روايتي الثانية ...(( ضاعت حياتي بلحظة )) ... قصة واقعية .. ReRez

[shaja]

حياااتي ريري ناطرينج والقصه اتين وبدايتها ونهايتها هم حلوه ادري ما خلصت وما بينت النهايه
بس كل شي منج حلو

 

[UNiQe^PRiNceSs]

احم.....

يا اخت ريريز.... لو سمحتي نبي بارت بدال السوالف لوووووووووووووووووووووووووووووووووووووووووووووول

نزلي البارت بعدين سولفي على كيفج ههههههههههههه


اتغشمر مو تصدقين بعد.... أخاف كيوت و يونيك يشبوووون علي...

بس والله تصدقووون خووووووش فزعه فزعتولها ... بس تستاهل ريريز


بس فهموني ليش ظحكتوا على قصة مثلي ما صار بحياتك؟؟؟

امبي احنا شريرااات انا وكيوت
ليش كلكم تقولون احنا قاعدين نسولف وناخرها
اهئ اهئ اهئ

لووووووووووووول روحي اقرييها و تعرفيين :krkrkr:
ريريز روحي كتبي البااااارت قاعدين ناخذ اتهامات والسبه قرقتج :eh_s(14): لوووول

 

[cute princess]

لوووووول المآسي تجذبج للقصه ..

ماكان قصدي المآسي تجذب للقصه !!!! ليش معقده ولا شنو ؟!
قصدي القصص الي تجذب اهيه الي يكون فيها اكشن وجذي اشياء !!!!!! ووين الاكشن بحياتنا غير بجذي اشياء ؟ يا اثنين يحبون بعض ويصير بينهم عره على قولتج ! ولا احد يموت ولا اشياء جذي !! هذي حياتنا احنا شعندنا !!!! والقصه وايد روعه بالنسبه حق باجي القصص الموجوده!
على قولة ريريز اقري مثلي ماصار بحياتك راح تعجبج .. كوميديه ترا !
DUH !!! :eh_s(1):

 

[مغرورة ...]

لالالالالالالالالالالالالالالالالالالالالالالالا تكفــــــــــــين لالالالاتتأخرين انا ناطرة على اعصاابي والله انا اقوووووووووووووووووووووووووووووووول ياارب بس يخلص الوقت علشاان اقراا القصه وبناات تكفوون ابي اقوول لكم شي والله اعاني منه بس ادري مو ووقته مع القصه بس قلت قبل القصه بقووله لكم وتكفوون تردوون علي ....

 

[cute princess]

احم.....
يا اخت ريريز.... لو سمحتي نبي بارت بدال السوالف لوووووووووووووووووووووووووووووووووووووووووووووول
نزلي البارت بعدين سولفي على كيفج ههههههههههههه
اتغشمر مو تصدقين بعد.... أخاف كيوت و يونيك يشبوووون علي...
بس والله تصدقووون خووووووش فزعه فزعتولها ... بس تستاهل ريريز
بس فهموني ليش ظحكتوا على قصة مثلي ما صار بحياتك؟؟؟

شوفي ريريز :eh_s(14): هذا ثاني اتهام ناخذه بسبتج :eh_s(14):
بعدين احنا مانشب على احد :$ اصلا انا احبج :$
لووول تستاهل ريريز الفزعه راحت ناشبت مديرة المنتدى عشان يونيك :dddds:
قصة مثلي ماصار بحياتك الله يسلمج اذا ما قريتيها يعني انتي طافج ثلاث ارباع عمرج ! مو بس نصه!!
روحي اقريها وعطيني رايج :krkrkr: ترا مو طويله كلش :krkrkr:

 

[decemberq8]

ماكان قصدي المآسي تجذب للقصه !!!! ليش معقده ولا شنو ؟!
قصدي القصص الي تجذب اهيه الي يكون فيها اكشن وجذي اشياء !!!!!! ووين الاكشن بحياتنا غير بجذي اشياء ؟ يا اثنين يحبون بعض ويصير بينهم عره على قولتج ! ولا احد يموت ولا اشياء جذي !! هذي حياتنا احنا شعندنا !!!! والقصه وايد روعه بالنسبه حق باجي القصص الموجوده!
على قولة ريريز اقري مثلي ماصار بحياتك راح تعجبج .. كوميديه ترا !
Duh !!!

لا حشا مو معقده ... بس إلي فهمته ان المآسي تعجبكم .. و بالفعل الاكشن هو إلي يجذب بس مو اي اكش .. امممم مثال قصتها الاولى الفتاة الهاربه بدايتها قويه عجبتني ..

اما هذي القصه البارت الثاني بجاني ...

على العموم وين احصل القصه إلي تقولين عنها .. ممكن الرابط ..

انا لاحظتكم احسكم شريين ما ادري ليش .. كل شي تبونا ايجابي .. اذا شي سلبي ونقد اطلعت شرارتكم .. هدوو شوي ...

 

[UNiQe^PRiNceSs]

لا حشا مو معقده ... بس إلي فهمته ان المآسي تعجبكم .. و بالفعل الاكشن هو إلي يجذب بس مو اي اكش .. امممم مثال قصتها الاولى الفتاة الهاربه بدايتها قويه عجبتني ..

اما هذي القصه البارت الثاني بجاني ...

على العموم وين احصل القصه إلي تقولين عنها .. ممكن الرابط ..

انا لاحظتكم احسكم شريين ما ادري ليش .. كل شي تبونا ايجابي .. اذا شي سلبي ونقد اطلعت شرارتكم .. هدوو شوي ...

حبيبتي احنا مو شريرات شدعوه !!!
علقنا على الي قلتيييه بس !! تقولين مو معقوله ان بينهم 12 سنه قلنلج هذا شي طبيعي ! و عن الماسي قلنالج ان هذا الواقع عيل ليش نكتب قصه واقعيه ! لان هذا الواقع الي احنا عايشششن فيه محد عايش حياة سعيده مثاليه وبس

 

[ReRez]

حبيبتي ديسمبر .. بالعكس انا قلتلج ارحب بالنقد مهما كان .. ومازعلت .. وعلى قصة مثلي ماصار بحياتك اهو بارت نزلتها الاخت
نو يس .. وكان حده يظحك فإذا ودج تظحكين والله جد ينفع .. انا قبل كنت متملله وقريته مت ظحك والله
--
بس صراحه المنتدى بطيء مايساعد اني اعطيج اللنك

 

[ReRez]

كا طلعته لج بس مثل ماقلتلج بارت واحد وماكملت

http://www.q8yat.net/showthread.php?t=534442
----

بناااات حدي دخت وتشتت افكاااري احس ماقمت اركز
لوول بس تره كيفكم اذا كان قصير مالي شغل .. هذي قعدتي من صباح الله خير

المهم بنزله الساعه 11 برب

 

[decemberq8]

كا طلعته لج بس مثل ماقلتلج بارت واحد وماكملت

http://www.q8yat.net/showthread.php?t=534442

بشكرج على وضع الرابط .. بس القصه لا تعليق ..
و الله ردود الاعضاء ... مصخره وين الادب وين الاحترام .. استهزاء وسخريه بالشخص إلي كتب القصه .. يمكن تكون طفله مثلا

هذي قصه تقولون عنها تضحك .. يا انكم تستهزؤون او فيكم شي ..

 

[<> إيلاف الكويت <>]

تسجيل حضور

 

[sweet_memy]

اندمجت مع القصه ،
بصرآحه حلوة ..

يعطيج العـآفيه ..
ونـآطرة البـآرت ..

 

[ReRez]

ديسمبر .. انا ماحب اجذب ولا أحب المشاكل .. والبارت جد والله يوم قريته ظحكني وحطيته لج عشان تظحكين .. بس والله ماعرفتلج
والبنات اللي رادين عليها تره رادين لأن كان لها سوابق معاهم فصلات غريبه عليها بس هذا مو موضوعنا .. ومثل ماقلت حطيته لج
عشان تظحكين لأن اسلوبها كان جد يظحك .. وخلاص ممكن حبوبه انسكر هالنقاش لأن شايفته قاعد يتطور .. وانا مابي هالشي يصير
بقصتي ماعليج امر ..
---
اتمنى ماتزعلين من كلامي :tek:

 

[ReRez]

بنات البارت وايد قصير سامحوني .. بس والله اليوم قاعده من الصبح ورديت من الدوام متأخر واختي واعيالها عندنا ولويه
ماقدرت اكتب الا يوم راحت والحين احس راسي مصدع مو عارفه اكتب شي .. ف كتبت هالبارت عالسريع وادري وايد قصير
اعتذر لكم مره ثانيه ..
------------------

** البارت السابع **

ابو جاسم : عموما هالموضوع مو وقته الحين .. اليهال بيرجعون معاي اليوم واذا انتي ماتبين اتيين كيفج بس اهم قصّر وانتي ماتعرفين مصلحتهم كثري
روان : عمي انت من صجك؟؟
ابو جاسم : خيريه .. خيريه
خيريه : نام بابا ؟؟
ابو جاسم : روحي نادي اليهال
( روان واقفه مو قادره تتكلم بس دموعها تنزل من القهر )
خيريه : ( اتطالع روان ) بابا ..
ابو جاسم : خيريه روحي نادي العيال بسرعه
خيريه : ( معصبه ) بابا .. مشاري منول واجد يبجي والحين نايم حرام مسكينه خلي نايم
ابو جاسم : زين خلاص روحي الحين
خيريه : ( خلتهم واطلعت )
ابو جاسم : ( تنهد ) اعوذ بالله منك يا ابليس .. يبه روان قعدي خل اكلمج
روان : ( امسحت ادموعها واقعدت )
ابو جاسم : ( قعد يمها ) روان أدري انج حاطه في بالج اني واحد ظالم .. بس مثل ما انتي شايفه انا ريال ملتزم واخاف ربي وعمري ماظلمت احد .. يايبه تره تربية اليهال وخصوصا بهالعمر مو شي سهل عشان جذي انا طلبتج اكثر من مره انكم تعيشون عندي بس انتي رافضه هالشي .. و انا صرخت عليج من الموقف اللي شفته .. ماتدرين اشكثر خفت يوم لقيت الاسعاف والمطافي عند بابكم .. يبه انا مابيج تزعلين مني انا عمج واخاف عليكم وكل اللي ابيه انكم تعيشون عندي واليهال يتربون ويكبرون تحت عيني
روان : ( تنزل دموعها ) ادري بس .. ( بجت و ماقدرت تكمل )
ابو جاسم : ( حط ايده على جتفها ) تعوذي من ابليس وسمي بالرحمن واذا غلطت بحقج فوالله من خوفي عليكم
روان : ( تمسح دموعها ) عمي انت تبي تاخذنا بيتكم وتزوجني جاسم وانا مابي هالشي
ابو جاسم : ( يبتسم ويشد لحيته ) يبه يعني انتي شايفه لحيتي هذي تركيب؟؟
روان : ( تطالعه مو فاهمه )
ابو جاسم : انا ريال مطوع واخاف ربي وادري ان الزواج من غير موافقتج مايجوز شرعا .. يمكن قلت اللي قلته بلحظة غضب بس ماكان قصدي اني بزوجج ولدي غصب .. كل اللي قصدته ان اهو ولد عمج و انتي بنت مسيرج بتتزوجين .. فقلت لو تتزوجتو راح يكون احسن لي ولج.. منها انتي تكونين مع اخوانج بنفس البيت ومنها آنا اتطمن عليج.. وتره جاسم قلبه طيب .. انتي فكري بالموضوع وانا ماراح اجبرج على شي انتي ماتبينه
روان : ( ارتاحت من كلامه ) مشكور عمي .. بس ميخالف تعطيني آخر فرصه وتخليني اعيش اهني مع اخواني ؟؟
ابو جاسم : لا روان .. دام انا موجود ماله أي داعي ان تعيشون بروحكم .. باجر بتعيشون عندي .. ولاتصعبينها علي اكثر بارك الله فيج
روان : ( اسكتت )
ابو جاسم : يللا خطاكم السو .. فمان الله ..
روان : مع السلامه
( أول ماراح العم اصعدت روان فوق لقت مشاري ومنال نايمين باستهم وراحت غرفتها ودقت على فجر )
روان : الو .. فجر ماتقدرين اتيين عندي؟
فجر : لا الوقت تأخر ماقدر.. ليش صاير شي؟؟
روان : لا بس ضايق خلقي
فجر : روّون صوتج متغير .. قوليلي اشصاير؟؟
روان : عمي .. يبينا نسكن عنده من باجر
فجر : شوفي انا ادري ان هالشي مضايقج .. بس امس ابوي تكلم بهالموضوع وصح كلامهم مايصير بنت تعيش بروحها بالبيت ومعاها يهال صعبه تره .. تعالي عيشي عندنا
روان : عمي مو راضي .. وباجر لازم انروح بيته
فجر : والله عمج حيل نحيس شيصير لو خلاج تسكنين عندنا
روان : خلاص فجر .. انا بسكره الحين .. انتي شابكه؟
فجر : لا بنام
روان : اوكي انا بشبك عشان اكلم بدر .. باي
فجر : مع السلامه
- دشت روان النت لقت بدر شابك حاطه Away –
روان : بدر موجود؟؟
بدر : هلاا حيااااااااااااااتييييييي .. زيين شبكتي والله قاعد ادرس ومخليه away ناطرج اتدشين
روان : باجر عندك امتحان؟
بدر : شفوي بس
روان : زين عيل افصل وادرس
بدر : صارلي 3 ساعات ناطرج عشان تقوليلي افصل وادرس؟
روان : شسوي اخاف مايمديك تدرس
بدر : خلي عنج هالموضوع وقوليلي شخبارج مع اليهال؟
روان : الحمدلله أحسن من قبل
بدر : زين وفروس؟
روان : نفس ما اهو
بدر : الله يقومه بالسلامه
روان : ان شاءالله .. بدر ولهت عليك وايد
بدر : و انا اكثر حياتي هانت مابقى شي و اكون عندج بالعطله
روان : صار شي اليوم وبقولك اياه
بدر : عسى خير؟
- روان قالتله عن اللي صار مع مشاري و ان عمها يبيها تسكن عنده بس مايابت طاري جاسم -
بدر : بصراحه بعد اللي صار لاتزعلين مني .. بس انا اتطمن عليكم اكثر اذا سكنتي عنده
روان : بس انا ما آخذ راحتي اهناك .. وبيجبرني على وايد اشياء
بدر : قصدج الحجاب؟
روان : هذا واحد من الأسباب
بدر : يعني انتي مو مقتنعه ان الحجاب ستر ؟
روان : بلى بس مادري ماحب يتحكم فيني
بدر : روان قلبي هذا عمج وماجبرج على شي يضرج بالعكس تره هالشي حق مصلحتج والله
روان : ادري بس هم خايفه من العيشه اهناك والسبه مرت عمي كلش ماتحبنا خايفه تقول كلمة تجرح اليهال
بدر : لا تخافين ان شاءالله ماكو الا كل خير
( وتمت تسولف مع بدر مده طويله لين تعبت وافصلت عشان تنام )
- اليوم الثاني بعد الغدى –
روان : مشاري .. منال اسمعوني عدل بقولكم شي ومابي بجي زين
منال ومشاري : زين
روان : من اليوم بنسكن عند عمي حمد
منال : ( انصدمت ) ليش؟؟ ماابي
روان : حبيبتي منول عمي امس كان وايد معصب من اللي صار حق مشاري وخايف علينا ومايبي نعيش بروحنا .. عشان جذي بنعيش عنده
منال : ( اتصرخ على مشاري ) كله منك .. لو ماحبست نفسك بالحمام جان ماصار هالشي
مشاري : ( يصرخ ) انا شكو؟؟ اهو بروحه انقفل
روان : خلاص .. لاتصرخون .. واليوم راح انروح .. خلو خيريه تساعدكم بالملابس
منال : انا ماراح اروح معاكم
روان : منال الله يخليج لا تسوين جذي فيني .. خلينا انروح من غير مشاكل
منال : ماحب اسكن عند عمي
روان : انا راح اكون معاكم و ماراح اخليكم بروحكم
منال : ( اسكتت ) واصعدت فوق
- خذوا جنطتين فيهم ملابسهم وبعض الأشياء المهمه وراحو بالطريج حق بيت عمها –
( رن تلفون روان )
روان : الو .. هلا عمي .. اي احنا بالطريج .. شوي ونوصل .. مع السلامه ( سكرت التلفون )
مشاري : روان ؟؟ الحين خلاص راح انعيش عندهم على طول؟
روان : اي حبيبي
مشاري : وعادي كل يوم نطلع ؟ ولا لازم نقعد بالبيت؟؟
روان : ( تبتسم ) اكيد عادي واذا تبي بعد كل يوم انروح حق بيت خالتي هم عادي
مشاري : ( يبتسم ) منول شفتي عادي
منال : ( ساكته )
- اوصلوا بيت العم بو جاسم ودشوا -
ابو جاسم : هلا بعيالي هلا يبه حياكم الله
روان : الله يحييك عمي .. اشلونج خالتي
ام جاسم : هلا
ابو جاسم : ( يكلم اليهال ) ها يبه اشلونكم مع المدرسه؟
منال ومشاري : الحمدلله
ابو جاسم : الحمدلله .. اذا طافتكم دروس قولولي انا اييب لكم مدرسين
مشاري : روان درستنا كل اللي طاف
ابو جاسم : بارك الله فيج يا بنيتي
روان : تسلم عمي
مشاري : عمي انا ابي غرفه بروحي
ابو جاسم : ( يظحك ) اي انت لك غرفه خاصه فيك.. ومنال وروان مع بعض
مشاري : صج ؟؟ وين داري بشوفها
ابو جاسم : ام جاسم وديهم يشوفون غرفهم
ام جاسم : خل يروحون بروحهم يدلون الغرفه اللي كانو فيها اهي راح تكون حق البنات واللي يمها حق مشاري
ابو جاسم : ميخالف قومي معاهم احسن
( قامت ام جاسم معاهم ودتهم غرفهم وروان حست بضيق لأن هذا اول يوم وجذي عاملتهم الله يستر من الياي )

----------------------------

 

[بحر الحزن]

تسلميييين حبيبتي عالروايه والبارتات ..

روايتج الاولى واييييييييييييييييييييييييد عجبتني تخيلي يوم كامل قعدت عليها اقراها من اول بارت لي اخر بارت و كنت متابعه بصمت

يعطيج الف عافيه وهالروايه بعد شكلها واااايد وااااااااااايد حلوووه

بانتظار باجي البارتات .. يعطيج الف عافيه حبيبتي

 

[zooz92]

مسكيينة روااان الله يعيييينها

مشكووورة حبيبتي على البااااارت

ناااطرينج :d

 

[شيخة قلبه]

thaaanx 3al part 7ayate Oo 3athreenech
Oo yalla jdame roo7e erta7ay
**: G.N 7beebte

 

[<> إيلاف الكويت <>]

خووووش بااارت

ناطرينج ريريز

 

[ام جنه]

ثانكس حبي على البااارت ويعطيج العافيه

 

[Low_Fat]

ويييييع يا كره حرم العمام لما يصيرون نسرات
بس انا كاسر خاطري فروس
متى يطيب ويصير له دور بالقصه
نوم العوافي حبي