روايتي الثالثة { يفلانة ضاري حطيه بعيونج }
- بادئ الموضوع زهراء*
- تاريخ البدء
- السلام عليكم بنات .. بس قبل لا أبلش البارت بقولكم أنا البارتات راح تكون منتظمة يعني البارت راح ينزل فقط يوم السبت والخميس .. ويلا قراءة ممتعه
[*]...
[*]البارت الأول
[*]..
[*]بيت بو بدر
[*]على صوت المقارىء مشاري العفاسي يصبح ويمسي ضاري .. وكلمة شكرا لله ماتفارق لسانة .. أنسان مؤمن وخلوووق ... محافظ على صلاتة ومؤدي فروضة كاملة .. يخاف الله ومتعلق بأهلة حيل .. ماشااءالله جميل بمعنى الكلمة .. ملامحة تجذب .. وستايل .. الي يشوفة يقول عنه مغازلجي عود بس أهو عكس هالوصف .. مايمشي الا وعيونة بالأرض .. مايطالع لا يمين ولا شمال .. دايما يحاول يبتعد عن ربع السوء .. طبعا ضاري يتيم الأم والأبو .. توفوا أمة وأبوه لمن كان عمرة 10 سنين وعمه تولة تربيتة ..
[*]البطاقة الشخصية
[*]الأسم : ضاري
[*]العمر : 27 سنة
[*]التحصيل العلمي : خريج الجامعه الأمريكية AUK دولة الكويت قسم المحاسبة
[*]المهنة : موظف في بنك الوطني
[*]الهوايات : الطبخ , السباحة , كرة القدم
[*]
رفع الصور
[*]
رفع الصور
[*]**
[*]بطرف ثاني من الرواق صوت الأغاني يهز الغرفة هز .. داخل الغرفة شاب متهور ومستهتر صارلة تقريبا 3 سنين بالجامعه وموفالح مقوع .. وداش بالاصل الجامعه متأخر لانة ساقط بالثانوي ونجح بالدز .. مهنتة الوحيدة الاكل والنوم والقز .. والصلاة والعبادة طاقهم بالطوفة .. من مجمع لي مجمع .. ومن مخيم لي مخيم .. ومن شاليه لي شاليه .. اي نعم هاذا أهو "بدر"
[*]البطاقة الشخصية
[*]الأسم : بدر
[*]العمر : 23سنة
[*]التحصيل العلمي : طالب بجامعه الكويت .. كلية العلوم الأدارية
[*]الهوايات : القز .. BBM , twitter
[*]
رفع الصور
[*]**
[*]الغرفة المقابلة لغرفة بدر غرفة يعم فيها الهدووء .. غرفة زهرية اللون .. على زواياها فراشات مرسومة بألوان زيتية .. غرفة رغد .. "رغد" أنسانة خلوقة وذربة لأبعد الحدود .. راقية بتعاملها مع الناس .. محبوبة بين الجميع .. تخاف ربها ومحافظة على صلاتها .. عكس أخوها بدر تمام .. أذونها ماتسمع الحرام وعيونها ماتشوف الحرام .. ماترضى بالغلط وسيدة لاتلف ولا تدور .. قريبة حيل من ولد عمها ضاري .. تعتبرة أخوها وأكثر .. أي مشكلة تواجها وماتلقى لها حل تلقى ضاري جدامها يفج لها هالمعضلة
[*]البطاقة الشخصية
[*]الأسم : رغد
[*]العمر : 30
[*]التحصيل العلمي : خريجة جامعه الكويت هندسة معمارية
[*]المهنة : مهندسة بوزارة الأشغال العامة
[*]**
[*]ضاري : أستغفر الله العظيم من كل ذنب عظيم .. يعني الواحد مايعرف يصلي على راحتة بالبيت .. انا هالريال مادري متى يكبر ويعقل شوي .. تعبت وآنا أنصحة بس ماكو .. صج الله خلق وفرق .. يعني لو بيت عمي مرقص جان قلت زين مالومة .. بس بيت عمي صوت القرآن مايوقف عندهم .. هاذا شلون طلع جذي عوي .. شلون
[*]" طلع من الغرفة وراح غرفة بدر .. بطل باب الغرفة "
[*]ممكن أتفضل
[*]بدر قصر على صوت المسجل : بو العز .. أنت تفضلت بدون لا أقولك .. حياك يبا حياك الغرفة غرقتك
[*]ضاري واهو يمشي على طرف أصابعه من الفوضة الي بالغرفة : شنو هاذا ..!! ملابسك مقطوطة بالأرض والغرفة عفسة .. ليش ماتعدل غرفتك شوي .. ناطر منو يعدلها
[*]بدر : ميري بعد منو
[*]ضاري : خير أبوي
[*]بدر : الخير بويهك يا شيخنا ههههههههههه
[*]ضاري : تتطنز مع الويه .. بدر عيب عليك تخلي الخدامة تدش غرفتك وتشوف خصوصياتك مايصير جذي .. أنت ريال وفاهم قصدي ..
[*]بدر : أووووه ضرووي لاتقعد تعطيني محاظرات ترى مالي خلق توها الوالدة معطيتني زفة
[*]ضاري : ماعلى الرسول الا البلاغ .. بعدين بسألك اليوم تغديت
[*]بدر : اي شنو هالسؤال يعني احنا متغدين مع بعض
[*]ضاري : خووش .. يعني مانسيت تتغدى عدل
[*]بدر : اي عدل
[*]ضاري : أنزين صليت
[*]بدر يتصنع الأهتمام : أوووه أستغفر الله العظيم من كل ذنب عظيم .. نسيت أصلي
[*]ضاري : ماشاءالله .. عيني عليك باردة .. مانسيت تتغدى بس نسيت تصلي
[*]بدر : ضاري
[*]ضاري : آمرني
[*]بدر : ممكن تطلع برا شوي ..
[*]ضاري : مامنك فايدة .. بس أذا ماعليك امر قصر صوت المسجل ماني قادر أصلي
[*]بدر : من عيوني .. بس أنا بعد بطلبك طلب
[*]ضاري : آمرني
[*]بدر : لاتعطيني محاظرات المرة الياية عن الصلاة ماشي حبيب قلبي
[*]ضاري عصب من طريقة كلام بدر .. عطاه نظرة وطلع برا الغرفة
[*]"أنا عمري ماشفت أنسان عديم الأحساس والظمير مثلة .. الله يهديه أنشاءالله .. الله يهديه "
[*]( رغد توها طالعه من الغرفة وتسمع تحلطم ضاري .. بكل ذرابة تظحك وخاشة الظحكة ) ههههههه
[*]ضاري على غشمرة بنبرة صوت حادة : رغود ليش تظحكين هاا ..
[*]رغد : ولا شي سلامتك
[*]ضاري يخزها وفيه الظحكة : ترى انتي صايرة مو مظبوطة هالجم يوم رغود الظاهر تبين تنطقين
[*]رغد : أهون عليك تطقني
[*]ضاري : أكيد ماتهونين علي
[*]رغد : :$ أحرجتني والله
[*]ضاري : ههههه فديت الي منحرج .. الا تعالي رغودة ماقلتيلي شصار على مديرج ليلحين ماوافق على الاجازة
[*]رغد : والله ماصار شي .. ليلحين موراضي يوقع على الاجازة .. مادري ليش حاط عليي حطة انا بالذات من بد الموظفين الباجي .. يعني زميلتي ماتشتغل كثري ولا تتعب كثري ويالة تداوم بالأسبوع مرة معطيها أجازة وأنا الي أكد واتعب موراضي يعطيني أجازة أقولة بروح اعتمر يقول لا .. خلها على الله ضرووي
[*]ضاري : الله كريم أنشاالله بس الله يعينج ويصبرج
[*]رغد : الله كريم أنشاءالله .. ههههه وأنت ماقتلي عن الموظفة هاذي بعد ليلحين تتلزق فيك
[*]ضاري : أووف لي باجر أقولج رحت سوق بو نص دينار وشريت دبلة قتلها يايبا أنا خاطب وبتزوج عن قريب مو راضية تقولي أنت لي أنا وبس هههههه .. والله موصاحية .. الله يعينها على روحها
[*]رغد : اي والله .. هالأشكال للأسف وايد قاموا يطلعون بمجتمعنا .. مشوهين سمعتنا .. الله يهديهم أنشاءالله
[*]ضاري : اي والله .. أوووه أستغفر الله خذتنا السوالف ونسيت أصلي فرضي الحين تروح فضيلة الصلاة .. خل أصلي وبعدها بطلع تامريني على شي
[*]رغد : أستعفر الله .. يلة سامحني لهيتك .. تقبل الله مقدما .. وسلامتك دير بالك على روحك
[*]ضاري : منا ومنج صالح الاعمال
[*]" ماشاءالله عليه ضاري .. ريال ونعم الرياييل .. الله يرزقة أنشااءالله في بنت الحلال الي تسعدة .. خل أروح أجهز ملابسي ألحين لا أتاخر على ليال وتسويلي سالفة "
[*]...
[*]جوكليت بار الفنطاس حيث الجو البديع .. نسمات الهواء العليل تلاطف خدها الناعم .. ونفحات الهواء تداعب خصلات شعرها الأشقر المنسدل على ظهرها .. ليال قاعدة على الكرسي بكل غرور وكبرياءها المعتاد ..
[*]ليال بدلع : أوووف شنو هاذا المكان وهاذا الجو .. وااي أمبييه فرق بين جو الكويت وبين جو لندن .. وهاذي بعد رغد وينها خل أدق عليها تأخرت وايد " طلعت آيفونها وبدلع تظقط على الارقام " 6667... " أنشاءالله تردين عاد رغود "
[*]رغد : ألوو
[*]ليال بدلع : وااي رغودة شنو هاذا ليش تتأخرين علي جذي كافي موبالعه الجو والمكان .. من وين طالعه لنا بهالمكان
[*]رغد : هههههه .. ليوول انتي ماتيوزين لازم تتحلطمين ..
[*]ليال : لو كنت أمس معاي أمس في باريس وقبل أول أمس بلندن جان عرفتي ليش أتحلطم
[*]رغد : أنا بعرف انتي وين روح الوطنية الي فيج هاا .. قمت أشك أنج كويتية
[*]
- ليال : Omg منو قال اني كويتية .. لا رغودة لاتزعليني منج .. انا مولودة بلندن وعندي جنسية لندنية أنا مو كويتية .. أووف يلا الحين بسج سوالف تعالي ناطرتج
- رغد : لفي ويهج
- " لفت ويها بكل رقة وذرابة ونعومة .. وطاحت عينها بعين رغد .. وطاحت عيونة بعيونها من غير لاتحس .. بس شافت رغد ولا تقوم من على الكرسي وتنسى كل غرورها وكبريائها وتلمها بأحظانها وتسلم عليها بكل شوق ولهفة .. أما أهووو يناظرها من بعيد ويتأمل جمالها الموطبيعي .. هاذي أول مرة عيونة تطيح بعيون بنت أول مرة بحياتة .. بس شكلها كان حيل ملفت .. بس شنو هالصدفة الي جمعت رغد و ( ... ) بمكان واحد .,
- ..
- ليال : وااي وااي يالخايسة لج وحشة حييل
- رغد : هههه .. حبيبتي والله وأنتي اكثر ..
- ليال : يعني هاذي موحالة رغودة ماتبينين
- رغد : انا الي ما أبين ولا أنتي .. من ديرة لي ديرة .. انا قاعده بمكاني مجابلة شغلي .. بس أنتي هياتة الله يهداج .. مامليتي من السفر
- ليال : لا والله رغودة مامليت ... انتي تدرين أنا من وعيت على الدنيا وأنا حياتي كلها من ديرة لي ديرة .. بعدين السفر يلهيني عن وايد أشياء ..
- رغد : مثل
- ليال : مادري والله رغد بس أحس في شي ناقصني مادري شنوو أهووو
- رغد : أمممم ليال تبين أكلمج بكل صراحة بس أخاف تزعلين مني
- ليال : لا حبيبتي تكلمي
- رغد : يعني أنا أقولج شنو الي ناقصج .. ناقصج أنت تتقربين من الله عدل .. يعني
- قاطعتها ليال بعصبية : أووه رغد .. انا جم مرة أقولج لاتبطلين الموضوع معاي .. أنا أنسانة حرة وأسوي الي أبيه .. بعدين أنا بعرف يعني حياتي ماراح تمشي الا أذا صرت قريبة من الله ..
- رغد : بس
- ليال : لا حبيبتي .. شوفي حياتي ماشية وأنا أصلن حيل مستانسة .. بعدين انا عندي أشغال أهم من أني أجابل ربي ..
- رغد : أستغفر الله ليال شنو هالكلام
- ليال : شفيج أنتي .. انا أهم شي عندي ال shopping و ال fation وبس .. عيل تبيني أصير معقدة مثلج 24 ساعه أصلي وأدعي .. ولا ألبس سكارفات أقصد الي تسمينة حجاب .. وهاذي العباية السودة الي ماتقطينها .. ويهج .. حرام عليج أهتمي بروحج شوي .. شوفي ويهج شلون ذبلان .. لو أنا مكانج جان من زمان منتحرة
- رغد " صدمني كلامها حيل .. معقولة في ناس تفكر جذي .. أول مرة تكلمني ليال بهاذي الطريقة أول مرة .. حيل جرحني كلامها .. حسيت أنها هزأتني .. مسحت بكرامتي بالأرض بس أنا ماسكت "
- ليال أسمحيلي بس الستر والخوف من الله مو عيب ولا تعقيد .. بالعكس هاذا يسمونة فوز .. انا فزت برضى الله ورضى نفسي .. عيل تبيني أمشي بالشوارع بمظهرج .. وألحين أسمحيلي دام هاذي وجهة نظرج فيني وبلبسي وبشكلي أو بالأخص هاذي نظرتج للامور بالحياة فأسمحيلي أنا أترخص الحين لاني ماأظيع وكتي مع ناس تفكيرهم جذي سطحي
- ليال : وااي أنتي ليش جذي حساسة
- رغد : كلامج الي قطيتيه مو شوية ترى
- ليال : اوووه يبا بالطقاق رغود .. انا مو محتاجة وجودج أصلن .. بعدين بفلوسي أقدر أشتري 10 منج
- رغد : خسارة العشرة الي بينا خسارة ..
- ليال : اي عشرة .. كلها اعرفج شهرين سويتيها عشرة
- رغد : بس انا أعتبرتها عشرة .. والظاهر طلعت غلطانة .. عن أذنج
- ليال : أذنج معاج
- حمدالله والشكر شفيها هاذي .. واي .. الناس بهالديرة صايرين أرف يلوعون الجبد .. خص البنات دعلة .. انا ليش ما أرافج شباب مو احسن .. أي والله أحسن .. البنات أصلن يغارون مني .. عشان جذي كل ماأرافج وحده تقط عليي نفس الكلام الي قطتة رغد .. شنو هاذا حظي العوي .. اممم وين أروح ألحين وين .. مادري وين أطلع وين أروح
- ....
- شارع الخليج حيث أصوات الأغاني تارسة الشارع بسيارات الشباب .. الي يرقص والي يردح .. والي يتلوفت يمين ويسار يطلطل بسيارات خلق الله .. بدر وقف سيارتة بنص الشارع وعرقل السير
- عطينة ويه يالكيكة شدعوة عاد .. أنزين بس نظرة يبا .. نظرة تكفيني
- خالد : بدوور أنشاءالله تمشي الناس قاعد تطق هرنات
- بدر : ماراح أمشي لين الكيكة تعطيني ويه
- خالد : ولييه بو نصوور مو جذي عاد .. يلا حرك لا ألحين أنا بخليك تحرك السيارة غصبن عليك
- بدر : أوووه خلاص يبا حركنا حركنا
- خالد : أنت ماتيوز يعني .. لازم تذل روحك حق البنات ..
- بدر : أنا بكسر خشمها .. برويها انا منو وأهيا منو .. بعدين هاذي بنت شوارع تشوفها الحين تاخذ رقم ألف واحد غيري بس تتغلى
- خالد : ولييه بدور جم مرة قتلك حسن ألفاظك ترضى أحد يقول عن أختك جذي
- بدر : لا أنا خواتي مايفترون بالشوارع وباللبس الي هاذي لابستة
- خالد : كل واحد وحر بتصرفاتة .. بس غلط أنك تمشي وتشتم في بنات خلق الله غلط
- بدر : بعرف شغلة أنت شنو يصير لك ضاري ولد عمي .. أخاف أخوك وانا مادري
- خالد : والله ضاري ريال ونعم الرياييل .. بصراحه عمري ماشفت ريال أخلاق وسنع مثلة .. ماشاءالله عليه
- بدر : ويييع .. شنوو الاخلاق كل شي .. دين الريال .. ولا عمرة سمع أغاني .. تعرف شنو يعني دين .. كل يوم يمسكني ويعطيني محاظرات عن الصلاة
- خالد : اي خو انت ألتزم بصلاتك وصل .. ترى العمر فاني وانا أخوك .. باجر ماتنفعك غير صلاتك
- بدر : خلوود .. لاتطلعني من طوري عاد .. لاتطلعلي فيها شريف روما عاد
- " رن تلفون بدر .. الحب يتصل .. "
- بدر : أأأخ الحب داقة
- خالد : رد عليها
- بدر : لا لا ... من صجك أرد عليها .. الحين بتفتح لي تحقيق وينك وشنو قاعد تسوي ومع منو
- خالد : اي قولها ليش تجذب عليها .. بعدين سؤال انت أذا كنت صج تحب البنت ليش تلعب عليها عيل وتكلم غيرها
- بدر : شسوي أنا أنسان ماأشبع وبعدين ماتكفيني وحده بصراحة بس خلوود والله أحبها .. تعرف شنو يعني أحبها
- خالد : انت والله غريب أمرك .. تحب وتخون .. تحب وماتصون .. شنو هالحب ماتقولي
- بدر : خلصنا من محاظرة الصلاة نرجع حق محاظرة الأخلاق
- خالد : الله يهديك بس
- بدر : أنت لاتسمع صوتها .. يبووي ولا تشوف جمالها أخييه جان مالمتني لاني أحبها .. " طالع خالد بنظرة ورفع حاجب " : تبي تشوفها
- خالد بنظرة أستغراب : نعم
- بدر : ماتبي تشوف الحب
- خالد : من صجك
- بدر : اي شنو يعني .. انا واثق منك .. وأدري أنك ماراح تحط عينك على حبيبة صاحبك .. أبيك تشوف الجمال بس عشان تتحسر على عمرك
- خالد : أستغفر الله العظيم .. بدر لاتطلعني من طوري سامع .. حتى أسم البنت مابي أعرفة .. عيب عليك والله عيب
- بدر : شدعوة
- خالد : والله لو بيدي جان سويت وايد أشياء بس أخاف
- بدر : تخاف من شنو
- خالد : لا ولاشي .. الله يهديك .. بس بدور شوف أقولك والله ان يبت طاري البنت جدام ربعك لزبالة لا أعرفك ولا تعرفني سامع ولا لآ ..
- بدر : عاد ترى أنا موحمار لهالدجة
- خالد : أسمحلي بس أشك بهالشي بصراحه
- بدر : آآخ .. قدها
- خالد : ههههههه .. كل شي ولا زعل الحبيب
- بدر : اي عبالي بعد ههههه .. ألا قولي وين بتتعشى اليوم
- خالد : أي مكان .. بس مخي ظارب على برجر كنج .. مشتهي تشيكن ونقز
- بدر : مزاجك البطيييخي مادري شلون صاير
- خالد : بعد شسوي هاذا الي طلع وياي
- بدر : سرينا عيل برجر البحر
- خالد : فووقة
- .....
- بالسيارة
- رغد " معقولة الكلام الي قالتة ليال يكون صحيح .. يعني لحجاب والعباية خافين جمالي .. اي صح كلامها طاع ويهي شلون ذبلان .. ولا قطرة مكياج حاطة بويهي .. فرق كبير بيني وبينها .. أنا كلش مو مهتمة حق نفسي .. بس يا رغد هاذا الهدف من لحجاب .. أنج تسترين جمالج .. بس .. لا لا هاذي كلها أفكار الشيطان .. جمالي محد مفروض يطالعه غير الريال الي بيتزوجني وبيكون حلال عليي .. بس .. بس أذا انا صج حلوة مثل ماأقول ليش محد طق باب بيتنا .. أستغفر الله .. أنا ليش جذي سمحت حق الشيطان يدخل مخي ويلعب بأفكاري .. يارب سامحني .. الحمدالله على نعمه الستر.. اصلن أنا أشفق على ليال .. مادري شلون عايشة أصلن بالدنيا لا صلاة لاعبادة مثل الناس .. لا أبو يعلمها الصح من الغلط .. بس أنا كل قصدي اني أوعيها مابي أشوفها تظيع وانا ساكتة .. أووه أنا الي عليي سويتة وبس .. " الأفكار بدت تتقلب بمخها يمين وشمال لين وصلت البيت .. نزلت من السيارة وقطت حجابها .. فلت شعرها الكستنائي على ظهرها .. فصخت العباية وعلقتها بالكبت .. تنهدت وقطت روحها على السرير .. غمضت عيونها وتخيلت روحها داشة قاعه العرس وبيدها المسكة .. وأهيا تمشى على البساط الأحمر والكل يطالع جمالها الخلاب .. ولا يقطع حبل أفكارها صوت الباب
- طق طق طق
- بطلت عيونها وأنتهى الحلم .. رجعت حق الواقع .. : منو
- أم بدر : أنا يما آآ
- رغد : تفضلي يما .. حياج
- أم بدر : دام فضلج يما آآ
- رغد : أنا أقول الغرفة نورت .. أثاري الوالدة فيها
- أم بدر : ههههه .. منورة بوجود أهلها يا يما آ
- رغد : حياج يما آ تفضلي
أم بدر : دام فضلج
رغد : خير يما آمريني
أم بدر : الخير بويهج
رغد ساكتة
أم بدر وتعابير ويها متغيرة .. بأبتسامة خفيفة : يما آآ ياييج خطاب
رغد وكأنة حلمها صار حقيقة : صج يما آآ
أم بدر : اي صج
رغد : ومنو هالناس
أم بدر : بو عبدالرحمن القاصي .. مديرج بالدوام
رغد بنظرة أشمئزاز : ويييع .. وع وع وع .. لا .. لا لا لا .. لا مستحيل يما آآ .. لو يكون آخر ريال بالدنيا
أم بدر : ويييه ليش يايما ..
رغد : يما آآ من صجج .. هاذا الريال عيونة زايغه بصراحة .. وبعدين متزوج 4 مرات ومطلق .. شنو ناقصني أنا عشان آخذ واحد مثلة ..
أم بدر : بس يما آآ خل نكون واقعيين .. أنتي وصلتي ال 30 .. وانا أبي مصلحتج .. بشوف عيالج قبل ماتغمض عيوني ..
رغد خنقتها العبرة : شقصدج يما آآ يعني أنا عانس .. محد راح يطل بويهي
أم بدر : لا يماآآ أنا موقصدي
رغد نزلت دمعتها على خدها : يما آآ أنا تعبانة ممكن تخليني شوي بنام
أم بدر : بس يما آ أنا موقصدي الي أنتي فكرتي فيه
رغد باست راس أمها : أدري يما آآ موقصدج .. بس هاذي قعدتي من الصبح حق الدوام والحين الساعه قرببت ال 11 لازم انام باجر وراي قعده من الصبح
أم بدر : أنشاءالله يما آآ تصبحين على خير
رغد : وانتي من أهل الخير يماآآ
" سكرت أم رغد الباب وحطت رغد راسها على المخدة وعيونها غرقانة بدموعها .. كل تفكيرها كان بالزواج .. راودها خوف انها صج تعنس وماتتزوج .. جم مرة تنخطب ومايوافقون عليها .. معنها حلوة ومملوحة بس مايصير نصيب .. نامت ونامت أحلامها للمستقبل المشرق معاها .."
الساعه صارت 12 وضاري توة راجع البيت .. ومن عادتة ماينام قبل لايدردش مع رغد عن يومة .. طق باب الغرفة بس رغد كانت نايمة .. دخل غرفتة ودز لها واتساب " الحلو شكلة نايم .. مو من عادتة ينام مبجر .. العادة واوية الساعه 1 يالة تنامين " نطر ترد عليه بس ماردت .. غفت عينة ولا ترد عليه بعد 10 دقايق
ضاري موجود .. محتاجة أسولف مع أحد .. تعال الصالة
ضاري رد عليها : من عيوني
..
ضاري لاحظ عيونها الغرقانة بلدموع ..
خير رغد شصاير شكلج باجية قبل لاتنامين
رغد : أي والله ضاري متظايقة شوي
ضاري : ليش شصاير خير
رغد : يومي كلة كان سيء
ضاري : ليش شصار
رغد : كنت طالعه مع رفيجتي وسمعتني كلام قثتني .. قعدت تعايرني على شكلي أني موحلوة وماألبس مثلها ماركات وأحط مكياج وتقولي أنتي حابسة روحج بالعباية ومعقدة كلة تصلين وتجابلين ربج ومن هالكلام .. وبعدها كملت عليي امي تقولي يااييج خطاب طرت من الفرحة ومامداني أفرح ولا تظيق خلقي .. توقع منو خاطبني
ضاري ماسك روحة فيه ظحكة : منو
رغد : ضروي ليش تظحك .. ألحين انا قاعد أشكيلك تظحك عليي
ضاري : لا موقصدي أنتي كملي بس منو خاطبج
رغد نزلت راسها وبتبطها ظحكة .. قالتها وجنة أحد يدغدغها : بو عبدالرحمن مديري بالدوام
ضاري ووغد حاشتهم حالة هستيرية من الظحك : كاااااااااااااااااك ...
ضاري : لا صج
رغد وعيونها تدمع من الظحك : هههههههههههههه .. تخيل .. لا وأمي تقول وافقي بعد عمرج صك ال 30 .. ههههه .. يعني قصدها راح أعنس .. " وفجأة أختلطت ظحكاتها مع دموعها .. " أي صح راح أعنس
ضاري سكت وبجدية : رغودة شنو هالكلام .. أول شي الي قالت لج أنج مو حلوة هاذي خل تولي .. لانج قمر واحلى من القمر بعد ..
رغد أنحرجت : صج ضاري الكلام من قلبك
ضاري : اي صج .. ليش أنتي شاكة بهالشي يعني
رغد ساكتة
ضاري : ثاني شي شنو عانس ماعانس .. هاذا نصيب وأنتي ماتدرين وين نصيبج بيكون .. بعدين أنتي توج 30 توج شباب .. في حريم صكو ال 50 وتزوجوا .. وألف من يتمناج .. بس بو عبدالرحمن كااااك لا لا .. كلش مو خوش
رغد : هههههههه .. أنا أقول شفيه هالجم يوم يخووزر فيني ويقعد يمدح فيني عند البنات أثاريه مو خالي مخطط الحبيب ومتكتك
ضاري : هههههه .. اي والله مو هين
رغد : وانت قولي شلون قظيت يومك
ضاري : والله ماكو طلعت مع واحد من الشباب وشفت عيون " ولا يسكت .. "
رغد : عيون .. " بأستغراب " عيون شنو
ضاري ويها قام يقلب الوان : هاا ... أقصد رحنا مطعم مال بيض عيون فاتح بالديرة ..
رغد : بيض عيون .. متعشي بيض عيون يالظالم .. الناس تتريق بيض أنا خبري .. بعدين هاذا أي مطعم ماسمعت فيه
ضاري : وانا بعد أول مرة أشوفة ... وأول مرة بحياتي أتنح فيه مثل التتنوحة الي تنحتها .. عيونة كانت غير .. فيها شي يجذب .. خلاني غصبن عليي أطالعه .. ماشلت عيني عنه .. آآآخ بس آآخ على هالعيون
رغد : حمدالله والشكر .. ضروي شفيك .. شدعوة هالتغزل بالمطعم
ضاري أستوعب : أستغفر الله .. أنا شفيني .. !!
رغد : شدراني عنك .. ماشفت روحك شلون متنح وقاعد تتغزل بالبيض عيون .. !! شالسالفة ضروي
ضاري : هاا .. لا ماكو شي ماكو شي
رغد بنبرة شك : اي ماكو شي .. قوم بس روح نام " تظحك " الظاهر بيض لعيون خلى مخك يظرب شوي .. بيض وعلى العشى .. حشى معدة
ضاري أنحرج : الظاهر جذي .. يلا عيل رغودة انا أستأذن تصبحين على خير
رغد : وأنتي من أهلة
..
بدر : يا سارة ياحبيبتي قتلج كنت طالع مع خالد وفوني كان سايلنت .. شلون تبين أثبت لج .. يعني أتصل عليه عشان تصدقين
سارة : اي أتصل ..
بدر : أفاا .. تشكين فيني سارة
سارة : لاحشى بدر .. بس أبي قلبي يتطمن ..
بدر : نطري شوي على الخط
" دق بدر على خالد وشبك الخط "
بدر : خلود الحب على الخط .. قولها وين كنا اليوم
خالد بنبرة صوت واحد دايخ : اليوم كنا طالعين نقز على الحب وأنت مابقى بنت ماغازلتها وتحرشت فيها .. ورقمت وحده بعد
سارة : بدر يالخاين ..
بدر : خلوود يا بطااط .. قول الصج ..
خالد : هههههههه .. يبا يا بنت الناس قاعد أطفرج .. بدر أصلن يحبج وصاينج وعيونة ماتشوف غيرج .. كان معاي رحنا برجر تعشينة وردينة البيت
بدر : مشكور على المداخلة .. حبيب قلبي
" سكر الفون خالد "
بدر : هاا حوبي صدقتي ألحين
سارة : حياتي بدر بس والله مو قصدي .. مو شاكة فيك ولا شي بس حبيت أتأكد .. وبعدين انا اغار عليك من نسمة الهوى أخاف البنات تتلاقط عيونهم عليك .. مابي أحد يشوفك غيري
بدر : يابعد عمري أنتي يا سارة .. أصلن أنا عيوني ماتشوف غيرج
رغد : خير يما آمريني
أم بدر : الخير بويهج
رغد ساكتة
أم بدر وتعابير ويها متغيرة .. بأبتسامة خفيفة : يما آآ ياييج خطاب
رغد وكأنة حلمها صار حقيقة : صج يما آآ
أم بدر : اي صج
رغد : ومنو هالناس
أم بدر : بو عبدالرحمن القاصي .. مديرج بالدوام
رغد بنظرة أشمئزاز : ويييع .. وع وع وع .. لا .. لا لا لا .. لا مستحيل يما آآ .. لو يكون آخر ريال بالدنيا
أم بدر : ويييه ليش يايما ..
رغد : يما آآ من صجج .. هاذا الريال عيونة زايغه بصراحة .. وبعدين متزوج 4 مرات ومطلق .. شنو ناقصني أنا عشان آخذ واحد مثلة ..
أم بدر : بس يما آآ خل نكون واقعيين .. أنتي وصلتي ال 30 .. وانا أبي مصلحتج .. بشوف عيالج قبل ماتغمض عيوني ..
رغد خنقتها العبرة : شقصدج يما آآ يعني أنا عانس .. محد راح يطل بويهي
أم بدر : لا يماآآ أنا موقصدي
رغد نزلت دمعتها على خدها : يما آآ أنا تعبانة ممكن تخليني شوي بنام
أم بدر : بس يما آ أنا موقصدي الي أنتي فكرتي فيه
رغد باست راس أمها : أدري يما آآ موقصدج .. بس هاذي قعدتي من الصبح حق الدوام والحين الساعه قرببت ال 11 لازم انام باجر وراي قعده من الصبح
أم بدر : أنشاءالله يما آآ تصبحين على خير
رغد : وانتي من أهل الخير يماآآ
" سكرت أم رغد الباب وحطت رغد راسها على المخدة وعيونها غرقانة بدموعها .. كل تفكيرها كان بالزواج .. راودها خوف انها صج تعنس وماتتزوج .. جم مرة تنخطب ومايوافقون عليها .. معنها حلوة ومملوحة بس مايصير نصيب .. نامت ونامت أحلامها للمستقبل المشرق معاها .."
الساعه صارت 12 وضاري توة راجع البيت .. ومن عادتة ماينام قبل لايدردش مع رغد عن يومة .. طق باب الغرفة بس رغد كانت نايمة .. دخل غرفتة ودز لها واتساب " الحلو شكلة نايم .. مو من عادتة ينام مبجر .. العادة واوية الساعه 1 يالة تنامين " نطر ترد عليه بس ماردت .. غفت عينة ولا ترد عليه بعد 10 دقايق
ضاري موجود .. محتاجة أسولف مع أحد .. تعال الصالة
ضاري رد عليها : من عيوني
..
ضاري لاحظ عيونها الغرقانة بلدموع ..
خير رغد شصاير شكلج باجية قبل لاتنامين
رغد : أي والله ضاري متظايقة شوي
ضاري : ليش شصاير خير
رغد : يومي كلة كان سيء
ضاري : ليش شصار
رغد : كنت طالعه مع رفيجتي وسمعتني كلام قثتني .. قعدت تعايرني على شكلي أني موحلوة وماألبس مثلها ماركات وأحط مكياج وتقولي أنتي حابسة روحج بالعباية ومعقدة كلة تصلين وتجابلين ربج ومن هالكلام .. وبعدها كملت عليي امي تقولي يااييج خطاب طرت من الفرحة ومامداني أفرح ولا تظيق خلقي .. توقع منو خاطبني
ضاري ماسك روحة فيه ظحكة : منو
رغد : ضروي ليش تظحك .. ألحين انا قاعد أشكيلك تظحك عليي
ضاري : لا موقصدي أنتي كملي بس منو خاطبج
رغد نزلت راسها وبتبطها ظحكة .. قالتها وجنة أحد يدغدغها : بو عبدالرحمن مديري بالدوام
ضاري ووغد حاشتهم حالة هستيرية من الظحك : كاااااااااااااااااك ...
ضاري : لا صج
رغد وعيونها تدمع من الظحك : هههههههههههههه .. تخيل .. لا وأمي تقول وافقي بعد عمرج صك ال 30 .. ههههه .. يعني قصدها راح أعنس .. " وفجأة أختلطت ظحكاتها مع دموعها .. " أي صح راح أعنس
ضاري سكت وبجدية : رغودة شنو هالكلام .. أول شي الي قالت لج أنج مو حلوة هاذي خل تولي .. لانج قمر واحلى من القمر بعد ..
رغد أنحرجت : صج ضاري الكلام من قلبك
ضاري : اي صج .. ليش أنتي شاكة بهالشي يعني
رغد ساكتة
ضاري : ثاني شي شنو عانس ماعانس .. هاذا نصيب وأنتي ماتدرين وين نصيبج بيكون .. بعدين أنتي توج 30 توج شباب .. في حريم صكو ال 50 وتزوجوا .. وألف من يتمناج .. بس بو عبدالرحمن كااااك لا لا .. كلش مو خوش
رغد : هههههههه .. أنا أقول شفيه هالجم يوم يخووزر فيني ويقعد يمدح فيني عند البنات أثاريه مو خالي مخطط الحبيب ومتكتك
ضاري : هههههه .. اي والله مو هين
رغد : وانت قولي شلون قظيت يومك
ضاري : والله ماكو طلعت مع واحد من الشباب وشفت عيون " ولا يسكت .. "
رغد : عيون .. " بأستغراب " عيون شنو
ضاري ويها قام يقلب الوان : هاا ... أقصد رحنا مطعم مال بيض عيون فاتح بالديرة ..
رغد : بيض عيون .. متعشي بيض عيون يالظالم .. الناس تتريق بيض أنا خبري .. بعدين هاذا أي مطعم ماسمعت فيه
ضاري : وانا بعد أول مرة أشوفة ... وأول مرة بحياتي أتنح فيه مثل التتنوحة الي تنحتها .. عيونة كانت غير .. فيها شي يجذب .. خلاني غصبن عليي أطالعه .. ماشلت عيني عنه .. آآآخ بس آآخ على هالعيون
رغد : حمدالله والشكر .. ضروي شفيك .. شدعوة هالتغزل بالمطعم
ضاري أستوعب : أستغفر الله .. أنا شفيني .. !!
رغد : شدراني عنك .. ماشفت روحك شلون متنح وقاعد تتغزل بالبيض عيون .. !! شالسالفة ضروي
ضاري : هاا .. لا ماكو شي ماكو شي
رغد بنبرة شك : اي ماكو شي .. قوم بس روح نام " تظحك " الظاهر بيض لعيون خلى مخك يظرب شوي .. بيض وعلى العشى .. حشى معدة
ضاري أنحرج : الظاهر جذي .. يلا عيل رغودة انا أستأذن تصبحين على خير
رغد : وأنتي من أهلة
..
بدر : يا سارة ياحبيبتي قتلج كنت طالع مع خالد وفوني كان سايلنت .. شلون تبين أثبت لج .. يعني أتصل عليه عشان تصدقين
سارة : اي أتصل ..
بدر : أفاا .. تشكين فيني سارة
سارة : لاحشى بدر .. بس أبي قلبي يتطمن ..
بدر : نطري شوي على الخط
" دق بدر على خالد وشبك الخط "
بدر : خلود الحب على الخط .. قولها وين كنا اليوم
خالد بنبرة صوت واحد دايخ : اليوم كنا طالعين نقز على الحب وأنت مابقى بنت ماغازلتها وتحرشت فيها .. ورقمت وحده بعد
سارة : بدر يالخاين ..
بدر : خلوود يا بطااط .. قول الصج ..
خالد : هههههههه .. يبا يا بنت الناس قاعد أطفرج .. بدر أصلن يحبج وصاينج وعيونة ماتشوف غيرج .. كان معاي رحنا برجر تعشينة وردينة البيت
بدر : مشكور على المداخلة .. حبيب قلبي
" سكر الفون خالد "
بدر : هاا حوبي صدقتي ألحين
سارة : حياتي بدر بس والله مو قصدي .. مو شاكة فيك ولا شي بس حبيت أتأكد .. وبعدين انا اغار عليك من نسمة الهوى أخاف البنات تتلاقط عيونهم عليك .. مابي أحد يشوفك غيري
بدر : يابعد عمري أنتي يا سارة .. أصلن أنا عيوني ماتشوف غيرج
photoshopia
*قروب مصممات كويتيات*
- إنضم
- 16 مارس 2012
- المشاركات
- 1,870
- مستوى التفاعل
- 0
- النقاط
- 0
- الإقامة
- IN a PhoTOshoP wORLd
- الموقع الالكتروني
- www.q8yat.com
Miss MzajeYa
New member
الباااارت حلووو
كملي جياتي
مشاءالله ع ضاري حبيته والله وحتى رغد بعد
وبدر الله يستر عليه بس
مشكورة حبي ع البارت الحلو مثلج
كملي جياتي
مشاءالله ع ضاري حبيته والله وحتى رغد بعد
وبدر الله يستر عليه بس
مشكورة حبي ع البارت الحلو مثلج
X_X3o0ob0o0^_^
New member
رواييتج قمه بالابدااع صراحه ماقريت رواياتج اللي قبل انشالله بقراهم
حبيبتي ياليت ماتطولين
والله ضاري خووش واحد ورغد بعد بس شلون تماشي ليال؟
وبدر الله يهديه اهو وليال بس
وأب أب أب أب أب
حبيبتي ياليت ماتطولين
والله ضاري خووش واحد ورغد بعد بس شلون تماشي ليال؟
وبدر الله يهديه اهو وليال بس
وأب أب أب أب أب
كلي حلاوه
New member
وإيّ الروايهه ةةَ شكلها عجِيييب :eh_s(22):
احم احم # تعليقيّ
ااول شيء » *الله يهدي ليال و بدر ويععع مليقين ما ينبلععون !
وو ضاري و رغوٰد » حبيتهم . . و ان شاء ما تتغير رغوٰد يععني وو تتأثر بكلام ليالوٰ
*[ بس شكلها كان حيل ملفت .. بس شنو هالصدفة الي جمعت رغد و ( ضإري ) بمكان واحد ] . . » مممادري اتوقعع
و سالفهه العيون مليـِـِون بالميةة وراها بنت :eh_s(22):
و يعطيچ الععإفيةةِ يّ قلبيِ بإنتظارچ :eh_s(17): . . !
احم احم # تعليقيّ
ااول شيء » *الله يهدي ليال و بدر ويععع
مليقين ما ينبلععون ! وو ضاري و رغوٰد » حبيتهم . . و ان شاء ما تتغير رغوٰد يععني وو تتأثر بكلام ليالوٰ
*[ بس شكلها كان حيل ملفت .. بس شنو هالصدفة الي جمعت رغد و ( ضإري ) بمكان واحد ] . . » مممادري اتوقعع
و سالفهه العيون مليـِـِون بالميةة وراها بنت :eh_s(22):
و يعطيچ الععإفيةةِ يّ قلبيِ بإنتظارچ :eh_s(17): . . !
كلي حلاوه
New member
MiSs FoOoFoOo
New member
اب اب
ثانكس عالروايه وايد حلوه
كملي
بس انتي قلتي البارتات راح تكون منتظمه وكل خميس وسبت، وين ما نزلتي الخميس
واليوم السبت ماراح تنزلين؟! ^_*
ثانكس عالروايه وايد حلوه
كملي
بس انتي قلتي البارتات راح تكون منتظمه وكل خميس وسبت، وين ما نزلتي الخميس
واليوم السبت ماراح تنزلين؟!
^_*
