روايتي الاولى وبقلمي ( ملايين ) اتمنى انها تعجبكم ^_*

[ღ Mzajiya ღ]

السلام عليكم ..​

مساكم الله بالخيير .. شلونكم شخباركم ..
ان شاءالله كل شي تمام :eh_s(22): ؟!​

" ملايين " ​

طبعا هذي راح تكون اسم روايتي وبصراحه انا كنت ​

مفكره فيها من قبل سنتين وصارت ظروف وماكملتها
ومن فتره يت على بالي وقررت اكملها وكنت وايد متردده اني انزلها بالمنتدى
بس ​

تناقشت مع اختي وقالت جربي حظج ونزليها ​

وان شاءالله تعجبكم :eh_s(7):​

* طبعا كأي كاتبة يحق لها ان اذا اي احد حب ينقل روايتها تنكتب باسم الكاتبة والمصدر "
لانه هالرواية حصرية لمنتدى كويتيات فقط ..
اتمنى تحترمون رغبتي اذا بغيتوا تنقلونها بمنتدى ثاني "​

وبس ماعندي لا شروط ولا هم يحزنون :wqedqw:​

اتمنى لكم قراءه ممتعه :eh_s(17):​

بالبداية انا حابه اتكلم عن شخصيات الرواية بما انهم شويه فما راح تضيعون كلش ان شاءالله ،،​

واذا في شخصيات لها دور بسيط راح تنذكر من خلال الاحداث اللي بتصير .​

* طبعا " ملايين" بطلة قصتنا ..​

ملايين بنت وحيدة امها وابوها لانها يت عقب 6 سنين علاج و وايد تعبوا على ماحملت امها فكانوا طايريين فيها وما ينرفضلها اي طلب
وسماها ابوها بهالاسم لانها كانت عنده تسوى ملايين الدنيا كلها ،،​

وسبحان الله امها ماقدرت تييب غيرها .​

عمرها الحين 20 سنه ،، ​

بيضه وعيونها عسليه فاتحه حيل ومع الشمس تصير لونها موصج ومشالله طالعه عيونها على لون عيون امها و
وسيعه حيل ورموشها كثاف .. ​

طولها حلو ومتروسه شوي بس حلو عليها ،،
خشمها طويل وصغير و شفايفها ورديه متروسه يعني باختصار اية من الجمال مشالله ،، ​

حييل طيبه وحساسه لاخر درجه وجريئه شوي ..
حاليا تدرس بالتطبيقي وهذي ثاني سنه لها .​

* انيي حق ابو ملايين "عبدالله" ​

عبدالله : عمره 46 سنه طيب حيل بس عنده هيبه وكلمته مسموعه عند الكل ويموت بزوجته ،
وبنته عنده بالدنيا كلها ويدلعها حيل وعمره ماقالها لا ،،​

واهوا رجل اعمال كبير ومعروف وطبعا عنده شركات وعمارات وايد بالكويت وبالامارات .. ​

وكان يدرس بالامارات وهناك تعرف على ام ملايين وعقبها كمل دراسته بلندن وخذا الماجستير
اهوا واخوه التوأم​

واهما اللي يديرون شركاتهم وبين فتره وفتره يروحون الامارات يتطمنون على حلالهم وحالتهم الماديه فوق الممتازه .​

* ام ملايين "فاطمه"​

فاطمه : عمرها 43 سنه على نياتها وحنونه على زوجها وبنتها،، ​

طويله وبيضه ومثل ماذكرنا عيونها عسليه وسيعه ،​

رشيقه ومهتمه بعمرها حيل وبما انها مايابت غير ملايين فهذا ساعدها انها تحافظ على رشاقتها ،،​

خلصت الثنويه وعلى طول تزوجت عبدالله وعاشت معاه بالكويت
وبين فتره وفتره تزور اهلها بالامارات وطبعا بما ان صارلها اكثر من 20 سنه عايشه بالكويت فتعرف تتكلم كويتي عدل ​

( يعني عايشه بالكويت اكثر من ماعاشت بالامارات لول) ​

بس هم مايمنع انها تقط قطات بالاماراتي
خصوصا لما اتسولف مع اختها وملايين تلقط من هالكلمات وتتحرش بأمها ​

* انيي حق عايلة "جاسم" اخو عبدالله ​

جاسم: طبعا مثل ماذكرت اهوا اخو عبدالله التوأم يعني
عمره 46 سنه
وطالع على اخوه طيب حيل ويحب عياله وزوجته و مايرفضلهم طلب وهم ماخذ اخت فاطمة "ايمان" ​

واكيد اماراتيه نفس اختها
وعايشة بالكويت وعندهم ولد وبنت ​

وجاسم يدير الشركات مع اخوه نفس ماقلتلكم واهوا مهندس شاطر ومشهور،​

درس بالإمارات وكمل الماجستير بأمريكا
وخذا مرته وعياله معاه ولمن خلص رجع عاش بالكويت.​

* ام ساره "ايمان" ​

عمرها "44" سنه اكبر من فاطمه بسنه طويله وبشرتها مايله للبرونز شوي طالعه على عمامها عكس اختها اللي طالعه على اهل امها
وعينها نفس عين اختها وسيعه ولونها عسلي فاتح ورموشها كثاف وطوال ،،​

وطيبه وعلى نياتها وتحب عيالها حيل ومدلعتهم عالاخر
واهيا بعد ربة بيت وحيل شاطرة بالطبخ وتسوي اكلات حلوة وغريبه وتتفنن بالحلويات ،، ​

ومن اختها تزور اهلها بالامارات
شالت قشها وراحت معاها وكلامها بالاماراتي شوي اكثر من فاطمه ونفس الحاله مع بنتها تلقط كلمات من امها
وتتفلسف فيهم لول .​

"احمد" ​

ولد جاسم عمره "22" سنه ، خلص دراسته بالجامعه وصار مهندس على ابوه واشتغل معاهم بالشركة ، ​

طويل ومعضل شوي وبشرته برونز على امه وعينه ناعسه سوده ورموشه كثيفه وعينه اهيا اللي مخليه شكله جذاب
وعنده غمازه بخده اليمين وتبين حتى من غير لا يضحك ،، ​

شوي فيه غرور وثقيل على البنات مايعطي ويه حق بنات الجامعه لانهم كانو ميتين عليه . ​

مايحب ملايين وايد ويقول عنها مغروره معنه اهوا اللي رافع خشمه لوول ..
بس طيب وقلبه ابيض ويحب اخته وكله يطلعها ومرات ياخذ ملايين معاهم​

( عقب حنة اخته طبعا ) .​

"ساره" ​

بنت جاسم عمرها "20" سنه كبر ملايين وتدرس معاها بنفس التخصص بالتطبيقي ، ​

بنت تينن طيبه وحلوه حيل ودمها خفيف برونزيه ومع التان صارت اغمج بس حلو عليها
وشعرها يوصل لي آخر جتفها اسود غامج ومدرجته .. ​

عينها ناعسه سوده نفس عين احمد اخوها وعندها غمازه بس بخدها اليسار وماتبين الا لمن تضحك
وشكلها نعوم تقريبا طول ملايين وضعيفه .. واهيا اقل جراه من ملايين ، ​

خجوله بس من تحت لي تحت لوول ،​

وتموت لمن تطفر ملايين وتيننها وخصوصا لمن تطفرها باخوها احمد
لانها كانت تتمنى انهم يحبون بعض عشان تصير مع ملايين 24 ساعه ​

( اللي يقول جنها مو مجابلتها طول اليوم خخخ بس هذا عذر عشان تبيهم اهيا واخوها يتزوجون )​

"مشعل" ​

ماراح اتكلم عنه وايد لاني ابيكم تتعرفون عليه من خلال القصه ..
وشنو بيصير معاه وجذي وتقريبا اهوا له دور كبير بقصتنا يعني يعتبر من الشخصيات المهمة بالرواية
وطبعا راح تعرفون شلون راح يدخل بحياة هالعايلتين ؛) ​

" ابراهيم " ​

مابي اتكلم عنه كلش وان شاءالله راح اعطيه حقه لمن اتكلم عنه بروايتي ،،
واهوا له دور كبير ومهم و خصوصا مع عايلة جاسم .​

و بما انه عبدالله وجاسم من اصحاب الطبقة الغنية
وعندهم فلل يم بعض وكبار حيل وكل فله فيها حديقة ووقت الشتا يحطون لهم خيم بالحديقه
وكل مره يتيمعون يا بهالخيمه او بالثانيه على حسب منو زاير الثاني .. ​

البنات يا يقعدون يسولفون او يشبكون عالنت او يجابلون امهاتهم ويحنون على رووسهم
والحريم يجابلون الحب و المكسرات وهات سوالف و حش بالناس لول
والرياييل يتشاورون بامور الشغل ومرات احمد يشاركهم بسوالف الشغل اذا كان في شي مهم لازم يعرفه او يطفر البنات ويلعوزهم او يتحرش بامه وخالته
او يكون هايت مع ربعه .​

وبجذي اكون كتبتلكم اهم الشخصيات اللي بالرواية

وان شاءالله​

الشخصيات الباجيه بتتعرفون عليها مع البارتات اليايه

 

[ρeαrℓ]

ناطرينج حياتي ..

 

[ღ Mzajiya ღ]

البارت الاول :​

(غرفة ملايين)
ملايين منسدحة على بطنها بفراشها تلعب بخصلات شعرها واتسولف بالتليفون
ساره: أوووه ملايييييين ياالله خلصي لي متى يعني صارلي ساعه أحن علييج ،
قومي كلمي امج خلصينا
ملايين: انتي شفيييج صايره واايد اتحنين هاليومين !!
ساره: ايي صارلي دهر أحن علييج اتيين عندي حدي متملله
ملايين: وااااااي انزييين خلاص لا اتحنيين الحين بقووم
ساره: عندج نص ساعة ان ماييتي ياويلج ،
باي​

طوط طوط طوط >> صكت الخط بويهها
ملايين اتطالع سماعة التليفون​

ملايين (تتحلطم بصوت عالي) : ايااااا جليييلة الحيا ماشي انا اعلمها،
انا ملايين
بنت بو ملايين اتصك التليفووون بويهيييي ،، مااااشي يا ساره مردوده​

*نزلت ملايين اتدور امها
ملايين (بصوت عالي) : يماا اماااااايه وييينج
امها (فاطمة) : تعالي يمه انا هني بالمطبخ ...
ملايين ( واهيا داشه المطبخ ) : هااااي مااميي وتروح تبوس خد امها
امها : الناس يسلمون وانتي تقولين هاي قولي السلام عليكم احسن يمه ,,
ها شتبين قاعده تصيحين من فوق شبغيتي !!
ملايين ( واهيا ترمش بعيونها ) : ماماتي حبيبتي قلبي انتي انا بروح عند سارو وتركض بتطلع من المطبخ ،،
ولا تسمع صوت امها
امها: تعالي تعالي انا قلتلج سيري
ماقلت صح ؟؟
تعالي اهوو خل اخبرج عن شي بعدين سيري ..
ملايين : هااا يمااا ياالله لا اتأخر سارو متحلفه فيني
قالتلي نص ساعة اذا مارحتلها ياويلي :/
امها : انزين خو ماراح اتطير، يمه حبيبتي انا مزهبه الفوالة
(عبارة عن فواكه والاكلات و الحلويات القديمة والجاي والقهوه...) لي رحتي بيت خالتج خبريها تيي عندي وقوليلها ان يارتنا ام حمد بتزورني ..
ملايين : ان شاءالله يما وباست راسها وطلعت .
وصعدت فوق غرفتها عشان اتغير ملابسها ..
لبست تي شيرت ابيض وعليه رسومات ملونه
فوقه جاكيت اسود وسكرت السحاب لي النص وجينز اسود
لانها بتروح بيت عمه ف مايحتاي تكشخ وجابلت المنظرة حطتلها شوي كحل ومسكرة وقلوس
وصارت تهبل لان اهيا مشاالله جميله واللي حطته على ويهها كان كافي ان يبرز جمالها وسوت شعرها كبه عالسريع وخذت جنطتها ونزلت تحت .​

ولما وصلت بيت عمها راحت صوب الخيمه اللي حاطها عمها بره فلته
واتشوف خدامتهم اتحط اكل وحلوو بالخيمه​

?? where is madam sara : ملايين
she will be here in a moment : الخادمه
ok : ملايين​

بعد 5 دقايق دخلت ساره الخيمة وشافت ملايين قاعده
ساره: هلا والله نورتي الخيمة
ملايين (واهيا اتقوم اتسلم) : هلا فييج بوجودج
ملايين: سوير اول شي قبل لا تقعدين روحي قولي حق امج تروح بيتنا
لانه يارتنا ام حمد بتزور امي .
ساره: اممم اوكي الحين اروح اقولها وارد .. جاو​

دشت ساره البيت ،، ملايين بطلت شعرها وانسدحت عالمطرح وجابلت التلفزيون ..​

و عقب ربع ساعه يتها ساره من ورا ,,,
سارة : بخخخخخخخخ خرعتج صح ههههههههه اكيد خرعتج صح لوووووووول
ملايين فزت من مكانها وقلبها يرقع ( عاد اهيا كلش ماتخترع بسرعه لول وساره كانت مستغله هالشي ف كله تخرعها وماتيوز عنها وتقعد تضحك عليها)
ملايين: ياسحته ياصخله يابقره مااحبج اكرهج اكررررررررهج يالبطه ( وقعدت تصرخ عليها وشوي وتبجي ،،
وساره ماسكه بطنها وميتته ضحك عليها خخخ)
لين شوي شوي هدت ملايين وسكتت وقعدت مكانها وماده البوز تشوف تلفزيون ..
ساره قربت صوبها تبي تلمها وملايين تدزها وساره تطفرها بتبوس خدها وملايين توخرها :/
ملايين: اوووه ساروه خلاص وخريي يننتيني
ساره: ماكو ماكو ماراح اوخر لمن اشوفج تضحكين ,,
خو مو اول مره ماتعودتي يعني !!
ملاين : ......
ساره : خلاص عاد مي مي حياتي انتي قلبي عمري "اااااااممممممممممممووووووووووواه "
وهذي بوسه على راسج شتبين بعد
ملايين (فيها ضحكه بس ماسكه روحها ) : اووووف .. استغفر الله
ساره : انزين واللي تقولج خبر يطيرج من الوناسه
ملايين لفت عليها وتطالعها بس ساكته يعني ايي كمليييي !!!؟؟؟
سااره : بعد 10 ايام
( وتاشر باييدها فوق تسوي مثل الطياره )
ملاايين فزت من مكانهاااا ووقفت جدام ساره
( واهيا كله تنط على حيلها اذا سمعت او صار شي لووول )
ملايين : حلفييي حلفيي ساروه قولي والله بنساافر الامارات !!!!
ساره (تحرك حواجبها وتهز راسها ) : اااااييييييييييييي والله العظيم توني وانا رايحه اقول حق امي تروح بيتكم
ولا اسمعها كانت قاعده تكلم ابوي تقوله ها خلاص اقول حق فاطمه انه مسافرين ان شاءالله بعد عشر ايام !!؟
وبس سكرته سألت امي وقالت اي بنروح ..
ملايين (تصرخ وتناقز بمكانها) : واااي وناسه وناااسه حدي مشتاقه حق الامارات واهلنا .. وشعرها يطير معاها واهيا متشققه انها بتسافر . ​

( طبعا هناك شوي فري مو نفس الكويت يعني سوالف تان وبحر وجتسكي على كيفهم
لانه خالاتهم واهل امها هناك فررريي حدهم وكله يطلعونهم ومايخلون مكان مايودونهم ويحجزون شاليهات
فحده يصير الجو مو طبيعي ضحك ووناسه وسهررر لي ثاني يوم ) ​

ساره (فاجه حلجها وتطالعها) : الحمدالله والشكر اللي يسمعج رايحين لندن مو الامارات
ولا جنه كل عطلة ربيع وصيف مودينا هناك ://​

ملايين بعدها قاعده تسولف مع روحها ومستانسه انها بتروح ​

ساره : انزين واللي تقولج ان احنا رايحين هناك مخصوووص عشان عرس شيخه بنت خالتي حصه .
ملايين : جذاابه ,, وااااااو حده حده راح تكون هالسفره ونااسه واااي من باجر بزهب اغراضي خخخ
ساره : اقول ماما ترى بعد عشر ايام بنسافر مو باجر :/
ملايين : اووه مالج شغل فيني خليني استانس .. انزين يالله قوليلي من وين نشتري نفافيف العرس من هني ولا من هناك ؟؟
ساره : مااايبييييله بعد اكيد من هناااك
ملايين : اي ايي
ساره : بس حسافه ماراح نقعد الا اسبوعين بس L
ملايين : عادي عادي المهم بنساافر
ساره : انزين قعدي حولتيني ​

وملايين قاعده وتسولف وتاشر بايدها وتقول شنو تبي تشتري وشنو تبي تودي وموراده على ساره :/​

احمد توه داش البيت وكان قاعد يسولف بالتلفون مع رفيجه .​

احمد : ياخي خلاص بسك حنه شكثر تحن قلتلك ورا الصلاة امرك الدوانية
ابراهيم : ان تأخرت عن الساعه 8 .. العشا على حسابك اليوم سامع Pp؛
احمد : لاحوول ,,
صج ابتلشت فيكم انا خلاص ماشي ماشي والعشا على حسابي ولا يهمك بعد اشتبي
ابراهيم : كفو بوشهاب كفو ..
ياالله فمان الله
احمد : الله معاك ​

ووصل عند باب الخيمه ولا يشوف اخته مجابله وحده شعرها واصل لي اخر ظهرها ولونه شحلاته مو طبيعي ..
تنح بمكانه وبقق عينه وفج حلجه للاخر لوول وبقلبه
( اوف اوف شالصاااروخ شهالشعر شلال شلال مو صج مشالله .. ا
كيد هذي ملايين محد ايي عند سارو غيرها بس اول مره اشوفها فاله شعرها جذي بس صج
عليها شعر مو طبيعي ) !!!​

جان ساره تلاحظه وقعدت تخزه عشان يروح قبل لا تنتبه عليه ملايين
( طبعا اهيا خزته لانه شكله حيل متنح ومنصدم ف ماتبي ملايين تشوفه جذي وتنحرج )
ظل احمد جم دقيقه واقف يالله استوعب ..
و ضحك على روحه ومشى .​

واهوا ماشي يتحلطم بصوت عالي شوي ..
(انا شفيني جذي جدامي كل هالزين واروح افتر ورا البنات بالشوارع ادورلي بنت سنعه
عالاقل هذي بنت عمي مني وفيني و كل السنع فيها و مو وايد فرق العمر بينا وجميله واخلاقها تهبل ،،
وانا حاط حاجز بيني وبينها ..
خل اتقرب منها واشوف يمكن يصير بيني وبينها نصيب ،،
والله شكلك يابو شهاب بتحب ويمكن تتزوج وتستقر بحياتك بدال هالفراره بالشوارع لي تالي الليل ) .
توه مامداه يخلص كلامه واهوا طالع عالسلم ولاا طوووووف دعم امه !!!
اللي كانت قاعده تلبس عبايتها ومو منتبهه وتنزل
امه : ااااايييي راااسي .. هااو يمه مااتشوووف :/ شفيك دعمتني انا بروحي قاعده اعابل بعبايتي ومو منتبهه ،،
وشفيك قاعد تتحلطم جذي شصاير ؟؟
احمد : هااا .. هلا هلا يما والله اسف مااشفتج ،، عسى ماتعورتي بس ؟!
امه : لا شويه بس راسي ، انت تعورت ؟؟
احمد ( يضحك ) : لووول يما شدعوه مسوي حادث انا :/
لا الحمدالله مافيني شي
امه : وي وي فالك مااقبلناه حادث مره وحده @@ الله يبعد عنك الشر قول آميين بس
احمد ( يبوس راس امه ) : آامييييييييين .. فديتج يالغااليه
امه : تحب الكعبة ان شاءالله ياالله يمه حط بالك على روحك مع السلامه
احمد : ان شاءالله يما مع السلامه .
وراح دش غرفته و خذاله شور سريع وقط روحه على الفراش يفكر بحبه اليديد !!
.............................................................................................​

ها بنات شرايكم كبداية ؟؟؟
اكمل ولا لأ ( بليز ابي رايكم )​

 

[sweet.sanfoora]

عجييبة

كملييها

عفياا

وبث

ثانكيووووووو

 

[ღ Mzajiya ღ]

pearl​

حياتي نورتي ..​

sweet.sanfoora​

حياج قلبي تسلمين وثنكس فور يو على متابعتج ​

 

[FooFoony]

شكلهااا عجييييييبه الرواايه
كملي حبيبتي ناااطريينج

 

[L.Al-kandri]

اي كملي عجيبه الروايه كملي كملي

 

[άGώâ ми àώàŁ]

Wooooww 7aaddhhaa 7adhhaa 3ajeba:|
kamlaaaaaaaaaaaaaaaaaayyyy;O
msh3al ra7 y7b sara w ebrahem y7b malayeem lma a7mad ymout<Swat lha q9a brou7ha hehe;$

 

[ღ Mzajiya ღ]

FooFoony​

حياتي تسلمين من ذوقج ​

lamia a . al-kan​

ان شاءالله قلبي راح اكملها .. نورتي :eh_s(17):​

aGwa men awal​

بعد عمري والله تسلمين واسعدني مرورج ..
بس للاسف توقعاتج غلط :eh_s(3): ومع البارتات اليايه راح تعرفين الصح ان شاءالله :eh_s(6):​

 

[sweet.sanfoora]

اب اب اب

 

[FooFoony]

Up Up

 

[ღ Mzajiya ღ]

مساء الخيير ​

:eh_s(9): ان شاءالله شوي وانزل البارت الثاني :eh_s(9):
نطرووني :eh_s(22):​

 

[άGώâ ми àώàŁ]

Waiting youu

 

[ღ Mzajiya ღ]

البارت الثاني :​

الجزء الاول من البارت .. ​

* ام احمد دشت الخيمه عند البنات ،،​

تقوم ملايين تسلم على خالتها
ملايين: هلا هلا اهليين وسهليين باهل دبي دار الحي
خالتها ( تضحك ) : ههه ماتيوزين من سوالفج انتي ..
هلا حبيبتي شلونج يمه
ملايين : الحمدالله بخير الله يسلمج يسرج الحال خالتي
خالتها : فديتج والله ، ياعسى دوم يارب
ملايين : امييين يارب
نطت ساره : حشى مو سلام هذا جنه توه يايين من السفر اللي يشوفكم مايقول كل يوم ولا كل يومين شايفين بعض !!!​

امها : هاااو شحارج انتي بنت اختي وتسلم علي وتسولف معاي شفيها يعني ؟؟
ساره : مافيها شي ، يما يماا يماااااا
امها : وجع ليش الصراخ يعني كااني يمج اسمعج ،، ها يمه شبغيتي ؟!
ساره : يما عفيه قولي حق خالتي فاطمه تخلي ملايين تنام عندنا اليوم :$
امها : ان شاءالله يمه اقولها .. بس دقي علي ذكريني اخاف انسى .
ساره رايحه تبوس امها على خدها وتلمها
ساره: حاااضر ماامي :*​

وطلعت ايمان رايحه بيت اختها واهيا تضحك على عيالها ،
وتقول بقلبها (عسى الله يهديكم ويحميكم يارب )​

_ دشت خيمة اختها وراحت تسلم عليها ..
فاطمه : هلا والله .. شحالج اختيه شمسويه ؟
ايمان : هلا بالغاليه هلا بخير عساج بخير يسرج الحال حبيبتي انتي شلونج شخبارج ؟!
فاطمه : بخير دامج بخير حياتي .. حياج الله دشي ارتاحي
ايمان : الله يحييج قلبي ​

وقعدو يسولفون شوي ولا تدش عليهم يارتهم ام حمد وقامو عشان يسلمون عليها .
ام حمد : السلام عليكم .. شلونكم شخباركم
فاطمه وايمان : وعليكم السلام .. الحمدالله بخير عساج بخير
ام حمد : بخيرا لله يسلمكم
فاطمه : حياج حياج ارتاحي .. زارتنا البركه
ام حمد : الله يحييج ياقلبي .. الله يبارك بحياتج يارب
وقعدو يسولفون وياكلون وياخذون اخبار بعض ...​

- بالخيمه عند ساره وملايين ..​

ساره : قومي ملايين امشي فوق بالغرفه خل نشبك من زمان مادشينا الجات ؛)
ملايين ( فزت على حيلها لول ) : اي اي ياريت والله حده ملل يلا قومي .
وصعدو فوق وجابلو اللاب ودشوا موقع جات وحطوو نكهم سوسو ومي مي وقعدو يخزون الشاشه لول ،
على ما احد ينتبه لهم ويدش يسولف معاهم لانهم ماكانو يدشون على احد بس يقعدون ينطرون اي احد يدش عليهم ويقعدون يستعبطون عليه لوول .​

شوي ولا ملايين تقول حق ساره انزين دشي على لستة النكات خل نشوف منو شابك ،،
يمكن نلقى احد من اللي نعرفهم وصج قامو يشوفون نك نك p
وصلو عند نك " اماراتي عايش بالكويت "
تنحوو علييه وبصوت واحد : اااااللله وطالعو بعض وضحكوو على روحهم .. ​

ساره : وااي جان زيين يكلمناا
ملايين : اي والله ياريت ،، حده وناسه
توه مامداها تكمل جملتها ولا تييهم محادثه ​

" السلام عليكم "
النك ( اماااراتي عاايش بالكويييت )
وقامو يصرخون البناات " واااااااااااااي " اخيييرا تكرم ودش علينا
( حشى مو مصدقين كااك )
ملايين : عفيه عفيه ساروو انا برد
ساره : اووووووكيك
ملايين : وعليكم السلام ، ياهلا ​

" طبعا انا بكتب نكه اماراتي ومن نعرف اسمه راح احط اسمه بدال النك ،،
عشان لا تضيعون وهم توفيرا للجهد لول " ( شدعوه هي هي )​

اماراتي : هلا فيج مرحبا الساع ، منو معاي سوسو ولا مي مي ؟؟
ملايين : مرحبتين هلا والله .. معاك مي مي J
اماراتي : هلا بمي مي حياج الله نورتي صفحتي الجات
ملايين (استحت شوي) : الله يحييك ويبقييك ، منوره بوجودك :$
اماراتي : جم عمرج مي مي ؟!
ملايين : عمري 20 وانت ؟؟
اماراتي : العمر كله يارب ،،
انا عمري 24 سنه J
ملايين : الله يسلمك والعمر كله لك يارب
اماراتي : تسلميين
ملايين : يسلمك ..​

 

[FooFoony]

ثااانكس ناطرييين تكملة البارت

 

[L.Al-kandri]

ثانكس ويتنغ ويتنغ

 

[FooFoony]

اب اب

 

[ღ Mzajiya ღ]

الجزء الثاني من البارت الثاني ..

بعد نص ساعه ..
ملايين : ها عيل مو ناوي تعرفني على اسمك ؟؟
اماارتي (يضحك) : هههه معاج مشعل موااليد الامارات
بس مقيم بالكويت صارلي 22 سنه
ملايين : عاشت الاسامي مشعل .. معاك ملايين ،،
وااو وناسه منور الكويت والله
مشعل : عاشت ايامج وانتي بعد عاشت الاسامي ..
اسمج مشالله وايد حلو وتسلمين والله منوره بالكويت واهلها
ملايين : تسلم ماقصرت عيونك الحلوه ​

وقعدوا يسولفون مع بعض وحيل استانسو
على بعض وطبعا ساره معاهم عالخط بس حاطه الايبود باذنها وتسمع اغاني ..
وماحسوا بالوقت كللش
(صارلهم 4 ساعات يسولفون) ​

شوي جان مشعل يقول حق ملايين :
مشعل : اممم مي مي بصراحه انا ودي اقولج شي بس مابيج تفهميني غلط اوووكي ؟!!
ملايين : طبعا اهيا فهمت شنو يبي منها ( يا ايميلها او رقمها ) :​

لا ماافهمك غلط قول تفضل ...
مشعل: دام فضلج ،، والله بصراحه انا مااشبك وايد يعني اليوم عشان انا بدوانية رفيجي ومحد ياي من الربع شبكت ودشيت هالموقع ..
ولا بالعاده انا مالي بالنت كلش
ملايين : اممم
مشعل (متردد خايف ترده لانه صج ارتاحلها وعجبته سوالفها )
مشعل: اتوقع عرفتي شنو ابي صح !!
ملايين : اييي صح :$
مشعل:هاا شقلتي ؟! موافقه !!​

ملايين (تكلم ساره) : هااا سارون شرايج ؟؟
وااي امبيه حدي خايفه بس جد جد ارتحت حق سوالفه :/
ساره ( تفكر) : امممم أي صح سوالفه تينن وماينمل منه ..
خلاص اخذيه بس قوليله انج انتي اللي تدقين لانه ماتقدرين تكلمينه باي وقت موو ؟؟
ملايين : أي اكيد اكيد مايبيله بعد ..
اخاف يدق وانا عند اهلي ولا شي مو ناقصه سوالف بعد .​

مشعل ( طبعا اهوا ناطر بس بنفس
الوقت خايف انها موراضية تاخذ رقمه ..)​

ساره : انزين بس شسمه ملايينو لايصير بينكم
شي
ويقص عليج ترى انتي ليلحين حتى يوم على بعضه ماعرفتيه زيين !!
ملايين: أي خو ادري ادري شفيج ..
واكيد أي شي بيصير بينا كله بتعرفينه انتي اول باول ؛)
ساره : بس هم قاعده احاتي ولا مره سويناها لا انا ولا انتي لول ..
بس يالله جربي
ملايين : اييي صح يالله نجرب شوارانا .​

مشعل : ؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!
ساره : امبيييييييه زرعتي الولد مسكين ناطر :/
ملايين : وي وي امبييه نسيته خخخ
ملايين (تكلم مشعل ) : سووري باااااااك ،،
هذي الخدامه بس يايه تسألنا اذا نبي عشا الحين ولا لأ
( احلى ترقيعه عالسريع ههه) .. سوري اقين :$
مشعل : لا لا شدعوه عادي يبا ولكم احلللللى باك ..
بس انا خفت انج تضايقتي او زعلتي من كلامي :/
ملايين : ها ، لا وي ليش ازعل ..
لا عادي بس بصراحه ترى انا عمري ماكلمت واحد برى النت ..
وعلاقتي بالجنس الثاني ماتتعدى حدود النت :/​

مشعل ( حده مكيف عالوضع اول شي لانه رضت تكلمه
والشي الثاني لانه ولا مره كلمت واحد غيره يعني ماعندها سوالف
وحركات ومواعد شباب فحيل تطمن واهوا حاس انها موقام تجذب عليه ) ​

مشعل: عيل سجلي الرقم عندج " .....662"
ملايين ( قاعده تخز الشاشه وتشوفه كاتب رقمه وتصرخ ) : امبيييه سااروووه حط رقمه والله حط رقمه امبييه شسوي شسوي !!!
ساره : يالهبله سجليييه قبل لا يفصل الجات نفس قبل شوي واخاف مايرد بعد ويكون حاط اباله انج سجلتييه ..
ملايين خذت تلفونها وسجلت الرقم وايدها ترجف
( اللي يقول بيتزوجها مو جنه معطيها رقمه وبس لول )
ملايين(تكلم مشعل) : خلاص اوكيك سجلته :$
مشعل (شاق الحلج ) : انزين عيل دزيلي مسج عشان اعرف رقمج
وينور تليفوني فيه
ملايين : خلاص اوكي الحين ادزلك مسج ..
مشعل: خلاص عيل مدام جذي انا الحين بطلع برد البيت انطر منج مسج .
ملاين : اوكي .. الله معاك .. تيك كير j
مشعل : اوكي يو تو .. بيباي
ملايين : بااي ​

( وفصل مشعل من الجات ،، جان ساره تنقز عاللابتوب وتاخذه من ملايين
وتشوف منو مكلمهم وتبي ترد على أي احد .. ​

" بس بعد ملت 4 ساعات ماسولفت تبي تقرق شوي لول "
وملايين بعالم ثاني كل شوي تكتب شي بالمسج وترد تمسحه ..)
لمن زهقت وكلمت ساره عشان تنقذها من هالوهقه ​

ملايين: سااررره ..
ساره : ..... ( مندمجه تسولف << مسرع لول )
ملايين : ساروووه .. ساااره .. سويييييييره .. سويير
( طبعا ولا ردت عليها ساره ليلحين )... يالسوسه ​

( جان تلتفت عليها ساره ،، تكره هالاسم لمن تناديها فيه ملايين )​

ساره : نععم .. وترد تجابل الشاشه
ملايين (شوي وتبجي) : يعني صارلي ساعه اناديج ليش حاقره ،،
عفيه حدي متوهقه قوليلي شسوي ..
ساره (هدت اللاب وجابلت ملايين ) : ها شعندج شفيج مو سجلتي رقمه شفيج بعد ؟؟
ملايين : مادري شدزله مسج ://
ساره: اوووووله انتي ليلحين ماطرشتي ،،
الولد رد البيت وحط راسه ونام وانتي بعدج ؟!
ملايين : مادري شكتب وانتي حاقرتني ،،
تدرين فيني ماعرف حق هالسوالف اوووف
ساره : عطيني عطيني مادري عيل شحقه ماخذه الرقم وماتعرف تتصرف
( وسحبت منها الفون وكتبت مسج وردته حقها )
ملايين تقرا المسج وانصدمت شوي بس بعدين ضحكت وطرشت المسج وقعدت تنطر الرد ..​

*طبعا ادري انتو تبون تعرفون شكاتبه ساره بالمسج اللي خلا ملايين تنصدم من المسج ،، هي هي ؛)
الحين اقولكم .. ​

بس ترى اهيا جمله وحده بس p؛
" ها اشتقتلي ولا بعد يبيلك وقت اطول "​

دقيقه بالضبط ولا يوصلها مسج ..
طبعا من الخرعه قامت تناقز عالفراش​

( ماالومها اول مره يصير معاها هالشي واكيد شي يديد عليها فتحس بخوف
واحساس حلو بنفس الوقت ) ​

ملايين: واي واي مسج مسج :/ هاج هاج
( تقطه على ساره ) شوفي شوفي شكاتب
ساره (تاخذ التلفون وتتحلطم) : الحمدالله والشكر واهيا تبطل المسج ..
ملايينووو يحليله والله ،، لا تصدقين شكله خوش واحد .
ملايين : شنو شنو شكاتب ؟
ساره : كاتب " ان شاء الله مع الايام لمن اعرفج عدل راح يبين اذا اشتاقلج بهالسرعه ولا لأ ؛) "​

طبعا ملايين حدها تشققت وحست انه ثقيل وخوش واحد مو نفس باجي الشباب اللي احبج واشتقتلج من اول مكالمه او من اول مسج ​

( مسكينه ماتدري شناطرها من ورا هالمشعل الله يستر بس )​

ملايين: يحلييله وااي اينن ،، خلاص حبيته لوول
جان ترد عليه: " ان شاءالله يارب "
شوي جان يوصلها مسج .. " اقدر اسمع صوتج :$ ؟؟
( توه خوش ولد وماعنده حركات لول ) ​

ملايين تنحت بالمسج وشافت ساره : يبي يكلمني !! ​

( طبعا شقت الحلج لانه كان ودها تسمع صوته )
جان تقوم ساره من مكانها وتسكر اللاب وتمسك ملايين من اييدها ..
ساره: قومي معاي
ملايين : وين وين نطري شوي .. اشفيييج
ساره : بنروح نقعد بالسياره نفتح الاف ام وكلميه شرايج ؟؟
ملايين : امم خوش فكره يالله ..
وراحو السياره وشغلوها وبطلو الاف ام وقصرو عالصوت ،،
ودزتله مسج
" مافي مشكله :$ " ​

ثواني جان يرن التلفون وطبعا تدرون شصار نفس اول مره يالها مسج قامت تصرخ وتدودهت وماتدري شتسوي :/
اخيرا ساره قرصتها واستوعبت ملايين انه بايدها تلفون قام يرن لوول ..​

ملايين : ( بسم الله بصوت عالي لول ) :
أأأ ألوو :$
مشعل : السلام عليكم
ملايين : وعليكم السلام ..
مشعل : شلون الغاليه شخبارج ؟!
ملايين : تمام الحمدالله انت شلونك ؟؟
مشعل : دووم يارب ،، و انا دام ااسمع هالصوت اكيد بكون بخير .. ​

و بعد جم دقيقه ملايين هدت وخذت عالوضع و قعدوا يسولفون
( طبعا طبعا مايحتاي اقولكم انه المكالمه كانت بالسبيكر
عشان ساره لازم تسمع كل شي لول )
وملايين حيل ارتاحتله بس لاحظت عليه شغله
( وااااااااااايد يسوووولف ويحن لوول ،،
جني قلت انه كان ثقيل خخخ ) المهم
وقامو يسولفون جريب الساعه وبعدين ملايين استأذنت منه عشان بيدخلون داخل البيت ..​

اهيا صج كانت مستانسه عليه بس هم اهيا ماتحب الحنه وايد فضايقها هالشي شوي ..​

بس قالت بقلبها ان شاءالله اذا استمريت معاه راح اخليه يغير هالطبع ​

..................................................................​

 

[FooFoony]

ثاانكس حلوو الباارت
وأكيد بعدين ملايين راح اتحب مشعل d:

 

[L.Al-kandri]

Thanx 3jeeb elpart