روايتي الثانيه : رآح الامـل ..

[Đ₥яŋỳ♣7βҜ]

بـآك ..
اليوم انشالله البآرت -.-
سوري ع آلتأخير ؛*
​

 

[A7laa kuwaitia]

لا عادي
يلاا ناطرينج

 

[Đ₥яŋỳ♣7βҜ]

ملاك منزله راسها و تنزل دموعها بهدوء
انصدمت ب إيد تمسح دموعها ..
...: دموعج غاليه وما عاش من ينزل دمعتج دام راسي يشم الهوا
ملاك رفعت راسها بصدمه : خالد ؟
خالد : شفيج يبا
ملاك بصدمه : خالد وينك ؟ انت بخير ؟
خالد بابتسامه : كاني جدامج بخير .. ملاك .. شفيج ؟ ليش تغيرتي ؟ ذبلانه و احسج ضايعه مشتته .. انتي ملاك القويه الي ما يهزج شي .. ليش تبجين ؟ انتي كانت دموعج بالـ يالله تنزل .. و الحين بكل بساطه تنزل و جدام الناس ؟ شصاير ؟
ملاك مسحت دموعها من الفرحه : الحين نسيت كل شي .. الحين استانست .. قولي انت وينك ؟ شصايرلك ؟ ليش فجأه جذيه انقطعت ؟ تدري سألت كل الجامعه عنك حتى ربعك يقولون ما ندري عنه
خالد : بعيد الشر عنج الوالده فيها سرطان بالرحم .. و عالجت فيها برا الكويت و سوولها عملية استأصال رحم .. و انتي تدرين انا اكبر واحد بالبيت و الباجي كلهم يهال .. ف خذيتهم معاي و ربيتهم هناك .. سنتين وانا اعالج بأمي .. و الحمدلله تحسنت شوي .. و كاني ييت اكمل دراستي بالكويت
ملاك : ما تشوف شر و الحمدلله على سلامتها .. خلود وايد فاقدتك و فاقده خبالك بالكلاس
خالد يضحك : يا مليقه الحين هاذا الي تذكرتيه ؟
ملاك استحت : جب جب بعد شنو انت الوحيد الي تونسني و تغير مودي
خالد : ها باجيلج سنه و تتخرجين عدل ؟
ملاك بغرور : اي .. شفت شلون كبرت
خالد : زين ما قلتيلي .. شفيج ليش كنتي تبجين ؟
ملاك نزلت راسها : ويه خلود لا تضيق خلقي مستانسه لاني شفتك .. سالفه طويله .. اوه عندك بي بي ؟ عطني البن مالك
خالد : هاج 277****
ملاك ابتسمت : حليان يا شقول
خالد يضحك : اي بعد صرت لندني
ملاك بغيره : اي احنا هالسنتين خايسين بحر الكويت و انت مستانس بلندن
خالد : بل بل بتحسديني ؟ استانسي يبا رجعت حق حر الكويت .. عاد والله مشتاقلها و مشتاق لاهلها
ملاك : وي صج ما قلتلي .. شيايبك هني ؟
خالد : ماكو كنت امشي ع البحر و شفتج من بعيد
ملاك : ماشالله عليك تتذكرني ؟
خالد : اي شلون .. انا عمري ما نسيتج ( كان قاصدها )
ملاك ضحكت : ما تغيرت يعني ؟
خالد : امبلا صرتي اجكر
ملاك بعصبيه : هيييييي خويلد
خالد ميت ضحك : لالا اضحك كلج حلا
( يت شيخه )
ملاك وقفت ووقف معاها خالد ..
ملاك : اعرفج شيوخ .. هاذا خالد زميلي بالكلاس .. الي كلمتج عنه
شيخه : اها عدل عدل .. هلا خالد
ملاك : اعرفك خلود .. هاذي شيخه اقرب رفيجاتي تقدر تقول اكسجينني
خالد : امبلا اذكرها بالجامعه معاج .. هلا فيج شيخه
ملاك : مشكوره عالماي .. خلود سوري بس انا الحين لازم ارد البيت .. نايس تو ميت يو .. و اقبل اضافتي
خالد : مي تو .. اوكيك .. بحفظ الرحمن
( راحو )
ملاك و اهي تمشي : امبي تدرين شيوخ عمري ما توقعت بيوم اشوف خالد .. كلش ايست اني اشوفه
شيخه : بس الله ياخذ بليسه حلو
ملاك : ايييي من صجج حليان على قولته صاير لندني
شيخه : هو ليش لندني ؟
ملاك : راح يعالج بامه سنتين عشان جذيه انقطع عنا
شيخه : يحليله كبر بعيني
ملاك : مو اكثر مني .. حسيته صج ريال .. ربى خواته و اخوانه الصغار و سافر مع امه .. سنتين ضيعهم من حياته و مستقبله بس عشان امه .. الله يكمله بعقله .. نادر في رياييل جذيه
شيخه : عاد بيرد الجامعه ؟
ملاك بفرحه : ايييييي .. تدرين خلود اغلى حتى من اخواني .. صج هاذا اخوي الي ما يابته امي
شيخه : صح باين محترم
ملاك : اممم ما علينا .. هئئئئئئئ ( شهقت )
شيخه خافت : شنو شفيج هي شصاير ؟
ملاك : اصدميني و قولي بنرد مع ابراروو ؟ خو اهيا مارتنا ؟
شيخه ضحكت : لالا اهي راحت .. بنروح مع حمودو .. تخيلي طلع هني موجود اهو و ربعه
ملاك : نعم ؟ حمد ؟
شيخه انصدمت : اي ! ليش شفيه حمد ؟
ملاك " ويييه الله يخسني فضحت عمري " : لالا ماكو شي بس انصدمت انه هني .. شنو متواعدين انتي وياه هههه
شيخه تضحك : شكله تصدقين .. يلا امشي لانه الحين بيروح .. باجر عنده دوام
ملاك : اوكيه​

,,​

عبدالله يلعب بلاستيشن : صويلح يا انا يا انت
صالح يضحك : روح زين انا من زمان غالبك غالبك
عبدالله بقهر : ولك انت شنو نذل .. كافي مو مخليني اتزوج
صالح مات ضحك : اي سالفة الزواج لاعبه فيك لعب
عبدالله : هو في حاقه احلى من القواز
صالح : والله عاد انا مطول لان في وحده ببالي و ناطرها
عبدالله انصدم : طلعت منت هين صلوح .. منو هاذي ؟
صالح يطالعه بطرف عين : ماني قايل .. انت توك ياهل
عبدالله يعطيه بوكس ببطنه : ياهل بعينك
صالح : آووووج خلاص يبا انت عيوز .. زين جذي ؟
عبدالله يضحك : اي زين ​

//​

دانه تمشط شعرها : حبيبي سامي ماراح تنزل تحت ؟
سامي : لا نعسان بنام
دانه : اوك عيل نوم العوافي ..
لبست دراعه بيجيه .. جم طويل فلو من عند الايد .. و فلو من عند الصدر و تحت الصدر فيونكه ورديه .. و ياي موديله كسرات لانها بالشهر الثامن .. حطت حمره ورديه فاتحه و نزلت تحت
ام سامي بفرحه : هلا يمه هلا
دانه : هلا فيج خالتي
ام سامي : ها شلونج ؟ مصيفه اليوم
دانه تضحك : والله حفيدج مينني بس يرافس .. نمت متأخر
ام سامي دمعت عينها : هانت كلها شهر و اشوفه
دانه بخوف : الله يستر والله كل ما ييبون سيرة الولاده اخاف
خديجه : لا لا تحاتين .. سيرة العمليه و المستشفى تخرع ييلج مقص من الخوف بس انشالله تولدين طبيعي
دانه : ودي عمليه بصراحه .. خايفه من الطبيعي
خديجه : لالااااا .. العمليه بنج و اخطر ترا .. الطبيعي جنه عوار الدوره
دانه : الله يستر
ما قلتلكم ؟ علاقتهم حيل تحسنت مع دانه .. تصافت القلوب
لكن هل بتم هالعلاقه بعد الولاده ؟
تابعوني بالبارتات اليايه ..​

,,​

ملاك ماسكه ايد شيخه : احبج
شيخه تلمها حيل : وانا اكثر
حمد معصب : شفيكم انتو توكم حبيتو بعض ؟
شيخه تضحك : زين شفيك معصب .. شحارك انت
حمد بنبره هاديه : باجر وراي دوام
ملاك : امبي خايسه اموت فيج
شيخه : يا زفته وانا اكثر
حمد بطها ضحك : ههههههههههههههههههههه
شيخه : شفيك ؟
حمد : يعني جذي تحبون بعض ؟ زفته و خايسه ؟
شيخه : يا ملقك ( تركب السياره )
ملاك طاحت عينها بعين حمد و حمد طالعها بنظرة استحقار
ملاك ركبت السياره و حمد ركب السياره ..
شيخه بتفاعل : ملوك باجر ملجة هنادي
ملاك : حلفي ؟ امبييه شلون نسيت
شيخه : المهم ما علينا باجر منو يمر الثاني ؟
ملاك : انا امرج الظهر
شيخه : لا العصر احسن
ملاك : يمكن يكون الصالون زحمه واحنا يبيلنا ميك اب و شعر
شيخه : صح صح
حمد : اووووف باجر ملجتها ؟ لازم اروح المشكله عندي دوام
شيخه : دوامك الفير خو عادي
حمد : بس لازم انام .. وراي كرف
شيخه : الملجه الساعه 8 .. يمديك يمديك ​

//​

مريم : اوف ما شبعتي قرقه ؟
عايشه : بعد ملل و نوروه نفس حالتي
مريم : ما بغيتو تسدونه
عايشه تضحك : لا ابشرج الحين بتدق بس لان معاها خط
مريم بعصبيه : امبيه انتو بشر ؟
عايشه ميته ضحك : شحارج انتي ؟
مريم بنبرة توسل : عوشوه مللللللللللل
عايشه : روحي عند احمدو .. اهو الوحيد الي عارفلج يدري انج شاذيه
مريم : مليقه ترا
عايشه تطلع لسانها :
( مريم راحت فوق )
ترن ترن
عايشه ضحكت : اكيد نوروه
عايشه : الوو
...: ......
عايشه : ويعه نوروه ردي ماحب حركاتج
محمد : اصيرلج نوره
عايشه من الخرعه سدته بويهه
عايشه " امبيييييه هاذا محمد .. فشله فشله "
ترن ترن
عايشه :.....
محمد : عواش ادري انج عالخط
عايشه باحراج : امبي محمد سوري بس والله العظيم عبالي نوره رفيجتي
محمد يضحك : لا عادي .. شلونج ؟
عايشه : تمام الحمدلله
محمد : اممممم احمد موجود ؟
عايشه : اي فوق
محمد : ناديلي اياه ماعليج امر او عطيني رقمه
عايشه : هاك رقمه 990****
محمد : اوك مشكوره , تبين شي ؟
عايشه : لا سلامتك ..
محمد : مع السلامه ( سده )​

,,​

ردت ملاك البيت و نـامت ..​

//​

صـبـاح الـيـوم الـثـانـي ,
ملاك معصبه : اووووف انشالله ترد الساعه 1 و ليلحينها خامده
ملاك : ماكو الا ادق على تلفون بيتهم ​

بـنـفـس الـوقـت ..
حمد يشرب ماي و كشته طاير
حمد عيونه مصكره : ميري احد يدق على تلفون البيت يبيني قوليله مو موجود
ميري : جين
( طلع من المطبخ )
ترن ترن
حمد : وليييييه بلشنا .. صج ربعي هلاقه
حمد يرد بصوت نعسان : الووو
ملاك " شحلات صوته باين نايم " : أأ .. السلام
حمد عرفها : نعم
ملاك : زين رد السلام .. ترا مو لك لله
حمد بملل : وعليكم السلام و رحمة الله و بركاته .. اي خدمه ؟
ملاك : وين شيخه ؟
حمد : خامده
ملاك : عفيا ممكن تقعدها ؟
حمد بعناد : لا مو ممكن
ملاك بعصبيه : شلون يعني ؟ متى نروح الصالون ؟
حمد : اختي حلوه ماله داعي تروح صالون بس انتي سحته لازم تروحين
ملاك متنرفزه : حمد .. قوم قعدها
حمد ببنبره هاديه : نو نو
ملاك : اوك الحين ايي بيتكم و اقعدها ؟
حمد : حياج .. البيت بيتج
ملاك بعصبيه : شلون يعني ؟ يلا قعدها ؟
حمد : قود نايت بيبي ( سده )
ملاك " وووويع ينرفز ينرفز .. فشله اقعدها .. خو شسوي ماعندي الا هالحل "​

//​

خالد منسدح يفكر :
" ملاك .. اخ يا ملاك .. من عرفتج وانتي ملكتي عقلي و قلبي و تفكيري و كل شي .. وو الحين لما شفتج بعد هالسنين .. جددتي فيني امل .. حسيت ان توني شاب مراهق .. حسيت اني بحياه ثانيه .. بس ياترى ليش كانت تبجي ؟ .. معقوله تحب ؟ .. ولا اخوها عبدالعزيز ضايقها .. اول مارجعت نامت ما كلمتني .. يارب تكونين عند حسن ظني وما انصدم فيج "
خلوني اتكلم شوي عن خالد ..
هاذا رفيج ملاك .. اقرب انسان لها .. محترم و وفي .. ملاك تقوله كل شي عنها .. يعرف الاشياء الي خواتها ما يعرفونها .. يحبها بس ما يقولها لانه خايف يخسرها و غاب سنتين وما نساها .. صفاته حلوه .. ريال بمعنى الكلمه .. حبوب .. ما يجذب الي بقلبه على لسانه .. وايد حنون و طيب .. و ملتزم بصلاته و يحب امه حيل متعلق فيها بعد وفاة ابوه
بالنسبه لملامحه .. ماشالله جنه صوره .. عيونه وساع و حاده .. خشمه فيه كسره و طويل شوي .. شفايفه صغار و ورديين .. و السكسوكه مع الديرتي معطينه ستايل .. و شعره كثير و الكل يمدحه و يحب يسوي فيه قصات .. و جسمه حلو .. لا كرشه لا زوايد و مجسم شوي
البنات كلهم متحطمين فيه .. و الكل يتلزق فيه بالجامعه و يسجلون بالمواد الي مسجل فيها ​

,,​

ملاك تطق الجرس ..
ميري : جين جين ( تفتح الباب )
ملاك تقط نظارتها معصبه : وين ماما شيخه ؟
ميري : نايم
ملاك : اوك وخري شوي ( تصعد فوق )
ملاك صعدت فوق و متوهقه ماتدري وين غرفة شيخه و بنفس الوقت ماتبي تنزل تحت تسأل ميري لانها ماتعرف وين المطبخ
ولييييه شالوهقه .. شسوي الحين ؟ اشير ؟ وييي اذا دشيت غرفة حمد شيفكني من كلامه .. افففف وين اروح ؟ امبي شسوي ماحب انحط ابهالمواقف يارب ساعدني
حمد طلع من غرفته واهو بـ مكسر ( فانيله + سروال )
حمد كشته طاير و صوته فيه النوم : ميييييري مييييييييري يبي شحن مال تلفـون آنا
ملاك شافته و نزلت عيونها بسرعه " امبيه انشالله ما يطلع جذيه "
حمد فتح عيونه على كبرهم : اووه انتي هني ؟
ملاك بغرور : وين غرفة شيخه ؟
حمد يقرب يمها : هلا هلا ( قاصد يحرجها )
ملاك بلعت ريج و بعدت عنه : وين غرفة شيخه ؟ كلامي مفهوم
حمد بنبره تذوب : لا مو مفهوم ( رافع حاجبه ) فهميني
ملاك " ايننن اييينن " : لا سوري كلام الملوك لا يعاد
حمد قرب : يعني انتي الحين ملكه ؟
ملاك بعدت و لزقت بالطوفه : اي اكيد .. زين ابي غرفة شيخه
حمد حط ايده عالطوفه و صار مجابلها بالظبط و متخصر : ماني قايلج شتبين يعني
ملاك خايفه من قربه : اول شي وخر .. ثاني شي قول احسن لك
حمد بنبره هاديه : تدرين ؟ تطلعين حلوه لما تنحرجين وترتبكين
ملاك تخصبقت : أ.. حمد ابي شيخه
حمد يضحك : زين شدعوا جذي خايفه ماراح اكلج ترا
ملاك رد لها غرورها : امبلا خايفه تاكلني
حمد رافع حاجبه : من زينج
ملاك رافعه خشمها : غيرك يبي كلمه مني
حمد بنبره تذوب الصخر : انــا غـــيـــر
ملاك : خير انشالله .. مطول ؟ ابي شيخه وخر ترا ورانا درب
حمد وخر عنها : روحي لا تستنزلين ( يضحك )​

ملاك دخلت غرفة شيخه ..​

ملاك قربت يم شيخه و شافت عالكوميدينه بطل ماي ..
ابتسمت بخبث و بدون سابق انذار كبته على ويهه شيخه
شيخه فزت : هئئئئئئئئئئئ
ملاك : هههههههههههههههههههههههههههههههههههه
شيخه مخترعه : شفيج شصاير منو مات شنو
ملاك : ههههههههههههههههه لالالالا هههههههه تحـ هههههههههه تحفه
شيخه : هييييييييييي شفيج ؟ ( معصبه و تمسح الماي الي بويهها )
ملاك باستهزاء : لا يا حلوه تو الناس .. الساعه شوي و تصير 2 وانتي منخمده ؟
شيخه : الناس مو جذي تقعد .. خرعتيني يا جلبه
ملاك : قومي غسلي ويهج و لبسي انا ناطرتج بالصاله
شيخه بكسل : بنام .. بس ربع ساعه و قعديني
ملاك معصبه : قوووووووومي الحين
شيخه تقوم من السرير : افففففف ما يخلون الواحد ينام على راحته
نـزلـت ملاك تحـت تنـطر شيـخـه ,
تكلم خالد بيبي ام على ما تخلص شيخـه
وكانت طول الوقت سرحانه تتذكر كلمته و نبرة صوته ابهالكلمه بالذات " انــا غــيــر " ​

//​

عايشه بترجي : تكفين زيون نامي عندنا
زينه " خايفه اشوف احمد " : امممممم مادري اخاف اثقل عليكم
عايشه : يلا زين جبي اشهالحجي تكفين تعالي
زينه : مادري اشوف اشوف
عايشه معصبه : شنو اشوف .. لا تصيرين مليقه و يلا تعالي
زينه تضحك : اوك
عايشه مستانسه : هيييييي وناسه متى تييلنا ؟
زينه : جذيه عالـ 4 و شي .. الحين جم الساعه ؟
عايشه : الحين الساعه 3 و 10 دقايق
زينه : خلاص عيل اقل من ساعه وانا عندكم ​

,,​

ملاك تكلم الصالونه : اول شي بالنسبه للمكياج انا وريتج نفنوفي قبل شوي عدل ؟ ابي تكون الحمرا عنابيه نفس لون الشريطه الي تحت الصدر .. و الشدو بغيته طبقه وحده اوف وايت مع ايلاينر شوي تكثرينه و لون الكريم برونز طبعا مع الاضاءه الي عالخشم و المسكرا و العدسات
الصالونه : تكرم عينك و التسريحه ؟
ملاك : امممم تعرفين تسريحة نانسي عجرم بفيديو كليب يا كثر ؟
الصالونه تضحك : لا والله ما بعرف
ملاك تطلع بتلفونها صورة التسريحه و هي عباره عن قذله تحت الحاجب مدرجتها و حاطتها على الجنب و كبه بسيطه تحت و طريقته رخوه و نازله منها خصل
الصالونه : ايه من عيوني
ملاك : بس حبيبتي انا يايبه معاي فيونكه اوف وايت ابيج تحطينها بالمكان الي يعجبج انتي تعرفين ابهالسوالف ​

من جانب اخر ..
شيخه : اممم والله شعري طويل مادري شسوي .. سمعي سمعي ابيج تسوينه كله استشوار و قذلتي تقصينها سيدا تحت الحاجب مو مدرجات .. الغره تعرفي الغره ؟
الصالونه بابتسامه : ايه ايه عام بفهم عليكي
شيخه : و من ورا بف خفيف و تثبتيه بفيونكه زرقه انا يايبتها فاهمتني ولا اعيد ؟ ترا بالشرح مو شي انا
الصالونه ضحكت : فاهمه فاهمه .. و الميك اب ؟
شيخه : الشدو سموكي درجات الازرق و المكياج ابيه خليجي اوفر شوي و الحمرا حمره و لون الكريم ابيض
الصالونه : اوكيه ​

//​

الـسـاعـه 6 بـالـظـبـط
ملاك تطالع نفسها بالمنظره : وااااااااو وااااااااااو مشكوره حبيبتي ما قصرتي جد عاجبني شكلي اليوم
الصالونه بابتسامه : عن جد ؟
ملاك : اي والله يعطيج العافيه خلاص عيل كل مناسبه بييلكم و بسويلكم دعايه
الصالونه : ميرسي حبيبتي
ملاك : خنروح عند شيوخ بالغرفه الثانيه ( راحت )
شيخه و ملاك بصوت واحد : وااااااااااااااااااااو
ملاك : شكلج اينن يالخايسه
شيخه : والله انتي الي تهبلين
ملاك بحزن : طلعنا جياكر طول هالفتره ؟
شيخه تضحك : يحليلج توج تدرين ؟
ملاك : مالت عليج امشي نلبس النفنوف و العبي و نروح ترا بس ساعتين و يدخل عليها ريلها يلبسها الشبكه وانتي لازم تكونين اول الحاظرين
شيخه : صح صح يلا امشي نلبس ​

,,​

مها تضحك : يحليلها ملوك رايحه ملجة بنت عم رفيجتها امبيه شكلها الخايسه بتخون فينا و تتزوج
عذاري : اي شرايج بتترزق الله عيل تجابل وييهنا ؟
مها : خلاص امشي نحط اعلانات بالجرايد فتيات للزواج
عذاري : هههههههههه ماكو شغل لالا عاد تخيلي
مها : و يدقون علينا الهنود ماما في سوي زواج ؟
عذاري : ورب الكعبه انتحر يكرهوني بشي اسمه بيت و عرس و عيال
مها : اقولج خبر بمليون دينار ؟
عذاري بحماس : قولي قولي
مها : ابوي قاعد يسوي الخيام لان بنروح البر و بيعزمنا كلنا
عذاري بصرخه : اللللللللله حلفي حلفي مهاوي
مها : واللللله
عذاري " بشوف عبدالله وناسه " : امبي بعد عمرري ونستيني عاد هناك بنفصل
مها : اي تكفى لا ندق الثقل ترا مو لايق علينا​

//​

السـاعـه 7 ..
شيخه بابتسامه : اعرفكم بنات .. ملوكه رفيجتي و اقرب انسانه لي
البنات بغيره : هلا ملاك ( لانها طالعه احلاهم )
ملاك بغرور : هلا .. امشي شيوخه نقعد
شيخه : يلا تعالي
بـعـد سـاعه و ربـع ..
ملاك : امبي الاهل يدقون علي اكثر من 6 مرات اخاف صاير شي
شيخه : وي شبيصير لا انشالله ما يصير شي .. بس ها مو تروحين الحين ترا حده تو الناس الساعه 8 وربع الحين بيحطون البوفيه
ملاك : مادري صبري انا بطلع برا ادق عليهم بشوف شصاير و راده​

من جانب اخر
حمد : انا استأذنكم بييب تلفوني من السياره
الكل : اذنك معاك ​

بــرا الـبـيـت ..
ملاك تتكلم بالتلفون : شنو ؟ من صجج انتي ؟ متى ياه من السفر ؟ افففف ؟ ( معصبه ) امبي شنو هاذا بعد ملجه الناس ترد 12 و 11 الاخ يبيني ارد الحين ؟ امي وين ؟ و ساكته طبعا ؟ احمد يدري بالسالفه ؟ دقي عليه قوليله السالفه اكيد ماراح يسكت له ... زين ؟ هاذي لي متى بتم جبانه ما تقدر عليه ؟ هاذا حتى يدعي على اخته بالموت .. استغفر الله خلاص الحين يايه .. باي ​

كان يسمع هالكلام و ساكت منصدم ما توقع انها تعاني من ظروف بالبيت
و الفضول ذابحه .. الف سؤال و سؤال بباله ​

لفت ملاك و كانت تكتب بالتلفون باين مندمجه ​

انصدم من جمالها .. ماتوقعها ابهالجمال .. كانت باربي .. على قولة شيخه ( كيكه ) .. ماشالله عليها صوووره
الجسم الرشيق و الانوثي .. و المكياج الكلاسيكي .. و النفنوف الي معطيها اكثر جاذبيه .. و نعومتها الطاغيه
لا شعوريا كان مبطل حلجه و مفهي .. منصدم من الي يشوفه
" في انسانه ابهالجمال ؟ صج ملاك اسم على مسمى "​

ملاك دخلت داخل معصبه وما انتبهت لوجود شخص من بعيد يراقبها ​

حمد بلع ريجه " اسم الله عليها الله يحفظها من العين "​

//​

بــنــفــس الــوقـــت و بــنــفـس السـاعــه و بـنـفـس الـدقـيـقـه
صرخت من قمة راسها : اااااااااااااااااااااااااااااااااااااااااااااااااه ( تعض شفايفها )
تمسك فراشها بقوه و العرق يملي جبينها و بنبرة الم : اااااااااااااخ​

قراءه ممتعه :*
بانتظار الردود والتوقعات ​

 

[Føzöø]

عجييييييييب البارت يعطيج العافيه

حبيت خالد

بس لا يتزوج ملوگ

لان ملوگ بس حق حمد :c

و دانوو و اخير تحستن علاقتها مع حمولتها

بس اتوقع بعد ما تولد راح يردون نفس قبل و ارده

وو اكيد ولدت اهيا اي قاعده تصرخ 

ووؤؤ بس

بعد نبي بارت بلييييز :s

 

[A7laa kuwaitia]

اييييييي نبي بارت

انتي كريمه واحنا نستاهل

 

[Shayoo5-95]

عجيب البارت ناطرينج حياتي

 

[3ωɑƨнoυн]

دآنو بتولد ..
محمد بيتقـرب من عوآشش آكثر ..
حمـمد بيغير نظرتـه بـ ملآك ..
# نآطرتجج​

 

[Dr.nono]

حبوبةه البآرت اينن !!

ثآنكس 3>

waiting ..

 

[Dr.nono]

up

up

 

[Ghalawii]

عججيب البارت .. دانه بتولد .. و حمد راح يحب ملاك .. و مادري ليش حاسه ان صلوح يبي عذاري #احساس

 

[A7laa kuwaitia]

لاا تتأخرين

 

[Dlol elhbla]

البآرت حدده حلو :*
و الي صصرخت دآنو , بتولد ونآسسسه ^^

 

[5uO5a :*]

elpaaaaaaaaart eyniiiin ;* zooooo8aaaaaa !!!! plz plz plz plz abii paart ! ,, ty lool

 

[Nooza]

امبي تينن الرواية يعطيج العافيه حبيبتي و ناطرينج ;***

 

[Dlol elhbla]

up
up

لعنون آحلى صصقيقه

 

[A7laa kuwaitia]

يلااا ناطرينج

 

[5uO5a :*]

waiting uw ;*

 

[A7laa kuwaitia]

ويتنغ

 

[Dlol elhbla]

up

وين البـآرت ؟

 

[Dlol elhbla]

آهئ , نبي بآآآرت : ( ؟