على قد حالهم ماقدرت تاخذ منه شي بعد طلاقهم .. غير جم دينار بدل اجار و نفقه .. بس الحمدلله على كل حال .. ناكل ونشرب و ننام -

~ سنة 2004 ~
- الصليبيخات -

كانت عطلة الصيف .. طلعت من داري العصر كان الكل نايم ماعدا امي لقيتها قاعده بالصالة .. رحت قعدت يمها و كلمتها

فجر : يمه ابي اسوق
سعاد : اي والله انا ابيج تسوقين اليوم قبل باجر .. عشان يخف الحمل عني
فجر : أي حمل ؟
سعاد : اغراض البيت ماجله .. دوام اختج .. مواعيد يدتج بالمستوصف كل شي
فجر : اوله .. اذا سقت بتخليني اصير كومار البيت .. خلاص هونت مابي اسوق
سعاد : الحين انا صارلي سنييين كومار البيت وماقلت شي يعني ماستاهل تشيلين الحمل عني ؟
فجر : اوو يمه اشفييج ؟؟ انتي امنا شي طبيعي بتسوين اشغالنا بس انا بنتج اذا سقت بسوق عشان اصير مثل غيري بفتح لي سياره بستانس بطلع بتمشى بشوف الدنيا
سعاد : و عسى ان شاءالله بفتح لج سياره بالمليون اللي ينزلي شهريا ؟؟ احنا على الله وعلى هالسياره اللي عندي .. يعني اذا بتاخذينها اخذيها بس سوي شغل البيت فيها
فجر : لا والله مالي شغل راح افتح سياره يعني راح افتح سياره
سعاد : ( كلمتني بصراخ ) من وييين افتحلج ؟؟ شايفتني قاعده على كنز
فجر : يمه انا بنت سالم ال... وكل رفيجاتي يدرون اني بنته والله فشله اذا مافتحت سياره يمه حرام علييج
سعاد : حرام علي انا ؟؟؟ انااا يا فجر؟؟؟؟
فجر : ( قعدت ابجي و اصرخ ) اي حرام عليج انتي .. لو ما تزوجتي واحد متزوج و عنده عيال جان ما يينا على هالدنيا

( بهالوقت حسيت اني مختنقه .. قمت ركضت غرفتي و قطيت نفسي على فراشي وقعدت ابجي حييل .. ابجي على ابوي اللي تركني من كان عمري سنتين و ترك فاطمة اللي توها مولوده .. ابجي على امي اللي طلقها لأن مرته درت عن زواجه و خيرته بينها وبين امي .. واهو طبعا ماقدر يطلقها لأنها بنت عمه و مايصير يطلق بنت عمه عشان وحده ماتزوجها الا عشان يشبع نزواته مو اكثر )

بالصاله خليت امي بروحها .. كانت تبجي بسبتي .. تبجي من قسوة كلامي عليها .. تبجي من هالزمن اللي ظلمها و ظلمنا معاها
سعاد : ( تبجي ) الله يرد لكم حقكم
- اطلعت يدتي من غرفتها -

ماما آمنة : اشفيج سعاد ليش تبجين ؟
سعاد : ( تمسح دموعها ) مافيني الا كل خير
ماما آمنة : شلون مافيج الا كل خير وصوت البجي واصل لي داري
سعاد : فجر تبيني افتح لها سياره و يوم قلتلها اني ماقدر اقعدت تلومني وتبجي
ماما آمنة : عادي ياهل خليها الحين وباجر بروحها تعرف ان انتي مالج أي ذنب .. وكل الذنب على ابوها هاللي مايخاف ربه
سعاد : ( انزلت دمعتها ) الله ياخذ حقهم منك يا سالم
ماما آمنة : لا تبجين و ميخالف هذي ياهل قلتلج باجر تكبر و تنسى
سعاد : تنسى ؟ اشتنسى .. الله كريم بس

- بعد اسبوعين فاطمة قعدتني من النوم الساعه 11 الظهر و يابت معاها خبر تعب نفسيتي اكثر -

فاطمة : ( تقعدني ) فجر فجوووور قوومي بقووولج شي مهم
فجر : ( غصب فتحت عيني ) اشتبييين ؟
فاطمة : نوف ساقت و خذت بي ام موديل السنه
فجر : ( ما استوعبت عدل ) أي نوف ؟
فاطمة : نوف اختج
فجر : ( فزيت من مكاني ) نوف ؟؟؟ اشدراج ؟
فاطمة : ريم قالتلي (( ريم رفيجة فاطمة .. و اخت ريم تصير رفيجة نوف - اختنا من ابونا - ))
فجر : انتي متأكدة ؟
فاطمة : اي والله متأكده .. ريم قالتلي ان نوف امس خذت السياره من الوكاله و راحت بيتهم توري اختها النيوو كاار على قولتها
( بهاللحظة حسيت بحقد .. حسيت بنااار تاكل صدري .. وتذكرت قبل 3 سنين كان عيد الفطر و حبيت ادق على ابوي و اقوله كل عام واهو بخير .. بعد معاناة وافقت امي اني ادق عليه .. كانت خايفه ان ابوي مايعاملني عدل اذا دقيت .. و فعلا دقيت و كان الحوار كالآتي )

فجر : ( بصوت متردد غصب طلعته ) أأ لو ؟
وحده من خواتي ردت علي ماعرف منو اهي بالظبط ( للعلم انا عندي وايد خوات و اخوان ماعرفهم ) : منو ؟؟
فجر : السلام عليكم
اختي ( والله تضحكني هالكلمه لأني للحين ماعرفت اهي أي اخت بالضبط ) : وعليكم السلام منو ؟
فجر : ابوي موجود ؟
اختي : ابوج ؟؟ منو انتي ؟
فجر : أ.. أنا فجر
اختي : فجر بنت سعاد ؟
فجر : ( حسيت من اسلوبها انها مستحقرتني ) اي ممكن اكلم ابوي ؟
اختي : اشتبين فيه ؟
فجر : ابي اكلمه
اختي : ابوي مو فاضيلج هذا عيد و شي طبيعي بيكون مشغول انا راح اقوله انج دقيتي باي ( وسكرت التلفون بويهي )

ماراح اوصف لكم اللي صار فيني بعد هالمكالمة .. وامي لامتني وايد لأني دقيت .. بس انا كنت ملزمه اني اكلمه .. كنت عنيده .. و فعلا بالليل نطرت امي تنام و رحت الصاله خذيت دفتر الارقام من الدرج و دقيت على بيت ابوي مره ثانيه .. وهالمره رد علي اهو

ابوي : ( بصوت يخرع ) الو
فجر : ( خفت اول ماسمعت نبرة صوته وماقدرت اتكلم )
ابوي : الوو ؟؟ منو
فجر : انا فجر
ابوي : منو فجر ؟
فجر : انت ابوي ؟
ابوي : ( سكت مده بعدها قال ) اشلونج فجر
فجر : ( وايد فرحت لأن سأل عني ) الحمدلله انا بخير وانت يبه اشلونك ؟
ابوي : بخير .. ها ليش داقه هالحزه ؟
فجر : ( استحيت من سؤاله و حاولت ارقع موقفي ) يبه اليوم عيد و..
ابوي : ( قاطعني ) اييي يعني تبون عيديه ؟؟
فجر : ( جملته اقطعت آخر اشعرة أمل كنت بانيتها على هالاتصال .. سكت وماقدرت ارد عليه )
ابوي : الوو
فجر : ( دمعتي انزلت من الصدمه ) كل عام وانت بخير يبه ( و سكرت التلفون مانطرت اسمع منه شي اكثر )
--
بعد هالذكرى رجعني صوت فاطمة للواقع
فاطمة : فجووور وين سرحتي .. منقهره صح ؟؟ والله انا بعد انقهرت شكو تاخذ سياره و انتي لأ

( مارديت عليها كان دمي يغلي من القهر .. خليتها و طلعت من الغرفه ادور امي لقيتها بالمطبخ تقطع دياي حق الغدى )

سعاد : ( ابتسمت لي ) ها يمه صباح الخير اليوم بسويلكم مجبوس دياي والعيش أحمر مثل ماتحبينه
فجر : ( ماكنت اقدر اسيطر على اعصابي .. كنت ميته من القهر ) ابي اروح حق ابوي
سعاد : ( هدت الدياي من ايدها ) شنو ؟
فجر : ( دموعي انزلت و قعدت اتكلم بانفعال ) قلت ابي ارووح حق ابوووي وديني الحين حق ابوي
سعاد : يمه فجر اشفيج
فجر : ( قعدت اصارخ ) ابووي شرى حق بنته نوف بي ام مديل السنه .. وانا حتى كورولا مو يايب لي ولا سأل فيني .. وديني له بواجهه
سعاد : ( قربت مني قصدها تواسيني ) يمه فجر..
فجر : ( كنت حيل معصبه ) والله اذا ماوديتيني انا بنفسي راح آخذ تاكسي و اروح له
سعاد : خلاص يمه اهدي شوي .. وانا العصر راح اوديج

( طلعت من المطبخ بروح غرفتي .. بس وقفني صوت يدتي بالصالة وكانت يمها فاطمة )

ماما آمنة : فجر ؟؟
فجر : ( وقفت عند باب الصالة ) هلا يمه
ماما آمنة : تعالي يمي ابي اكلمج
فجر : ( قعدت يمها وانا ماسكه دموعي غصب )
ماما آمنة : يمه فاطمة قالتلي عن اللي صار وتره الله ماينساكم .. اذا ماخذتو حقكم اليوم تاخذونه يوم الحساب ولا تزعلين صدقيني حقكم راح يرجع
فجر : انا اليوم برجع حقنا
ماما آمنة : اشلون ؟
فجر : اليوم بروح له و أكلمه
فاطمة و ماما آمنة : شنوو؟؟
فجر : اي راح اروحله اليوم العصر واكلمه .. فاطمة تعالي معاي خل يشوف ان عنده بنتين يمكن ناسي
فاطمة : لا ماروح لو شنو والله
ماما آمنة : لا تروحين حبيبتي والله ربج بيرد حقكم لا تروحين له اهو مايستاهل روحتج
فجر : لا بروح .. و بتهاوش معاه بعد

- اشكثر حاولوا يقنعوني اني ما اروح بس انا كنت ملزمة على قراري .. و بعد الغدى لبست وطلعت حق امي بالصالة -

فجر : يللا يمه انا جاهزه
ماما آمنة : حبيبتي فجر ..
فجر : ( قاطعتها ) يمه الله يخليج بتوديني ولا اروح بروحي
سعاد : ( قامت ) استغفرالله يارب ( البست عباتها و اطلعت و انا لحقتها )

( كنت عنيده و امشي اللي براسي .. و رحت حق ابوي .. بس ياليتني مارحت )

---

البارت الاول كان مقدمة و تعريف ل حياة فجر

القاكم باجر ان شاءالله
________________


واقعية 100% اللي تخاف من ( العالم الآخر ) لا تقراها
--


-
[/QUOTE]

 

[ميااوي]

الحمدالله على سلامت فجور والله يحفظها ويحفظ اهلها من السحر يارب..

بس بعرف الابو شنو صار فيه ومرت الابو اللي ما تتسمى شصار فيها الله ياخذها وياخذ كل وحده تتعامل بالسحر..

 

[فـــخـــر]

مشكورـه ريريز

الروايه اكثـــــر من روعه


تخرع بس هم حلوه

 

[~نور عيني~]

صج صج روعه يعطيج العافية

 

[صباح الليل]

شكراااااااااااااا رييييييريييييييز
كتبتي فأبدعتي يامبدعه
عشر بارتات راااائعه بكل ماتحمله الكلمه من معاني
قصه مزجت بين الرعب والواقع اللذي يعيشه كثير منا
عشنا معها لحظات الالم والخوف
روااايه مختلفه عن باقي الروايات وبالرغم من قصرها لا انها استطاعت ان تنافس باقي رواياتك الرائعه.



مبدددددددددددددددددعه وكاااااااااااتبه اروع
فإلى الامام ومزيدا من النجاحات المتواصله


تقبلي حبي الشديد واعجابي الاشد
صباح الليل

 

[Q8iYa'87]

Nice Ending :')

الحمدلله ان حياة فجر و امها و اختها تغيرت للاحسن .. و الحمدلله رد لهم حقهم .. الله ما يضيع حق احد ابد

استمعت كثيرا بقصتج ريزريز .. شكرا :* ان شا الله نشوف جديدج عما قريب القسم مو حلو بدون طلتج :**

تقبلي دروري .. :")

 

[لبيه لكن!]

يااااااااااااااالطييييييييييييف

والله والله قصه تقطططططططع القلب وتبجي

مادري شلون قريتهآ مع اني اخااااااااااااف من هالسوالف بس اسلوبج هو اللي شدني

الف حمد وشكر على سلامتهآآآ
الله يعوضهآآ بأيآم حلوهـ .، ويخليلهآآ امهآ واختهآآ ياآآآآآآآآرب



مشكورهـ قلب عالروايهـ

 

[mo9a7ya]

thnx waayd
daymn ur r the best
allah e7fth fajer o her family mn kel shar yarb
thnx 3ala elslob el7lwo eli et5len elwa7d endmj m3ach
waitting u eb another story
love u
gonna miss u
thnx again :******