روايتي الثانيه (عهدي مع الايام)(واقعيه)

[so_what]

ناطرينج حبيبتي اخذي راحتج :hjy5jewf:

 

[Cannibalism]

ويع جراح باط جبدي حركته كلش مو حلوه حقير !!
وهذي غرور مو صاحيه ,,.:/ بس الله مايضيع حق احد واكيد بيصير شي يعكس الأحداث وحق ليال ماراح يضيع بإذن الله ..


بالإنتظار

 

[البارونه*_^رونه]

نفسي نفسي نفسي:eh_s(9)::ggdw::eh_s(9)::ggdw::eh_s(9):

يؤؤؤؤؤؤؤ حسآآفه كنت بحرررررررج :eh_s(1):

 

[مشمـشه]

انا بعد نفسكم ونااااااااسه

 

[@أحلاهم وأتحداهم@]

بنااااااااااااااااااااااااات والله قاعده اكتب وانا ارجف والله وااااي
لاتستانسون بعدي ماخلصت

 

[مشمـشه]

واااااااااااااااااااااااااااااااااي قاعدين ننطرج بسسسسسسررررعه

 

[ENG.LoOoLoOo]

يالله الله يعافيج بس مو قادره ابطل عيوني فيني نوووووووووووومه ابي اقرا البارت عشان احلم بالتكمله

 

[Cannibalism]

صااارت 2 =(

مطوله؟ =(

 

[مشمـشه]

يالله يالله يالله



صاااااااااااااااااااااااااااااااااااااااااااااااااااارت

 

[الــــراسيـه]

الساعه 2 و 8 دقايق
ننطر

 

[الــــراسيـه]

الذين تشاهدون محتوى الموضوع الآن : 28 ( العضوات 7 والزائرات 21)
‏الــــراسيـه, ‏Cannibalism, ‏كوين74, ‏Fa6mu, ‏am_kshaa, ‏mafio98, ‏مشمـشه
كلكم ناطرين

مثلي

 

[Fa6mu]

رد : روايتي الثانيه (عهدي مع الايام)(واقعيه)

Waiitiing Dear ..... Tick tock tick tock 

 

[مشمـشه]

ننطر ننطر ننطر

 

[سكتلز]

رد : روايتي الثانيه (عهدي مع الايام)(واقعيه)

قسم بالله انججججججججججججججججججج كذا :rerrerek::rerrerek::rerrerek:
انا من المتابعين القدامى وكنتي موقفتها فترة .... بس الحمدالله انج كملتيها :ggdw:
وطرت من الفرح لما شفتج مكملتهااااااااااااااا لبىىىىىىىى قلبج يااحلاهم احلى رواية
وبتظل احسن رواية بتاريخ كويتيات كلة هههه

يلا ناطرينج كل يوم نبي بااااارت :eh_s(4)::ggdw:

 

[@أحلاهم وأتحداهم@]

ثواني ونزل البارت

 

[شموخ واحساس]

نتظرك حبيبتى
​

 

[@أحلاهم وأتحداهم@]

البارت 25


لندن بليل
بعد ماطلعت غرور من الفلا
جراح :بالله هذي حاله فلا طول وعرض مافيها تليفون (طبعا غرور شايله كل التليفونات الي بلفلا وقايله حق جراح ماعندها تليفون بالفلا) بالله الواحد اذا صار فيه شي اشلون يدق اوووف ...وناده الخادمه ....ولمن يت طلب منها موبايلها (الحوار مترجم خخخ)
مريانا:آسفه ياسيدي ..انا لا احمل معي هاتف السيده تمنعونا من احضار الهاتف الي المنزل
جراح بستغراب:لماذا
مريانا:لا اعلم ....هل تريد شيء آخر يا سيدي
جراح:كلا شكرا
بعد اشوي اوصلت غرور من الشغل
غرور:مساء الخير
جراح :مساء النور ...بشري شلون الافتتاح
غرور:زين وموزين
جراح:افأ ليش
غرور :ولد عمتك هذا ينرفز الواحد بكل شي اهو الي فاهم وانا لاء
جراح:ما عليه تحملي ...مهما يكون عادل واحد ثقه وفوق كل هذا اهو احد الشركاء
غرور:والله لو كنت ادري انه شريك معانه جان مادخلت المشروع بكبره
جراح:واذا مادخلتي المشروع ماتزوجتيني..صح
غرور:لا تخاف انت من نصيبي ولو كنت بأخر الدنيا بوصلك ونتزوج
جراح:امممم...تعجبني الثقه
غرور بستهزاء:طبعا حبيبي
جراح:المهم عطيني موبايلج بدق تليفون
غرور:لا جراح ولي عافي كانت تدري انه موبايلي مراقب (جذب)وانت تحملت كل هل مده وبالاخير بتخرب علينا كل شي
جراح:غرور انا لازم ارد الكويت هل يومين دبير نفسج ياتروحين تحجزين بالمطار او تكلمين عادل يحجز لنا ...بس حطي ابالج اذا ماحجزتي راح الرد الكويت بدون علمج
غرور بقلبها(هذا الي ناقص اخليك اترد ابروحك )جراح على الاقل انطر بس انخلص من المشروع نرجع مع بعض
جراح:انتي من صجج انطر بعد...لا يبا انتي تدرين انه القريه يبيلها3 سنوات عشان اتخلص كلها وانا لو مو اصابتي والحاله الي كنت فيها جان من اول شهرين راد الديره
غرور:لي هل درجه مشتاق حق ليال
جراح: وليش الكويت بس فيها ليال ...انا ماأتحمل اعيش ابيت بروحي وسكنت عند اهلي الاني ماأقدر على بعدهم ...انا برد لاني مشتاق ل هلي
غرور بقلبها(الله يستر من الي بيصير )

الكويت بعد يومين
فلاة خالد الصبح
ليال بصوت واطي:ريومه ..ريومه
اريام وهيا نايمه:اممم
ليال:قومي ابي اطلع روحي نامي بغرفتي اخاف ملوكه تقعد
اريام:يالله صباح الله خير وين بتروحين من الصبح
ليال:بيب جباتي حق ملوكه
اريام وهيا تقعد :والله ماعدج سالفه خليها تولي وتعالي نامي ابرك ولا قولي حق السايق ايب لج
ليال:لا حرام امس بليل قالتلي تبي جباتي وانا قلت لها باجر الصبح يالله قومي روحي عندها
اريام:والله انتي معطتها ويه ازياده عن اللزوم ...بالله عليج زبوطة النقعه هذي تمشيج على هواها
ليال:الي يسمعج طالبه شي مستحيل اقصاه جباتي ...وبعدين بنتي بخاطرها شي وماأيب لها
اريام:اي عشان جذي صايره دلوعه وماتتحاجا من الدلع الزايد
ليال:قومي بلا هذره واذا قامت بدلها وسوي شعرها بعدين نزليها
اريام:اوووف اللهم طولج ياروح....خلاص روحي الحين اروح لها
ليال:لا حبيبتي قومي جدامي ...عبالج ماعرف سوالفج تخونين فيها وتردين اتنامين
اريام:وااااااااااي والله مره ثانيه بقفل باب داري وانام ولا كل يوم وثاني ام قعديني من صباح الله خير
(بعد الي صار حق اريام في بيت رغد تغيرت 180 درجه اريام هدت كل ارفيجاتها وصارت ليال اهيا ارفيجتها و اختها وكل شي بنسبه لها ...وطول اليوم مع بعض هذا غير طبايعها الي ختلفت اختلاف كلي )
راحت ليال اتيب جباتي حق بنتها المدلله..ولمن ارجعت كان خالد وهنادي توهم نازلين عشان يترقون مع عيالهم
ليال وهيا تدخل :صباح الخير
الكل:صباح النور
خالد:من وين يايه
ليال:يبا ملوكتي تبي جباتي ورحت ايب لها
طلال:جان قلتي حق السايق اهو يروح
ليال:لا عشان ايبلي بايت مثل هذاك اليوم
هنادي:تعالي يما تعالي تريقي
ليال:خل اقعد ملوكه عشان تتريق
اريام وهيا تنزل:حبيبتي مايحتاج تقعدينها اهيا قاعدت من طلعتي من البيت...وراحت صوب ليال وعلى طول ملوكه قطت روحه على ليال
ليال وهيا تبوسها:صباح الخير ..وتبوسها واااي حياتي والله
اريام تكلم ملاك:قولي حق ماما صباح النور
ملاك: باح نووور
ليال:حياااتي يالله تعالي انسلم على بابا وماما
وراحت ليال وهيا شايله ملاك صوب خالد وهنادي...ملاك اطبعت بوسه على خد كل واحد فيهم
خالد:حلات البنات والله
هنادي:نمتي عدل ماماتي
ملاك:اي
طلال:ملوكه مافي بوسه حق عمي طلال
ملاك:لا
جنى:هههههه شكلها معصبه عليك من امس
طلال:بس جذي خلاص على هل خشم الحين انتريق وبعدها انروح الجمعيه
ملال:لا..ماما وديني
كادي:صباح الخير
الكل صباح النور
كادي:طباحوووو ملوكه ..وباستها
وقعدو كلهم عشان يتريقون الا دانه
خالد:وين دانه
كادي:بابا مراضة تقعد من النوم....امس طول اليل تبجي وما نامت الا الصبح
خالد:لاحول ولا قوته الا بالله ... خل اروح اشوفها..وقام راح لها
بغرفة دانه
دانه كانت مغطيه راسها بالكفر عشان اذا احد دخل الغرفه لا يشوفها وهيا تبجي
دخل عليها خالد وهيا ما حست فيه...راح قعد على الفراش
دانه وبصوت مبحوح من البجي:كدوي قلت لج مابي آكل شي
خال وهو يشيل الكفر من ويها:ليش ماتبين تاكلين شي
دانه وهيا تقعد وتمسح ادموعها:بابا آسفه عبالي كادي
خالد بحنيه:ليش تعتذرين انتي ماغلطتي ...بعدين ليش الدموع انا جم مره قايلج مابي اشوفج تبجين ..ولا تبيني ازعل
دانه بحزن:مو بيدي كل ماأتذكر الي صار لي ...وردت تبجي
خالد لمها حيل:بس يبا والله قطعتي قلبي ...بعدين مافي شي يستاهل دموع داني حبيبت قلبي والي صار قطيه ورا ظهرج وعيشي حياتج من مثل باي البنات
دانه:صعب
خالد:مافي شي اسمه صعب بالأراده كل شي يصير
دانه:بابا مو بهال سهوله النسيان صعب واقرب مثال عندك ليال
خالد يتنهد بضيق وبقلبه(والله محد شالع قلبي الا هل بنت ولا انتي باجر ايلج نصيبج وبتروحين اما ليال بتضل طول عمرها جذي)
دانه:شفت احتى انته مانسيت اشلون تبيني انسى
خالد:داني بابا انا غير وانتي غير جراح ولدي قطعه مني شلون انساه ...اما فراس ماضي اسود وانتها من حياتج وان شاء الله ربي بعوض كل خير
دانه بخوف:اتزوج بعد كل الي صار مستحيل (طبعا دانه ردت بيت ابوها بعد اسبوعين من زواجها وبعد 6 اشهر تطلقت ..ومع الايام بتعرفون سالفتها)
خالد:داني ممكن انأجل الموضوع هذا وننزل نتريق
دانه:يبا مومشتهيا
خالد:دام جذي انا بعد مابي آكل ...بس انتي ترضين ابوج يروح الشركه وهو يوعان
دانه بضيق:لا
خالد:خلاص قومي غسلي ويهج وننزل تحت ترى الكل ناطرنا ..حتى ملوكه ناطرتج تقول مابي آكل الا اذا داني كلت

بعد مانزلت دانه مع خالد بلش الريوق ..خالد كان قاعد على راس الطاوله وعلى يمينه هنادي ويمها بكرسي الاطفال ملاك ويم ملاك ليال وبعدين اريام ويمها كادي انا على اليسار طلال وجنى وبعدها دانه ....وفي كراسي فاضيه (طاوله 12 كرسي)..ليال كانت اتوكل بنتها الدلوعه الجباتي الي تموت فيه
اريام وهيا تتحرش بملاك:ماما حلوه وكليني جباتي
ملاك صرخت:لاء مالي
ليال:يوزي عن البنت خليها تتريق
اريام:انا فهم هذي امها متنسيه على هندي الي تحب الجباتي جذي
ليال:لا والله ماتنسيت على هندي (ليال من كثر ماتحب ملاك وتهتم فيها فعلا اتحس انه ملاك بنتها ..والي زاد الاحساس عندها لمن ملاك قالت لها اول مره ماما ..حست بفرحه ماتنوصف)
اريام:انا اقصد مريوم العله
كادي بعصبيه:ريمو والله لو جراح كان موجود جان نتفج جراح جم مره قال لحد يقول بنت مريموه
ليال وهنادي تأثرو من هل كلمه وايد ...ليال نزلت راسها وتيمعت الدموع بعينها ..وهنادي حست بحرقه على ولدها المفقود
هنادي وهيا تمسح على ظهر ليال :ماعليه يما البنات مايقصدون شي
ليال وهيا منزله راسها:لا يما عادي
اريام امسكت ايد ليال من تحت الطاوله وهمست بذنها بصوت شبه خشن:ترى مو قصدي ازعل مرتي الحلوه
ليال ابتسمت وطقتها على الخفيف على ريلها
اريام:آي يبا شوفها
خالد:اريام بس عاد
هنادي:والله يازينج قبل كله ساكته والحين بالعه راديو
اريام:كله من ليول خربتني...صح
ليال كانت متضايقه ومارت عليها
اريام اتلطف الجو:بس تبون الصراحه ليول اكسبت فيني اجر ...قبل كنت مليقه حدي
طلال:توج تدرين
جنى :عاد صج كنتي نفسيه وشايفه عمرج على شنو مادري
اريام بعصبيه:نعم عيوني انا نفيسه عيل انتي شتطلعين ...وبعدين عيب تقولين حق حماتج الي ختارتج حق اخوها هل كلام
طلال:لاتجذبين ليال اهيا الي قالتلي انه جنى انسب وحده لك ..صح ليال
ليال بحزن شديد وباين عليها:صح وانت الي قلت حق جراح ليال اهيا الي تناسبك
وهما بهل وضع رن تليفون خالد
خالد:هذا الرقم داق علي اكثر من مره ..ورد...نعم
:الاستاذ خالد ال...
خالد:اي نعم تفضل
:معاك سكرتير السفير ....بالندن
خالد بخوف:تفضل...وقام من مكانه متوجه لبره الفلا عشان لحد يسمعه ..وخصوصا انه المكالمه من لندن يعني شي يخص جراح
داخل الفلا
هنادي:ابوك اشفيه طلع جذي..منو الي داق عليه
طلال:مادري الله العالم
هنادي:غريبه اول مره يسويها ولا العاده يتكلم جدامي
بهل وقت انفتح الباب ودخل خالد وهو طاير من الفرحه اول شي راح صوب ليال
خالد وهو يناديها:ليال
ليال قامت :هلا يبا آمرني
خالد لمها حييل:الف الحمدالله يارب
هنادي:خالد شصاير خرعتني
خالد :هلا ..لا بس رست علي مناقصه كنت اتمنها من زمان
كادي:وليال شدخلها بالموضوع
اريام:انتي سحارج خليه يحضنها ماشبعتي من حضنه
خالد:المناقصه بخليها بسمها
ليال:لا يبا مايحتاج خيرك سابج
خالد باس راسها :والله ماأدري شلون اجازيج هذا قليل بحقج
ليال:يبا انا ماسويت شي يستاهل كل هذا واذا على ملاك ..ملوكه بنتي وهذا واجب الام اتجاه بنتها ...وتبتسم.
خالد راح عند هنادي وهم حب راسها :مبروك علينا كلنا
هنادي:خالد الي يسمعك هذي اول مناقصه ترسي عليك
خالد:اي بس هذي غير ...طلال تعال ابيك شوي بالمكتب وانتو كملو اكلكم
طلال قام وراح مع ابوه المكتب وصكر الباب وراه
طلال :خير يبا
خالد كانت الدنيا مو شايلة من الفرحه ومن فرحته حضن طلال بقوه
طلال :يبا شفيك
خالد الي كانت ادموعه ابعينه وبصوت واطي:جراح ..لقينا اخوه جراح بخير الف الحمدالله يارب
طلال بدهشه:يبا انت متأكد جراح اخوي وين كان كل هل مده خالد:مومهم المهم انه ولدي رد الف الحمدالله الف الحمدالله
طلال بفرحه:ومنو الي بلغك بالخبر وهو وينه الحين
خالد:السفاره الكويتيه الي بلندن بلغوني الخبر...كان عندهم والحين اهو بطياره راد الكويت
طلال:الف الحمدالله يارب ...والله طال غيابه جنه درهم مو سنه...بروح ابشر امي
خالد مسك طلال:لا دير بالك ...مابي اقولها واعيشها على امل وبالاخير يطلع تشابه اسماء انا ماصدقت امك تتأقلم على الوضع
طلال:انتم وتقول كان عندهم...يعني اكيد اهو
خالد:طلال لمن يوصل اوتشوفه بعينها احسن مابيها تضل على اعصابها لين يوصل مابيها تتعب اكثر من جذي
طلال :خل ادق على عادل واسأله ...اموت وعرف وين كان وليش مابين طول هل مده
خالد:الغايب عذره معاه واذا وصل بسلامه اكيد بنعرف منه كل شي
طلال دق على عادل وتفاجأ انه عادل ماعنده اي خبر بالموضوع وعلى طول راح المطار وجيك على اسمه اذا طلع من الديره ولا لاء ...وبعدها دق
طلال:هلا عادل
عادل:اهو الحين بروح دبي وبعدين الكويت يعني يوصل بليل
طلال:ماشي بس لاتبلغ احد الوالد مايبي احد يعرف بالموضوع لين يوصل
عادل:صار بس وين كان طلال الي محيرني انه راد مع غرور بنفس الطياره يعني اكيد غرور كانت تعرف مكانه
طلال:يا أخذي هل غرور صج اسم على مسمى ما تنبلع الله يعنا عليها وعلى شراكتها ...المهم اول مايوصل بعطيك خبر
عادل: انا باجر الصبح ياي بعرف السالفه منه ...سنه كامله اندور عليه وماخلينه مكان الا ودورنه فيه

خالد بلغ هنادي انه عازم ربعه ويبي عشاء محترم

العصر بغرفة ملاك وليال
كادي:وين بروح اليوم
ليال وهيا تمشط شعر ملاك:مادري بس لازم امر السوق جم شغله حق ملوكتي
كادي:حلو انا بعد ابي اروح السوق ناقصتني اغراض وايد
اريام:اي خير ان شاء الله حبيبتي اليوم ملاك بتروح تتمشى على البحر ...بعد انتي عارفه اذا ما طلعة نفسيتها تتعب
ليال:الي مايطول العنقود يقول حامض
كادي:ليول مايصير جذي طول السبوع نطلع عشانها والله لاعت جبدي...يابحر يا ألعاب يا جمعيه يا مسيله وكل هذا عشان الخايسه ملاك
ملاك:ديدي وع
اريام وليال:ههههههههه
كادي:انتي وع انا حلوه انتي جيكره
ملاك:انا حوه حوه
ليال:انتي قمر مو بس حلوه ...ملوكتي احلى من القمر وباستها ...يالله ماما انروح
ملاك:اي
ليال:بنات دانه مابتي معانه
كادي:لا حاولت فيها ما رضت وقالت بتنام
ليال:خل اروح اشوفها
كادي:ليول خليها على راحتها
ليال:لي متى يعني ...انا بروح اشوفها...اريام اخذي ملاك ونطروني بسياره
اريام:اوكي...يالله ملوكه انروح عنن ديديد
ليال:ريوم شهل خبال لاتعلمين بنتي مسطلحات مينن
اريام:ههههه اوكي...ملوكه بنروح السياره..وخذتها من ليال
كادي:ادري انج بتفشلين
بعد ماراحو البنات ليال راحت غرفت دانه ودخلت وفعلا دانه كانت نايمه ...ضلت فتره تشوفها وتتذكر الايام الصعبه الي مرت فيها ابيت ابوها بعد طلاقها من يعقوب
ليال بقلها(الحمدالله انه عندج ابو يخاف علي زعلج ويدور راحتج مو مثلي ...الله يكون بعونج ويرزقج بالزوج الصالح الي ترتاحين معاه طول العمر)وقبل ماتطلع باستها على خدها وطلعت
بسياره
كادي: موقلت لج بتفشلين
ليال:لا كانت نايمه ..لو قاعده جان ماطلعت الا وهيا معاي
اريام:ليول انتي وادنه وايد تعبتو بدنيا واحس انتو الثنين مريتو بنفس الضروف
ليال بضيق:يتهياء لج دانه وايد ارحم مني
كادي تغير الموضوع:وين بنروح اول شي
ليال:ملوكتي ماما وين انروح
اريام:طه هذي تسأل هل ياهل هي احنه مو تارسين عينج ولا شنو بضبط
ليال:والله الطلعه مو لكم طلعه عشان ملوكه
كادي:ابي مره طلعت معاج وماقلتي الطلعه حق ملوكه ...كل شي لها مايصير
اريام:اش رايكم انروح عند رتاج اشوي
ليال:حبيبتي رتاج الحين بتروح البيت
مرت الثواني والدقايق والساعات وكل ما قرب الوقت خالد وطلال يزداد توترهم

مطار الكويت
طلع جراح وغرور من المطار وتوجه على طول للفلا
غرور:وين بنروح الحين
جراح:البيت بعد وين
غرور بخوف:اي بيت
جراح:غرور شفيج يعني واحد راد من السفر وين بروح اكيد بيته عشان يرتاح وسلم على اهله
غرور:انزن اشرايك انروح بيتي وباجر الصبح انروح لهم احنه تونه واصلين وتعابه من الرحله
جراح:انا مو تعبان احس اني قمت النشاط...واذا انتي تعبانه اوديج البيت وبعدين اروح لهلي او العكس
غرور:لا خلاص اي معاك...بقلبها(اخليك بروحك عشان تستفرك فيك املك ريلي على ريلك)
جراح:غرور حسبي حسابج انج بتسكنين بيت اهلي
غرور بستغراب:ليش
جراح:انا ماأرتتاح الا هناك
غرور:وانا ما أرتاح الا ابيتي
جراح:غرور انا ماأطلع من بيت ابوي لو على قص ارقبتي مستحيل اخلي امي وابوي

فلاة خالد
خالد طول الوقت كان قاعد ويهز ريله بقوه والكل لاحظ توتره
هنادي:خالد خير عسى ما شر ...اليوم انت مو طبيعي كلش
خالد:لا سلامتج ماكو شي بس قاعد احاتي جم شغله
هنادي:والله مادري شنو بتستفيد من المحاتات هذي
خالد وهو يوقف:انا ماشي ما تامرين على شي
هنادي:وين بتروح ...الحين ضيوفك على وصول
خالد:لا انا بروح ايبهم.....فمان الله
هنادي:الله وياك
رتاج:يما وين دانه
هنادي:فوق بدارها...والله هل بنت حارقه قلبي بزود حرقته
رتاج:يما اهي لا اول ولا اخر وده تتطلق وياما بنات تمرمطو بيت ريايلهم بس بعد الطلاق ارتاحو وعاشو من احسن ما يمكن
هنادي:الله كريم وان شاء الله ايلها الي يعوضها عن كل الي شافته مع عديم الاصل
رتاج :انزين انا بروح اكلمها شوي
هنادي:لا ولي عافيج خليها لاتقولن لها شي الي فيها مكفيها بس خليها تنزل معاج
رتاج:ان شاء الله يما
بعد ماصعدت رتاج انزل تجنى وقعدت مع هنادي يسولفون ...وسمعو صوت جرت الباب
هنادي:ليكون ربع خالد اوصلو ...والله فشله ...ونادت الخدامه عشان تفتح الباب
اول مافتت الباب الخدامه صرخت :بابا ...مدام تعالي بسرعه
هنادي بخوف راحت بسرعه عند الباب ومن شافت جراح اوقفت ابمكانها مثل الصنم:جراح هذا انت يما
جراح راح بسرعه وقط روحه بحضن امه يلمها ويبوسا :اي انا يما انا
هنادي ليلحين مومستوعبه الي تشوفه توخ رويها :اي جراح انت ولدي انت حشاشت يوفي وتلمه وتبجي وينك يايما ليش خلتني كل هل مده
جراح وهو يبجي ولام امه بقوه:عذريني يالغاليه والله غصبن عني
هنادي:الحمدالله انك بخير الف الحمدالله ...وقامت اتنادي البنات بصوت عالي...دانه رتاج تعالو بسرعه تعالو شوفو حشاشة يوفي...جراح وصل...وترد اتلمه وتبوسه
رتاج ودانه اسمعو اصراخ امهم وانزلو بسرعه ومن شافو جراح راحو لموه لي تبوسه ولي تمسح على ويها وجنهم بحلم مو بعلم
جنى من اول مادخل جراح على طول دقت على طلال وخالد وقالت لهم وبعد دقايق خالد وطلال كانو موجودين
ونفس الشي خالد وطلال اول ماشافو جراح لمو وقامو يبجون بصوت عالي
لحظات القاء هذا كانت كلها دموع فرح ...تغسل الحزن الي كان بداخلهم طول الفتره الي طافت...اما غرور كانت واقفه ولا كأنه الموقف ماهز فيها شعره لكن كان في خوف بداخلها من لقاء ليال بجراح

بهد ساعد من القاء الحار الكل هدا وبدت السوالف
هنادي:سامحينا يما ماشفنا ..شوفت جراح عمتني
غرور:عادي خالتي والله يلوم الي يلوكم
خالد:انا شايفج مكان بس ماني ذاكر وين
طلال:يبا هذي الاستاذه غرور محمد شريكتنا بالقريه
خالد:ونعم ...نورتي البيت وانا بوج
هنادي:يما وين كنت طول هل مده وليش مادقيت علينا ليش ماطمنه
جراح:يما ماكنت اقدر ادق الخطوط الي حولي كلها كانت مراقبه
خالد:ليش
جراح قالهم سالفت الحادث كلها
طلال:انزين ليش ماخبرتوني اوخبرتو عادل ليش خليتونه عايشين بخوف كل هل مده
جراح بستغراب :عادل يعرف بالسالفه
طلال:عدول من قال اصلا عادل تفاجأ لمن عرف انك بترد اليوم...وباجر بي على اول طياره عشان يتطمن عليك ويعرف السالفه منك
جراح بستغراب:مو معقوله شلون عادل ماعنده خبر ...عيل شلون كان يطرش الاوراق مع غرور عشان اوقعها
طلال قام طالع غرور ولو الود وده يقوم يذبحها :جراح انا قعدت بلندن 3 اشهر وماخلينا مكان الا ودورنه عليك فيه...ومحد فينه كان عنده علم بالي صار لك
خالد:جراح احنه ماكان عندنا خبر عنك وكل محاولتنا فشلت ولا خطر على بالنا انك اتكون عند الاستاذه غرور
جراح:على كلامكم هذا يعني انتو ماكنتو اتعرفون اي شي عن حالتي
خالد:لا طبعا ..ولو كانت اعرف جان ماخليتك دقيقه وحده هناك جان يبتك هني ولا خليت امك وزوجتك بحاله مايعلم فيها الا الله
جراح كان معصب وايد الان طول الفتره الي طافت غرور كانت اتقوله انه عادل كان يدق على اهله ويطمنهم على اخباره اول بأول كان شوي وقوم يكفخ غرور لكن طاحت عينه على صوره كبيره بصاله وهو يبتسم:هذي ملوكه...(صورت ملاك وليال مع بعض)
هنادي:اي يما بنتك اكبر
جراح عينه دمعة :تغيرت وايد
رتاج ببتسامه:مشتاقلها
جراح:بشكل ماتتخيلنه الا وينهم صج
هنادي:طالعه مع امها
جراح بستغراب وشبه عصبيه:امها
خالد:لا تحاتي ملاك مع ليال والبنات
دانه :لو تدري ياجراح والله شفت البيت هذا بلي فيه كلهم يمشون ورا النزغه بنتك...طلباتها كلها اوامر
جراح يبتسم:الخايسه لاعبه فيكم
طلال:ولا تسمع سوالفها والله ماودك اتهدها ودك تاكلها
جراح:وتسولف بعد...بس اهيا بعدها ماكملت السنتين شلون تسولف
هنادي:الله يعافي ليال الي محابلتها ليل ونهار والله ياراح انها ماقصرت مع بنتك لحظه وحده كانت شايلتها على كفوف الراحه
جراح ببتسامه:انا كنت عارف انه بنتي في ايد امينه
طلال:ولا تخيل اليوم طالعه من الصبح عشان اتيب لها جباتي
جراح:منو يبي جباتي
طلال:بنتك في غيرها
خالد:الحمدالله رزقق ابنت الحلال الي تعوضك عن كل الي شفته ليال بنت ولا كل البنات
بهل وقت رن تلفون طلال
طلال:عمرهم طويل...هلا ريوم
اريام بصراخ:طلال الحق علي
طلال بخوف:اريام اشفيج
اريام:لاتخاف مافيني شي
طلال:ويهد خرعتيني عيل ليشت صارخين جذي
اريام:طلال ولي سلم عمرك الله يخليك تعالي اخذني انا لو بضل مع هل مينن بيوقف قلبي
طلال يأشر حق جراح..وفتح السبيكر:شفيكم
اريام:ليول الهبله ماخلت جمعيه بالكويت الا ودتنا ..تخيل 3 ساعات وحنه نفتر بين الجمعيات
طلال ضحك الانه عارف السالف مو يديده عليهم:شعندكم بالجمعيه
اريام:ست الحسن والدلال البرنسس ملاك تبي بسكوت والبسكوت الي تبيه خالص من الجمعيه والهبله ليول حالفه مادش البيت الا وشاريه البسكوت لها
جراح كان يسمع وهو مبتسم....اما غرور كانت على اعصابها
طلال:ههههههههه ...اقول ريوم ملوكه عندج
اريام:لا طبعا لوكانت عندي جان نتفتها بس ليال منزلتها الجمعيه عشان تتأكد بنفسها اذا فيه ولا لاء...طلال ولي عافي كابي ارد البيت تعالي اخذني وخل الهبله اهيا وبنتها يفترون بشوارع
طلال:لا مايصير شلون تخلين ليال بروحها
اريام فجأه يببت
طلال:ويهد ينيتي
اريام:اكيد اين الي يطلع مع هل مينن يضل فيه عقل ...ابشرك ليال معاه جايس شكلهم حصلو
ونفتح باب السياره
اريام:بشري
ليال:الحمدالله لقت الي تبيه
طلال:ريوم عطيني ملوكه
اريام :لحظه...ملوكه كلمي عمي قوليله شريت بسكوت
طلال:ملوكه شنو شريتي
ملاك:بكوت
جراح ماقدر يتمالك نفسه ونزلت دمعته على خده وهو يسمع صوت ملاك
طلال:ملوكه صورت منوا بدارج...بابا منو...وعينه على جراح
ملاك:بابا لوحي
ليال:لاء ماما قولي بابا جروحي
ملاك:بابا لوحي
ليال:بابا جروحي
جراح كان يسمع وهو يتقطع من الداخل لسببين الاول شوقه لي بنها لي كبرت وماشافها تكبر جدامه والسبب الثاني جروحي مافي شخص ينادي جراح جذي الا ليال وصوت ليال ذكره ابماضي مر
ليال خذت التليفون من ملاك:طلال ولا عليك امر قول حق آني خل اتزهب حمام اريام عشان بسبح ملوكه
اريام:نعم عيوني وبنتج ماعندها حمام تبي تسبح بحمامي
ليال:والله بنتي بخاطرها تتسبح بحمامج ولاتنسين الشامبو الي شاريته لها اليوم عشان اتسوي حوض وتتستانس فيه...وبعدين اهيا بخاطرها تسبح بحمامج ليش اخلي شي بخاطرها خل تستانس
اريام:ياسلام
ليال:طلال موتنسى
طلال:ان شاء الله بس انتو متى توصلون
ليال:شوي يعني بالكثير ربع ساعه
طلال:ماشي
بعد ربع ساعه ادخلت ..وراها اريام شايله اغراض ملاك
اريام:انا اريام خالدال...اشيل اغراض زبوطت النقعه والله حرام
خالد:اريام بسج تحلطم وتعالي
اريام ادخلت الصاله وشافت جراح واول ماشافته اشهقت شهقه قويه
اريام بصراخ :جرااااااااااااااااح وركضت بحضنه قامت تبجي وتلمه
بعدها ادخلو كادي وليال وملاك...واول مادخلو الصاله كادي نفس الشي اركضت ولمت جراح
اما ليال كانت واقفه ومو قادره تتحرك حست انها انشلت ونبضات قلبها اطق ابسرعه
ليال وهيا ترجف ودموعها على خدها:يبا
خالد قام من مكانه ومسك ايدها:اي يايبا هذا جراح هذا ريلج روحي ...روحي طفي النار الي شابه بقلبج روحي لاتستحين
ليال اهيا بمكانها انزلت على الارض وسجدت سجدة شكر لله عز وجل برجوع جراح بسلامه(الكل استغرب موقفها الان من دخل جراح محد سجد شكر لله غير ليال)
ليال راحت بسرعه وقطت روحه على جراح وصارت تبجي بحرقت قلب..البنات وخرو عن جراح وصارت ليال الوحيده بحضنه..والكل عينه كانت عليهم
ليال وهيا تبجي:الحمدالله على سلامتك يانظر عيني الحمدالله اني شفتك مره ثانيه ...جروحي الله يخليك لاتعيدها مره ثانيه لاتخليني بروحي انا بدونك اضيع والله اضيع...جراح الدنيا بدونك عذاب
جراح لمها حيل :بس خلاص ليش البجي
ملاك كانت اتراقب الوضع وهيا مصدومه من الي تشوفه ..
ليال وخرت عن جراح شوي:ملوكتي تعالي تعالي شوفي بابا جروحي...تعالي...ملاك انطلقت ابحضن ليال وهيا خايفه خصوصا لمن شافت ليال تبجي
ملاك كانت اتشوف ادموع ليال وهيا خايفه :ماما
ليال :حياتي انتي لاتخافين
جراح خمطها من ليال ..وبدا يبوسها وشمها بشكل جونني.وهم كان يبجي الان مشتاق حق احلى شي بحياته
جراح بحرق:آآآآآآآآآخ يابعد الدنيا انتي ...سامحيني ياعزن الناس ...ويلمها حيل ويبوسها
لكن ملاك من الخوف كانت تبجي شخص غريب بنسبه لها وبوسها ويبجي وطبيعي اي طفل بخاف من الموقف هذا
ليال وهيا تمسح على ظهر ملاك:ماما حبيبتي هذا بابا جروحي ...بابا جروحي رجع لنا

نهاية البارت

 

[@أحلاهم وأتحداهم@]

يلولي شكله ريلي بسوي نفس راح معصب حده ليش قاعده على الاب ليلحين
الله يستر

 

[مشمـشه]

واااي بقرا البارت

 

[الــــراسيـه]

وااااااااااااااااااااااااااي شقول لى البارت حلوووووووووو رائع شويه عليه
يعطيج العافيه