روايتي الثانيه (عهدي مع الايام)(واقعيه)

[Miss.blue berry]

رد : روايتي الثانيه (عهدي مع الايام)(واقعيه)

اب
اب
اب
احلااااهم وييينج السااااعه 12 :d

 

[مريم ksa]

رد : روايتي الثانيه (عهدي مع الايام)(واقعيه)

12.2الساعه

 

[brownycake]

9araaaaaaaat 12:05
Na6reeenich :**

 

[retaaaj]

رد : روايتي الثانيه (عهدي مع الايام)(واقعيه)

ناطريييينج وييين البارت

 

[lamos]

رد : روايتي الثانيه (عهدي مع الايام)(واقعيه)

احلااااااااااااااااااااهم بلييييز لاتطولين علينا

​

 

[@أحلاهم وأتحداهم@]

بناااااااااااااااااااااااااااات هذا نص بارت الاني تعبانه وايد وماني قادره اكمله ان شاء الله باجر الصبح انزل التكمله

الحين انزل لكم البارت

 

[@أحلاهم وأتحداهم@]

البارت 27

بعد ساعتين من خروج ليال من الفلا
رن تليفون طلال
جنى:منو
طلال:فواز والله مالي ويه اكلما
جنى:اي رد مو حلوه اطنشه
طلال:هلا فواز.(وبدت تتغير ملامح ويها)......شنو انت شتقول ......الا حول ولا قوته الا بالله ....انتو وينكم الحين....كاني ياي ياي

مستشفى مبارك
وصل طلال المستشفى وعلى طول دق على فواز وراح عنده
طلال:بشر اشلونها الحين
فواز:ركبو عليها اكسجين وغير المغذي والابر
طلال:لا حول ولا قوته الا بالله
فواز بحزن:طلال شلي صار ابي اعرف شلي وصل ليال لي هل حاله...صاير شي في اخبار عن جراح
طلال وهو مو عارف شقوول:هيا ما قالت لك شي
فواز:دقت علي وهيا تبجي وقالت لي انها عند باب الشقه بطلت لها وشفتها بحاله ..ما دري شلون اوصفها لك كانت تبجي بكل هستيري وتصارخ ما كنت قادر افهم منها شي


بوديكم شوي بشقة فواز وقت دخول ليال الشقه
ليال أول ما دخلت كانت بحاله لايرثا لها من البجي وتعب النفسي
فواز بخوف:ليال اش فيج ...شصاير
ليال كانت تبجي وعلى لسانها كلمه وحده:انا انتهيت ...انتهيت
العنود يت بعد ماسمعت صوت ليال وهيا تبجي..واول ماشافتها وهيا بهال حاله لمتها لعلى وعسا تهدا شوي :ليول ياقلبي شفيج ليش تبجين جذي
ليال بصراخ:انتهيت تفهمون شنو انتهيت كل شي راح خلاص
فواز:ليال فيه اخبار مو زينه عن جراح قولي وقفتي قلبيابي افهم شلي صاير عشان اعرف اتصرف
ليال من اسمعت اسمه قامت تبجي اكثر وتشاهق وبعد فتره
ليال وهيا تبجي :فواز ماني قادره اتنفس..وتبجي....فواز مو قادره اتنفس
فواز:لاحول ولا قوته الا بالله يابنت قوليلي شلي صاير فيج حرقتي قلبي
ليال:فواز والله مو قادره اتنفس...قاعده اختنق ابي هواء
العنودبخوف:ليال ذكري الله
ليال:ابي هوا مخنوقه مو قادره
فواز تشنج اب مكانه لمن شاف لون ليال بدا يصير ازرق :ليول حبيبتي هدي شوي ...وماكمل كلامه الا وليال طايحه على الارض

نرجع المستشفى
فواز:طلال شلي وصل ليال لي هل حاله ابي اعرف اختي شصار فيها ليش منهاره جذي
طلال بضيق:جراح رجع ..لكن مو بروحه
فواز بسعاده:صج قرت عينكم الحمدالله على سلامته والله هذا الخبر الي يفرح
طلال بضيق:اقولك مو بروحه اتقولي خبر يفرح
فواز:شلون يعني مافهمت
طلال:جراح رجع مع زوجته
فواز بصدمه :شنو...زوجته
طلال:اي زوجته جراح طول الفتره الي طافت كان متزوج
فواز: شلون متزوج ..انزين وليال ..شنو ذنبها
طلال سكت الانه ماعنده رد حق فواز اهو بروحه مو عارف ليش جراح سوا جذي
فواز بضيق:وزوجته هذي شنو اصلها
طلال:كويتيه ...غرور محمد شريكتنا بالمشروع
فواز:نعم يعني اخوك كل هل مده عايش مع مرته واختي قلبها محترق عليه
طلال:والله مادري شقولك كلنا تفاجأن بالي صار
فواز :والحل
طلال:اي حل ...جراح خلا فيها حل
فواز:شلون يعني فهمني
طلال:جراح طلق ليال
فواز ماقدر يتمالك نفسه من الصدمه ....خلاص ريله مو شايلتا ...نزل وقعد على الارض وهو حاط ايده الثنتين على راسه وبقبله(حسبي الله ونعم الوكيل فيكم ضيعتو اختي وهدمتو حياتها)
طلال وهو يقوم فواز:فواز ياخوي لاتضن انه اهلي راضين عن الي صار ...انا طلعت من البيت والنار شابه فيه
فواز:هع ونار هذي بطفي قلب اختي المحروق النار هذي بداوي جروها ..ماعتقد...طلال ليال طاحت على ومو قادره تتنفس من الصدمه صاير معاها ضيق بتنفس ...اكثر من جذي شنو مو كافي طول الفتره الي طافت كانت كل يوم وثاني بالمستشفى ..بس للاسف كل هذا عشان واحد ما يستاهل

ثاني يوم الصبح
طلال ضل مع فواز لي الصبح ودق على ابوه وقاله عن حالت ليال ولي صار معاها ..اما فواز ضل مثل ماأهو بحالت حزن شديده على اخته حتى ما بلغ اهله بالموضوع

بجها ثانيه بالمستشفى
كانو مجموعه من الطلبه واقفين عند احد الاقسام مع الدكتور الي كان يشرح لهم بعض الشغلات والطلبه وقفين يسمعون ...ادكتور طلب من الطلبه انهم ينقسمون مجموعتين ويفترون على المرضى ويكشفون عليهم ...نقسمو الي مجموعتين مجموعه ادخلت غرفت الملاحظة للرجال ومجموعه ادخلت غرفة ملاحظه النساء توزعوا لطلبه على المرضى وكل دكتور كان بيده تقرير عن حالت المريض واسمه ووقت الدخول
وقفت احدا الطالبات وهيا تقرا تقرير المريضه الي جدامها
شيماء:ليال احمد ال....وشافتها نايممه وحاطين عليها الاكسجين ...خذت التقرير وراحة عن احد الطلبه الي معاها
شيماء:عفوا د.محمد اتعرف وحده اسمها ليال احمد
محمد:اي ليال اختي ليش
شيماء:اممم
محمد:انتي تعرفينها
شيماء:لا بس اختك تعبانه ونايمه هناك
محمد بخوف وصدمه :ليال ...وراح صوب السرير الي اشرت عليه شيماء ولمن شافها نايمه والاكسجين عليها دمعت عينه وراح قعد عندها وبخوف على حالتها
ليال كانت نايمه بعد المهدء الي خذته
محمد بخوف:ليال..ليال ...ويكلم شيماء...وين تقريرها
شيماء :تفضل
محمد وهو يقرى التقرير :ليش كل هذا شلي صار ...وطلع تليفونه ودق على فواز
فواز:هلا حمود
محمد:انت وينك
فواز:بالمستشفى ليال تعبانه وايد
محمد:ادري انا عندها الحين بس شلي وصلها لي هل حاله
فواز بضيق:جراح رجع من السفر مع زوجته اليديده وطلق ليال
محمد بعدم تصديق:لا يبا قول غير هل حجي
فواز:هذا الي صار ...المهمم انا ماأقدر ادخل عندها طمني عليها اهيا شلونها الحين
محمد:الحين نايمه وتنفسها الحمدالله احسن من اول مادخلت بوايد
فواز:اوكي دام جذي خلك عندها خل اروح ايب امي واي
محمد:اوكي ...وصكه...وحط ايده على شعر ليال وهيا نايمه وقعد يمسح علسها وعيونه مليانا دموع
الدكتور:د.محمد المريضه تقرب لك
محمد مسح ادموعه بسرعه وقام وقف:اي دكتور اختي
الدكتور:اها ...وشنو حالتها
محمد بضيق:انهيار عصبي وضيق بتنفس
الدكتور:لا حول ولا قوته الا بالله ..اجر وعافيه
محمد:الله يعافيك...دكتور ممكن اقعد عندها لين توصل امي
الدكتور:مومشكله
محمد:مشكور دكتور ويعطيك العافيه
الدكتور:الله يعافيك...ومشى عنه
محمد قعد عند ليال ورد يمسح على شعرها وبقلبه(شهل حظ الي عندج لا من الاولاني ولا من الثاني الله يعينج وصبر قلبج ...صج الزمن اغبر الطيب مأكول حقه ..بس ان شاء الله الله يعوضج خير يارب)
طبعا في عيون الطلبه الي معاه كانت اتراقبه وهو قاعد عند اخته ويمسح على شعرها
سالم:شكلها تعبانه وايد
محمد بضيق:الحمدالله على كل حال
شيماء:د.محمد سوري على اللقافه بس حبيت اسأل هذي اختك الصغيره
محمد:ليال اصغر مني بخمس سنوات
شيماء :اممم مبين عليها صغيره ...وماتشوف شر
محمد:الشر مايج
شيماء راحد عند احد الطلبه الي واقفين:اصغر منه بخمس سنوات
براك:صج ..عاد مبين عليها
شيماء:على فكره البنت حلوه
براك:مايحتاج اتقولين دققت على ملامحها عدل
شيماء وهيا تبتسم:اي خدمه ثانيه
براك:لا شكرا

فلاة خالد
ملاك طول اليل كانت تبجي تبي ليال ومانامت لا بعد ماقصت عليها اريام وقالت لها انه ليال بتي الصبح
اما جراح ..طلع من البيت بعد الي صار وراح مع غرور شقته وطول اليل مانام كان باله مشغول على ملاك والي صار لها وكان يفكر شلون يخليها تنسى ليال الانها صارت ماضي ولازم تنساه ...اول ماطلعت الشمس على طول بدل وطلع من الشقه متوجه للفلا

بصاله
دخل جراح وشاف كادي ودانه قاعدين يتريقون
جراح ببتسامه:صباح الخير
دانه ارفعت راسها وشافته من طرف عينها وماردت عليه
كادي بنفسيه:صباح النور
جراح:شلونكم ان شاء الله بخير
كادي:الحمدالله
جراح:الا وين امي وابوي
كادي:بالمستشفى
جراح بخوف:لي شامي تعبانه ولا ابوي فيه شي
كادي:لا وانت الصاج ليال الي تعبانه وايد وراحو يتطمنون عليها
دانه:كدوي شكو تقوليله عبالج هذا يحس ...ليش ياي روح عند حرمك المصون
جراح:ياي اتطمن على بنتي
دانه بستهزاء:لا والله فيك خير صراحه ...ماتذكرتها الا بعد سنه صراحه والله انت ابو مثالي
جراح:دانه بس عاد تراج مصختيها وايد
دانه :حسافه ياجراح والله حسافه معقول هانت جراح اخوي الي مايرضى بظالم شلي صارلك شلي غيرك ...كنت ناطرتك عشان تاخذ حقي من فراس بس للاسف اكتشفت انه الي صارلي حوبه ليال المسكينه ...انه الله يمهل ولا يهمل ...وقامت
جراح راح قعد مكانها كدوي شفيها دانه
كادي بستغراب:شفيها .....كل هذا وتسأل
جراح:ودانه شكو بموضوع زواجي من غرور وطلاقي من ليال
كادي :الانها تسب بظلم جراح ليش ظلمت بنت الناس ماتخاف يصير فينا شي من حوبتها والله البنت ماتستاهل انت ماشفتها شلون تعامل بنتك والله حرام ليش طلقتها جان خليتها على ذمتك على الاقل عشان ملاك
جراح :ماقدر اجبرها على شي ماتبيه
كادي:انزين ليش ماطلق غرور وترجع حق ليال والله بترتاح معاها
جراح:كدوي انا ماأقدر اطلق غرور
كادي بنفعال :طبيعي ماتقدر اطلقها الانها ماكله عقلك بس تقدر اطلق المسكينه الي ماقصرت مع بنتك ابشي
جراح:وبعدين يعني مانخلص من السالفه هذي خلاص الي صار صار ...هذي حياتي وانا حر فيها ومحد له الحق انه يتدخل فيها
اريام انزلت وهيا شايله ملاك واول ماشافت جراح:اوووف يالله صباح الله خير
جراح بعصبيه:ريمو اقسم بالله اذا ماعدلتي اسلوبج بتشوفين شي عمرج ماشفتيه
اريام ولا كأنها اسمعت شي:كدوي وين طلال
كادي:طلال بالمستشفى وليلحين مارد
اريام بستغراب الانها مو عارفه السالفه:المستشفى حق منو
كادي:انتي ماتدرين ...اي صح انتي امس صعدتي بسرعه ومادريتي بالي صار
اريام وهيا تخز جراح:شصار بعد
كادي:ليول امس طاحت وهيا الحين بالمستشفى
اريام بخوف:شفيها
كادي:انهيار عصبي حاد
اريام:حسبي الله ونعم الوكيل...انشاء الله الانهيار يصيب بنت ابليس
جراح بعصبيه:اريام وبعدين معاج قلت لج ثمني كلامج
اريام:كدوي اهيا شلونها الحين
جراح:ماشاء الله اشوف صرتي تسألين عنها مو هذي بنت الفقر الي ماكانت تعجبج شلي تغير الحين
اريام:تغيرت اشياء وايد ياجراح ...كافي انها خاطرت بحياتها عشاني وعشان بنتك
جراح بستهزاء:ليش انشاء الله ليال صارت رامبو وانا مادري
اريام :لا وانت الصاجر تدري منو رامبو الي انقذتك من العصابه الي كانت تبي تذبحك سبحان الله اهيا يالها الهام وقالها جراح تعرض لضرب برصاص روحي نقذيه وخشيه عندج وبالمره تزوجيه ووخريه عن اهله ...اقطع ايدي اذا ماكانت اهيا ورا كل السالفه وكل الي صار بس عشان تكبر بعينها وتاخذها...ولفت على كادي ...كدوي وكلي ملوكه انا رايحه ..وحطت ملاك عندها...وبسرعه راحت قبل ماتحصل جم كلمه من جراح
جراح ببتسامه:صباح الخير ياحلوه..ماتبين بابا
ملاك كانت تحوم نظراتها بين كادي وجراح وبعدها ارفعت راسها وشافت كادي تبتسم لها
كادي:يالله ياحلوه ناكل آم
ملاك:اينا ماما
كادي:ماما راحت الطبيب
ملاك مدت البوز شبرين:ابي ماما
جراح بضيق:حبيبت باباتها بالاول ناكل وبعدين انروح عند ماما انزين
ملاك تجمعت الدموع بعينها ومدت البوز اكثر:ابي ماما
كادي تبي اتنسيها:ملوكه ماتبين جباتي
ملاك:ابي ماما
كادي:اذا كليتي اوديج عند ماما انزين
ملاك:وديني ماما
كادي:اي بس اذا ماكليتي ماراح واديج
ملاك:ابي أم
كادي:من عيوني ...وبدت اتوكلها
جراح:كدوي ملوكه متعلق بليال وايد صح
كادي:فوق ماتتصور...جراح بنتك انحرمت من امها والله عوضها بليال ..والحين ردت اخسرت امها مره ثانيه ...جراح ودي اقولك اشياء وايد صارت بس اذا قلت لك بتسمعني لي الاخر
جراح:اكيد قولي
كادي:انا ماراح اقولك عن معاملت ليال حق ملوكه الانه الشي واضح لو ليال كانت اتسأ معاملتها جان ماشفتها متعلقه فيها جذي...لكن بقولك بعد 3 اشهر او اكثر الكل فقد الامل انك ترجع مره ثانيه ....ابوي قالها ترفع قضيه بالمحكمه وتتطلق منك وتروح تعيش حياتها ...لكن ليال ارفضت بشكل نهائي ابوي حاول يفهمها او يتناقش معاها بالموضوع لكنها ارفضت حتى النقاش بالموضوع ...وقالت حق ابوي انا عاهدت جراح اني احط ملاك بعيوني وماأتخلا عنها شلون اخليها وشلون اخلي ...وغيره من الكلام الي كان عنك...كل هذا كوم ويوم الي مريم وربعها تهجمو عليها ...تخيل مريوم خلت ربعها يطقون ليال طق من كثر الطق اكسرو خشمها
جراح بستغراب:ليش
كادي:عشان ياخذون ملاك منها وليال كانت تقاومهم بس ماقدرت عليهم اهيا بنت بين 4 ريايل يطقونها شلون بتقاوم
جراح بنفعال:وبعدين
كادي:مريم خذت ملاك وليال ردت البيت منهاره من البجي ...وكانت طول الوقت تدعي انه الله ياخذ من عمرها ويردكم لها..اقصد انت وملاك..كانت خايفه عليها بشكل ماتتصوره ...جراح تعتقد هل انسانه ماتستاهل انها تكون مرت جراح وتشيل اسمه تعتقد انه ليال ماتصلح اتكون ام حق ملاك ...جريح ملوكه انحرمت من حنان امها ولا تحرمها من ليال
جراح:كملي وبعدين شصار شلون ردت ملاك
كادي:ابوي نفس الوقت بلغ الشرطه وعلى طول مسكوهم وكتبوها تعهد انها ماتتعرض لهم مره ثانيه
جراح:الحقييره ادواها عندي
كادي:جراح مريم مو موضوعنه الحين انا الحين قاعده اتكلم عن ليال
جراح:ليال ماضي وانتها من حياتي خلاص ...واذا على ملاك مردها بتنسى ...يعني الي عاشو بدون امهات مات ولاء طبعا كاهم عايشينا حسن عيشه
كادي بستغراب:بعد كل الي قلته لك ليلحين مصر على رايك
جراح:ليال اهيا اختارت اطلاق وهذي حياتها ...واذا مثل ماقلتي انها ميته على ملاك ليش اطلبت الطلاق ليش ماضلت معاي عشانها...وبنسبه لي اهيا ماضي ونتها من حياتي وغرور اهيا الحاضر والمستقبل
كادي:لو اي وحده بمكانه بتسوي جذي وبعدين هذي ردت فعل طبيعيه ..يعني وحده كانت ميته وتشوف ريها تدعي ليل ونهار يرد لها بسلامه كل يومين بالمستشفى مافي درب وابر ماعطوها حتى ايدها تقضضت من الابر بس عشانك بعد كل هذا اتشوفك داخل عليها ومعاك وحده ثانيه ..وهيا بنسبه لك ولا شي ...شنو تبيها تسوي اتيبب ولا ترقص انت حتى ماحسستها انها مهم هاو انها اي شي بحياتك حتى مابينت لها انك تبيها عشان ملاك ...بعد كل هذا شلون تبيها تقعد معاك عفيه آدميه بعد كل هذا تبيها تتحمل ..جراح ليال بشر من لحم ودم ليال حساساه ورقيه وايد واي وحده بتتصرف جذي...شنو ماعندها كرامه....انت ترضى انه دانه اترد حق فراس بعد الي صار فيها
جراح:اهيا متهاوشه معاه
كادي بدهشه:نعم
جراح:اشفيج انا قلت شي غلط
كادي:اي غلط...انت ماتدري انه دانه تطلقت
جراح بدهشه:لا مادري انتو خذيتوني بصيحه وانا ماني فاهم شي
كادي :هذا بروحها سالف...وقالتله سالفت دانه

بعد يومين
ليال اطلعت من المستشفى وراحت بيت ابوها الي عرف بسالفت طلاقها ...واسبابه لكن بوطبيع مايوز عن طبعه
حصه وهيا تبجي:حرام عليك والله حرام ليش تحبسها االبنيه الي فيها مكفيها ...وفوق هذا مرضها انت ناوي تذبحها
احمد:ان شاء الله تموت وافتك منها سودت ويهي ...والحين الناس بتتأكد انه بنتج فيها بلا ولا ليشت طلقت للمره الثانيه
حصه:هذا حظ البنت شنسوي يعني ...احمد ولي يسلم عمرك افتح باب الغرفه ليال تعبانه وايد واخاف يصير فيها شي
احمد:بالعنه
حصه:خاف ربك في بنتك والله ربك بحاسبك على الي تسوي فيها حرام عليك...والله حرام
احمد بصراخ:حصه انا ماني ناقصج انتي بعد ذلفي عن ويهي لا احط حرتي كلها فيج
حصه :وتعتقد بهمني ...مايهمني شي خلاص انا تعبت منك ومن عنادك قاعد اتحاسب عيالي على شي تافه وسخيف انت ...احمد اذا مافتحت الباب صدقني مابضل على ذمتك دقيقه وحده...وباخذ بنتي بطلع من البيت
احمد:اذا فكرت بس توصل اعتبت باب البيت والله اذبحها على ايدي

بغرفة ليال
كانت منسدحه على فراشها ودموعها على خدها ...كان بالها مشغول على ملاك الي من اطلعت من الفلا وهيا ماتدري عنها وبيوم الي زارتها اريام آخر مره قالت لها انه ملاك ما تاكل ولاتنام وبس تبجي ودور عليها بالبيت كل...كانت اتفكر بملاك الي تتعذب ابعيد عنها وماهمها الوضع الي اهيا فيه ولا همها الحبس الي انفرض عليها بدون سبب للمره ثانيه

يتبع غدا

 

[lamos]

رد : روايتي الثانيه (عهدي مع الايام)(واقعيه)

سلامتك حبيبتي ماتشوفين شر وان شاء الله الصداع يخف

 

[@أحلاهم وأتحداهم@]

الذين تشاهدون محتوى الموضوع الآن : 52 ( الأعضاء 15 والزوار 37)
‏@أحلاهم وأتحداهم@, ‏ツ Ầηğěl Šறίlě ツ, ‏ديمة الشوق, ‏عاشقه رويشد, ‏هنووفوو, ‏retaaaj, ‏lamos, ‏سارووونه22, ‏brownycake, ‏Cannibalism, ‏كوين74, ‏pearlq8, ‏Miss_Habla, ‏NaB'9 QaLBi


اللهم زيد وبارك

 

[@أحلاهم وأتحداهم@]

الذين تشاهدون محتوى الموضوع الآن : 56 ( الأعضاء 17 والزوار 39)
‏@أحلاهم وأتحداهم@, ‏عاشقه رويشد, ‏am_kshaa, ‏كنوشة 2009, ‏ツ Ầηğěl Šறίlě ツ, ‏ديمة الشوق, ‏هنووفوو, ‏retaaaj, ‏lamos, ‏سارووونه22, ‏brownycake, ‏Cannibalism, ‏كوين74, ‏pearlq8, ‏Miss_Habla, ‏NaB'9 QaLBi


39 خلف الكواليس لو سمحتو سجلو ماعادا وحده اعرفها مابيها تسجل وهيا عارفه نفسها لوووووووووووووول

 

[سارووونه22]

جراح حقييييييييييييييييييييييييير وربي حقييييير حسبي الله على كل ظالم هذا مو انسان حشاكم حيوان يعني مايحس في بنته ضغيرة وعليه على قلب ملوكه بعدين ابوها بعد غثني ياربي تلاقيها من وين ولا من وين

 

[سارووونه22]

يجماعه انتو وايد قاعدين تضغطوت على احلاهم ترى حرام وراها بيت وعيال وريل وانتو تدرون الريال يبيله مجابل لاتحنون عليها وخلوها ترتاح شوي اهيه عشانكم وايد قاعده تتعب بنات شرايكم نخليها ترتاح وتكتب لنه بارتات يوم وترك افضل لها الي تبي مصلحة احلاهم وبارتات طويله تأيدني

 

[retaaaj]

رد : روايتي الثانيه (عهدي مع الايام)(واقعيه)

حبيبتي ما تشوفين شر
وجرااااااح وييييييع وييييع ويييييييع الله ينتقم منك بعد كل اللي قالتله اخته وهم مو عاجبه مادري شنو مسويتله بنت ابليس قطيعه شهالقلب اللي عليه اووووف منه
وليال الله يعينها ويصبرها على معاملة ابوها وعلى فراق ملوكه
ناطرييينج على احر من الجمر

 

[هنووفوو]

اففففف جراح وغرور جلاب ملبسين ثياب
هذا جراحو صار مايحس ميت احساس مالت عليك
اتوقع الي اسمه براااااك راح يحب ليال
مسكيينه ليال:eh_s(2):
ملوووكه حياااتي تكسر الخاطر

 

[retaaaj]

رد : روايتي الثانيه (عهدي مع الايام)(واقعيه)

حبيبتي ما تشوفين شر
وجرااااااح وييييييع وييييع ويييييييع الله ينتقم منك بعد كل اللي قالتله اخته وهم مو عاجبه مادري شنو مسويتله بنت ابليس قطيعه شهالقلب اللي عليه اووووف منه
وليال الله يعينها ويصبرها على معاملة ابوها وعلى فراق ملوكه
ناطرييينج على احر من الجمر

 

[أحبج أحلاهم]

يسلمووووووووووو على الباااارت ،،،

بنطرج باااااااجر بس بليييز لا تأخرين عليييينا ..

تصبحووووون على خيييييير ..

 

[الــــراسيـه]

مشكوره على البارت

وسلامتج وانا من المؤيدين انه يوم يعد يو
يعطيج العافيه

 

[بنــ إختها ــت]

رد : روايتي الثانيه (عهدي مع الايام)(واقعيه)

وييييع جرااااح الله ياخذك ويجااازيييييك انت والشيييفه اللي معاااك .... وليال الله يسااعدها بس ليش ما سكنت عند اخوها احسن من الحبس في بيت ابووووووهاااا

 

[بنــ إختها ــت]

رد : روايتي الثانيه (عهدي مع الايام)(واقعيه)

نسيت اقوولج يعطييييج العافيه ولاتعبين نفسج متى ماقدرتي نزليلنا بااارت ...
Good night ;*

 

[حقووقيــــــه]

جرااااااح مسحوووووووووووررررر !!!!
مومعقوووله مو معقوووووووووله
وااااااي لاااااااااااااا والله مو معقووله !!!!!!!!!!!!!!!!!!


ليااااال بعد عمري هالبنت والله ........

وملووكه حيااااتي ... مسكيييييينه ......
وجراحووو مرد الجلب للقصاب .... بييييله يووم ويندم .......
وخل غرووررروو الحقيررررره تنفعه ....
وااااي انا علي ماتخلص الروايه الا صاير فيني ضغط ;@@@@@



ناطريييييينج حبيبيتي احلاهم ... لا تطولين عليناااااا ;***