يمكن يكوون قصيير شوويه ساامحووني باااجر ان شاء الله بنزل لكم باارت ثاني اطوول بأذن الله
و ارد على ردوودكم لانه الحين ما عندي وقت يلا سو يووو و ابي آرااائكم
البااااااااااااااااااااااارت الساااااااااااااااادس
حور : هااه شصااار قووولي
فرح ضايعه بينهم : شنو شصااير ؟ شالساالفه ؟
آلاء : بعدين اقولكم خل اريح شوي تعبااانه حدي و انتوا طلبوا عشى من مطعم ما فيني حيل اوقف على ريولي و متى ما وصل المطعم قعدووني اوكي
فرح و حور : اوكي و قاموا يروحون غرفة فرح عشان ترتاح آلاء شوي و حور ما حبت تقول حق فرح أي شي لانه اهيا مالها شغل و تسمع السالفه من آلاء احسن طلعوا من الدار و صكروا الليتاات وراهم عشان آلاء تريح شوي
........
عند ندى و امها
ندى كانت تسولف مع يدتها و مستاانسه عليها لانه سوالفها تضحك كله عن ايام اول و مغاامراتها لمن كانت صغيره و شسوت و وين راحت .. و امها قااعده مع محمد بالغرفة تلعب معااه و يشووفوون تلفزيوون
ندى تسأل يدتها : الا ماما عوده ما قلتيلي وين كنتوا تطلعوون قبل و وين كنتوا تتسوقون
اليده : والله يا يما اول كان مكان المرة في بيتا ما كانت تطلع وايد مثل الحين و اذا طلعنا رحنا الاسواق الشعبيه مع امنا .. اما بهالزمن غييير البنت تبي تطلع على كيفها و بروحها و لا تبي تطلع مع رفيجااتها .. و ما تبي ترد الا متأخر .. ميخالف يا يما طلعوا بس بحدوود و ما تبي احد يحااسبها .. الحين نشووف العجااايب برى الله يستر علينا
ندى : ياا رب .. بس يمه زمنكم غيير عن زمنا
اليده : انا وياج بهالشي بس يا يمه الاخلاق تظل اخلاق و العااداات هذا شي اسااسي البنت يا يمه اسااسها اخلااقها ما ينفع الجمال الخارجي بس .. الناس صايره تنخدع بالمظااهر و بس همه الشكل ما يهمها الجوهر و هذا غلط يا بنيتي
ندى : صح كلامج ماما عوده بس شنسوي الناس جذي و مثل ما قال الشاعر نعيب زماننا و العيب فينا و ما لزماننا عيب سوانا .. و همن ماما عوده مو كل النااس جذي في الشين و في الزين و هذا شي طبيعي في كل مجتمع
اليده توها كانت تبي تتكلم و لا تيي الشغاله و بيدها صينية الجاي و الحلوو
الشغاله : ما شاء الله ما شااء الله ندى يضهك اليوم جذي انته وايد هلوو لا يبجي انته يضهك اهلا .. انته اذا يبجي يئور قلب بئديين انته مووت بسرئه (ما شاء الله .. ما شاء الله ندى تضحك اليوم .. جذي انتي وايد حلووه لا تبجين انتي لمن تضحكين احلى .. انتي اذا بجيتي قلبج يعورج بعدين بسرعه تموتين)
ندى ميته ضحك على الشغااله الخبلة اما اليده من سمعتها تقول الموت قالت : اسم الله عليها بعييد الشر عنها .. بعد عمر طويل ان شاء الله و رفعة عكاازتها حق الشغااله و كملت :قوولي استغفر الله
الشغااله بخوف : ماما انه ما يقصد انه هبي ندى ئسان جذي انا يقول جذي انا ما يبي ندى مووت .. استغفر الله .. توف توف توف << الشغاله ساعات تشووفهم يقولون جذي يعني عن الحسد و اهيا خبلة تسوي مثلهم و ما تعرف شالسالفه ههههههههه "ماما انه ما اقصد انا احب ندى عشان جذي انا قلت جذي انا ما ابي ندى تموت .. "
ندى : هههههههههههه ماما عووده شفييج مسكيننه يعني بتواااسيني هههههههههههه يحليلها خبلة تووونس
كاانت الشغااله بطريجها حق المطبخ و قبل ما تطلع من الصاالة قاالت بصوون شوي عالي هبج وااايد ندى و ركضت على المطبخ
قعدت ندى تضحك على خباال الشغااله .. و مستاانسه على سوالف يدتها تحس انها بمكاان آمن تحس بالحناان و لو انجرحت جرح صغيير كلمن بيلتفوون حواااليها و يقولون لها سلاماات .. اما في بيتها فأهيا قاااعده بخووف ظلم
.........
عند سااامي
كاان واااقف مكاانه منصدم من الي صاااار او مره احد يغلط عليه و ما يقلب الدنيا فووق رااسه .. كأنه في احد مااسكه و ما قدر يسووي شي طلع من الكووفي معصب و رااح البيت على طوول لانه اذا شااف أي احد قبااله بيخليه اهوه و الطووف وااحد ما يفرقوون بينهم
و اهوه بالطريج حق بيتهم تذكر كلاام محمد " انت ما عندك غيرة على خواتك ؟! " و تخيل اخته ندى مكان اريج .. صج انه اهوه ما يكلمها و ما يشووفها وايد لانه 24 ساعه طالع و لمن يكون في البيت اهيا تكون في دارها .. تخيل روحه بمكان الشخص الي عصب عليه او ندى بمكان اريج و عرف بالساالفه .. عصب حده و كان راح ينتف ندى و الشخص الي طالعه معاه ابعد هالفكرة من رااسه و كان يحااول يوصل البيت بأسرع وقت ممكن لانه مو متحمل الصداع الي حاايشه و افكاره ما تخليه يرتااح !
........
عند محمد
دخل غرفته و منسده نفسه من كل شي و مضايق ليش زعل اخته ما كان قصده لانه كان معصب بس كان لازم يمسك اعصاابه ما ينفجر جذي ! .. كان يفكر شرااح يسوي مع اريج تعب من التفكير و حط راسه و نام
.......
عند حسين
كان راييح كوفي لانه رفيجه دق عليه و قاله بيكلمه بموضوع ضروري و ما يقدر يأجله
طلب له قهوة و نطر رفيجه شووي و لا يشوفه ياي
عبدالله بأبتسامه : السلام عليييكم
حسين : و عليكم السلام يا هلا شلوونكم عبوود ؟ شخباارك ؟ وينك زماان عنك ؟
عبدالله : و الله الحمد الله بخير .. تدري مشااغل الدنيا و الاهل و جذي و انت ادرى بالظروف
(نبذة عن عبدالله .. عمره 26 سنة حبووب و يدش القلب جميل بمعنى الكلمة وضعهم المادي زين .. ابوه توفى لمن كان صغير و اهوه الي ربى خواته مع امه يعني اهوه بالنسبة لهم كل شي الاب و الاخ .. حنوون متواضع فيه شوية عصبيه رومنسي بشكل محد يتصوره .. ملامحه جدا هاديه و الي يشوفه يرتاحله على طول .. و أذا أي احد طاح بمشكله او كان مضايق يسولف معااه يرتاح .. بشرته بيضا و لون عيونه ازرق قامج .. طويل و عريض عنده عضلات خفيفه .. شعره بني قامج .. عنده 3 خوات فاطمة 25سنة و كوثر 20سنة و نادية 16 سنة و اخوين عبدالعزيز 19 و علي 17 )
حسين : تشرب شي ؟
عبدالله : قهوة
حسين : بعد شخباارك ؟ شلوون الاهل ؟ ان شاء الله الكل بخير ؟
عبدالله بأبستامه: الحمد الله كلهم بخير و لله الحمد .. امم اسمع حسون انا بدش بالموضوع على طول مابي اطول عليك
حسين : آمر اسمعك
عبدالله لازالت ابتسامته مرسومة على ويه : انا بتزوج
حسين استانس حق رفيجه : صج مبرووك يا اخوي مبروك الله يوقفك يا رب متى العرس ؟
عبدالله ضحك : ههههه شفيك زوجتني لي الحين ما صار شي بس ..
حسين : بس شنو ؟
......
نرجع لحور و فرح
فروح : الا تعالي حورو شرااايج باجر نطلع ؟
حور بتفكير : امممم لحظه افكر
فروح : ما ادري الي يقول بتنخطبيين كلها طلعة
حور : مو لازم اسأل امي و ابوي و حسون اذا اييبني
فرح من اسمعت اسم حسين قلب ويها الوان و تذكرت مواااقفها معاااه و حسيت بحراارة تطلع من جسمهااا
حور استغربت بالبدااايه بعدين تذكرت ليش فرح قلب ويها الوااان ابتسمت و حاولت تضييع الموضوع
حور : فرحوووو شنو عشاااناااا بمووووووت يووووووووووووووووووووووووووع
فرح : انا بعد يوووعاااانه مشتهيه اكل لبنااني اخيييييييييه
حور : انا اعرف خوووش مطعم لبناااني اكله اينن تااكلين اصاابعج ورااه
فرح : انزين عيل طلبي مشااوي مشكله و اهم شي التبوولة و الفتووش مو تنسيينهم اهم شي و طلبي بعد حمص و متبل امبيييه قاعده ايووع اكثر يلا بسرعه طلبيييي هههههههههه
حور : ههههههههههههههه حدج موو صج اخااف تااكليني بالغلط
فرح : اشاايفتني آكلة لحووم بشر ؟
حور ماتت ضحك : ههههههههههههههههههههه لالالا من اليوع يعني
فرح : ههههههههههههههه انزين يلا طلبي و طلبي زيااده حق اريجووو لانها ما تعشت
حور : اووكي انتي نطري خل اروح اطلب و اذا أي احد دق علي ردي عادي
راحت حور تطلب اكل و فرح قعدت تقلب بالقنواات يمكن تلقى فلم حلو اطاالعه و قالت تروح تقعد آلاء عشان تتصحصح و تقعد معاهم لانه القعده ما تحلى الا وياها
......
نرجع لساامي
وصل البيت و اعصاابه بخشمه اذا أي احد كلمه بيكفخه بالطوفة
و رااح على طوول دخل غرفة ندى عشان على الاقل يرتااح باله و يهدى لاكنه ما لقاااها حص انه الناار زاادت في قلبه و اهوه طالع من الغرفة شاف ورقة على الدرج فتحها و انصدم من الي فيها !! .. ندى .. ندى اختي تكلم شباااب اختيييي !! تربيت ابووي ! معقووولة ما اصدق ثاار دمه و طلع من الغرفة و شيااطين الارض كلها فيه
رااح يصرخ بالبيت ينااديها دخل غرفة الطعاام شااف ابوه مع مرته قاعدين
ساامي بعصبيه و صرااخ : يبااا وين ندى ؟!
سالم ارتبك ما عرف شيقوول : هاه .. اييه هذا قالت لي بتروح بيت رفيجتها و بترد
عصب سامي اكثر و لا كأنه قبل شوي كان طالع مع وحده مو حلاله و كان يكلمها بالتليفوون "ما ترضاااها على نفسك شلوون ترضااها على بنات الناس يا ساامي ؟! و لا تنسى كما تدين تدان و الدنيا دواره"
سامي بعصبيه : من متى طلعت ؟!
سالم : ها العصر جذي .. و بعدين غريبه تسأل عنها كل مره و لا تدري عن هوى دارها
سامي بعصبيه : هاااك شووف يا يبا شوووف تربيتك وين وصلت !! شووف بنتك المصوونة شمسووية و شمغبررة و انت ما تدري عنهااا !! .. و حذف الورقة على ابوه
استاانست شيماء من سمعت ورقة و شافت انه سامي معصب يعني الي في بالها صار بالضبط مو نفس الي كانت مخططه له .. بل احسن بواايد الحين الابو و الاخو معصبيين منهاا "يعني حفرت قبرج بأيدي يا ندى و بتشوفين منو شيمااء" و كانت تبتسم مع روحها
سالم شاف الورقة عصب و اذا سالم عصب لا تشووفونه .. من شافته شيماء نطت على طول عشان لا تبين لهم انها مسوية شي او هالمصبية من تحت راسها لانه سالم يعرف انها تكره عياله
شيماء بنفاق : حبيبي خلاص لا تعصب ما في شي يستااهل انك تعصب عشانه الله يخليك لا ترفع ضغطك اخااف عليك .. انا من لي بالهدنيا غييرك انته حياتي و روحي و سوت روحها مضايقه " الا قول عساك الموت ان شاء الله اليوم قبل باجر"
سالم بعصبيه: انتي شتقوولين شلون ما يستااهل و هذي سووت سمعتي بالقااع و الحين بصيير بلسااان الكل انا اوريها من اكوون و رااح تشووف .. عبالها يعني تقدر تلعب علي و لا تسوي بلاويها من ورااي ما عاااش من سوى هالشي !!
شيماء حبت تزيد الطين بله و قالت : سلووم قلبي انت ما تدري يمكن رقم رفيجتها و لا شي
ساالم وصلت اعصااابه لي السقف : و شتفسريين هذااا ؟! .. شتفسريين اسم خالد هااه ؟ ما تقوولين ؟
شيماء تمثل البرائة : يمكن كانت تبي تكتب خالده و كانت مستعيله كتبت خالد بالغلط عادي تصيير شفييك سلوومي هدي اعصاابك
يتبع ..
آرااائكم و توقعااااااتكم
.gif)
