روايتي الاولى وبقلمي ( ملايين ) اتمنى انها تعجبكم ^_*

[مريوم]

تسلمين حياتي على البارت واتوقع ان احمد اهو الي راح يفك ملايين من مشعل وبعدين راح يتزوجون وبس حبيبتي ناطرينج

 

[غلآها غير]

ثاانكيوو عالبارت الحلووو

 

[ღ Mzajiya ღ]

lamia a. al-kan​

العفو حياتي ولو :eh_s(17):
ان شاءالله يطلع توقعج صح :ggdw:
تسلميين قلب :eh_s(7):​

دمعة_حب​

حياتي الله يسلمج ويعافيج
لول ان شاءالله قريب بنفتك منه :yaaaaaarb:
تسلميين :eh_s(7):​

a7la_cute_lulu​

ياحياتي والله من ذوقج قلب :eh_s(22):
ان شاءالله ماراح اطول عليكم
تسلمييين :eh_s(7):​

مريوم​

الله يسلمج حبيبتي
وان شاءالله توقعج يطلع صح
تسلميين حياتي :eh_s(7):


غلاها غير

حياتي ولو عيونج الحلوه :eh_s(22):
تسلمين :eh_s(7):​

 

[ღ Mzajiya ღ]

مساااااء الخييييير ياحلوييين :hjy5jewf:
هااا يا حلويين جاهزين حق البارت _03BA:
شوي وينزلكم بارت فرش توني كاتبته هي هي
:eh_s(9): نطروووني :eh_s(7):​

 

[a7la_cute_lulu]

اي جاهزييييييييييييييييييييييييييين

 

[ღ Mzajiya ღ]

البارت الرابع عشر ..​

وقبل الاخير ..​

طبعا مشعل خفت اتصالاته على ملايين ،، لانه كان مخطط
وناوي على شي كبير ، بس كان ناطر ملايين ترد الكويت
عشان يسوي اللي اباله ..​

ورد قبلها بيومين عشان يزهب حق اللي ناوي عليه ..​

طبت الطيارة بمطار الكويت ..​

وخذوا العايلتين اغراضهم وطلعوا من البوابة​

و اول ماطلعوا على طوول ساره طاحت عينها على واحد
تعرفه ومتاكده انها شايفه هالملامح توه ماصارلها
فتره طويله من شافته ​

اكيد كان المصييبه ( مشعل ) ​

ساره شدت على ايد ملايين ،، وملايين كانت لاهيه
بتطلع نظارتها الشمسيه من الجنطه وبس رفعت راسها شافت
اللي ماكانت تتمنى تشوفه اول ماترد ديرتها ..
وكانت حالتها النفسيه عقب السالفه اللي فاتحها فيها احمد
وايد تعبانه ...​

طالعته بنظره عتب واحتقار ولبست نظارتها بسرعه عشان
تغطي على عينها اللي انترست دموع ولفت ويها
ومسكت ايد ساره ومشت ..​

وطلعوا من المطار وكل واحد ركب مع السايق وردوا البيت ..​

عقب ما الكل عدل اغراضه وخذولهم شور وكل واحد دش غرفته
عشان يرتاح الا غابت الشمس ولمن صارت الساعه 8
دق تليفون ملايين ​

مشعل كان يدق ​

ملايين ( بنفس ومعصبه ) : خيير
مشعل ( بكل برود اعصاب ) : حتى وانتي مبهذله ولابسه
اسود باسود حلوه قمر قمر
( قصده لمن شافها بالمطار )​

ملايين ( بدت تدمع ) : حرام عليك انت ليش قاعد تسوي
فيني جذي انا شسويتلك عشان تسوي فيني جذي​

مشعل : ماسويتي شي ،، بس انا حطيتج ابالي وابيج
شلون يعني
ملايين ( تحاول تسايسه ) : دام تبيني تقدر تخطبني
مشعل ( يضحك بصوت عالي ) : ياحليلج يا ملايين ،، انتي من صجج انا اخذ وحده كلمتها ،، لا ورضت تطلع معاي بعد
مسكينه والله​

ملايين بجت ​

مشعل ( تكلم بعصبيه وبجد شوي ) : سمعيني لا تقعدين تمثلين علي وتنزليلج دمعتين عبالج راح اهدج ولا بهون عن
اللي ببالي لاغلطانه ،، اهيا كلمه وحده ماكو غيرها ..
باجر تطلعين معاي سامعه ​

ملايين ( بصدمه ) : شنوووو ،، انت شتقوول
مشعل ( ببرود اعصاب ) : اظن انج سمعتي شقلت باجر
راح تطلعين معاي
ملايين ( وحيل تبجي ) : والله حرام عليك شتبي فيني
مشعل ( بخبث ) : ابيج ،، تصدقين بالبداية ماكنت حاط
ابالي بسويلج شي بس عقب ماشفتج وكنتي باللبس اللي
لابسه ااخ مو صج وحدج عجبتيني ​

ملايين بس تبجي ​

مشعل ( جنه كسرت خاطره شوي ) : شووفي لج وعد اذا
طلعتي معاي ماراح اسويلج شي بس بقعد واسولف معاج
واعطيج صورج
ملايين : هذيك المره قلتلي نفس الكلام وشوف شسوي وهم ماعطيتني صوري​

مشعل ( عصب ) : لانج نرفزتيني ومديتي ايدج
ملايين ( عصبت اكثر ) : لانك حقير انت تماديت معاي
مشعل ( يضحك ) : بس تصدقين البوسه اللي حصلتها تسوى الطراق اللي خذيته منج ،،
بس صدقيني ماراح اطوفها لج​

ملايين ردت تبجي​

مشعل ( كمل كلامه و ولا شي هامه ) : باجر الساعه 10 الصبح
تركبين سيارتج وتيين جمعية ... وتخلين سيارتج هناك
وتركبين معاي سامعه
ملايين ( ميته خوف ) : ويين بتوديني @@​

مشعل : مالج شغل وان ماييتي راح تشوفين صورج منتشره
بكل جهاز كمبيوتر بالعالم سامعه
ويلا الحين انا دخت بنام
( وصك التليفون بويهها )​

ملايين قعدت تطالع التليفون ومنصدمه وبس دموعها ينزلون ... ​

عقب ربع ساعه بس استوعبت الكلام اللي قاله لها مشعل
قامت بسرعه ولبست جاكيت فوق بجامتها
ودقت على ساره واهيا طالعه من غرفتها ..​

ساره ( تتثاوب ) : ملايينوو والله تعبانه بناام
ملايين (وبالغصب تتنفس ) : نطريني يم الباب انا يايتلج
ساره ( صحصحت ) : شفيج شصاير @@
ملايين : الحين ايي واقولج يلا باي ​

ملايين مسحت دموعها وراحت غرفة امها
وطقت الباب شوي شوي ؟؟​

فاطمه ( تفتح الباب ) : هلا يمه حبيبتي شفيج ؟؟
ملايين ( تسوي روحها مافيها شي ،، وتلم امها
وتنزل دمعه حاره على خدها )​

فاطمه : شفييج ملايين لا تخرعيني ،، صاير شي ؟؟
ملايين ( تمسح دمعتها بسرعه ) : لا ماما مو صاير شي
بس احس تعودت على ساره وبروح انام عندها يصير ؟؟​

فاطمه ( طبعا ماتقدر ترفض حق بنتها طلب ) : خلاص حبيبتي خلي الخدامه توصلج وترجع لانه الحين دنيا ليل ،،
وديريبالج على روحج ( تبوس بنتها على راسها )
ملايين : ان شاءالله يما ( وباست امها على خدها وراحت ) ​

و اول ما وصلت ملايين بيت ساره .. كانت ناطرتها
يم الباب وشافت حالة ملايين اللي ماتسر ..
شعرها مفلول ودموعها على خدها و ببجامتها يايه ،،
على طول ملايين بس شافت ساره داخت وطاحت بين ايدها ​

( ملايين من صغرها اذا مرضت او انصدمت او تضايقت حيل من شغله تطيح غشيانه على طول )​

ساره : بسم الله عليج حياتي ملايين
ملايين مو راده عليها طبعا ​

وسحبتها شوي شوي بالغصب لي غرفتها ..​

وسوت نفس كل مره طبعا يابت عطر وقعدت تشممها
وعقبها يابتلها ماي وشربتها وقعدت تمسح على ويه ملايين
وتقرا عليها قرآن لمن تهدى ..​

بزاوية ثانيه من البيت ..​

احمد يتكلم بالتليفون ..
احمد : تهقى بتوافق ؟؟
ابراهيم : ان شاءالله بتوافق .. اصلا لمن كنا مسافرين
مبين عليها انها بدت تميل لك ومن حركاتها مبين انها
معجبه فيك او تحبك ​

احمد : برهوم يلا عاد لا تبالغ .. انا ماشفت هالشي
ابراهيم : يا اخي تفااءل التفاؤل زين ترى
احمد : خلاص زين زين
ابراهيم : انزين يلا انزل خلنا نروح القهوه ولا بتقولي
انك دايخ وبتنام نفس الديايه الساعه
توها صارت 9 تو الناس​

احمد : لا يلا الحين انزلك اصلا من عقب ماكلمتها وانا احاتي وشفتني مااقدر انام عدل
ابراهيم : اي لاحظتك
احمد : الله يستر
ابراهيم : ماكو الا كل خير ان شاءالله ،، ويلا
لا تطولها واهيا قصيره انزل خلصني ​

احمد : يارب ارحمني ،، يلا يلا ابدل واييك
ابراهيم : توصل يم سيارتك دق رنه .. يلا باي
احمد : صار ،، باي ​

وراح احمد عشان يبدل ملابسه عشان يروح القهوه مع ابراهيم ..​

نرد عند ساره وملايين ..


عقب ربع ساعه .. وعقب البجي والحاله ارتاحت شوي
وهدت ملايين ،، وقعدت تقول السالفه حق ساره ​

احمد واهوا بينزل لازم يمر صوب غرفة ساره ..​

ف سمع صوت وحده تتكلم حيل وتبجي وعرف انه كان صوت ملايين .. و وقف يسمع الكلام​

( اهوا مو قصده يسمع بس قال اكيد قاعده تقول حق ساره اني كلمتها وقلتلها ابيها واهيا مو موافقه
وتبي ساره تساعدها عشان تقولي انها ماتبيني ) ​

وقعد يسمع ولمن شوي شوي قام يسمع السالفه فيها واحد
واسمه مشعل دمه قعد يفور واعصابه انتلفت وماقدر
يمسك روحه اكثر وعلى طول فتح الباب ودش عليهم ..​

و اول مادش على طول راح عند ملايين وعطاها طراق ​

ملايين انصدمت @@ ومسكت خدها وقعدت تبجي ​

ورد احمد يبي يكمل عليها
جان على طول ساره تروح عنده وتمسك ايده ..​

ساره ( بخوف ) : لا احمد اصبر انت فاهم السالفه غلط ..
اسمع انته
احمد ( معصب حده ) : شفهم ها شفهم قوليلي ..
منو هالخ... اللي اسمه مشعل هااا
ساره : انت اهدى الله يخليك لحد يسمعك وتكبر السالفه
انت اقعد وانا بفهمك كل شي ​

احمد (شوي شوي بدا يهدى وقعد عالفراش يطالع ساره
عشان تتكلم ..​

وساره قالت حق احمد كل السالفه ماعدا سالفة السياره اكيد ماقالتله انهم راحوله وقعدوا معاه جان احمد ذبحهم اهما الثنتين ​

عقب ماخلصت السالفه احمد قعد ساكت ..
وملايين قاعده عالارض وبس تبجي ..​

وبعد عشر دقايق اخيرا تكلم احمد ..​

احمد : اول شي ملايين غلطت غلطه كبيره لمن تعرفت عليه
حتى لو من باب تضييع وقت او تسليه ..
اهيا جذي خانت ثقة اهلها فيها وهذا مايغفرلها غلطتها
وكلش ماكان المفروض انها تقوله كل تحركاتها وتصرفاتها
هذا واحد من الشارع و مو من حقه
ان يعرف كل شي عن حياتها ​

ويطالع ملايين ويكلمها : صح ملايين ​

ملايين زادت بجي وتهز راسها يعني اي ​

يكمل كلامه : اما عن باجي اللي صار انا راح اعرف
شلون اتعامل معاه هالنذل وانا اراويه والله
لا اكسره هالحقير ..​

يكلم ملايين : سمعيني عدل .. انتي اليوم راح تنامين
عند ساره وباجر الصبح تقولين حق اهلج انج بتطلعين
مع ساره بتروحون تتريقون برا وتدزين مسج
حق الزفت مالج هذا وتقوليله ان ساره اهيا اللي
بتقطج عليه عشان اهلج مايشكون انج طالعه بروحج ..​

وعقب كل هذا حسابج معاي بعدين ..​

يكلم ساره : خلكم بالدار ولا اشوف وحده منكم طالعه سمعتي .. ​

وطلع ورقع الباب وراه​

بس طلع ساره نزلت عالارض يم ملايين ولمتها
وقعدت تهديها
ساره : بس حبيبتي خلاص ارتاحي ان شاءالله احمد
راح يحل الموضوع لا تخافين ياقلبي ماراح يصير شي
ان شاءالله ​

ملايين لامه ساره حيل و بس تبجي بدون صوت ..​

احمد وصل دخل سيارته واهوا حده معصب من الكلام اللي سمعه
ودق على ابراهيم وياله ..​

ابراهيم ( بصووت عالي ويضحك ) : السلاااام عليييكم
احمد ( مبين من صوته معصب ) : هلا ابراهيم ​

ابراهيم : اوف اوف شفييك توه صوتك شزينه مافيك شي ،،
وبعدين انت قلت ببدل واييلك مو نص ساعه منطرني ​

احمد : ابراهيم ،، ممكن تسكت شوي ترا واصله حدي
ابراهيم : شدعوه يبا بيعنا بالسوق
احمد : ملايين يا ابراهيم ملايين طلعت تعرف واحد
( ويطق ايده بالسكان )
ابراهيم ( انصدم ) : شنوو .. شلوون شدراك ؟؟​

واهما بالطريج احمد قال السالفه كلها لابراهيم ​

ابراهيم : ايا الحقييييير ،، هذا شنوو مايخااف ربه ماعنده
خوات ،، شوف باجر انا ياي معاك ماراح اخليك
تروحله بروحك ..
احمد : اي اكيد راح تي معاي مايبيلها كلام ​

وظلواا ساكتين طول الطريج ليمن وصلوا القهوه ​

قعدوا هناك لي الساعه 11 وعقبها ردوا البيت
وكل واحد دش بيته وبغرفته ويفكر باللي راح يصير باجر
واحمد طبعا طول الليل ما نام وقعد يتحلف ويتوعد بمشعل
وانه راح يكسرره وماراح يخلي فيه شي صااحي لمن يشوفه ..​

وعند ساره وملايين طبعا عقب البجي ثنتينهم داخوا ونامواا .. ​

​

 

[ღ Mzajiya ღ]

اليوم الثاني ..


الساعه 8 الصبح احمد قام بالغصب من النوم لانه ماغفى
الا قبل ساعه من التعب وقام راح خذاله شور وبدل ملابسه
وطلع ..

راح غرفة ساره وطق الباب عليهم ..

ساره اول ماسمعت صوت الباب فزت على طول ..
وقامت راحت بطلت الباب

ساره : هلا احمد
احمد : وينها ؟؟
ساره : نايمه
احمد : قعديها بسرعه وبدلوا ملابسكم وتعالوا اكلو لكم شي
عشان نمشي الساعه 9 ونص يلا لا تطولون ناطركم تحت ..

ساره : ان شاءالله

وراحت عند ملايين وقعدتها وبدلوا ملابسهم ونزلوا تحت .

احمد كان ناطرهم بالصاله ..

احمد : يلا بسرعه تريقوا عشان نطلع
ملايين ( منزله راسها بالارض ) : انا مااشتهي اكل شي
ساره : ولا انا بس تعالي عشان خاطري اكلي شي
من صارلج يومين مو ماكله عدل انتي ..
نسيتي انج بسرعه تطيحين تعالي يلا
( وسحبتها معاها لي طاولة الاكل)


احمد كان قاعد يطالعهم بطرف عينه ..
كسرت خاطره ملايين وشكلها اللي ذبل وايد غير
عن ملايين اللي يعرفها كلها حيويه ونشاط والضحكه ماتفارقها ،،
وهم يحبها يعني مانقدر نلومه بس لازم يعاقبها على غلطتها ..

وبعد ربع ساعه .. خلصوا وراحوا وقفوا يمه
احمد قام وقف ومشى جدامهم بدون ولا كلمه ..
دقايق ولا ابراهيم يطلعلهم ..

( ساره بقلبها وييه اكيد احمد قاله والله انا خايفه الحين
يحط اباله اني انا بعد احبلي واحد واكلمه ويهون عني
ومايخطبني ،، الله يستر بس )

ابراهيم : صباح الخير

الكل : صباح النور
ابراهيم : ها احمد مشينا ؟؟

احمد : اي يلا ( يلف ويهه على ساره ) : خليها تدق على الزفت
هذا وتقوله انها يايه بالطريج ولا تنسى تقوله انها
يايه معاج ( وركب السياره ومعاه ابراهيم )
وركبوا ساره وملايين بسيارة ساره ..

وعلى طول ملايين دزتله مسج وقالتله انها توها طالعه وان ساره بتقطها عنده ..

( طبعا طول الفير كان يدق عليها بس اهيا من التعب حطته سايلنت وماردت عليه
وكان متحلف فيها انها اذا ماردت عليه الصبح او مايتله راح يعفسها )

رد عليها ( عبالي بعد ماراح تيين ،، انا الحين بطلع من البيت
واييلج اول ماتوصلين دقي علي )

ملايين حقرته وقعدت تدعي ربها تعدي الامور على خير

وساره بعد كانت تحاتي اللي بيصير وهم تحاتي انه ابراهيم ماياخذ عنها فكره غلط ..

وبعد عشر دقايق وصلوا الجمعيه ..

​

 

[ღ Mzajiya ღ]

ملايين تدق على مشعل ..

ملايين ( بنفس ) : وينك .. انا وصلت
مشعل : كاني دقيقه وادش المصافط اوقفي شوي على
جنب عشان اخذج بسرعه ونطلع قبل محد يشوفنا
ملايين : اوكي ( وصكت الخط بويهه )

ملايين ( تلف ويهها على ساره ) : ادعيلي
ساره : لا تخافين .. الشباب معاج توكلي على الله ،،
انا برد البيت .. ردي مع احمد و على بيتنا على طول
مو تروحين بيتكم اوكي
ملايين : اوكي ،، يلا كاهو يا قاعد يدق علي
( ولمت ساره حيل ونزلت )

وطبعا احمد وابراهيم واقفين برا المصافط عشان بس
يطلع مشعل يلحقونه على طول .

دشت ملايين سيارة مشعل وكانت حيل خايفه وترجف ..
مشعل ( بدون لا يطالعها ) : هلا صباح الخير ،، نورت السياره
ملايين : ممكن اعرف وين بتوديني
مشعل : لا تخافين مكان آمن ومافي شبهات
ملايين ( تصرخ ) : ماتقولي شتبي فيني انت

مشعل : ماله داعي الصراخ ،، خلاص الحين انتي عندي
وماكو حل ثاني خلج حلوه وقطوه مؤدبه لمن نوصل المكان
اللي بنروحله ..

احمد وابراهيم بالسياره كل واحد قاعد على اعصابه واحمد
طبعا خله سيارتين ورا مشعل عشان لا يلاحظ انهم لاحقينه ..

وصلوا عند عماره من العمارات ..

مشعل ( يكلم ملايين ) : سمعي انا بنزل قبلج ..
تعالي الدور الثالث شقه رقم 2 سمعتي
ملايين( حاطه ابالها انه احمد وابراهيم راح يوقفونه
قبل لا يصعدون ) : اوكي

وصفط مشعل بالمصافط

مشعل : يلا انا صاعد نطري 5 دقايق وقفلي الباب
وصعدي سمعتي
ملايين ( بخوف ) : ان شاءالله

ونزل مشعل وراح صعد الاصنصير ..

وصلوا احمد وابراهيم وصفطوا يم سيارة مشعل ونزلوا
احمد ( راح يم دريشة ملايين ) : وينه الحيو...
ملايين : صعد فوق
احمد : ماقالج اي دور واي شقه ؟؟
ملايين : امبلا الدور الثالث شقه 2
احمد : نزلي ( ويعطيها مفتاح سيارته )
ركبي سيارتي ونطرينا لمن نرجعلج

ونزلت ملايين وراحت سيارة احمد تنطرهم وتدعي ربها
انه مايذبحونه بايدهم ويعدي اليوم على خير ..

احمد وابراهيم صعدوله و اول ماطقوا الجرس راح مشعل
يفتح الباب وكان عباله انها ملايين اللي طقت الجرس ..

وبس بطله دشوا اثنينهم وسكروا الباب وراهم
و استلموه طق وكسرووه تكسر ..
ومشعل بالبداية دافع عن نفسه بس بعدين ماقدر عليهم لانهم اثنين واهوا واحد
كسروا خشمه وايده اليسار وكدمات بكل جسمه
احمد ( واهوا يرفسه على بطنه ) : وين صوورهاا ياا خر...
يا حقييير وينهم طلعهم ،، عبالك اعراض الناس
لعبه يا واااطييي

مشعل من كثر الطق مو قادر يتكلم

ابراهيم وخر وقف طق و وخر عن مشعل ومسك احمد ..
ابراهيم : خله خلاص احمد ( والتفت على مشعل )
وين الصور مشعل ؟؟
مشعل بالغصب قعد يتحرك وطلع بوكه من مخباته
وطلع صور ملايين وحذفهم عالارض ..

احمد خذا الصور من عالارض ورفس مشعل رفسه وتفل عليه
احمد : ان شفتك داق عليها ولا مقرب صوبها يويلك
وهذا انذار لك ( وطلعواا )


ركبووا السياره واحمد حذف الصور بحضن ملايين وشغل
السياره ورد البيت ..


اول مااوصلوا البيت ملايين نزلت قبلهم وركضت داخل
بيت خالتها وساره كانت ناطرتها بالصاله .. واول مادشت
ملايين مسكت ايدها ساره وصعدوا فووق ..


احمد وابراهيم كانوا بعدهم بالسياره ..

ابراهيم : شبتسوي معاها الحين ؟؟
احمد : مادري يا ابراهيم ( ويلف ويهه عن ابراهيم ) : ليش سويتي جذي يا ملايين ليييش
ابراهيم : يمسك احمد من جتفه ماعليه يا احمد مافي انسان معصوم من الغلط والحمدالله ان قدرنا نطلعها من
هالمصيبه قبل مايسوي فيها شي وخذينا صورها الحمدالله ،، ومبين عليها انها وايد ندمانه وماكانت مستوعبه
ان علاقتها بشاب ممكن توصلها لي هالشي ،،
واكيد بتكون عبره ودرس لها

احمد ( يتنهد ) : الحمدالله على كل حال ..
ابراهيم : ميخالف فتره وتعدي ان شاءالله ،، لا تقسي قلبك
عليها بعدها ياهل وماعليها شرهه ،، ولا تنسى انك تحبها
لا تخليها بروحها اكيد محتاجتك J

احمد : ان شاءالله ،، الله كريم ان شاءالله
ابراهيم : يلا روح ارتاح شكلك مو نايم من امس
ولي قعدت دق علي عشان نروح القهوه ولا شوف
شنو تبي نسوي

احمد : خلاص صار ،، مشكور يا اخوي على وقفتك معاي
ابراهيم ( يبتسم ) : لا تقول جذي انت اخوي وملايين
بحسبة اختي ،، يلا فمان الله
احمد ( يبتسمله ) : بحفظ الله

ونزل ابراهيم راح بيتهم واحمد دش بيتهم وعلى طول
راح غرفته وقط راسه ونام لانه كان وايد تعبان .

...........................................



وهذي كانت نهاية البارت القبل الاخير
اتمنى انه عجبكم واحمد وبرد جبدكم من مشعل
قراءه ممتعه :eh_s(7):​

 

[L.Al-kandri]

مشكوووووووووره علا البارت حدا عجيييييب
و اتوقع احمد راح يتزوج ملايين
Waiting
Waiting
Waiting
Waiting
Waiting


 

[a7la_cute_lulu]

امبيييييييييه والله برد جبدي بمشعل ياليت كنت وياهم جان ما خليت ولا شي في حي حتى عينه ابطها وادوس ببطنه واربطة واتفل عليه واصورة انشرها لا بعد اكثر ودي
مشكووووور احمد مشكوووور بس لاتقسي على ملاييين حرام عليك اتوقع تحبك

 

[دمعة_حب]

لا حيييل بردوا جبدي يعطيهم الف عافية وبانتظار البارت الاخير انشاء الله يعطيج الف عافية

 

[مريوم]

وناااسة واخيرا فتكينا من مشعلو الخايس واشوة ان احمد ساعدها كنت متوقعة والحمدالله ماصار لها شي وبس حياتي ناطرين البارت الاخير باحر من الجمر معن ماودي الروايه تخلص

 

[غلآها غير]

يعطيج العااافيه ع ــالباارت الرووعه
بصرااحه وااايد حلووو

 

[ღ Mzajiya ღ]

lamia a. al-kan

حياتي العفو ولوو
ان شاءالله يطلع توقعج صح :eh_s(15):
وتسلميين قلبي :eh_s(7):


a7la_cute_lulu

ههههه الحمدالله ان جبدج برد من مشعل :eh_s(6):
انتي يمكن اكثر وحده معصبه وحاقده علييه لوول
الله يستر لو كنتي وياهم جان ذبحتيه
وراح يبين بالبارت الياي اذا كان بيحن عليها ولا لأ :eh_s(10):
وتسمليين ياقلبي :eh_s(7):


دمعة_حب

الحمدالله بردووا جبدج
والله يعافيج حياتي
وتسلمييين :eh_s(7):


مريوم

اييي توقعج كان بمكانه ياقلبي :eh_s(22):
ان شاءالله ماراح اطول
وبصراحه انا بعد ما ودي تخلص بسرعه :eh_s(16):
بس تدرين هذي كانت بداية
وحبيت تكون الرواية قصيره عشان اشوف تنجح ولا لأ لول
وتسلمييين ياقلبيي :eh_s(7):


غلاها غير

الله يعافيج قلبي
وعيونج الحلوه حياتي :eh_s(22):
تسلميين :eh_s(7):

​

 

[ღ Mzajiya ღ]

بنات حبايبي طبعا اشكر كل وحده متابعه روايتي وردت وعلقت اول باول :eh_s(17): :eh_s(22):
وحبيت اذكركم ان الرواية كلها من تأليفي والشخصيات كلها من نسج خيالي
بس انا متأكده مليوون بالاميه انه في مثل هالشخصيات بالواقع
وحبيت تكون روايتي عبره ودرس حق كل بنت تفكر تروح بطريج الغلط
والله يستر علينا وعليكم يارب :yaaaaaarb:
و نطروني بالبارت الاخير ان شاءالله ماراح اطول عليكم :eh_s(7):​

 

[L.Al-kandri]

Waiting
Waiting
Waiting
Waiting
Waiting
Waiting
Waiting
Waiting
Mshkora elrwaya 7el 7el 3jeba o mta elpart?

 

[‏ ρяιиcεss]

ونااااسه بردو جبدي احمد وابراهيم

وحساافه جان كمل على مشعل ليين مااات





























ناطرييييييييينج ^___^

 

[a7la_cute_lulu]

حسافه ماكو شي بعدد البارت اللي بتحطينه عاد عجييبة

ما توقعتها الرواية مو واقعية ابدا ما توقعت

يالله ناطرينج

 

[a7la_cute_lulu]

متى البارت لا تقولين مو اليوم

 

[a7la_cute_lulu]

اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب