روايتي الثانيه { منى ومريم}

[so_what]

يسلموووو ناطرينج

 

[إيمي1987]

رد : روايتي الثانيه { منى ومريم}

حبوبة ناطرينج

المنتدى يعلق

واليوم دشيت لوول

 

[so_what]

waiting

 

[Miss.blue berry]

رد : روايتي الثانيه { منى ومريم}

ThenQ 3la AlPart

 

[Riooma]

ana radet la3yonek ana radet wa2kheran al montada dash ma3ai ba3ad 7arb 7wela beii oo bena damat akthar men esbo3. wain my part ya akaber mayser tara az3al

 

[so_what]

waiting

 

[سارووونه22]

ناطرينج

 

[اكابر]

انا اسفه تاخرت عليكم وااااااااااايد بس والله كنت حدي لاهيه بعيد الشر عنكم اخوي الكبير وحيدي سوى حادث ونعور حييييييييل والله انه طلع من الموت الحمدالله على كل حال وكنا حييييييييييل لاهين معاه والله ماتفرغت الا هاليومين توني اخذ نسم

اذا قدرت اليوم ان شاء الله امخمخ عدل واظبطكم افبارت ..

المسامحه مره ثانيه

 

[Miss.blue berry]

رد : روايتي الثانيه { منى ومريم}

لا حبيبتي عادي اخـــذي راحــتج ~~

 

[إيمي1987]

رد : روايتي الثانيه { منى ومريم}

حمدلله على سلامه اخوووج

وما يشوف شر

اخذي راحتج

 

[so_what]

حمدالله على سلامته ، اخذي راحتج ناطرينج

 

[سارووونه22]

خطاكم السوء حبيبتي ومايشوف شر اخوج ناطرينج حبوبة

 

[so_what]

uuuupp

 

[إيمي1987]

رد : روايتي الثانيه { منى ومريم}

اي والله :$


up



up


^
^
^

 

[ايقـ!ع المطر]

قريتها بيوم ابدااااااع ..

نااااااااااااااااااااااااااااااااااااااااااااااااطرين البارت:eh_s(3): ..​

 

[a7la w7da]

بصراحة مع احترامي للكاتبة
بس القصة كلش مو زينة
وانا دخلتها قلت انها غير عشان انها قصة بنات ثنتين
غير عن قصص العشاق
لكن للأسف طلعت اعظم
وتوضح تفاصيل استغفر الله منها يشيب لها الراس
والمنتدى في من مختلف الأعمار
يعني تفتح عيون البنات الصغار وتعطي أفكار للي ما يدري

ويا بنات عمرنا محاسبين على كل لحظة فيه
حرام نضيع وقتنا على هالأشياء

واتمنى تتقبلون رايي لأن نقذ بناء ليس الا
ومو كل الانتقاذات بتكون مثل ما تبون لازم بتلاقون اختلاف
وانا اشجع الكاتبة على الكتابة بس الصراحة واااايد فيها بلاوي القصة
استغفر الله

 

[بنت كويتيه كول]

رد : رد: روايتي الثانيه { منى ومريم}

لوسمحتى ممكن اعرف اهذى القصة حقيقيه ولا لا

 

[بنت كويتيه كول]

رد : روايتي الثانيه { منى ومريم}

ياعطيج العافيه بس ممكن سوئل ليش الاسامى شبعنا هذى القصة حقيقيه ولا لا

 

[اكابر]

الجزء الثاني والعشرون ..



مرت الايام وخليفه طاير بزوجته وحيل مستانس فيها مبدئيا منيره كانت بنت حلال وهاديه وحياويه ومالها صوت ..

منى تقربت منها وكانت اهي تبدي الحوار وتسولف معاها وخليفه كان ساعات يحن عليها ويطلعها معاهم ..

......................................................................................................................................

مر شهر على الملجه واتفق خليفه مع زوجته انه مايسون عرس بصاله لانه مايحب الزحمه كان يبي حفله صغيره

افبيتهم ايون اهلها واهله بس مايبي حفله كبيره بيوم العرس والكل متزهب والعروس من الساعه 11 الصبح بالصالون ..

الساعه 2 ونص الظهر رن تليفون بو خليفه ..

بوخليفه : شنو ؟؟ لا حول ولا قوه الا بالله .. متى ؟؟ انا لله وانا اليه راجعون عظم الله اجركم .. الحمدالله على كل شي لا ان شاء الله اخر الاحزان ..


ام خليفه : خير يابو خليفه شالسالفه ؟؟

بو خليفه وعيونه مغورقه .. عمتي بدريه عطتج عمرها ..

ام خليفه لا حول ولا قوه الا بالله وقامت تبجي ما ماتت الا بيوم فرحتي وبولدي ..

بو خليفه : صلي عالنبي يامره وتعوذي من بليس شهالحجي يومها .. والايام يايه وايد وبتفرحين فيه ان شاء الله ..

ام خليفه: وليدي مسكين ما بيتهنى بيوم عرسه .. الحمدالله على كل حال .. الحين شبتسوي ؟؟

بو خليفه : سوايه الله ابرك راح اتصل وكنسل حجز الصاله والمطعم وكل شي وانتو عاد كيفكم تبون تأجلون

كيفكم ..

ام خليفه: لا يابو خليفه حرام البنيه تلاقيها الحين متزهبه وبالصالون عالاقل اتي تصور افبدلتها مع ريلها وبعدين

يروحون الفندق ..

بو خليفه: كيفج وانتي وولدج كيفج ..

ام خليفه: اتصل عليه مالي قلب اقوله جذي اخبار ..

اتصل بو خليفه على خليفه اللي كان طالع يخلص جم شغله وقاله الخبر وطبعا تضايق حيل .. واتصل على

زوجته ..

خليفه: الوو ..

منيره : هلا حبيبي ..

خليفه: حياتي وينج ..

منيره : اشفيك حبيبي انا بالصالون كل هذا وله مافيك صبر لي الليل ..

نوال : منور سكري لا تحاجين ريلج خليه يوله عليج ..

خليفه : سكتي اللي يمج احسن لج ولها ..

منيره : نوال سكتي .. خليفه شفيك ؟؟

اخذ نفس عميق : منيره انتي مؤمنه بقضاء الله وقدره ..

منيره: طبعا ..

خليفه: عمتي العوده عطت عمرها ..

منيره : شنوو ؟؟؟؟

خليفه: بعد هذا اللي صار ..

منيره : وليش يصير جذي فيني انا مكتوب علي ما افرح ..

خليفه : منوره حبيبتي هدي نفسج ماله داعي هالبجي ان شاء الله بعوضج عن كل شي ..

منيره ماسمعت جمله خليفه الاخيره لانها سكرت التليفون وقامت تبجي ..

نوال : منور اشفيج اشفيج حبيبتي ليش تبجين ..

منيره كانت ساكته وبس تبجي ..

خذت نوال التليفون واتصلت على خليفه..

خليفه: هلا حبيبتي ..

نوال : اسفه خليفه بس انا نوال اخت منوره..

خليفه: هلا نوال..

نوال: هلا فيك شالسالفه اشصاير منور بس تبجي ومور اضيه تتحجى ..

خليفه: عمتي الكبيره توفت ..

نوال: لا حول ولا قوه الا بالله عظم الله اجركم..

خليفه: اجرنا واجرج ..

نوال: شنو يعني بتكنسلون كل شي ؟؟

خليفه: تقريبا بس منيره راح تلبس بدلتها وراح تحط مكياجها واتي البيت تصور حالها حال أي عروس وماجنه

صار شي الفرق انه ماراحي يكون في معازيم ..

نوال: اها اوكي ولا يهمكم انا راح ابلغها وان شاء الله مابيصير الا كل خير ..

.............................................................................................................................

نوال راحت تفهم منيره اللي ظلت تبجي .. وفهمتها كل شي واقتنعت اخيرا انها تحط مكياج وتخلص شغلها ..

عقب راحت بيتها عشان امها تشوفها .. وبعدها ودوها بيت خليفه ..

ام خليفه ماخلتها بخاطر ولدها وحطت اغنيه لما دخلت العروس ..

وظلت الاغاني شغاله عشان خاطر العروس ونزل المعرس وصور مع عروسته وطلعوا ركبو الليموزين وزفهم

شباب العايله بالهرنات والاستعراض وماخليوهم لين وصلوهم للفندق ..

صعدت منى مع ام خليفه وخالته مع العروس عشان يساعدونها تفصخ النفنوف ..

وطلبولهم عشا وطلعوا من عندهم الساعه 1 ..

.......................................................................................................................

منى كانت مستانسه حق اخوها بنفس الوقت متضايقه لانه ما استانس وعمتهم توفت ..

اول ما وصلت ابيت والكل دخل غرفته ينام ..

اتصلت منى عليى يوسف..

يوسف: اهلين حبيبي ..

منى : بزي حبيبي ..

يوسف: لا بس ويت اطلع برا ..

منى : ليش انت وينك ؟؟

يوسف: انا بالشاليه مع اصحابي ..

منى : اصحابك ها ؟؟

يوسف: اقصد الربع ولا يهمج..

منى : صوت اغاني وهيصه شالسالفه..

يوسف: أي مسوين بارتي ..

منى : اها ..

يوسف: اشفيج حبيبي .. شنو اتضايقتي..

منى : يعني ماقتلي عن الحفله والشاليه وو..

يوسف: بعرف حبيبي ماتحبين هالاجواء ..

منى : قتلي ما احب هالاجواء انزين في بنات..

يوسف: افففففففف كيييييييك والله كيك كل وحده تقول الزود عندي ..

منى : اها عسى ظبطت ..

يوسف: لا والله مو ستايلي ...

منى : اها .. يعني لو في ستايلك جان ظبطت ؟؟

يوسف: مادري .. بسليش اظبط وانتي عندي ..

منى : خير ان شاء الله ..

يوسف: عاد والله في اكثر من وحده تحرشوا بس انا ماعطيتهم ويه ..

منى : اشحقه عطهم ويه حرام دقرتهم ..

يوسف: عاد كلهم بنات فلوس .. لانه البارتي صاحبها من الهاي كلاس ..

منى : اها ..

يوسف: عاد كنت بكلمج بموضوع ..

منى : شنو ..؟؟

يوسف: مو وقته الحين .. بعدين..

منى : لا قول الحين تدري فيني ماحب هالحركات ..

يوسف : صاحبي قالي انه في بنات يصرفون على الشباب فعاد قلت اشرايج اتعرف على وحده منهم واخذ منهم

جم دينار اظبط روحي فيهم ..

منى :....................

يوسف: طيب حبيبي اكلمج بعدين اصحابي ينادوني ..

منى :............................

يوسف: الوو منووش ..

..........................................................................................................................

مريم كانت طالعه مع منى طبعا قالت لها كل شي ..

مريم: انا من رايي تخلينه يولي لانه هالانسان منحرف وحيوان وماعنده احساس ..

منى : مريم حاولت بس ماقدرت احبه ..

مريم: عيل لا تقدين تتشكين منه انا لو منج ما اكلمه نهائيا وادور لي واحد محترم وحق زواج ترى الرياييل الكبار

احسن ..

منى: لا انا كلش مو نفسج وما احب الكبار ..

مريم: ليش شتبين عيل اخذ لي ياهل وكل يوم والثاني مغربلني وياه ومتعبني ومن خيانه لي خيانه ..

هذا قبل الزاوج وجذي تصرفاته عيل لما تتزوجون شبيسوي ..

منى : والله مادري ..

مريم: انزين منوش بقولج شي ..

منى : شنو ..

مريم :اليوم وحسين قاطني بيت اهلي ياله اتصال حسيته ارتبك وبعدها داس سرعه وجنه يبي الفكه مني وطريقه كلامه

مادري شلون كانت صايره ..

منى : شلون يعني؟؟

مريم: رن تليفونه تم يطالع الرقم يقول رقم غريب واهوالعاده حتى لو رقم غريب يرد بسرعه بس الهمره حطه

ميوت وتم يطالع الرقم ..

منى :انزين ..

مريم: بعدين قتله رد شفيك قال رقم غريب قتله خير ياطير رد شوف منو رد الو منوو هلا والله الحمدالله بخير

انتو شلونكم أي والله طالع مع الاهل انا خلاص انا شوي واتصل عليكم بس افضى ماشي .. مع السلامه سألته

منو قال صاحبي بس يوم درى انه معاي اهلي قال بس تخلص من اهلك كلمني ..

بس حط التيليفون اخذته وجيكت عالرقم ولا رقم بيت وربعه دايما يتصلون من تليفوناتهم مو من البيت ..

انا اخذت الرقم وودي ادق بس خايفه يطلع اللي افبالي صح ..

منى : مريوم ديري بالج اتسوينها واتدقين ولا تخربين حياتج بايديج اذا ربج بيفضحه راح يفضحه بس تنبشين

وراه لانه راح تلقين اللي مايسرج ويمكن تظلمينه وحتى لو كنتي مو ظالمته بيقلب السالفه عليج ويركبج الغلط

ويقول ليش تعبثتي بتليفوني ومادري شنو ومن هالحجي ..

مريم: مادري .. امشي خل نتمشى ابرك من هالسالفه ..

..........................................................................................................................................


ما قدرت مريم تمنع نفسها واتصلت على الرقم وطلعت لها وحده ..

بس سمعت مريم صوتها قامت تبجي وتقول لنفسها { ليش ياحسين هذا يزاتي اني حبيتك لييش حذي تسوي تخوني ؟؟ }

اتصلت على منى واهي تبجي وقالت لها اللي صار حسين وقتها كان بالديوانيه ..

منى : انا شقلت لج ليش ماتسمعين الكلام انتي اللي يبتي المغثه حق نفسج ..

مريم: ماقدرت ماقدرت امنع نفسي بس ماني مصدقه حسين يخون مستحيل حسين يحبني ليش يخوني ..

منى : تعوذي من بليس روحي غسلي ويهج واخذي شور وتزهبي بعد شوي ريلج ايي .. لا يشوفج وانتي جذي

ولا تيبين له طاري شي ..

..........................................................................................................................................

خذت شور مريم ولبست بيجامه دافيه طويله وخلت شعرها مبطل وحطت الشباصه بإيدها ..


وبخرت البيت وعطرته وسكرت الليتات وخلت اضاءه خفيفه وقعدت بزاويه ظلمه ولمت ريولها ودفنت راسها

بين ريولها ..

دخل حسين البيت اللي ريحه البخور والعطر فايحه لي برا انصدم انه البيت شبه ظلمه اللهم اضاءه خفيفه ومريم

قاعده بالزاويه ..

قام حسين قعد يممها وحط ايده على شعرها ارفعت راسها وعيونها متفخه من البجي ..

حسين: حبيبتي مريوم اشفيج ؟؟

مريم:................

حسين: مريم: في شي يعورج انا ترى عيزت واتصل عليج ماتردين خفت انه صار فيج شي ..

مريم مانطقت ولا كلمه بس تخزه وعيونها مغورقه ..

حسين: مريم اشفيج لا تخرعيني عليج شنو انتي باجيه ..

رجعت دفنت راسها بين ريولها وقعدت تبجي بدون صوت لمها حسين وايها جامده ماتحركت وايدها بارده خاف

زياده على

باله مريضه ..

لما حضنها حسين بجت حييييييييييييييييييييييييل لدرجه انه صوتها طلع وقامت تشاهق ..

حسين حس انه الوضع فيه شي وظل ساكت ويدعي بقلبه انه مايكون فيها شي او البيبي فيه شي ..

تمت مريم تبجي وتبجي لييييييييين تعبت ونامت حس حسين انه صوت البجي وقف ومريم رخت رفع راسها لقاها

مغمضه شالها وداها الغرفه وغطاها حست مريم فيه يوم حطها بس ظلت مسكره عيونها ما تبي تشوفه ..

بدل ملابسه وراح وراها حظنها قعد يلعب بشعرها ..

مريم: ليش سويت جذي فيني ..

حسين: انصدم من كلامها ماتوقع انه اهو اللي مسوي بمريم جذي ..انا ليش اشسويت اشسويت انا ..

مريم: ليش تخوني مو حرام عليك ؟

حسين جسمه كش وقشعر .. ماتوقع انه مريم اسمعت صوت المره واهو يكلمها .. سكت وماعرف شنو يرد ..

مريم: غلطتي اخرصت لك نفسي وسلمتها لك مع اني بالبدايه وفيت وتزوجتني بس كان المفروض ادري انه راح

اظل طول عمري رخيصه عندك ووممكن باي لحظه راح تخوني ..

حسين: مريم انا ..

مريم: لا تبرر ولا تقول شي رجاءا كل شي واضح ..

حسين: والله مو قصدي الخيانه مريم لا تقولين هالحجي .. انتي عمرج ماكنتي رخيصه .. بنظري ولا راح

تكونين .. وصدقيني ماراح أي اليوم اللي تكونين فيه رخيصه

مريم: لا للاسف ييه اليوم اللي صرت فيه رخصه وخنتني ولا بتنكر انه اللي اتصلت عليك اليوم مو بنيه ؟؟

حسين:...................................

مريم: شلون عرفت ؟؟ سمعت صوتها وانت تكلمها .. واتصلت عليها وطلع لي نفس الصوت .. شنو تبي اكثر

دليل .. حسبالك ما اعرفك لما ترتبك ؟؟ ما اعرف نبره صوتك ..

حسين:.................................

مريم: للاسف حسين انصدمت فيك ماتوقعت منك هالشي ..

حسين: حبيبتي انا..

مريم وخرت عنه وقامت عن الفراش ..

بس لا تقول هالكلمه ياحسين خلاص انا مو حبيبتك لانه انت بيدك ذبحت حبيبتك ..

رجعت تبجي طلعت من الغرفه وراحت قعدت بزاويتها وظلت تبجي .. وحسين ظل مكانه مو قادر يتصرف ولا

عارف شنو يقول ..

اما مريم فقررت شنو تبي ؟؟

تابعوني البارت الياي وراح تعرفون شنو بيصير ؟؟

 

[اكابر]

اول شي اسفه حييييييييييل على التأخير بس اقسم بالله ظروفي حيل منعتني اني اكمل ..

ثاني شي حبوبه{ بنت كويتيه كول } سؤالج رديت عليه اكثر من مره وهم جاوبتج بالخاص ..