روايتي الخامسه (( هلا والله هلا ياموت )) مـ سهله ـو

[مـ سهله ـو]

موو سهله تكفييييييييين نزليه بسسسرعه عندي اختبارآآت الفاينل خلالاص وانا من لاب للاب

واخذتلي تهزيئه من امممي

نااااطططططططططططططرينج وتهبلييييييين انتي وروايتج

حياتي والله يسلمووو مرورج وشدي حيلج وان شاء الله تيييبييين 99.9


يالله الحين :> ​

 

[الاحاسيس المبهمه]

يالله يامحطمتنااا ناطرينج

 

[ام هديل 87]

ناطرينج حياتي

 

[مـ سهله ـو]

**




(( بيت بو جاسم الله يرحمه ))

جاسم : ها الوالده سهرانه اليوم شالسالفه

ام جاسم : اسكت الحلقة الاخيره من سنوات الضياع

جاسم : بييييييييييه يمه لي الحين تطالعين مسلسلات تركية وبعدين هذا خلص من زمان تطالعين الاعاده اشتري سيدياته وبس

ام جاسم : يا ويلي على عينه هاذي عدسات صح

جاسم : هههههه لا يمه اهو لون عيونه جذي

ام جاسم : بيييه يا بخت اللي بتاخذه تقعد من النوم وتصبح بويهه وتنام وتمسي بويهه شتبي احسن من جذي تتمسك باسنانها فيه

جاسم : ههههه يمه من صجك الجمال جمال الروح والأخلاق مو بالشكل

ام جاسم : اسكت اهووو يالله عاااد والله شكله بموت وبخليها وحسرتي على لميس عاد حليوه ليش بتاخذ بو شارب

جاسم : هههههههههههههه والله الله يعينكم متعلقين بهالأتراك

ام جاسم لفت عليه : اقول منت ناوي تتزوج ؟

جاسم ارتبك : اووووله شللي ياب الطاري

ام جاسم بأمل : ابي اشوف عيالك يا وليدي (( دمعت )) خوفي اموت وما اشوفلك ضنا ؟

جاسم ابتسم : قريب ان شاء الله انتي ضبطينا ودوريلي بنيه حلوه وخريجه وموظفه وعندها فراري

ام جاسم : هو هو هو من بااااجر اروحلك الخلييييييج وادورلك ولا يهمك

جاسم : لا بالله بنت سنعه ههههههه


**​

(( مريم ))

مريم : حمد لااااااااااااا شفيك

حمد : حبيبتي شفيج انا كبير مو ياهل ترى انتي شنو تلعبين ؟

مريم : لا ما العب

حمد : عيل عطيني رقم بيتكم امي تدق وتخطبج وبدون ما نطول السالفه ؟

مريم : شفيك حمد اختي شيخه عمرها 24 واكبر مني وما تزوجت شلون تبيني اتزوج انا ؟

حمد : أي عادي مو تقولين خطبوها وايد ورفضت كل واحد ونصيبه


مريم : فشله :$

حمد : يوووووووه مريووووووم يبه انا عمري 27 وامي تحن تزوج اخر كلام عندي تتزوجيني ؟

مريم سكتت

حمد : اخر مره تتزوجيني ؟

مريم : حممممممممممد يالحنااااااااان اقبل بك كزوج يا بعلي العزيز


حمد : هههههههههههه هاذي خبلتي


مريم ضحكت وحاسه قلبها يعورها : هههههههههه

((مستحيييل ألقى مثيلك مستحيل أحب أحد
ما يميل قلبي لغييرك

وانت روحي والجسد

حبي انت تعرفه ما يحتاج أوصفه
مستحيييل مستحييييل ))


مريم تحب حمد تقريبا من كانت مستجده ودشت القائمة وبدت تشتغل مع القائمة وجذي كان بينهم تلفونات يعرفون اوقات الميتنق وجذي ومره من المرات كانت مريم بالمسافط تحرش فيها واحد

وشافه حمد وتهاوش معاه ولف على مريم اللي كانت مصدومه من ردة فعله

حمد : روحي بيتكم يالله


ومن هالموقف حمد اعترف بحبه وعلى فكرة حمد تخرج لمن راحت مريم سنة ثانيه

وحمد كان محول من اكثر من كليه عشان جذي تأخر في التخرج


حمد انسان هادي نوعا ما ولي عصب اعوذ بالله منه لحد يكلمه يلعن خيره

طويل حنطاوي اقرع

ملامحه عاديه

بس رجولته تفوووق الملامح واخلاقه حيييل حلوه


حب مريم من كل قلبه يغار عليها من الطفل نفسه

وكاهو بيييلها من الباب ... 



**​

(( عند شيخه ))

توها بترد على مسج ضاري

واله يتصل عبدالله

شيخه : هلا عبود ؟

عبدالله : هلا بام فواااااز

شيخه استحت : هلا

عبدالله : حياتي قلت لامي وامي ما صدقت والله تقولي شغل اغاني برقص

شيخه : يا حليلها بهالسرعه

عبدالله : أي انا نار وامي انر

شيخه : انر ههههههههه

عبدالله : أي صج شسالفة المسج ما فهمت شكنتي تقولين لان كنت عند امي

شيخه : لا ولا شي (( ضيعت السالفه )) مسج بالغلط

عبدالله : اها زين رديتي عليه

شيخه : لا طنشته (( جذبه وبعدها اتوب ))


عبدالله : أي عبالي حياتي شلابسه

شيخه تضايقت : عادي ملابس بيت بنام الحين

عبدالله : لا لا نو نو ماكو نووم اليوم سهرانين

شيخه خافت لان عبدالله كله جذي اذا بدى بالملابس بدى بالقلة الأدب ... !!


عافك الخاطر يا غالي

من بعد اللي جرالي

ما ابي اسمع منك طاري

ولا عن ذيج الليالي

ابعد عن دربي وروح

لا تعاودلي الجروح

انا عافيتك ما ظنتي أرجع ...


**​

مر اسبوع على أبطالنا


عبدالله خطب شيخه

ام عبدالله وخوات عبدالله هند و ايناس حيييل فرحوا بشيخه وقاموا يمدحونها

ام جاسم سألت بنتها : ها يمه شيوخ شرايج ؟

شيخه : يمه ممم براحتكم انا ارتحت للبنات

ام جاسم : شوفي انا بخللي جاسم ومحمد يسألون عن الريال ونشوف اخلاقه وانتي صللي الاستخاره ورديلي خبر

شيخه : ان شاء الله يمه


وبهالحزه ام حمد دقت على ام جاسم تخطب مريم لحمد

ام جاسم دمعت وراحت لبناتها

شيخه : يمه شفيج

مريم طبعا مستحيه تدري عنها وهذا خله ام جاسم تشك راحت ام جاسم وطقت ايدها على خفيف وقالت بعصبيه : منووو حمد

مريم : يماااااااااه عااااااااااد استحي

ام جاسم منصدمه وتطالع بنتها : مريموووووه هاذي سوالفج ؟

مريم : خو شسوييييييت هذا واحد اعجب باخلاقي بالجامعه وكان كله يخزني حتى طلب رقمي اكثر من مره (( خربتها )) وما عطيته

ام جاسم : يعني ما تعرفينه

مريم : لا

ام جاسم : دام جذي نرفضه عطاج رقمه هالمره باجر يعطي غيرج

مريم بصدمه : لا لا عطاني باحترام (( امحق ترقيع ))


ام جاسم : لا لا مو خوش ريال

ورااااحت ام جاسم


مريم لفت على شيخه وعيونها بتدمع : امبييه شيوخ شسوي

شيخه : انتي تعرفينه ؟

مريم : أي

شيخه : ويعي مو عيب (( اقعد دور الكبيره ))

مريم : يوووه شيوخ تقنعيني انتي ما تكلمين عبدالله


شيخه انصدمت : شدراج


مريم : شكثر كنتي تبجين وتصرخين باسمه حمدي ربج انا اللي سمعتج

شيخه : مريموووه تتصتييين ؟؟ مو عيييب


مريم : نزين شيوخ الحين شسوي تكفين ؟


شيخه : تعالي داري وافهمج ونحل المشكله

مريم : اوك


**​

(( لو الحب اللي فيني تفهمله

لو الشوق اللي فيني تعرفله

انا بحبي تراني


مـ سهله ـو


))


(( عند ريماس وريم ))

الساعه 11 بلليل

ريم : ريمااااس

ريماس تبي تنام : هاااااااااا


ريم : ويعااااه ريماس شلون جاسم هاااااا


ريماس : جب تحسسيني اني اكلمه

ريم : تقنعيني انه ما اتصل فيج من ذيج المره

ريماس بزعل : لا

ريم : ترى كبير عليج لا تفكرين وايد

ريماس : خوووو بينا 11 سنه بس


ريم : أي لو عنده بنت جان كبرج

ريماس : شوف الخبله


ريم : اوووووووووف انتو اغبيه والله مافي حب بهالدنيا عطيني حب صادق (( فجأة تذكرت علي )) واي وعليه على هالعلي يكسر الخاطر لا والله في ناس يحبون بس ماكو نصيب

ريماس : مممممم نزين بنام

ريم : دقي على جاسم

ريماس : لا يبه بلا خفه

ريم : شفيج معلقه على هالكلمه

ريماس : اعشقها

ريم : اوووووووف ملل شسوي

ريماس : قومي رقصي

ريم : والللللللللله اوريج

شغلت اغاني وبطلت الليتات وقاااااااامت ترقص بهبل فوق السرير لمن طااااااااحت


انكسر السرير وتعورت رييم حيييل لان ايدها علقت بالخشبه ونزفت

ريمااااس :ريييييييييييييييم



**​

شهر 6


تقريبا الكل عطل واللي مسجل صيفي وحالتهم حاله

كان التاريخ 27-6

وملجة شيخه 29 _ 6


شيخه وامها يفترون بالسوووق ومريم وراهم زعلانه


على فكرة


شيخه ومريم حاولوا بام جاسم

انه يقنعونها بان حمد خوش ريال


بس الرفض كاااان جازم


ومرتين يا خطبها


بس ام جاسم لي الحين رافضه


ومريم اختفت ضحكتها وعفويتها وصارت كله زعلانه

تحاول تكسر قلب امها

ضعفت حيييل ملامحها شحبت شوي تكسر الخاطر



شيخه: بس تعبت


ام جاسم : خلونا نقعد بمطعم نريح رويلاتنا


مريم : انا بروح اتمشى

ام جاسم بنبرة عصبيه : وين رايحه معانا

مريم : اوف

شيخه تغمز لها : هدي هدي ما عليه


مريم نزلت دمعة حاره وقالت بنبره لها ألف معنى : ياليت ابوي عايش


عمود البيت ذبل صوتي ولك ناديت
ونادت لك زوايا البيت ولا رديت

يبه وكلمة يبه ذابت على الساني معك غابت
يبه ما عدت انا الطفلة رحلت وطفلتك شابت

قويت ولا قوى النسيان ينسيني اعز انسان
وفيني آآه وشفيني يبه فيني الحزن بركااان


شيخه تذكرت ابوووووها ودمعت عينها ولفت على مريم : والله ولهت عليييه

ام جاسم ساكته وبقلبها ألف صرخه ,,,

يبه مت ومعك متنا


**​

(( ضاري ))

محمد : شفيييييييك مو على بعضضضضضضضك ياخي صاير لك شهر مو على بعضك

ضاري بصوت مخنوق : مااا فيني شي

محمد : شيخه صح

ضاري : هييي شدراك ؟

محمد : امس يوم سكرت ما خليت شي ما قلته ولك فضحت روحك

ضاري : بيييييييه عاد شفكني من السان الناس


**​

يوم ملجة شيخه


كانت شيخه جميييله فعلا جمييييله

نفنوفها زهري ناعم طويل وحركات اكشنات << ما اعرف اوصف النفانيف بس كانت انثى جميييله نعووومه ونظرة حزن

كانت الحفلة تقريبا عاديه يعني بس الاهل كانو يدرون عنها وشويه من رفيجاتهم

وام عبدالله شقولكم عنها

مستانسه حدها


اللي يشوفها يقول العروووس


مسويه الهوايل وطيحت الميانه مع الكل

طيبه وفرفوشه


دخلة عبدالله كان عادي ملامحه عاديه قرب من شيخه باس راسها وقالها : مبروك عليج انا

شيخه ابتسمت


لبس عبدالله الشبكه وكان يرجف كان متردد حتى شيخه كانت ترجف اهو كان يرجف واهي بعد لمن يت ام جاسم وام عبدالله وساعدوهم

شيخه لفت عليه مو مصدقه عبدالله يمها !!


وزوجها !!


عبدالله لف شافها ابتسم


كانت حفلة غريبه

عبدالله خذا شيخه وقعدوا يفترون بالشوارع


عبدالله : شيخه

شيخه : هلاا

عبدالله : وين حابه تتعشين

شيخه : ماله داعي ممكن تردني بيتنا مصدعه وبنام

عبدالله مستغرب : هذا كلام وحده توها متزوجه

شيخه ابتسمت برود

عبدالله : شيخه

شيخه : عبدالله

عبدالله : ههههه

شيخه : ممممممم شنو شعورك

عبدالله : ما ادري احسه عادي ما حسيت بالسعاده نفس ربعي لمن يوصفونه (( حقير ))

شيخه : تدري حتى انا عادي احسه عادي

عبدالله بجرأة خايسه : أي يمكن لانج مو بنت

**​

ضاري : : واللللللللللللله احبهااااااااااااااا

ريماس : منو ؟

**


جاسم : تتزوجيني ؟



**

علي : ولهت عليييييها

**


حمد : اذكرني بخير اذا مره على بالك طريت
اذكرني بخير اذا مثلي تألمت وشكيت

لا تقول تفارقنا قول ما جت الدنيا على ما نشتهي

وخللي الأمل فينا لآخر أيام العمر ما ينتهي​

قراااااااااااااءة ممتعه _03ba:​

 

[مـ سهله ـو]

يالله يامحطمتنااا ناطرينج

:eh_s(14):

ههههههههههههههههههههههههههههه استانس لمن اعصب عليج لووول ​

 

[مـ سهله ـو]

ناطرينج حياتي

فوقج حبي :> ​

 

[sweet.sanfoora]

الله ياخذ عبدالله حقيييييييييييــــر
بلييز موتيه حياتي انتي ابيه يموت

وثنكس حياتي

 

[مـ سهله ـو]

الله ياخذ عبدالله حقيييييييييييــــر
بلييز موتيه حياتي انتي ابيه يموت

وثنكس حياتي

عبدالله الله يغفر له


العفو حبيبتي وشاكره لج مرورج :>​

 

[الاحاسيس المبهمه]

:eh_s(14):

ههههههههههههههههههههههههههههه استانس لمن اعصب عليج لووول ​

حراااااااام علييج والله انا حسااسه دمعتي بعيوني اخااف من تعليقااتج اهئ اهئ هئ << عشت الجو لوووووول

وتدرين شنوو ماااحب عبدالله مع ان حي احب اسم عبدالله بس شكلج بتكرهيني فييه

الباارت خياال واتوقع بالاخيير ضاري يتزوج شيخه وواعلياا هل الشيخه ذكرتني بشيخه برواية روااان ( هذا حظي ونصيبي ) صح لووووووووووووووول

ويسلمووو على الباارت يالمعصبه :krkrkr:

 

[الليدي ديانا]

راح تتطلق و تتزوج ضاري عدل؟

 

[ام هديل 87]

تسلمين على البارت الحلو
البارت كله اكشن بس مريم اكسرت خاطري ان شاء الله امها تحن عليها وتخليها تتزوج حمد

 

[مـ سهله ـو]

حراااااااام علييج والله انا حسااسه دمعتي بعيوني اخااف من تعليقااتج اهئ اهئ هئ << عشت الجو لوووووول

وتدرين شنوو ماااحب عبدالله مع ان حي احب اسم عبدالله بس شكلج بتكرهيني فييه

الباارت خياال واتوقع بالاخيير ضاري يتزوج شيخه وواعلياا هل الشيخه ذكرتني بشيخه برواية روااان ( هذا حظي ونصيبي ) صح لووووووووووووووول

ويسلمووو على الباارت يالمعصبه :krkrkr:

هههههههههههههههههههههه

شوفي انا عبدالله اهو الوحيد اللي ما غيرت اسمه ههههههههههههههههههههههههههههه ما ادري ليش حابه افضحه

والله يسلمج يا قلبي

:> ​

 

[مـ سهله ـو]

راح تتطلق و تتزوج ضاري عدل؟

هاهاهاهاها مراح اقولج :> ​

 

[مـ سهله ـو]

تسلمين على البارت الحلو
البارت كله اكشن بس مريم اكسرت خاطري ان شاء الله امها تحن عليها وتخليها تتزوج حمد

الله يسلمج يا قلبي


ان شاء الله _03ba:​

 

[ma3boocha]

والله عجبتني شيووووخ... زين تسوي فيه... ما عطته أكبر من حجمه...
عيل الحمار يقولها أحس عادي !!!!!!!!!!!!!!

بس ردها عجبني لما قالت حتى أنا احساسي عادي ( يعني انا مو طايره فيك لا تغتر بنفسك )
و حرني لما رد عليها قالها لأنج مو بنت ( جنه مو اهوا اللي مسوي فيها جذي )


الصراحه قصتج قاعده توعي وايد بنات عشان ما يقصون عليهم الصبيان التماسيح

 

[Danya =)]

وااااااي شنوو هذه عبدالله

قليل ادب وما يستحي على ويهه :eh_s(14):

اووووووف حدددده باااط جبدي :eh_s(14):

لو انا من شيخه ما خذيته لو حتى بقيت بدون زواج

تسلمييييين حياتي عالباارت

تسلم يييدج

ناطرييينج :*

 

[مـ سهله ـو]

والله عجبتني شيووووخ... زين تسوي فيه... ما عطته أكبر من حجمه...
عيل الحمار يقولها أحس عادي !!!!!!!!!!!!!!

بس ردها عجبني لما قالت حتى أنا احساسي عادي ( يعني انا مو طايره فيك لا تغتر بنفسك )
و حرني لما رد عليها قالها لأنج مو بنت ( جنه مو اهوا اللي مسوي فيها جذي )


الصراحه قصتج قاعده توعي وايد بنات عشان ما يقصون عليهم الصبيان التماسيح

شيخه احساسها راح يصدمكم حيل بالبارت الياي ولو تلاحظين البيت اللي حطيته بعد مكالمتهم يوم يقولها المسج من منو راح يوضح كل شي ؟؟؟!!!

ورد عبدالله حقير والله يغفر له

حياتي والله انتو تستفيدون وانا بعض وان شاء الله نحذر من التماسيح :0bee2e8d89:​

 

[الليدي ديانا]

هاهاهاهاها مراح اقولج :> ​

خو انا ما قتلج ابي التفاصيل

قولي اي او لا كافي


نسيت اقولج مشكوره على البارت << تو الناس :tomato2:

 

[مـ سهله ـو]

وااااااي شنوو هذه عبدالله

قليل ادب وما يستحي على ويهه :eh_s(14):

اووووووف حدددده باااط جبدي :eh_s(14):

لو انا من شيخه ما خذيته لو حتى بقيت بدون زواج

تسلمييييين حياتي عالباارت

تسلم يييدج

ناطرييينج :*

عبدالله الله يغفر له مراح اسبه اكثر من جذي والله انا ودي بس الهوى ضدي ههههههه

الله يسلمج حياتي منوره :*​

 

[مـ سهله ـو]

خو انا ما قتلج ابي التفاصيل

قولي اي او لا كافي


نسيت اقولج مشكوره على البارت << تو الناس :tomato2:

هم مراح اقول _03ba:


هاهاهاهاهاا

العفووو يا قلبي ولو :> ​