روايتي الثانيه (عهدي مع الايام)(واقعيه)

[so_what]

waiting ya 7elwah

 

[شموخ واحساس]

waiting​

 

[حقووقيــــــه]

نااااااااااااااطره

 

[سارووونه22]

فات الكثير مابقى اله القليل

 

[NaB'9 QaLBi]

نص ساعه
ما بقى شي هيااااااااا

 

[سارووونه22]

اب اب اب اب اب

 

[حقووقيــــــه]

۸ دقااايق

 

[سارووونه22]

بدء العد التنازلي

 

[@أحلاهم وأتحداهم@]

بنااااات تبون بارت>>>>>بالله سؤال ناطرينج لي هل وقت عشان تسألينا لوووووووووووول
ثواني وانزل البارت

 

[حقووقيــــــه]

الذين تشاهدون محتوى الموضوع الآن : 36 ( العضوات 10 والزائرات 26)
‏حقووقيــــــه, ‏pearlq8, ‏سارووونه22, ‏bent.gaga, ‏@أحلاهم وأتحداهم@, ‏retaaaj, ‏^الاسود يعبر^, ‏lamos, ‏الجوري12, ‏ايمان......


هيااااااا

 

[bent.gaga]

رد : روايتي الثانيه (عهدي مع الايام)(واقعيه)

9aaaaaraaaat

 

[سارووونه22]

الذين تشاهدون محتوى الموضوع الآن : 34 ( العضوات 9 والزائرات 25)
‏سارووونه22, ‏bent.gaga, ‏@أحلاهم وأتحداهم@, ‏retaaaj, ‏^الاسود يعبر^, ‏pearlq8, ‏lamos, ‏الجوري12, ‏ايمان......

 

[سارووونه22]

احلاهم خلاص بعد مافيني صبر

 

[@أحلاهم وأتحداهم@]

البارت26




أأأخ من غدرك يا زمان



لكن ملاك من الخوف كانت تبجي شخص غريب بنسبه لها و بوسها و يبجي وطبيعي أي طفل بخاف من الموقف هذا
ليال وهيا تمسح على ظهر ملاك:ماما حبيبتي هذا بابا جروحي ...بابا جروحي رجع لنا




بيت صالح
سعود:هااااه دكتورتنا قاعده بروحها (رنادتخرجت بنسبه عاليه وتلحقت بكلية الطب)
رناد:اي ابوي طلع توه وغيداء اتنوم اليهال>>>غيداء مرت سعود
سعود:امممم..لامتى دواماتكم
رناد:يوم الاثنين
سعود:عاد بيضي الويه مو اول ايام تمشين عدل بعدين اتخورينها
رناد:لا ان شاءالله ابيض الويه وخليه يلق بعد
سعود:هههههه حلوه ...صج محمد معاج عاد مايندرى اتصادفينه ولا لاء
رناد:ماأعتقد الانه محمد اغلب وقته بمستشفى مبارك عنده ميداني
سعود:اي بس محمد باقيله سنتين على التخرج شلون عنده ميداني
رناد:احم احم احنا يالدكاتره اول سنه كله نظري وبعدين نظري وعملي عرفت
سعود:اي عرفت...بس اكيد اتصادفينه بنظري
رناد:والله مادري
سعود:يالله زين على الاقل يطلعون اثنين من العايله دكاتره
رناد:الحمدالله احنه عايله مثقفه ..عندنا مهندسين ودكاتره
سعود:الا آلاء وين دخلت اي كليه
رناد:هندسه الكمبيوتر
سعود:تخصصها حلو ...بس ليش مادخلت بترول مثل فواز
رناد:فواز قالها دشي كمبيوتر اسهل من البترول ..وهيا ادور الاسهل ...سعود الا عمي ليلحين مايبي فواز يدخل البيت
سعود:ولي باجر ...بس ماأقول غير الله يهديه ان شاء الله




فلاة خالد
الكل كان فرحان بردت جراح بسلامه معادا شخص واحد
((غروووور))
اهيا الوحيده الي تضايقت وايد من اول ما شافة ليال ...كانت تعتقد انه ليال عاديه وانها احلى منها ..لكنها انصعقت من شافتها ...ليال بييضه وشقره وملامحها حلوه وايه جميله بمعنى الكلمه هذا غير الطول والرشاقه ليال...وفوق كل هذا صغيره وهني كانت صدمتها كانت تعتقد انها بعمر جراح او اصغر منه بسنه ولا سنتين ...غرور من اول ما تزوجت جراح كانت اتحاول بشتى الطرق انهى اتنسيه ليال خصوصا انه جراح وايد كان يغلط بأسمها ويناديها ليال
ملاك كانت تعافر بيد جراح وما كانت تبيه ...لكن جراح ماكان يعطيها مجال تفلت منه
جراح:يالعياره انا بابا ليش ماتبيني
ليال بحنيه :ماعليه حبيبي البنت صارلها فتره طويله ماشافتك
جراح كان واقف قبال ليال ومن سمع حبيبي حط عينه بعينه :شلونج
ليال :بشوفتك انا بالف خير ...الحمدالله ربي ماخيب رجاي
جراح وهو يبتسم بصوت واطي:حتى انتي كبرتي مو بس ملوكه و زدتي حلا عن قبل
كادي قربت صوبها :احم احم ...نحن هنا
جراح ابتسم وبأيد وحده سحبها صوبه ولمها:انتي ليلحين اتقطين اذنج
طلال:اوووه لي باجر كدوي قاعدتلي قعده
جراح:والله شتقت لج يالخايسه
كادي هيا على صدره:جريح جريح جريح ....وااااااي من زمان ما ناديتك..الله لايحرمنا منك ياخوي وخليك ذخر لنا يارب...كادي انزعجت من ملاك الي كانت على ايد جراح الثانيه....ملوووكه بس سويتي ازعاج
ملاك تصارخ:ددوي وع
الكل:هههههههه
كادي:انا وع ياشقول ...اي الحين قوى باسج قبل كانت ليال وابوي وامي والحين الراس العود ابوج
جراح:الراس العود اذا شاف احد نادس على طرف كتكوته يوريه النجوم بعز الظهر
كادي:مايحتاج اتقول بنتك عندها درع واقي محصنه من كل صوب
جراح شاف جنى لاصقه بطلال استغرب وجودها بهالوقت وبروحها ابيتهم :جنوه صج عين قويه لازقه بالريال جذي وجدامنه بعد فجي شوي عنه عيب كلنا قاعدين
جنى شافت طلال ومن الاحراج نزلت راسها...طلال حس انه جنى منحرجه من طلال ..حاوطها بيده وسحبها اكثر صوبه
جراح بستغراب:يبا لام بنت اخوك جدامك وانت ساكت
خالد:حلاله وهو حر فيه الله يهنيهم وهنيكم انتو بعد ....الحمدالله الي يه اليوم الي شفت فيه ليال معاك الله لايفرقكم ابد قولو آمين
الكل معدا غرور:آمين
غرور بقلبها(الله لا يقوله ..وانت ياشيبه مالقيت الا هالدعوه الي مثل ويهك
جراح ليلحن مو فاهم:لا والله صج شسالفه ابي افهم ليش طلال وجنى لازقين ابعض
كادي بصوت واطي:الانها زوجته
جراح:من متى
كادي:من زمان
جراح:لالا انا جذي يبلي قعده عدله معاكم لازم اعرف كل شي صار بغيابي
كادي:اوووه يعل بقعد 3 ايام بس تسمع السوالف
ملاك ملت من الرايل الغريب بنسبا لها وبدت اطقه :وع وع وحل
جراح:يالخايسه اتطقين بابا
ليال ببتسامه حلو:جروحي ما عليه البنت يبيها فتره علما تتعلم عليك ..عطني ياها
جراح :ليلحين ماشفيت غليلي ..وباسها بقوه ...وهني اطلقت ملاك طرخت الانقاذ حق ليال ..مدت البوز شبرين وزادت بالبجي
ليال:تعالي ماما تعالي
جراح:خلوها شوي ماشبعت منها
كادي: شلك فيها انا اكفي ووفي
ملاك كانت اتحاول تقط روحها على ليال ومن ليال قربت من جراح ولزقت فيه اكثر اقدرت توصل حق حضن ليال
غرور طارت عينها من شافت ليال قريبه من جراح
اريام بصوت واطي:رتوج منو هذا
رتاج على نفس النبره:هذي شريكتهم بالقريه واهيا الي انقذت جراح من الموت
اريام اشهقت من اسمعت جذي:امبيييه يعني طول الفتره الي طافت جراح كان على وشك الموت
رتاج:تقدرين اتقولين
اريام بستغراب:انزين اشفيها اتخز ليال جذي
رتاج: لا يتهيأ لج بالله شكوا تخز المره ...او يمكن تبي اتشوف مرت شريكها
اريام:ماضنتي الانه من ويها موع اجبها الوضع
رتاج بستغراب:شكو لا يبا يتهيأ لج
اريام:اي يتهيأ لي انتي شوفي شلون اتخزها
رتاج بعد فتره:اي والله هذي شفيها يعني ريال ومرته صارلهم سنه ماشافو بعض اكيد بتلزقون ابعض جذي
اريام :قاهرتني اوووف
هنادي:جراح يما تعال اقعد عندي ابي اشبع عيني منك
جراح ببتسامه:بس غالي والطلب ارخيص...وراح قعد عندها وباس راسها ولا اقولج مابي اقعد ابي انام ابحضنج اشتقت حق حضنج يما
هنادي من الفرحه عينها ماوقفت من الدموع
جراح حط راسه على ريل امه ومد ريله على القنفه :يما لعبي بشعري
كادي:ههههههه ليويل راحت عليج
غرور ببتسامت خبث وبقلبها(راحت عليها وبس هع )
اريام:رتوج لاحضتي
رتاج:اي ...هذي شسالفهتا ...نطري الحين اوريج فيها...اتكلم كادي...لاحبيبتي ماراحت عليها اهيا زامها ليل وتغمز حق ليال
غرور بقبلها(هع املها وامل فلسطين واحد جراح لي انا بروحي)
ليال انحرجت وايد وهيا شايله ملاك:عن اذنكم ببدل ملوكه
جراح:ليال
ليال التفتت وهيا تبتسم من زمان ما سمعت اسمها على اللسان جراح:نعم
جراح:يبي ملابسها هني وبدليها
اريام:اي هين هذي ماترضى اتبدل الا بالجنجر (طاولت تبديل للاطفال) تخاف على عمرها اظاهر هههه
ليال:الي مايطول العنقود يقول حامض
جراح ابتسم على كلام ليال...وشافها تلتفت عشان تصعد:وين
ليال وهيا تضحك:ثواني ابدلها وانزل...وصعدت
غروربقلبها(كل هذا هين ياجراح صارلي ساعه قاعده ولا جني موجوده هذا اولها ينعاف تاليها)
رتاج :جريح انا من رايي تصعد وراها
جراح وهو يقعد:اي والله بقوم اشوف ملوكه وهيا تبدل...وصعد
كادي اتصارخ من عند السلم:جراح روح غرفت ملوكه القديمه مو جناحكم
الكل:ههههههههههه
هنادي وهيا تلتفت على غرور :وخزيا سامحينه ...والله من فرحتي بوليدي ماني مركزه بشي
غرور :لا عادي خالتي شدعوه
طلال يساسر جنى :ويها منجب ليلحين قاعده ...شتبي قومي ذلفي بيتكم
جنى:اي والله يعني ساعه معطينها طاف وهم قاعده..أخاف تبي احد يوصلها ولا شي
طلال:ولا انتي الصاجه لقافة حريم
جنى :هههههه



بغرفة ملاك وليال
ليال اتكلم ملاك:يالله ياحلوه انروح انغسل وبعدين نلبس بجامه عشان انام
ملاك:مابي نام
ليال:ليش حبيبتي
ملاك:ابي بكوت
ليال:بس من عيوني
ملاك: ابي بكوت
ليال :ان شاء الله ...وشالتها ودخلتها الحمام
ملاك:ابي سبح
ليال:اممم .....بس الحين مايصير نتسبح
ملاك:ابي سبح ابي سبح
ليال :بس الحين بابا جروحي تحت ينطر ملوكه الحلوه
ملاك:مابي بابا روحي ابي سبح
دخل جراح بدون مايطق الباب كان يبي يسمع او يعرف اشلون ليال اتعامل ملاك...دخل ووفق عند باب الحمام وقام يسمع حوارهم..وهو يضحك بصوت مو مسموع
ليال:تبين ماي وايد
ملاك:اي
ليال :من عيوني
ملاك كانت مستانسه وتصفق بطل عليهم باب الحمام :ممكن ادخل معاكم
ليال:حياك
ملاك:عب
ليال:هههههه حياتي هذا بابا روحي مو عيب
جراح:يالخايسه والله وطلعلج اللسان
ليال قامت من مكانها وراحت عنده ولمته حيييل كانت مشتاقتله وايد لكنها ماحست انه جراح مشتاق لها مثل ماهي مشتاقتلها
ليال:الحيات بدونك عذاب
جراح:ليال اخاف ملوكه تغرق بالماي
ليال وخرت اشوي :لاتحاتي اتخاف على عمرها وماتتحرك بس اطق بيدها بالماي
جراح:الخايسه والله كبرت وصايره تشوق حتى سوالفه اتهبل
ليال:ليش طولت علينا
جراح:مو بيدي الصار غصبن عني
ليال ردت حطت راسها على صدره:ليش ماتصلت ليش ماسألت عن ماما وملوكه لكنا كنا خايفين عليك
جراح: وانتي بعد كنتي خايفه علي
ليال:الله العالم شنو كانت حالتي ...جروحي حبيبي لاتخلينا الحيات بدونك عذاب انت الدم الي بشرياني وانبض الي بقلبي
جراح غمض عينه ومن داخله يتقطع ...ياترى شنو سوتي بغيابي




بصاله تحت
طلال شاف غرور ليلحين قاعده قال ماكو الا انه يعرض عليها انه يوصلها:استاذه غرور اذا حابه اوصلج البيت انا ماعندي شي
غروربقلبها(هذي احسن فرصه اني اقول لهم هين ياجراح هادني انا وقاعد مع ست الحسن والجمال ومخليني مع الهيلق اهلك)لا شكرا انا ناطره ريلي
طلال بستغراب:ريلج اي ريل ..انا الي اعرفه انج مطلقه من من عشر سنوات او اكثر
خالد بنبره حاده:طلال شهال اسأله...ما عليه طلال ما يقصد شي بس انتي قلتي حق ريلج انج عندنا
غرور:لا عمي ريلي فوق مع بنته
خالد:عفوا مافهمت
غرور:انطر جراح ريلي
البنات اشهقو شهقه وحده
هنادي بستغراب:جراح ريلج من متى
غرور:من زمان صارلنا 9 اشهر
اريام:لا اكيد تتغشمرين معانه صح ...ماعليكم منها اهيا قاعده تتغشمر معانه
غرور بنفسيه:ليش والزواج فيه غشمره انا زوجته مثل ماليال زوجته
فترت صمت .....صدمه ..عدم تصديق
غرور:ولا عليكم امر واحده فيكم اتناديلي ريلي انا تعبانه وبروح البيت
هنادي ودقات قلبها بدت اتزيد:انتش تقولي شت خربطين هي اصحي جراح مستحيل يسويها
غرور بعصبيه:ليش ان شاء الله
كادي:الانه يحب ليال ومستحيل يتزوج عليها ليول ماتستاهل
غرور:سمعي حبيبتي خل اقولج معلمه صغيره جراح عمره ماحبها ولو حبه جان ماتزوج عليها
طلال بعصبيه:عدل بينت السالفه كنتي خاشته عندج عشان يتزوجج ...عشان جذي محد كان عارف ارضه من سماه ...عشان جذي ماكان يدق
غرور:طلال لو سمحت انا ماني ياهل الي تتكلم معاي بهال اسلوب وبعدين شل غلط الي سوينا انا وجراح عشان اتعصبون جذي هذا بدلال ماتشكروني الاني انقذته
طلال وهو يصفق:برافو عليج لعبتيها صح سويتي كل هل فلم عشان ياخذج ...جان خليتيه يموت ولا يتزوج وحده مثلج
غرور بعصبيه:طلال عن الغلط
جنى:هي انتي ياخطافت الريايل اتكلمي عدل لا اقوم من مكاني وذبحج
اريام بعصبيه وحزن ودموع:حسبي الله ونعم الوكيل فيج حسبي الله ونعمه الوكيل فيك
خالد بكل هدوء عكس كل الموجودين: رتاج وانا بوج روحي نادي جراح ابي افهم السالفه منه
رتاج:ان شالله يبا
خالد:رتاج:ليال لاتنزل تحت خليها فوق



رتاج:ان شاء الله...وراحت فوق وخلت الكل تحت بحالة غضب .....كانو مثل البركان الهايج ...غضب حقد كره
طقت الباب عليهم ودخلت
رتاج بخوف وتوتر:جراح ابوي يبيك تحت
جراح شاف ملامح ويها وحس انه معرفو بسالفة زواجه من غرور قام وكل ثقه
رتاج همست بذنه:ابوي يقول ليال لاتنزل
جراح ماهتم وطلع من الغرف ولحقته رتاج



بصاله تحت
جراح اول ماوصل شاف الكل بحالة غضب حتى غرور كان مبين عليها انها معصبه حدها
جراح:هلا يبا
خالد بكل هدوء:شنو سالفة زواجك من غرور ...السالفه صحيحه ولا لاء
جراح بكل ثقه ولا مبلات:اي صحيح
هنادي:ليش يا جراح ليش سويت جذي في بنت الناس
جراح :وانا شسويت انا تزوجت على سنت الله ورسوله وماغضبت ربي والشرع حليلي اربع
طلال بعصبيه:اشرع حللك اربع اذا البنت ماتيب عيال ولا مقصره معاك بشي بس بحالة ليال ليش تتزوج عليها
جراح بعصبيه:انت آخر واحد تتكلم ...انت السبب ..انت دمرتني وطعنتني بظهر
الكل منصدم من كلام جراح الي محد فاهمه
هنادي:جراح شهل خرابيط ...بس ماتنلام اضاهر الحست عقلك
جراح:عمري مراح انسى الي سويته فيني ياطلال ولا راح اسماحك
طلال:جراح لاتتهرب من الموضوع احنه بليال مو فيني انا
جراح بقبله(وليال اهيا علتي وجرحي ياطلال)
خالد:جراح ممكن افهم السالفه
جراح:يبا شلي بتفهما انا تزوجت على سنت الله ورسوله
خالد بنبره حاده:ليش تزوجت على ليال
جراح:يبا انا بعد الحادث الي صارلي ضليت فتره طويله عندها ومو معقوله اقعد عندها وانا مو محرم لها
خالد:وليش مارحت عند عادل
جراح:عادل كان مشغول والعين عليه واما غرور فكان من الصعب انهم يلقوني عندها .
طلال بعصبيه:ليش وغرور مو شريكتك ولها نصيب كبير ليش ماسوو فيها نفسك ليش اهجمو عليك انت مو اهيا والكل يعرف انكم كنتو مع بعض قبل ماتختفي
جراح :....
طلال:جراح اعتقد المسأله واضحه ياجراح
جراح:هذا يزات البنت انها انقذت حياتي جذي اتجازونها
اريام بقهر وحزن :والي فوق شنو ذنبها تنطر سنه كامله شنو ذنبها اتجابل الدعله بنتك شنو ذنبها تضيع سنه كامله من عمرها وهيا بحزن وحضرتك بين احضان الشيفه هذي
جراح بعصبيه:اريام ثمني كلامج
خالد:جراح طلق البنت
جراح بخوف :يبا من تقصد
خالد بحزن:ليال
هنادي بدهشه:خالد انت شتقول
خالد:هنادي البنت اتعبت بما فيه الكفايه وجزاها الله الف خير انها تحملت سنه كامله بدون ماتحس انها زوجه ...مو كافي الي راح من عمرها وهيا مجابله ملاك حتى امها ماسو تالي اهيا سوته وعلى العكس وكل عارفين خليها تشوف حياتها بعيد عن ولدج خليها تعيش مثل باجي البنات ليش تعيش مع واحد كان مطلق وعنده بنت وفوق كل هذا توزج عليها...جراح طلقها انت ماتصلح للجوهره هذي
بهذي اللحظه انفجر بركان من الغضب بركان كان من فتره يثرو ويرد يخمد لكن عمره ماثار لي اقصى درجه بس بعد الي صار ماقدرة دانه تمسك نفسها اكثر من جذي
دانه بصراخ شبه هستيري هز المكان من قوته :حقيييييييييير انت حقييييير وهجمت عيله اطقه على صدره...ليش سويت فيها جذي ..هذا انتو يالريايل كل كم جبناء كلكم ماتخافون ربكم ...حسبي الله ونعم الوكيل فيك ياجراح
جراح وهو يوخرها عنه:دانه شفي جينيتي
دانه على نفس الوضع ودموعها على خدها:مو بعيده كل الي صار فيني حوبة هل مسكينه مو بعيده ان الله بينتكم منك فيني ليش ياجراح ليش ضلمت بنت الناس ...انت ضلمتها مثل مانضلمت انا حسبي الله ونعم الوكيل فيك ان شاء الله ماتتوفق معاها ان شاء الله ماتشوف يوم حلو بحياتك ياجراح ...ليش رديت ليش كنا عايشين بدونك بأمان بس هذا انتو ياريايل تحبون تعذبون وتذلون الشخص الي يحبكم



بردكم قبل فتره من الزمن بيوم زواج دانه من فراس
بأحد الفنادق الفخمه ..كانو المعاريس يقضون ليلتهم الاولى ..ليله تختلف عن كل ليالي العمر..ليله يحلم فيها كلا الطرفين بأدق تفاصيلها
فراس:داني واخرا صرنا مع بعض
دانه كانت خايفه منحرجه وماردت عليه
فراس وهو يقرب منها:القمر ليش متوتر ترى الموضوع ما يستاهل
دانه بصوت يدوب ينسمع:لا مومتوتره
فراس قرب اكثر وصار لازق فيها:اكيد
دانه اتهز راسها (اي)
بعد مرور ساع هاو اكثر وبعد عدت محاولات بأت بالفشل كان الوض متوتر بشده بين الطرفين
فراس بخوف من الي صار:داني ماعليه يمكن انا متوتر عشان جذ ماقدرت
دانه :لا عادي
فراس انسدح على الفراش وعطاها ضهره:تصبحين على خير
دانه وهيا معطته ظهره ودموعها على خدها:وانت من اهله
هذي كانت اول ليله تقضيها دانه مع زوجها وحبيب قلبها فراس
مرت الايام والوضع كما هو ..فراس صار عصبي ومن يشوفها يتذكر عجزه ..ويحط حرته كله فيها
وكان كل يوم يطلع من الصبح ومايرد الا متأخر بس عشان لايشوف دانه ...لكن بهذا اليوم دانه كانت مسويه اجواء رومنسيه ولابسه نفنوف وردي فاتح لي الركبه ومسويه شعرها كيرلي وحاطه ميك اب خفيف بدرجات والوردي...لعلا وعسى الاجواء هذي اتيب نيجه
فراس دخل البيت ومن شاف دانه لابسه وكاشخه ين على شكلها والاجواء هذي ودانه حست من اول ماشافته انه ابتسامته ردت لها
دانه:عجبك
فراس:انتي الي محليه المكان
دانه بفرحه:حبيبي انت ...فروسي
فراس:ياعيونه
دانه بدلع:مو يوعان
فراس:اممم ...مابي اححبطج واقولج ماكل بس ماعليه اذا فيه شي يسوى ناكل مره ثانيه كلش ولا زعل داني دنيتي
دانه بفرح:فديتك حبيبي ثواني بس ايب العشاء ..وراحت يابت العشا وقدو ياكلون ويسولفون ويضحكون وبعد ماخلصو
دانه:فروسي ماتبي اتنام
فراس كان منسدح على القنفه ويدخن
فراس بتوتر:ها لالا انتي روحي نامي وانا بعدين انام
دانه:فروسي خنحاول مره ثانيه
فراس:دانه روحي نامي
دانه:انزين ليش ماتروح الطبيب تفحص
فراس ين ينونه وقام يصارخ :ليش الطبيب انا مافيني شي عشان اروح الطبيب ...انا مثل الحصان بس انتي ويهج فقر ولا انا قبل كنت كل يوم مع وحده ومافيني شي تفهمين مافيني شي
دانه ودموعها على خدها:دام قبل كنت حصان اشفيك الحين ماتقولي شلي تغير
فراس وشرار طالع من عينه:انا اقولج شلي تغير وخذا الزقاره الي بيده وطفاها بصدرها
وهذي كانت حالت دانه لين جسمها صار مشوه من الحروق ماقدرت تتحمل اكثر من جذي استغلت فرصت خروجه من البيت وهو مستعيل نسى يقفل الباب عليها (طبعا من يوم الي حرقها وهو كل ماطلع من البيت سحب التليفون منها وتليفونات البيت ويقفل عليها الباب)خذت مفتاح سيارتها وعلى طول راحت بيت ابوها تستنجد فيهم من الضيم الي شافته وخالد بدورا كلم ارفيج عمره ابو فراس وتفقو انهم يطلقون دانه لكن فراس ماكان راضي وقالهم انه يحبها والي صار غصبا عنه وطلب منهم يعطونه فرصه للعلاج وبعد فتره من العلاج دامت اشهر تشافى فراس وراح وراضى دانه بالكلام الحلو والهدايه الي آخره ...ودانه بنت تمشي ورا عاطفتها وقلبها ويالتها مامشت ورا قلبها ..ردت بيتها وهيا بقمت السعاده
فراس:دانيي لا تزعلين مني الي صار غصبن عني
دانه:اوووش الي فات مات وحنا عيال اليوم
فراس:يابعد عمري
دانه:فروسي ممكن سؤال بس لاتزعل مني
فراس:لا ماأزعل قولي
دانه:ليش صار معاك جذي
فراس:كان معاي سكر وانا ماني عارف وهالشي سبب لي عجز والحين الحمدالله كل شي عال العال حتى امس جربت
دانه:فروووس شلي جربته
فراس:هههههههههه لايبا اتغشمر معاج...بس مايضر لي جربنه الحين ..ويغمز لها


وبعد مرور الوقت
فراس:تأكتي الحين اني ريال
دانه بأحراج وماكانت تقصد شي:اي
فراس:دانه...انتي هذا الي كنتي تبينه مني
دانه :شلون ماني فاهمه
فراس:لا فاهمه قصدي عدل ولا تستعبطين...انتي كنتي تبيني ادخل عليج وهذا انا دخلت عليج
دانه:ماني فاهمه شي
فارس:هع مو مهم المهم انج طاااااالق طالق...انتي طالق يادانه...انتي ماتستحقين تكونين زوجه الانج ماصبرتي علي وفضحتيني عند اهلج ...يالله الحين روحي لهم وقولي لهم فراس صار ريال ودخل علي وبعده طلقني
دانه وهيا تبجي وتصارخ:فراس ليش ليش طلقتني انا ماكلن قصدي شي ...وتبجي..فراس انا احبك حرام عليك ليش سويت فيني جذي ليش
وبجذي ردت دانه بيت ابوها بنفس اليوم مطلقه من فراس ومن هذا اليوم البست لباس الحزن على حالها


نرجع عند جراح ودانه
دانه كانت على وضعها تصارخ على جراح بهستريها:روح يا جراح روح من مكان الي يته منه او موت وريحنا كلنا موت ياجراح موت..ليش تزوجت عليها ليش دمرتها مثل مادمرني فراس
ليال كانت نازله من السلم ومعاها ملاك اسمعت آخر كلام دانه وعتقدت انها منفعله من الي صار لها ...لكن وقفها كلام جراح
جراح: انا ماكفرت بالله انا تزوجت على سنت الله ورسوله واذا ليال ماتبي تعيش معاي اهيا مو ملزومه
طلال:انت صاحي ولا مينون اطلق ليل وتخلي هذي على ذمتك
جراح بعصبيع:طلال حدك عاد غرور زوجتي ولا ارضى اي مخلوق يمسها بكلمه فاهم وحترامها من احترامي
غرور كانت واقفه بكل ثقه وهيا بقمت السعاده
اريام بعصبيه:حسبي الله ونعم الوكيل فيج مالقيلي الا جراح حاطع عينج على ريال متزوج خربتي حيات البنت ياعلج ماتتوفقين
هنادي:جراح طلق هذا ورده من مكان مايبتها يما صدقني ليال خوش بنت ليال تنحط على الجرح يبرى ...ليال شايله بنتك على كفوف الراحه ليال تحبك وتموت فيك مو يزاتها انك تغدر فيها وتتزوج عليها
ليال ماقدرت توقف اكثر من جذي ومن شدت الصدمه اقعدت على السلم ودموعها على خدها بدون صوت وبقلبها(جراح تزوج علي امببلا تزوج علي ...بعد كل هل البعد والعذاب جراح تزوج علي ...جراح رد بس مارد لي ..جراح رد بس معاه انسانه غيري ...يارب شلي قاعد يصير معاي ..اكيد في شي غلط جراح يموت فيني جراح سافر ودموعه على خده عشاني ...اي عشاني مو عشان اي احد )كانت تبجي وتشهق بصوت واطي كانت تحاول تكتم بجيتها كثر ماتقدر ...لكن ملاك الي كانت بحضنها من شافت ليال تبجي بجت معاها وخلت الكل يلتفت عليها
اريام من شافت ليال بهل حاله اركضت لها وراحت عندها ولمتها حيييل...خلاص طفح الكيل ماعاد القلب له طاقه على التحمل القلب انكسر وتنتف صارت اجزاء صغيره من الصعب جمعها مره ثانيه
اريام:ليول ياقلبي خليه يولي هذا مايستاهل دمعه منج ليول حبيبتي الله يخليج لاتبجين
خالد من عند اول عتبه من السلم:رفعي راسج وانا بوج انتي بيت ارجال والف واحد يتمناج
هل كلمه اقهرت جراح ..لكن سكت وما علق عليهم
دانه راحت عند صوب ابوها وهيا تكلم ليال:ليول رفعي راسج ...ومسحي دموعج ...هذا منو الي تبجين عشانه هذا ولا شي
جراح بعصبيه:دانه
دانه لفت عليه:وهيا تصارخ بويها وتكلم ليال:هذا الي كنتي كل يوم تبجين عشانه دم هذا الي كنت ذابحه نفسج عليه هذا الي كنت تدعين كل ليله انه الله ياخذ من عمرج ويردلج جراح...قاهو ردلج جراح بس رد متزوج عليج قومي...هذا الي كنتي كل يومين اتنامين بالمستشفى عشانه هذا الي خلاج تعيشين بعذاب وانتي بأول العمر هذا مايستهال ظفرج قومي ولا تبجين على واحد وايسوى تراب ليلج وخلي بنت ابليس خطافت الريايل تنفعه
ليال بصراخ وبجي:بس خلاص كافي يادانه دافي رحميني
اريام وهيا تلمها وتلم ملاك الي بحضنها:بس رحمي حالج كافي حزن على واحد باعج...ليول جراح مايساهلج والله مايستاهلج والب باعج برخيرص بيعيه بتراب
ليال وخرت من اريام وقامت اوقفت ودموعها على خدها وتحاول تتكلم بقوه:أنا ريدتلك الامانه مثل ماخلتها واحسن ...اعتقد مافي شي يربطنا ...جراح ريحني
جراح:الي تبينه بيصير
ليال:طلقني ياجراح والي يرحم والدينك طلقني ماضل للجروح مكان
جراح:انتي طالق
رتاج بصرخه:لالالا حرام عليك ليش ياجراح ليش
جراح:بس خلاص سويتولنا مناحه والموضوع مايسوى
اريام بعصبيه:الزفته الي معاك اهيا الي ماتسوى ...ياعلني اشوف فيج يوم حسبي الله ونعم الوكيل فيج
ليال اصعدت غرفتها خذت جنت ايدها ومفتاح السياره ونزلت تحت
خالد بحزن:وين وانا بوج وين رايحه بهال ليل
ليال ودموعها على خدها:بيت ابوي يايبا
خالد:شلون تطلعين من البيت وانتي بهل حاله ...لا يبا قعدي وباجر روحي
ليال:آسف هيبا بس ماعاد لي ماكن بهذا البيت ...ومشت عشان تطلع ...لكن وقفتها ايد صغيره كانت لامه ريلها
ملاك وهيا ماده بوزها :ماما معاج
ليال غمضت عينها نفجرت بجي
ملاك بدت تبجي مع ليال :ماما معاااج
ليال بصوت يدوب يطلع:اريام تعالي اخذيها
اريام راحت عشان تاخذ ملاك الي كانت ماسكه ليال بقوه من شافت اريام قربت زادت بجي وصارت تمسك ليال بقوه
ملاك وهيا تبجي بصوت يقطع القلب:ماما معاج ...وتصارخ...معاج معاج...ماما عفيه معاج
هذي اول مره تنطق فيها ملاك كلمه عفيه الي كانت تسمعها من ليال دايما لمن تبي منها بوسه وملاك ترفض ...ومن اتقول لها ليال ملوكتي عفييه ابي بوسه..كانت اتلمها متبوسها...هل كلمه فطرت قلب ليال
ليال بقلبها( بنتي اي بنتي ملوكه بنتي انا مو بنت احد غيري...بس سامحيني ياينا ماعاد لي مكان بهل بيت)
ليال انزلت لي مستوى ملاك ولمتها حيل وقامت اتبوسها :بس حبيبتي بس خلاص لاتبجين انا بروح اشوي وبي
ملاك:معاج ماما معاج
الكل كان واقف وطالع الام وبنتها ومحد قادر يتحرك كل اجزاء جسمهم ثابته معدا عينهم الي كانت تمطر بغزاره
ليال:ملوكتي انتي روحي معه ريومه انا بروح الطبيب اخذ دوا واي انزين
ملاك وهيا تبجي:ماما معاج
ليال اشرت حق اريام عشان اتشيل ملاك منها ..ولمن شالتها ملاك قامت اتصرخ بكل هستيري ...ملاك ماعرفت بحياتها ام غير ليال وليال ماكانت اتفراقها كل شالا اذا نامت بالمستشفى ...شلون تطلع من البيت بدون ماتاخذ بنتها معاها .....شلون تخليها بروحها
طلعت ليال من البيت وهيا بحاله لايرثى لها من البجي بصوت عالي
ارايم من القهر الي فيها راحت عند غرور وقطت ملاك عليها :اخذيها وجابليها ولا بس تبين الريل وماتبين بنته يالله اشوف وريني شطارتج وسكتيها
غرور وهيا توخر ملاك وتحطها على الارض:ليش قالولج بيبي سيتر
ارايم:انا ماشفت اوقح من جذي ممكن سؤال انتي اخت ابليس برضاعه ولا شنو بضبط...وشالت ملاك الي كانت تبجي وتصارخ وماكان على اللسانها غير ابي ماما ...ابي ماما...شالتها وراحت فوق
اما جراح كان واقف منصدم من ردت فعل بنته ..معقوله متعلقه فيها جذي معقولها ملاك تعتقد انه ليال امها ...صوت ملاك وهيا تبجي بحرقت قلب طفل بريء مايبي شي من الدنيا غير حضن امه الي يحميه ويدفيه ويعوضه عن اي شي
خالد:ماكان هذا العشم فيك ياجراح ...وخلاه وراح ورا اريام


بعد ساعتين من خروج ليال من الفلا
رن تليفون طلال
جنى:منو
طلال:فواز والله مالي ويه اكلما
جنى:اي رد مو حلوه اطنشه
طلال:هلا فواز.(وبدت تتغير ملامح ويها)......شنو انت شتقول ......الا حول ولا قوته الا بالله ....انتو وينكم الحين....كاني ياي ياي


نهاية البارت

 

[حقووقيــــــه]

احلاهم يلااااابليزز
تعبت وانااسوي ريفريش ((((((

 

[@أحلاهم وأتحداهم@]

قرائه محزنه ( ممتعه) للجمييييييييع
وتصبحون على خير
والله اني عارفه ولاوحده فيكم بتنام من القهر

 

[حقووقيــــــه]

امبيييييييييييه لاااااااااااااا
بااارت مو صججججججججج
عواااااااااار قلب

امبيييه ليااااااااال ... يارب ما صار فيها شي ياااااارب
امبييييييه عوووور قلبي والله

 

[هنووفوو]

وناااااسه باااارت:eh_s(9)::eh_s(9):
يسلموووووو
الحين بقراه

 

[so_what]

واااي لااااء البارت عواااار قلب وجراح حقييييير :rgewrg: مادري شحب بغرور حتى بيبي ستر مو نافعه ، بس لا تقولين ليال سوت حادث وماتت بلييييز:eh_s(11)::eh_s(11): ويسلمووو على البارت :eh_s(17):

 

[سارووونه22]

لا والله قلبي عورني حسبي الله ونعم الوكيل على كل ظالم