روايتي الثانيه (عهدي مع الايام)(واقعيه)

[حقووقيــــــه]

ناطرينج احلاهم ...
وغروووووووور ما تموت احسن؟
وليال ...... تعور القلب ...

 

[blondeya-pretty]

up up up


ناااطرينج

 

[أحبج أحلاهم]

يعطيييييييييييييييج العافيييه أحلاهم وعساج ع القوة ،،

يلا نااااطريييينج الساعة 1 إلا ربع ويننننج

 

[@أحلاهم وأتحداهم@]

تكملت البارت 30
جراح بحزم:غرور طلاق ماراح اطلق ...مابي ملوكه تتعب
غرورماشافت وسيله الا سلاح المرءه الي اهو الدموع:وانا ...انا بطقاق جراح انا احبك وابيك لي بروحي انا ما اتخيل اي وحده تشاركني فيك حتى لو بالاسم ...جراح ولي سلمك طلقها
جراح:انسي الموضوع
غرور ودموعها على خدها:اي ليش
جراح:الانه ملاك متعلقه فيها وايد ومابي دموع بنتي تزل على سبب تافه ... مو بنت جراح الي تبي شي ومايتنفذ فاهمه وسالفت الطلاق انسيها
غرور وهيا تاخذ اغراضها:طيب ياجراح بشوف انا ولا البيبي سيتر مالتك ...وخذت اغراضها وطلعت

العصر بفلاة خالد
ملاك اطلعت من المستشفى ..وكانت فرحتها لاتوصف ...حتى ليال كانت مستاسه وايد الانها تشوف ابتسامة ملاك مرسومه على طول
بس اول مادخلت البيت حست بعور يختلف عن الشعورها بأول يوم دخولها هل بيت ...قبل كانت اتحس انها مرت ولدهم اما الحين مربيه حق بنته ...بس بمجرد انها اتشوف ابتسامة ملاك تتلاشى كل الافكار والضيق الي بداخلها
خالد:توه مانور البيت
ليال ببتسامه:منور بهل
خالد:تعالي يبا تعالي بحضني
ليال اوقفت مكانها الانها منحرجه وثاني شي تذكرت ابوها الي يعاملها بقسوه ..اما الغريب بياخذها بالاحضان ..ويعاملها بحب وحترام
كادي:ليول عادي لاتستحين
ليال الي خدها حمر من الخجل ابسمت ونزلت راسها
خالد:افا ياليال في وحده تستحي من ابوها ...وراح صوبها ...لمها اهيا وملاك الي كانت شايلتها ....الله لايحرمني منكم
ليال بقلبها (مابي ابجي مابي ابجي ...لاء مابي ابجي ..)بس ماقدر تتحمل طول عمرها محرومه من حنان الابو وهذي اول مره تحس بالحنان الي طول عمرها تسمع عنه انزلت ادموعها وخالد حس فيها
وبدا يمسح على ظهرها
خالد:لا يايبا مانبي ادموع هذا بيتج ومكانج وحنه الي طالعين وانتي الي داشه
هنادي:يما اذا على جراح صدقيني مع الوقت بيغير وبيرجع مثل الاول واحسن
اريام :امين يارب ...ليول بس عاد لاتبجين
كادي:اي والله هل بنت من عرفتها وهيا بس تبجي ...يابنت بس خلاص غيري حياتج كافي دموع صحتج اهم
ملاك:ماما بيج (شفيج)
ليال وهياه توخر من حضن خالد:مافيني شي ماما
ملاك:ليش بجين
اريام:تبجي الانها بتنام عندج اليوم
ملاك بستغراب:لا ماما حبني
خالد:ريوم بابا بس لاتأذينها ماصدقنى متى ت\لع من المستشفى
ملاك:ماما انتي حبيني
ليال:حياتي انتي شلون مااحبج
هنادي: خالد اليوم لازم تذبح الذبايح وتوزعها على الفقراء والمحتاجين ...بناتي ردولي بالسلامه
خالد:اكيد مايبيله كلام
دانه انزلت من السلم وطيران راحت لمت ليال
دانه:مشتاقتلج يالخايسه
ليال:وانا بعد مشتاقة لكم وايد
هنادي:ليال روحي يما ارتاحي اكيد تعبانه طول اليل مانمتي
ليال:بالعكس يما ماني تعبانه والله شوفتكم حواليني ترد الروح وتشفي الجروح
كادي:يابعد جبدي انتي ...ليول بقولج شغله انتي من طلعتي من البيت والبيت كأيب كل واحد بغرفته ...بس الحين ردينه للهيصه ...ههه وناسه
خالد:ليال يبا ماعليج من البنات وروحي ارتاحي
ليال:انا بصعد الان ملوكه يبيلها سباحه
اريام:سباحه من قلب ...ليول ترى اخر مره انتي لي سبحتيها
ليال:بييه وانا اقول ليش شعرها لازق ...ليش ماسبحتيها
اريام:ماكانت ترضى
كادي:اليوم المجاري بتنطفح من قطن ملاكو
ليال:لا والله حبيبتي بنتي لو تقعد سنه بدون سباحه ما تقطن ...ملوكه ماما ماتبين تتسبحين
ملاك وهيا مستانسه :ا ي اي اي ابي سبح
ليال:عن اذنكم
هنادي وخالد:اذنج معاج
ليال اصعدت فوق والبنات الحقوها ... واول مفتحت باب غرفتها خذت نفس عميق كانت مشتاقه حق الامان الي حصلته بالهل غرفه
ليال:اشقت حتى حق غرفتي
دانه:ليال انا من رايي تصعدين جناحج احسن لج
ليال: لا مابي اهني احسن وبعدين كلكم حولي اما فوق بس بروحي
دانه:فوق المكان اكبر وتقدرين تقعدين بغرفه وملاك بغرفه وجذي بتاخذين راحتج اكثر
ليال:من صجج اخلي ملوكه بروحها بالغرفه انا ابيها معاي بغرفتي ابها تنام يمي مثل قبل ابي اشم ريحتها وهيا نايمه واااي فديتها
اريام:الاخت مدمنه شتشمين من زين ريحتها عاد
ليال:ماتنلامين ..انتي مو حاصلج ...يالله ماما امشي نتسبح ...ودخلت الحمام وترست البانيو ماي دافي وقعدت ملاك فيه
البنات بره زهبو ملابس حق ملاك ...وليال بالحمام مع ملاك
ليال ببتسامه:وناسه
ملاك :اي مناسه ...وطق بأيها بالماي وتلعب وتضحك بصوت عالي
ليال وهيا تغسل جسمها بصابون :فديت الي يضحكون والله ..ملوكتي الحين نتسبح بعدين ناكل انزين
ملاك:دين
ليال:عفيه على بنيتي الحلوه...وبدت تغسل جسمها وشعرها بالماي الدافي ...وهيا تبتسم لكن ابتسامه فيها شي من الحزن فرحتها مو راضيه تكتمل ..تحبه وتموت فيه تحب ضحكته اتحب عصبيته اتحب شخصيته انحس انه لها بروحها لكن من تتذر الواقع المر تحس بجرح ماينوصف ..صارت الذكريات تحوم حولها ...كانت تبي تعرف شلي غير جراح عليها ...جراح الي كان يحس بسعاده معاها ويلح عليها انها اتي البيت عنده ولمن صارت عنده انقلب حاله ...مع الافكار تذكرت كلام العنود لها ونه الريال اذا مالقى الي يبيه من مرته بيشوف غيرها ...انزلت دمعه حاره تعبر عن الحراره الي بقلبها
ملاك شافت الدموع على خد ليال للمره الثانيه اليوم
ملاك مدت البوز :ماما بيج
ليال وهيا تمسح دموعها:حياتي مافيني شي يالله نطلع
ملاك:لا بعد
ليال:بس ماما ...انتي بروحج مريضه
ملاك:لا آدي
ليال:ههههههه لا مو عادي يالله قومي بس خلاص


على العشاء بالفلا
الكل متيمع على طاولت الطعام وقاعدين مثل كل مره خالد وعلى يمينه هنادي ملاك بكرسي اطفال ليال اريام وعلى اليسار طلال وجنى دانه وكادي..كانو باول العشاء انفتح باب الفلا ودخل جراح ..وراح صوبهم
جراح:السلام عليكم
الكل:وعليكم السلام
كادي ببتسامه:لاسلام على الطعام
خالد:حماتك اتحبك تعال اقعد
اريام:عاد اي حمات فيهم
جراح خز اريام وهو يروح صوب ليال: قومي هذا مكاني
الكل قام يطالع بعض
اريام:اي شي صح
خالد:جراح اقعد عند اريام
جراح:انا مكاني على يمينك
هنادي:جراح اقعد اي مكان او اقعد قبال ابوك
جراح بحزم:ابي اقعد عند بنتي
دانه بصوت واطي:الحمدالله وشكر شفيه هذا ين
جنى بصوت واطي:وانتي الصاجه بعد ماخذا العيوز قام يحس انه ياهل
دانه:صاجه
ليال قامت من مكانها بس ملاك مسكت ايدها وبخوف:ماما معاج
ليال:ماما انا بقع دهني عند ريومه
ملاك كانت اتشوف جراح بنظرات وكانت معصبه:انت وع
اريام ودانه وكادي:هههههههههههه
ليال:عيب ماما هذا بابا مانقول عنه جذي
ملاك:ما بابا ...وتأشر على خالد:هدا بابا كاهو شوفي
ليال:هذا باب خالد ...وهذا بابا وسكتت ماتبي تقول جروحي الانها ماعادت تحس انه جراح لها
طلال:ملوكه هذا بابا جروحي
ملاك:لا هذا وع بابا روحي حلو
جراح :الحين انا وع ...كل هذا ليش قلت ابي اقعد مكاني ...دام جذي هوت ماني قاعد اقعد قبال ابوي ابرك...وراح قعد اقبال ابوه
دانه بصوت واطي:صج ياهل
جنى:لالا مو صج جراح تغير وايد
دانه:اكيد بيتغير اذا الشيفه خلت قلبه قاسي على اهله ماتبينه يتغير
بعد اسبوع
فواز طلع من الحبس بعد مادفع له جراح المبلغ كامل عن طريق احد الموضفين الي عنه وطلب منهم السريه التامه مايبي يفتشل جدام لانه اخو زوجته الاولى بسجن ...وفواز بعد ماطلع حاول كثر مايقدر انه يعرف منو الشخص الي دفع له وماعرف وكان شاك ابطلال

اما جراح صار كل يوم يروح بيت ابوه واغلب الوقت يكون هناك ...ومايرد الشق هالا بليل وقت النوم وكل يوم يرجع لازم يتهاوش مع غرور

ليال وملاك كانو من اروع مايمكن ليال مستانسه بالبيت الي الكل يحترمها ويحبها فيه وهم مستانسه على بنوتتها الصغيره...وملاك ارجعت الضحكه لها بعد ماغابت عنها فتره طويله
دانه كانت ليلحين تفكر بموضوع عادل وماقررت كانت محتاره وايد وخايفه من تجربه يديده ..اما عادل سافر بعد خطبته لها اب جم يوم وهو ينتظر ردها بأقرب وقت
اريام كانت مستانسه بوجود ليال بالبيت وايد وماكانت اتفارقها ...الا بوقت النوم

اما جنى عايشه حياتها بين اهلها ورفيجاتها ..بين الطلعات وسهرات وغيره

اما طلال الي كان قاعد بالشركه يخلص بعض المعاملات ...انطق باب المكتب
طلال:تفضل
تبطل الباب ودخل الشخص الي ورا الباب
طلال رفع راسه عشان يشوف منو الي ياي المكتب وتفجأ بالي جدامه:حنان

نهاية البارت

 

[@أحلاهم وأتحداهم@]

ادري انه الجزء قصير بس كنت مشغوله وايد اليوم

انتضروني بالبارت القادم مع مفاجأت واااايد

 

[أحبج أحلاهم]

يسلموووووووووووووو على الباارت الرووووووووووووعة ...

الله يسترررررر من حنان اشتبي اوووووووووف ....

 

[MiiMoo]

;(. متى التكمله!

 

[سارووونه22]

مشكوووورة حبوبة ويعطيج الف الف عافيه

 

[كنوشة 2009]

يعطيج العافية على البارت الحلو
وناطرين البارت القادم على احر من الجمر

 

[أم محمد وريحانة]

بارت حلو حبيبتي أحلاهم جزاكِ الله خير ​

 

[هنووفوو]

والله وطااااااح سوووقج ياغروووور لوووووووووووووووووول وناسه
بعد هذي حنان شتبي؟ لزقه عنزروت عمب عينها
جرااح مالت عليك وعلى ويهك
يسلموووووووو عالبارت وناطرين المفاجآت:eh_s(9)::eh_s(9)::eh_s(9):

 

[شموخ واحساس]

يعطيك العافية

احلاهم ما بتقصيرى ياعمرى

وشكل غرور طاحت احسن يارب يطلقها بقى

يافرحتى ساعتها
​

 

[lamos]

يعطييييك العااافيه ومنتظرينك

 

[ام عبادي 22]

حبيبتي مشكوره على البارت

 

[حقووقيــــــه]

امبييه حنان شتبي@@



وجراح ياهل !!!!!!

ومشكووووره احلاهم عالبارت اللي اينن ..
يعطيج العافيه

 

[so_what]

مادري شتحب بجراح غرور وتخب عليه وزياده :rgewrg: ان شاء الله دوم متهاوشين لول ، يسلمووو على البارت:eh_s(17):

 

[لازورديه]

يعطيج يااحلاهم وعسى الله يصلح لج زوجج وعيالج يارب

 

[~MeeMa~]

يعطييج العافيه ع البارت الحلو
الله يستر من حنان اشتبي !!
وجراح صار يغثث

ناطرين المفاجاااات :d​

 

[a77sas '3alee]

مشكووره احلاهم يعطييج العافيه عسل عسل ماتقصريين :ggdw:ومالج شغل بالبنااات الي ضايقووج ماتستاهلين والله انتي تهبليين وروعه وكل شي كل شي فدييتج وفديت بارتاتج ماوصيج عاد دلعينا بالبارتات بعد جم اسبوع الامتحانات بتهنى بالروايه مو قصدي اضغط عليج بس خلصيها قبل الامتحانات ممكن :eh_s(9):

 

[mac7noon5-m]

نووووو كووومنت على هل الجرااااااااااح

بط جبدي اهوا و غروروووه

يا أخييييييه عليج يا ليال ّّ~

انا متابعه القصه علشاانها


ننطرج قلبو و على راحتج

الله يعطيج 10000000000 عافيه