روايتي الثانية ...(( ضاعت حياتي بلحظة )) ... قصة واقعية .. ReRez

[SoS <3]

ThaaanX 3la alPaRt

Bs esH 9aaR :tomato2:

Na6reeeeeeeeNeeJ Ba8e 3 sa3aT =P

 

[fatma]

ناطرين البارت الياي

 

[The purple]

إذا الدكتور خطبها ارتكب فيه جريمه !

ومرت العم وييع عسى ماشر الأخت !!

امممم وزين العم حبوب يسويلهم اللي يبونه

ناطرينج ~

 

[miss disaster]

ناطرينج

 

[روح كويتيه]

داااااشه ابجر قلت يمكن في بارت سقط سهوا مني ولا مناك
يالله ننطرج لي 9

والله يوفقج ان شاء الله ^_^

 

[صباح الليل]

ناااااطرين الحلوين

متى البارت الياي

 

[ReRez]

السلاام عليييكم

انا قرييت قصتج الفتاه الهاربه وما حصل فرصه عشان ارد لأني قريتها كامل بالاخير لووول

بس هالقصه راح اتابعها ان شاء الله

صج روووعة

روان مسكيينه اكسرت خااطري .. وبدر إن شاء الله يرررد وياخذوون بعض

وعندي احساس ان فرووس بيصير زيين وعمها شكله طيب

بس مرته بطت جبدي ما حبيتهاا :eh_s(14):

ناطريينيج حبيبتي

وتسلم اييدج عالقصة الروعه

تسلميييييييين دندووووش وتره انا اليوم مارحت الدوام عشانكم لووول لا ماعرف اجذب :dddds:
صراحه تعبانه وماقدرت اداوم قلت اقرى قصتج وبصراحه شدتني وااايد كسرتي خاطري .. تقريبا نفس حالة روان
الله يعين الجميع يارب ..
وتسلمين حبووبه عالمتابعه :tek:

 

[ReRez]

بناااااااااااات انا اليوم مادوامت كنت تعبانه عشان جذي كتبت البارت وبنزله ابجر من التسع احسن عشان لا يعلق الموقع
ويعلني ويعلكم بس نطرو اعدله واظبطه اتوقع 8 يكون مسدوح

بـــــ(أحبكم )ــــــرب

 

[MC ANFAL]

ya rb yshafi froos
wee3 om jasem ba6a chubdi

 

[روح كويتيه]

ماااااتشوووووووفين شر حبيبتي
اجر وعافيه


ناطرين الباااارت واذا تعب عليج بلاها بارت اليوم المهم سلامتج

 

[Sara.M]

نآآآطرينج حبيبتي وماتشوفين شر

 

[UNiQe^PRiNceSs]

اوكي حبي ناطرينيييييييييج
لووفج توووووو
تييييييييييييييت

 

[cute princess]

ماتشوفين شر :* يلا ناطرين ....

 

[Danya =)]

حبيبتي ما تشوووفين شر إن شااء الله

وخذي راحتج متى ما تحطين بارت بس لا تطولين علينا متشوقين نعرف :$

وحتى انا لما قريت القصه حسيت روان نفسي اكسرت خاطري

الله كريييم

تسلميييييين ولا تطوليين علينا حياتي

 

[ReRez]

بنات انا اليوم تعبانه والله حتى ماداومت من التعب .. عشان جذي البارت بتشوفونه عادي بس هم ميخالف طوفولي
والسمووحه يالغاليين ..
وملاحظه بكتبها لأن وايد ناس ما انتبهوو وكله يسألوني عن صفحات البارتات..
بناااات تره الصفحاات موجودين بتوقييييييييييييييييييييييييعي .. شوفو وين طالع توقيعي واقرو فيه الصفحااات ومشكوورين

نبدي ..
-----

** البارت التاسع **

( رن تلفون ابو جاسم )
ابو جاسم : الو ؟؟ ( قام وقف ) اي اي عرفتك هلا دكتور خير اشصار ؟
روان : ( قلبها قام يرقع وتطالع عمها واهي خايفه )
ابو جاسم : اي خلاص مسافة الطريج اكون عندك .. مع السلامه ( سكر التلفون )
روان : ( دموعها معلقه بعينها من الخوف ) ها عمي بشر ؟؟
ابو جاسم : اللي فهمته من كلامه ان فراس صحى
روان : ( انزلت ادموعها واقعدت عالقنفه واهي تظحك ) الحمدلله يارب الف حمد وشكر لك
مشاري : ( يكلم منال ) شفتي قلتلج راح يقوم
منال : ( تبتسم ) اي صح قلتلي
روان : ( تمد ايدها حق اخوانها ) تعالو
( مشاري ومنال اقعدو واحد يمينها وواحد يسارها ولموها )
روان : قولوا الحمدلله
مشاري : الحمدلله بس ليش تبجين تره قام
روان : ادري حبيبي.. ابجي من الوناسه يللا تعشو ونامو انا وعمي رايحين انشوفه
مشاري : لا بننطركم اتييبونه بنشوفه
روان : لا حبيبي مايطلع اليوم باجر بعد المدرسه اخذكم تشوفونه زين؟
منال ومشاري : زين
روان : ( قامت ) تعشوا وناموا .. تصبحون على خير .. يللا عمي
ابو جاسم : ( يطالع ملابسها – جينز وبلوزه – وده يتكلم بس ماحب يخرب وناستها ) توكلنا على الله
- بالطريج كانت تحمد ربها وحدها مستانسه مو عارفه شتسوي –
روان : عمي ؟؟ اهو صج قال ان صحى ؟؟ ولا بس تحرك ؟
ابو جاسم : قالي فراس طلع من غيبوبته .. طبعا بفضل الله سبحانه
روان : الحمدلله يارب
- اوصلوا المستشفى وانزلوا شافوا الدكتور –
الدكتور : ( يبتسم ) الف حمدلله على سلامته
ابو جاسم : الله يسلمك
روان : الله يسلمك يارب.. زين اكيد قام ؟؟
الدكتور : اي اكيد .. أول شي حرك ايده وريله بعدين فتح عينه وبجى ونقلناه غرفه بس طبعا تحت الملاحظه بس تقدرون تشوفونه تعالوا معاي
( راحوا مع الدكتور ودشو الغرفه كان فراس عالسرير يحن – يبجي بس مو حيل - وموصل بيده الدريب )
روان : ( شافته جان تبجي وتروح تبوسه على راسه وعلى ايده ) حيااتي ياقلبي انت.. الف حمد وشكر لك يارب
فراس : ( يبجي ) ماما
روان : ( ماتت من البجي زياده ) الله يرحمها .. انا ماما حبيبي انت
الدكتور : هدي نفسج اخت روان مافيه الا العافيه كلها اسبوع وبيرجع معاكم البيت
ابو جاسم : ( ماعجبه يكون الدكتور موجود وروان تبجي جذي ) مشكور دكتور ماقصرت تقدر تخلينا مع فراس شوي ؟
الدكتور : اي اي اكيد .. عن اذنكم والحمدلله على سلامته
ابو جاسم : الله يسلمك اذنك معاك
- فراس بس يبجي وروان تبوسه وتحاول تسكته –
ابو جاسم : اتوقع مو عارفج .. لأن ماشافج وايد كنتي مشغوله بدراستج وماتيين الا بالسنه مرتين أو ثلاث
روان : اي ادري بس راح يعرفني وماراح اخليه كلش مره ثانيه
ابو جاسم : الحمدلله الله نقذه
روان : الحمدلله
( تمت قاعده عند فراس واهو كل شوي يحن متملل .. وبعد فترة نام واقعدوا عنده لين تأخر الوقت )
ابو جاسم : يللا نمشي ؟
روان : لا بقعد عنده لي باجر
ابو جاسم : لا يبه قومي معاي نرجع البيت
روان : عمي يمكن يقوم ويبجي مايلقى احد يمه ؟
ابو جاسم : في دكاتره وممرضات لا تخافين عليه
روان : بس اهو مو ولدهم واذا قام ماراح يهدون شغلهم ويقعدون عنده .. و يمكن يخلونه يبجي بروحه .. وبعدين اهو ياهل لازم يقعد احد من اهله عنده
ابو جاسم : تعوذي من ابليس وقومي معاي اخوانج اهناك محتاجينج
روان : اخواني نايمين وباجر انت ودهم المدرسه بطريجك .. عمي والله ماقدر اخليه بروحه
ابو جاسم : وانا بعد ماقدر اخليج بروحج اهني
روان : خلاص اقعد معاي انا ماني رايحه
ابو جاسم : ( يتنهد ) يارب صبرك
روان : عمي ماراح اخليه بروحه .. عفيه افهمني وخلني على راحتي
ابو جاسم : خلاص امشي وانا اقول حق جاسم يقعد عنده
روان : لا انا بقعد عنده اليوم
ابو جاسم : خلاص تمي عنده الليله بس باجر اخلي جاسم مكانج زين؟
روان : ( اتطالع فراس واهو نايم ) اوكي
ابو جاسم : لحظه اكلم الدكتور وارجع
- طلع راح حق الدكتور –
ابو جاسم : دكتور عبدالله .. مافي مشاكل اذا احد نام عند فراس عدل ؟
الدكتور : اي اكيد عادي ماكو أي مشاكل بس لازم شخص واحد مو اكثر
ابو جاسم : مشكور يعطيك الف عافيه مع السلامه
- راح حق روان –
ابو جاسم : خلاص انا رايح ديري بالج على نفسج أي شي يصير دقي علي
روان : ان شاءالله
( طلع عمها جان تروح حق الممرضات اللي بره اطلبت منهم مخده وغطى عشان تنام عالقنفه اللي يم سرير فراس .. وردت الغرفه شوي جان اييبون لها اللي اطلبته )
- اقعدت وسندت ظهرها عالمخده وطلعت التلفون دزت حق بدر هالمسج -
" بدر باركلي فراس صحى وانا الحين نايمه عنده ماقدر اشبك مايبت اللاب توب معاي "
- شوي يالها هالرد –
" الف الف حمدلله على سلامته .. بس انتي نايمه بروحج ؟ "
- ردت عليه –
" اي :× "
- رن تلفونها وطبعا بدر –
روان : الو ؟
بدر : تدرين ان هالشي مايرضيني وهم سويتيه ؟؟
روان : ( مقصره صوتها عشان لا يقوم فراس ) شسوي يعني ؟ اهو ياهل يعني اذا قام ومالقى احد يمه..
بدر : شنو مايلقى احد يمه اهو بمستشفى المريخ ؟؟؟ روان لا تيننيني وهذا الزفـ.. موجود ؟؟
روان : مادري بس اتوقع راح
( انطق الباب ودش الدكتور ماغيره صاحبنا الحلو )
الدكتور : قوه روان محتاجه شي ؟
( روان شافته اخترعت وماردت عليه خافت بدر يطلع من التلفون ويطقها )
بدر : منو هذا ؟؟؟
الدكتور : روان ؟؟ سامعتني؟؟
بدر : روان اكلمج منو هذا
روان : ( نزلت السماعه ) هلا دكتور .. لا مشكور مابي شي
الدكتور : اشغلتج عن شي ؟؟
روان : لا بس كنت اتكلم مع بنت خالتي
الدكتور : ( يبتسم ) خلاص عيل اخليج أي شي تحتاجينه تره انا موجود بس سألي عني
روان : ( ودها تبجي لأن بدر عالخط ) تسلم ما احتاج شي ان شاءالله
الدكتور : ان شاءالله تحتاجين شي .. عشان نكسب شوفتج .. مع السلامه
روان : مـ ـع السـلامـ ـه
( راح الدكتور جان تحط السماعه على اذنها لقت بدر يصارخ )
بدر : اقولج عطيني اكلمه ماتسمعين ؟؟
روان : بدر لا تصرخ .. وبعدين خلاص والله راح
بدر : شكو اتقوليله اكلم بنت خالتي ؟؟ اترقعين ليش ؟؟؟ خايفه على مشاعره يعني؟؟
روان : بدر والله مادري بس ماعرفت شقول و..
بدر : شنو ماعرفت شقول ؟؟ اخاف معجبه فيه وتبينه ؟؟ قولي اذا تبينه عشان اخليج وامشي تره عادي مايهمني
روان : ( انصدمت ) بدر اشهالحجي انت اشقاعد تقول ؟
بدر : اشدراني عنج ؟؟ واخر شي طوّل يسولف معاج مادري اشقال انتي بعدتي التلفون عشان ما اسمع صح ؟
روان : لا ماقال شي مهم بس يتطمن على فراس
بدر : روانووو لا تجذبين تره اعرفج لي جذبتي
روان : بدر خلاص عاد لازم اسكره الحين
بدر : ليش ؟؟ بتروحيله ؟؟
روان : ( اتصرخ ) بدر اشفييك؟؟؟
بدر : واتصرخين بعد ؟؟ ماشي روان يللا اخليج معاه ( سكر الخط بويهها )
( روان انصدمت منه بدل لا يكلمها عدل ويهنيها بقومة فراس بالسلامه قاعد يصرخ عليها بهالطريقة ؟ )

- تمت اتدزله مسجات بس اهو حاقرها و بالليل عالساعه ثنتين تقريبا كانت منسدحه عالقنفه تحاول تنام مو قادره –
( امسكت تلفونها ودقت على فجر )
روان : ردي عفيه ردي
فجر : الو ؟؟
روان : فجر قاعده ؟
فجر : اي كنت بالحمام توني داشه الغرفه .. اشفيج ؟
روان : أول شي فراس صحى
فجر : صج ؟؟!!! الف حمدلله على سلامته خل اروح ابشر امي وادق عليج
روان : لا عفيه لحظه خل اقولج اللي صار اول
فجر : شنو فيه ؟؟ طلع فاقد الذاكره ؟؟
روان : فجووور ؟؟ انتي ولا عمرج صرتي جد ؟؟
فجر : لا والله من صجي وايد اسمع يقومون من الغيبوبه فاقدين الذاكره
روان : فجر يعني جد مادري شقولج اهنيج عالمخ اللي عندج
فجر : روّون عن الطنازه زيين
روان : ( متضايقه ) زين فجر بكلمج بموضوع مضايقني
فجر : شنو صاير قولي؟
روان : انا الحين نايمه عند فراس بالمستشفى .. ودق بدر كان يكلمني جان يدش الدكتور ومادري اشصار المهم عصب بدر حيل وآخر شي سكر الخط بويهي وادزله مسجات مايرد
فجر : اهو اشفيه جذي وايد حار
روان : اي اصلا حتى بره كان مطلع روحي كل ما كلمت احد زفني جدامهم
بدر : الله يعيينج عليه
روان : زين شسوي؟ اهو حاط في باله اني قاعده اكلم الدكتور الحين
فجر : تبيني اشوف اذا شابك اكلمه ؟
روان : اي عفيه قوليله اني والله احبه واموت فيه ولا راح اطالع غيره كلش .. وقوليله بعد اني قاعده بروحي وماعندي احد وافكر فيه بكل ثانيه
فجر : اقول روان اشرايج تكتبين لي مشاعرج مسج لأن جذي ماراح احفظ
روان : فجر عااد لا تذبحيني والله اني متضايقه
فجر : زين زين دزيلي ايميله مسج
روان : اوكي .. بس عفيه ناطرتج قوليلي شيصير
فجر : اوكي .. باي
( سكرته منها ودزت لها الايميل Dr.bader_***@hotmail.com )
---
- بغرفة ابو جاسم –
ابو جاسم : كانت مستانسه ماقدرت اضيق خلقها
ام جاسم : اذا انت تبيها اتعيش اهني خلها تمشي مثل ما انت تبي مو كيفها تكسر كلمتك متى مابغت
ابو جاسم : اهي ماكسرت كلمتي انا اللي سمحت لها تنام عند اخوها .. وبعدين كافي اللي شافوه لازم اخف عليهم شوي
ام جاسم : انت ماسويت شي غلط واهي لازم تمشي على طريقتنا
ابو جاسم : خلاص انا قلت لها من باجر جاسم اللي راح ينام عند فراس
ام جاسم : وولدي اشعرفه منصجك انت ؟
ابو جاسم : لي متى بتعاملين الولد على انه ياهل ؟؟ لو متزوج جان منزمان عنده عيال
ام جاسم : اي لو تزوج ساعتها يصير خير .. الحين اشعرفه يعتني بياهل بالمستشفى
ابو جاسم : استغفرالله يارب .. خليني انام باجر عندي دوام تصبحين على خير
ام جاسم : من يو بيتنا اعفسونا .. لا وبعد بيي ياهل يترس البيت صراخ
ابو جاسم : هذيله يتامى اتعرفين شنو يتامى ؟؟
ام جاسم : وانا اشسويت عذبتهم ؟؟ طقيتهم ؟؟
ابو جاسم : ( حقرها وعطاها ظهر ونام )
--
- بيت فجر –
( فجر ضافت بدر واستقبل الاضافه وكان حاطه Busy – مشغول – بس قررت اتدش وتكلمه )
// ملاحظة الحركات اللي بالحوار :| :S :$ .. الخ.. اذا ماعرفتوها حطوها بالمسنجر شوفو شيطلع لكم

Fjo0oOo0o :
السلام .. اشلونك بدر
Dr.Bader :
هلا منو معاي ؟
Fjo0oOo0o :
انا فجر بنت خالة روان
Dr.Bader :
اهلين فجر .. اشلونج ؟
Fjo0oOo0o :
تمام الحمدلله .. انت اشلونك
Dr.Bader :
بخير الله يسلمج .. ها طرشتج روان ؟
Fjo0oOo0o :
بصراحه اي .. وتره والله حالتها تكسر الخاطر يعني انت تخيل فقدت امها وابوها بنفس اليوم .. وكانت بغربه وتخلت عن دراستها وحلمها ويت تربي اخوانها وواحد منهم كان بين الحياة والموت .. وهم فوق هذا انت تصرخ عليها وتزعل منها ؟
Dr.Bader :
بل بل بل كاتبه قصيده انتي؟ نطري خل اقراها
Fjo0oOo0o :
:s
Dr.Bader :
والله ادري انها تكسر الخاطر بس ماتحملت اسمع الدكتور يكلمها وادري انها عاجبته ويوم سألها منو تكلم قالت بنت خالتي ؟؟؟ شكو تبررله اساسا؟؟
Fjo0oOo0o :
:| اهو شكو يسألها منو تكلم ؟؟
Dr.Bader :
اشدراني عنه الخسيس وتبيني ما اعصب ؟؟
Fjo0oOo0o :
والله مادري اشهالملقوف قطيعه .. زين تره اهي تحبك وايد وعطتني جم شغله ووصتني اعطيك اياهم وصراحه ثقلو على مسنجري اخذهم فكني منهم ... هاك
(L) (L) (L) (L) (L) (F) (F) (F) (F) (F) (F)
Dr.Bader :
اكيد اهي قالت عطيه جذي ؟؟
Fjo0oOo0o :
اي و قالت بعد اشياء اكثر بس انا استحي اقولهم :$
Dr.Bader :
هههههههه زين زين خلاص سامحتها والحين بدز لها مسج رصيدي خلص ماقدر ادق
Fjo0oOo0o :
ونااسه ثااانكس .. يللا عيل سي يووو لييييييتر << تره حتى انا اعرف انجليزي مو شرط الواحد يسافر بره عشان يصير مثقف (H)
Dr.Bader :
ههههههه اي ماشاءالله عليج خطيره .. يللا عيل عن اذنج ادز مسج حق الحب
Fjo0oOo0o :
:$ اووكي .. الى اللقاء
Dr.Bader :
Bye
---
- عند روان –
وصل لها مسج بطلته كان من فجر
" تمت العملية بنجاح نطري بيدزلج مسج بعد شوي مايقدر يدق لأن ماعنده رصيد .. بس عاد هااا ابي الحلاوه "
- ابتسمت روان وتمت اتطالع الشاشه ناطره مسج بدر بعد 10 دقايق وصل لها مسج –

" أحبج يا احلى ماخلق ربي .. مهما سويتي تراج غالية وادري ماتطالعين غيري .. بوسيلي فرفر << دلع فروس الخاص ..
اذا ينقفل باب الغرفه قفليه يكون احسن .. أحببببج نوم العوافي "
- ابتسمت واهي تقرا اللي كتبه وباست الشاشه ودزت هالمسج –
" احبك يالغالي .. تصبح على خير "
- بعد مادزته قامت تشوف فروس كان نايم باسته على راسه وردت مكانها انسدحت ونامت –

( بعد حوالي ساعه ونص حست بحركه بالغرفه افتحت عينها ولا تطالع الدكتور واقف يم سرير فراس ويطالعها أول ماشافها افتحت عينها ابتسم لها )
--------------------------------------------------

 

[روح كويتيه]

ثاااااااااانكس عالبااااااااارت

وشيبي هالدكتوووور

عاد مو جذي لزقه خلاص ياخي فج وفااااااااارج


غثني

 

[Danya =)]

ويييييييه الحمددالله استاانست لما صحى فرووس

والدكتور ما حبيته يخرع

ومرت العم قاهرتني حدهاا

وفجوره اتينن خبله لوول

وما تشوفين شر حبيبتييي

الله يعطييج الف الف عاافيه

وناطرين البارت الياي على احر من الجمر

 

[البارونه*_^رونه]

حيااااااااتي رريز ماتشوفين شر يااارب
والله يعينج على مــامـــا عوده Fa6o0oma... شكلها ناويتلج علشان ما داومتي_03BA:
بس ما عليج منهااااا اذا حسيتي نفسج زينه داومي
ويلاااا الحين ناطررررين البااااااااااارت وتسلمين حبووووووبه:ggdw:

 

[ReRez]

:× بااارووونه كتبت البارت ونزلته ...
ومشكورييييييييييين بنااااااااااااااات الشر ماييكم يارب ..

يونيك و كيوت .. اشعندكم مداومين من ال7 ومحاضرتكم الساعه 9 ونص ؟؟؟ مواعدين الحارس مثلا ؟؟ لووووووووووول

لاتزفوني تره والله للحين مريضه

 

[ma3boocha]

وااااااااااااااااااااااااي بدر يهبل.... فدييييييييييييييييييييييييته العصبي


والله جنه بعد عاجبني الدكتور... شكله جنتل



ههههههههههههههه الحمد الله اني متزوجه جان من زمان انا منحرفه لوووووووووووووووووووووووول