روايتي الثانيه:لك تسافر بعمري ولك عيوني مرسى

[DF.JB]

Up Up
Up

 

[miss i]

wayy tawnnyy agra ilqe9a 9ij 9ij wayyed 3jbtnyyy
thankyouuu

w na6reen ilpart

shakh9eyt jassim w badreya 3jboonyyyy akthr shayy w 7bait jra77 ksr kha6ry wayyed


Waiting 7bebtyy ;*
shwgteeny 3l khairan

7yaach ala 7bebtee .. Eee wlaa ana b3d 7de mtshawga 3al5eraaan

 

[miss i]

Wenshala mane m6wlA ..

 

[miss i]

Bnaat bnazel part elioom tzhbw

 

[dlo0o3a co0ol]

اووووك اووووك
نااااااطررينج
لا تطوليين​

 

[DF.JB]

ok na6rench.

 

[توتو الامورة]

حياتي بسرعه نزلي البارت قمت انعس وما ابي انام الا لمن اقراها مالي شغل نزليها الحين احسلج ... :rgewrg: لا اتغشمر اخذي راحتج بس لا تطولين فديتج

 

[bnota 3sl*]

اب اب اب اب اب اب اب اب اب اب اب اب اب اب اب اب اب اب اب اب

 

[miss i]

انااا ييييت... يالله بنزل البارت تزبوا..

 

[miss i]

البارت الثالث عشر:

نور تقرا المسج بإستغراب : رقم غريب ؟ منو هذا ؟ ممممم تؤ مو لازم ( و حطت فونها و راحت تبدل)*
_______________________________
بغرفة بدرية*

بعد ما بدلت ملابسها .. انسدحت و مسكت فونها تتعبث فيه .. فجأة رن و اهوا بيدها : ستغفر الله هذا الحين عطيته ويه مرة وحده لازم يحنج اففف .. : *الو*

جاسم : قوة*

بدرية : يقويك*

جاسم : أحم .. سوري يعني داق هالحزة بس بغيتج تنقليني المحاظرة *إلي ماحظرتها ذاك اليوم *

بدرية : عفوا !! حظرتك داق هالحزة تبيني أنقلك !! ماكو شغل صح؟؟*

جاسم : يا بنت الحلال باجر الدكتور بيعطينه امتحان فيه و أنا مو دارس شي :s*
*
بدرية : والله عاد هذي مشكلتك مو مشكلتي .. جان نقلته من ربعك لمن داومت ...*

جاسم يتمسكن *: يا حبيبتيي انتي يا كل شي حلوتي انتي ( عادي الأخ ما يعرف يمدح ) *... ربعي كلهم بسنه ثانية .. أنا الوحيد إلي ليلحين طاحس بأولى ..*

بدرية ( والله من رداك ) : اففففف و أنا شسويلك يعني ؟

جاسم : و أنا شحقة داق عليج؟؟*

بدرية : .... زييين .. بس أسمع أول شي .. بطل أذونك و فتح مخك وياي عدل .. لأن إذا استظرفت .. صج بخليك تطحس و تعفن بعد *

جاسم : ذليي بعد ذلي اكثر... بس ماعلييه تمونين*
_______________________________

بغرفة فاطمة :*

كانت تطالع فونها متنحة : هذا من صجة و لا يستهبل !! شفيه ين مرة وحده !!! شكلي بسكب فيه عدل و ماني معطيته ويه ....*
*______________________________

خنروح حق غرفة عزيز إلي طلع من المستشفى و باجر بيسافر يتعالج بره ..*

كان قاعد ويا اخوه ناصر*

عزيز : هههه والله شكلي بفقد هالغرفة وايد ..يمكن ماأرد لها مرة ثانية ..*

ناصر : عزوز يا حمار لا تقول جذي أذكر ربك*

عزيز : ههه اهيا يت على هالغرفة ؟! واايد أشياء فقدتها و ماظنتي بلقاها مرة ثانية ( و يبتسم ) الله كريم ...*

ناصر : خل إيمانك بالله قوي و شد حيلك و إن شالله بتقوم لنا بالسلامة*

عزيز يبتسم : إن شالله*

ناصر : خلصت أغراضك ؟؟ حطيت كل شي ؟؟*

عزيز : أي خلصتهم و سكرت الجنطه .... وأنت ؟*

ناصر يقوم : أي أنا خلصت كل شي .. يلا انا أخليك ترتاح عشان باجر وراك درب ( و طلع و سكر الباب ) *

عزيز ينسدح على فراشة و يفكر :
*
(( مو مهم تدري إن المسج مني .. المهم وصلت لها جزء من الي فقلبي *.. حتى لو بطريقة غير مباشرة .. بس المهم أريح مخي شوي ... ااااخخخ ياني ولهان عليها .. ولهان على صوتها ... على ضحكتها .. على براءتها ... على كل شي فيها .. )) و بعد تفكير طوييل *نام و اهوا مو حاس بنفسه*
_______________________________

بغرفة بدرية*

بدرية متنرفزة : جاااسم إذا بتستعبط والله ما أكمل*
جاسم : لا خلاص يالله كملي*

بدرية : تكفى ركز الله يخليك*

جاسم : شفيج لا تبجين والله راح أركز كملي أنا وياج*

بدرية : شوف ..*

جاسم يقاطعها : شلوووون أشوف ؟؟؟؟شلوون بالله ؟؟؟ شلووووون؟؟ عبر الأثير مثلا؟؟؟ تحجي عدل*

بدرية و صلت حدها : جااااسسسممم *

جاسم : بلا جاسم بلا بطيخ شنو تقصين علي انتي بعد هذا الصج شلون أشوف يعني*

بدرية : يلا باي باي الشرهة علي أنا إلي مضيعة وقتي و قاعدة انقلك*

جاسم : لااااااااا خلااااص والله آخر مرة*

بدرية : شوف أنا حلفت والله إذا خففت دمك و استظرفت مرة ثانية بسده بويهك*

جاسم :زين زين خلاص يلا كملي *وين وصلتي*

بدرية : بعااااااادد ما تردي وين واااصليييين؟؟ من عذذرررر طااحس بسنه اوولا

جاسم : دام حظرتج النيردية موجودة معاي بالكلاس ما راح اطحس إن شالله .. كملي ماي بينغوين( يعني بطريقتي بالانجليزي)

بدريه: بنغويين بعيينك انا اعلمك
مانيي مكمله يالله باي.....

جاسم: ههههههههههههه خلاص خلاااص الوووو والله خلاص بس والله و راسج..

بدريه: اسمااع

جاسم بضحكه: ههه ايي ..*
_______________________________

الصبح*
بيت بو عبدلله*
الساعة 9 *

نور و هي نازلة من الدري لقت امها قاعدة تقرا مجلة ...*

نور : صباح الخير ( و تبوس راسها )*

أم عبدلله : هلا يما صباح النور. ..*

نور تنادي الخدامة : رحمااااااه رحمااااااه*

أم عبدلله : شوي شوي *الآدمية تسمع مو صمخة ..*

الخدامه : نعم ؟*

نور : بسرررررعة روحي سويلي قهوة و يبيها * .. **
الخدامة : جين ( وراحت )*

أم عبدلله : إلا أقول نور خلصتي شغلج ؟*

نور : أي شغل ؟*

أم عبدلله : شغل الملجة و العرس*

نور : .. لا ما جهزت شي ليلحين ؟
*
أم عبدلله : و إن شالله متى ناوية تجهزين ؟؟ الملجة بعد أسبوع!!
*
نور *: و إذا ؟ خو عادي في وقت*

أم عبدلله : أقول .. لا تقعدين تسوينلي في وقت و مادري شنو خلصي شغل الملجة بسرعة عشان تلحقين تخلصين سوالف العرس*

نور : و من قال إن أنا أبي عرس ؟*

أم عبدلله : شنووو !!!؟؟؟و ليش إن شالله ؟؟ *

نور: بس الملجة تكفي ( و تاخذ القهوة من أييد الخدامة ) بعد ليش اللوية و عوار الراس ؟؟*

أم عبدلله : لا له داعي شلون ماله داعي ... بنفرح فيج*

نور : يما قتلج مابي عفيه خليني اختار شي واحد بكيفي .. مو كافي بتزوجيني بكيفيج .. خلاص خليني على راحتي *

أم عبدلله : كيفج كيفج .. عليتي قلبي*
*
نور تحط الكوب على الطاولة : *يلا أنا بروح باااي*

أم عبدلله : مع السلامة و ديري بالج*
_______________________________
في بيت أم فاطمة*

كلهم قاعدين على طاولة الطعام يتريقون :*

فاطمة : ريمو عطيني العصير
*
ريم تعطيها : خو مدي أيدج
*
أم فاطمة : ياربي أنا هالخدامة مادري شبينها و بين الملح أبي مرة وحده اقعد على الأكل و تكون حاطة المملحة ... ( و قامت راحت المطبخ )*

فاطمة تنغز ريم : أقول هي يو .. أبوج الظريف وينه ؟؟ ليش ليلحين ما شرف ؟؟*

ريم : أخاف أجذب بس عليج؟؟ *شدراني عنه ؟؟ تلقينه لاهي بعقاراته و شركاته*

فاطمة : ههههههههههههه و انتي الصاجة .. تلقينه لاهي بمصنع الزحير إلي يشربه*

ريم : كاااااااااااااااااك أي والله .. بس بس عاد عيب أبوج هذا عيب ما يصير تتطنزين عليه *

فاطمة : هههههههههههههه*
*
خدددنييي معاااك بالجوووو الحلووو .. خليينيي معاااك إسرررح يا حلووو
**
فاطمة ( ماني راده عليه ) و سدته و حطته سايلنت*

ريم : منو ؟*

فاطمة : مالج شغل اكلي و انتي ساكته*

ريم : :s *
_______________________________

الساعة 12 بكليه بدرية*

كانت واقفة مندمجة تقرا الأوراق إلي بأيدها*

جاسم يقطع عليها كالعادة : قووة*

بدرية تطالع الأوراق و جنها متعودة *: هلا*

جاسم : ترى أنا جدامج مو بالأوراق *~*

بدرية تطالعة : -_- أدري*

جاسم : مممم اشوا عبالي ما تدرين ... المهم مشكورة على أمس لانج نقلتيني*

بدرية ترد تطالع الأوراق : يالذرب...العفو .. بس لوسمحت لا تتعود ... هالمرة ساعدتك *بس مرة ثانية مالي شغل فيك*

جاسم : خخخخ شدعوة*

بدرية عينها على الأوراق و بجديه *: الدعوة عند القاضي .. ( و ترد تطالعة ) الحين انته شتبي واقف وياي ؟*

جاسم : ها ها ها و تنكتين بعد يحليلج ... المهم ... ماكو بس قلت إذا فاضية أمشي نكمل المشروع*

بدرية : مممم أول مرة تقول شي مفيد .. يلا روح و أنا الحين ايي*
*
جاسم يغمز لها : انطرج
*
بدرية : لحظة جاااسم
*
جاسم : هلاا .. مداج شتقتيلي ؟
**
بدرية : -_- بلا سخافة .. بس بغيت أسألك ليش ذاك اليوم سألتني عن جنا ؟؟ أنت تعرفها أو تصيرلها ؟*

جاسم :لا ماكو بس تشابه أسماء .
*
بدرية : متأكد
*
جاسم : أي شفيج ؟
*
بدرية : لا ولا شي*
*
جاسم : يلا تعالي انطرج ( و راح ) *
_______________________________

بالكفتيريه عند فاطمه:

خدنيي معك بالجو الحلوو... خليني معك اسرح يا حلووو( رنتها)

فاطمه ترد من غير لا تشوف منو: الووو؟

يوسف بعصبيه: انتي ما تقولين ليش ما تردين عليي؟؟

فاطمه: شنوو شفيك؟؟ هد اعصابك... داق تتهاواش؟؟

يوسف متنرفز: اييي اتهاواش لانج حاقرتني من امس .... ادق علييج تسدينه... شهالحركااات

فاطمه: واااي يوسف ترا كلللللش مالي خلق....

يوسف: مالج خلقيي؟؟؟!!!

فاطمه: واااااااااااي شكوووشكوو؟؟؟؟ اناا قلتلك مالييي خلقك؟؟؟؟ قلت جذيي؟؟؟؟ ولا بس بتصاارخ؟؟؟؟؟

يوسف هدا شوي: عيل شفيج؟؟

فاطمه: حررر خيييسه لاااهوووب ..... ويايبه دييي بالامتحاان شتبيي تكون نفسيتييي؟؟

يوسف: اهاا.. اا.. سوري ما كنت ادري..

فاطمه: امم اوكي والي يعافييك سولف سوالف سنعه لا انتحر...

يوسف: ههههه اوكي.. اممم شلون الامتحان اليوم؟؟؟

فاطمه: يالله باي باي..

يوسف: هههههههههههههههه

_______________________________
و مر الاسبوع و ايامه تكرر..

لين يه اليووم الي كانو فيه مشغولين بالصالون:

بدريه تتكلم بالتلفون وهما يسوون شعرعا: اييي انا بسوي العنقوصه

فاطمه: في بيتي بووب؟

بدريه:ايي انا اب بتي بووب انتيي وينج؟؟

فاطمه: موس..

بدريه: موس؟*شبتسويين؟؟

فاطمه: كبه و الكبه عن الف يمين..

بدريه: اييي عاد ما اوصييج كشخيي..... هذي ملجه اخووي مشوور مشمش فوادييي لازم تكونين حلوه

فاطمه تستعبط: واااااي انا من زماان حلواااا و رشييقااااا و كشخاااا و كل شييي يمااا فديتنيييي..

بدريه: وااااااي يكرهج لي تفلسفتي..*

فاطمه: وييه معااي حق
اتفلسف... ايي صج... ترا امي مهيه يايه..

بدريه: وييي حلفييي ليش مهي يايه؟؟؟؟*

فاطمه: مادري تقول مصدعه و حالتها حاله... مادري شقصتها..

بدريه: وييي يعني بس ريمو بتيي معاج؟؟؟؟؟

فاطمه: يمكن اييب بنت خالتي زيون...

بدريه: اهاا.... ايي ايي خلتيي حياه الله الصاله عوده تشيلنا كلنا...

فاطمه مسويينه بصاله ولا فندق؟؟!!

بدريه: فندق..

فاطمه: انزين ليش ما سويتوها بالبييت و بعدين سوو عرس بفندق..

بدريه: ايي مو لانه الاخت نور الجميله ما تبي الا حفله وحده فملجت بالمحكمه اليوم الصبح والحين العرس....

فاطمه: وييي ملجو يعنيي؟؟

بدريه: هو ايييي علامج؟

فاطمه: مادري شدراني انا..

بدريه: ايي.. اقول يالله باي مالي خلقج..

فاطمه@ فجاه؟؟

بدريه: هههههه ايي والله صج مالي خلق اسولف.. باي..

فاطمه: ههههههه هبله.... باي..

بدريه: ههه باي ( و تكلم الصالونه) لا لا نزلييه...... ايي جذي زين..

_______________________________

و الساعه ٩ بليل..*

بدريه و امها و خالتها واقفين يستقبلون الضيوف.

ويت فطوم و اختها..

فاطمه: سلام عليكم خالتي شلونج..

امل: هلاا هلا فاطمه وين امج؟

فاطمه: والله تعبانه ما قدرت تيي.

امل: وييي غميظه....... ما عليه... الله يشافيها انشالله...

فاطمه: انشالله...( و تسلم علا ام نور) سلام عليكم

ام نور: هلا و عليكم السلام..

فاطمه وصلت حق بدريه: هلا...هلا هلا بالطش والرش هلاا والله...

بدريه: ههههههههههه اهلييين شلونج يا قميل( يعني جميل بالمصري)

فتطمه: تماام.. شهالجماااال شهالزييييين..

بدريه: احمم.. مو شي يدييد..

فاطمه : ويه مالت عليج..

ريم: ههههه قوه بدريه شلونج

بدريه تحبها: يقوييج رييموو شنو هاللبس عجييييب..

ريم: حلفيي؟؟ واي عاد متعقده منه..

بدريه: واي لا بالعكس اينن.. وانتي فطيمووو ضعفااانه...مالت عليج شتاكلييين؟؟

فاطمه: والله اكل اكل البقر... بس لانه جامعه ومشي فالظاهر من جذي..

بدريه: اهاا... تعالو تعالو خنسوولف و احنا قااعديين عنديي لكم سواااالف....

ريم و فاطمه: ههههههه يالله..

و كل وحده لاهيه بشي الي ترقص والي تسولف و الي خابه عمرها والجيكره و حاسبه نفسها سعاد حسني واللي مهلقه والي كاشخه والي مو حافه والي تحش والي فييل و واثقه و و و و الخ..

و مرت الساعات و صارت الساعه ١٠ و نزلت العروس علا اغنيه البدر ( راشد الماجد)

و وصلت للكوشه.. و الكل قام يرقص .....

بدريه تصور يم نور: واي صايره تهبلين...

نور تبتسم: حبيبتيي..

و صورتهم المصوره..

بدريه تقول: الف مبروك حبيبتي..

نور: الله يبارك فيج..

والكل قام يرقص جدامها.... و هي تضحك علا اشكالهم.. و فجاه... راح بالها بعيد

----------------------

عالبحر الساعه ٤ العصر.:

عزيز:......

نور:......

عزيز:......

نور: الحين انت يايبني هني عشان تسكت؟؟

عزيز لف عليها: هلا؟ ههههه سوري حبيبتي بس شدني البحر..

نور: والله دام بيشدك شحقه قايلي تعالي؟؟ جان تغزلت فيه بروحك؟؟

عزيز: ههههههههههه شفييج عصبتيي؟؟

نور: ما عصبت.... بس صارلنا نص ساعه من ييينا وانت ما نطقت ولا حرف....

عزيز بدون مقدمات: نوور..

نور: شتبيي؟؟

عزيز: شنو بنسمي عيالنا؟؟

نور: @@ ههههههههههههههههههههههههه

عزيز: -_- شفييج؟؟

نور: هههههههههههه

عزيز: قطيت نكته؟؟

نور: هههه لاا بس ضحكتني..

عزيز: لييش؟

نور: احنا خالنتزوج بالاول...

عزيز: اييي وشفيهاا اذا خططنا من الحيين شورانا؟؟ ^_^

نور: ههههه ممم والله مادري..

عزيز: انا ابي اسميي جاسم... علا ولد عمي جسووم..

نور: لا والله بالله انا مابي هالاسم؟؟

عزيز: شنوو ما تبينه؟؟ بسمييي هالاسم يعني بسمييه...

نور: لااا والله ماراح تسميييه

عزيز: امبلاا

نوور: لاااا

عزيز: انزين انا عندي حل... شرايج اسم انتي واسم انا؟؟

نور: لا

عزيز: هاا!! ما يسييير ظلم... صدقينيي حلي احسن حل...

نور: ممممم عيل انا بسمي علا بدورتيي بنت خالتيي..

عزيز: خووش..وانا جاسم...(و شق الحلج)
-------------------

نور بينها وبين نفسها: و ما سمينا عيالنا... راح اسمي عيال غيرك يا عزيز..عيال غيرك....

و قالو للحريم يتسترون عساس يدخلون الرياييل.. نور لبسوها شي يستر جتوفها..والكل لبس عباته و تجهز...

و دخل المعرس علا يا معيريس( ماكو غيرها) و ربعه و اهله يزفونه...

مشاري شاف نور(هذي نور؟؟!! معقوله هالجمال كان جدامي وانا مو حاس فيه؟؟):.........

نور ( الله يستر):..........

و خلص العرس علا سلام... و صعدوا المعاريس غرفتهم..

_____________________________

في بيت بو جراح:

بدريه تفصخ كعبها : وااااي وااااي لا ..... رييلييي ورمت امبييي........ واي واي واي اححح امبيي تون تون...

امل وهي تمسح مكياجها: والله محد قالج لبسي كعب ١٠٠ سانتيي..

بدريه: وواااي ااييي يا ريلييي.ااااي.... انتي السبب.. انتيي الي يبتيني قزمه علييج....

امل: هااو...

بدريه تقوم و هي تعري: واااي يما ريليي.. يماا ريليي ايي.... تغنييي تغنييي!!

_______________________________

بغرفه الفندق..

نور بتردد:*م..مثل ما قلتلك.... خلنا ربع...
......................................................
وهذي نهايه البارت..ادري قصيير بس هذي الاحداث الي المفروض اتم بهالبارت... و ما بغيت اطول عليكم ^_^ *يالله توقعاتكم

 

[zoqa]

ambeeeeeeeeeeh
yeeboooooooooooha abe athb7haaaaaaaaaa
bsr3aaaaaaaaaaaaaaa @@@@
shno hathy ? 5bla maynona ?
yoba 5laa9 3azez raa7 shfech ambe maynonaa
waay 7artni ? shno mthlan bnam w agom 5la9 b6algni w ark'9 l7abebe ? ​

waaay 9ij yahel Looooool sorry bs gathni :S​

Yareta ykofnha w yrabeha =P!!!! ​

hhh e7m baradt chabde :$ thnq 5osh part :$​

 

[bnota 3sl*]

لوووووووووووووووووووووووووول بدرية ضحكتني اهيا و يا جسوووم .. فطوم الله يهداج شفيج على الولد ;s .. ممم نور لا تعليق ... عزيز مسكين كسر خاطري ... و يعطيج العافية حبيبتي و ناطرينج بالبارت الياي :**

 

[miss 3yara]

واي نور قامت تبط جبدي

 

[DF.JB]

الباررت عججججيب

نور ومششاري مبرووك
نور!!
بدريه وجاسم ههههههههه مو صج
فاطمه ششوي ششوي على يوسسف

مششكورة حبيبتي :d

 

[DF.JB]

الله يشفي عزيز

يَ رب

 

[DF.JB]

Up Up
Up

 

[dlo0o3a co0ol]

اهي اهي كسر خاطري عزووز
وبدريه وجسوم هههههههه ضحكوني الصراحه
ونوور لا تعلييق صايره تبط الجبد
وفطووم شوي شوي على يووسف
ناااطريييينج خيتوو
اب اب اب اب اب اب ​

 

[miss i]

Looooooooool rdodkom mo 9ij

 

[bnota 3sl*]

اب اب اب اب اب اب اب اب اب اب اب

 

[sweet.sanfoora]

وييع مشاري اكرهك

وبثث

ثانكيوو