روايتي الثانيه : رآح الامـل ..

[5uO5a :*]

WAITING UW ;**... sorry Føzöø

 

[A7laa kuwaitia]

يلااا لا تتاخرين

 

[Đ₥яŋỳ♣7βҜ]

كانو يمشون شوي شوي .. و كل وحده تدعي وحاطه ايدها على قلبها
نزل من الدرج و على عيونه النوم ..
...: ( صوت رجولي خشن ) مريم .. عايشه !!!!!!!​

مريم " الله يستر .. انا قايله بننجك اليوم "
عايشه لفت بتوتر : أ.. احمد ؟
احمد بعصبيه : انتو وين رايحين ؟
عايشه : أأأ..
مريم : شسمه لان هاذا
احمد متنرفز : بس بس ولا كلمه .. رايحين بدون فلوس ؟ اي جان قايلين لي ماحب الطبع هاذا .. لا تستحون انا اخوكم .. و ييبولي عوار قلب مع عذور ( يعطيهم 50 دينار )
مريم و عايشه بصدمه : ها ؟
احمد بعصبيه : يلا انا بنام و ديروبالكم على سيارتي و حلو عدل مو تفكرون بالقز
مريم و عايشه : ها ؟
احمد : افففففف ( راح غرفته )
مريم تطالع عايشه بصدمه : عواش ؟
عايشه مبطله حلجها : مصدقه ؟
مريم ماتت ضحك : لالالالا مستحيل
عايشه تسحبها : امشي يا حماره بتفضحيني ( طلعو برا البيت ) ​

//​

دانه : عذور يا حياتي انتي طلعلي له بيجامه
ملاك تقرص خدوده حيل : و حنانس
دانه بعصبيه : ملاكو ويعه ترا ياهل
عذاري : اطلع سبونج بوب ؟ ولا الزرقه تويتي ؟
دانه : لا تويتي
ملاك حذفت روحها عالسرير : يضرب الحوب شو بيزل
عذاري تلبس خالد : اوه اووه .. شفيها العاشقه
ملاك تضحك : والله الحب حلو
عذاري تطالعها بطرف عين : اعترفي منو
ملاك : جبي جبي يا حبج لهالسوالف
دانه بخبث : اقول عذور
عذاري : هلا ؟
دانه : جني جني سمعت ان بعد شهر و شي بنروح البر مع عيال عمي ( علت صوتها ) ابو صالح
عذاري استحت : ادري قالتلي مهوي قبلج
دانه : اي ما تطوفين شي .. عاد جني سمعت ان يبون يخطبون حق عبيد
ملاك تمشي الفلم : اي صح بياخذون له بنت الـ*** ؟
دانه : اي شافوها بالعرس ام شعر طويل الضعيفه
عذاري بصدمه : شنو ؟ ليش محد قالي ؟
ملاك بغير اهتمام تلعب بالبي بي : و شكو يقولون لج شنو اخته ولا حبيبته انتي ؟
دانه : لبسي لبسي خلود وانتي ساكته
عذاري عيونها مدمعه : اوكيه
ملاك : امبيه عبود خبل ما اتخيله زوج و عنده عيال
دانه تضحك : حدده .. شحلات الي خطبوها تدرين امي كانت بتاخذها حق احمدو
ملاك : اييييييييي اطقني و اطقك عليها
عذاري تشاهق و تمسح دموعها ..
دانه لمتها : شفيييييج ؟
عذاري : مـ..مصـ..مصدعـه ( تبجي اكثر )
دانه : حياتي ما تشوفين شر ( تغمز لملاك )
ملاك نزلت من السرير شالت خالد و قربت يم عذاري ..
ملاك تساسر عذاري : على فكره ترا عبيد سنقل ليلحينه
عذاري رفعت راسها بصدمه و الدموع بويهها : شنو ؟
ملاك ترومش بعيونها بسرعه بسرعه : الي سمعتيه
عذاري تحذف عليها ممية خالد : يا حقيييييييييييره
دانه تصرخ : هي هييييييييي ممية ولدي ​

,,​

فاطمه تركب السياره بخوف : السلام عليكم
عايشه و مريم : و عليكم السلام
( عايشه كانت تسوق و الي يمها فاطمه و مريم قاعده ورا )
فاطمه : اقعععد يايين برينج
مريم تصبغ اظافرها : اي حجيه و يايبين العده بعد
عايشه تضحك : سكري سكري الباب بنمر الجمعيه نشتري بطاطات و كاكاوات ما تريقت
فاطمه : اهم شي الردبول
مريم تصرخ : لاا لاا تكفين عواش بنروح الافنيو الظهر بشتري لي جم تيشيرت حق البر
عايشه : اوووه مريوم يوعانه
مريم : لاحقه عالاكل باباتي يلا عاد تكفين مانبي نروح الجمعيه
عايشه : زين زيين
فاطمه : مريوم عطيني المكياج
مريم تعطيها : هاج
فاطمه تحط كريم اساس : امممم .. شبتخبصون حق اهلكم ؟
عايشه : على ابو انه عند زيون
فاطمه : و بالله دقت امج على خالتج وقالتلها ما عندنا
عايشه : يا ذكيه يعني احنا و زيون طالعين الافنيو
فاطمه : ووين زيون ؟
عايشه : ببيت رفيجتها
فاطمه : اهااا هيك لكان .. امبيه تدرون كلش مو دارسه شي ​

//​

مــرت الــســاعــات .. و الــســاعــه 12 الـظـهـر ​

لجنة 12 ادبي
فاطمه بملل : ابله خلصت .. ترا كلها 10 دقايق و نطلع
الابله : خلاص خو صبري هالـ 10 دقايق
عايشه بتافف : اووووه ابله احنا بنتحمل المسؤوليه و بعدين مو انتو تطلعون البنات قبل لا يخلص الامتحان ؟
الابله : اي
عايشه : يلااا طلعونا
الابله بيأس : طلعووو يلا .. عليتو قلبي
عايشه تطالع فاطمه بابتسامه خبيثه و يعطون الابله الاوراق
عايشه لمت فاطمه حيل : و اخيرا خلصناااااااا
الابله : سو افلامكم الهنديه برا في بنات بيحلون ( تصرخ ) يلااااااااااااااااااا
( طلعو فاطمه و عايشه .. لقو مريم عند البوابه تلعب بتلفونها )
عايشه تصرخ : خلصناااااااااااااااااااااااااااااا هييييييييييييي
فاطمه تصرخ : باجيلنا كورس و نفتك من هالمدرسه الزفت
مريم : امشوووووو يلااااااا قز تايم
( ركبو السياره )​

شــارع الــخــلــيــج ..
فاتحين الدرايش و معلين على الاغاني
مرت سيارة شباب ..
الشاب 1 : هلا هلا .. مثلنا ؟ عندكم مؤجل
الشاب 2 : اووووويلي اروح فدوه لكرفته
مريم بصدمه : خير ؟ شنو كرفته ؟
الشاب 2 : الي حاطته براسج
مريم : اسمها فيووونكه يالدثوي
فاطمه و عايشه ماتو ضحك ..
الشاب 3 : اخخخيه ياليتني مكان السكان
عايشه تصرخ : فاااااااااااارج فارج
الشاب 1 : ليش ما تصيرون مثل هالكيكه هاذي ؟ ( ياشر على فاطمه )
عايشه : صبرو صبرو وقفو سيارتكم بعطيكم شي
الشباب استانسو : يلا ( وقفو على جنب )
فاطمه و مريم بخوف : هي يا خبله شبتعطينهم ؟
عايشه تمسك كلينكس و نفرت كل الي بخشمها
مريم تصرخ : وييييع انتي هي شنو شبتسوين ؟
عايشه ميته ضحك : الحين بتشوفون ( نزلت من السياره و راحت سيارتهم )​

عايشه تدخل راسها من الدريشه بدلع : هلووو
الشاب 3 : تعالي تعالي انا ابيج
عايشه : شوف هالاكلينكس هديه مني لك
الشاب 3 بفرحه : يلا
عايشه تعطيه الكلينكس و تنحاش السياره
و اهيا تركض تسمع صوت الشباب بالسياره " ويييييييييييييييييع " ​

عايشه ركبت السياره ميته ضحك و حركت بسرعه
مريم ماتت ضحك : صج هبله
فاطمه : هههههههههه اتخيل اشكالهم
عايشه : اااه يا بطني ههههههههههه امبيه مالهم ويهه يلحقونا بعد
مريم : امشي الافنيو بنشتري لنا جم تيشيرت
عايشه : ليتس قـوووووو ​

//​

بـعـد شـهـر و يـومـيـن ..
ملاك : باجر بنحرك الساعه جم ؟
عذاري : مادري بس المخيمات معروفه الساعه 10 نحرك اتوقع
عايشه : امبيييه فاقده دانوه الخايسه
عذاري فيها بجيه : ابي خلووووود
( دخلت مريم )
مريم : عندي لكم خبر بمليون دينار
الكل : قوووولي
مريم : دندون بتيي البر اهي و ريلها و اهل ريلها بيروحون السعوديه
الكل : هيييييييييييييييييييييي
مريم : ملاكو الكل شراله تيشيرتات حق البر الا انتي
ملاك : اي اليوم بروح اول ما ياذن العشا
عذاري : اهم شي البقيات و السياكل
( دخل احمد )
احمد يتربع على السرير : امممممم بنات
الكل : هلا ؟
احمد : تعرفون خالتي هدى ؟
ملاك بصدمه : شفيها ؟
احمد : اليوم راح اتيي زياره للكويت و امي اصرت عليها باجر تروح البر معانا
عذاري : خير ؟
ملاك بعصبيه : شنو هاذا ؟ ناس لا نعرفهم وولا يعرفونا طول حياتهم بلندن و الحين توهم ذكرونا ؟ مايصير جذيه حمود كلم امي .. البر حلاته ضحك و عفويه مافي حواجر .. اووووووووه انا بقوم اكلم امي ( قامت )
احمد سحبها : خبله انتي ؟ يبا ما عندها الا ولد واحد اكبر مني بجم شهر .. و بناتها بس 2 .. وحده كبرج .. وحده كبر عايشه
ملاك : ولو .. مانعرفهم وولا يعرفونا
مريم : شفيها اذا تعرفنا عليهم
ملاك : ماله داعي لان بيردون لندن
احمد : زين عشاني .. اهما بقعدون يومين و يروحون .. سولفو معاهم .. خلو اسلوبكم حلو .. على الاقل يذكرونكم بالخير
عذاري بتأفف : حمود عقليتنا مو مثل عقليتهم
احمد : انتو شفتوهم ؟ قعدتو معاهم ؟
عايشه : زين بنفصل مع زيون و بنات عمي .. شلون ؟ نجابل الاجانب ولا بنات عمي ؟
احمد : اووووش عيب شنو اجانب ؟
ملاك بعصبيه : استغفرالله ياربي .. هاليومين انا متاكده ماراح يعدون على خير
احمد يبوس راس ملاك : عشاني ملوك تحمليهم .. اعرفج عصبيه و الي بقلبج على لسانج .. عذاري .. عايشه .. مريوم .. هالله هالله بالعقل
الكل : اوك
( طلع احمد )
ملاك دقت على خالد تتحلطم .. و البنات يجيكون على اغراضهم ​

//​

شيخه بترجي : حمود الله يخليك
حمد : لاا يعني لا
شيخه : اي ماراح نطول خو بس بتشتري جم تيشيرت و نرد
حمد : لاااااا اهي طقاق ختروح كيفها بس انتي لا .. اليوم في مهرجان و شباب و مصخره
شيخه : حمد شدعوا مو واثق فيني ؟
حمد : مو جذي السالفه .. اذا احد تحرش فيكم شتسوون وانتو بنات ؟ تتهاوشون مثلا ؟
شيخه بزعل : اوووف شمعنى انت بتروح ؟
حمد : والله عاد انا ريال وانتي بنت
شيخه : مالت عليكم يالرياييل كل شي عندكم مسموح ( صعدت دارها )​

شيخه : الووو
ملاك : هلا شيوخه
شيخه بحزن : ماقدر اطلع حمود ما يرضى
ملاك : عشتووو .. اصلا انا ادري ان اليوم مهرجان و شباب عشان جذيه بخلي السايق يوصلني بعد تعرفين بالله لحقتنا سيارة شباب ؟ سايقنا يضيعهم
شيخه : اييي زين سويتي .. المهم ديري بالج على روحج و لا تطوولين بليز .. اخليج انا
ملاك : اوكيه حبيبتي .. انشالله .. بحفظ الرحمن​

,,​

ملاك تركب السياره و عينها على تلفونها : أمين .. روح الافنيو بسرعه
امين : جين ماما
ملاك كانت مو حاطه شي بويهها مالها خلق بعد الخبر الي سمعته من احمد و تسولف مع شيخه بيبي ام ..
مع السوالف انصدمت ان حمد بيروح الافنيو .. بنفس الوقت تصرقعت لانها مو حاطه شي و خافت تشوفه
فــجــأه ..
ملاك شهقت : امبيييييييه انشالله ما اشوفه ويهي يسد النفس ( تطلع من جنطتها مكياج )
ملاك فصخت الملفع و قامت تحط كريم اساس و آي شدو و البلاشر ..
ملاك : امين .. دورلك مصفط على ما ارقع بويهي
امين يهز راسه : حازر
بـعـد دقـايـق ..
امين : كلاص ماما هازا في بارك
ملاك : عشتو يعني انقليزي بارك .. اصبر شوي
كانت مندمجه بالمكياج و ما حست بـ الي واقف عند الدريشه و يخزها بعصبيه
... ( يطق الدريشه ) : ملاك ( بعصبيه )
ملاك رفعت عينها .. و شافته .. اخر انسان توقعت تشوفه ابهالمكان و ابهالموقف المحرج
ملاك من الخرعه نقزت عند السايق : يمااااااااا حمد
حمد ماسك الضحكه و يعض شفايفه حيل ما يبي يضحك و الشر بعيونه
حمد : فتحي الباب
ملاك ردت مكانها و سكرت المكياج و لبست ملفعها : لحظه لحظه
حمد فتح الباب باقوى ماعنده لدرجة ان ملاك بغت تطيح
حمد مسكها من ايدها و نزلها من السياره ..
ملاك بخوف : بسم الله شفيك خرعتني
حمد بعصبيه : تستعبطين انتي؟ ما تدرين ان اليوم في مهرجان ؟
ملاك : امبلا ادري بس باجر بنروح المخيم و شسمه بشتري لي جم تيشيرت و ارد البيت
حمد يضغط على ايدها : انا وراج و بشوف صج كلامج ولا لا
حسين ( رفيج حمد ) : يا حمد هدها عيب الناس شتقول
حمد كان ياي بس اهو و رفيجه حسين ..
حمد يهد ايدها و رفع حاجبه : يلا اشوف جدامي
ملاك دخلت المجمع و كان وراها بالظبط و شبه لازق فيها ​

//​

زينه تضحك : ماااااافي مافي
عايشه بترجي : زيون يا بعد عمري الله يخليج
زينه : يا بابا انا اخته ما يخليني اركبه هالمره انتي
عايشه : عطيني اياه انا اقنعه
زينه : ويت .. ( تنادي محمد )
محمد : هااا هاااااااا صدعتي راسي
زينه : عواش تبيك ( تحذف عليه الفون )
محمد منصدم : الوو
عايشه : احم .. قوه محمد
محمد بوناسه : هلا قوتين
عايشه : شلونك ؟
محمد : بخير عساج بخير
عايشه : طبعا تدري ان باجر كلنا بنروح المخيم .. عدل ؟
محمد عرف شتبي : عدل
عايشه : و طبعا تدري ان الناس تلعب بقيات و سياكل بالبر .. عدل ؟
محمد بضحكه : عدل
عايشه : و طبعا ولد عمي و ولد خالتي بنفس الوقت العزيز حمود .. عنده سيكل .. عدل ؟
محمد بعبط : عدل اخيتي عدل
عايشه : و طبعا اكييييييد اكييييييييييد بيخلي بنت خالته الحلوه عواش تركبه .. عدل ؟
محمد : لا مو عدل
عايشه : ليييييش ؟ حمود الله يخليك
محمد : يا بابا يا قوجي قوجي انتي .. السيكل وايد كبير وانتي مصرقعه
عايشه : عفياااا حمود لا يغرك شكلي و طولي ترا ....
محمد قاطعها بضحكه : ايييي مو طولج اهو المشكله طال عمرج
عايشه : هيييييييي يلا عاد
محمد : كملي كملي يالقزمه
عايشه : اي لا يغرك طولي و شكلي والله اعرف اسوق
محمد : امممممممم .. هم لا
عايشه بدلع : حموووووووووود الله يخليك
محمد " اخييييه عليها " : بس على شرط
عايشه بوناسه : شنو ؟
محمد : انا اركب معاج .. خو اذا صار شي لا سمح الله السالفه بتصير فوق راسي انا
عايشه مستحيه " امبيه شلون يركب معاي " : بس شسمه
محمد قاطعها يدري انها مستحيه : تبين ولا لا ؟
عايشه : يلا بعد شنسوي العوض ولا القطيعه ​

//​

حمد واقف برا المحل ينطرها ..
طلعت ملاك : خلصت
حمد رافع حاجبه : واخيرا .. يلا جدامي سيارتكم
ملاك : بس لحظه بقولك شي
حمد بملل : همممممم قولي ؟
ملاك بشطانه : ترا بروح شارع الحب الحين ( ركضت )
و حمد و حسين يركضون وراها ..
اشكالهم كانت فلم .. بالافنيو و يركضون ​

مـصـافـط الـسـيـارات
ملاك تركب سيارتهم بسرعه
بس قبل لا تسكر الباب حمد حط ريله ..
ملاك : وخر ريلك ترا اسكر عليها
حمد يصرخ : تستعبطين انتي ؟ انا وراج طول اليوم عشان لحد يتحرش و بتروحين الحين شارع الحب ؟
ملاك ببرود : عاادي .. ريلاكس باباتي ريلاكس
حمد يصرخ : ملاااااااك عقلي .. احسن لج و احسن لي
ملاك : امين يلا حرك شارع الحب
حمد فتح الباب على كبره و دخل نص جسمه .. كان حيل مقرب منها
مسك ويهها حيل لدرجة انها حست حنجها بيطير
حمد يتكلم بين ضروسه : فيج خير سويها .. ترا ما عندي مانع امد ايدي
حسين يبعد حمد : استح على ويهك شلون مقرب منها .. احنا بالشارع بمكان عام
ملاك تضحك : لالالا خله .. عادي متعوده على اسلوبه
حمد يطلع جسمه و طق ايده فوق السياره حيل ..
حمد : سمعيني .. انا الحين لاحقكم بالسياره .. وربي وربي يا ملاك ان شفت سيارتكم رايحه غير بيتكم بتشوفين شي لا يعجبج و ولا يعجبني
ملاك : زين
حمد و حسين ركبو السياره ..
نطرو ملاك لما تحرك .. و اول ما حركت كانو وراها ​

ملاك دقت على حمد ..
حمد : نعم ؟
ملاك : قربو سيارتكم يم سيارتنا بقولك شي
حمد : نشوف اخرتها معاج ​

قربت سيارة حمد يم سيارة ملاك ..
ملاك تفتح الدريشه : على فكره ترا الحين رايحين شارع الحب
حمد كان يحاول يوصل ايده عشان يطقها .. بس للاسف الطراقات ما توصل
ملاك تطلع لسانها و تسكر الدريشه
شافت حمد يتوعد و يهدد و كان حده متنرفز
يدق عليها .. ترد و تسكره .. تقريبا دق عليها فوق 12 مره
ملاك ضحكت : يلا امين روح بيت ​

,,​

صـبـاح الـيـوم الـثـانـي ..​

مـلاك ( كانت لابسه سكيني اسود و بلوفر طويل ووسيع عنابي .. مع بوت قصير بيج الي هابين فيه الحين و ملفع اسود
المكياج كان برونزي و حمره عنابيه مع ايلاينر و عدسات رماديه )​

عـذاري ( كانت لابسه سكيني جينزي فاتح و قميص مخطط زيتي + اوف وايت + احمر , مجفسته ثلت ارباع و ملفع اوف وايت و بوت احمر شوي طويل
المكياج كان نااااعم .. حمره حمرا و آي شدو خفيف و مسكرا )​

عـايـشـه ( كانت لابسه سكيني اسود و تيشيرت اسود ساده مع جاكيت بنفسجي و ملفع اسود + سكارف بنفسجي
مكياجها كان بسييط قلوس وردي صباحي و مسكرا خفيفه )​

مـريـم ( كانت لابسه تيشيرت جبنيز لونه مشمشي مكتوب عليه " قـاب " باللون الابيض مع جاكيت بنفس درجة لون التيشيرت مشمشي و سكيني جينزي و مسويه شعرها ستريت و من ورا فيونكه
المكياج كان بلاشر وردي خفيف و حمره ورديه و عدسات عسليه )​

مستعدين للمخيم .. و متشوقين يشوفون خالتهم و عيالها ..​

ام عبدالعزيز : يلاااااا ركبو السياره
احمد : يبتو كل شي ؟ الاونو و الجنجفه و البطاطات و الردبول ؟ ووو
ملاك قاطعته : لا تحاتي ابهالسوالف ما ننسى شي
عذاري : يما يووووعانه
ام عبدالعزيز : بنتغدى بالبر اليوم انا و ام صالح بنسوي الغدا ب إيدنا
عايشه تصرخ : مريوم وانتي نازله ييبي شحن البيبي
عذاري تصرخ : و جلكسي بعد
مريم تنزل من الدرج : اف الله ياخذ هالمريم كرفتوها
ام عبدالعزيز : ركبو ولا يكثر ​

بــنــفــس الــوقـــت ​

ابو صالح معصب : يه .. يلا يا جماعه شسالفه
ام صالح : خالصين خالصين
صالح يصرخ : مهااا .. زينه .. يلا عبيد بالسياره المفروض نوصل قبلهم نظبط المخيم
مها تعدل ملفعها : يا الله .. مقعديني متأخر و يبوني اخلص بسرعه
زينه تشرب ردبول ميته ضحك : اعصابك اعصابك مشاري
مها تخزها : انجعمي ​

مـن جـانـب آخـر ..​

ينزل من السياره و يرجع شعره ورا .. يحذف الزقاير على الارض و يدوس عليها
يرفع نظارته الشمسيه فوق شعره .. يطالع الساعه بتلفونه و يرفع راسه
...: يمـــه .. نـــوره .. ريـــــم ​

نوره :

what ?

...: تأخرنا وايد .. where is mam and reem ?
نوره : كاهم يايين
ريم : اووف كليت قلبي عدول .. يمه .. كوكلي يلا
ام عادل : سوري تاخرت بس كنت اجيك على الاغراض .. i'm very sorry
عادل : no problem .. يلا ركبو السياره​

< مثل اما نتو شايفين .. يطقطقون كويتي بس اغلب كلامهم باللغه الانجليزيه
هاذي عايلتنا اليديده .. و بتشوفون مع البارتات قصتهم ​

//​

بـعـد نـص سـاعـه ..
صفطت سيارة احمد و يمها بالظبط سيارة عادل ..
نزلو العايلتين و كانو يسلمون على بعض بـ استغراب نوعا ما
دخلو داخل الخيمه و مرت 10 دقايق بـ السلام و السوالف ​

احمد : يمه بنزل الاغراض من السياره خلي احد يتلحلح ايي يساعدني انا و حمود
ابو صالح : زينه .. قومي يبه ساعدي ولد عمج
زينه بتردد : إنشالله
ام عبدالعزيز : عايشه .. مريم .. ساعدو اخوكم
عبدالله وقف : مها تعالي طلعي الاغراض بسيارتي
ام عبدالعزيز : بروحكم ؟ تعب يا يمه .. عذاري و ملاك بارك الله فيكم نزلو معاهم​

ريم تكلم نوره بصوت واطي : شـ الهلاقه ؟
نوره : امبيه شدعوا ماكو خدم ؟ ليش يشتغلون ؟
ريم : هاذي الي لابسه عنابي كلش ما حبيتها ( قصدها على ملاك )
نوره : لا .. انا حطيت هذيج ببالي ( تاشر على عايشه )​

عــنــد الــســيــارات ..
الشباب كانو يشتغلون اكثر من البنات ..
لان البنات كل خمس دقايق يهدون الي بيدهم و يحشون و يلتهون بالسوالف ..
ملاك نزلت الجيس : طاع هاذاااااا
مها : هئئئئئ شحلاااااااته اينن
عذاري طقتها بخفه : عشتو لا يسمعج شايف روحه
ملاك : بصراحه .. من حقه .. امبيه زووغه صج لندني
مها : شسمه ؟
ملاك : امممم جنه عادل او عامر شي جذيه
مها : اخيييييييه عليه
عذاري : بس بس بيذبح روحه من الزقاير .. عنده بيبي .. ملوك اخذي بنه
مها : لالالا حبايبي هاذا حقي
ملاك : بس شكله يخرع جنه من المجرمين احسه وايد عصبي
مريم فاجه حلجها : هئئئئ بنات شوفو ابو عيون ملونه الاشقر الي يمشي
ملاك : اي اي شايفين و متأملين بعد
عبدالله يصرخ : هيي انتي وياها اشتغلو
فزو البنات : زين زين
محمد : والله العظيم غش بس احنا الي نشتغل
ملاك : حمودو فارج زين
محمد : احسنكم عواش تشتغل من قلب
عايشه تضحك : مو لله .. الدنيا مصالح
محمد : يلا ما بقى شي و نخلص اركبج السيكل ​

,,​

ام صالح تبتسم : قواكم الله
البنات و الشباب يتحلطمون لان جد تعبو
ملاك : يووووووووعااااااااااانه يلا بسرعه حطو الاكل
ام عادل تضحك : انتي ملاك عدل ؟
ملاك استحت لانها نست ام عادل موجوده : ايه
ام عادل تاشر على مريم : انتي مريم ولا عايشه ؟
مريم بعبط : قصدج السحته عايشه .. انا مريم
ام عادل حبت شخصية مريم : هههههه كلكم حلا .. عيل وين عايشه ؟
عايشه : هل يخفى القمر ؟
ام عادل ابتسمت : و و و عذاري ؟
عذاري : هلا خالتي
ام عادل : ماشالله ماشالله كبرتو .. الله يحفظكم انشالله .. وين عبدالعزيز ؟
ملاك : مسافر
ام عادل : الله يرده بالسلامه ​

محمد دخل الخيمه : عواشوه يلا تعالي
عايشه بوناسه : يلا كاني
( راحت )​

//​

محمد : ديريبالج يالخبله مو تدعمين فينا
عايشه : افا عليك انا سبعه و سته و ثمانيه بعد
محمد يطقها براسها : سوقي سوقي وانتي ساكته
عايشه : قووووووووووو ( تصرخ )
كانت تدوس ححيل .. و سرعتها خوفت محمد
و خوفت اهلهم الي بالخيمه لان صوت السيكل كان قوي ..​

محمد يصرخ : عواش لا تسرعين شوي شوي
عايشه لفت عليه وهدت السيكل يمشي بروحه : انت خبل ؟ يبا اعرف اسوق
محمد يصرخ : عااااااااااااااااايشه ديرباااااااااااااااااااااااااااااااالج​

قراءه ممتعه :*
بإنتظار الردود و التوقعات ​

​

 

[A7laa kuwaitia]

امبييه ليكوون سوو حادث

 

[3ωɑƨнoυн]

بيسـوون حـآدت ع آلخفيـف ششـوي ,
و شيسممـونه كرههـت بنآت آم عـآدل !!
ويييييييييييييـع , كلللـش مآحبيت
نـآطرتتـج
​

 

[Føzöø]

waiting uw ;**... Sorry føzöø

لا عادي حياتي ،، بس لان الحركه تنرفز :/

 

[A7laa kuwaitia]

يلاا ويتنغ يوو

 

[Føzöø]

اب اب اب اب
عجييب البارت وو ناطريتج حياتي :**
وو الله يستر ع حمود وو عواش :/

 

[Bnnoota fosheya]

واااي لاااا لايكوون سوو حادث

كملي حبي ناطرينج وبليز لا تتاخرين والله انسى الاحداث​

 

[5uO5a :*]

waaaaaay enshalaah ma y9iir feehom shyy :S! waiting uw wtraa bachr schoool ;p

 

[Ghalawii]

ويييييه حررام انششالهه ما يصيروفيهم شي :/ ناطرييييييييينج :*

 

[خوخه تحب الدوخه]

يلااااا مته البارت

 

[3ωɑƨнoυн]

وييييييييييييتنق !
مآ صصصآرت ؟​

 

[A7laa kuwaitia]

يلاا حبيبتي لا تتأخرين

 

[Føzöø]

Yala wainch !! ;(

 

[A7laa kuwaitia]

وييييييينج

 

[Ghalawii]

دشيت توقعت القى بااارتااااااااات :// وييييييينج ؟؟

 

[Dr.nono]

حبـوبةة عسى ماشر وآيد طوولتي ..

نــآطرينج ويـــتــــنــق :') !

 

[روحين في رـوح]

شووووو شكلو مافي بارت
يلاااا ليش طولتي
عسا ماشر ناطرين
...............................
تحياتي الحارة :
بنت فلسطين

 

[فتاة الكئابه]

متي البارت؟