روايتي الثانيه :( أعيش بظل بركان ) قصه رومانسيه و فصله و ضحك و حزن و أكشن

[FuFu...]

شسالفه شكله مافي تكمله كلش.. انا بنسحب صراحه مليت

 

[retaaaj]

القصه وايد حلوه يعطيج العافيه بس ويينج ما كملتي


ويتنق

 

[نمله معضله]

كمليي الروايهه … ❤

Waiting ...❤
Waiting ...❤
Waiting ...❤
Waiting ...❤​

 

[الزين كله =)]

ها اكملت الروايه ولا لا من زمان عنها

 

[اماراتيه!]

استسلمت!

 

[خوخه تحب الدوخه]

السلام عليكم و رحمة الله و بركاته …
اولاً : اسفه واااايد واااايد واااااايد بس والله صارتلي ظروف و ما قدرت اكمل الروايه
ثانيا: ووااااايد استناست من الردود و كللللللش ما توقعت انه الروايه فعلاً عاجبتكم و انا كنت اشوفها سخييييفه
ثالثاً : ان شاء الله راح ارد اكمل الروايه
رابعاً : الروايه مو حقيقيه 100٪ وااايد غيرت فيها
خامساً: اتمنى تعجبكم التكمله راح احاول انزل بارت اليوم
احلى تحيه لاجمل و احلى متابعين ??
فدييييتكم … احبكم ❤❤❤

 

[خوخه تحب الدوخه]

[No message]

 

[خوخه تحب الدوخه]

و بعد فترة طويله جدا جدا رديت ببارت يديد​

و انا اسفه مره ثانييه لاني تأخرت​

البارت الرابع و العشرين​

كان يوم السبت يعني ماكو دوام​

نواف قاعد على سريره​

يفكر اهوه الي سواه صح ولا غلط​

افففففف مادري​

لا اكيد صح​

انا احب ليلى​

و ليلى تحبني​

معقوله ليلى تحبني ​

او معقوله انا حبيتها و لا بس لعب​

انا عمري ما حبيت صج كنت العب بس شعوري تجاه ليلى غير​

افففف خلاص خلأنسى هالسوالف و استانس بهالفتره​

عند ليلى ​

سوسن تكلم خالد​

و ليلى تفكر​

انا شلون وافقت بسرعه من غير ما افكر​

اصلا شلون تجرأت و وافقت​

لا عادي عادي اصلا اهوه يحبني و لو مو موافقه جان جرحته​

و انا بعد احبه ​

لا انا مو بس احبه انا احسه خذا عقلي​

سوسن تكلم ليلى​

سوسن : ليلى .... ليلى​

ليلى : نعم​

سوسن : وين سرحاانه ..... عند الحب موووو ​

ليلى تضحك : ايي مثلج مو بس انتي تحبين​

سوسن ضحكت​

ليلى : غريييبه سوسن تضحك اكيد خالد كلمج​

سوسن : اي​

ليلى : وليش ما كان يرد عليج​

سوسن : تهاوش مع اخوو و طاح تلفونه و توه لقاه و كلمني​

ليلى : اهاااا​

عند خالد يفكر ليش فيصل اخو دق علي و اهمه بالاساس متهاوشين و ما صار على هوشتهم يومين​

خالد : ادق​

ما ادق​

ادق​

ما ادق​

ادق ​

ما ادق​

يووووووو خنأدق احسن​

دق خالد على فيصل بس ما يرد​

صك تلفونه و نام​

الساعه 12 الظهر​

الكل قاعد على طاوله الطعام​

الغدا كان فتوشيني و سلطة ناتشوز و شوربة دياي و ذره كل هذا كان من ايد ام نواف و مارضت احد يساعدها​

نواف : اممممممممممم الريحه عجيييييييييبه​

البنات كلهم : اييييي والله​

ام نواف ضحكت : هههههههه بالعافيه بس نطروا خلتيي ام ليلى​

ليلى تشرب ماي​

نواف : وينهاا عمتي الله يهداها يوعانين​

الاء و سوسن : اييي صارت عمتك ههههههههههههههه​

ليلى شرقت​

نواف : حلوو حلوو ..... كله منكم انتوا الثنتين​

سوسن و الاء يضحكون​

ليلى ودها تقوم بس راح ينقص ويهها اكثر​

يت ام ليلى ​

ليلى شوي ارتاحت​

قعدت ام ليلى يم ليلى​

ام ليلى : السلام عليكم ​

الكل : و عليكم السلام​

ام نواف : يلا سموا بالله​

ام ليلى : عن اذنج ام نواف ودي اقول شي قبل لا ناكل​

ام نواف : قولي حبيبتي​

ام ليلى : ممكن نعجل ملجة نواف و ليلى لاني ما اقدر انطر اكثر ​

ام نواف اتطالع نواف يعني انت جاوب​

نواف : انا ما عندي مشكله​

ام ليلى طالعت بنتها ​

ليلى استحت و نزلت راسها​

ام ليلى باست بنتها : و الله و كبرتي يا ليلى و صرتي عروس و بفرح فيج​

ليلى استحت اكثر​

ام ليلى : ما ابي اضغط عليج اكثر اذا موافقه رفعي راسج و اذا لا خلج منزلته​

ليلى ما تدري شتسوي​

بس رفعت راسها​

سوسن و الاء و منى و جنان طالعوا بعض​

سوسن : عيل لازم من اليوم نروح انجهز حق ملجتج​

الاء : اي صح​

ام نواف : يلا عيل اكلوا علشان تروحون​

ام ليلى ظلت اتطالع بنتها و دمعت عينها​

و شافت بناتها مستانسين شلون ياكلون و يضحكون يتناجرون و جنهم عايله وحده​

اول مره تشوف بناتها جذي​

ام نواف : ام ليلى .... ام ليلى ​

ام ليلى انتبهت : هلا حبيبتي​

ام نواف : يلا اكلي​

ام ليلى ابتسمت و نجبت حقها و حق ليلى الي للحين منحرجه و مستحيه​

​

خارج النص ​

كل ام تبي تشوف عيالها مستانسين ​

و كل ام تبي حق عيالها الخير​

مستحيل ام تكرهـ عيالها​

مستحيل تفرق بين عيالها​

كلهم تحبهم و تعزهم بس معزه عن معزه غير​

تلقون ولد حنون على امه و ما يرضى عليها​

 

[خوخه تحب الدوخه]

و تلقون ثاني عادي عنده امه رضت عنه او لا ما يهمه​

اكيد بتعز ولدها الاول اكثر من الثاني بس انها تكرها مستحييييييييييييييييييل​

الام شي عظيم ​

محد يحس بنعمة الام الا لما يفقدها​

الام اهيه البيت ​

و اهيه الاهل​

و اهيه الوحيده الي تحس بعيالها​

فرحان​

تعبان​

متضايق​

يوعان​

شبعان​

محتاج شي او لا​

نصيحة لا تزعلون امهاتكم تراها نعمة لو راحت بتضيعووون و لا تعاندونها تراها تبي مصلحتكم​

​

نرد حق روايتنا​

خلصوا غدا​

قاموا يتزهبون حق السوق​

ام نواف : سوسن انا مالي خلق اروح معاكم انتي ييبيلي اي شي انتي تعرفين ذوقي و مقاسي​

سوسن : اخاف متنتي ههههههههه​

ام نواف : ههههههه لا حبيبتي للحيني رشيييقه مو مثلج ​

سوسن : اسمله علي شحلات جسمي رشيقه​

ام نواف : هههههههههه روحي روحي يالرشيقه و لا تييبين لي الوان غامجه ما احب الغامج​

سوسن : هههههههههههه ان شاء الله​

طلعوا من البيت​

وصلوا السوق ​

نزلوا​

نواف : بنات مابي شطانه و تضحكون و مادري شنو ضبطوا حالكم من الحين​

البنات : ان شاء الله​

دخلوا اول محل​

ماعجبهم شي​

و لفوا السوق كله بس ما عجبهم شي​

طبعا نواف من كثر ما تعب معاهم قعد بستاربكس​

على ما يخلصون​

نواف : ما خلصتوا​

سوسن : اصلا ما اشترينه شي ما لقينه شي حلو​

نواف انجلط الا شوي : شنووووووووو كل هالفراره و التعب ما اشتريتوا شي​

سوسن : شنسوي ما لقينا شي حلو​

نواف : صراحة انا يعت امشوا خنتعشى و بعدين نكمل نمشي​

البنات : اوكي​

نواف : اي مطعم تبون ؟؟​

سوسن : انا مشتهيه برجر امشوا ماكدونالدز​

الاء : لا مابي ماكدونالدز امشوا برجر كينغ​

جنان و منى : ما نبي برجر​

نواف : عيل شتبون ؟؟​

جنان : انا مشتهيه شي خفيف ​

منى : وانا بعد مابي شي ثقيل بعدين انعس و ما اقدر امشي​

نواف : وانتي ليلى شتبين ؟؟​

ليلى مستحيه : عادي اي شي​

نواف : شرايكم نتعشى ببيتزا هت​

منى و جنان : ايي صح بيتزا عجيب​

الاء و سوسن : اوكي ​

نواف : و انتي ليلى ​

نواف يتعمد يحرج ليلى يحب يشوفها مستحيه يحس للحين البرآءة موجوده ​

ليلى مبتسمه : اوكي​

قعدوا ببيتزا هت​

طاوله حق 6 اشخاص​

طلبوا بيتزا وحده و 3 سلطات​

نواف : بنات شرايكم نسوي مسابقه​

البنات : اوكي شنووو؟​

نواف : انسوي 3 افرقه و كل فريق ياخذ صحن حق السلطه و الي يسوي شكل السلطه احلى و الطعم حلو اهوه الي يفوز​

سوسن : اييي اوكي خوش مسابقه​

نواف : راح اقسمكم​

منى و الاء​

سوسن و جنان​

انا و ليلى​

الكل يطالع نواف ​

طبعا البنات بطوووها ضحك ​

سوسن : هههههههههه شمعنى انت و ليلى​

نواف : بكييفي​

ليلى تضحك مستانسه و بنفس الوقت استحت​

نواف : ليلى في مانع ؟؟​

سوسن : لا ما في مانع يلا خنقوم​

نواف : لحظه خنشوف في احد ولا لأ​

نواف قام ​

نواف : ماكو احد يلا قوموا​

وقفوا كلهم جدام السلطات​

طبعا الكل يطالعهم​

نواف : بنات بهدوء مابي صراخ​

البنات يضحكون بصوت واطي : اوكي​

نواف : 1...2...3... يلاا​

و بدوا يحطون بصحونهم سلطات و بدت اصواتهم تعلى الي يضحك و الي يزف الثاني​

سوسن : لااا جناااان حطي هذاااا​

جنان : اوووك لا تزفين​

منى : الااااؤؤؤ يا هبله ما احب الشمندر مو حلو ​

الاء : انا احبه​

اما نواف و ليلى ماسكين الصحن و مو عارفين شيحطون​

نواف : شنو تحبين​

ليلى : مادري عادي اي شي​

نواف : يلاا راح يفوزون علينا​

ليلى : امممم حط ذره و سلطه خضرا​

نواف : اوك و شنو بعد​

ليلى : حط المعكرونه الحلوة و فوقها جبن​

نواف : اوك​

ليلى : حط شمندر و زيتون​

نواف : اوك و بعد​

ليلى : لحظه لحظة لا تحطه جذي عطني انا ازينه​

نواف مد الصحن و لمست ايده ايد ليلى​

ليلى استحت بقت اتهد الصحن بس الحمدالله انه نواف كان ماسكه​

نواف : هههههههه هاج لا يطيح​

ليلى : هههههه اوكي​

و مسكت الصحن و عدلت شكله​

نواف : حبيبتي حطي الصوص البرتقالي​

نواف طلعت منه عفويه​

ليلى انحرجت بس درت انه نواف طلعت منه عفويه​

حطت الصوص و خبز محمص​

و خلصوا​

نواف : خلصنااا قبلكم ​

و قعدوا على الطاوله ينطرون البنات ​

نواف : ليلى انا.....​

قعدت سوسن و جنان​

و وراهم منى و الاء​

نواف بقلبه : اففففف مو وقتكم​

خلص البارت ان شاء الله عجبكم ​

البارت الياي يوم الخميس ع الساعه 9 بليل​

البارت الياي:​

ليلى : لاا مو حلوو مابيه​

نواف : انا عاجبني​

_____________________​

​

سوسن : قتلك لا تكلمني مره ثانيه خلاص مابي اكلمك​

​

نواف : عمتي ان شاء الله يوم الخميس الياي الملجه

 

[سر اعجاب]

Waiting

 

[خوخه تحب الدوخه]

البارت الخامس و العشرين​

نواف : ليلى انا ....​

وصلوا البنات ​

نواف بقلبه : اففف مو وقتكم​

سوسن : لا يكون قاطعناكم و تغمز حق ليلى و نواف​

نواف ضحك : اقووول سوسنووو يوزي عني ​

سوسن تضحك : المهم يلا خنشوف منو الي فاز​

ليلى : لازم يكون في حكم ما يصير احنا الي نحدد​

نواف : صح كلامج​

منى : امممم ماكوو الا الفلبينيه​

الكل ضحك ​

منى : ههههههههه شفيكم والله صج​

نادوا الفلبينيه الي تييب لهم الطلبات​

و سألوها اي سلطه احلى شكلها​

​

فبيت ام نواف​

ام نواف قاعده مع ام ليلى​

ام ليلى : ام نواف انا بطلبج طلب ​

ام نواف : عيوني لج افا عليج​

ام ليلى : تسلملي عيونج حبيبتي .... ابيج تديرين بالج على بناتي محد لهم بهالديره غيركم​

و اتمنى ما يضايقج اذا خليتهم عندج​

ام نواف : لاا تقولين جذي يا ام ليلى البنات بعيوني و اذا ما شالهم البيت بتشيلهم عيوني هذيل بناتي ​

ام ليلى و الدمعه بعينها : الله يسلملي عيونج يا رب ​

عند خالد​

يفكر : وين سوسن ليش ما كلمتني اليوم​

لا يكون صاير لها شي خنأكلمها ​

بطل فونه ​

خالد : سوسن​

الوو ... وينج ردي​

سوسن شافت فونها​

سوسن : هلاا​

انا طالعه مع نواف و خواتي​

خالد عصب : ليش تطلعين و ما تقوليلي​

سوسن : طالعه مع اخوي ما سويت شي غلط​

خالد : ادري طالعه مع اخوج بس ليييييش ما قلتيلي​

سوسن اول مره يكلها خالد جذي : شفييك خالد ليش تكلمني جذي انت لا اخوي و لا ابوي علشان استأذن منك قبل لا اطلع​

خالد انصدم : اقووووول سوسنووو تكلمي معاي عدل لا تنرفزيني​

سوسن : و انا ما غلطت انت الي بديت بالغلط​

خالد : وييين الغلط بكلامي​

بس سالفة انج تطلعين من غير ما تقوليلي و تخليني احاتيج هذا شي ثاني ​

على الاقل كلميني قولي انج بتطلعين​

سوسن : اكلمك بعدين لا تعكر مزاجي طالعة استانس مع اخوي ​

خالد و لأول مره احد يكلمه جذي​

خالد : ذلفي بلي ما يحفظج​

سوسن حست انها زودتها حبتين​

سوسن : باي​

ما رد خالد عليها​

سوسن بـ بيتزا هت​

نواف : شفيج سوسنووو هدي فونج يايين نستانس مو نمسك فوناتنا​

سوسن ببتسامه صغيره : اوكي​

جسدها مع خوانها و قلبها و عقلها عند خالد​

ما تدري ليش كلمته جذي​

تحسفت​

ندمت​

تمنت يرد الزمن خمس دقايق بسس​

علشان تكلمه بطريقه احسن من جذي​

سرحانه تفكر بخالد​

كان يحاتيها و اهي طالعه تستانس​

عند خالد​

شايل بقلبه وااايد عليها​

يبي يغثها مثل ما غثته و يخليها تتحسف بس شلون​

شلون ​

شلوون​

ايييييي​

لقيتها​

بطل تويتر ​

دخل على وحده دايركت مسج​

كانت مكلمته قبل تبي تضبطه ​

خالد : قوه​

حنان : قوتييين و ثلااث و اربع هلااا بالزين كله توو ما نور الدايركت​

خالد لاعت جبده بس بيكمل الفيلم ​

خالد : بس الدايركت​

حنان : و تويتر و اهل تويتر كلهم​

خالد : شلونج شخبارج​

حنان : تمام و انت​

خالد تمااام دامج تمام​

حنان : فدييييتك والله​

خالد : يفداج الكوون و الي عليه يمشون​

حنان ؟: شلي خلاك تكلمني قبل ما كنت معطيني ويه​

خالد يضحك بينه و بين نفسه : صيييده​

خالد : حبيتج و قلت بكلمج​

حنان مو مصدقه نفسها و اخيييرا حبها​

خالد يضحك بصوت عالي :كاااااااااااااااااااااااااااااااااااك صدقت الخبله صج انها صيده​

حنان : و اخيييرا ​

خالد : احبج​

حنان : اموووت فيك​

خالد : انتي بتكونين حياتي كلها​

حنان : و انت بتكون دنيتي كلها​

خالد صور المحادثه و قرر انه يطرشها حق سوسن​

​

قاموا البنات مع نواف علشان يفترون السوق مره ثانيه​

نواف : تعالوا تعالوا شوفوا هذا النفنوف مو حلو ؟؟​

البنات بطوها ضحك : نوااااااااااف شنو هذا حراام عليك بتلبسنا جذي​

نواف يضحك : شدراااني انا عن ذوقكم​

دخلوا محل ثاني​

نواف عجبه نفنوف لونه ازرق سماوي مع اصفر​

واايد ناعم و قصير طالع ليلى و فكر شلون بيكون على ليلى​

ناده سوسن و وراها النفنوف​

سوسن : عجييييب​

نواف : صجج؟؟​

سوسن : اي والله خوش شي ... ليلى تعالي بسرعه​

ليلى يت عندهم​

سوسن : شرايج ؟؟​

ليلى : حلو بسانا ما احب الازرق السماوي​

نواف : بالعكس حلوو اخذيه​

ليلى : لا ما ابيه مو عاجبني​

نواف : انا عاجبني​

ليلى : انا الي بلبسه و مو عاجبني​

نواف : و انا بشوفه عليج شلون يعني ؟؟؟​

ليلى ستحت ​

نواف ضحك و حس انه احرجها و طلع بره المحل​

البنات لقوا لهم نفانيف حلويين​

 

[خوخه تحب الدوخه]

سوسن لون نفنوفها مشمشي مع اسود وااااايد ناعم و قصير و حلوو​

الاء نفنوفها تركوازي قصير و حلووو يطلع تفاصيل الجسم​

منى احمر منفوش و ناعم وايد حلو​

جنان اسود رااااقي وايد ​

ليلى ما تدري شنو تاخذ​

طلعوا من المحل و نواف ناطرهم بره​

سوسن : يلا نواف انهد حيلي خنروح البيت​

نواف : خلصتوا كل اغراضكم​

سوسن : لا اكيد للحين ما خلصنه​

نواف : متى بتخلصون ؟؟​

سوسن : باجر بنرد السوق لانه في اشياء وايد ناقصتنا​

نواف : اممممم اوكي يلا خنمشي​

الاء و منى و جنان : نوااف نبي بينك بيري بليييز​

نواف : امممم يلا اوكي​

سوسن : لاااا عفيه تعبانه برووح البيت​

نواف : ما راح نطول بس ناخذ و نروح البيت​

عاد انا مشتهي باسكن ​

خنروح باسكن شرايكم​

البنات : اوكي​

راحوا باسكن و كل واحد اخذ النوع الي يبيه​

و ردوا البيت​

في بيت بعيييييد جدا عن بيت ام نواف​

بيت ابو عبدالله​

ابو عبدالله عمره بالاربعينات​

حكيم في كلامه ومثقف ما يقط اي كلمه يفكر قبل لا يسوي اي تصرف​

عنده عبدالله عمره 19 سنه ثاني سنه جامعه ​

دخل هندسه ميكانيكيه​

طويل , مجسم , يحب وحده و قرر يكلم امه عنها علشان يخطبها​

و عنده حمود 18 سنه توه متخرج اول سنه جامعه دخل تجاره لانه عنده طموح​

يخطط للمستقبل​

عصبي لدرجة كبييييره​

طوله 170 جسمه حلو يلعب جودو ​

اسماء عمرها 15 سنه حلوه سمره سمارها حلو شعرها طويل لي نص ظهرها ملامحها بارزه طيبه و حبوبه بس شيطانه​

لمياء عمرها 13 سنه شيطااانه بس ما شاء الله عليها تعرف شتسوي اذا غلط ولا صح و اذا غلطت ما تعرف تقول اسفه عندها طرق ثانيه تعتذر فيها​

شعرها لي جتفها بني غامج عيونها كبار عسليه و قصيره ملامحها نفس اسماء بس اسماء شوي ملامحها احلى​

اكلمك عن امهم ام عبدالله​

مديرة مدرسه ذكيه ما يطوف عليها شي عمرها 38​

سنه متزوجة ابو عبدالله عن حب​

ملامحها هنديه بس مو الهنود المو حلوين ​

بالعكس كانت ملامحها هنديه كشميريه​

اذا تعرفون الممثله الهنديه برانكا تشوبرا تقريبا ملامحها نفسها​

نروح بيتهم ​

ام عبدالله : عبييييد حمووود تعالوا تغدوا​

عبدالله بداره : ان شاء الله يمااا​

حمود : ياااي يااي​

عبدالله بداره​

عبدالله : حبيبتي شوي و اكلمج امي تناديني​

هدى : اوكي حبيبي​

عبدالله يلا حبيبتي باي​

هدى : باي​

عبدالله : باي جذي من غير كلمه حلوة​

هدى : ههههه احبك​

عبدالله : امووت فيج​

يلا باي​

هدى : باي​

نزل عبدالله و وراه حمود​

الكل قاعد على طاولةالطعام ناطرين ابوهم​

وصل ابو عبدالله و قعد على راس الطاوله و على يمينه عبدالله و حمود و يساره ام عبدالله و البنات​

ابو عبدالله : يلا يبا سموا بالرحمن​

الكل سما بالله و كلوا​

ابو عبدالله : شرايكم نسافر هالصيف​

ام عبدالله : وين ؟​

ابو عبدالله : لندن ​

عبدالله : لا يبا انا ما ابي اسافر هالسنه​

ابو عبدالله : ليش يبا ؟​

عبدالله : مالي خلق بقعد بالكويت هالسنه​

ابو عبدالله : براحتك​

و انت حمود ؟؟​

حمود : والله مادري يبا ... يمكن اسافر معاكم شيقعدني بالكويت​

ابو عبدالله : على خير ان شاء الله​

خلصوا الغدا ​

و كل واحد راح داره البيت صار هااادي​

حمود يسمع اغاني​

و مندمج يفكر بشي​

​

خنرد حق نواف و البنات​

وصلوا البيت ​

سوسن راحت دارها​

وصلت لها صوره من خالد​

مالها خلق تبطل الفون​

حطت راسها عالمخده علشان ترتاح شوي​

عند خالد​

مبتسم ابتسامة خبث​

جنه قام ينتقم من سوسن بطريقه مو حلوة كلش​

راح نواف عند ام ليلى ​

نواف : خالتي بكلمج بموضوع الملجة​

ام ليلى : قول يا وليدي​

نواف : ان شاء الله الملجة بتكون الخميس الياي بس ابيج تقولين حق ليلى​

ام ليلى بفرحة : ان شاء الله يا وليدي​

راح نواف داره و اهو صاعد شاف ليلى بويها ابتسم لها و ردت الابتسامه له​

كمل و صعد فوق​

نزلت ليلى​

و قالت لها امها الي قاله نواف استحت و ظلت ساكته ​

قامت سوسن من النوم​

و بطلت تلفونها​

شافت لصوره و انصدمت خالد يخونها كل هالمده و اهي عبالها انه يحبها حست نفسه صيده و غبيه و ندمت قد شعر راسها شلون خانت ثقة اخوها فيها علشان واحد ما يستاهل​

بجت و بجت و بجت لين ما حست انه صوتها راح خافت احد يدخل و يشوفها بهالحالة راحت قفلت بابها بسرعه و حطت راسها بالمخده علشان تصارخ من قلبها يمكن عل و عسى ترتاح شوي بس ما قدرت بجت لين ما نامت​

صباح يوم جديد​

قاموا الصبح​

الكل نزل​

ما عدا سوسن​

ام نواف : الاء وين اختج مو من عادتها تنام لهلحزه​

الاء : مقفله بابها و نايمة طقيت الباب بس ما ردت اكيد نايمه​

ام نواف قلبها نغزها ​

ام نواف : يمه بنيتي لا يكون فيها شي​

قامت و صعدت فوق​

طقت الباب ​

و طقت الباب بس ماكو احد يرد​

​

خلص البارت ان شاء الله عجبكم ​

ابي ردود بلييز مو نفس البارت الي طاف​

​

في البارت الياي​

نواف : ردي علي شفيييج ؟​

ـــــــــــــ​

ام ليلى : مع السلامه اشوفكم على خير​

ــــــــــــ​

ليلى بينها و بين نفسها و الدموع على خدها : كله مني انا ليش قلتلها كلميه

 

[Dalal.E]

Welcome bacck :eh_s(17):

thanks 3al part
pls latit25irain

 

[Dalal.E]

waiting..

 

[b2door2]

عجيبة

نبي بارت

اب اب اب اب​

 

[سر اعجاب]

ويتنقق

 

[nooara]

تسلمين روايه كولش حلوه
وياريت تكملينهه
ونريد بارت باسرع وقت لو سمحتي
ربي يحفضج

 

[asmaa111q8]

من صجج ليلحين ماكملتيها !!

 

[Dr.nono]

الروايه حلوه اهنيج، كملي وﻻ عليج امر
ويعطييج العافيه ♡

 

[كيري اخذ تفكيري]

رووعه