روايتي الثانيه { منى ومريم}

[اكابر]

شلونكم حبباتي ان شاء الله بخير مثل ما وعدتكم راح انزل روايه يديده وان شاء الله تعجبكم ..


لاحظت وايد روايات ابطالها بنت وولد اما انا روايتي غير هالمره ابطالها بنات ثنتين ..

لا تستغربون اي صج بنات ثنتين كل وحده سالفتها سالفه

يحبون بعض ومتربين مع بعض واكثر من الخوات

قبل لا ابدي هالروايه استويحتها من علاقتي انا وبنت خالي

بس الروايه خياليه ..
الجزء الاول
بطلات الروايه اهما منى ومريم بنات خال وبنات عمه

متربين من اهما صغار منى اكبر من مريم ب 16 يوم بس

وام مريم مرضعه منى فغير صله القرابه خوات بالرضاعه

خل اقولكم عن بيت كل وحده فيهم

بيت منى ...

الابو بو خليفه

الام ام خليفه

خليفه 15 سنه

منى 10 سنين

................................

بيت مريم

الابو بو خالد

والام ام خالد

خالد 16 سنه

احمد 15

مريم 10 سنين

نوره 7

براك 5

عبدالرحمن 1

...........................................

منى ومريم كان عمرهم 10 سنين ومنى بتروح العمره مع اهلها ..

منى : عفيه يمه عفيه

ام منى : ها يا يمه لا تحنين..

منى :يماااااااه عفيه قنعي خالووه يخليها اتي ويانا

ام منى: يايمه مايصير قتله قال شلون تروح وياكم تأذيكم

منى :لا يما ما تأذينا عفيه يما

ام منى : بعدين يايمه اهيا ماعندها جواز شلون تسافر

منى :عيل شلون تروح مصر كل سنه

ام منى : ايي ماعندها جواز بس خالج ضايفها على جواز امها
منى : يعني شنو مافهمت


ام منى : ويه يا يمه لويه السالفه بس خلاص بكلم خالج مره ثانيه رضى رضى ما رضى بعد ما بايدي شي ..

منى :هيااااااااا بدق على مريوم اقولها

ام منى : هههههههه ياحبكم لبعض نطري يايمه خل اشوف خالج شيقول ..

منى: الوووووووووووووووووووو

مريم : هاااا

منى : مريوم امي بتكلم ابوج عشان تروحين معانا العمره ..

مريم : حلفي منوش عاد والله عمري ما شفت مكه وناااسه انا وياج مع بعض عشان نغني ونلعب مع بعض من حبيبي انا رد علي وأول ..

منى: هيي يا حيوانه شنو نغني امي تقول الناس يروحون يصلون اهناك ..

مريم : وانا اشدرني اول مره اروح ..

منى : يعني انا اللي ادري ..

مريم : صج تعالي منو بيروح ..

منى : شوفي خالتي جواهر مع ريلها وعيالها فهود وجبور وبنروح احنا معاهم بسياارتهم لانه كبيره وايديده ام عبدالله وايديده ام علي بيون معانا وامي ..

وخالي عبدالله ومرته وخالي طلال ومرته بسياره بروحهم

مريم: ونااسه فهود وجبور يلعبون معانا بالطريج ..

منى : اي حده وناسه تعالي انا امي تقول لازم البس عبايه وحجاب انتي لبسي بعد ..

مريم : ماعندي امي ما تشتريلي ..

منى : انا اقول حق امي تشتريلج ..

مريم : انتي عاد ادعي خلي ابوي النحيس يوافق ..

فعلا وافق بو خالد وراحوا العمره طافوا حدود الكويت بالسلامه بس بحدود السعوديه ..

الضابط: لا ياخوي مايصير شلون اتطلعونها بدون امها ..

عبدالله: ياخوي ياهل وانا عمها وهذا جوازي يعني معقوله بنخطفها واحنا رايحين نعتمر مو سياحه الله يرضى عليك ..

الضابط: لا اسمحلي ما اقدر ممنوع اصلا ..

طلال: لا حولا ولا قوه الا بالله يعني شلون تتكنس الروحه عشان ياهل ياخوي طوفنا والمره اليايه نطلع لها جواز ..

الضابط: اسف ما اقدر

طلال: ياخوي شيرجعنا الديره معانا حريم قطعنا طريج تبينا نرجع الديره نردها ونرجع عشان نعتمر ..

الضابط : تصرف مو لازم تعتمر ..

عبدالله : لا حول ولا قوه الا بالله امش ياخوي ماكو الا نتصل فبوخالد ايي ياخذ مريم وله ما نقدر نكمل للعمره ..

بالسياره ..

عبدالله : يما ترى اتصلنا افبوخالد عشان ياخذ مريم .. مارضوا يطوفونها ..

ام عبدالله: وييه لييش ..

عبدالله: لانه جوازها على امها لا زم امها وياها ..

ام عبدالله : حسي الله عليهم خل انزل انا اكلمهم ..

عبدالله : يمه وين تنزلين انا وطلال كلمناهم ماكو فايده خلكم بالسياره عل ما نخلص اجرائاتنا احنا وننطر بو خالد ايي ياخذ مريم ونكمل طريجنا ..

مريم بس اسمعت السالفه واهيا تبجي ما تبي ترجع الديره ..

ام عبدالله : بس يا بينتي لا تبجين ..

مريم : ايديه والله والله بحياتي ماشفت مكه وودي بس اطل عليها وارد بيتنا ..

ام عبدالله : يمه شنو اتطلين عليها ؟؟ مو لعبه اهيا خلاص لا تبجين ان شاء الله ابوج ايوديج مره ثانيه ..

مريم اهئ اهئ مابي مابي ابي مع منووش اهئ اهئ ..


ام عبدالله : تدرين كاو الضابط طلع برا روحوله انتي ومنى وكلموه يمكن يرضى ..

عند الضابط ..

مريم كانت تبجي وذابحه عمرها من البجي

منى : ياحظره الظابط تكفى ياحظره الظابط تكفا عمي الظابط حرام والله اهيا مسكينه بس تبي اتطل على مكه شويهه وتروح بيتهم والله بعد لو شنو ما تطلع بروحها

والله ياعمي حظره الظابط اهيا حرام كانت تترجى ايوها تبي تروح وابوها غصب خلاها اذا ابوها بيطقها اذا رجعت تكفا يا عمي حظره الظابط سامحها ..

الضابط ويها قلب احمر وقام يضحك انصدم من جرأه منو وطلاقتها بالحجي وبنف الوقت برائتها وطفولتها اهيا ومريم بالحجابات ولا بييه خوالهم

طلال: انتو شنو قاعدين اتسوون روحو السياره بسرعه ..

الضابط : هههههههههههههه خلاص بابا روحوا لاهلكم ..

رجعوا خوالي واهما مصدومين ..

طلال: تصدقون انه الضابط وافق يمشي مريم قال عشان اليهال هالمره بيطوفها ..

مريم صج عمي ..

بو فهد: اي عمي رضى بس يله لا تتشيطنون وقعدوا عجال ..

منى ومريم بصوت واحد : هياااااااااااااااا..

كان الطرج طويل وبنف الوق

الوقت الرحله حلوه

اول ما وصلوا الفندق ..


وتحديدا بالحمام ..

مريم: منىىىىىىىىىى

منى : هااا اشتبين ..

مريم : تعالي عندي سر ..

ام منى : هو اشهالسر اللي بالحمام ؟؟

مريم : سر مايصير احد يسمعه الا منى ..

منى : ها اشفيج ..

مريم : منوش راسي يعورني ويوعانه ..

منى : نزين الحين اقول حق امي اتسولنا اكل لانه اناا بعد يوعانه ..

منى : يمااا انا مريوم يوعانين نبي ناكل ..

ام منى : انزين يما خل نحط اغراضنا ونشوف لنا مطعم ناكل

تعشوا وارتاحو وراحوا ادو مناسك العمره

وبلوبي الفندق..

بو فهد: يبا فهد انا بصعد وانت واخوك والبنات صعدوا الغراض فوق زين ..

فهد: ان شاء الله يبا ..

فهد كان اكبر من مريم ومنى بسنه ..

صعد وفهد جابر بسرعه ومنى ومريم عالراحه شوي شوي

مريم : منووش شوفي..

منى :شنو؟؟

مريم شنو هذي اللي عالطوفه ..

منى : مادري جنها مالت الحريجه ..

مريم : اها انزين شنو يصير اذا ظغطنا عليها ..

منى: مادري ..

مريم: خل انجرب .. تششششششششششششششششششششششششششششششششش طوووووووووووووووط طااااااااااااااااااااا طوووووووووووووووووو ..

منى: امبيه اشسويتي يله نحشه بسرعه ..

انحاشوا منى ومريم وراحو غرفتهم ..

وياهم خالهم طلال وعيونه يطلع منهم شرار

انتو شمسوين ؟؟

منى : والله خالي ماسويت شي ؟؟

مريم : انا انا ماسويت شي اهئ اهئ اهئ ..

طلال: لا والله ماسويتوا شي عيل منو اللي لاعب بالطفايه مالت الحريجه الفندق شغلو الكاميرا وطلعت مريم لاعبه فيها الحين يبون يدفعونا غرامه ..

مريم: اهئ اهئ ماسويت شي اهئ اهئ

ام عبدالله : خلاص يما ياهل واغلطت ماتدري شوف جم الغرامه وانا ادفعها بس لا تعصب على البنت

ام علي : يمه منج عوبه اعرفج ما تقعدين بمكان الا مخربته ..

ام عبدالله : حرام عليج يا ام علي ياهل ..

ام علي: ماعليج منها قلبها اشكبره جننتني طول الطريج اتدوس ارجولي ..

ام عبدالله: هههههههههههه الله يعينج ..

تابعوني بالبارت الثاني [/size][/b]

 

[Q8K-2]

يسلمووووووووووو
ع القصه الروعه
موفقة

 

[استبرق أم علاوي]

يسلموووو

كملي متابعه

 

[ررروووان]

ثانكس
وبدايتها عجيبه واسلوبج احلى

 

[~*Tigress*~]

مشكووووووورة :*

 

[dlo3t^baba]

حبيتها القصه بدايتها تيننن ^_^
تسلميين

 

[اكابر]

يسلمو حبيباتي .. البارت هذا لعيونكم

 

[اكابر]

الجزء الثاني

مريم: منى تعالي ..

منى : ها اشتبين ..

مريم ت:عالي بقولج شي ..

منى : ها اشتبين

مريم : متى نرجع مليت برجع كله نمشي كله نمشي ..

منى : بسم الله توني امس يايين ..

مريم: شنو هذا ما احب انا ماكو كاكاو ماكو بفك كله نصلي نصلي ..

منى :اشفيج مريووم لا تحنين امي قالت باجر بنمر بقاله عشان نشتري حق الطريج ..

مريم: اي انا مليت ..

منى : يعني شسوي امسي خل نطالع تلفزيون ..

مريم : ويع ويع مافي شي شنو هذا ماكو بابايات ..

منى : اووووووووه يعني شسوي لا تحنين ..

مريم : خل انام احسن ..

منى : اي والله احسن

............................................

رجعوا الديره منى ومريم وكانت حياتهم عاديه طفوله وبرائه كانت كل وحده فيهم ابمدرسه غير بس من يرجعون من المدرسه عق الغدا لازم يتصلون ابعض ويتحجون بالساعات عن ولا
شي ..

منى : الو

مريم : الو ها منووش ..

منى: ها انتي ..

مريم : اشسويتي بالمدرسه

منى : خل اقولج اشصار معاي اليوم ..........

وتظل السوالف والقرقه ..

ويوم الخميس يوم زواره الاهل ..

مريم : منووش تعالي خل نقعد مكانا ..

منى : يله عشان نقرقر

ام عبدالله : يحليلهم جنهم سيلانيات 24 بهالزاويه روسهم بروس بعض ويسولفون

ام منى : اي يحبون بعض حيل

...........................................

كبروا منى ومريم صارت اعمارهم 15 سنه وفبدايه سن المراهقه ..

مريم : منووش البنات يسولفون بالمدرسه يقولن انهم يدشون النت ويسولفون مع شباب ..

منى : امبيه فشله شلون يسولفون معاهم ؟؟

مريم: مادرييقولون بالكمبيوتر بالنت ..

منى : انا اشوف خليفوه يكتب بالكمبيوتر ويوزع بتسامات وقالي مره انه يدش الشات ..

مريم: ياشقول تعلمي وعلميني ..

منى : انزين سمعي انا بصكه الحين بروح اسأل خليفه واخليه يعلمني واذا علمني علمتج ..

مريم : اوكي باي

منى : باي

وبغرفه خليفه ..
منى : عفيه خلوف لا تصير نحيس علمني ..

خليفه : قتلج لا ..

منى : يعني شبيصير بالدنيا اذا علمتني ها ؟؟ كل رفيجاتي يعرفون يدشون النت ..

خليفه: لا يعني لا ..

ولا بدخله ابو خليفه ..

بو خليفه : اشفيكم يا عيال ليش صوتكم واصل لي الشارع ؟؟

خليفه : يبه شوف مناوي تبيني اعلمها اتدش النت والنت موزين حق البنات كله شباب يغازلون والبنت الموزينه اهيا اللي اتدش النت ..

بو خليفه : ويه ويه لا يابوج دام النت مادري شسمه مو زين عيل سمعي كلام اخوج الاكبر منج ..

منى : يباااااا رفيجاتي كلهم يدشون النت وكلهم بنات زينين ..

بو خليفه : قتلج سمعي كلام اخوج العود دام قال لا يعني لا ..

منى ا:وووووووووووووووووووووووووووووووووووووووه شنو هذا ..

منى تقول بينها وبين نفسها ..

انا اعلمك يا خليفوه ماتبي اتعلمني زين هين


تمت منى تراقب خليفه من بعييد لي بعيد بس عشان تعرف شلون تدش النت والخطوات بالكامل ويوم الزواره ..

منى : مريوم عرفت كل شي ..

مريم: عن شنو؟؟

منى : عن النت ياغبيه ..

مريم : حلفي ؟

منى : والله وبقول حق رفيجتي اتسويلي ايميل بعد عشان اضيف فيه ..

مريم : انزين وانا منو بيضبطني

منى : ماعليج انا اضبطج ييبي ورقه وقلم خل اكتبلج الخطوات


علمت منى مريم شلون ادش النت واتفقوا انه يدشون نفس الموقع بحزه معينه ..عقب ما الكل ينام

منى : بصوت واطي الوو

مريم: هلا منوش..

منى : ها عالوعد ..

مريم: اي افا عليج بس انتي شنو نكج ؟؟

منى : اممممممممممم ابي نكي انت مرادي شرايج ؟؟

مريم : خوش نك نيم انا مادري شنو اكتب ..

منى : كتبي هاجره النسيان ..

مريم:ماني فاهمه النك ..

منى : ماعليج انتي حطيه وخل نشوف ..

مريم : يله اوكي .......................................................

غاصوا ثنتينهم في دوامه النت ياهل ترى بيكملون المشوار او لا ؟؟ تابعوني وانتو بتعرفون

 

[so_what]

waiting

 

[اكابر]

جزء الثالث

منى ومريم غاصو في بحر النت وكانوا مبهورين فيه علم غريب عليهم كله شباب وبنات وسوالف اول مره تمر عليهم ..

وبيوم الخميس وتحديدا بالزاويه المعتاده ..

منى : مريوم امبيه ماقتلج ..

مريم: شنو ؟؟

منو : شفتي المراقب الي نكه الملقوف..

مريم : اي قطيعه ما اواطنه كل كما ظبطتلي واحد طرده ..

منى : حرام عليج تعرفت عليه وطلع خوش واحد امبيهه تصدقين قالي انه معجب فيني ويحبني ..

مريم: امبيييييييه وناسه وانتي اشقلتيله ..

منى :مادري مريوم استحيت بس قتله وانا بعد ..

مريم : ههههههههه انزين من ولده وشسمه وجم عمره ..

منى : اهوى كبير عمره 20 واسمه محمد المساعد .. ويدرس توه مسائي يكمل الثانويه ..

مريم : هههههههه يعني فاشل ..

منى : مريوووووم لا تعيبين عليه ..

مريم :انزين مالت عليج وعليه عاد قووليله لا يطرد اللي يظبطوني وخل يظبطنا ..

منى : اي افا عليج دام صا ر حبيبي المستقبلي .. لوووووووووووووول

مريم : اي زين زين ..بس تعاالي اشكثر صارلج تكلمينه ؟؟

منى : ماكو امس واول امس

مريم: اي انا اقول لو من زمان جان قلتيلي ..

منى : يله ظبطي عمرج عاد ..

مريم : انزين عاد بنطرج عاد لين اتظبطيني .. تعالي شنو قايله له اسمج ..

منى : اسمس اشواق وعمري 16 ..

مريم: العن ابو الجذب توج مكمله ال 15 طيرتي عمرج لي 16 ..

منى : شسوي 15 حيل صغير عليه بعدبن انا احب اسم اشواق على ابله العلوم مالتي ..

مريم : زين قلتيلي جان فضحتج وقلت منووش ..

منى : لا واللي يعافيج ماصدقت الريال اعترف لي بحبه .. لوووووووووووووووووووول ..

مريم : انزين انتي عندج كرت ..

منى : لا خلص انا ميمعه مصروفي وعندي يكفي حق ثلاث كروت ..

مريم : خلاص وانا عندي يكفي حق كرت باخذ من امي الحين واشتري كرت ..

منى : عميمه تدري ..

مريم: اي امي تدري عادي بس ابوي النحيس ما يدري ..

منى : ياحظج انا البيت كله مايرضى اش النت ..

مريم : اي عميمه حنان ما تحب النت ..

منى : ولا حتى ابوي ولا خليفوه النحيس اهوا يدش عادي انا ادش لا عيب ..

مريم : يله ماعليج منهم اهم شي وافيني بالخبار اول باول ..

منى : بتشبكين اليوم ؟؟

مريم: اي وانتي ..

منى : اي اكيد بس ينامون بشبك ..

..........................................

وافبيت منى ..

بو خليفه : منى منى تعلي يبا ..

منى : هلا يبا ..

بو خليفه : انا يايب فلم تعالي ركبي وايرات الفيديو خل نقعد نطالع ..

منى : حاظر الحين اركبه ..

بو خليفه:خليفه ما رجع لي الحين ؟؟

منى : لا يبه خليفه نايم افبيت خالي بو خالد ..

بو خليفه : وامج وينها ..

منى : امي...

ام خليفه : كاني موجوده بغيت شي ..

بو خليفه : لا سلامتج بس قلت انطالع الفلم ويا بعض خو اليوم خميس وما ورانا شي ..

ام خليفه : اي عدل منى قومي يبي قروضات وسوي شاي ولا يبي عصير وكيك ومن هالسوالف ..

منى : انزيييييييييين ..

ضاق خلق منى واهيا قاعده مع اهلها لانها كانت مجبوره تقعد واذا قايله بروح انام فاهيا مضطره تنام لانه اهلها قاعدين يعني اليوم راح عليها وما قدرت تكلم صديقها ..

وتقول بقلبها :{اقققققققق ماحلالكم الفلم الا الحين يوم بكلم محمد .. حدكم فاضين .. عاد اليوم اقدر اخذ راحتي خليفوه مو اهني والجو فاضي .. اففففففففف ملاقه }

بالمقابل مرم داشه النت وتنطر منى وتظبط عمرها ومستانسه تكلم هذا وتتغشمر مع هذا وتسولف و..

ثاني يوم الظهر .. مريم تتصل على منى..

مريم : الوو ..

ام خليفه : الوو ..

مريم: شلونج خالتي ..

ام خليفه : بخير يما انتي شلونج وشلون اهلج ..

مريم : بخير خالتي وين منى ؟

ام خليفه: لحظه الحين اناديها .. منى منى منى تعالي مريم تبيج ..

منى : الو هلا مريوم ..

مريم : ياخرا انتي وينج امس قعدت احاتييج وحتى الملقوف سألني عنج ..

منى : ايي بعد عمري انتي ..

مريم : انا بعد عمرج ولا محمد ..

منى : هههههههههههههه

مريم: انزين صج ليش ماشبكتي امس ..

منى : اي امس طول الليل سهرانه مع امي وابوي .. ابوي يايب خوش فلم يفططططططططططططس من الضحك ..

مريم : لووووووول دبسووج معاهم ..

منى : اي والله لا يطوفج لوووووووووول ..

مريم : انزين يله اخليج بس قلت بشوفج ليش ما شبكتي واذا اليوم ماشبكت يبظبط محمد حقي ..

منى : لا يا حيوانه ..

مريم : زييييييييييييييييييييييييييييين عاد من زينه اتغشمر معاج ..

منى : انزين خلاص قلبي تبين شي الحين ..

مريم: لا سلامتج انطرج بالليل ها ..

منى : اوكيك .. باي

مريم : باي

.............................................
وبالليل وعقب مانامو الكل تسحبت منى ودشت النت على السايت اللي يدشون فيه كل يوم بس مالقت محمد .. ضاق خلقها وتقول حق نفسها .. افففففف كله من ابوي الحين محمد زعل عشان انا ما دشيت النت

الله يهديه يعني لازم انطالع فلم اففففففف يله ماعليه خل اسولف مع مريوم والشباب والموجودين .. شوي ولا يدش محمد ..برايفت ويكلمها ..

المقوف : هلا بالحلوه اللي امس علقتني وطنشتني وخلتني انطرها لي الصبح ..

انت مرادي : هلا فيك لا والله مو قصدي اطنش بس اهلي كنت قاعده ماعاهم وماكنت اقدر ادش النت ..

المقوف : اوكي دام اهلج ماشي على بالي شي ثاني شاغلج عني ..

انت مرادي : ليش اهو في شي يقدر يشغلني عنك ..

الملقوف : يابعد عمري انتي فديتج ..

انت مرادي :$

الملقوف : فديت اللي يستحون ..والله يا حياتي ماتدرين اشصار فيني احس اني وحيد وحزين وضايق خلقي وفاقد شي..

انت مرادي : يابعد عمري لا بعد ما راح اغيب عنك ..

الملقوف : حبيبتي ودي .. اقولج شي بس اخاف تفهميني غلط ..

انت مرادي : لا قول

الملقوف : انا ودي اكلمج بس برا النت لانه انتي شفتي امس شصار فيني ..

انت مرادي : محمد ترى انا والله بحياتي ما كلمت فون احد والله ..

الملقوف : حبيبتي ادري انا لو مو واثق فيج واحبج صج ماقلت ابي الكمج انا بصراحه اخاف عليج من الشباب اللي اهني لانه كلهم رايحين فيها ..

النت مرادي : محمد مادري شقولك بس انا اخاف لاني صج ما اكلم ..

الملقوف : عفيه حياتي عشاني ولا انا امالي خاطر عندج ..

:27d66a9c24b146327bf



تتوقعون شبيصيررر تابعوني وبتعرفون

 

[ررروووان]

ثانكس
واتوقع انه منى تكلم محمد
وبعدين يطلع جذاب

 

[اكابر]

الجزء الرابع



منى بحياتها ما كلمت واحد كانت حيل تخاف ..وبمعمرها ما حبت احد ولا تعرف معنى الحب .. ومحمد شافها صيده سهله ..

فكرت وايد بس ماقالت حق مريم .. خافت ليش ماتدري لانها حاسه انه الموضوع غلط .. وبعدين قررت وقالت بنفسها ..

{وشنو يعني اذا كلمته بتنقلب الدنيا حبيبي وعادي كل البنات عندهم حبيب}

وذاك اليوم البيت فاضي خذت تليفون البيت واتصلت ..
ترن ترن ترن ترن

محمد: الوو

منى : ..........

محمد : الووووووو

منى :...........

محمد : بتتحجون ولا اسكره

منو بقلبها فديته ثقييل : الو..

محمد : نعم ..

منى : محمد ..

محمد: اي محمد منو حظرتج ..

منى : انا

محمد: لا انا اي منو انتي ..

منى : انا اشواق ..

محمد: منو اشواق ؟؟

منى وضاق خلقها اشفيه مو متذكرني :: اشواق اللي بالشات اللي نكي انت مرادي ..

محمد: ايييييييييييييييييييييييييه يا هلا ويا مرحبا زيين سمعنا صوتج ..

منى : ......

محمد: شلونج حياتي ..

منى : بخير ..

محمد: فديت هالصوت حبيبتي انتي

منى : محمد انا لازم اسكر ..

محمد: ليشش حبيبتي ؟؟ ماشبعت من صوتح توني مكلمج ..

منى: ادري بس انا بصراحه خايفه لانه والله بحياتي ما سويتها وكلمت واحد وحدي خايفه ..

محمد: بقلبه .. كلكم جذي بحياتنا ماكلمنا .. ادري حبيبتي مصدقج يله دام جذي روحي عشان لا احد يطب عليج فجأه ..

........................................................
صارت منى تكلم محمد كل ماسمح الوقت

ويعد اسبوع من من هالسالفه .. قررت اتقول حق مريم

منى : الو

...: هلووو

منى : هلو ليتا هاو ار يو؟؟

ليتا : ايام فاين هو سبيكنج ؟؟

منى : ايام منى ..

ليتا : اوووووه هالو منى يو ونت تو سبيك وذ ماريام ..

منى : يس بليز ..

ليتا : اوكي ويت اي ول تل هير ..

مريم : هلا منوش حبيبتي ..

منى : هلا مريووووم حبيبتي فديتج انا بقولج شي بس مو تعصبين علي ..

مريوم : شنو بعد اشصابر ؟؟ قولي لا تخرعيني ؟؟

منى : تذكرين محمد ..

مريم : اي محمد ؟؟

منى : مريوم اشفيج بطلي مخج محمد الللي بالشات الملقوف المراقب عرفتيه ..

مريم : اي عرفته عرفته اشفيه ؟؟

منى : كلمته ..

مريم : ادري وايد عليج قلتيلي ..

منى : لاا ما قتلج كلمته فون ..

مريم : حلفييييييييييييي!!!!!!!!!!!!!!

منى : والله ..

مريم : شلون ومتى وشحقه وليش ..؟؟

منى : لحظه لحظه متى صارلي اسبوع بس والله كلمته ثلاث مرات بس ..

مريم : انزين وبعدين ؟؟

منى : وبس..

مريم : ياحماره وخاشه علي ..

منى : والله خايفه مريوم ..

مريم : مالت عليج ليش تخافين ترى عادي خو انتي كل اللي سويتيه كلمتيه بالتليفون ما سويتي شي .. عادي حبيبتي ..

منى : صج ..

مريم : والله انتي شفيج .. في بنات يطلعون معاهم ويروحون شقق الله يستر عليهم ويسوون بلاوي انتي خو علاقتكم بريئه ..

منى : اي والله انا علاقتنا بريئه واهو قالي بس يخلص دراسته ويشتغل بيخطبني ..

مريم : صجججججج وناااااااااسه الفال لي يارب ..

منى : اي والله ..

مريم : وااااااي يا حظج انا كل ما كلمت واحد طلع حقير ..

منى : لووووووووووووووووووووول لا انا حبيبي غير فديته ..

مريم : الله يوفقج ويرزقني واحد احسن منه

منى : ان شاء الله والله اتمنالج كل خير ......................................................

مريم امها واااااااااااايد فري وعادي عندها انه بنتها تكلم لا واهيا تشجعها بعد مع انه ام مريم اخت ابو منى بس كل واحد طبعه غير ..

عشان جذي مريم ماتخش شي على امها لانها عارفه انه لو تعرفت على واحد امها ما بتقول شي لا وتتكلم من تليفون امها .. وساعات مريم تكون مو موجوده وامها ترد على التليفون وعااااااااااااادي الوضع

ولما ترجع مريم تتصل ويسألونها عن اللي ردت تقولهم هذي اختي الكبيره لانه بصراحه عيب تقولهم امي ..

ام مريم متصابيه وكانها عمرها بعمر بنتها ما تخلي شي بخاطرها من لبس وميك اب عاااااادي والحياه سعيده عندها .. ابو مريم ماله شغل بالدنيا وكله لاهي بنفسه وطلعاته وديوانياته ومواجيبه ..

والاخوان الصغار لا يهشون ولا ينشون والكبار كلمن لاهي بدنياه ..

خالد .. ماشي بطريج مو زين وربعه ربع سوء ويشربون وخالد نفسهم بس محد يدري انه يشرب ويدخن ..

يعني باختصار اهل مريم ضايعين كلمن بصوب .. ونوره اخت مريم علاقتها مو زينه مع مريم دايما هواش وياها فعلاقته مريم بمنى اقوى من علاقتها بنوره اختها ..

ام خالد : مريوم ترى في وحد اسمه علي اتصل عليج يقول بغيت منار ..

مريم : اووووووو صج نسيت صج هذا توني متعرفه عليه .. كلمته مره وحده بس اسلوبه خايس وكشت فيه ..

ام خالد : اها عنده خو اكبر منه ..

مريوم : والله مادري يما خل اشوف اذا تبين اساله ..

ام خالد : هههههههه اتغشمر بس اذا في ما اتقول لا عاد اهو حلوو ..

مريم : اي ماشاء الله عليه مزيون عيمي ..

ام خالد : وي يازين العيم زيناه .. ماتعرفين واحد بدري ..

مريم : اممممممممم مادري اشوف اتعرف عل احد يما اذا تبين تحصلين بالنت وايد موجودين شباب وبكل الانواع حضري بدوي شيعي سني كل شي ..

ام خالد : انا ما عرف عالنت ..

مريم : انا اعلمج ..

ام خالد: وانتي منو علمج ..

مريم : منوش علمتني ..

ام خالد : اها امها تدري ؟؟

مريم : من صجج يما امها لو تدري تذبحها ..

ام خالد : مادري ليش معقدتها حنان وايد عادي يعني كل وحده لازم تكلم وتمر بهالمرحله تبي تكبت هالبنت حرام عليها ..

مريم : اي يما حرام حدها مكبروته ومسكينه يضيق خلقها امها ما اتطلعها ..

ام خالد : خلاص خل نشوف اذا بنطلع نقولها تطلع ويانا ..

مريم : صج يما يبيله نقز انا معاها ..

...................................................

فبيت منى ..

منى : حمود حبيبي ..

محمد : يابعد عمر حمود انتي ..

منى : اتحبيني ؟؟

محمد: اموت فيج ..

منى : لو يوم صار واهلي دروا اني اكلمك شبتسوي ..

محمد : انتي من صجج بوقف ابويهم واقولهم خلوها احبها وبتزوجها ..

منى : صج بعد عمري فديتك الله لا يحرمني منك حبيبي ..



حبيج برص انشاء الله يا جليله الحيا ياللي ما تستحين ..

طاحت السماعه من ايد منى على هالصوت ...

التفتت ولا اخوها سحبها من شعرها واخذها الديوانيه ونادى امه وطقها طق بوكسات وترفس وطراقات باختصار ذبحها من الطق ..

منى : خلاص توبه ما اعيدها توبه توبه ..


خليفه : جب يا حيوانه الحين توبه ها .. من وين عرفتيه ها تحجي والله اذبح والله ..

منى :اي اي هدني وانا بتحجى تكفا هدني

خليفه : جب يالحقيره اهدج انا ذابحج ذابحج اليوم .. تحجي من وين عرفتيه ..

منى : من النت .. والله من النت ..

خليفه : ويا حقيره وانتي من وين تعرفين حق النت ..منو علمج ماكو غير الخرا مريوومو ..

منى : لا والله مريوم مالها شغل انا بروحي تعلمت ..

خليفه وقضبها من رقبتها .. شوفي يالجلبه والله ان عدتي هالحركه لا اذبحج واخنقج بايدي فهمتي .؟؟

منى : بخوف اي اي فهمت بعد لو شنو ما اعيدها ..

وهدها خليفه وخشمها ينزف امها شافتها وخلتها على حالها وقلبها يتقطع على بنتها بس خليفه حلف على امه انه ما تقرب صوبها ..

خليفه : يما منتي محلله اذا قربتي يم الزفته منوو ..

ام خليفه : بس يايمه ..

خليفه : خل تولي انا بربيها عشان تتعلم وما تكررها .. يما ادري عورتها وطقيتها طق والله انه انا قلبي يعورني عليها بس لازم اسوي جذي لانه اذا ماسويت جذي راح تعيدها ..

ام خليفه : اللي تشوفه يا وليدي ..

خليفه : اهم شي لا يدري ابوي لا يصير فيه شي من هالحيوانه ..

ام خليفه: خير ان شاء الله ..


وبعدين ..
عوني بالبارت الياي وراح تعرفون اشصار بعدين

اتمنى لكم قراءه ممتعه مع اني مو قاعده اشوف تفاعل .. بلييز اذا الروايه مو حلوه قولولي عشان ما اكمل

:27d66a9c24b146327bf

 

[ررروووان]

لا بالعكس روايه حلوه
واسلوبج احلى

 

[اكابر]

يسلمو حبيبتي وانا يكفيني انتي متابعه ولعيونج راح اكمل ..

 

[lulwa-q8]

هم آنا متابعه , الحين خلصت سلمى والخمس رياييل فقاعد ادور عن قصه يديده ;pP
KeeP GoinG

 

[اكابر]

حياج حبيبتي .. ويشرفني انج تكونين من قرائي ..

وان شاء الله اليوم راح انزل بارت ..

 

[اكابر]

الجزء الخامس

..
يوم الخميس .. في البيت العود يوم الزواره وكالعاده بالزواره ..

منى : والله كسرني تكسر ..

مريم : اشفيه اخوج هذا ليشش حيوان جذي

منى: بالله انا اشسويت كل اللي سويته كلمت واحد احبه ويحبني ..

مريم : واهو يدري اشصار ..

منى : لا مايردي حرام لو يدري جان كلم اخوي وقاله انه علاقتنا بريئه اتلاقينه وعاليه مشغول باله علي ..

مريم : خلاص عطين رقمه وانا اتصل عليه اطمنه عليج ..

منى : اوكي ..

...............................................

اتصلت مريم على محمد وقالت له السالفه وطبعا اول سؤال سأله عسى ماعطتهم رقمي .. طمنته مريم وقالت له لا بعدها سأل عن منى ومثل عليها انه مشتاق وولهان ..

محمد: والله انا حيل مشتاق لها ..

مريم: اي حتى اهيا مشتاقتلك ..

محمد: انزين اقدر اشوفها ..

مريم: والله مادري خل اشوف اهيا صعبه ماتقدر تطلع بس بحاول اذا امها ترضى اخليها ولا لا ..

محمد: اوكي شوفي وعطيني خبر ..

مريم: ماشي ..باي ..

محمد: باي

....................................................

عدت السالفه على خير ومريم قالت حق عن الكلام اللي دار بينها وبين محمد ومنى طااااااااااارت من الفرحه ..

مريم: عفيه كلمي امج ..

منى : ما اتوقع ترضى ..

مريم : عفيه نحيسه ..

منى: وين بتروحون ..

مريم: بنروح سوق شرق ..

منى : اشرايج اقول حق محمد ..

مريم: كيفج قوليله ..

منى : بس شلون وعميمه ..؟؟

مريم : امي ماعليج امي مؤيده العشاق ..

منى اوكي خل نشوف امي ..


كلمت منى امها اللي غصب خلتها تطلع مع عمتها وبناتها ومريم بدورها كلمت محمد وقالت له انه منى بتشوفه

وراحوا سوق شرق وقعدوا يتمشون ..واتصلت منى على محمد ..

محمد: هلا بهالصوت ..

منى : هلا فيك ..

محمد : وينج حبيبتي ولهت عليييييييييييج ..

منى : كاني واليوم بتشوفني .. صح بتيي ..

محمد واللي نسى الموعد وكان رايح مواعد بنت ثانيه بالمارينا : ها اي اي افا عليج كاني بالطريج انتي شنو لابسه ..

منى : بدي احمر وجينز وشيله كحليه ..

محمد: يله انا شوي وياي ..

منى: اوكي حبيبي

محمد لعوبي ولما عرف ضروف منى انه ما تقدر تطلع باي وقت وانها مو فري قرر يتهرب منها خصوصا عقب ما اهلها دروا عنها يعني فقدت ثقتهم ..

منى : تصدقين قاعده ادق على محمد من مساع وكله يرن محد يشيله ..

مريم : يمكن بالطريج ويبي يسوي لج مفاجأه

منى : مادري انا خايفه عليه ..

مريم : مادري

شوي ولا ايدز محمد مسج على تليفون ام مريم .. شواقه حبيبتي انا ما اقدر ايلج رفيجي تحرش بوحده وشافته دوريه واسحبتنا اثنينا ..

منى : لاااااا مابييه حبيبي ..

مريم : اشفيج ؟؟!!!!!!!!

وعطت منى مريم التليفون حق مريم وقرته ..

مريم : خلاص لا تحاتين انا بخلي امي تتصرف ..

مريم قالت حق امها اللي صار واتصلت امها على رقم محمد وشاله واحد ..

....: الووو

ام خالد : الو السلام عليكم

......: وعليكم السلام

ام خالد : هذا مو تليفون محمد ؟؟

...: اي نعم منو حظرتج ..

ام خالد : انت محمد ؟؟

...: لا انا الظابط محمد محجوز عندنا بالنظاره

ام خالد : ليش شمسوي ؟؟

الضابط : انتي منو ؟؟

ام خالد : انا عمته ..

الضابط : متحرش بوحده اوهو وصاحبه ..


ام خالد : اقدر اكلمه ..

الضابط : لا اسمحيلي ..

ام خالد حست انه الوضع فيه ان فطيحت مع الضابط وخذت وعطت معاه بالحجي وشويه دلع على شويه كلام حلو وخر لها الاكو والماكو طلع لا اهو ضابط ولا بطيخ

وقالها وقالها انه محمد مواعد .. وقالت ام خالد دام منى مستانسه خل امشي عليها الفلم عشان لا تخترب وناستها ولا ردينا اقولها الصج ..

منى: ها عميمه بشري ..


ام خالد: ماكو كلمت الضابط يقول ما راح يطلعونه الا بكفاله وسالفه طويله ويقول انه حتى لو ماله شغل دام اهوا كان مع رفيجه لازم اثنينهم ينحبسون ..

منى : اففففف اشهالحظ ..

ام خالد : لا يضيق خلقج اخذي هالفلوس واشتريلي كرت من المكينه اللي بمركز سلطان .. واخذي نوره معاج ..

منى : ان شاء الله عميمه ..مريوم ما بتيين معاي ..

مريم : بلــ

ام خالد : لا مريوم بتقعد معاي عشان لا اقعد بروحي ..

منى : اوكي ..

راحت منى مع نوره مركز سلطان عشان يشترون كرت وظلت مريم مع امها اللي قالت لها كل شي واتفقوا انه ما يقولون حق منى ..

وبمركز سلطان عند المكينه ..

منى : اففففف مو راضيه ادش الفلوس كل ما حطهم يطلعون ..

نوره : شوفي واحد من الموضفين يساعدج ..

منى : ماكو الا جذي ..لو سمحت ..

الموظف : نعم اي خدمه ؟؟

منى : قاعده احط الفلوس بالمكينه بس مو راضيه ادش ..

الموظف : ممكن بعد اذنج ..

وحط الفلوس وطلع الكرت وعطاها منى ..

منى : مشكور وماتقصر ..

الموظف : العفو ما سويت شي ..

منى : نواره عندج مفتاح او شي عشان امسح الكرت ..

نوره : لا والله ماعندي ..

الموظف : عندي خرده تنفع ..

منى باحراج ..: ينفع ..

وخذت الفلوس ومسحت الكرت ..وعبته وردت الفلوس حق الموظف وتوها لافه ويها ولا يقولها ..

دام عبيتي اخذي الرقم اذا في مجال ..

طالعته وظحكت ومشت طريجها .. وكانت لا هيه بالتليفون ويدعمها واحد .. قالها سوري ماام ردت عليه نو بروبلم جان يقول الموظف اخيييه بس لو انا اللي داعمج ..

هالمره ماعطته ويه لانه وقح .. وزودها ..

..........................................................

منى حبت السالفه وتعودت انه في احد بحياتها وصارت تبي تكلم قامت تكلم اي احد من تليفون البيت تكلمه يوم يومين وتمل منه وتخليه ولما يدقون على تليفون البيت تقولهم خدامتهم داقين غلط ..

وظلت على هالحال فتره بدون لا احد يحس فيها ..

طبعا محد يدري بكل سوالفها غير مريم ..

ومريم نفس السالفه تكلم شباب بو يوم ولا يومين وبعدها تصرفهم بس الفرق بين مريم ومنى انه اللي يصرف الشباب منى خدامتهم ومريم امها ..

وظلوا على هالحال فتره طويله ..

مريم كانت رايحه الجمعيه .. واهيا قاعده تتمشى تشتري اغراضها افت واحد عينه عليها ماشالها .. وكان مزيون وبس شكله كبير .. يا ترى منو هذا ؟؟

راح تعرفون بالبارت الياي

 

[اكابر]

الجزء السادس

مريم تقول لنفسها .. امبيه اشفيه هذا يخزني جذي ان شاء الله ما ياكلني بنظراته ..

تروح يمين راح يمين تروح يسار راح يسار منى حاولت انه ما تبين انها منتبه عليه وماتعطيه ويه لانه الجمعيه هذي مالت

المنطقه وماتبي احد يشوفها بهالموقف البايخ .. التفتت يمين ماكو .. يسار ماكو وينه هذا اختفى .. امبيه شكله مو صاحي ..

ظلت تشتري الاغراض واتدور عليها .. لانه امها اموصيتها على اغراض معينه وكاتبتهم بورقه .. واهيا غايصه بالورقه

رفعت راسها ولا هذا اللي ابويها ..

مريم واهيا مخترعه : بسم الله الرحمن الرحيم

... : اسمالله عليج خرعتج ؟؟

مريم : نعم في شي ..

مريم لسانها طويل وماتخاف من شي عادي ولا يهما ..

....: لا سلامتج مافي شي بس شكلج اخترعتي لما شفتيني ..

مريم: وليش اخترع منو حظرتك عشان اخترع منك افففففففف ناس ماتستحي .. وعطته ظهرها ومشت ..

.....: ميخالف انا ما استحي مو مشكله كل شي يهون عشان هالعيون الحلوين ..

مريم واهيا مستانسه بس تبين العكس : انت شكلك تحب الاهانه ؟؟ صح ؟؟ يعني تبيني اغلط عليك واخليك بيزه ماتسوى ياله ترتاح ..

......: اوله ليش يبا ليش ترضينها لي وانا ريال شكبري يمكن اكون كبر ابوج اتبهذليني ؟؟

مريم : قول حق نفسك هالحجي ريال كبر ابوي ويغازل ..

.....: ومنو قالج انه انا اغازل ..

مريم بإحراج : افففففففففف اذلف عن ويهي ترى يننتني ..

.....: انا والله مو قصدي اغازل بس بصراحه من شفت هالعيون الحلوين وهالجمال الرباني ما قدرت ما اسجل اعجابي فيه ..

مريم هدت عربانتها واغراضها وسوت روحها معصبه : انت صج ما تستحي .. وراحت تشتري برد من باسكن روبنز ..

اخذ الاغراض وحاسبهم وعطاهم واحد من العمال اللي يشتغلون بالجميعيه وراح ووقف ورى مريم .. ومريم مو منتبهه شرت

البرد وراحت السياره والعمال وراها وتوها بطلت الباب بتركب ولا تشوف العامل ..

مريم : نعم اشتبي ..

العامل : ماما اغاراض مال انتي ..

مريم : اي اغراض انا ماشريت اغراض ..

العامل : هذا بابا قول ودي حق ماما اغراض قول خلاص شيل فلوس بعدين قول بابا عطي ورقه حق ماما ..

خذت مريم الورقه وقرتها ..

اسفه اني ازعجتج وماخليتج تتسوقين على راحتج انا دفعت حساب اغراضج .. اعتبريها اعتذار مني عن جرإتي الزايده ..

حسين ..********

مريم : زين ماما حطهم ورى .. امبيه يما هذا صج طلع مينون ..

ام خالد : منو المينون وش شالسالفه ..

قالت مريم لامها كل السالفه ..

ام خالد : ههههههههه يحليله هذا مغازلجي مؤدب ..

مريم : امبيه حرام وانا بهذلته وزفيته ..

ام خالد : احسن زين سويتي عشان لا يقول هذي خفيفه ..

مريم: انزين يمه الحين شسوي ؟؟ اتصل عليه ..

ام خالد : لا يا خبله ثقلي شوي ..

مريم : يعني شسوي ؟؟

ام خالد : شوفي الحين الساعه 6 على الساعه 10 دزيله مسج تشكري منه بس واعتذري لانج غلطتي عليه وقوليله ياليت

تشوف الوقت المناسب لك عشان ارجع لك الفلوس اللي دفعتها ..

مريم: انزين ..

ام خالد : ولا ابلين اذا اهوا صج ريال ودفيع بيقولج لا يبا حلال عليج اما اذا كان خرطي فبيواعدج عشان ترجعيله الفلوس ..

مريم : اها فديج انا يما عليج افكار مو طبيعيه ..

......................................................................................................

مريم قبل لا اتدز المسج حق حسين اتصلت على منى ..

ترن ترن ترن ترن ..

بو خليفه : الوو ..

مريم : الووو هلا خالي ..

بو خليفه : هلا يبا مريم شلونج وشلون اهلج ان شاء الله طيبين ..

مريم : الحمدالله خالي بخييييييير كلهم يسلمون عليك .. خالي وين منى ..

بو خليفه : والله مادري يمكن بغرفتها تدرس .. انا بسكر الحين وانتي دقي مره ثانيه عشان يشيلونه من التليفون الثاني ..

مريم : حاظر ..

سكرته واتصلت مره ثانيه وشالته منى ..

مريم : يا حيوانه وينج ..

منى : ياشقول الناس يسلمون اول ..

مريم : كيفي مابي اسلم ..

منى : صج صج دعله شتبين ..

مريم : هذي يزاتي متصله عليج ..

منى : يووووووووه يعني بتذلينا ليش متصله ويا ويهج ..

مريم : انزين جب وخل اقولج اشصار معاي اليوم ..

منى : قولي كلي اذان صاغيه ..

وقالت مريم السالفه حق منى اللي كانت حيل متحمسه حق الموضوع ..

منى : انزين ودزيتي مسج ..

مريم : لا الحين بدز ..

منى : انزين دزيله .. اوكي وانا باجر اكلمج عشان تقوليلي اشصار لانه الحين بتعشى وبنام ..

مريم : يله اوكي باي ..

منى : باي

اتوقع كافي بارتين ورى بعض وولا احد عبرني بكلمه .. مو مهم انا بكمل الروايه حتى لو بدون تعليقات وتشجيعات مو عشان

لاني ملتزمه بالروايه اللي لازم اكملها .. وماني مثل البعض اللي يعلقون قرائهم ..

تحياتي والى لقاء في بارت جديد

 

[miss-_-smart]

حبيبتي يسلموووو عالبارتات......والله انا امس لما قريت البارد الي قبله علقت بس شكله المنتدى علق وما طلع الرد

 

[اكابر]

حياج حبيبتي ومو مشكله شرفني مرورج