روايتي الخامسه (( هلا والله هلا ياموت )) مـ سهله ـو

[MeeMeeYoo_2]

يسلموووووووووو حبييييييييي
يعطيح العافيه

 

[مـ سهله ـو]

راح اتأخر لووول والله بنات متفشله بس امي تبيني اوديها الجمعيه انا كاتبه جزء من البارت الياي بس ان شاء الله يااارب يكون قبل الساعه 9 بلليل يااارب ان شاء الله اذا الله قدرني وانا اسفه صج صج بنات على الايام اللي طافت ما نزلت لان والله ظروف وجامعه حوسه حتى امس عرباوي تدري اني اكلم رفيجاتي بالفون وما خلصنا الا الساعه 3 الفير ما قدرت كلش كلش شغل حده اسفه والله :* أحبكم

 

[مـ سهله ـو]

غمازه حبي توني اشوف ردج البارت الياي وعد بكوووون طويل اكثر وكل عام وانتي بخير يا قلبي وعقبال 189 سنه يااارب

 

[ملآمح يوسفيه]

خوش بارت

في انتظار بارت يديد








​

 

[غمـــ ^^ ـــازه]

غمازه حبي توني اشوف ردج البارت الياي وعد بكوووون طويل اكثر وكل عام وانتي بخير يا قلبي وعقبال 189 سنه يااارب

اشمعنه 189 :gr4uu: هههههههههههههههههه

عادى حبي اخذى راحتج :**

 

[ma3boocha]

عفيه عليها زين تسوي.....

اهيا مسافره يعني خل تستمتع لا تخلي أحد أو شي ينكد عليها....


نفس شخصيتي بالضبط.. أهم شي أنا ثم أنا ثم أنا بعدين الباجين كلهم لووووووووووووول


ناطره بارتج حبيبتي اللي تقولين طوييييييييييييييييييييييييييييييييييييييييييييييييييييل

 

[cute princess]

عبدالله وويعه تشق بطنه انشالله
مالت عليه حتى مالت عليه بس :\
يلا ناطرين باجي البارت تسلمين حبيي :*

 

[MeeMeeYoo_2]

عبدالله وويعه تشق بطنه انشالله
مالت عليه حتى مالت عليه بس :\
يلا ناطرين باجي البارت تسلمين حبيي :*

كااااااااااااااااك حلوه ضحكتني عبدالله وويعه تشق بطنه :dddds:

 

[ام هديل 87]

يعطيج العافيه حبيبتي
والله يستر من عبدالله

 

[zooz92]

حقيييير عبدالله صج صج ما يستاهلها مسكييييينة

يسلمووو على البااارت واخذي رااااحتج حبيبتي

ناااااطرينج

 

[كويتية و النعم]

حرااام علييه عبدالله يسووي فيها جذي
مسكيينة ما يستاهلها

:eh_s(2):

:eh_s(2):

:eh_s(2):

لكن شكلها شيخة بتووورييه و بتخلييه يندم
زييين تسووي فييه <<< بس يكسر خااطري ساعات مادر لييش

,

المهم البااارت خوووش واااحد و آآآدمي لوول اليوم حدي فااصلة

,

يعطيييج العافية حياااااتي و والله مو مقصرررة معانا كلش
و احنا مقدريين ظروووفج بعد شبدددي والله







مشكووووورة على البارت الروووعة و ناطريينج

 

[البارونه*_^رونه]

ناااااااطرينج حبيبتي وثانكس على البااااارت لا تطولين
وغماااااااااااااااااااااااازه حياتي كل عام وانتي بخيرر وعقبال 100000 سنه ياااارب

 

[noof>>]

يسلممووووووووووووووو علي البارت الحلو

 

[UNiQe^PRiNceSs]

عبدالله وثول انشالله
تف عليه تف
ماكو فايده ما راح يتعدل
حيلج فييه شوييخ يننيييييييه
يلا حبي كملي ناطره حددددي:016:

 

[مـ سهله ـو]

يسلموووووووو مروركم بنات نفرا نفرا يالله شوي وانزل البارت يسلموو متابعتكم :*

 

[غمـــ ^^ ـــازه]

ناااااااطرينج حبيبتي وثانكس على البااااارت لا تطولين
وغماااااااااااااااااااااااازه حياتي كل عام وانتي بخيرر وعقبال 100000 سنه ياااارب

يااااااااااااااابعد قلبي والله وانتى بخير وhappy new year فدييتج :***

 

[الليدي ديانا]

ويييييييع عبدالله خاين


مسكييييينه شيخه


كملي حبي كملي

 

[مـ سهله ـو]

**

الساعه 8 الصبح

ام جاسم قاعده جدام التلفزيون وشافت شهد يايه لها تعبانه

شهد : خالتي انا بروح المستوصف حدي تعبانه مو قادره من امس ارجع وخايفه يا خالتي وااي

ام جاسم : وي هاذي الساعه المباركه وتيبين لنا احمد صغير

شهد : لا لا خالتي من صجج انا بنيه ومو قادره عليها هالمره ياهل ثاني واي حدي خايفه

ام جاسم : ذكري ربج يا شهد هاذي نعمه غيرج مو محصله

شهد : يا خالتي لما طلباتها وايد وفوق كل هذا محمد بلليل يعصب علي لمن تبجي ويطردني ويخليني طول الليل معاها ولا يسأل

ام جاسم : محمد انا اوريج فيه وما اخليج بروحج تروحين يالله يالله المستشفى المستوصف شسويلج يا حظي يالله بيييب عباتي

مريم سمعت بيييب عباتي : الللللله وين بتروحون دقيقه البس واييي معاكم واله اقولكم انا لابسه تريننق يالله يالله بروح معاكم وييي لابس البس جوتي (( تكرمون )) واله عادي زبونه على حسب المكان

ام جاسم تطالع بنتها معصبه : كبري كبري يا حظي كلتنا كلتنا سحيله ان الخلاجين

مريم : واي واي هناءوو شفييييج علي اليوم

شهد امسكت حلجها وركضت للحمام

مريم : وييي البنت حامل بتروحون المستشفى صح هههههههههههههههههه

ام جاسم : الله يعقلج ويهديج يا بنيتي والله انا ابي لج الهدايه

مريم : يمه اليوم بطلع مع حمد بنروح نأثث شقتنا

ام جاسم : خلاص ديري بالج على عمرج

مريم : يمه محتاره اختار من ميداس واله ايكيا ميداس احسه للكشخه وايكيا شغله عملي وسبورتي والله محتاره

ام جاسم : شتبين بالكشخه والعفيسه والتنظيف اربعة وعشرين ساعه خلج على ايكيا سريع وسعره حلوو

مريم : أي بنروح نشوف يالله ما تشوف شر شهد وخل تيييب مريم ثانيه

ام جاسم : لا والله ودي بأحمد صغير الله يرحمه ابوج

مريم : الله يرحمه يالله مع السلامه ما تشوفون شر وروحي يا ام جاسم ويا شهد دربكم خضر

ام جاسم : دلاله دلاله مو مريم

**​

بغرفه حمد

حمد حيل هاااادي ورومانسي ونادرا ما يعصب وبسرعه يرضى

ملامحه مثل ما قلنا جدا عاديه

بس مع هذا مطلوب من قبل البنات

كان منسدح ومشغل موسيقى بتهوفن لان اهو من النوع اللي يتذوق الموسيقى


رن تلفونه

(( مريم حبيبتي ))

حمد : هلا بحياتي وقلبي وعمري

مريم : واي فديت الرايق من الصبح

حمد : شلونج قلبي ؟

مريم : انا بخير حياتي ... ها شكلك تاخذ قيلولة الصباح

حمد : في احد ياخذ قيلوله الصبح خخخخخ حياتي والله

مريم : ترى قلت لامي اني بروح معاك اليوم عشان نأثث شقتنا

حمد : شرايج امرج الحين نروح نتريق بأي مكان وبعدها نروح ونختار

مريم : وانا ما عندي أي مانع

حمد : اوكي حبيبتي خل اخذ شور الحين والبس واييلج اوك

مريم : اوكي احبببببببببببك امووووووووووووووووووووووووووووووه

حمد : فديته وحلاته والله :*

مريم : يالله حياتي بااي

حمد : باي

(( انا من حقي اغير حولك العالم كثير ... كلهم يبغون قربك لاكن ادري في قلبك كبير ... لو تدور الكون كله ما تلقى مثل طيبي .. حتى كلمة حبيبي مني غير ,, مثلي ما صار بحياتك لا ولا عمره بيصير ))

**​

كانو توهم واصلين المطار بعد الطياره المروحية المزعجبه اللي خذتهم من التشيك لي بولنده وقف تاكسي وراحوا فندق انتركونتنتل (( تعبت وانا اكتب اسمه لوول )) بس خوش فندق والله نظيف وحمامتهم (( تكرمون )) كبيره !!

شيخه اول ما دخلت الجناح دورت اقرب عرفة نوم وحطت راسها ونااااااااامت واهي لابسه ملابسها لان صج الرحلة حيل متعبه بس عبدالله مانام


نزل اللوبي وشبك وبطل ايميله وشاف شيماء

عبدالله : السلام

شيماااء : انت وييييييييييينك ليش مغلق وليش ما خليتني اشوفك ؟

عبدالله : انتي ليش تبين تخربين حياتي ؟؟!!!!!

شيمااء : لاني احبببببك وما بيها تاخذك مني وهذا من حقي !!

عبدالله : يا خراا يا بنت الخرا ان شفتج دازه لي شي واله داقه واله شميت ريحه من ريحتج والله ما تلومين الا نفسج يا شيماء انتي ما عرفتيني والللله ابهذلج وانسيج حليب امج

شيماء : هذا ذمبي اني حبيتك والله اني قاعده ابجي الحين !!

عبدالله : بالطقاق ولا عند يدي مرتي درت عنج وما تكلمني وزعلاانه حيييييييل واحنا حتى ما كملنا شهر انتي حقيره بس والله راح اردها لج وهذا وانا موصيج ما ادزين شي بس انا الغلطان اني ما مسحت رقمج انا حماااار اني ما غيرت رقمي يالله طزي الحين وخل اشووووف مسج منج باي

**​

الوداع اخر حروفن في خفوقي شلتها
يا تموت بوسط قلبي يا اموت ان قلتها
ياللي حبك في حياتي كان حلم وانتهى

قامت العصر بطلت عينها بتعب

كانت مرهقه
حيل

ويمكن مع البجي راسها قام يعورها حيل

بطلت عينها شافته يبتسم لها

شيخه لفت الصوب الثاني : عبدالله ابي بندول

عبدالله : شيخه ترى انتي ظالمتني والله

شيخه : خلاااااص راسي يعورني خلاص بالطقاق كلم الف ما همني خلااااااااص انا كرهتتتتك

عبدالله : بس انا مظلوم

شيخه : بسك جذب ما مليت

عبدالله : استغفر الله نزين احنا يايين اهني نستانس صح ؟

شيخه : ومن قالك مراح استانس

عبدالله : اوكي لبسي وانا ناطرج

قامت شيخه بعصبيه

راحت خذت شور

ولبست سكني جينز وبدي جم ثلاث اربع عليه كلام انجليزي بس شوي طويل لي تحت شسمونه ...

وصندل كعب وسوت شعرها

بتقولون الملفع :$

اهي ناويه تعاند

وبنفس الوقت اهي بره ما تحب تلبسه

وحطت ميكب خفيف وطلعت لعبدالله

عبدالله : يالله ما خلصتي

شيخه : لا خلصت

عبدالله : بتطلعين جذي ؟!!

شيخه : أي شفيها ؟

عبدالله : لا اسف ما تطلعين جذي شيخه اقصري الشيطان وروحي لبسي ملفعج شنو شايفتني مو ريال !!

شيخه طالعته باحتقار : انا متعوده جذي ما احب الغرب يطالعوني بنظرة غريبه وغير هاللبس ما راح اطالع واطلع بكيفك

عبدالله تنفس بعصبيه : شيخه قومي لبسي ملفعج ولبسي جاكيت

شيخه : مابي

عبدالله بصرااخ : شييييييييييييييخه انا مظلووووم شلون اثبت لج (( اهني عبدالله ما قدر يثبت بمكانه مثل دوار خفيف ))

شيخه شافته جذي وقالت واهي ترجف : شفيك عبدالله ؟

عبدالله : مافيني شي

شيخه : بروح البس جاكيتي وملفعي خلاص

عبدالله بتعب : خلاص اوكي يالله

وطلعوا بس عبدالله كان كل ساعه يوقف
ويمسك بشيخه حيييل

شيخه صج خذت منه موقف بس حيييييل كانت خايفه عليييه

**​

******بشره وخيره بشره وخيره ان ما اكون انا له او مابي انا غيره *****


مريم وحمد بعد ما تريقوا كانوا بمطعم ميس الغانم

بالطريج

حمد : ها شقررتي شنو تبين ؟

مريم : محتاره ودي بايكيا لان عملي وسبورت والوانه هاديه ومو اوفر ودي من اهناك خلاص خلاص ايكيا

حمد ابتسمت لها

حمد : ايكيا ايكيا

مريم : حياتي والله

حمد : شكثر تحبيني ؟

مريم : بيييييييه من صجك وايد وايد حيل حيل

حمد : وانا بعد مريوم ما اتصور حياتي بدونج نزين ما قررتي متى العرس ؟

مريم : مممممم لا تو الناس شرايك على الكورس الثاني من السنه اليايه على شهر 2 ؟

حمد : الللللللللللله الحين بصير شهر 8 وتبيني انطر لي 2 الياي لا وايد شوفي غيرها ؟

مريم : مممم باجر ؟

حمد : يالخبله والله اسويها ههههههههههه انا ما يبيلي شي بس افصل دشداشه وبشت وغتره وخلصت انتي اللي بلاوي أي صج جهزتي شي ؟

مريم : لا لي الحين

حمد : ولا شي ولا شي

مريم : أي ولا شي

حمد : مريووم

مريم : ادري شبتقول اسكت احسن لك

حمد : عفيه ابي اجهز معاج انا اختار لج

مريم : عيييييييب انت وين امييييييي عنك اثقل شوي هههههههههه

حمد : تكفين بس جم شغله انا بختارهم لج

مريم (( ساكته ))

حمد : مريووومه

مريم : لن أتكلم

حمد : بالله عليكي تتكلمي

مريم : حمد عيب ترى انا اخجل

حمد : ههههههههههههههه احبج

مريم :حياتي والله

**​

عند ريماس وريم

ريم : يالللللللله ريمااااااااااس بسرعه امي ناطرتنا تحت خلصي

ريماس : يالله الحييييين

نزلت ريمااااس

ريم وام محمد منصدمين



ريماس تحجبت

ريم : يا خاينه متى وشلون وليش ؟

ريماس : اليوم قررت يماه حلو

ام محمد : يا زينج يمه تهبليييين الله يحفظج ويستر عليج دنيا واخره

ريم زعلانه : ريماس حركتج مو حلوه يعني انا هم بتحجب المفروض تقولين لي انتي حيييل تغيرتي نسيتي اختج ترى مافيها شي تقولين لي انا مراح ارفض الله يسامحج

ام محمد : ريومه حياتي هاذي اختج لا تزعلين منها يالله يمه الفال لج

ريم : مابي جذي مستانسه انا

ام محمد : الله يهديج يارب

ريماس : ريم

ريم لفت عليها وقالت لها بزعل : خلاص ريماس مبروك امشي نروح

((تحس توك تحس فينا .. تزعلنا وتراضينا .. يكفي وعننا ابعد .. ومنك جانا يكفينا ..))

**​

قراءه ممتعه حبايبي

وكل عام وانتي بخير غمااازه حياتي :*​

 

[كويتية و النعم]

غمـــ ^^ ـــازه
happy birthday 70o0by :eh_s(21): :eh_s(21):
عقباال المليوون ان شاء الله
:happybday:
:nbvppw::nbvppw::nbvppw:

:eh_s(21)::eh_s(21)::eh_s(21):​

 

[!pink-card!]

thx taty :**