روايتي الاولى : هذي الدنيا تاخذ منا و تعطينا ~~> بقلمي

[8ot aL8loob]

ايـن انـتـي يـآآفـتـآآآآآآه ؟؟..

 

[8ot aL8loob]

اب اب اب اب اب اب
اب اب اب اب اب
اب اب اب اب
اب اب اب
اب اب
اب

 

[lulu kw]

السلام عليكم
شلونكم حبايبي
مبارك عليكم الشهر
دموع الشوق حبيبتي متى تكملين الرواية انا من زمان كنت اقراها بس ما كان لي اكاونت عالموقع و سويت لي واحد بس عشان اطلبج تكملين الرواية بسرعة بليييييييز تقولين احنا نحبط خلاص كاني دشيت و كتبت شتبين بعد D:
انا كنت ابي اعلق عالشخصيات و الاحداث بس نسيت :q ههههههههه لاني دشيت قريت رواية ثانية و خلصتها و نطرتج تكملين ما كملتي ههههه بلس انا الحين صايمة و دايخة شوي ;q يالله حبيبتي استعيلي لانج راح تخسرينا اذا طولتي راح نندمج مع مسلسلات رمضان و العبادة و راح ننسى روايتج فبسرعة حطي شي يديد عشان نتشوق و نظل نتابعج و لو شي قصير لانا عن جد راح نضيع و ننسى اذا طولتي اكثر من جذي عاد ماشالله انتي شخصيات روايتج وايد انا كنت اقراها و اضيع بينهم فبليييز استعيلي عشان نتذكر و ثانكس عالرواية الحلوة حياتي و سوري اذا كثرت حجي هههههههههههههههه >>> انا شوي قرقة هههههه و اذا كملتي اعذريني انا وايد اعلق و انتقد و اتصيد اغلاط انا هذا طبعي :q ناقدة صارمه
و مشكورة و تقبل الله طاعتج

 

[~دموع الشوق~]

ثاااااااانكس على الرفع حبااابي و سووري على التأخير بس لااانه مخي قفــــــــل على الاخر و قلت لكم الجهاااز خرف لووول بس ان شاء الله بأذن الله احااول اخلص لكم البااارت بااجر و اذا ما نزلته باجر راح تلاقوونه اليوم الي وراه الصبح ان شااء الله

و متاابعيني اليدد فديييييييييتكم ثاانكس على المتاااابعه و الرفع و ان شاء الله ما راح اخييب ظنكم و احط لكم الباارت باجر او الي عقبه بالكثيير

و لولو
حيااتي فدييييييتج انتي .. سووري على التأخير بس جهازي كان مخررف و ما كنت اقدر اكتب على رااحتي و اعصاابي كانت تنتلف منننه بس الحين اعتقد انه عقل << لوووول .. و ان شاء الله الباارت باااجر بأذن الله و هههههههههه فديتج والله حبيبتي انتي تسلميين على المتااابعه و لعيووونكم الباااارت باااااااااااااجر و طووووووووووووووووووووووووووووووووووووويل تعووووويض عن التأخييير و هديه رمضااان ههههههههههه .. حبيبتي اخذي رااحتج بالحجي لالالا بالعكس شي يوونسني اشووف انتقاادااتكم و آرااائكم استاانس .. و حيل استاانست لمن شفت ردج قلبووو



اشكر كل متااابعيني على التشجييع الحلووو منكم و سو سوووري على التأخيييير .. و ان شاء الله الباارت بااااجر يا حلووين

 

[8ot aL8loob]

كـمـلـي

 

[ღ Mzajiya ღ]

يلا ماعلييه معذوره بس كملي حبيبتي
حرام روايتج حلوه وحبيناها ​

 

[~دموع الشوق~]

البااااارت اليوووم ان شاء الله .. راح ينزل بعد الفطووور لانه لي الحين قااعده اكتبه من امس الفير و انا اكتب فييه عشااان
بخليه طووووووووووويل لعيوووونكم

يلا حبااايبي نشووفكم بالباااارت الثااامن
و تقبل الله اعمااالكم لا تنسونآ بالدعاااء

تحياتي
~دموع الشوق~

 

[بنت ال نهيان]

كملي كملي
اب اب اب
اب اب
اب

اب لعيونج

 

[~دموع الشوق~]

جاااااري كتااابته البااااارت

 

[~دموع الشوق~]

كملي كملي
اب اب اب
اب اب
اب

اب لعيونج

هلا والله حبيبتي

يسلمووو على المروور و الرفع
و البااارت اليوم ان شاء الله
^^:eh_s(7)::eh_s(7)::eh_s(7):

 

[رتبه دبلوماسيه]

كمممممملي اب اب

 

[رتبه دبلوماسيه]

..........

 

[~دموع الشوق~]

كمممممملي اب اب

هلا والله حبيبتي رتبة
نوورتي الصفحه قلبووو
و شكرا على المتاااابعه

و البااااارت الحين بنزله ان شاء الله
و تكملته الفير ان شاء الله
:eh_s(17)::eh_s(17)::eh_s(17)::eh_s(17)::eh_s(17):

 

[~دموع الشوق~]

وووووووووووووصل البااااااااااااارت الثاااامن ​

و سووو سوووري على التأخييير :eh_s(22): و مثل ما قلت لكم كتبته طووويل لعيوونكم بس الحين راح انزل البارت الثامن و ورااه البارت التااسع يعني كتبت لكم بارتييين تعويض و هدية رمضاان :eh_s(7):خخخخ​

ما اطوول عليييكم اكثر​

البااااآآآااااارت الثاااااااااااامن ​

قراءة ممتعه​

وصل حسين و دق على حور رنة عشان يطلعوون من سمعت حور تليفونها على طول طلعت اهيا و فرح ​

دخلوا السيارة اهيا و فرح .. و كانت دموعها على خدها ​

فرح بصوت مبحوح من البجي : السلام عليكم ​

حور بحزن : بس عاد فرووح خلاص لا تبجييين ما فيها الا الخير ان شاء الله و كا الحين بنرووح نطمن عليها خلاص عوورتي قلبي علييج ​

حس حسين كأنه قلبه فز من مكانه .. و دموعها كانت تقطع قلبه مليون مره .. رد عليها السلام و كان يقول بداخله " اسمج فرح يا حلوو اسمج والله صج اسم على مسمى من اول ما شفتج و انا بس ابتسم .. لالا فروح لا تبجين وربي دموعج تعذبني لا" حس على نفسه و على طول ابعد افكاره هذي للمرة الثالثه يسرح فيها .. مو عاارف شصاايرله و كان يقول بقلبه " معقوولة حبيتها ؟! " ​

وصلوا المستشفى و على طول حور دقت على آلاء بتعرف في أي غرفة حطوا اريج و قالت لها و على طول راحوا​

.......​

عند سالم و شيماء ​

دق سالم على مرته هيفاء و كانت اهيا بالغرفة و النقال عند ندى شفات الرقم و ما استغربت لانه مو غريب عليها و تلاشت ابتساامتها من بعد ما كانت تضحك على الشغالة الخبلة الي كل ساعه لها قصة و حست برجفة في قلبها و كل جسمها .. كأنه احد صب عليها ماي بارد و استبردت .. ما عرفت شتسوي مخها تعطل و ما قدرت تفكر بأي شي غير انه ليش ابوها داق على امها و شنو يبي .. اكيد وراه مصيبة او بيسووي شي .. قعدت تبجي من الخرعه و امها سمعت صوت تليفونها يرن جان تقول حق ندى تشيله بس ندى كنت جسد بلا روح من الخوف و ما ردت استغربت هيفاء من ردت فعل ندى ة شفيها ما ردت نادتها بس ما ترد و راحت تشوف شالسافه ​

شافت بنتها قاعده و التليفون يمها يرن و اهيا تبجي و ما تتحرك و لاشي بس عيونها على التليفوون اخترعت هيفاء و ركضت لها تشوف و منو الي داق و شنو الشي الي خلاها تبجي هالكثر !​

هيفاء بخوف: يما ندى شفييج ليش تبجين ؟ احد ضايقج أذاج ؟​

هزت ندى راسها بمعنى لا ​

هيفاء : عيل شفيج تبجين ؟ و منو الي داق ؟​

ندى بصوت متقطع : ا.. ابـــ .. و .. ـي و كملت بجي ​

هيفاء ما استغربت دموع ندى لانه ابوها كان وايد ظالمها و يطقها و يأذيها كانت عايشه بعذاب معااه و لا كأنها بنته​

دق مره ثانيه و ردت بعصبيه : الوو نعم ​

سالم يسمك اعصابه : ينعم بحالج .. وين ندى ​

هيفاء بعصبية : لا و لك عيين بعد تسأل عنها .. مو كاافي الي سويته فيها عقدت البناات الله لا يووفقك .. من تسمع صوتك و لا تشوفك تبي و تخترع حشة مو ابو وحش .. مو حراام عليك تسوي فيها جذي اذا ما وقفت عند حدك صدقني انا راح اوقفك و بطريقة ما راح تعجبك لو سمحت كف شرك عنها و خلها في حالها ​

سالم بعصبيه : لو سمحتي تكلمي عدل و سبق و قلت وين ندى ؟؟ ​

هيفاء : عندي شتبني فيها ؟ ​

سالم : اذا ما يت البيت اليوم راح تشوف شي ما عمرها شاافته و اعتقد تعرفيني اذا عصبت شيصيير .. فـ خل تيي احسن لها و احسن لج و صك التليفون بويها من دون لا يسمع كلمة ثانيه .. كان يبي يطمن انها مو طالعه عشان يرتاح باله و بعدين يعرف شلون يتصرف معاها ​

كانت واقفه بكل قوة و تكابر على انها موخايفه منه بس اهيا اكثر وحده تخاف منه لمن يعصب لانه عصبي بشكل مو طبيبعي ما كانت تبي تضعف جدام بنتها او تبين لها انها خافت بالعكس ابتسمت بويه بتنها و قالت لها : يما حبيبتي انتي اليوم روحي البيت و ييبي ملابسج الباجي لانه مالج رده هنااك عند العقربة شيماائو و خلي حماادي هني عشان اذا قالج ما تروحين قوليله حمود هناك انزين حبيبتي و مسحت دموع بنتها بكل حنان و ظمتها لصدرها تبيها تحس بالامان الي عمرها ما حست فيه .. ​

طلع محمد من الغرفة و راح قعد بحظن اخته ندى .. امه تضايقت شووي بس راعت مشااعره لانه مو متعوود عليها و خصوصا انه ما كان يدري انه امه لي الحين عايشه ​

......​

بالمستشفى ​

محمد كان خايف على اريج و حس انه زودها لمن زفها بالسياره بس اهيا كانت تستاهل الي ياها لانه اهيا غلطت و ياريت لو غلط صغير الغلط الي غلطت كان راح يهدم سمعتها و يحطها بالارض كلمن يدووس عليها .. طلع الدكتور من الغرفة و كانت عيونهم تتسائل و قلوبهم تبي خبر يريحها ​

محمد : هاه دكتور ؟ شفيها ؟​

الدكتور: ما فيهاش الا العافيه ان شاء الله بس حاشتها صدمة و ادى الي الاغماء و هو عندها فقر دم خفيف و مش ماكله كويس و دا كمان اسر عليها .. بكتبلها شوية فيتامنات تكلها و بتصير كويسه ان شاء الله .. ​

محمد بامتنان: مشكور دكتور ما تقصر و متى نقدر نطلعها ؟​

الدكتور: بس يخلص المغزي تأدرو اطلعواها بأزن الله ​

شكر محمد الدكتور و بعدها راح الدكتور و راح معاه محمد عشان ياخذ الادوية اما آلاء من طلع الدكتور و اهيا قاعده عندها و تقرى عليها قرآن و عيونها ادمع كاسر خاطرها .. كان ويه اريج شاحب و مبين عليه التعب و بعدها بخمس دقاايق دشوا حور و فرح و من شافت فرح اريج منسدحه على الفراش و بأيدها المغذي قامت تبجي اكثر مو متحمله تشوف اختها بهالوضع و كانت تقولهم شكثر كانت منكسره و تعبانه اول مره تشوفها جذي دائما لمن تكون مضايقه تبجي شوي و تهدي بس هالمره كانت حيييل مجرووحه و فرح ما تدري بالسالف هالي صاايره .. بس كانت حاسه انه في شي قوي صاير بينهم ​

آلاء و حور كانوا يهدون فرح و قالولها انه ما فيها الا العافيه بس عشان مو ماكله و يمكن متهاوشة مع رفيجتها ​

هدت شوي فرح و كانت تشووف اختها و علامات التعب مبينه فييه .. ​

...... ​

في الدوانية عند علي و منى​

علي بجديه : مونو بسألج هذي رفيجتج الي تيي بيتنا شسمها ​

منى بأستغراب : ليش تسأل​

علي : بس جاوبي و بعدين اقولج​

منى: اسمها نوف .. انزين ليش ؟​

علي قلبت ملامحه من يسمع اسمها يتذكر الي صاار و قلبه يغلي ناااار ..كان يبي يتأكد اذا اهيا صج رفيجتها و لا تجذب عشان توصله اهوه.. كان يشووف وايد ناس جذي بالمولات بس عمره ما تووقع انه وحده من رفيجات منى تسوي هالشي خصوصا انه منى ما تثق باي احد بسرعه و كان مستغرب من هالشي .. يعرف طبع اخته مو أي وحده تعتبرها رفيجه و بعضهم يرافجونها عشان فلوسها !​

لاحظت منى تغير ملامح علي و كانت خايفه يكون صاير شي في رفجتها اخترعت و على طول قالت ​

ليش علااوي فيها شي صارلها شي؟​

علي كان وده يروح يقتل رفيجة منى .. و كان يقول بقلبه " لا يا منى لا والله ما تستااهلج جذي تصعبين علي اني اقولج انها جذبه .. ما تستاهل تخافين عليها " اخذ نفس و بعدها قال : لا مو صاير لها شي بس ..​

منى بأرتياح : بس شنوو ؟ قوول لا تقعدني على اعصاابي ​

علي : ماابيج ترافجينها .. هالنااس مو كفوو و ما عندهم ذرة حيا او ادب​

منى منصدمه من كلام اخوها : علي انت شتقول ؟ هذي رفيجتي شنو اهدها و ليش ؟؟​

علي بعصبيه : منى قلت لج هديها و خلاص ​

منى: ليييش ؟ جذي مني و الطريج اهدها !! علي هذي رفيجتي حييل معااي ايي اهدها من دون لا اعرف السبب شنو الساالفه مصخرة ؟!​

علي ما قدر يستحمل انه يخش على منى شي و خصوصا انها وايد قريبة منه و تعرف طبعه زييين اكثر من أي احد ثاني : لانها ما تستحي دااقه علي و تقولي احبك و ما ادري شنو و لا تتمصخر بعد !! بالله هذوول ناس ويه يتراافجوون ؟ قليلة ادب و ما عندها حياآآ حتى بكل جرأة داقه علي و تقولي احبك !! ​

منى انصدمت من كلام اخوها و ما كانت مو مصدقه الي قاعد يقووله و قالت بشك : علي انته متأكد انها رفيجتي ؟ اخاااف متخربط او ما صار من هالحجي شي بس ما تبيني اراافجها ​

علي تضايق من حجي اخته و كانه مو واثقو فيه : شكرا على ثقتج فيني و بطل تلفيوونه و وراها الرقم و قالها مو هذا رقمها ؟​

منى ما كانت مستووعبه الحجي او اي شي لانه هالبنت رفيجتها حيل و ما عمرها شكت انها بتسوي جذي دايما تبين لها انها زينه و ما عندها سوالف جذي بس بعد ما شافت الرقم انصدمت صدمه عمرها ​

......​

في بيت سالم بالتحديد بالصاله ​

طلع سامي من غرفة الطعام و كلهم متوحدين في ندى بيقتلونها و شيماء نجحت خطتها الحين بس بقى اسهل جزء الا و هو انها تقنع سالم يسويلها توكيل و يسجل البيت بأسمها و تكووووون سوت كل الي في بالها و ما يحتاج تنطر انه يموت و تورثه !​

شيماء بخبث : سلووم حبيبي ما تبي تتاكد و تريح بالك انه رفيجتها مو واحد تعرفت عليه ؟​

سالم : امبلى كاني بدق الحين عطيني الورقة وينها ​

شيماء: كاهي عمري تفضل بس مو تحرق اعصابك اخاااف عليك ​

خذى سالم الورقة من ايد شيماء و كان ماسك التليفون بأيد و الايد الثانيه مسكتها شيماء يعني عشان بتخفف عنه و توااسيه و ما تخلي يعصب ما تبي يشك بشي انه هالبلاوي كلها من تحت راسها عشان تخرب بيتهم و دق على الرقم المكتوب طبعا الرقم مو قم رفيجتها بس عشان شيماء كانت تبي يتأكد انه صبي و تصير السالفه اقوى و ندى تموت تحت ايد ابوها دق على الرقم و ردعليه شاب شكله بالعشرينات ​

حس ان احد اشعل ناار بقلبه .. و شيماء تضغط على ايده يعني تكلم يمكن انته فاهم غلط .. كان يتكلم و يحس انه بيمووت قهر و وده يذبح بنته ندى لو كانت يمه جان ما خله فيها عظم صاحي او يمكن بعد دفنها بأيده من كثر حرته ​

سالم : لو سمحت هذا رقم خالده ؟​

عرف خالد انه ريل حبيبته لانه اهيا سبق و قايله له انه اذا اي احد دق عليك رقم غريب اعرف انه سالم او ولده و ابيك تقولهم انك تعرف ندى و من زمان تكلمون بعض .. ما كان وده يسوي جذي بس بهاللحظه و بهالوقت كان يفكر بقلبه مو بعلقه .. كلمن يحب لمن يشوف حبيبته عقل يوقف و قلبه يتحكم فيه و اهوه كان تحت هالتأثير تحت تأثير سحر الحب !​

الشاب: لا اخوي غلطان .. معاك خالد ​

سالم من قهره صك التليفون بويها و كان يتوعد في ندى على الي سوته و شيماء حست بفرح الانتصار .. و راح غرفته عشان لا يعصب اكثر و يحاول يخش عصبيته لمن ندى تيي و يطلعها فيها ​

بعد ما تصكر بويه خالد التليفون حس بتأنيب ضمير و يقول الحين اكيد بيذبح هالمسكينه ندى و انا ليش سويت جذي حس روحه احقر انسان على وجه الارض .. و كان وده لو يرجع الزمن و ما يسوي جذي مهما كان حركة شيماء كلش مو حلوة حتى لو يحبها يعرف طبعها انتقاميه و عشقها شي اسمه فلوس لو كانوا مخيرينها بين الفلوس و لا الشخص الي تحبه اكييد راح تختار الفلوس و خالد يدري انه راح ايي اليوم الي تتخلى فيه عنه بس شيسوي هذا اختيار قلبه مو عقله و من بعد هالموقف قرر انه يبتعد عنها و يهدها و راح ايي اليوم الي تندم فيه على الي سوته .. و كان يقول بقلبه " راح تخسرين كل شي يا شيماء عمر الظلم ما استمر للأبد الحين انتي خسرتيني و بعدين بتخسرين الفلووس و النااس الي اعتبرتج وحده من عايلتها " و قرر اليوم الي وراه يوقف شيماء عند حدها و حط في باله هالفكرة و راح تصير لها اشياء تخليها تندم قد شعر راسها " ان آسف يا شيماء بس انتي الي خليتيني اسوي جذي ما اقدر اشوفج تظلمين الناس و انا ساكت فالساكت عن الحق شيطاناُ اخرس"​

.....​

رد حسين البيت و كان يفكر بالموضوع و راح يكلم امه يخبرها كان مستاانس لأخته و مووافق على عبدالله لانه ما راح يلقى احسن منه بس ناطر حور تيي يسمع رايها و ا ن شاء الله بتكون مواقفه لانها لو تلف الدينا كلها ما راح تلقى مثله و مثل طيبته ​

حسين : يماااا يماااا وينج نمتي و لا بعد ؟​

ام حسين : لا يما قاعده ما نمت خير حبيبي شنو بغيت ؟​

حسين بفرح : يمااا عندي لج خبر بيطيرج لي السما من كثر الفرح ​

ام حسين ابتسمت : خير يا يما قوول شوقتني اعرف ​

و قالها الساالفه امه من سمعت بالخبر قاامت تيبب و دمعت عينها من الفرح و قالت ما راح نلقى احسن من عبدالله كان حسين وايد يسولف حق امه عن هالولد و تمنت انه يكون من نصيب بنتها لانه ريال بكل معنى الكلمة و فيها صفاات الرجولة الي كل بنت تتمنى تاخذه و قالت بصوت عالي : الله يوفقج يا بنتي و يسعدح و يكون من نصبيج يااا رب و الفااال لأخووج افرح فييييه و اخيرا بفرح فيج يا اغلى ما عندي ​

حسين يمثل الغيره : افاااا اغلى ما عند ؟ و انا شنو ​

 

[~دموع الشوق~]

ام حسين بحنان : وي يمه انت بالقلب يا بعد روحي انته اهني بيتك و مستحيل اخليك تطلع منه لو شنو صار حتى لو ابعدني الموت عنكم كلكم عيالي و حباايبي ​

حسين : الله يطول بعمرج يا بعد كل الناس انتي .. لا تقولين هالحجي يماا لج طولت العمر يا رب و ان شاء الله تشوفين عياالي و عيال عيالي بعد ​

كملوا حسين و امه سوالف و امه كانت طايره فرح لابنتها الوحيده الي ما عندها غيرها .. كانت تتذكر و اهيا صغيره تذكر لعبها ضحكها حتى بجيها لمن ما تحصل آيس كريم او لعبه كانت بخاطرها .. او لمن تتهاوش مع اخوها حسين و تيي تبجي ليش مشع شعرها و كانت تقول بقلبها "والله كبرتي يا بنتي بس طول عمرج بتظلين طفلة بنظري " ​

.......​

افتحت عيونها شوي شوي و كانت تشووف ظبااب و الرؤية مو واضحه وايد بعدها شوي شوي قامت توضح و شافت حوالينها البنات ما كانت تحس بشي غير الصدااع الي برااسها و فرح من شافتها بطلت عيونها نطت عندها و قعدت تمسح على راسها و تقرى عليها قرآن و البنات كانوا مستاانسين انها صحت .. ​

فرح : ارييج حبيبتي شفييج ؟ شنو الي يعورج ؟؟ شنو الي مضييق خلقج ​

تذكرت اريج الي صاار و نزلت دمعه حاارة كلها ألم من الجرح الي بقلبها ​

فرح : ارووج حبيتي شنو يعورج ؟ قوليلي انادي الدكتور ؟.. فرح كانت بالنسبة لأريج الام و الاخت و الابو و الاخ و كل شي .. كانت تحاول كثر ما تقدر تعوضها الحنان الي فقدته من امها و ابوها .. بس حظن الام غييير و حناان الام غييير ​

اريج تأشر على قلبها : اهني يعورني يا فرح اهني .. تقدرين ادااوينه ؟ تقدرييييييييييييييييييييين ؟ تقدرين تنسييني الي حبيته و جرحني و حطم قلبي ؟ و قامت تبجي بحرقة قلب ​

حظنتها فرح و قامت تهدي فيها تبي تحاول تنسيها او على الاقل تخليها تتناسى لانه اذا ظلت تذكر الي صار بتظل في المستشفى اكثر من يوم .. و من التعب نامت اريج وظلت فرح تقرى عليها قرآن ..شويه و لا يطق الباب طلعت آلاء و لا اخوها محمد و قالتله انه اريج بتقعد لي باجر اهني عشان بس تهدي اخااف اطيح علينا مره ثانيه و حالتها كلش .. ​

محمد : مسكينه والله كسرت خاطري .. كله من هالزفت الي كان بالكووفي والله شبااب ينخاف منهم و المشكلة يلعبون على البنات و البنات يصدقوون الله يهديييهم بس ​

آلاء : ان شاء الله .. ميخاالف حموود شنسووي اريج شكلها كانت تحبه حييل عشان جذي طااحت و ترى كلما تقعد تبجي عورت قلبي​

محمد بقهر : حبته الجراااده قولي آمين << " الجراده الحشرة خخخ "​

آلاء بضحكه : هههههه يلا انته روح البيت ريح انا بنام عندها اليوم و دخلت داخل ​

دخلت آلاء الغرفة و لا تسمع صوت تليفونها برنة مسج .. راحت شافته و لا محمد دازلها مسج ابتسمت و اهيا تقرى المكتوب " يا بخت الي بيااخذج والله اتمنى تكون مرتي مثل طيبتج و حناانج و ان شاء الله تتحق امنيتي قولي آمين" ​

حور اطفر آلاء : اووب ألووء منو الي دااازلج و خلاااج تضحكييين هاااه ؟؟ ​

آلاء :هههههه ماكو حمووود دازلي مسج خخخخ​

حور : اهاااا هههههههههههه​

آلاء: انزين حوروو انا راح انام عند ارووج اليوم و انتي ردي البيت تعبنااج وايد اليوم ​

شوي و لا تليفون حور يرن .. شافت الرقم و ابتسمت ​

حور : هلا بالغالي ​

حسين : هلا حوور .. اممم حور بيي آخذج اووك​

حور : ايه اووكي انا انطرك و بس توصل رنلي رنة عشان انزل ​

حسين: اوك حبيبتي يلا مسافة الطريج و انا عندج​

ضحكت آلاء و فرح على الموقف الي صاار و كأنه كان حااس ​

آلاء : اخااف سمعنا هههههههه​

حور : يمكن خخخخ ​

......​

منى عصبت حدها و انجرحت من رفيجتها الي ما تووقعت تسوي فيها جذي !! طلعت من الدوانيه من دون لا تنطق بحرف و على طول صعدت غرفتها .. كانت تكابر جدام اخوها عشان لا تبجي و من وصلت دارها انسدحت على فراشها و بطتها بجي .. رفيجتها الي وثقة فيها من كل قلبها و دخلتها بيتها و تعتبرها مثل اختها و اكثر تسووي فيها جذي !! حاولت تهدي شوي و ضغطت على روحها انها ما تبجي و راحت على طول سحبت فونها و دقت عليها .. ​

منى : اولا حبيت اشكرج على الطعنة الي طعنتيني ياها بظهر و ثانيا انسي انه عندج رفيجه اسمها منى .. مع السلااامه يا من كنت اعتبرها صديقتي​

نوف ما كانت تبي تخسر منى عشان شي واحد اهيا الصلة الوحيده الي توصلها لأخوها علي و قالت بكل جذب و نفاق و مثلت انها تبجي​

منووي حبيبتي اهوه دق علي انا ما كنت ادري شفت الرقم غرييب جان ادق مره ثانيه .. صدقيني انا مالي ذنب و ما سويت شي .. بس بغيت اعرف منو داق علي اهئ اهئ انا رفيجتج الي مثل اختج مستحيل اطعنج بظهرج .. الله يساااامحج انج حطيتي علي الغلط و انه انا داقه على اخووج .. ​

منى بأنفعاال : يحليييلج والله .. يبيلي اصفق لج على المسرحييه الي سويتها عبااالج بصدقج و بجّذب اخووي على فكرة ترى سمعت شصار و سمعت كل كلمة قلتيها .. لاني شفت الرقم و انا الي قلت له رد .. انتي مو بس طعنتيني انتي حطمتيني و اشكرج من كل قلبي ان فتحتي عيني على اشياء كنت عميه فيها .. اني ما اثق بأي احد لو منو كان و مع السلامه انسيني و اتمنى اني اقدر انسى الي سويتيه​

يتبع
آرااااائكم و توقعااااتكم على ما اكتب البااارت التاااسع
ابي توقعاااااااااااااااااااااااااااااااااااااات
سي يوو يلا بااااي​

تحيااتي
~دموع الشوق~​

 

[ღ Mzajiya ღ]

تسللم ايدج يااعسل :eh_s(7):
وناطريين البارت التاااسع
:ggdw: لا يوقف لا يوقف :ggdw:​

 

[بنت ال نهيان]

اب اب اب اب اب
اب اب اب اب
اب اب اب
ا ب اب
اب


ثانكيووو البارت وووووواااوو \

 

[lulu kw]

ههههههههههههههههه حياتي انتي دموع الشوق خلاص يعني اخذ راحتي :q و فديتج احلى هدية

 

[lulu kw]

من لقافتي حطيت الرد قبل لا اقرا البارت :q ههههههههههه
البارت وايد حلو و يالله ناطرينج لا تطولين علينا انا كنت اقرا و اقول " منو هذا بعد ؟؟"
قمت اضيع ههههههههههه
و تسلم اصابعج اللي كتبت و عقلج اللي فكر وعيوني اللي قرت :q
و ما في توقعات مو تطولين

 

[8ot aL8loob]

ايــن داررك ِ يـافـتآآآآآآآآآآه ؟

طــولــتــي