روايتي الثانيه:لك تسافر بعمري ولك عيوني مرسى

[سـونـي "q8"]

لوول اي والله الشقا والعنا

احنا بأنتظارج

اب اب

 

[miss i]

البارت الواحد والعشرين و الثاني والعشرين:

الساعة 3 الفير*

بالمستشفى*

نور نايمه بالملاحظة و حاطين لها درب و ويهها اصفر *،، و مشاري قاعد يمها و يمسح على شعرها *

الدكتورة تيي و بيدها الملف : من متى بلش وياها العوار ؟*

مشاري : مادري دكتورة ،، الساعة 2 راد البيت لقيتها لامه بطنها و تبجي و حرارتها مرتفعة *

الدكتوة : ممم ،، هذي أعراض التسمم بالبطن*

مشاري : تسمم !! من شنو !؟*

الدكتورة : يمكن ماكله شي منتهي صلاحيته بالغلط أو يمكن من أكل بره ،، عالعموم أنا الحين عطيتها مسكن ،، و كتبتلها على أدوية ،، *و أن شالله ما فيها إلا العافية ،، بس يريت هاليومين أكلها يكون صحي و تبعتد عن أكل بره ،، و حتى المشروبات الغازية مثل الرد بول و غيره ،، أكل الخرابيط مثل الككاو و الحلاو و و و هذا كله توخر عنه * *
*
مشاري : ان شالله ،،*

الدكتورة : و أذا احتجت اي شي تقدر تراجعنه مره ثانية*

مشاري : *مشكورة دكتورة ما تقصرين*

الدكتورة : العفو ما سوينا شي ( و ابستمت و راحت ) *

مشاري يطالع نور و يبوس راسها*

فجأة تلفونه يرن*

مشاري يطالع الرقم : وقتج انتي ( و يسده و يحطه سايلنت و يرد يمسك ايدها ) **

_______________________________
*
الصبح الساعة 11 بالكليه :*

بدرية قاعده على الكراسي بروحها و تتعبث بفونها و بينها و بين نفسها ( هذا وينه ؟؟ المحاظرة بعد شوي بتبلش و اهوا ليلحين ما يا ،، )*

و دقت عليه*

طوووووط طووووط*

جاسم : الوو*

بدرية : ها جسوم ،، يلا متا بتيي المحاظرة شوي و بتبلش ؟؟*

جاسم : لا اليوم بكشت بالجامعة*

بدرية : لييش !!!!!!*

جاسم : بطلع ويا عزوز*

بدرية : إنزين تقدر عقب ما تخلص تطلع وياه ،، ترى أنتا مو ناقص انذارات*

جاسم : لا عادي ،، خو بس اليوم * * *

بدرية : كل مرة نفس الحجي ،، و بعدين عزوز ما عنده محاظرات ؟؟ ما يبي يروح الجامعة ؟؟*

جاسم : بدرية شفيج قتلج بس اليوم ،،*

بدرية تنرفزت: كيفيك كيفيك ،، لي طردوك بره الجامعة أنتا إلي بتاكلها ،، أنا اقعد اذبح عمري و أنتا مو هامك ،، يلا باي*

جاسم : بدورة حبيبتي لحظة ،، شفييج ،، ؟؟ ليش زعلتي ؟
*
بدرية : لا ما زعلت بس أنتا تنرفز ،، يعني بروحك طاحس بأولى و هم مو راضي تشد حيلك ،،معتمد علي أنا إلي أنقلك المحاظرات ،، خلاص يالله باي بدش الكلاس ( و سدته و راحت كلاسها ) **

_______________________________

الظهر*

مشاري نازل بسرعه شاف أمه قاعده بالصاله*

مشاري : يما عفيه روحي قعدي عند نور فوق أنا بروح الصيدليه أصرف أدويتها و أرد*

أمل : ويي بعد عمري شفيها ؟؟ أي دوا هذا بعد؟؟*

مشاري : مريضة و تعبانه من أمس ،، الحين انتي روحي قعدي عندها و لي رديت اقولج شفيها *،، ما راح اتاخر بروح صيدليه الجمعيه و أرد *

أمل : أن شالله أن شالله ( و صعدت لها فوق )*

_______________________________

بسيارة جاسم :*

عزيز : جسوم ودني الصيدليه*

جاسم : ليش ؟*

عزيز : بروح أصرف ادويه كاتبلي ياها الدكتور هناك*

جاسم : إنزين و ليش ما خذيتها من هناك ؟*

عزيز : خذيت بس هم باخذ بعد كميه *،، ودني هني صيدليه الجمعيه أقرب لنا*

جاسم : إوكي*

_______________________________

بالصيدليه*
*
مشاري يدخل : السلام عليكم*

الصيدلي : أهلا و عليكم السلام*

مشاري : اخوي بغيت أصرف هالادويه ( و يعطيه الورقة ) *

الصيدلي : تكرم عيونك ( و قعد يصرفله الأدويه )*

عزيز يدخل : السلام عليكم*

الصيدلي الثاني : أهلا و سهلا*

عزيز يعطيه الورقه : لوسمحت بغيتت أصرف هالدوا ،، موجود هني ؟؟*

الصيدلي : أي اكيد ،، بس يريت تستنا شوي ( تنطر شوي )*

عزيز : اوك

مشاري : اوك مشكور يعطيك العافيه ( و خذا الأدويه و طلع ) *

_______________________________

و اهوا راد البيت بالسياره*

تلفونه كان يرن*

مشاري يشوف الرقم : افففف ،، شتبي هذي ؟؟ ( و يرد ) خيير ؟؟*

...... : مشور حبيبي وينك من أمس و أنا ادق عليك ليش ما ترد عليي ؟؟*

مشاري : مالج شغل ويني ،، و بعدين لا تدقين مرة ثانية لانج لوعتي جبدي ،،*

........ : الحين هذا يزاتي إلي خايفة عليك ؟*

مشاري : انتي ما تفهمين ؟؟ قاعد اقولج لوعتي جبدي ،، خلاص فجي يرحم امج بس عاد ،، يه،،*

........ : أدري حبيبي هالكلام مو من قلبك*

مشاري : لا من الساني ،، يلا ذلفي ( و سده بويهها ) اففف ،، شهاللزقة *
_______________________________

العصر*

في بيت ام فاطمة*
*
فاطمة و ريم قاعدين يلعبون أونو بالصاله*

فاطمة تقط الورقة : سحبي أربعه*

ريم : أن شالله ما تسحبيني الاونو كلها *

فاطمه : والله شسويلج إذا انتي وايد ذكيه ؟؟*

ريم : إنزين ( و تسحب )*

فاطمه : تعالي ،، انتي قاعده تدرسين حق الفاينل و لا ليلحين تحلفين على الكتاب ؟؟*

ريم : أمبلا قاعده ادرس*

فاطمه : أي بعد هذي آخر سنه

ريم : وااي ماني مصدقه هالسنه آخر سنه ،، واي متا إيي آخر امتحان و افتك*

فاطمه : باجر لي دخلتي الجامعه بتقولين جان زين يرجع أول يوم ثانويه و بتحنين حق هالايام*

ريم : ليش بالله ؟؟ بالعكس أصلا الجامعه أونس*

فاطمه : كلنا قلنا جذي و لمن دشينا لاعت جبودنا*

ريم تقط الورقة : سحبي أربعه*

فاطمه : الله ياخذج

منا و اهيا تطلع من المطبخ : امييين * **

فاطمة و آهيا مندمجه تلعب : انتي قبلها أن شالله ،، لا تستانسين وايد ،، ترى انتي ريلج و القبر*

منا : ويييه والله إلي ما يطول العنب*

ريم تقط الورقة : والله انتي حتا كنار ما تصيرين تقولين عنب ؟؟ *

فاطمة تقط كل أوراقها و تقوم : واي ريمو بس مابي العب لاعت جبدي ( و تكلم منا ) ولي يعافيج كناره ،، لمي الاونو و نظفي الصاله مره وحده*

ريم تقوم وياها*

علي ولد منا توه داخل البيت*

ريم : كاهوا كومار وصل خل يساعدج مرة وحده ،، و سووا دويتوا جماعي و خلصوا شغلكم **

و صعدت اهيا و فاطمه فوق*

علي يكلم منا: شفيهم هذيله*

منا : بنات بليس ،، سليمه تصكهم *
_______________________________

بليل بغرفة بدريه*

كانت قاعده تدرس و حايسه بين أوراقها*

بدرية تدور : وينها وينها وينهااا ،، مممم ،،، كاهي*

تلفونها يرن*

بدرية ترد معصبه : والله زين فكرت تدق ؟؟*

جاسم : إووف إووف ،، شفيها حبيبتي معصبه ؟؟*

بدرية : يعني ما تدري شحقه معصبه ؟؟*

جاسم : يعني عشان اليوم ما حظرت ؟؟*

بدرية : و لانك كاشت فيني صارلك يومين*

جاسم : سوريي حبيبتي *،، بس والله لهيت ويا عزوز رحنا افترينا تونا رادين ،، الولد توه راد من العلاج و حالته حاله ،، لازم اطلع وياه*

بدرية : على الأقل تدز مسج تطمني مو تكشت فيني و تخليني احاتي*

جاسم : ولا تزعلين ،، أسف و حقج علي ،، مرة ثانية ادق عليج مو بس إدز مسج ،، جم بدروة عندي أنا ؟؟ وحده و ماخذه قلبي ،، ها رظيتي ؟؟*

بدرية تبتسم : يالعيار تدري أني ما أقدر ازعل*
**
جاسم : هههههه ،، إنزين قوليلي شنو سويتي اليوم بالتفصيل*

_______________________________

بشقة نور و مشاري*

نور قعدت من النوم و مشاري كان بالصاله *يشوف الأدوية الي يابها متى مواعيدهم *،،*

نور تتنحنح عشان تعدل صوتها*

مشاري أول ما شافها راح لها : انتي متى قعدتي و ليش طالعه من الغرفه ؟؟*

نور *بتعب : شسوي تعبت و لاعت جبدي أكثر من النوم ،، اليوم كله كنت نايمه ،، معطيني دوا و لا منوم ؟*

مشاري يحط ايده على ويهها يشوف حرارتها و يبتسم*
*
نور: اااا ،، أنتا اليوم ما رحت الدوام ؟ *

مشاري : لا طبعا ما رحت ،، ( و يمسك ايدها ) يلا أمشي تحت ،، أمي آهيا إلي مسويه العشا و طابختلج أكل مخصوص بس حقج*

نور تبتسم : بعد عمري خالتي ،، بس والله ما أقدر أكل ،، جبدي تلوع و ما أقدر ،،*

مشاري : و إذا قتلج عشان خاطري ؟؟*

نور : ها ؟ *

مشاري يبتسم : *عشان خاطري ؟؟*

نور تنحت : اااا ،،أنزين *إوك ،، بس ببدل ملابسي *

مشاري : تبين أساعدج تبدلين ؟*

نور : ها؟؟؟؟@@ ،،،

مشاري : هههههههههههه*

_______________________________
بدار بدريه:

بدريه: ههههههههه اييي امبيييي فاقوول( ولا امها داشه)

بدريه تعابير ويها تغيرت:..ي يما؟؟

امل وهي شاكه:*من تحاجين؟؟

بدريه: ي.. يما قاعده احاجي رفيجتي..

امل: اي رفيجه هذي الي صارلج سنه تكلمينها؟؟منو اهي؟؟ شسمها؟؟

بدريه: يما.. هذي فجوور .... فجور رفيجتي..

جاسم قاعد يسمع:...

امل: عطيني اياها خل اكلمها عيل..

بدريه تسد التلفون : اا.. يماا الله يهداج شفييج؟؟؟*

امل: قتلج عطينييي اكلمهاا

بدريه: انزين انزين كا الحين ادق عليها...( و دقت واهي حاطه ايدها علا قلبها)

امل تخمط التلفون منها عقب ما دقت و حطته علا اذونها:....

طووووط...

طوووووط...

طوووط...

فجر ترد: هااا شفيج سكرتيييه؟؟؟

امل استوعبت انه بنتها مو قاعده تجذب عليها..

فجر: هاو الوو؟؟ وينج؟؟

امل تعطي التلفون حق بنتها و هي متفشله من الي سوته: هاج.. ويالله بعد شوي عشا..(

بدريه تاخذ التلفون:..

( طلعت الام)

بدريه بصوت مخطوف:الوو..

فجور: امبي ...ادري انه امبي والله..

بدريه: امبيي صبت عظاامي.. قلب وقف الا شويه.... متت من الخرعه متت...

فجر: ايي امبي حتا انااا.. توه جسوم يايني ركض يقولي اذا دقت عليج بدريه كلميها جنها ساده التلفون بويهج.. امها جكتها تكلمني و قالتلها انها قاعده تكلمج..

جاسم يخمط التلفون منها: هااا شصار؟؟:s


بدريه: مت من الخرعه امبيي:s

جاسم: اشوه انها ما جكتج جان رحتي وطي..

بدريه: امبي.. اشوه انك تداركت الموضوع... واي جاسم ثنكيو ثنكيو وايد... انقذتني..

جاسم: هههه العفو العفو.. نضبطج ايييييي شعباالج...

بدريه: ههههههههه...

جاسم: احبج..

فجر تعلي صوتها: مووو جدااميي عااد تونيي اندر ايييج (under age)

بدريه: هههههههههههههه

______________________________

اليوم الثاني الصبح الساعه ٨ :

مشاري توه قايم من النوم:...

راح اخذله شور و فرش و غسل ويها و طلع..

مشاري: نور... نوور... ( وينها هاذي) .... نوور؟؟( و طلع بره الغرفه يدورها) نوور.... نوور.....تؤ... وين راحت هذي؟؟

نور توها داشه الشقه: اوه.. مشوور قاعد... شعندك من الصبح؟

مشاري :انتي الي شعندج من الصبح طالعه؟؟ احد يطلع هالحزه؟؟

نور تحط الجياس عالطاوله: هو مشاري شفييك؟؟ رحت يبت لك ريوق وييت ... عادي..

مشاري: ريووق؟؟؟؟ شيايبه؟؟( و يطل بالجياس.)

نور: ههه شوف شيايبه على ما اروح ابدل...( و دخلت غرفتها)

مشاري : انتي من صرتي زينه قمتي تهايليين بالشوارع...و تقزين من وراي..

نور وهي بالغرفه: لا بعد ادعي عليي خل امرض مره ثاانيه..

_______________________________

بدار بدريه الي كانت نايمه بسابع نومه:

المنبه يرن...

بدريه: اووه( تسكره و ترد تنام)

و الساعه تمر..

٨

٨ و نص

٩*

٩ و نص

١٠

١٠ و نص

لين صارت ١١:

تلفونها يرن..

بدريه تسده:...

يرن مره ثانيه

بدريه ترد بصوت دايخ حدا: الووو..

جاسم: اوولا ... شكلج واصله الحلم العشرتعاش..

بدريه مو مستوعبه: منوو..

جاسم: انا اناا.... هلوووو اناا استوعبي يرحم امج..

بدريه استوعبت و عدلت قعدتها: جاسم..هلا شفيك؟؟؟

جاسم: انشالله تقومين.... الساعه صارت ١١ و المحاضره طافتج و انتي ليلحين نايمه بالعسل..

بدريه فزت: هاا؟؟؟ ساعه جم؟؟؟؟؟ احدعاااش؟؟؟@@ يالله يالله كاني يايه.. بااي..

جاسم: لحظه بقو( و سكرت الخط بويها و بسسسرعه عالحمام فرشت و غسلت و يها و لبست و مشت)

_______________________________

في بيت ام فاطمه الساعه ١١ و نص:

ريم نازله من الدري ويا بجامتها و تفرك عيونها: هاا.. صباح الخيرر..


سميره: اي صباح هذا؟ وصلنا الضحا العود وانتي توج قايمه من النوم؟؟

ريم: اي بعد شسوي كنت دايخه...( و تشوف امها لابسه عباتها) وين بتروحين؟؟

سميره وهي عند الباب: بروح ويا خلتج جم مشوار.. يالله مع السلامه( و طلعت)

ريم : مع السلامه..( و تلف علا منا بشكل غبي و بسرعه و تتخصر لها) هيي انتيي... وين ريووقيي؟؟*

منا: هااو.. اي ريوق؟؟ اااااه ريوق البعارين؟؟ ايي تلاقينه بره عند البقر..

ريم: عفيه اذا ادلين مكان اهلج دليني.. بعد خبرج انا غزال.. ما ادل وينهم فيه البقر..

منا عصبت: انااا اهلي بقر يالماتستحيين؟؟

ريم: جب جب ( و تاخذ سندويجتها و تصعد فوق)

______________________________

بسياره بدريه الي ماشيه بسرعه مو طبيعيه:

بدريه: وااي يالله يالله بسرعه( و تشوف ساعتها) اففف ساعه ١١ و نص.....*

و تسرع زياده..

و فجاه يت جدامها سياره..

طووووووووووووووووووووووط

بدريه طقت بريك قوييي: وااااااااااي......

وقفت السياره:*

بدريه ترجف من الخرعه: وااي.... بسم الله الرحمن الرحيم... بسم الله الرحمن الرحيم.....

( خذت نفس*
و ردت حركت السياره)

بدريه: وااي يمه اخترعت... ( وفجاه حست بنغزه بقلبها) احح.. امبيي احح...( و تحط ايدها علا قلبها) .... امبي والله اخترعت...

يرن تلفونها..

بدريه ترد: الو؟؟

جاسم: هههههههه هااا وييينج؟؟

بدريه:-_- كاني..*


جاسم: ههههههه يالله يالله بسرعه ..

بدريه: سوال ؟ شلي يظحك؟؟-_-

جاسم: هههه ولا شي خلاص .. يالله انا ناطرج..

بدريه: اوكي.. باي.

جاسم :باي..

( و سكروا)

_______________________________

بالجامعه:

خالد اييله:*هااا يويسف وينك غااط؟؟

يوسف قاعد بالكفتيريا و ماله خلق:هلا هلا خلود..

خالد يقعد يمه: شفييك مكشر جذي ؟؟*

يوسف: اسكت .. صاكه فيني الدنيا .. و النفسيه زفت..

خالد: بيي بيي ليش شصاير؟؟*

يوسف: ......

خالد:شفييك تحجا؟؟

يوسف: اشتقتلها خلود... مشتاقلها وايد..

خالد: منو ؟ فاطمه الي دقرتها؟؟

يوسف عصب:لاا تقول دقرتها... انا ما كنت اقصد ادقرها... بس الكلام طلع مني جذي... والله العظيم مادري شلون طلع مني هالكلام..

خالد: ..

يوسف:...

خالد: انت تحبها؟

يوسف : مادري.. مادري لا تسالني......انا الي حبيتها فاطمه... ال رسمت شكلها فبالي.. بس شكلها مو الشكل الي شفته... مادري يعني... احس تفكيري مشوش.. ماني عارف انا منو ابي بالظبط و شنو ابي..

خالد: يوسف... انت تحب طبع فاطمه... بس مو بشكلها هذا.. و الحب الي ايي من الشكل... يسمونه اعجاب... بس الحب الي ايي من الطبع.. يسمونه حب... وانت تحب طبع فاطمه... يعني انت تحب فاطمه.. ما يبيلها ذكاء بعد...

يوسف: بس خلوود..

خالد يقاطعه: اهي لي هالدرجه جيكره؟؟

يوسف: ....... لا...*

خالد: عيل شفيك؟؟ يوسف... اذا تحبها انا اقول روح فهمها موقفك.. حتا لو ما سامحتك بس عالاقل ما تكون انت الصبي الحقير الي بعينها...*

يوسف:....

______________________________
اليوم الثاني العصر*بالكليه:

بدريه توها طالعه من المحاظره..

جاسم يسولف ويا ربعه: اييي ههههههااااااي..

بدريه تشوفه وهو يسولف .. ابتسمت و راحت:..

جاسم لمحها: ايي اوكي شباب دقيقه..( و راحلها)

جاسم ينادي: بدريه.. بودبود..

بدريه تلف: هلا؟؟

جاسم: ها وين رايحه..؟؟

بدريه: الهوم( البيت)

جاسم: الهووووم.. اهاا..

بدريه: هههه يالله باي..

جاسم: لحظه..

بدريه: لاا تقول لحظه رجاااءً ابي ارووح اريح.. تخيل امس مو نايمه الا الساعه سبع الصبح..

جاسم:هههه اوكي يالله تيك كير..*

بدريه مقفله حدها: وانت من اهله..( وراحت)

جاسم: وانت من اهلا؟؟؟ هههههههه والله هبله( و رد عند ربعه)

حمد رفيجه: هااا بو حموود.. شكلها طيحتك...*

جاسم ( شيبي هذا؟):
ها؟

حمد: ويين الي يقول بطيحها و بييب راسها.. شكلها اهي الي يابت راسك .. مو انت..

جاسم عصب شوي: انت شفيك؟؟ منو يابت راسي؟؟ احترم نفسك ..

حمد: ههه انزين انزين شفيك معصب... شكلك متحسس من هالموضوع..

جاسم: لا متحسس ولا شي( و بتردد) وو .. من قال انها يابت راسي... ياعمي ترا انا بس .. بس قاص عليها .. لا تصدق انت بعد...

حمد: ههه عدل... هذا جسوم الي اعرفه.

جاسم: اعجبك..( و يغمزله)

_______________________________

بليل.. بشقه نور الساعه ١٢ ..

مشاري قاعد عالقنفه و حده متنرفز..

نور توها تدخل البيت..

مشاري واصل حده:......

نور: قوه.. شلونك؟؟

مشاري عطاها نظره وهو حده معصب...

نور مو مستوعبه( شفيه؟):...

مشاري يقوم و بنبره حاده: وينج فيه لي هالحزه؟؟

_______________________________
وهذي نهاية البارتين... ها شرايكم؟؟ استاهل اجازه باجر ولا لا؟؟ امبييي وااي مابي ادااوم.... عفيه سوو وياااي عزااا هئهئهئهئ
عطووووني كلنكس :'(

Ylaa tw8o3aaat*

 

[Føzöø]

يسلموو حياتي ع البارت

مشوور يونس والله يحليله

و نور اتوقع احم احم عشان جذي بطنها يعورها 

و عزووز يحليله الحمدالله ع سلامته استانست له يحليله ؛)

وو جسوووم و بدوووره يونسوون يا حلوهم

و اتوقع علي راح يحب فطوم و فطوم تحبه :/

ووو ريمووو تبط الجبد

ووو عبدالله لا تعليق

وو بس ؛) *

 

[miss i]

Loooooooool la la mo 3shan ele7m e7m.. Ehia feha tsamom lana.. Looool

 

[miss 3yara]

وي وي نور @@ المهم باجر بنعطيج اجازه بس عقبها مااكو لوووووووووووول

 

[om_7soon]

البااااااارت حدااا عجيييييب

امبييييييييييييي
جاسم ما توقعتة جذييي امبيي قاعد يجذب ع بدريية لالا مستحيل omg ولا يجذب علي رفيجة تري مو فاهمة بالضبط
ياااارب انشالله يوسف يعدل قلطتة ويرجع يكم فاطمة مثل اول وفاطمة ترضي
وو نور بسج قز ما صارت شكله علي يوم مشاري بيعطييج طرااق يسدح ويهج بالارض حترمي نفسج
وقعدي بالبيت
وو بعد شنووو امم عبدالله وريم ما في شي يديد
ومشكووورة قلبي وما قصرتييي البارت عجيييب لان منج يالعجيبة
واااااااااااااي باجر مدرسسسة
احسن الله عزاام هي هيي هيي
ناطرينج ع احر من الجمر وحبيبتي خذي راحتج متما خطيتي البارت حطي ناطريينج
وو ثانكس سلت مرة ثانية
Sooo up
Up
Up
Up
Up
Up
Up
Up
Up
Up
Up
Up
Up
Up
Up
Up
Up
Up
لعيوووووووووونج باجر سكوووووول لووووووووول

 

[^Tataly^]

يعطيج العافيه

فاطمه ويه ريم يضحكوووون اشلون يكلمون مرت ابوهم

وانشالله مو جاااسم يلعب ع بدريييه @
اوووووف باط جبدي

ونووور اشفيها؟؟؟!

واخيييييييرا طلع يوسف اتوقع راح اتردله فاطمه ورااح تغير شكلها كتبت قصه

ناطرينج حبيبتي

 

[^Tataly^]

Up
up up up
up
up up up
up
up up up

 

[miss i]

Loooooooooooool

 

[bnota 3sl*]

اب اب اب اب اب اب اب اب اب اب اب

 

[DF.JB]

يعطيج العافيه حبيبتي
دخلت لقيت ٣ بارتات وناااسه
ولج اححلى اجازه صراححه البارتين حدهم عجيبين
نور ومشاري الله يوفقهم
جاسسم أكيد يقص على رفيجه
عزيز الحمدلله ع سلامتك
بدريه احبها هالبنت ما ادري ليش
يوسف حسسيت فيه ان شاء الله يروح حق فطوم وهي ترضى
منا واااااااااك الرايح والراد يطنزون فيها
ريم وفطووم أحلى ثنائي بس بالبيت خخخ
ريم تبط الجبد الحين الولد يبيج تقولين بعد سنتين ومادري شنو !!!

ويي باقي ساعه عالمدرسه خل اقوم اتجهز *

 

[DF.JB]

Up Up Up

 

[αѕσσℓ«♥]

آب آب آب آب آ ب آب آ ب

نآآطرينج حووبي

 

[احلى فـراولـه]

نااااااااااااااااطرييييييينج حياااااااتي

اب اب اب اب اب اب اب اب اب اب اب اب اب

 

[ام ناصر 80]

يعطيج أأأأأأأأأأأأأأأأأأأأأأأأألف عافيه
بس لاتطولين علينا​

 

[DF.JB]

Up Up

 

[miss i]

Enshala belwek end anazlkom parten .. Chthe bykon nthame wgt elmdares ...

 

[miss 3yara]

اي زين تسوين

 

[DF.JB]

OK
A7sn Shy Na6rench 7bebti

 

[D_a_n_o]

آخذي راحتج حبيبتي :* !~