السلام عليكم بنات
انا اول مره اكتب روايه ..وروايتي حقيقه 100% وجريئه شوي و صايره حق ناس اعرفهم وحبيت اني انقلها لكم:eh_s(7):
وما احلل اي احد ينقل روايتي من غير اسمي
واتمنى انها تعبجكم وابي حماس
:eh_s(4):
واذا ما عجبتكم الروايه قولولي عشان ما اكملها
البارت الاول
سنة 2010
الساعه 10 بليل قاعده وشابكه باللاب
داشه قروب شباب حاطين صورهم بلfacebook وقاعده تعلق على صورهم
حنان:وااي شحلاتهم اوووف دميره..جان زين اضبط واحد فيهم
ومن ضمن الصور علقت على صورة (علي) اللي اهو بطل القصه
حنان: كاااااك مصدق عمرك انت حاط صورتك ما شفت فخوذك فخوذ ديايه
علي: وين اصلا مو مبينه فخوذي
حنان: امبله كا امبينين يالديايه هههههه
علي: الحين قاعده تعايبين علي ما شفتي ويهج الجدر كااك
حنان : ايي طبعا تقول عن شكلي جذي لان مو حاصلك جمالي
ثاني يوم العصر دش علي على حنان بالخاص
علي: جنج مستاسنه على الطنازه هاا
حنان: كااك اي حدي
علي: المهم هذي صورتج
حنان: اي
علي: والله مشالله حلوه
حنان:ادري من غير ما تقول
علي: اقول جب جب
حنان : لوول
علي: عندج ايميل
حنان : اي
علي: ok add me ………
حنان: اوكي
خل نتعرف على بيت حنان
ابو حنان(محمد): عمره 56 سنه ومتقاعد ريال طيب وقلبه حنون بس حده عصبي ولسانه فالت
ام حنان(مريم): عمرها 48 سنه ربة بيت ما تشتغل وايد طيبه وحنونه وتخاف على عيالها وتضحي عشانهم
بدر: البجر عمره 31 سنه متزوج على حب .. لعوبي ويخون وعصبي بس دمه خفيف ويموت على الغشمره
زوجة بدر (نوره): عمرها 29عقرب رمل وام ويهين وحنان تكرها لانها وايد توز ريلها على اهله وايد تتحجى بالناس وتموت على التفلسف
عيالهم: حسن ..ساره ..حمود..علي..ريماس
احمد: عمره 25 سنه متزوج على حب طيب وحنون ومحترم بس عصبي
زوجة احمد ( جمانه): تينن وخلوقه وقلبها اطيب واهل ريلها وايد يثقون فيها بس ليلحين الله ما رزقهم عيال
فاطمه : عمرها 30 متزوجه .. طيبه بس لسانها فالت ولا داريه بيتها
زوج فاطمه ( سالم): بخيل ويموت عالفلوس ولسانه طويل
عيالهم: شهد وجمانه ويوسف
شيماء: عمرها 24 كانت مملوجه وانفصلت ..طيبه وعلى نياتها وشخصيتها ضعيفه وخوافه
حنان (بطلتنا): عمرها 17 سنه واهيه اخر العنقود شخصيتها قويه ولسانها فالت قلبها طيب وعصبيه ومزاجيه حيل
شكلها .. طويله وبيضه وشعرها طويل ومتروسه وحلوه ماشاءالله
ضافها علي بالمسنجر وقعدو يسولفون
علي: حيالله حنان
حنان: حيالله علي
علي: توه ما نور المسنجر
حنان: بوجودي
علي: يا شين الثقه
حنان: كيفي يحقلي
علي: لوووووول جب جب اقول
حنان : ههههه
..... وقعدو يسولفون لمن داخو ونامو
ثاني يوم قامت حنان العصر وكان اللاب يمها على طول فجب اللاب تبي تشوف اذا شابك ولا لا
حنان: يارب يكون شابك
هييييياااااااا
حنان : هاااااي
علي: هايااات ها صح النوم يا بقره
حنان : كاك بقره شكلك صح بدنك
علي: توج قاعده
حنان : اي وانت ؟
علي : انا توني
حنان: لقلوب عند بعضها
علي: فديت قلبج انا
حنان: علاوي لا تحرجني
علي: ويع ويع مو لايق
حنان: لوول جب
علي :ها شبتسوين اليوم
حنان : ماكو قاعده
وضلو يسولفون .. ومرت هالحاله عليهم ليمدة سبوعين تقريبا كل ما يقومون من النوم على طول يشبكون مع بعض .. ويقعدون يسولفون ساعات طويله تقريبا 3\4 اليوم ويه بعض
تعودو على بعض وانعجبو ابعض لين يا اليوم....
بالماسنجر
علي: حنون ودي اسمع صوتج
حنان: انسى الموضوع رقمي ماكو
علي: مالت عليج شدعوه ميت عليج عاد
حنان: مدامك مو ميت علي عيل شتبي تطلب رقمي
علي: انزين فجي المايك
حنان: اوكي
فجو المايك
علي: سلاااااام
حنان: (مستحيه) عليكم السلام
علي : شدعوه ما بغينا نسمع هالصوت
حنان: اي لازم نتغلى
علي: قوليلي متى اقدر اشوفج
حنان: وليش بتشوفني بالله
علي: بصور وياج
حنان: ههههه سخيف ترا
علي: هههه شدراني عنج شنو هالسؤال الغبي يعني بشوفج بشوف ويهج
حنان: اوكي بس من بعيد لاني ما اقدر اتكلم وياك
علي: شنو هنود
حنان : ههه كيفك عاد تبي ولا بطقاق
علي: اوكي اوكي بس بشوف ويه الجدر هذا على شنو يتغلى .. متى اشوفج؟
حنان : اممم باجر بنروح ماكي ويه اهلي تعال
علي: وين هذا
حنان: يم مرينا
علي: اوكي متى
حنان عل 9 ونص
علي: اوكي قبل لا اتروحين شبكي وقوليلي
حنان اوكي
.....
صار ثاني يوم وصار الموعد عل 9 شبكت حنان.....
