روايتي الاولى:((كافي عذاب الله يجازيك بافعالك....جرحت الضمير ولاطرالك تداويني))

[الجود اصلي]

رد : روايتي الاولى(كافي عذاب الله يجازيك بافعالك....جرحت الضمير ولاطرالك تداويني))

البارت 4...
.
.
.
.

تزهر ازهار الربيع ...وتزهر بقلوبنا المحبه...
وينزرع حب جديد....بقلوبنا الجريحه....
وينكتب عمر جديد....للي احــــــــــــــبــــــــــــهـــــ...
*
*
*
مر على عرس نوره كم شهر كااانت خايفه موبس من ليله العمر خايفه من الايام الجايه شمخبيه لها الحمدلله مرت الايام بسرعه وهي عايشه حياتها مع احمد ماقصر معاها بشي حمدت ربها انه رزقها بـــــ احمد وكل يوم يكبر حبها له
ابتسم:نوره شفيج تطالعيني جذي
استحت:تبي الصراحه أحمد ربي انه رزقني فيك
احمد:الله لا يحرمني منج
نوره:ومـــــــــنــــــك,,احمد بروح لأهلي صارلي فتره ما شفتهم
احمد:وانا بعد بروح الحمدلله ذكرتيني خلاص جهزي نفسج بعد صلاه العصر
نروح
نوره:تسلــم بروح اتصل بمي ابلغها
احمد :ههههههههه طيب تعالي
ماشاف غير غبرتها الله يحفظج ويخليج لي.....
*
*
سامي مستانس ع الاخر طاحت بيده صيده جديده وياحلاتها من صيده شافها
تضحك وقام يتحرش فيها ماردت عليه بعدين استسلمت ...
:اكييييد ماراح تقول لا انا سااااامي
طلال :خلاص درينا انك ساااامي
ساااامي :الغبيه صدقت
طلال:انت قلتها غبييييه فكنا عاد
سامي:خلاص المره الجايه لك
سكت طلال شيبي يقول كل مره يصير جذي يشوف بنت وتعجبه
يجي سامي وياخذها .....
*
*
قاعد وهو يفكر ثاني مره بالعيون اللي ماغابوا عن فكره
ثاني مره شافها بعرس نوره مااايدري منو هي او شصلها كل اللي
يبيه عيونها اللي خذته لبعييد طرد الافكار من راسه
ورجع يكمل شغله..
*
*
:زينه خلاص لا تبجين والله عورتي قلبي خلاص
من بين دموعها :مااقدر يا نوير مااقدر استغني عنها مااقدر
نوير:خلاص الحين تحلها عذاري واليوم ما تطلعون إلا وانتوا متراضين
قطع عليهم صوت فون زينه..
زينه:الو ,تزاعلت مع حصه زين,,سكرت الفون
نوير:منو
زينه:عمي بروح له نسيت المذكره عنده بروح اخذها
نوير:طيب انا اغراضي بالقاعه وما عندي رصيد
عطيني فونج ادز مسج لعذاري
عطتها زينه وراحت لعمها
خلصت نوير من المسج وقعدت تنطر زينه مرت نص ساعه
وزينه تأخرت احتارت نوير شتسوي قعدت تقلب بالفون تدور رقم عم زينه
افتحت عيونها ع الاخر معقوله زينه تسوي جذي انا لازم اكلمها لازم اعرف
شسالفه,,بعد دقايق وصلت زينه وابتسامه على وجهها
زينه:ها انتي هني
نوير ماتبي تحسسها بشي :وينج طولتي والله ماصارت
زينه:شسوي شافني ابجي قال شفيج قلت له كل شي
نوير:حصل خير يلا نمشي
راحوا وقعدوا بمكان ثاني
نوير:زينه اقولج شي وماتزعلين
زينه:قولي ماراح ازعل
نوير:طيب انتي ماراح اطول عليج انتي مارحتي لعمج مثل ما تقولين صح والا لا
زينه:ههههه صح مارحت لعمي بس انتي شلون عرفتي
نوير:كنت خايفه عليج طولتي قلت اتهور وادز مسج لعمج ولما دورت باخر المكالمات شفت اسم ثاني غير اسم عمج يعني لو عمج ماتحطين له اسم بنت
صح والا لا
زينه:صح
قالت لها زينه شلون تعرفت على سامي وان صارلهم كم شهر ,,نوير
ظلت ساكته شتبي تقول غيييير...
نوير:اسمعيني زينه انا ماراح اقول شي غير "كل واحد عقله براسه يعرف خلاصه"
سكتت زينه ماعندها أي تعليق غير انها تحب سامي...
*
*
نايمه بين احضااانــــــــــه وتلعب بازرار قميصه
:حبيبي شرايك نطلع اليوم ضايق خلقي مليت من قعدت البيت
تنهد لدرجه انها ارتفعت:طيب نطلع ترى نواف مسوي حفله الاسبوع الجاي
ولازم نحضرها
ابتعدت عنه:اللي تشوفه
سحبها بقوه لدرحه ان البيجامه انشقت شوي
اندهشت:ترووووووووووك
تركي:اششششششششششششششش ولا كلمه
اسكتت جود وماردت عليه...
جود:بسألك سؤال بس لاتزعل
تركي :على حسب نوع السؤال
جود :ولا مره تكلمت عن اهلك
تركي:شتبين تعرفين اذا انا نفسي مااعرفهم كل اللي اعرفه
انهم ماااااتـــــــــــــوا
حست جود انها فتحت موضوع حساس بالنسبه لتركي ودام الصمت بينهم
الاثنين انجرحوا واحد فتح قلبه للي يحبه والثاني
مازال كاتم جرحه...
*
*
انفتح الباب:الســـــلام عليكم
ام سعود بفرحه :ياهـــلا ببنيتي
باست راسها:علومج من بعدي اكيد اشتقتي لي
عكشت:من قااال اني ابيج ما صدقت على الله نخلص منج
نوره: افااااا ياداافع البلالا لهدرجه ماتبيني
ابتسمت:هو انا استغنى عنج الا مشتااقه لج حيل روحي لمج تلقينهااا
بدارهااا
نوره:ان شااءالله..
صعدت فووق وقربت لدار امها سمعت صوت امهاا وهي تكلم واحد من خواانهاا
عدت وراحت لغرفه نوير ,,, فتحت الباب ودخلت لقت الاخت نايمه
نوره:والله دريت هالبنت دجااجه اول وحده تناام واول وحده تقعد
وفوق هذا تناام نوير نوير قوومي
نوير لفت الجهه الثانيه ما ردت عليهااا
نوره بصوت اقرب للبجي:نوير قومي شوفي احمد شسوى فيني
نوير:افففففففففففففف
نوره:نوير احمد طلقنـــــــــــــي
فزت من نومهاا وبصوت عاالي :شنــــــــــو
نوره باعلى صوتهاا:هههههههههه الخبله صدقت
نوير :حسبي الله على بليسج الحين مقعدتني عشان تضحكين علي
نوره:اسفيييين بس قومي بسج نووم ,,وقفت عند الباب,,عندي لج خبر حلوووو
نوير استانست وبسرعه قامت...
عند ام سعد..
:والله ياام سعود عجزت معاه ما خليت شي ما سويته وما نفع
ام سعود:انتي بس خليه علي دواه عندي
جتهم نوره من ورى وحضنت امها..
:شلونج ياحلى ام بالدنيا
ام سعد:يابعد قلبي متى جيتي
نوره:ما صارلي نص ساعه
ام سعد:ورجلج وينه
نوره:راح عنده شغل وبعدين يجي
ام سعود:حياه الله هو انتي مارحتي لمج من شوي
نوره:أي بس سمعتهاا تتكلم مع واحد من خواني ما حبيت ازعجهم
,,الا يمه شسالفه
ام سعد:السالفه وما فيهـــــــا,,,
قطعت عليهم نوير اللي لزقت بنوره
:شنـــــــــو الخبر
نوره تبعدهااا:اعوذ بالله منج وانتي ما صدقتي على في سالفه جيتيني تركضين
نوير :افففففف منج قولي الخبر وخلصيني
ام سعد :شصاير
ام سعود:ليكون حاااامل
نوره ضحكت على جدتهااا:جده حرام عليج تو النااس
ام سعود امسكت عصااهاا:اششششش عيب عليج تضحك جيل اخر زمن لا حيا ولا مستحى اششش
نوره:حراام عليج ما سويت شي
نوير :تستاهلين هاااذي حووووبتي
يلا اخلصي شساالفه
نوره:عمي سااالم بيجي الاسبوع الجااي هو والعاائله الكريمه عااد انتي افهمي يالذكيه
نوير راحت بعااالم ثااني تفكر,,,,
ام سعود طاارت من الفرحه :الله يبشرج بالخيير والله اني فرحت من كل قلبي
ام سعد : وانتي من قال لج
نوره:ابوي امس كلمته وقال لي
ام سعود:هو انتي تدرين...,,,
ام سعد: مادريت غير امس بالليل قاالي ابو سعد انه كلم
ساالم وان شاءالله يوصلون الاسبوع الجااي عاد انا نسيت لا اقولج
السموووحه
ام سعود:مسموحه لا تنسين تجهزين الغرف لهم
ام سعد: لا هم راح يقعدوون ببيتهم
ام سعود:على راحتهم اهم شي اشوفه,,,
صرخت نوير باعلى صوتهـــــــا:الله ونـــــــــااااااسه
نوره رفعت ايدهااا:الحمدلله توهااا تستوعب هيي يالخبله شوي شوي ترى الثقل
زين
دخل محمد وشااف نوره:يووووووه انتي هنيه ما مداه يعااافج
نوره قامت عليه بتضربه :فااال الله ولا فااالك هين يا محمد انا اوريك اذا ما ذميتك عند جووري ما اكون نوره هذيك السااعه اذا جيتني اوريك
محمد يضحك من سمع اسم الجوري سكت
بعدين,,,
:الجوري شدخلهااا بالسااالفه
ام سعود:عمك بيجي الاسبوع الجاي
محمد ابتسم عاى الاخر:صج والله هاااذي الاخباار الزينه,,,
قرب من جدته وباااسهاا
:يابعد قلبي والله مشتاااق لعمي حييييل
بعدته ام سعود:الا قول مشتااق للجوري
محمد:هههههههه والله انج فهمتيني شرايكم
ندق الحديد وهو حاامي اخطبوهااا لي
رفعت ام سعود عصااهاا:استح على وجهك اخوانك الاكبر منك ما تزوجووا وانت تبي تخطب هذا النااقص عياال اخر زمن....
*
*
بالديوانيه قاعد ينطر احمد اللي اتصل وقال انه على وصووول
بلغ ابوه ان احمد على وصوول
دخل ابوسعد الديوانيه باااس راسه وقعدووواا ينطرون احمد
ابو سعد:سعد سويت اللي قلت لك عليه
سعد:أي سويته وما خليت شي ناقصهم
ابو سعد:الاسبوع الجااي عمك راد من برى ابيك تجهز البيت لهم
ويمكن يستقروون بعد هالغربه
سعد ان شاءالله,,نسوي عزيمه بمناسبه رجعتهم
ابو سعد:اكــــــيد ما يحتاج تسأل
سعد:ادري بس كنت بذكرك ثاني يوم احسن
ابو سعد:أي خلهم يرتااحون بعدين العزيمه ماااأوصيك تعزم الكل
سعد:ان شاءالله
وصل احمد وقعدوا سوالف لوقت العشى أستاذنهم احمد
بعد ما راحوا قعد الكل يستعد للاسبوع الجااي...
*
*
شحلات البحر صج في بروده شوي وهذا اللي مخليه احلى بس
القعده ماتحلى بدونهاااا
رسمت بسمه على شفااتي اخفي جروحي..
بعدك يادنيتي مافي أفراحي..
عبيرك يملى كل ركن في حياتي..
وكيف يبوني انسى بطن شالتني تسع شهووري..
ليتني بدالك يااعيووووني..
الهوواااا صعب يعيشني حيااتي..
والنووم رحل عن جفوووني..
جلالك يايمه هي ذكرياتي..
ربي ياعالم الغيوبي..
وسع لنظر عيني بيتهاا الثاني..
ونور قبرهاا هي تخااف الظلامي..
وارزقهاا بجنتك بيوومهاا الثااني..
مسحت عذاري دمعه حااره نزلت غصب عنهاا
شلون تنسى امهاا وحضنهاا الدافي منو اللي يمسح دمعتهاا لاحست بالضيق
منو يرعااهاا ويسهر على راحتهاا
اطلقت تنهيده كبيييره
:ااااااااااهـ منو بعدج ياايمه
اللهم اغفر لها وارحمهاا وعافهاا واعف عنهاا واكرم نزلهاا ووسع
مدخلهاا واغسلهاا بالماء والثلج والبرد ونقهاا من الخطايا كما ينقى الثوب الابيض من الدنس,,
وابدلهاا دار خيراا من دارهاا وادخلهاا الجنه واعذهاا من عذاب القبر وعذاب الناار
اللهم اميييين..
مسكت ولد اخوهاا فالح وتلاعبه يمكن تنسى شوي وماتبي احد يحس فيهاا..
*
*
:هلا حبيبي وينك اليوم مااتصلت
سامي "بديناا":كنت مشغول شوي
زينه:ومنو اللي شاغلك عني ليكون وحده ثانيه
عصب:شنو بتفتحين تحقيق معاي
ردت بخوف:لا لاموقصدي
سامي بنفس العصبيه :قصدج او مو قصدج مااحب جذي
سكر االفون ..
زينه ظلت تدق عليه وما يرد قعدت تبجي وندمت انهاا زعلته ..
ساامي مستانس هذا بس بدايه الموال اللي براسه والباااقي بالطريق..
*
*
مرت الايام والكل ناطر اليووم المنشود..
صبيحه السبت,,
نزل حمود اللي كان لابس دشداشه وغتره وعقاال وهااذي اول مره يلبس بغير
مناسبه رسميه وقف بجنب سعد والاثنين كاانواا لابسين نفس الشي
هذا اللي خلى محمد يخربط بينهم مسك سعد على باله انه حمود
:حمود لا تنسى ابي السيااره اليوم
سعد ما قال شي غير نظره خلته يعرف انه غلطاان
حمود اطلق ضحكه خلت محمد يركض وراه
محمد:انت ما لقيت غير اليوم تلبس دشداشه والله اوريك
ابو سعد :اقول بسكم خل نروح ورانا درب للمطاار
حمود كتم ضحكته وهو يأشر على محمد
محمد اللي يتوعد انه يوريه ,,
سعد راح بسياارته الرنج وابو سعد مع حمود ومحمد باليوكن ,,
ابو سعد :عيال ماااوصيكم لا تحسسونه انه غريب
حمود &محمد:ان شااءالله
ايتسم ابو سعد وحس بالامتناان :كفـــــــــــــــو بعياالي ابيكم عزوه لهلكم من بعد رب العاالمين
محمد :تر باااايتك
وصلووا للمطار وكان سعد واصل قبلهم "دايس ع ال120"
انطروا نص ساعه ابو سعد كان يدعي انهم يوصلون بالسلامه
حمود ومحمد كاانوا يسولفوون
سعد كانت عيونه على الباب ابتسم وراح لبووه يبلغه
ابو سعد اتجهت عيونه للبااب دمعت عيونه وهو يشووف اخوه من بعد غيبه
سنين حضنه بقوه سلم عليه
:الحمدلله على سلامتكم
ابو خالد "سالم":الله يسلمك يااخووي
دخل عليهم بالويل جير واخوه يدزه ما كان وده انهم يرجعون او بالاحرى
هو ,,نظره الشفقه اللي بعيونهم تذبحه حااول يقنع ابوه انه ما يرد بس
ابوه اجبره
:حمدلله على سلامتك شلونك يااولدي
ابتسم :الله يسلمك الحمدلله بخيير
سعد:الحمدلله على سلامتكم يلا نمشي الحين جدتي وعمتي ناطرينكم
ابو خالد:يلا مشيناااا
ابو سعد :محمد روح مع سعد وانت يا سلطان روح مع اخووانك
بعد ما ركب الكل وصلوا للبيت ,,,
كان الكل ناطر على اعصاابه
سلوى اللي من سمعت الخبر
جت على طوول اعتبت عليهم انهاا اخر من يعلم بس الحين
كل شي يهون بشوفت الغالي ساالم وعيااله ,,,

انفتح الباااب :يااا اهل البيت
ركضت وارتمت بحضن اخووهااا وعيونهاا ما وقفت عن البجي
حضنهاا من بعد فراق سنين مشتاااق لهم حييل
الظرووف كانت اقووى منه بعدته عن احباابه
ام سعوود تبجي وهي تشوووف عياالهاا اجتمعوا بعد الفراق
قرب من امه وباس ايدهااا وبجى بحضنهااا شكر الله انه شاافهاا
ام سعود امسكت ضنااهاا الغاالي كانت خاايفه لاتموت وماتشووفه
الكل بالبيت يبجي حتى الخداماات هاللحظاات تخلي الجمااد يبجي وهو جمااد
,,,,
طلع من البيت ووقف باالحديقه تنهد رجع للدوانيه
كان احمد وزوج عمته وعيال عمته ناطرين احد يطمنهم
:السلام عليكم
الكل :وعليكم السلام والرحمه
احمد :هاا يااخوي طمناا
سعد :الحمدلله وصلووا بالسلامه وهم دااخل
عبدالرحمن "ابو فوواز ":الحمدلله ..
*
*
((سالم "ابو خالد" سافر برى بحكم شغله وعشاان ولده خالد
تقااعد من شغله بسبب الغربه ,,ساره "ام خاالد " حبوبه وقلبهااا كبيير
ام قلب ابيض ,,خاالد انساان الدنياا غرته بزينتهااا وزينت له الغلط
سوى حاادث من سبع سنين خلاه جليس الويل جير سافر برى على امل العلاج
وبعد عده عملياات وفقدان الامل فبعض العملياات ابتسم له القدر انه يمكن يمشي
وسيم واحلى شي فيه عيونه وابتساامته اللي اختفت عمره 23,,
سلطاان هاادي وغامض شوي حلوو وغماازته اللي بالذقن احلى عمره 21,,
ندى ملياانه شوي لساانهاا طويل بس خواافه التوأم الرووحي لنووره عمرهاا22,,
الجووري جوريه بيضه خدوودهاا حمراا تحب محمد دلوعه عمرهاا 17,,
اخر العنقوود وسن شيطاانه متبتبه عمرهااا 7 سنين ))((سلوى "ام فواز"اصغر عيال ام سعود قلبهاا يوسع الكون من طيبتهاا متزوجه من ولد خالهاا عبدالرحمن دكتور بالجاامعه ومحاامي بنفس الوقت,,فرح ما تختلف عن نوره نفس الطبع ولكن بالحلاوه هي احلى عمرهاا 21,,فواز يشكل هو ومحمد ثناائي محد يقدر
يبعدهم اشطر من محمد بالدراسه اسمرااني عمره 17,,سلمان ملقووف وذكي دقيق بكل شي عمره 10,,امااني الجعده عمرهاا 3سنين ))
*
*
راح ابو سعد مع اخوه وعيالهم الشبااب للدوانيه ماعدى خالد اللي يبي يرتااح
اول ما وصل لغرفته سمع صوت ضحكتهااا تنهد
:الا هااذي ماابي اشوف نظره الشفقه بعيوونهاا ا
ابتسم شكلك يااخالد حبيتهاا وانت عاجز وهي اللي كانت تحب التراب
اللي امشي عليه وانت بصحتك ما عطيتهاا وجه
وقف الويل جير قباال غرفته البااب مقفل والمفتااح مو عنده..
*
*
حست بعطش
:بناات بنزل تحت تبوون شي
ندى:أي والله يااليت تجيبين شوي كاكاو مع شوي شبس
وحب وعصير
فرح :حشى ما خليتي شي نوير هااتيلهاا المطبخ كله
نوير راحت ولا سمعت شي من اللي قاالووه
ندى:صج ما تستحي انا ضيفه تسوي فيني جذي انا اوريهاا
نوره كملت مدح باحمد والبناات مستمعاات ..
*
*
شاافته متلعوز قربت منه : حمدلله ع السلامه
خالد ارتبك : هاا هلا نوير الله يسلمج
نوير ابتسمت من سنين ما سمعت صوته :تدور على شي
خالد:أي ابي مفتااح غرفتي
نوير :خلني ادوره يمكن بغرفه الجوري راحت نوير
طلعت وهي تبتسم له:لقيته تبي شي ثااني
خالد:لا مشكووره
دخل لغرفته وهو كاره حاله ..
نوير ظلت واقفه ما هان عليهاا تشوفه جذي مكسوور قربت من بااب غرفته يمكن صارر له شي ردت لغرفه ندى و نست ليش طلعت منهااا..
*
*
دخلت عليهم سلوى
:هاا بناات شتسوون
نوير :قااعدين نسوولف حيااج
سلوى:مااحتااج عزيمتج انا اقعد بدوون لا احد يقوولي
ندى :لا والله غرفتي ادخل فيهاا اللي ابيه
سلوى امسكت علبه الكلينكس واحذفتهاا على ندى:صج ما تستحين
عمتج تطرديني
ندى:ههههههههه لا يااعمه اذا ما وسعتلج الغرفه عيووني اوسع
حضنتهاا سلوى :تسلملي عيونج
نوير:اقوول مو مطول هالفلم اللي من بطوله شااروخاان واشوارياا
الكل ضحك واقعدواا يكملون سوالف..

 

[الجود اصلي]

رد : روايتي الاولى(كافي عذاب الله يجازيك بافعالك....جرحت الضمير ولاطرالك تداويني))

اسفه ع التأخير
وان شاءالله تعجبكم..​