روايتي الجديدة مثل ما وعدتكم " حبيب الأمس" ..حياكم

[rawona]

لا ان شاءالله ماراح اطول عليكم ..

والنهاية قربت

​

 

[digital]

هلا روونه

يالله باجر نننطر مو مشكله

وان غدًا لناظره لقريب

 

[ma3boocha]

ناطرينج

 

[ام _خلودي]

لاااااااااا حساافه

عيل ماكو الا باجر اخذ الاب توب ويااى الدوام

 

[cocoo]

لااا حراام عليج الظاهر ماراح يتزوجووووووون


توني اخلص القصه


بصراااحه استمتعت بقراءتهاااااا




نااااطرين الباااااجي

 

[d-k_group]

خلصت القصه اليوم

ناطره التكمله باجر ان شاء الله


رووونا القصه عجيبه حدي اندمجت فيها


بس الظاهر راح يفترقون خالد والاء

 

[وين^العهود]

معذوره روونا

انا مصبره نفسي بقصه شيخه وطلال ليلحين ماخلصتها

روووووووعه شويه عليها

حدي اندمجت فيها

تسلم ايدج على هالقصص الحلوه

 

[ام البنين2000]

انا ناطره
بس نبي نهايه حزينه نبي بجي هالمره
:krkrkr::krkrkr::krkrkr:

 

[hello!]

واااااي لأ ليش جذي مادري ليش احس بتفركش سالفتهم وماراح يتزوجون
البارتات روعه روونه كملي.. حدنا متشوقين

 

[TuTTi^FruTTi]

يعطيج العافيه حبيبتي وناطرينج اليوم

 

[* فطامي *]

روووووووووووووووووووعه القصة

بس يا خوفي النهايه حزينه لانه اسمها يدل على نهاية الحب بينهم وصار ماضي ومدفون / لوووول قاعد احلل اسم القصة



تسلمين على البارتات الرووووووعه وبانتظارج

 

[Shiny Star]

رونه

وينج حبيبتي ؟

ناطره على احر من الجمرررررررررررررررر


شايني شلونج حبيبتي ؟؟

أنا الحمد الله بدوره بخير عساك دايما ما تشوفين الا كل خير :eh_s(6):

يا الله رونه ناطرينك

 

[Shiny Star]

لا ان شاءالله ماراح اطول عليكم ..

والنهاية قربت

​

بصراحة أنا وايد مستمتعة بالقصة ودي أعرف شنو يصير


بس


ما ودي تخلص القصة :krkrkr:

 

[rawona]

السلااااااااااااااااااااااااام ..


شلونكم بنات ؟؟ كلكم وحده وحده .. بصراحه تعليقاتكم فرحتني وودي ارد على كل وحده باسمها و اشكرها بس ادري الوقت شوي مضايقني وادري انكم مستعيلين على البارتات


الف شكر .. وان شاءالله تحبون البارتات اليايه .. ثواني و انزلها :tek:

​

 

[rawona]

مرت الأيام على خالد وكل يوم نفس الثاني .. روتينه اليومي دوام – بيت- النادي - القهوة وساعات اذا ماراح القهوة راح الديوانية .. يكلم ألاء من فترة لي الثانية .. كل ما حاول يكلمها بموضوعهم يتراجع .. ما يبي يبلغها برفض أهله .. للحين حاط أمل بزواجه منها ..

وفي يوم كان قاعد بداره يشتغل على برمجة برنامج من برامجه .. وسمع احد يطق الباب ..

خالد: تفضل..

انفتح الباب و ادخلت أم خالد ومعاها نوره ..

رفع خالد راسه وشافهم .. راح باس راس امه واهو ساكت وسلم على نوره ..

نوره: شلونك خالد؟؟

خالد: تمام بخير الله يسلمج .. من متى عندنا؟؟

نوره: من الغدا .. وينك ما كليت معانا ؟

طالع امه ولف على نوره يكمل كلامه: ما كنت مشتهي آكل ..

سكتت ام خالد شوي واقعدت على السرير ..

ام خالد: شفتي شلون يعاملني؟؟ صدقتي الحين يوم اقولج انه تغير علي؟؟

نزل خالد راسه بالارض و ما تكلم ..

نوره: لا يمه خالد ما تغير ولا عمره بيتغير علينا .. بس اهو شوي ماخذ على خاطره .. صح خلود؟؟

خالد: اي اي صح!

ام خالد: المهم .. انا يايه أقولك ان ابوك وافق مبدئياً انه يسأل عن أهل البنت .. واليوم لي رد من الديوانية بليل تعال اقعد معاه وشوفه شيقول ..

استانس خالد من هالخبر ..بس ماحب يبين فرحته جدامهم ..

خالد: ماشي .. (قالها بثقل)

نوره: يعني مو مستانس؟؟

خالد: وليش استانس؟؟ اهم اهلج وافقوا؟؟

ام خالد: شوف يا خالد يا يمه .. كل ام تبي لضناها الأحسن ..

خالد: و شدراكم ان ألاء مو "الأحسن" لي؟؟

ام خالد طنشت كلامه وكملت كلامها: ومافي أم بالدنيا ما تبي السعادة لعيالها .. وصدقني يا ولدي لا أنا ولا أبوك راح نوقف بطريج سعادتك .. اذا كانت هالبنت اللي اخترتها اهي اللي تبيها زوجة لك وام لعيالك .. فماعندنا مانع .. وما نطلب من الله الا انه يكتب لك كل اللي فيه خير وصالح .. وادعي ربي انها تكون لك مثل ما تبي و تسعدك و تهنيك ..

كانت نوره مبتسمة لأنها كانت عارفة الكلام اللي بتقوله أمها من قبل و عندها فكرة عن موافقة اهلها على زواج خالد من ألاء .. تعبت بالفترة اللي طافت لين اقدرت تقنعهم وحاولت بكل الاساليب وطرق الاقناع لين وافقوا اخيراً..

خالد ماكان مصدق اللي قاعد يسمعه .. من الفرحة راح لم امه وباسها على راسها .. وادمعت عيون ام خالد من الفرح ..

ام خالد: الله يوفقك يا ولدي و يسعدك ويهنيك يارب ..

خالد: الله يخليج لي يالغالية ولا يحرمني منج ..

ام خالد: الحين صرت غاليه؟؟ وصارلك جم يوم زعلان وحتى على الويبه ما تجابلني؟؟

خالد: عمري ما زعلت منج يمه و بحياتي كلها ماراح ازعل .. انا كنت اتغلى شوي!

نوره: هههههه طلعنا مو بس احنا اللي كيدنا عظيم!

ابتسم خالد .. ومسحت ام خالد دموعها واهي تقوله: يلا يمه تعال معانا تحت نشرب جاي و تسولف لي شوي عن العروس ..

استانس خالد حيل مو مصدق اللي قاعد يصير جدامه .. أخيراً يا ألاء .. أخيراً صرت أقدر أسولف عنج عند اهلي من غير خوف!






​

 

[rawona]

نزل خالد مع امه واخته .. وقعدوا بالصالة .. وصل بدر وقعد معاهم و اقعدوا يسولفون عن الزواج ..

بدر: انت من صجك بتتزوج هذي؟؟

خزه خالد خزة اللي خلت بدر يرجف بمكانه..

خالد: احترم نفسك و ثمن كلامك ! و لا تتكلم عنها بالاسلوب ..

بدر: والله ما عندك سالفة! مو كلمتها و حبيتها وحبتك ؟؟!! خلاص خلها بس للحب و تزوج غيرها! الحب غير .. والزواج غير يا اخي! وبعدين عاد من زين اللي اخترتها ولا من زين اهلها!!

قام خالد يبي يكفخ بدر بس امسكته نوره ..

خالد: والله يا ابدير ان ما حطيت لسانك بحلجك وسكت لا تشوف شي عمرك ما شفته !! انت حسبالك كل الناس نفسك .. وصخين وتفكيرهم قذر!! تلعب على بنات خلق الله و ادور من وحده لي الثانية يا الحقير .. والله و ثم والله ان سمعتك اتييب طاريها مره ثانية .. صدقني ما تبي تعرف شاللي بيصيرلك!

بدر: اوهوووو! يا كلمة وردي مكانج! عاد مادري من هذي اللي بتذبحني علشانها .. أقصاها ................. وصخه لا راحت ولا يت!

اهني خالد فقد خلاص بيقوم ويذبح بدر..

ام خالد: بدر!! اذلف روح دارك ..قوم!! اصعد فوق..

ونوره ماسكه خالد اللي متحلف باخوه ..

نوره: بس ياخالد ما عليك منه .. اهدا شوي ..هذا ياهل مو عارف شيقول ..

اهني ام خالد اصرخت باعلى صوتها علشان تسكت الكل..: بس! خلاص!!

ام خالد: بدر اذلف فوق ..

بدر: انزيييييييييين! اوف!

نوره: خلاص خالد اقعد .. طول بالك شوي ..

هدا الوضع شوي والكل سكت ..

ام خالد: شوف يا خالد .. انت اخترت هالبنت .. وتحمل اللي بييك!

خالد: شقصدج يمه؟؟

ام خالد: قصدي انت فاهمه عدل.. اللي صار اليوم باجر بيتكرر مو بس من اخوك من اللي دار مدارك.. واذا ما قالوها بويهك .. بيتحجون فيها من وراك!

خالد: اقص لسانهم و ..

تقاطعه امه: لا تقص لسانهم ولا شي! تحكم باعصابك .. وتحمل نتيجة اختيارك .. و ابد بحياتي ماابي اشوف اللي صار يتكرر جدامي مره ثانية ..

خالد: انتي ما شفتيه شلون غلط ...

تقاطعه مره ثانية: مفهوم يا خالد؟؟

نزل راسه بالأرض وقال: مفهوم ..

وراح باس راس امه و اعتذر منها ..




​

 

[rawona]

بعد اسبوع على هالاحداث كانت ألاء تكلم خالد بالتلفون ..

ألاء: صج والله؟؟

خالد: اي والله.. وانا عطيت امي رقم بيتكم واحتمال باجر تتصل في امج علشان تحدد موعد تزوركم فيه..

ألاء: بس شلون؟

ضحك خالد: شنو شلون؟؟ بعد مثل ما قلت لج ابوي سأل عن أهلج عند ربعه و امدحوله عمامج وخوالج وفي من ربعه اطلعوا يعرفون عمامج .. وقالوا عنكم خوش ناس .. وبس قال لأمي انه موافق!

ابتسمت ألاء و هي مستانسة .. وبنفس الوقت مو مصدقه انه اخيراً حلمها بيتحقق و انها بتصير مرت خالد عن قريب ..

خالد: يعني ما علقتي؟؟

ألاء: مادري استحيت!

خالد: ههههههه ها؟ اشوف يوم صارت الصجية صار فيها سوالف استحيت وما استحيت؟؟

ألاء: ههههه خالد! خلاص لا تحرجني!

خالد: ههه انزين ..

ألاء: تعال صج..

خالد: قولي..

ألاء: أمي ما تدري اني اعرفك او اكلمك .. وتدري يعني انتوا غير عنا شلون بتخطبني امك؟؟

خالد: شنو شلون؟ بعد نفس ما العالم تخطب!

ألاء: امبيه شفيني صايره ما اعرف اتحجي! لا قصدي اذا امي سألت من وين عرفتوني و جذي .. او وين شايفتني؟؟

خالد: اممممممم اي والله شلون راحت علي هذي؟ .... بس لقيتها!

ألاء: شنو؟؟

خالد: انتي الحين سكريه .. شوي و اتصل عليج!

ألاء: انزين قولي شبتسوي؟؟

خالد: قلت لج الحين شوي وادق عليج .. لا تحنين يا مره!

ألاء: هههههه ان شاءالله

خالد: ايييييي ما تيون الا بالعين الحمره!

ألاء: والله صج؟؟

خالد: يلا حبيبتي شوي واكلمج ..

ألاء: اوكي .. باي..

خالد: باي..



​

 

[rawona]

نوره: ألو ..

خالد: هلا بالنوري ..شلونج؟؟

نوره: هلا فيك .. ها شلون معرسنا.؟؟

خالد: والله متوهق شوي!

نوره: هاو! ليش؟؟

وقالها خالد انهم محتارين شنو يقولون لام ألاء اذا سألت وين شاف البنت او وين عرفها ..

نوره: امممممممم اي صج سالفه!

خالد: يالله أفكارج يا كرافت .. اقصد يا النوري!

نوره: بس ! لقيتها!!

خالد: شنوووووووووووو؟؟

نوره: جم تعطيني؟؟

خالد: اوووووووه.. نوروه مو وقتج!

نوره: الله يا الدنيا الحين صرت نوروه؟؟ مو توه النوري؟؟

خالد: نوره والله اعصابي مو متحملة قولي بسرعه ..

نوره: الحين مو ألاء كانت بكلية الهندسة؟

خالد: ايي

نوره: وانا معيده بكلية العلوم عدل؟؟

خالد: عدل..

نوره: بس انحلت!

خالد: يه! اي شلون..؟

نوره: اسمع..



​

 

[rawona]

اتصلت أم خالد على ام جاسم (ام الاء) وكلمتها و قالت لها انهم سمعوا عن بنتهم وحابيت ايون يشوفونها ومن هالحجي ..

ام جاسم: انتوا من بيته؟

ام خالد: وليد ال....

استغربت ام جاسم لما سمعت الاسم .. عايلتهم معروفه وكلش مو صوب عايلة بوجاسم ولا حتى نفس المذهب .. ما عرفت شتقول..

ام جاسم: حياكم الله .. متى تحبون تيون؟

ام خالد: الثلاثا يناسبكم؟؟

ام جاسم: اي حياكم الله..

ام خالد : الله يحيج ..

وانتهت المكالمة ..


ام جاسم: ألاء .. ألاء ..

ألاء: هلا يمه ..

ام جاسم: تعالي شوي ابيج ..

ألاء: ان شاءالله ..

طبعاً ألاء كانت مرتبكه .. تدري ليش امها تبيها .. وخايفة لا تخوره وتكشف نفسها !

قالت لها امها عن الناس اللي يبون ايون يشوفونها و سألتها اذا كانت تعرفهم والا لا؟ نكرت ألاء انها تعرفهم كلش ..

ام جاسم: مو معقوله ايون يخطبون مني والطريج!! اكيد شايفينج والا عارفينج!!

ألاء: مادري يمه..

سكتت ألاء شوي ..

ألاء: اييييييييييييييييييييي تذكرت!!

ام جاسم: شنو؟؟

ألاء: انتي قلتيلي اهم بيت وليد ال... ؟؟

ام جاسم: ايي

ألاء: تذكرت انه مره كنت رايحة ويا ساروه ونوف عند معيدة في كلية العلوم يمنا علشان تشرح لساره مسأله و كان اسمها نوره ال.... ومره سألتني عن اسمي و وين ساكنه .. فيمكن اهي

ام جاسم: امممممممم و الله يجوز .. المهم ما علينا .. اهم بيونا عقب باجر .. باروح اكلم عماتج علشان ايون ويكونون معاي بالصوره .. مابي اصير بروحي..

سكتت ألاء و ما تكلمت وحاولت تكتم الضحكة اللي حاشتها!





​

 

[rawona]

يلا تسلو بهالبارتات على ما اكتب غيرهم .. مو تبخلون علي برايكم وملاحظاتكم :tek:

​