روايتي الثانيه (عهدي مع الايام)(واقعيه)

[@أحلاهم وأتحداهم@]

صباح الخيييييييييييييير ادر ناطرين البارت بس البارت مو الحين

بنزله اساغه 9 بليل الانه ريلي وعيالي كلهم حرارتهم مرتفعه وماكتبت الا شويه كلش

المهم بنات انا عندي اقروب مع اختي العضوه ام ضاري الي حابه تنضم للقروب تراسلني على الخاص

 

[Aloolah]

رد : روايتي الثانيه (عهدي مع الايام)(واقعيه)

ناطريييينج حياتي

 

[معاناة قلبي]

رد : روايتي الثانيه (عهدي مع الايام)(واقعيه)

على راحتج
بس اذى تقدرين قبل التسع انشالله 8 ونص أحسن

 

[Sara.M]

ناااطرينج حبيبتي واخذي راحتج بس اهم شي يكون طويل و مو بعد الـ 9 :$ ورانا مدااارس لووول ناااطرينج :$

 

[FinDi]

وييييييييييييييي ما يشوفون شر
شالسالفه العمووووم نزله معوية وصخووونة
واااااي ونشله وبلاعيم شابه
الله يشافينا كلنا يا رب

 

[JaN JaN]

مايشوفون شر ان شاءالله


اخذي راحتج حبيبتي

 

[@أحلاهم وأتحداهم@]

مساء الخير بنا البارت موطيل وايد بس فيه احداث مهمه وايد والي من بعدها راح ادخل بالقصه يعني كل البارتات الي قبل مقدمه خخخخ

المهم ياحلوات راح انزل البارت قبل التسع علشان يمديكم تتسبحون وتتعشون وتنامون حق المدرسه خخخ

الله يوفقكم ان شاء الله

 

[Miss.blue berry]

رد : روايتي الثانيه (عهدي مع الايام)(واقعيه)

لوووول حااااسه فيني كنت بسهر عشاان البارت عاد
ناطرينج احلاههم

 

[@أحلاهم وأتحداهم@]

يالله ابي تشجيع حار البارت وصل

اي بنات باجر ماكو بارت بنتي وايد وايد وايد تعبانه وماعندي وقت اكتب

 

[@أحلاهم وأتحداهم@]

اذا ماتبون بارت ماعندي مانع اخليه حق باجر
بس بطوفكم احداث عجيييييييييييبه

 

[@أحلاهم وأتحداهم@]

رد: رد : روايتي الثانيه (عهدي مع الايام)(واقعيه)

ناطريييينج حياتي

:hjy5jewf:

 

[al.7o0or]

رد : روايتي الثانيه (عهدي مع الايام)(واقعيه)

ناطرينج

 

[@أحلاهم وأتحداهم@]

رد: رد : روايتي الثانيه (عهدي مع الايام)(واقعيه)

على راحتج
بس اذى تقدرين قبل التسع انشالله 8 ونص أحسن

من عيوني الحين بنزلكم البارت

 

[@أحلاهم وأتحداهم@]

البارت 16



جراح كان واقف مثل الصنم:مو معقول اكيد في شي غلط ...اكيد......ليال بنت محترمه ومستحيل اتسوي جذي مستحيل...مستحيل اتكون بهل قذاره....يمكن اتكون لعبه من فرح جذي طلال اشلون يرضاها لي اشلون يخليني آخذ وحده جذي

بعد فتره دقت رتاج :الووو
جراح :هلا رتوج
رتاج:حبيبي ادري طولت عليك يالله ادخل
جراح :كل واحد بس نطريني عند الباب مابي ادخل ابروحي
رتاج:لاتخاف كلنا معاك
جراح:اوكي انا ياي....باي
رتاج :باي
جراح اخذ نفس عميق :يارب توضح كل الامور مابي اظلم البنت يارب الي سمعته يكون مجرد كلام والموضوع كله بس مسألت تخريب ...وسما برحمن ودخل البيت....جراح دخل وهوا شايل هموم الدنيا على ظهره ...بس لمن شاف ليال وشاف ملوكه ابتسم ابتسامه الي تحبها ليال ...راح على الكوشه ومن قرب من ليال طبع احلى بوستين وحده على راس ليال وثانيه على خدها اليمين
وهمس بذنها:احبج
ليال ارسمت احلى ابتسامه على ويها الابتسامه الي يذوب فيها جرح
واول ماقعد يمها شبك ايده ابأيدها وضغط عليها حيل وكل واحد فيهم صار ذبلان وسرحان بجمال بعيون الثاني ومن نظراتهم الجسمين صارت فيهم حراره من العشق والوله

ليال بقلبها(يارب انك اتوفقني معاه ولا تحرمني منه ...اوعدك ياجراح اني اضل اخدمك وادور راحتك ورضاك طول العمر)
جراح بقلبه(يارب انه الي سمعته مجرد كلام يارب مابي اضلمها انا احبها وابيها ومستحيل اتخلى عنها مهما صار.... واذا طلع الكلام جذب واوعدج ياليولت قلبي اني اوقف عظم ابلعونا لي يتكلمون عنج)

وقطع عليهم صوت هنادي
هنادي:ليال عطيني ملوكه
ليال:ان شاء الله خالتي ...وخذت ملاك منها بس ملاك من ابعدت عن ليال بجت
جراح :هذي بعدت شوي وبجت لو تدري انها بتنام اليوم بعيده عنج شبت سوي
ليال:من قال باخذها معاي الفندق
جراح وهوا رافع حاجبه:بكيفج وانا مادري
ليال بدلع:جروحييي حرام عليك
جراح:حرام عليج انتي....ليولتي خلاص صكري الموضوع
ليال ببتسامه :ان شاء الله

بسيارة طلال
طلال وحنان كانو طالعين يتعشون وياخذولهم فره على البحر
طلال:حنون موجنه تأخرتي
حنان:لا اليوم كله لك...وماراح ارد البيت
طلال بستغراب:واهلج
حنان:مالك شغل انا مضبطه الموضوع مع هنوف<<<<ارفيجت حنان من عمر
طلال:شلون
حنان:قلت حق امي اني بنام عند هنوف وتفقت مع هنوف اذا امي اسألت عني تقولها اني نايمه او اي شي
طلال:اها ....وسكت اما بقلبها كان يقول....شلون عندها الجرءه هذي والله ياحنان شكلج داهيه وانا مادري الله يستر بس
حنان:طلولي وين بنروح الحين
طلال:نتمشى على البحر
حنان ببتسامه:اوكي
طلال:حنون
حنان:ياعيون حنون
طلال:شرايج نتزوج الحين
حنان:طلال انت منصجك انا عبالي تتغشمر ذاك اليوم
طلال بستغراب:اتغشمر ...حنون اعتقد الزواج مافي غشمره وانا مراعي لعب ابي اتزوج
حنان:بس انا مابي اتزوج بهل طريقه
طلال:في طريقه ثانيه وقلنا لاء
حنان:مادري
طلال:حنون انتي خايفه مني
حنان:لاء
طلال:خلاص قتلج نتزوج ومن ادخل عليج انقولهم بنفس اليوم
حنان:طلال قتلك لاء
طلال وهوا يطق ايده على سكان السياره وبصراخ:حنون لاطلعيني من طوري
حنان:طلول ليش تزعل هذا الصج
طلال:دام هذا الصج ليش كنتي كل يوم تتناجرين معاي على سالفت الزواج ولاكان اختبار منج بتشوفين العب ولا لاء....فهمي انا احبج وابيج بالحلال مابي لعب انا ماني ياهل ولا مراهق
حنا:طلول ممكن تهدى شوي
طلال:انا اول مره اشوف وحده ماتبي تتزوج لي تحبه
حنان:ان شاء الله اضل طول عمري عانس ولا اتزوج بسر
طلال:انتي ليش ماتفهمين ...نملج الحين وباجر الصبح الخبر ينتشر
حنان:طلال الموضوع موسهل مثل ماأنت متصور
طلال:ليش ان شاء الله
حنان:شنو بكون موقف اهلي اذا عرفو انتي تزوجت
طلال يقاطعها:حنون منو من اهلج ماعرف عن علاقتنا ...وقطع ايدي من عرجها اذا مايدرون انج معاي الحين
حنان:يدرون شي واتزوج شي ثاني
طلال بحده:خلاص حنون سوي الي يريحج بس مابي اسمع طاري الزواج مره ثانيه
حنان:يعني انت ماتبيني
طلال:انت شفيج عبيطه ولا تستعبطين ...اقولج انتزوج اتقوليلي لا ..واذا قتلج لاتبطلين الموضوع اقوليلي انت ماتبيني
حنان:طلال انا طالعه معاك مشتاقتلك موعلشان اتهاوش معاك
طلال:صح كلامج تدرين شلون اردج البيت وايد احسن
حنان بدلع:طلووووول حبيبي مابي ارد البيت
طلال:خلاص اوديج عند هنوف
حنان:ماب اروح عندها ابي اض اليوم معاك شلون
طلال:مالي مزاج راسي مصدع وانتي مخج مقفل مادري شفيه اليوم
حنان :هههههههههههه خلاص ابطلك مخي ولا تزعل....طلولي حياتي
طلال واهوا يبتسم:اي قصي علي بجم كلمه
حنان:الحين انا اقص عليك
طلال:حنون جد جد رفعتي ضغطي بسخافتج...وطقا عل الخفيف على راسها
حنان بدلع:عورتني
طلال:آسف يبه وحقج على اذا تبين اكسر ايدي اكسرها الحين وجدامج
حنان:لالالا ادري فيك مينون وكل شي تسويه
طلال:هههههههه والله مينون فيك ياكلوبه
حنان:طلال ماتعبت من الفراره بشوارع
طلال:تبيني اردج
حنان:لالا بس اشرايك انروح شقتك
طلال:شنسوي هناك
حنان:انطالع تلفزيون او نلعب كوت بوسته...على الاقل ناخذ راحتنا هناك وهم اتطمن انه محد يقدر يشوفني
طلال كان منصدم منها:بس الوقت متأخر
حنان:اي ادري ...وبيني وبينك اخاف من سوالف الدوريات اهوا مايتصلطون الا تالي اليل
طلال:وانتي شغرفج بهل سوالف
حنان:شنو اشعرفني ...الله يعافي الجرايد ورفيجاتي وبعدين هذا شي معروف
طلال:اها
حنان:يالله روح الشقه بس بالاول مر الجمعيه اخذ برد وككاو
طلال:من عيوني انتي تامرين امر
حنان:فديتك
طلال:فداج عمري وروحي ودنيتي كلها


بفلاة خالد
جراح وليال كانو بجناحهم ياخذولهم جم صوره ومن بعدها يتوجهون للفندق
المصوره:ياعروسه اعودي (قعدي) بحضن عريسك
ليال منحرجه:لا مابي هل حركات
جراح:موبكيفج ...وسحبها وقعدها بحضنه وحط ايد على خصرها
المصوره:فين الابتسامه الحلوه
جراح وليال ارسموا حلى ابتسامه على ويهم واصورت
المصوره:كمان وحده بس بصو لبعض وعوزه اشوف الابتسامه الحلوه
ليال وهيا بحضن جراح:جراح ابي اصور مع ملوكه
جراح:وهوا يبتسم:وانا بعد...خل تاخذ جم صوره لنا بروحنه وبعدها تصورنا مع ملوكه
ليال وهيا تبتسم:اوكي
جراح:اذا خلصتي ابيج تاخذين لنا جم لقطه مع بنتنا
المصوره بستغراب:بنتكو ازاي
جراح:هذا الله يسلمج سويناها مع اثاث الشقه..مثل الاجانب
ليال:هههههههههه
المصوره بستغراب:انتو بتتكلمو بقد ولا هزار
جراح:لاجد ان ابوها وهذي امها واليوم بدخل عليها
المصوره وعيونها طالعه من مكانها:طب ازاي
جراح بجديه:سالفه طويله
المصوره:اللهم لا تو آخذنا بما فعل السفهاء
جراح وليال:ههههههههههههههههههه
المصوره:انتو بتدحكو على خيبتكم قاتكو نيله
جراح وليال:هههههههههههههههههه
جراح:وان صاج هذي بنتي وبنتها واليوم دخلتنا
المصوره حطت الكامره وقعدت :طب ازاي فهموني
ليال:بنته من مرته الاولى فهمتي الحين يالله صوري ابي اروح اصور معها
المصوره:اولو كدا من الصبح
جراح:ههههههههههههه
كان يضحك ومستانس وناسي كل شي ...كان اباله شي واحد ليال مومن هنوع ليال بنت انضيفه وقلبها ابيض...ليال على نياتها وطيبه وتحب الكل ...بعد ماخذولهم جم صوره بروحهم وجم صوره مع ملاك..توجهو للفندق

جراح وهوا يفتح باب الجناح:دشي بريلج اليمين
ليال :ان شاء الله ...ودخلت الجناح ...ودخلت معاها هموم قديمه جرح انجرحت فيه بيوم عرسها جرح صعب نتسى مهما مر الزمن عليها كانت ليله بالعمر وليله ماتنسي عند كل البنات لاكن ليله ليال غيره كانت ليلة رعب ...كانت واقفه بجسدها لاكن عقلها وروحها مع ليلة الرعب الي قضتها مع يعقوب صحيح انها كانت مجرد ساعات ...لاكن بنسبه لها سنه كامله من عمرها ...سنه ماشافت فيها الرواحه ...سنه ماسمعت فيها كلمه حلوه....سنة ضيم وقهر وحسره
جراح وقف قبالها ومسح بصبعه دمعتها الي نزلت على خدها ولاحست فيها:ليولتي شفيج ليش الدموع
ليال انتبهت على جراح :مافيني شي
جراح:دام مافيج شي ليش الدموع
ليال بضيق:اليوم راح ابدي حيات يديده وهذي خطوه كبيره بحياتي
جراح :انتي خايفه
ليال:لا بس شي يديد علي مادري جراح احس بشعور غريب
جراح:شي طبيعي اليوم اول يوم لنا مع بعض
ليال انحجرت ونزلت راسها
جراح:ماتبين اتبدلين
ليال ويها قام يقط الوان
جراح بخبث:اساعدج
ليال:لالالا انا ابدل ابروحي (ليال ماكان احد معاها يساعدها بتبديل الان جراح ماخلى احد من اهلها او اهله يصعدون معاهم الجناح)
جراح:هههههههههه اوكي بس لاطولين علي
ليال :اوكي...ودخلت الغرفه علشان اتبدل...كان بداخلها خوف كبير ...شلون بتكون ليلتها مع جراح ..هل بتكون مثل ليلتها مع يعقوب...بس الي كان مطمنها اكثر فرق كبير بين جراح ويعقوب ...بعد مالبست وخلصت قرت المعوذتين والكرسي وفتحت الباب وهيا منزله راسها ومن ارفعت راسها

ليال انقزت وبخوف:بسم الله الرحمن الرحيم
جراح:ههههههه شفيج اخترعتي
ليال:الله يغربل ابليسك وقفت قلبي
جراح:سلامت قلبج يابعد قلبي...ليول شكلج يشوق
ليال نزلت راسها من الاحراج
جراح وهوا حاط صبعه تحت حنجها ويرفع راسها:موبس تشوقين انتي قمر وسط السما...انتي حوريه من حوريات الجنه
ليال:استغفر الله ..جراح انا وين وحوريات الجنه وين
جراح:هذا تعبير عن الي اشوفه جدامي ...ليول انتي صج جميله وكلمة جميله شويه بحقج
ليال:جروحي لاتبالغ
جراح مسك ايدها ودخل الغرفه وقعدها على السرير:ليول والله حبيت اسمي من بعد مانطقتيه......الكل يقولي جراح او جريح بس انتي دلعج غير.......جرووحي.....والله حلو قوليها مره ثانيه
ليال وهيا راسمه احلى ابتسامه وبدلع :جرووحي
جراح وهوه يصارخ وقط روحه على الفراش:ياناس احبهااااااااااااااااا
ليال:ههههههههه...الله يخليك لي و يحرمني منك
جراح:ولايحرمني منج انتي شمعت حياتي لالاموشمعه انتي شمس حياتي...نورج نور على كل لحضه بحياتي...وطبع احلى بوسه على راسها



بيت احمد
حصه بعد ماصلت ركعتين شكر الله:الله يهنيهم ويستر عليهم ويبعد عنهم كل مكروه
احمد بقلبه(آمين يارب):حصه شلون الحفله اليوم
حصه وهبا تبتسم:الف الف الحمدالله كل شي من اروع مايمكن ...الحمدالله الله عوض بنتي بواحد يقدرها ويحبها واهل ريل يموتون فيها
احمد:الحمدالله
حصه حست انه الوقت مناسب تفتح معاه موضوع فواز:احمد ماودك فواز يرد البيت
احمد بحزم:انا ولدي مات من زمان
حصه وهيا حاطه ايدها على قلبها:وي اسم الله على ولدي الله يطول ابعمره ان شاء الله
احمد بنفسيه:قومي طفي اليت(النور) بنام
حصه:وفواز...احمد اشلون قلبك يطاوعك تطرد ولدك البجر من البيت هذا البجر هذا فرحتنا بدنيا
احمد يقاطعها:اعتقد سمعتي الي قلته ...قومي طفي اليت
حصه:ان شاء الله



بشقة طلال
حنان:طلول اشرايك انجرب الحيات الزوجيه بينه
طلال :شلون يعني مافهمت
حنان:تخيل انه احنه متزوجين من زمان سنه سنتين اكثر....شلون بكون تعاملنه مع بعض بعد هل فتره
طلال:بلش الخبال
حنان:اي بلش ...والله جد طلول شرايك
طلال:الحمدالله وشكر ....لاتخافين ماراح يتغير شي بععاملج جذي طول عمري
حنان:واي طلول افهم يعني انا الحين مرتك...حلو
طلال:انزين وبعدين
حنان:شنو الطلبات الي تطلبها مني
طلال:اها والله خوش فكره دام جذي قومي غسلي ملابسي ابيهم حق باجر
حنان:بال غسيل مره وحده
طلال وهوا يبتسم:اي غسيل ملابس وبعدها تعالي نقعي ريلي بماي وملح...وبعدين لو سمحتي سكتي عيالج دوخوني الواحد راد من الدوام يبي يرتاح مويسمع حنه وصيحت يهال
حنان:هههههههههههههههههه فديت اليهال الي منك والله
طلال تنهد:حنون لاتعيشيني بجو حلو وبعدها تطلعين منه حنان انا ابيج على سنت الله ورسوله وبالحلال وجدام كل الناس فيها شي غلط
حنان:لا
طلال:نتزوج الحين وهذي فرصه ويت لي عندنا اهلج عبالهم انج نايمه عند هنود ولا بحسون بشي وباج من الصبح اروح البيتكم وعقد الزواج معاي
حنان:بالله وين فيه ملاج الحين
طلال:انتي وافقي بس والله اطلعه لج من تحت الارض
حنان:لا طلال اخاف يصير شي
طلال مسك ايدها:ياقلبي ياعمري مااح يصير شي طول ماأنا معاج واذا على الزواج لاتخافين مو زواج عرفي زواج صحيح وموثق بالمحكمه
حنان:لا طلول مابي اخاف
طلال بحده:اخاف واخاف ...خلاص لاتقوليلي تخيل انه متزوجين لاتعيشيني بوهم كبير ....انا احبج فيهمي وكل لحضه اعيشها معاج بحلم يكون عذاب بنسبه لي
حنان:طلولي خلاص لاتتخيل شي اوووف الواحد حرام يستانس شوي
طلال بستغراب:يستانس بالعب وحلم ليش ...ليش مانخلي واقع ونعيشه العمر كله ليش مايصير الحلم حقيقه ...حنون انتي فعلن غريبه
حنان:طلولي حرام عليك
طلال:وانا صاج انا اول مره اشوف وحده ماتبي تتزوج
حنان:انا
طلال@@
حنان:اي لاطالعني جذي ..انا مابي اتزوج غيرك انت وبس انا كلي لك ياطلال تفهم شنو كلي لك
طلال سكت وماعرف شنو تقصد بضبط (هذي موحنان الي عرفتها من سنين هذي وحده ثانيه)
حنان الزقت بطلال وشبكت ايدها برقبته وبدلع:حبيبي زعلان
طلال كان منصدم من جرأتها الي كل مالها وتزيد
حنان:انا اعرف الي يرضيك...وطبعت بوسه سريعه على شفايفه
طلال انصعق من حركتها طول عمره يطلب منها هشي واهيا ترفض اشلون تجرأت وسوتها
حنان :ادري وحده ماتشبعك....وباسته مره ثانيه
طلال:حنون خلاص وخري عني
حنان وهيا تحرك خشمها على خشمه:مابي ....طلول احبك
طلال:حنون والله اتهور الحين صارلي ساعه ماسك عمري ..حنون مابي اضرج بشي
حنان على نفس الوضع:انا كلي لك





بالفندق وبجناح المعاريس

طلع جراح من الغرفه وهوا مخنوق مهموم موقادر يتنفس ولاقادر يصلب طوله ..قعد على اول قنفه صادفته ...قعد ورد راسه لي ورا وصكر عيونه
جراح بقهر بحسره(ليش ياليال ليش ...انا احبج ليش اتسوين فيني جذي ليش اتعذبيني معاج ليش حطيتيني بهل موقف شنومعنات كل الي صار ...ياناس ابي افهم فهموني والله تعبت )ونزلت دمعه من عينه

عند ليال
ليال كانت لامه افراش وهيا ترجف وتبجي ..وبقلبها(جراح سامحني والله احبك والله غصبن علي والله موبيدي)ودخلت في نوبت بجي كانت تبجي بألم وحسره




بشقة طلال
طلال طلع من غرفة النوم وهوا بحاله لايرثا لها صدمه حسره ضياع عذاب طلال تحطم من داخله قلبه انكسر (شلون صار جذي وليش و .......




نهاية البارت

 

[@أحلاهم وأتحداهم@]

توقعاتكم


شنو الي صار بين جراح وليال؟


هل يستمر زواج جراح من ليال ولا لاء؟


شنو ورا حنان وشنو قصدها من كل الي صار؟


هل تستمر علاقت طلال من حنان ولا لاء؟


شنو الموفاجآت الي تنطركم بالبارت الياي؟

 

[@أحلاهم وأتحداهم@]

ناااطرينج حبيبتي واخذي راحتج بس اهم شي يكون طويل و مو بعد الـ 9 :$ ورانا مدااارس لووول ناااطرينج :$

خخخ والله شكل كل البنات الي يتابعوني بالمدرسه والبارت نزلته

 

[@أحلاهم وأتحداهم@]

وييييييييييييييي ما يشوفون شر
شالسالفه العمووووم نزله معوية وصخووونة
واااااي ونشله وبلاعيم شابه
الله يشافينا كلنا يا رب

الشر مايج ياقلبي والله حرارتها 40 واذا انزلت صارت 39.5 وكل شي سويته لها ماكو فايده
هذي كوم والباجي كوم

 

[@أحلاهم وأتحداهم@]

مايشوفون شر ان شاءالله


اخذي راحتج حبيبتي

الشر مايج ياقلبي :hjy5jewf:

 

[@أحلاهم وأتحداهم@]

بنات الي يتابعوني بصمت ياليت تطلعون من صمتكم والله انه هشي يشجعني وفرحني
الود ودي يكون اكبر واكثر قراء عندي بروايه اب اتحداهم كلهم

 

[6amni bs]

رد : روايتي الثانيه (عهدي مع الايام)(واقعيه)

واي واي شصااااااااار بين جراح و ليان الحين جراح بيصدق لا لا
و طلال @@ مو من صجك
ماتشوفون شر حيببتي
ناطرينج