روايتي الثانية ...(( ضاعت حياتي بلحظة )) ... قصة واقعية .. ReRez

[المستبــده]

صـــاااااررررت

 

[Miss.Nony]

القصه نو كومنت عليهاآ حدهاآ واآو
و ناطرين الباآرت الياآي فديتج
وانا مادري ليش حبيت جاسم احس خوش واحد :$ << مجرد احسااس بس

 

[The purple]

ويييييييييييه ريري خليتي البنات يشتغلون جنهم مال الساعه

 

[over love]

عليج تأخير 13دقيقه وعشرون ثانيه :d

 

[B!g Sm!le]

يالله يا ريريز قبل لا يعلق المنتدى

 

[miss disaster]

وين البارت
لازم تدفعييين ضريبه
نبي بارتيين بدال الواحد (اتغشمر مو صج)

لووووووووول

 

[ام هديل 87]

وينج حبوبه لاتنسينا

 

[انا خطر]

ريريز

يا ويلج << شكلج نسيتينا خخخخخخخ


ناطرين

 

[الطقاقه سونيا]

يالله ناطرين بارت ترا انا متابعه بصمت وحده مدرسه معاي بالدوام مدحت لي روايتج وصج عجيبه

 

[ReRez]

** البارت الحادي عشر **

روان : عمي .. اصلا ماصار على وفاة امي وابوي الا جم شهر اشلون بفكر بالزواج ؟
ابو جاسم : محد قال ان العرس قريب بس عالاقل اعرف رايج .. فكري يبه ورديلي خبر بارك الله فيج
روان : مايحتاي افكر
ابو جاسم : بلى .. اخذيلج 3 ايام فكري عدل ومن كل النواحي وبعدين بسمع ردج ( قام ) يللا انا اخليج الحين ( طلع من البيت )
( راحت روان حق خيريه واليهال بالصاله )
روان : ( اتحس انها مختنقه ) خيريه حبيبتي لبسي فروس بنروح بيت خالتي حصه
مشاري : بنروح حق يعقوووب؟؟
روان : اي حبايبي قوموا لبسوا يللا
( منال ومشاري قامو اصعدو فوق وروان اقعدت بالصاله دقت على فجر من تلفون البيت )
فجر : الو ؟
روان : فجر انتي بالبيت ؟
فجر : اي اشفيج ؟
روان : انا بييلج
فجر : شنو سمحلج عنتر زمانه ؟
روان : فجر مو وقت غشمرتج .. عندي موضوع بكلمج فيه لاتطلعين
فجر : قاعده وين اطلع ياحسره
روان : يللا باي ( سكرت التلفون )
ام جاسم : ( توها داشه الصالة ) من كنتي تكلمين؟؟
روان : فجر بنت خالتي .. الحين بنروح لها وقاعده اشوف اذا اهي بالبيت او لأ
ام جاسم : اي روحولها استانسوا احسن لكم
روان : ( تطالعها تدري انها تبي الفكه منهم ) خالتي قولي حق عمي اني رحت و ماراح اطول ( خلتها واصعدت فوق )

- اوصلوا بيت فجر –

ام محمد : حيااا الله اعيالي الحلوين
روان : ( سلمت عليها وباستها واهي شايله فراس ) الله يحييج خالتي
ام محمد : ( سلمت عاليهال ) حيااااتي فروووسي عطينياه
روان : ( عطتها فراس ) هاج
يعقوب : مشااااري زين انك ييت يبت شريط مصارعه WF اليديد حددده رهييييب
مشاري : الللله امش نلعبه ( راحو مع بعض )
روان : منول روحي معاهم انا بصعد حق فجر
منال : بصعد معاج
روان : شوي قعدي معاهم بعدين تعالي اوكي؟
منال : اوكي ( راحت غرفة يعقوب )
روان : خالتي انا صاعده اذا تعبج فروس خلي خيريه اتييبه لي
ام محمد : لااا فرووسي عسل مايتعـّب خالته
روان : ( تبتسم ) خيريه خليج اهني عند فروس
خيريه : اوكي
( اصعدت روان حق فجر وكانت قاعده عالنت )
روان : السلام عليكم
فجر : ( قامت لها وسلمت عليها ) وعليكم السلام .. ها طلعتي مو مستأذنه من بدر ؟؟
روان : اي مامداني اقوله
فجر : اي ادري لأن كاهو شابك وسأل عنج قلتله انج يايتني بالطريج عاد قال انج مو قايلتله
روان : وشكو قلتيله اني يايه بالطريج ؟
فجر : اشدراني انج موقايله
روان : زين خل اكلمه بايميلج دامج شابكه
فجر : اوكي
( اقعدت روان وجدامها الجهاز واهي متضايقه )
Fjo0oOo0o :
قوه بدر .. انا روان
Dr.Bader :
روان؟
Fjo0oOo0o :
اي
Dr.Bader :
انا مو امس قلتلج ماكو روحه ؟؟؟ ليش صايره تعاندين ؟
Fjo0oOo0o :
بدر انت يوم قلت ماكو روحه مبين انك كنت تتغشمر .. وماعندي رصيد عشان ادزلك مسج
Dr.Bader :
زين حياتي خلاص مسامحج .. و لاتزعلين علي اذا عصبت .. والله مو مني من الامتحانات جد اتعبت نفسيتي
Fjo0oOo0o :
أدري حياتي الله يكون بعونك
Dr.Bader :
يعني انتي قبل كنتي يمي وكل شي صعب نسهله مع بعض وندرس مع بعض .. الحين احس اني فاقدج واعصابي تفلت مني حتى عالدكاتره
Fjo0oOo0o :
لا بدر امانه شد حيلك .. ابيك ترجعلي دكتور ومو أي دكتور جراح بعد
Dr.Bader :
وانتي معاي ان شاءالله .. لأن برجع بخطبج وبالعطله الكبيره بعد 6 اشهر نملج وترجعين معاي
Fjo0oOo0o :
نتفاهم بهالموضوع بعدين .. الحين بقعد مع فجر
Dr.Bader :
اوكي قلبي .. انا بعد لازم افصل مع السلامه
Fjo0oOo0o :
مع السلامه حياتي
---
روان : فجور طلعي من المسنجر لأني بكلمج بموضوع مهم
فجر : اوكي ( لفت اللاب توب عليها وسكرته ) طفيته بكبره يللا قولي اسمعج
روان : خطبني الدكتور عبدالله
فجر : ( انصدمت ) والله؟؟
روان : اي والله
فجر : وانتي كل يوم خاطبج واحد ؟؟ زين انا ليش حظي واقف ؟
روان : فجر هذا وقته تنكتين ؟؟
فجر : والله ما انكت منصجي بس يللا ماعلينا قلتي حق بدر ؟
روان : لا اخاف
فجر : من شنو
روان : صاير وايد عصبي وادري راح يصرخ ويتنرفز وهم مابي اعفس مزاجه واهو بأيام امتحانات
فجر : يعني بتسكتين ؟
روان : اي لأني راح ارفض وليش اضايقه عالفاضي ؟
فجر : روان يعني فرضا ماخذاج .. انتي جذي قاعده تضيعين نصيبج
روان : ( ساكته )
فجر : زين اذا يه بالعطله خل يملج عليج ويرد يكمل دراسته
روان : اي مابقى شي وايي باقي شهرين وساعتها بقوله نملج ويرد يكمل وبعد ال3 سنين نسوي العرس وما اضطر اسافر
فجر : الله يوفقكم ان شاءالله
روان : فجوور مو تقوليله شي بالغلط
فجر : لا منصجج .. اصلا انا ماسولف معاه اهو بس يدش يسأل عنج ويسكت كله حاطه Away
روان : ( تبتسم ) اي اهو ولا عمره حطه متصل

- دشت منال –
فجر : منوول اشلووونج تعالي سلمي علي
منال : ( سلمت عليها ) زينه الحمدلله
روان : ها لعبـّوج معاهم ؟
منال : ماحب العب مصارعه
فجر : ( تلم منال ) فديييت البنااات
روان : ( تظحك ) زين فروس عند خالتي ؟
منال : اي حاطتله دفتر و الوان وقاعد يلون
فجر : وااي حدي ولهت عليه بنزل اعضه وارجع
روان : هيي حرام عليج توه طالع من المستشفى
فجر : كيفي بعضه واقطـّع خدوده بعد ( اطلعت من الغرفه )
روان : ( قامت وراها ) هيي يالمجلوبه والله اذا عضيتيه اذبحج

- انزلوا تحت واقعدوا شوي بعدين ارجعوا بيت عمهم –

( بالليل روان شافت عمها قاعد بالصاله بروحه راحت اقعدت يمه )
روان : السلام اشلونك عمي
ابو جاسم : هلا ببنيتي .. ها يبه خير فيج شي ؟
روان : اي عمي بخصوص موضوع الزواج انا قررت
ابو جاسم : يبه انا قلتلج اخذي وقتج وفكري مابيج تستعيلين
روان : ميخالف عمي .. فكرت عدل ومابي اتزوج حاليا
ابو جاسم : انا ماراح اردله خبر الحين يمكن تغيرين رايج
روان : لا عمي ردله خبر قوله اني مابي اتزوج
ابو جاسم : على راحتج
روان : ( قامت ) تصبح على خير
ابو جاسم : وانتي من اهله
--
- بعد شهرين –
( بالليل روان قاعده بغرفتها جان تسمع صوت ام جاسم تتكلم بصراخ )
روان : منول خليج اهني مع فراس اذا قام ناديني
منال : روّون لاتروحين خليها تصرخ مالنا شغل فيها
روان : ميخالف حبيبتي نطريني شوي وارجع

- انزلت تحت لقت خيريه واقفه جدام ام جاسم وابو جاسم –

ابو جاسم : عيب تعلين صوتج على جذي موضوع .. انا عمهم ومسؤول عنهم
ام جاسم : بس هم مايصير نصرف عليهم بكل شي.. عندهم خير ماشاءالله بعد مايصير فلوسهم تنخش وفلوسنا تنقط بالهبل عليهم
روان : اشفيكم ؟؟ اشصاير؟
خيريه : انا قول حق بابا مافي..
ابو جاسم : خلاص خيريه روحي نامي تأخر الوقت
روان : لا لحظه خيريه .. عفوا عمي بس بعرف شاللي صار ؟
ابو جاسم : ماكو شي يابنيتي سوء تفاهم وانحل روحي نامي
ام جاسم : ( ساكته ومنفسه )
روان : خيريه اشفيكم ؟؟
ابو جاسم : ( يطالع مرته ) لا حول ولا قوة الا بالله العلي العظيم والله فشلتيني مع اعيال اخوي
ام جاسم : انا ماقلت شي غلط
روان : خيريه تعالي معاي شوي
خيريه : اوكي ( راحو مع بعض المطبخ )
روان : شنو صار ؟؟
خيريه : انا قول حق بابا هفاض هليب شوية فيه.. بعدين ماما سوي جنجال واجد ( تقصد ان الحليب والحفاضات باقي شوي ويخلصون )
روان : ( عصبت ) وليش ماقلتيلي انا ؟؟
خيريه : روان انتي واجد تعبان كله منول مشاري فروس يبجي حرام انتي والله مسكين
روان : ( معصبه ) ميخالف أي شي عن اخواني قوليلي انا مو عمي زين؟؟
خيريه : جين
روان : يللا روحي نامي ( اطلعت وراحت الصاله )
روان : عمي انا موصيتها أي شي يحتاجونه اخواني تقولي بس الظاهر نست .. والحفاض والحليب انا راح اييبهم لا تشيل هم
ابو جاسم : لا روان اشهالكلام هذيله عيالي انا بعد وخالتج تره ماقصدت ومن باجر الاغراض بيكونون عندج
روان : لا عمي مشكور انا اللي راح اشتريهم
ام جاسم : ( قامت ) تصبحون على خير
ابو جاسم : استغفرالله العظيم من كل ذنب عظيم .. يبه روان روحي نامي حصل خير
روان : تصبح على خير ( اصعدت فوق وخلته )
منال : ها اشصار ؟
روان : ماكو شي نامي وراج مدرسه تصبحين على خير
منال : وانتي من اهله
( روان غطت راسها واقعدت تبجي من غير صوت )
روان : ( بقلبها ) الله يرحمكم .. لو كنتوا موجودين ماجان حسينه بالمذله .. الله يصبرني
---
- بعد 3 ايام –
( يوم وصول بدر من السفر )

- روان تكلم فجر بالتلفون –
روان : ماني قادره اصدق بدر شوي ويصير بالكويت احس قلبي راح يوقف من الوناسه
فجر : وليش ما تستقبلينه بالمطار
روان : اهله بيكونون اهناك حسافه بس باجر راح اقط اليهال عندج واروح اشوفه
فجر : شايفتني حضانه ؟؟
روان : و احلى حضانه بعد
فجر : يممه منج ومن كلامج المعسول .. زين زين ييبيهم راح أأجـّل طلعاتي عشانهم
روان : الله والطلعات مادري الأخت سيدة أعمال
فجر : ايي ان شاءالله واشهر سيدة اعمال بعد ( فجر تدرس ادارة اعمال )
روان : كاهو دق باي ( ردت على بدر ) الو؟
بدر : ها من تكلمين ؟
روان : ( تظحك ) أول شي الف الف الف الف الف حمدلله على السلامه نورت الكويت توك واصل ؟؟
بدر : اي والله تووني الحين وصلت حتى اهلي للحين ماشفتهم .. والله ياني ولهان عليج حييييييل
روان : انا اكثر والله ودي الحين ايي اشوفك
بدر : لحظه شوي كاهم يو ( تسمعه يكلم اهله ) اهليييين بسام الله يسلمك يارب اشلون امي والله ولهت عليكم كلكم .. هلااا بوجراااح اشلون الكتاكيت والله لهم وحشه
بدر : ( يكلم روان ) انا ادق بعدين مع السلامه
روان : مع السلامه حياتي ( سكرت التلفون )

- بالليل –
بدر : روان عمري باجر بتغدى معاج
روان : ماقدر شقول حق عمي ؟ خلها بالليل احسن اودي اليهال بيت خالتي واشوفك
بدر : اوكي عاد شيصبرني
روان : ( تظحك ) اصبر نطرت كل هالايام ماتنطر زياده يوم واحد ؟
بدر : اصلا لو يصير جان الحين ييت عندج
روان : وين اتيي عندي؟
بدر : بالمكان اللي انتي فيه الحين
روان : مايصير منول وفروس نايمين
بدر : لا مانطلع صوت بس نسولف بالعيون
روان : ( تظحك ) زين نام نام ادري السفره تعبتك
بدر : تره حطي في بالج اني خاطبج خاطبج مالي شغل مو تقولين لأ
روان : ( تضايقت ) باجر نتفاهم بهالموضوع
بدر : لا ماكو تفاهم تفاهمنا خلاص واخوانج ماينخاف عليهم عمج خوش ريال ويتأمنون عنده .. وكل عطله بتشوفينهم
روان : باجر نتفاهم نام الحين
بدر : قلتلج خلاص سكرنا الموضوع واتفقنا ماكو تفاهم .. يللا تصبحين على خير عمري
روان : وانت من اهله .. باي
بدر : باي ( سكر التلفون )
روان : ( دمعت عينها وحاطه التلفون على صدرها ) والله خايفه انك ماتفهمني

- اليوم الثاني روان ودت اخوانها عند فجر وقالت لهم عندها شغل بالسوق تخلص وترجع لهم –

( اوصلت عند المكان اللي اتفقوا عليه اهي وبدر واسفطت يم سيارته واركبت معاه )
روان : ( شافته وعينها دمعت من الوناسه ) الف حمدلله على سلامتك
بدر : ( يبتسم ) جذي من بعيد لي بعيد ؟؟ ماتبين تلميني يعني ؟
روان : ( قطت عمرها عليه واقعدت تبجي ) ولهت عليك حيل
بدر : ( لامها ) عمري بس لا تبجين فديت قلبج
روان : والله كنت اعد الأيام عد عشان اشوفك يمي
بدر : ( وخر عنها ومسح دموعها ) مابي اشوف هالدموع كاني يمج خلاص عاد ظحكي
روان : ( تظحك ) ها شنو يبتلي ؟
بدر : يبتلج نفسي مو كافي ؟؟
روان : ( تظحك ) أكييد كاافي
بدر : لالا صج يبتلج هدية ( مد ايده وره وطلـّع جيس أحمر ) تفضلي حبيبتي
روان : ( تبتسم بس ماخذته ) والله جد شوفتك تكفي
بدر : ( يظحك ) يللا عاد اخذيه وعن الدلع
( روان تبي تشوف شنو داخله بس مسك ايدها )
بدر : خليه شوفيه بالبيت لاحقه عليه .. سولفي معاي والله ولهان عليج
روان : ( تبتسم ) اي انا بكلمك عن موضوع الملجه
بدر : لا هالسالفه خلصنا منها .. سولفيلي عن عيشتج مع عمكم
- روان تضايقت لأن موراضي يسمعها بس طوفت السالفه واقعدت معاه ساعتين تقريبا –
روان : يللا قلبي لازم امشي وايد تأخرت
بدر : بس انا ماشبعت من شوفتج
روان : ادري والله انا بعد بس شسوي لازم اروح
بدر : باجر بشوفج
روان : خلاص احاول
بدر : لا ماكو احاول وراح أشوفج
روان : اوكي يللا لازم اروح مع السلامه

- في بيت فجر -
فجر : خل اشووف شنو يابلج
روان : لا بشوفه بروحي بعدين
فجر : عيل ليش نزلتيه معاج ؟
روان : بس عشان احرّج
فجر : ويع يالمليقه يللا عاد خل اشووف
روان : اوكي ( طلعت الأغراض اللي بالجيس جان تشوف شي شالته وايدها ترجف )
-------------------------------------------------------
لاتنسون بااااااجر السبت .. وانا كل سبت اوف ( اجازه )
نطرووني الأحد
و هم لا تنسوون
الصفحات بالتوقيييع

 

[جروحي انزفت]

يالله حياتو بليز ترى الساعه 1 ابي ادرس ابي يمديني اقرى البارت

 

[انا خطر]

ام جاسم <<<<< بذبحها

ليش غثيثة قطع ؟؟؟

وااااي شنو بالجيس الله يصبرني لي يوم الاحد

تســـــلمــــــــين قلبي عالبارت

 

[The purple]

@@

ماظنتي بدر شرّاني @@

معقوله اهوا اللي يضيع حياتها ؟

يماااااااااااااااي

وقفتيها عند شي مهم سويتي حبكة درامية < طيري منااااك

وباجر اوف يعني نطره لين الأحد !!

ثنكيو ريري وموفقه يارب ..~

 

[كاسبرينوو]

ثاااااااااااااااااااانكس حبيبتي البارت حده عجيييييييييييييييب
الله يستر والله حدي خايفه ان روان ما تتزوج بدر
او بدر ما يطلع خوش واحد ​

 

[ReRez]

ام جاسم <<<<< بذبحها

ليش غثيثة قطع ؟؟؟

وااااي شنو بالجيس الله يصبرني لي يوم الاحد

تســـــلمــــــــين قلبي عالبارت

ام جاسم في وايد منها هالأيام .. الله يسامحهم
نطرييني يوم الsunday :gathering:

يالله حياتو بليز ترى الساعه 1 ابي ادرس ابي يمديني اقرى البارت

آآآسفه عالتأخيييييير حبووو .. موفقه يااارب بالدراسه عساج تطلعين من الأوااائل ياارب :ggdw:

 

[ReRez]

@@

ماظنتي بدر شرّاني @@

معقوله اهوا اللي يضيع حياتها ؟

يماااااااااااااااي

وقفتيها عند شي مهم سويتي حبكة درامية < طيري منااااك

وباجر اوف يعني نطره لين الأحد !!

ثنكيو ريري وموفقه يارب ..~

لوووووووووووووووووول احلى شي الحبكة الدراامية :krkrkr: اعجبتني حسيت انج تصيرين حق ابوي كله هذي
مفرداته لوول

ثاااااااااااااااااااانكس حبيبتي البارت حده عجيييييييييييييييب
الله يستر والله حدي خايفه ان روان ما تتزوج بدر
او بدر ما يطلع خوش واحد ​

الله كريييييم نطري البااارت يووم الأحد ان شاااءالله مشكووووره حبووو عالمتاابعه :ggdw:

 

[šâđ cαηđlë]

وااااااااااااااااااااااااي ReRez ليش تعذبينا و تخلين هذي نهايه البارت و وااي باجر سبت يعني مافي بارت يعني اعصابي راح ترووح فيها
لوووووووول بس ثينكس على البارت حلووو و ننتظرج يوم الأحد​

 

[Miss.Nony]

ناطرينج خيتي لي يوم الاحد ..
وتسلم ايدج عـ البارت
ماآقصرتي فديتج ..~

 

[ReRez]

وااااااااااااااااااااااااي ReRez ليش تعذبينا و تخلين هذي نهايه البارت و وااي باجر سبت يعني مافي بارت يعني اعصابي راح ترووح فيها
لوووووووول بس ثينكس على البارت حلووو و ننتظرج يوم الأحد​

ثاااااااااااااااانكس حبببوووووووووووووو :ggdw:
LUv
U
:klhfl:

 

[ReRez]

ناطرينج خيتي لي يوم الاحد ..
وتسلم ايدج عـ البارت
ماآقصرتي فديتج ..~

:ada: الله يسلمج يااااااارب .. ثااانكس عالمتااابعه