روايتي الثانيه (( ياقرد حظي )) في إطار كوميدي

[ضاعت طموحي]

بسم الله الرحمن الرحيم

شلوونكم شخباركم حبايب قلبي ؟؟
رجعت لكم من بعد غيبه ماهي طويله*
بروايتي الثانيه *

** * " يــــا قــٌـرد حــظي "*

بعد روايتي الاولى حصلت ع تشجيع فحبيت الفكره وقرارت وتشجعت اني اجيكم بروايتي الثانيه في اطار كوميدي ومضحك وكلي أمل وآمنيات ان تنآل ع اعجابكم •••••


نبدي على بركت الله

عائلة ابو سعد*

سعود ابو سعد : عصبي مايحب يتغشمر وقت الجد جد وقت الضحك بالموت يضحك عمره 56 سنه *بس حبيت اقولكم طيب حيل وده لو يملك الدنيا كلها يعطيها عياله مايبخل عليهم*

مريم ام سعد : طيبه حيل حنونه غشمرجيه دمها خفيف محبوبه من الكل وحكيمه كلمتها بميزان ربت بيت عمرها 52 سنه*

سعد: انسان ماعنده غشمره ومايحب الغلط يحب يكون هو احسن واحد والكل يهابه تقريبا شخصيته نفس ابوه وفي كرم مو طبيعي عمره 26 سنه*

بشاير : عمرها 25 سنه متزوجخ وعندها ولدين الله يخليهم لها سكون شاقين الارض وطالعين عليهم ازعاج مو طبيعي اساميهم 3 سنوات وخالد سنه*

بدور : 22 سنه ملجه ع واحد سحت ضابط بس يقولون اخلاقه حلوه .. هي حلوه حيل بس شسوي الزواج قسمه ونصيب*

احمد: شخص بارد مايهمه شي مبالي يطنش واجد طيب عمره 21 سنه*

هنادي : بطلة الروايه انسانه فيها هبال بس محد يقدر يقص عليها تقص ع العالم كله وهي تطلع منها .. فاشله دراسين بس تنجح شلون ماادري تدرس اتصالات وملاحه عمرها 19 سنه*

هناء : اخر العنقود الجعده 15 سنه هبله وخوافه وسواسيه لبعد الحدود تحب كل الناس وماتحب احد يزعل عليها*

بدور : هناء عطيني الريموت انتي ماتعرفين تغيرين*

هناء : ماراح اعطيج الريموت .... اليوم المباراه النهايه بين هولندا \ اسبانيا *وهذي الاعاده*

بدور : شباب احنا حاطه لنا مباراه ؟
هنادي : لعنبوج بويه انتي مابقى مباراه ماشفتيها * *.... انا شاكه فيج الصراحه !!

هناء: يابنت انتي وياها اسكتوا لجتوني خلوني اتابع*

هنادي : يابدور اخذي منها الريموت تراني انحولت وانا اطاله الكره كبر الدوده وشعب يركض وراها*

بدور : ههههههههه هجوم عليها ماكو اله ناخذه بالقوه*
هنادي : يالله عليهاا*

طبخ وطاخ كلهم هجوم ع هناء*
هناء : يمه وخري انتي وياها والله ماتاخذونه*
هنادي : ع ظهر هناء والله ماهدج لحد ماتعطيني الريموت

بدور: يآآآآآآآو يابنات انحاشووووا*
هنادي وهناء: شنوووو ششششفيج ؟!*
*بدور : قطووووووه >>> وربي تقولون اسد مو قطوه من كثر ماهي مربربه حشا مابقى زباله عزكم الله ماخمت اكلها هع

( انحاشوا البنات كلهم فوق طوف طوف ع الدرج صار زلزال يتراكضون *)

هناء: ياويلنا ويلاه يمه هنادي ورانا القطوه تلحقنا*

هنادي : وع الدرج احلفي اهب يادبه فيها حيل تركض بنات ع طول رحوا غرفتي فيها قفل هههههه
** * * *ياقرد حظي*

بدور : يالنذلات مخليني اخر وحده*
هنادي : خليج اخر وحده يمكن تاكلج وتفكنا منج لوول*

بدور : يهب ياوجهج*
هناء: يمه لا تاكلنا >> هذول لو طالعلهم اسد شنو سون*

( وهم بالممر الي فوق يصارخون سمع سعود ابو سعد صراخهم ومريم ام سعد )*
مريم : ياويلي ع بناتي لا يكون طمر عليهم حرامي ... قووم ياسعود قووم*
سعود : ششفيج ؟!

مريم : اسمع صراخ البنات قووم شوفهم
( تركض ام سعد وابو سعد لغرفة البنات بشوفون شنو صاير )*

مريم : اطق الباب ع البنات طق طق فجوووا الباب هو طمر عليكم وين راح ؟!

هنادي : يمه قطوه كبرر الدرام دخلت علينا راحت غرفة بشاير*

مريم : ياابو سعد طلعت قطوه يقولون بغرفة بشاير*

سعود : وينها !؟ وينها !؟ والمخمه بيده وصار صراع بين ابوي والمخمه والقطوه*

( تنحاش القطوه وابوي يلحقها تعالي ويطلعها برا البيت ويقفل البيبان وكل هذا صار الساعه 3 الفجر كنا بعطله وسهاره )*

سعود : لعنبوكم قطوه تسوي فيكم جذي لو طالعلكم اسد شسويتوا*

هناء: يبا الاسد ارحم من القطوه الي طلعتلنا عتوي ماظنتي قطوه*

سعود : ان سمعت صياحكم شفتوا العقال للسبه فوق ظهوركم لجتونا فضحتونا بين العربان*

هنادي : يبا والله زين ماكلتنا ماشفتها شكبرها ( ياقرد حظي )*
سعود : اسكتي انتي وياها يالله اشوف كل وحده ع دارها خليني اسمع صوت بس تراني انا في طق ماودي اسطركم كل وحده صارت طولي*

بدور : ان شاءلله يبا*
( راحت بدور غرفتها وهنادي وهناء غرفتهم )*

هنادي : ارسلت لبدور مسج لا تنامين انطري لحد ماياذان الفجر خلينا نصلي وننطر احمد يقوم ويودينا الجمعيه*

بدور : ياعمتي طيري انتي وياها بنطر صلاة الفجر وبنام دايخه .. عطوني عرض كتافكم بس*

هنادي : الاخت طلعتي خياطه هههههههههه \\\ خلاص بنخليها بالليل*

( وقت العصر في بيت ابو سعد البنات توهم قاعدين )*

مريم ؛ تو الناس ... لا بعد لي قالوت ياحظها عندها بنات*
هنادي : يمه يرحم امج توني قاعده تراني مو قاعده اركز بشي ( ياقرد حظي )*

مريم : انتم الي مثلكم تقولون انقوم انساعد امي ماعندها خدامه*

بدور : ان شاءلله يمه مايصير خاطرج اله طيب*
هناء: يمه وين احمد ؟؟*
مريم : موهني طالع مع ربعه شتبين فيه ؟؟
هنادي : يمه نبي نروح الجمعيه بنشتري لنا حلويات وكاكاويات كل يوم يذبحنا الجوع بالليل ومالنا خلق نسوي اكل*

مريم : مالكم اله سعد خلاص اقوله يوديكم*
هنادي : لاااااا العصبي مانبيه يودينا*
مريم : مالكم اله العصبي تبون وله مو لازم تروحون*

بدور : يالخبول شي احسن من ولا شي ع الاقل نروح نغير جوو*
هناء: اي جو انتي وجهج مع العصبي والله يقلبها نكد*

هنادي : يابنت الحلال اقل شي نشتري لنا اكل لسهره ولا تنسين سعد كريم لو تخمين الجمعيه كلها مايردج*

بدور : اي والله*
هنادي وبدور وهناء: خلاص يمه موافقين قوليليه نبي نروح معاه*
مريم : روحوا البسوا ع مااقوله*

في غزفة سعد*

سعد: هلااا يمه*
مريم : سعد اخذ خواتك الجمعيه يشترون لهم اكل وحلاو وخرابيط*

سعد : ليش وين احمد*
مريم : احمد رايح مع ربعه*
سعد : خلاص يمه ابشري لي خلصوا خليهم يلحقوني انا بالسياره*
مريم : تسلم عساك غانم*
سعد : خيرج سابج

( طبعاً مايبيله خمس دقايق خلصوا البنات كل وحده لبست عبايتها لانهم طالعين مع سعد العصبي مايمر عليه شي )

هنادي : *ياهناء خلصي علي كلها عبايه*
هناء: انا ماعرف للعبايه متعوده كله ع البدل*
هنادي : خلاص مو لازم تروحين*

هناء: ياسلام شقعدني لا ياعمري بروح ان شاءلله لو يلبسني خيشه*

بدور : خلصتوا*
هنادي وهناء: يسس سستر*
بدور : يالله العصبي ينطرنا برا*
هنادي : وجعلنا من بين ايديهم سدا ومن خلفهم سدا فاغشيناهم فهم لا يبصرون *..

بدور : هههههه لا تخافين ماراح يقول لنا شي اشكالنا هول نخرع*

ههههههههههههههههههههههههههههههه
( بالجمعيه )*
•••• نزلوا البنات وسعد يمشي قبلهم وهم متجهين لباب الجمعيه التعاونيه طلعوا شابين من الجمعيه ••••

الشاب (1) : هذولي شفي اشكالهم جذي*
الشاب (2) : يمكن عندهم عزا*
الشاب (1) : يمكن الله يعينهم*
هنادي : هههههههههههههههههههههههههههههه سمعتوهم شقالوا

بدور وهناء : لاا شقالوا ؟؟؟
هنادي : يقول هذول شفي اشكالهم جذي رد عليه رفيجه قال يمكن عندهم عزا ههههههههههههههههههههههههه ( ياقرد حظي )*

بدور وهناء: ههههههههههههههه*
هناء: مالومه روعنهم ... شنسوي حكم الظالم ع المظلوم*

بدور : بل خلتيها مره وحده ظالم .. يابنت الستر زين ... بس شافنا ماعطيناه وجه قعد يعيب*

هنادي : هههههه شايفه وجهج انتي بالاول مصوفر وربي تقولين توها طالعه من ملاحظه مستشفى الصباح استغفرالله هع*

هناء: ههههههههه*
بدور : انطمي انتي وياها ... ماعلي منكم واثقه من نفسي*
سعد : بنات هذا صوب الحلويات والكاكاويات انا بروح فرق بشتري شغله ونزل اول مانزل القاكم خالصين فاهمين*

بدور وهنادي وهناء: فاهمين*
بدور : ذكرني ايام الروضه لمه الابله تفهمنا شي وتقول فاهمين يااطفال واحنا نرد فاهمين ياابله *وتلقينا ماندري وين الله قاطنا لوووول

هنادي وهناء: ههههههههههههه
هنادي : مو وقت ضحك الحين خلونا نشتري لا والله نفلس من كل شي*

هناء : بدور هنادي يازززين هذاك !!!
هنادي وبدور : وووينه ؟؟
هناء: هذاك الي وراه رف الحلويات والبطاط*
بدور : حسبي الله عليج لا تأشرين*
هنادي : يااااو عذاب طلع عيونه خضررر
هناء : احلفي ياحظه عيونه خضر*
هنادي : يمكن امه اجنبيه ؟!*
هناء: خلاص انا حجزته*
هنادي : استريحي هذا الي ناقص انا اكبر منج الكبير اولا من الصغير*

هناء: لا ياعمري مايصير انا اول وحده شفته*
بدور : لا انتي ولا انتي اناا*
هنادي : انتي خليج عند سحتج هع*
بدور : يمه شوفي هذا يخزنا

هنادي : مو يشوفنا من زينن علينا يقول شنو هالشيف عبالهم سيلانيات كاشخات*

هناء وبدور : خخخخخخخخخخخ
هناء: ترى بعيون خضر سمعنا شكله نقد علينا*

هنادي : ماتلحظون شي ؟!؟!؟
بدور وهناء: اليوم الجمعيه مابقى مزيون مادخلها يوم رايحين مع سعد والله لو بروحنا جان مابقى سحت ع الكره الارضيه ماشفناه*
** * * * *( ياقرد حظي )*
بدور: كل السحوت كووم والسحت الي عندي كووم انا ماخذه ابو السحوت كلهم إهي إهي*

هنادي : ههههههههه والله ياختي ان شاءلله مااجوره ع مابلاج استغفرالله الله لا يبلانه*

هناء: الله يعينج يابدور وهو كاشخ ماينبلع تخيليه وهو توه قاعد من النوم ياسسسساتر*

بدور : خــــــــــــــلاص تكفوووون لا انتحر*
هنادي : ماعليه ماعليه احتسبي الاجر من ربج ع صبرج*

بدور : تمسح ادموعها بس يقولون اخلاقه وطبعه حلو*
هنادي : ماسكه ضحكتها... اي ربج ياخذ شي ويعطي شي*
هناء: ماخلصتوا سعد نزل*

( وهو نازل سعد سلم ع بعيون خضر )*
هنادي : ياقرد حظي طلع رفيج العصبي*

بدور : اشوه ماندمجنا جان خرناها*
محمد: هلاا سعد عاش من شافك ؟
سعد : عاشت ايامك ... والله مشغول في هالدنيا*
محمد : هذي الساعه المباركه الي شفتك .... اليوم العشا عندي*

سعد : لا ياخوي اعذرني انا *معاي الاهل .. خلها مره ثانيه*

محمد: منو هذول خواتك ؟ ( استغرب طبعاً سعد ثقيل حيل )*

هنادي : تساسر خواتها قايله انا كل من شافنا لازم ينقد علينا*

سعد : اي نعم*
محمد: خلاص باجر ان شاءلله العشا عندي لا تعذر*
سعد : ابشرررر
محمد: بشرووك بالجنه*
سعد : مع السلامه*
محمد: مع السلامه*

هناء : شفتوا الحظ طلع رفيج العصبي*
هنادي : حظي وعرفه دايم مضيع دربه*

اكمممممل*

 

[ضاعت طموحي]

حياااكم الله وإن شاءالله اذا شفت ردود راح اكمممل

 

[ضاعت طموحي]

للاسف ماكو تشجيع