روايتي الثالثة (( يا دنيا ارحميني )) .. قصة واقعية .. ReRez

[San3a.Q8]

ريريييييييييييييييز

انتي اكثر عضوة انطر قصصها و كتاباتها

you are so gifted in writing MASHALLA!!

متااابعتج و مستمتعة جداااا

 

[šâđ cαηđlë]

ولكموووووووووو ReRez والله حداا اشتقنالج و الرواية شكلها عجييبة و تينن و حدي استانست لمه شفت رواايتج
بس مادري ليش ياني شعور انه ندى فيها صرع !!
نتظرج على احر من الجمر الساعه 6​

و يا بناات البارت للحين بس بصفحه 1​

 

[zooz92]

مبرووووك الروااية اليدييدة ريريز

ننطر روااايتج من زماااان _03BA:

بداايتها عجييبة مبدددعة ريريز :ggdw:

نااااااطريــنج ​

 

[ReRez]

تسلم الأنامل الذهبية ياريريز

يسلم ذوقج حبي .. ويسلم مرورج فديتج ..

واااو شكلها القصه رووعه ..

بس انا من النوووع الي مااحب اقرا قصه الا كامله ..

ومااحب الحنه .. الله يعيينج على الحنه وان شاء الله ماكو حنه ..

يعني بنساااهاا لفتره وان شااء الله ارد لها بعديين ..

وابي اقرا روايه الفتاه الهاااربه .. من زمان ودي اقرااهاا بس ماسمحلي وقتي .. وان شاء الله بالفتره هذي اقراهاا ..

اممم ReRez تعمدت ادخل على روايتج .. لانه لفت نظري ردودج ببعض القصص ..

والله يعطيج العافيه ..

تسلمين حبووو .. خلاص بعطيج فكره بما اني كل سبت عطله .. فاشرايج تقرين البارتات كل سبت يكون عندج 6 بارتات
نعمه وحلوين مو ؟ ^_^
اي حبوو اقري الهاربه والله اني احبها لوول .. والثانيه عزيزه على قلبي بس تبجي اذا مافيج شدة بجي .. اقولج بلاها ..
وعلى طاري الردود اللي الفتت نظرج :eh_s(22): ان شاءالله ماتكون ردود تفشل

هااي ريريز !

ماشالله القصه شكلها عجيبه وهذا مشعل باط جبدي :rgewrg:


واستانست انه عندي سميه بالقصه خخخخ


وناطرينج ياحلوه اخذي راحتج :blueSmCLR:

احمممم .. اذا كانت سميتج وحده من البنات غير ( ندى و فرح ) ف لا تستانسين تراها كومبارس
اسعدني مرورج حبوو ..

عادي افا عليج مع كل رد لي احط واحد

ثاااااااااااااااااااااانكس ^_^ والله اني احبهم جدا

حياااتي ولهت عليج وعلى قصصج

وبدايتها القصه حدها زوؤوؤوغه ..

ويتنغ حيااتي..,

ثانكس حبوو انا بعد لهت عليج ^^ ثانكس عالمتابعه فديتج

loooooool ReRez 3adi 5aleha etbachi 3ashan en6ali3 7artna shway sa3at a7s eny widy abchi bs ma agdar abchy madri laish 3nad mako domoo3 loool bs y6l3on bil 8i9a9 o bil mawa8if el 9a3ba :eh_s(3):



Na6renich el sa3a 6

atwa8a3 greety 9'a3at 7yatee bla76'a.. etha ma greteha ro7y egreha
o m3ach klenex lool ..
Oo la 7am3awda mn shft bcheehom gbl ana ekt2abt nfsyan :x

صبااااح الخير

اوكي ريرز انا بساعدج لاتحاتين الصفحات:blueSmCLR:


وان شاء الله على موعدنا اليوم الساعة6:aha:

فديتج ثاانكس ^_^ وكاني قمت عشان خاطر عيونكم الحلوه

لوووووووووووووووووووول :$
اخجلتي تواضعي :$



لووول اي عبالي بعد !!

ههههههههههه سكتي ماقدر اقول شي اخاف منج صراحه :$ :$

 

[ReRez]

ريريييييييييييييييز

انتي اكثر عضوة انطر قصصها و كتاباتها

you are so gifted in writing MASHALLA!!

متااابعتج و مستمتعة جداااا

تسلمييين قلبي والله كلامج ونسني اشهد انج سنعه
ثانكس عالمتابعه حبوو ..

ولكموووووووووو ReRez والله حداا اشتقنالج و الرواية شكلها عجييبة و تينن و حدي استانست لمه شفت رواايتج
بس مادري ليش ياني شعور انه ندى فيها صرع !!
نتظرج على احر من الجمر الساعه 6​

و يا بناات البارت للحين بس بصفحه 1​

اليوم تلقين كل شي .. ومشكوووره حياتي عالمتابعه وعلى انج ساعدتيييني فديييتج
اي بنات كل صفحة ابي تنسخون اللي كتبته عن اماكن البارتات فديييييييتج ثانكس اقين :eh_s(21):

مبرووووك الروااية اليدييدة ريريز

ننطر روااايتج من زماااان _03BA:

بداايتها عجييبة مبدددعة ريريز :ggdw:

نااااااطريــنج ​

ثانكس زووووز والله ولهت عليج ^^ .. الساعه 6 اسدحه لكم :weight_lift:

 

[ReRez]

بنااااااااااات والله قمت لعيووونكم غصب سحبت نفسي من فراشي الدافي :eh_s(2):

وعلى قولة كيووت .. ريرييز قاعده هالحزه ؟؟ والله انجاااز لووووول
---

والله فيني صداع نصفي من صوب عيني اليسار لي فوق .. المهم روحو صلو وادعولي

الساعه 6 يكون البارت طالع من الفرن .. سي يوووو سووون

 

[cute princess]

بنااااااااااات والله قمت لعيووونكم غصب سحبت نفسي من فراشي الدافي :eh_s(2):

وعلى قولة كيووت .. ريرييز قاعده هالحزه ؟؟ والله انجاااز لووووول
---

والله فيني صداع نصفي من صوب عيني اليسار لي فوق .. المهم روحو صلو وادعولي

الساعه 6 يكون البارت طالع من الفرن .. سي يوووو سووون

لووووول انجاااااااااااااااااااااااااااااااز
والله انجاز قاعده هالحزه !! العاده الساعه 12 بليل تقومين :$ لوووووول
يلا ناطرين البارت
وحتى انا راسي مصدع (((

 

[فيلجـ كول ـاويه]

ناطرييينج

 

[admant_7abk]

يالله رييرييز السااعه 6 ناطريينج

 

[ReRez]

- 2/ صدمة –

- حياة أمل وسامي تغيرت 180 درجة .. وخصوصا أمل صارت غير .. كانت كل ما تبجي ندى اهي تضحك وتقوم لها .. وسامي وايد ارتاح مو بس لأن صار عنده بنت .. بس لأن شاف أمل بصورة غير عن اللي كانت عليه .. صارت ضحكتها ماتفارقها –

أمل : ( شايلة ندى ) بس ماما بس يا قلبي انتي لا تبجين فديت عمرج
سامي : ( دش الغرفه ) حبيبتي امول .. فاطمة عالخط تبي تكلمج
أمل : قولها بس انوم البنت واكلمها
سامي : لا صوتها متضايق عطيني ندى وروحي كلميها
أمل : لالا باخذها معاي ( اطلعت من الغرفه ومعاها ندى )

- اقعدت بالصالة وارفعت السماعه –

أمل : الو .. هلا فطوم
فاطمة : ( تسمع بجي ندى ) اشفيها ليش تبجي ؟ مريضة ؟
أمل : لا تينن مافيها شي .. بس مستعسرة تبي تنام
فاطمة : ولهت عليها .. ودي اييج واشوفها
أمل : حياج متى ماتبين تعالي
فاطمة : تدرين .. لا تزعلين من كلامي صج ان معورني قلبي لأني عطيتج اياها بس..
أمل : ( تقاطعها ) فطوم انا اشقلت ؟؟؟ مو حلفتيلي انج ماتيبين هالسيرة ؟ صارلها 5 شهور عندي اهي بنتي الحين .. عفية لا تذبحيني بهالكلام

فاطمة : حبيبتي لا تحاتين والله ماراح اخذها .. اصلا داقه اقولج اني احمد ربي على القوه اللي عطانياها .. يوم عطيج البنت ( اقعدت تبجي ) والله بكل صلاة احمد ربي وادعي انها تعيش مرتاحه معاج .. أمول البنات مو مرتاحين .. والله كل فلوسه يضيعهم .. تخيلي طلبات البنات ماقدر اوفرها .. حتى خبز مو قادر يوفره لنا .. ضيع المعاش كله وضيعنا معاه .. الف حمدلله انها عندج ولا هالعيشة

أمل : ليش ماقلتيلي انج محتاجة ؟ فطوم انا اختج
فاطمة : خلاص أمل بس جم مره ساعدتينا انتي وسامي .. والله تعبت مع هالريال تعبت
أمل : زين خلاص اهدي وتعالي عندي منها تشوفين ندى ومنها اكلمج
فاطمة : اييلج بعد صلاة المغرب ان شاءالله

- وتمت فاطمة كل يومين اتروح حق اختها او العكس امل اتروح حق فاطمة ومعاها ندى .. يعني كانت فاطمة تشوفها على طول ومتطمنة عليها –

- بعد مرور خمس سنوات –

( سامي قاعد يقرى جريدة بالصالة .. و أمل قاعدة يمه تشوف تلفزيون .. وبنتهم ندى ( ان صح التعبير ) قاعدة يم سامي تقرى قصة انجليزية لأن ابوها وامها اللي اهم – سامي و أمل – دخلوها انجلش سكول )

أمل : ماما ندوي شنو تقرين
ندى : ( ارفعت القصه توري امها الغلاف ) the little princess .. ال مس قالت اقروها
أمل : الله .. اذا خلصتيها قوليلي قصتها لأني ماعرف انجليزي مثلج
ندى : ( تبتسم و اطلعت غمازتها بخدها اليسار ) بلى تعرفين سمعتج تكلمين فريدة انجليزي
- فريدة خدامتهم الفلبينية -
أمل : ( تضحك ) فديت بنيتي الذكية .. ميخالف هم قوليلي القصة اذا خلصتيها اوكي؟
ندى : اوكي ( ردت تقرى القصه )
أمل : اقول سامي .. عطيت مشعل المبلغ اللي طلبه ؟
سامي : ( واهو يقرى الجريدة ) اي وكالعادة ماراح يحل فيه ولا مشكلة من مشاكلة اللي موراضية تخلص
ندى : ( وقفت قراية جنها تذكرت شي .. حطت القصة يمها و قربت اكثر من ابوها ) بابا ؟
سامي : ( حط الجريدة على فخذه ولم ندى بيد وحده ) ها بابا
ندى : اليوم ال مس كانت تسوي مسابقه واكتبت اسامينا عالبورد .. و اكتبت اسمي ندى مشعل جان اقولها اسم بابا سامي بس ماصدقتني وقالتلي لا تجذبين مرة ثانية

- أمل تغير لونها وحست بدوخه وطالعت سامي بنظرات خايفه –

سامي : حبيبتي ندويه تدرين اشكثر انا وماما نحبج .. بس في شي..
أمل : ( قاطعته ) أول منزمااان ابوج كان اسمه مشعل بس بعدين غيره وصار اسمه سامي .. بس للحين بالأوراق اللي عند المدرسه ماغيرو اسمه
ندى : ( تطالع ابوها ) صج بابا؟ كان اسمك مثل اسم عمو ابو فروح ؟

( سامي خز أمل .. واهي كانت تطالعه بنظرة جنها تترجاه )

سامي : اي يبه صج
ندى : ( باست خد ابوها ) انا احب اسمك اليديد
سامي : ( يضحك ) مشكورة .. يللا بابا روحي اقري القصة بدارج .. بكلم ماما شوي
ندى : زين ( خدت القصة و راحت داخل )
سامي : ( بعصبية بس بصوت واطي ) لي متى ناوية تخشين عنها الصج ؟ لين تعرفه بروحها وتنصدم ؟ مو شايفه اشكثر البنت ذكية و مخها اكبر من عمرها ؟ صدقيني كلها سنة و راح تعرف بنفسها
أمل : ادري انها ذكية وايد ماشاءالله بس مادري خايفه مابيها تدري
سامي : راح تدري .. هالشي ماراح تقدرين تخشينه .. خلينا انقولها الحين صدقيني أحسن لأنها طفله بسرعه تنسى
أمل : ( حطت ايدها على ايده ) لا لا الله يخليك احلفك بالله ماتقولها شي
سامي : ( تنرفز ) اووو اللي بسويه حق مصلحتنا كلنا
أمل : لا .. عليك الله ماتقول لها
سامي : ( خذا جريدته ورد يقرى وحقرها )

- بعد جم يوم في بيت فاطمة –

فاطمة : يا هلا والله ( اتسلم على اختها )
أمل : هلا فيج اشلونج ؟
فاطمة : تمام الحمدلله .. اهليييين بالعسل ندوويه اشلووونج ( اقعدت عالغنفه وقعّدت ندى على حضنها )
ندى : زينه
فاطمة : اشلونج بالمدرسة ؟
ندى : زينه
فاطمة : ( تبوس ندى على خدودها وراسها ) فدييت الزينين
أمل : ( تطالع فاطمة وتحس بنغزه بقلبها ) فطوم خليها تلعب مع البنات
فاطمة : لا لاحقه عليهم انا ماشبعت من سوالفها
ندى : ابي اروح حق فروح و نواره
فاطمة : ( تبوس غمازتها حييل ) حلااات الغمااازه .. يللا روحي لعبي
ندى : راحت تركض
فاطمة : ( اسرحت ودمعت عينها .. جان تمسحها بسرعه )
أمل : ( تضايقت ) فطوم تره انا ماحرمتج من شوفتها كل يومين قاعدة ايي واييبها معاي
فاطمة : ادري بس اسم الله عليها كلها صحة وعافية و..
أمل : ( بطلت عينها مصدومة ) يعني لو كانت مريضة جان عادي ماقلتي شي .. بس ليش انها بفضل الله مافيها شي .. قاعدة تتحسرين وودج تاخذينها صح؟؟
فاطمة : لا والله ماقلت جذي بس..
أمل : ( الدموع معلقه بعينها ) مفهومة جملتج .. بس شوفي فطوم .. ندى بنتي انا .. وما اسمح لج لا انتي ولا مشعل انكم تفكرون لمجرد التفكير انكم تاخذونها مني
فاطمة : ( اسكتت مده وتنهدت ) خلاص خلينه من هالسالفه .. انا أفكر احمل
أمل : ( للحين متضايقه بس هالخبر فرحها شوي ) الف حمدلله .. وهالمرة مثل ماقلتلج .. راح اوديج خاص عشان يديرون بالهم عليج عدل
فاطمة : والله خايفه .. يطيح الجنين .. قلبي مايتحمل أكثر
أمل : لا تقولين جذي والحمدلله انج قررتي تحملين .. و راح تتابع الدكتوره حالتج اول بأول .. بوديج عند وحدة مشهورة وشاطرة

- فاطمة من بعد ولادة ندى .. احملت 3 مرات وكله الجنين مايكمل 4 شهور ويطيح .. والأخير كان ولد بس هم طاح .. بعدين اتعبت نفسيتها وقررت انها ماتحاول تحمل مره ثانية –

فاطمة : ( ترفع ايدها وتدعي ) يارب أسألك الحمل السليم و يارب ارزقني بولد كامل ومعافى يارب
أمل : آمين يارب

- بعد سنة –
( صار عمر ساره 14 .. ريم 12 .. جنان 9 .. نوره 8 .. فرح 7 .. وندى 6 سنوات .. و فهودي توه عمره شهرين )

فاطمة : ( سادحه فهود بسلة اليهال يمها ) كل ما اشوفه احمد ربي ليل نهار على هالنعمة
أمل : ان شاءالله يكبر وتشوفين عياله بعد
فاطمة : ان شاءالله
أمل : ها اشلون مشعل الحين ؟
فاطمة : متعدل وااايد ماشاءالله لا احسده .. تخيلي حتى الزقاير قطعها ؟؟
أمل : ( تضحك ) ايي اشعلييه فهودي قدر يغير اللي مايتغير
فاطمة : الف حمدلله .. تعدل حيل .. قطع سوالف الخرابيط اللي عنده .. بس المعاش للحين يطير حق الديون اللي راكمها عليه
أمل : كل شي راح يتعدل لا تحاتين .. دام يه فهود صدقيني كل شي راح يتعدل مع مشعل
--

- غرفة البنات –

ندى : جنون يعني انتي و نوره خوات .. وانا وفروح خوات اوكي ؟
نوره : لا مابي انا يعني اختج بعد مو بس فروح
ندى : لا بس ابي فروح اختي
فرح : اي انا بعد ابي ندى اختي .. وانتو يعني صديقاتنا
جنان : اوكي
نوره : ( تصرخ ) لا مابي .. شنو مايصير كله تختار فروح تكون اختها

( دشو عليهم ساره وريم )

ساره : اشفيكم تصارخون ها ؟
ندى : قاعدين نلعب
ساره : وجذي تلعبون بصراخ ؟
نوره : ندى ماتبيني اصير اختها باللعبه
ساره : وليش يعني ؟
ندى : بس مابي يكون عندي خوات وايد .. بس فروح كافي
ساره : وليش ماودج خوات وايد مو احلى ؟
ندى : لا مو احلى
ساره : ليش ؟
ندى : ابي باللعبه يكون عندنا العاب وايد وملابس وايد .. بس اذا صرنا وايد خوات راح تخترب اللعبه لأن ماراح نكون اغنياء
ساره : مو شرط .. عادي يعني كلكم خوات واغنياء وعندكم وايد ملابس .. اهي لعبه سويها على كيفكم
ندى : لا مايصير .. شوفي انتو وايد .. وماعندكم ملابس والعاب مثلي .. وانا لأني بس وحده كل شي عندي

ريم : ( منقهره حيل من عيشتهم ) وانتي مستانسه لأنج غنية صح ؟
ندى : اي
ريم : تدرين انتي اختنا
ساره : ( بصراخ ) ريم!!!
ريم : اي خنقولها .. ام السان هذي .. كل يومين اتقول انا غنية وانا غنية .. قاعده تقهرنا لأن كل شي عندها
ساره : زين بس خلاص امشي انروح غرفتنا
ريم : لا انا بقولها .. انتي اول ما انولدتي
ساره : ريم خلاص
ريم : ( احقرتها وكملت ) اول ما انولدتي خالتي امل خذتج وربتج عندها .. بس بالاساس انتي اختنا اللي اولدتج امي مو خالتي امل
ندى : ( تصرخ ) انتي جذابه
ريم : والله مو جذابه .. سامي يصير عمج مو ابوج .. وأمل خالتج مو أمج
ندى : ماراح اصدقج
ريم : يالغبيه شوفي شهادتج شنو اسم ابوج ؟
ساره : ريم اقولج خلااص
ندى : ( تصرخ ) ابوي كان اسمه مشعل بعدين غيره
ريم : غبيه قصو عليج .. والله انتي اختنا والله العظيم ما اقص عليج
ساره : انا راح اعلم امي ( اطلعت من الدار )
ندى : ( اقعدت اتصارخ وتبجي ) جذااابه جذااابه امي امل وابوي سامي .. ليش اتجذبين
فرح : ريم صج ندى اختنا ؟
ريم : اي والله العظيم صج .. بس امي عطتها خالتي امل

( ندى طاحت عالأرض واقعدت ترجف بطريقة تخوف.. وجنان ونوره و فرح اقعدو يصارخون .. و ريم اول ماشافتها اركضت غرفتها واقفلت عليها الباب )
--

- بالصاله –

ساره : يمه .. بكلمج شوي
أمل : تستحين من خالتج سااروو
فاطمة : ( تكلم ساره ) شتبين ؟ تكلمي .. مايصير اقوم عيب قاعدين انسولف انا وخالتج
ساره : بس يمه ...
أمل : ( تبتسم ) خلاص اصلا احنا نبي نروح .. نادي ندوي بسرعه خل نمشي .. و بعدين كلمي امج على راحتج
ساره : ( ساكته )
فاطمة : سويره اشفيج شسويتي ؟؟ اعرفج اذا ارتبكتي

- فجأه وصلهم صوت اليهال قاعدين يصارخون بهستريا وينادون امهم –

أمل : ( امسكت قلبها ) اشفيهم ؟
فاطمة : ( قامت ) يمه ساره قعدي يم فهود خل اشوف خواتج
ساره : يمه ريم قالت حق ندى الصج
أمل : ( تصرخ ) شنو؟؟ اشقالت ؟؟ تكلمي
ساره : ( اسكتت )
فاطمة : ( راحت غرفة بناتها واهي تركض )
أمل : ( الحقتها وايدها على قلبها )
--

- دشو الغرفه مالقو احد لأن اليهال من الخرعه اطلعوا بره الغرفة .. بس كانت ندى ترجف عالارض و رغوه تطلع من حلجها –

أمل : ( اول ماشافتها غطت ويهها واقعدت تصرخ ) بنتي .. اشفيها اشصار لها ؟
فاطمة : ( حاولت تمسك ندى وتهديها بس ماقدرت لأن ندى كانت ترجف حيل ) بسم الله الرحمن بسم الله الرحيم .. بسم الله الشافي .. خلاص ندوي قومي .. أمل دقي عالاسعاف بسرعه
أمل : ( تبجي ) اشفيها بنتي ؟؟
فاطمة : ( تصرخ ) أمل دقي عالاسعاف خلصيني
أمل : ( راحت بسرعه عشان تدق عليهم )
فاطمة : ( اقعدت تمسح حلج ندى بكلينكس وتقرى عليها قرآن )

- بعد دقايق ردت أمل الغرفه .. لقت ندى هدت من الرجفه شوي شوي لين صارت منسدحه من غير حركه –

أمل : ( اقعدت يمها و قلبها بغى يوقف ) اشفيها ؟
فاطمة : ( تمسح على شعر ندى ) ندوي حبيبتي ؟
ندى : ( افتحت عينها طالعت فاطمة مده .. بعدين طالعت أمل .. جان تبجي بصوت عالي ) ماما
أمل : ( امسكت ايدها ) ها ماما انا اهني
ندى : ( لمت أمل ) خل نروح بيتنا مابي ايي اهني مره ثانيه
فاطمة : ( قاعدة يمها ) ليش حبيبتي
ندى : ( دافنه راسها بصدر امل وتبجي ) بس مابيكم انتو جذابين ماتحبوني
أمل : حبيبتي كلنا نحبج
ندى : أدري انتي مو امي بس خذيتيني وحبيتيني بس اهي قطتني ماتبيني
أمل : ( انصدمت اتطالع فاطمة ودموعها تنزل )
فاطمة : ( دموعها انزلت ) انا ماقطيتج انا..
ندى : ( غمضت عينها وراسها بصدر امها أمل ) ماما بروح البيت
أمل : حبيبتي نطري شوي بنروح المستشفى اول خل يشوفج الطبيب
ندى : ( مغمضه عينها وماردت )
أمل : ندوي ؟
فاطمة : ( قامت واهي تبجي اطلعت بره الغرفه وخلتهم بروحهم )

- بعد 10 دقايق اوصلت الاسعاف .. امل شالت ندى واصعدت الاسعاف معاها –
- بالمستشفى –

الدكتور : اهي الحين نايمه لازم تاخذ راحه كافيه .. بس حسب حالتها الصحية اول ما انولدت.. وحسب اللي وصفتيه لنا.. فأتوقع اللي صارلها نوبة صرع
أمل : ( اشهقت ) صرع ؟
الدكتور : هدي نفسج مافيها الا العافيه ان شاءالله .. انا انصحج بالدكتور صالح ال.. اهو متخصص بالأعصاب

- اليوم الثاني عند الدكتور صالح –

د.صالح : نيرس اخذي ندى واشتريلها حلاو
الممرضه : اوكي دكتور
ندى : اتطالع ابوها
سامي : بابا روحي معاها

- بعد ما اطلعو –

د.صالح : مثل ماقال الدكتور اسامه بنتكم فيها صرع
أمل : بس بنتي ماكان فيها أي شي اشلون صار جذي فجأه
د.صالح : البنت انولدت وفيها نقص حاد بالاكسجين .. فجزء من الدماغ تأثر بهالنقص وظهر بهالصورة
أمل : ( دموعها بعينها ) مافهمت وليش يعني توه يالله بيّن هالشي ؟
د. صالح : اهو جذي .. ماله سن معين .. بس اغلب شي يبين بمراحل الطفوله الاولى .. وفي ناس تظهر عليهم اعراض هالمرض فترة المراهقة
سامي : واشلون نقدر نعالجه ؟
د. صالح : اول شي لازم اتعرفون كل شي عن هالمرض .. عشان تتفهمونه اكثر
سامي : اي اكيد
د. صالح : هالرجفه اتصير لأن في اضطراب بالمخ .. وفي فترة معينة مدتها دقايق معدودة ماتتعدى ال4 دقايق بالكثير .. يضطرب المخ وماتوصله ارشادات سليمة فتصير عند المريض حالة تشنجات مايقدر الجسم السيطره عليها .. بس بهالوقت اهي ماتكون حاسه بأي شي حواليها واذا قامت لازم تطمنونها ان ماكو أي شي يخوف .. لازم ترتاح وتنام بعد النوبة
أمل : يعني ممكن ترجع لها الحالة مره ثانيه؟
د. صالح : ترجع من فترة لي فترة وان شاءالله مع الايام تروح هالنوبات .. وانا راح اعطيكم حبوب .. لازم تمشي على الجرعات يوميا وبالظبط مثل ما اقول عشان نسيطر عالحاله .. و انا اقترح ان يشوفها طبيب نفسي .. لأن هالمرض هم يحتاج مساعدة الطبيب النفسي عشان تقدر تتأقلم مع حالتها اليديده .. عندي واحد شاطر وايد بس جلساته راح تكلفكم
سامي : مو مهم الفلوس المهم البنت
امل : ( اقعدت تبجي ) اخ يا بنتي عين وصابتج
سامي : ندى بخير الحمدلله لا تقولين جذي
د. صالح : البنت لازم تحس براحه ومايصير اتشوفج تبجين .. عشان تتفهم حالتها اكثر

- وقعد الدكتور يشرح لهم كل شي عن مرضها .. وقالهم ان قبل النوبة بدقيقتين تقريبا .. المريض يحس بخدر بأطرافه وبراسه وهالعلامات تكون بمثابة تحذير عشان ينسدح بمكان آمن مافي اشياء ممكن تأذيه اذا صارت النوبه -

- بالليل بغرفة ندى –
( سامي وامل قاعدين يكلمون ندى واهي منسدحه بتنام )

ندى : بس ليش خلتني وماتبيني ؟
سامي : اهي ماخلتج .. بس لأن امج امل كانت وايد تحبج وودها تعيشين عندها مثل بنتها .. عشان جذي امج فاطمه وافقـ..
ندى : لا .. امي امل و بس .. مابي ام ثانيه .. ومابي ابو ثاني .. وماراح اروح اهناك كلش
سامي : ( باس راسها ) خلاص اللي تبينه راح يصير .. نامي الحين
أمل : ( باستها ) تبيني انام يمج اليوم ؟
ندى : ( تبتسم ) اي .. وانت بعد بابا
سامي : ( يضحك ) لا ماقدر بعدين ينكسر السرير
أمل : ( انسدحت يم بنتها ) يللا سامي سكر الليت وخلنا ننام
ندى : باي بابا
سامي : تصبحون على خير ( سكر الليت وطلع )

--------

وااي تعبت وانا اكتب .. بس لأني بكبرها باجر قلت اختصر كل شي عن طفولتها :weight_lift:
وبنات بخصوص صفحات البارتات بما ان ماكو تواقيع حاليا .. ف مثل ماقلت انا بكتب بكل صفحة اماكن البارتات

وانتو عليكم اتدشون على آخر صفحة وتدورون ردي اللي فيه صفحات البارتات واذا مالقيتوه شوفوه بالصفحه اللي قبلها
وهكذا ..

واتمنى اتساعدوني تنسخون كلامي اللي في ارقام البارتات بكل صفحه يديده اذا ماكنت موجوده
وشكرا

:balo:

_____________________


----


// ما أحلل أي أحد ينقل رواياتي ومايذكر اسمي ReRez //
---
ادعوووولي أتوظف وربي يشافي امي وابوي ويوفقني انا وخواتي وأهلي اجمعييييييين ياااارب

 

[ReRez]

بناااااااااااااااااااااات البارتاااااااااااااااات

صفحه

1 , 7

:weight_lift:

 

[Danya =)]

يا حيااااااتي يا ندى

توقعت ان فيها صرع وريم حدها ملقووفه

الباارت رووووعة :eh_s(21):

تسلميين ريريز حيااااتي

يعطيج ربي الف عاافيه

ناطرييينج باجر

 

[admant_7abk]

مسكينه ندى كسرت خااطري

مرسي حياتي ع الباارت

 

[هاناا]

خوووووووووووووووووش بارت

موفقة ريريز

يا بناااااااااااااااااااااات

البارتات صفحة 1،7

 

[ReRez]

يا حيااااااتي يا ندى

توقعت ان فيها صرع وريم حدها ملقووفه

الباارت رووووعة :eh_s(21):

تسلميين ريريز حيااااتي

يعطيج ربي الف عاافيه

ناطرييينج باجر

تسلمين حياتي .. الله يشافيها .. مرورج الأروع فديتج

مسكينه ندى كسرت خااطري

مرسي حياتي ع الباارت

مرسي لج عالمتابعه حبووو :eh_s(21):

 

[zO'3a]

واااي مسكينه تكسر الخاطر بس اشوه قالولهاا انهم مو امها و ابوهاا
و شكلهم بنات فاطمه بيصيرون حقودين معاها

 

[inspiring-girl]

ya36eech el 3afya 7bibtyy.. maskeena nadooy .. ekserat 5a6rii ..can't wait 3al a7dath ..

waiting ..!

 

[واحشني مووووت]

عاااااااااااااااااااااااااااااااااشت ريريز
يسلموووووووووووووووو

 

[فيلجـ كول ـاويه]

البارت رووووووووووعه ناطرينج حبيبتي

 

[cute princess]

ويع ريم ويع :rgewrg:
تغث :rgewrg:
يسلمو حبي :*** ما عرفتج وانتي تنزلين البارت 6 :$ توقعت ينزل 7 لووول