روايتي الاولى شيخه ومحمد ( يافلان طول غيابك وحبيبتك تنتظرك )

[رقيقه القلب]

بسم الله الرحمن الرحيم شلونكم بنات شخباركم :eh_s(7):
هذي اول روايه لي بالمنتدى روايه واقعيه وفيها من الخيال شوي اخذت هالاحداث من ناس قراب مني
وبعض الاحداث صارت جدام عيني
بنات ابي تفاعل معاي بليز وابي بعد كل بارت توقعات وردود تفرحني
خلال الاسبوع بنزل بارتين او ثلاث واذا كنت فاضيه بنزل بعد ووو قرقرت وايد يلا نبدا

بارت الاول


لاتقولو كلمها لاتقولو راضيها انا مخاصمها وحالف لوريها انا مخاصمها وحالف لوريها
لاتقولو تعبانه او حتى ندمانه انا شعلي انا ماراح اداويها فهموها مو راضي بالاحرى
مو فاضي او بالاصح اهيا بالنسبه لي ماضي ................. ابراهيم دشتي : مخاصمها
تسمع الاغنيه بالسياره اهي ورفيجتها عالبحر
شيخه : امبيه فصلت عالاغنيه لووول صدع راسي
دلال : كاااك حدج فصلتي
شيخه : دلول والله من زمااان مو طالعه حدي
دلال : اي والله زين انج طلعتي ونسيتي الي صار وعشتي حياتج
شيخه : الحمدلله اني نسيت وبعيش حياتي من هاللحظه ومافي شي بيعكر مزاجي
والحين يلا طلعيلي السيدي الثاني خل نستانس شوي
شيخه ( بطله روايتي ) انسانه جميله بمعنى الكلمه حلوه واخلاق وجمال وذوق ودلع وااايد حساسه
كل الصفات الحلوه فيها عمرها 19 سنه تدرس علوم اداريه تكره الماضي وهالماضي يسبب لها خوف
وضيقه ماتحب احد يفتح معاها الماضي وطبعا لسبب معين وبتعرفون بعدين تألمت بحياتها بشكل
بشع ومو طبيعي كتومه وماتحب تبجي جدام احد ممم عطيتكم نبذه عن شخصيتها وبتعرفونها اكثر بالبارتات
دلال ( رفيجه شيخه الروح بالروح ) فصله وتينن وتدش القلب على طول من سوالفها وغشمرتها عمرها 19 سنه بعمر شيخه تدرس طب

نرجع للروايه
بعد ماتعشو شيخه ودلال بمطعم نينو على البحر وصلت شيخه دلال بيتها ورجعت البيت على دخلتها وصل اخوها فهد ودخلو الصاله
فهد : ها شيوخ وين كنتي
شيخه : ويعه خرعتني كنت مع دلول نتعشى
فهد : واي فديت هالدلول والله
شيخه : فهدو جب عاد لا تتحرش


تكمله البارت راح يكون باجر
تفاعلكم بنات بليز يلا

 

[FDET NFSY]

باااين رووووعه

كمليييييييييييييييييي

 

[lulu_q8]

كملي بدايه حلوه

 

[رقيقه القلب]

شكراا بنات على الردود فديييييتكم

 

[رقيقه القلب]

هذي تكمله البارت

فهد : الا تعالي وين الوالده
شيخه : وانا شدراني خو دشيت معاك
فهد : اي صح انزين شيوخ روحي بدلي ونزلي تحت خل نسولف ضايق خلقي
شيخه : اوكيك

فهد ( اخو شيخه ) انسان يهبل يونس بسوالفه احلى مافيه ضحكته زوغه عمره 21 سنه سبورتي حده
كل حياته كره بكره توأم روحه شيخه وايد مع بعض , الله يخليهم لبعض قولو امين ووو يحب دلال على قولته اهي حب الطفوله
نرجع للروايه
رجعت شيخه الصاله ولا تلاقي فهود قاعد يطالع مباراه راحت شيخه وصكرت التلفزيون عليه خخخخ
فهد : شيخوووووو يازفت انا اعلمج
شيخه على طول قامت تركض واهي ميته من الضحك على شكل فهد واهو منقهر منها
شيخه : اااخ يما هههههههه خلاص فهود والله توبه
فهد : جب جب شكووووووووو تصكرين التلفزيون ها انتي تدرين هالحركه ماحبها يالنذله كان بيكمل باقي كلامه بس قطع على هواشهم صوت التلفون
فهد : ماشي ماشي راجعلج يالبطه
شيخه :كااااك اي خير انشالله رد بس رد
فهد : ماني ناطرج تقولين لي جب الو
؟ : الو السلام عليكم
فهد : وعليكم السلام منو معاي
؟ : هذا بيت محمد جاسم ال.......
فهد : اي نعم خير اخوي
؟ : فيه وحده عندنا باسم زهره احمد ال.... سوت حادث من قبل شوي وهي الحين موجوده عندنا بمستشفى ...........
فهد ويهه قلب وخاف على اخته لا تنتبه عليه : اوكي مشكور اخوي بس ماعليك امر ممكن تدزلي التفاصيل على الرقم الي بعطيك اياه وعطاه الرقم
اوكي يعطيك العافيه ماقصرت
شيخه : خير فهود منو هذا وشيبي
انتهى البارت ابي توقعاتكم بنات
منو اللي بالمستشفى ؟
وشنو ممكن يصير بشيخه لو عرفت منو اللي بالمستشفى ؟

 

[رقيقه القلب]

البارت الثاني
فهد : شيوخ حبيبتي مافي شي بس روحي بدلي ملابسج وتعالي السياره ولا اطولين
شيخه : فهد شصاير وقفت قلبي تكلم
فهد : شيوخ انا بقولج بس بدون خوف وبجي
شيخه : اوكي شصاير شفيك امي فيها شي
فهد : بصراحه اي امي بالمستشفى ومسويه حادث يلا روحي لبسي عشان مانتاخر
شيخه من اسمعت الي قاله فهد واهي ساكته وماتكلمت راحت غرفتها بسرعه ولبست لها تريننج اسود وطلعت حق اخوها
طول الطريج والهدوء يعم المكان هدووء تام وصلو المستشفى ونزلو وقفت شيخه عند باب المستشفى تكره المستشفى وريحتها لف عليها فهد : شفيج ليش وقفتي
شيخه والخنقه عابرتها : مو قادره ادخل والله مو قادره
فهد بضيقه : ماعليه شيوخ يلا حاولي وعطيني ايدج خل ندخل
مسكت شيخه ايده ودخلو وعلى طول راحو على الرسبشن وسالو عن امهم وقالت لهم انها بالدور الثالث بالعنايه المركزه شيخه من اسمعت العنايه المركزه حطت ايدها على قلبها والدموع بدت تنزل لفت على فهد وقالت : فهد ليش امي بالعنايه ها فهد ليش
فهد : شيخه صلي على النبي ويلا خلينا نمشي مشت شيخه معاه واهي تحس ان ريولها خلاص ماعادت تشيلها وصلو عند العنايه المركزه وشيخه خايفه حدها وتبي تشوف امها
طلع دكتور من العنايه المركزه على طول قام له فهد : دكتور لوسمحت بغيت اسالك عن وحده اسمها زهره احمد من نص ساعه تقريبا ادخلت غرفه العمليات شصار عليها ؟
الدكتور : اي انا الي ماسك حالتها بس حاليا اهي بحاله صعبه جدا وماتحتاج غير دعائكم عن اذنك
مشى فهد لين عند اخته وهو متضايق ومو مستعد يخسر امه مثل ماخسر ابوه مو عارف شنو يسوي قعد على الكرسي يم شيخه وهو صاكه فيه الدنيا لف على اخته وقالها : ادعيلها ياشيخه اهي محتاجه دعائج
سكتت شيخه ماردت عليه ظلت تبجي بصمت مرت على قعدتهم وحالهم هذا حوالي ساعه ونص طلع الدكتور من غرفه العمليات وقام فهد له بسرعه وقامت شيخه وراه بس بعدت شوي
فهد : ها دكتور بشر شلون صارت الحين
الدكتور باسى : والله مادري شقولك غير اني سويت الي علي انا والله الشاهد بس مافاد سكت شوي وبعدها قال عظم الله اجرك ياخوي
لف على اخته والدموع تارسه ويهه وقال : شيخه الغاليه راحت شيخه الغاليه راحت راحت قربت منه شيخه ولمته حيل وكانو يبجون بشكل يقطع القلب وخر فهد عن شيخه ومسح دموعها وقالها : يلا شيخه خلينا ندخل نشوفها
شيخه : ادخل انت فهد وانا بلحقك بس بروح الحمام
عرف فهد ان شيخه ماخذت كفايتها بالبجي وان مو قادره تكتم دموعها اكثر هز راسه وقالها : خلاص انا ناطرج
مشت شيخه عنه والدموع تسيل من عيونها ومنزله راسها للارض ماتبي احد يشوفها واهي تمشي صدمت بشخص وهالشخص من اول مادخلت المشتفى لحد الحين وهو مافارقها ويراقبها من بعيد رفعت شيخه راسها واول ماشافت ويهه طالت من طولها
انتهى البارت الثاني
توقعاتكم
منو هالشخص الي كان يراقب شيخه ؟
وهل من الممكن ان يكون له علاقه بكره شيخه للماضي ؟
تفاعلكم بناااااات يلا

 

[Miss MzajeYa]

الروااااااااااية شكللهااا عجييبة

موفقــــــهـ حبيبتـــــــــــي

ناااااااااطريييييييينــــــــج

 

[رقيقه القلب]

البارت الثالث

الساعه وحده بليل
بغرفه المستشفى فهد كان قاعد عند شيخه الي من طاحت واهي ماغير تقوم تبجي وتصارخ ويعطونها مهدئ وترد تنام ظلت على علاماته تقريبا ثلاث ايام قامت شيخه واهي حاسه بصداع مو طبيعي شافت فهد منسدح على القنفه ومغمض عينه تذكرت شيخه امها تذكرت الشخص الي شافته وانصدمت بوجوده تذكرت الماضي الي راح لفتت على فهد ونادته
شيخه : فهد
فهد : عيون فهد امري
شيخه : فهد أبيها مشتاقتلها مو قادره حياتي بدونها
فهد : شيخه عشان خاطري لاتبجين لاتسوين بروحج جذي
شيخه كتمت دموعها بالغصب : دفنوها
فهد : اي والعزا سويناه فبيت يدي والحمدلله كل شي اوك ودلال رفيجتج ماقصرت بعد آتيي عندج من الصبح لين المغرب
شيخه : اي يحليلها والله صج ماقصرت
فهد : أنزين حبيبتي شيوخ أنا رايح البيت اتسبح واريح شوي وارجع لج على الصبح
شيخه : اوك ديربالك بالطريج شوي شوي فهد عشاني
فهد : انشالله من عيوني باس راسها وطلع


ظلت شيخه بروحها وقامت تأخذها الذكريات مع امها وبكل لحظه عاشتها معاها بحلوها وبمرها واهي تتذكر والدموع تنزل ومنزله راسها ومو حاسه بشي غير الذكريات الي شاغله بالها
دخل عليها شخص وهي ماحست بوجوده الا لين تكلم
؟ : دموعج غاليه ياشيخه البنات ليش الدموع
شيخه رفعت راسها بصدمه من صوته ومن دخوله : انت شيايبك شنو تبي مني اكثر شنوو
؟ : سمعيني لو شوي بس تكفين شيخه سمعيني خليني أبرر لج
شيخه : شنو تبيني اسمع ها شنو خيانتك ولا حبك ونومتك مع البنات ولا جذبتك شنوووو ها شنو اسمع اكثر شنوو يااخي اطلع من حياتي مابيك ولا ابي أشوفك تفهم مابييييك غطت ريعها بيدها ودموعها تنزل قرب منها اكثر حست شيخه ان قرب رفعت راسها وقالت :
والله ان قربت اكثر بصرخ وآخليك بيزه ماتسوى جدام كل اللي بالمستشفى اطلع من حياتي اطلع
؟: شيخه أنا تعبان بدونج من يوم مافارقتيني وان لا ليلي ليل ولا نهاري نهار أنا احبج
قطعت كلامه شيخه وقالت : انت شنوووو مافيك احساس الي بين ظلوعك مو قلب عقب كل اللي سويته ياي تقولي سامحيني وانك
تعبان بدوني وتتاسف شسوي باسفك ها شسوي فيه
؟ : والله ندمان والله وعرفت غلطتي بس رجعيلي ماولهتي علي ماولهتي على حبيبج
شيخه : مستحيييل ارجع لك يامحمد لو شنو تفهم يعني مستحيل
محمد : شيخه ترا الانسان مو معصوم عن الغلط ربج يسامح انتي ماتسامحين
شيخه : والله أني سامحت والله اكثر من مره سامحت وضحيت وضحيت لمن قلت بس سالفه توصل للشرف يامحمد مستحيله
والحين ممكن تطلع أنا وحده تعبانه ومو متحمله اسمع كلمه زياده منك
محمد : مستحيييل أنساج وانتي ملكي ياشيخه ملكي حقي أنا احبج وطلع من الغرفه
بدت شيخه تبجي وتلوم نفسها على حظها خذتها الذكريات لذاك اليوم
يوم موتها
يوم تعبها
يوم شقاها
يوم فراق اعز الناس
يوم تكتشف الجذب من ناس تحبهم

قبل ثلاث سنين بيت شيخه بالتحديد غرفتها كانت شيخه تتزهب حق طلعتها ويا رفيجتها دلال بمناسبه ( عيدميلاد شيخه )

 

[رقيقه القلب]

تكمله البارت
في بيت شيخه رن فونها بنغمه خاصه اول ماسمعتها فزت من مكانها وردت
شيخه بدلع رباني : هلا حمودي
محمد : ياروح حمودج انتي وينج قلبي بسرعه
شيخه : أنا لغرفتي قاعده البس عشان بطلع
محمد : أشوه انج قاعده تلبسين شيوختي نص ساعه وادق عليج رنه ونزليلي يلا باي
شيخه : شنو لحظه الو اووووف اهم شي ان سكر الخط شسوي واااي فكرت شوي وبالاخير قررت ان تدق على دلال وتعتذر منها وأنها ماتقدر تطلع معاها صكرت من عندها وراحت بسرعه كملت كشختها بس نص ساعه الا شوي خلصت شيخه وكانت ماشالله عليها قمر
لبست نفنوف اسود قصير مع حزام lv بالنص وسوت شعرها تكسير خفيف وبف وحطت مكياج ناعم برونزي ولبست كعب من lv لائق مع الحزام دق عليها محمد رنه وصكر رشت بسرعه من عطرها ونزلت الصاله والفرحه مو شايلتها من الوناسه كانت امها قاعده تطالع تلفزيون راحت قعدت عندها وباست راسها
شيخه : شلونج اليوم يما
ام شيخه : دام اشوفج مستانسه وفرحانه عيل أنا بخير
شيخه : ياااااعسى انشالله دوم يالغاليه حبيبتي يما أنا طالعه تبين شي مني قبل لااطلع
ام شيخه : سلامتج يما
شيخه : ادعيلي يما أني استانس وان يحفظني من كل شر
ام شيخه يارب ياكريم انك تسعد بنتي وتطيب خاطرها وتسترها من عيون الناس يارب
ابتسمت شيخه وباست راسها وطلعت
انتهى البارت الثالث
توقعاتكم بنات
*

 

[رقيقه القلب]

19-01-2012, 06:19 pm * #18
رقيقه القلب
عضو
*












*


البارت الرابع

طلعت شيخه من البيت والفرحه ماليه قلبها ومستانسه حيل
مشت شوي وشافت سياره محمد وراحت بسرعه وركبت عشان محد يشوفها
اول ماركبت
محمد :- توو مااانورت السياره
شيخه :- فديتك حياتي بوجودك
محمد :- ها شلونج قلبي
شيخه :- الحمدلله بخير وانت شخبارك
محمد :- عسى ياقلبي أنا بخير دام انتي يمي
شيخه :- فدييييتك الا صج ذكرتني شالحركه بالله الي سويتها فيني
محمد :- ههههههههههه احسن عشان أنا قمت انقهر من هذي دلال طول الوقت وانا حاطتني على جنب
شيخه :- هههههه حبيبي انت الكل بالكل والله
محمد :- صج شيوختي
شيخه :- اي والله أنزين حبيبي إحنا وين بنروح
محمد :- اول شي ياقلبي مضطر أني اروح الشاليه عند واحد من الربع باخذ منه شغله مهمه وماقدر اخليها حق وقت ثاني عشان جذي بنروح أنا وياج واعطيج مفتاح شاليه اهلي قعدي فيه على مااخذ من رفيجي الشغله ونمشي
شيخه :- ممممم اوك بس مو تطول وتخليني بروحي
محمد بارتباك :- لا لاماراح أخليج شيوخ سمعي سمعي مزهب لج أهداء بمناسبه عيدميلاد القمر وغمزلها شيخه استانست وايد فكرت ان ناسي عيدميلادها بس طلع متذكر
الأهداء غنوا لحبيبي عبدالمجيد عبدالله خلصت الاغنيه واهو من اهداء لي اهداء مايبيها تخاف من سالفه الشاليه ربع ساعه واوصلوا الشاليه
محمد :- هاج بابا هذا المفتاح روحي انتي وانا بس اخلص شغلي مع رفيجي واييلج
شيخه بخوف :- أنزين حمود مو تتاخر بليز ماحب اقعد بروحي
محمد متوتر حيييل ويهه قام يعرق من كثر التوتر يحبها بس مو بيده الي يسويه :- انشالله ماراح أطول *

 

[رقيقه القلب]

تكمله البارت
خذت شيخه المفتاح ووصلها محمد لين عند باب الشاليه وراح دشت شيخه الشاليه وكانت خايفه ان يكون فيه احد بس ارتاحت يوم شافت ان مافي احد بطلت التلفزيون الي بالصاله وقعدت تطالع وتتعبث بفونها ومبتسمه على الاهداءات الي اتييلها من رفيجاتها واهلها مرت تقريبا 10 دقايق وشيخه قاعده
فجاه سمعو صوت شباب يضحكون من فوق خاف شيخه وايد بس أوهمت نفسها ان هالصوت يمكن يكون من برا بس لا الصوت كل ماله ويوصل عندها
طلال :- ههههههههه والله حمود ماقصر تصدق يايبها بكشختها ومقعدها بالصاله بعد
جاسم :- اي عيل شلون صج طلعت قمر على قولت حمود
اخترعت شيخه وااايد مو عارفه شلون تتصرف واهي تطالعهم بصدمه بعدها استوعبت
ان لازم تطلع بسرعه راحت بسرعه اتجاه الباب على اساس انها تطلع بس وقف بطريجها طلال
بلعت ريجها وخافت
شيخه :- وخر عني لاتقرب مني تفهم
طلال :- هههههههههههه ضحكتيني والله انتي كلج عسل وفيه احد يشوف العسل جدامه ومايقرب
شيخه :- والله لو قربت بنادي عليك محمد واهو يتفاهم معاك وخررر عني
جاسم :- هههههههههههههههه محمد ليش ماتدرين ان محمد اهو الي مخطط حق هالشي ماتدرين ان هالشااليه شاليهنا إحنا ماتدرين ان متفقين معاه على ليله معاج ياقمر
شيخه الدموع بدت تنزل والخوف مالي قلبها مو عارفه شنو تسوي غير انها تنزل على الارض وتبجي على حظها وان مافي مفر من هالاثنين

 

[رقيقه القلب]

.
البارت الخامس
شيخه انزلت على الارض والدموع تنزل من عيونها تكورت على نفسها بخوف*
طلال :- ليش الخوف عاد ترا إحنا ماناكل*
شيخه بدموع :- تكفى الله يخليك خلني اطلع من أهني تكفى*
طلال :- هههههههههههههههه ضحكتيني تصدقين تهقين الي يدش أهني يطلع بالساهل لا حبيبتي غلطانه المهم جسوم اصعد ييب فوني من فوق خل ندق على حمود*
جاسم بخبث :- أوكي بس مو تاخذ راحتك*
طلال :- ههههههههه لا ناطرك*
صعد جاسم فوق وقرب طلال من شيخه واهو يقرب واهي تبعد لين الصقت بالطاوله*
طلال :- آفا بس كل هذا خوف تو تو شوفي خليني اخلص شغلي معاج على السريع وأطلعج اوك*
شيخه :- الله يخليك لا تقرب مني الله يخليك*
طلال ولا كأن سمعها قرب منها واهو يحاول يبوسها برقبتها وشيخه تصارخ واهو ولا عل بال رفعت ايدها شيخه لين ورأ على الطاوله بمحاوله انها تلقى شي تطقه فيه يات ايدها على الابجوره خذتها وطقته على راسه*
طلال :- ااااخ يابنت اللذين اااخ*
ماقدر يوازن نفسه على الوقوف والدم الي ينزل منه فطااح طالعته شيخه بخوف والدموع تنزل سمعت صوت جاسم من فوق يدل علئ ان نازل قامت بسرعه أخذت تلفونها وطلعت تركض تذكرت ان محمد مخلي السياره مبطله والمفتاح موجود فيه ركضت بسرعه لين وصلت عند السياره ركبت فيها وحركت بسرعه طول الطريج تبجي وتندب على حظها الي مفروض يكون احلى يوم بحياتها صار اخس يوم بحياتها اوصلت البيت وطقت الجرس اول مافتحت امها الباب حقها طاحت من طولها*
اطلعت من البيت مستانسه وفرحانه والفرحه ماليه قلبها والدموع تنزل من الفرح والعكس لمن ارجعت البيت واهي الضيقه ماليه قلبها والدموع تنزل من القهر والحزن*


صحت من ذكرياتها على دخلت اخوها*
فهد :- آفا شيوخ أنا خليتج ترتاحين وتنامين رديت لقيتج تبجين قرب منها ولمها حيل*
شيخه :- اااااه ياخوي تعبانه الضيقه مو راضيه تروح مني*
فهد وقلبه يعوره على اخته ومو عارف شنو يسوي :- خلاص شيوختي خلاص عشاني اهدي*
ظلت شيخه تبجي على صدر اخوها لمن نامت ابتعد شيخه عنها وقعد عل كرسي واهو يطالعها ومنكسر خاطره عليها ومو عارف شنو يسوي ظل يفكر ويفكر لين لقى الحل طلع من المستشفى وراح يسوي الي ممكن ان يسعد شيخه *
بعد ساعه ونص تقريبا قعدت شيخه*
فهد :- صح النوم يالحلوه*
شيخه بابتسامه باهته :- صح بدنك سكتت شوي بعدين قالت فهد متى بطلع من أهني مليت*
فهد راح قعد على السرير يمها :- بما انج فتحتي الموضوع أنا عندي لج خبرين وراح يونسونج أكيد اول واحد والي اهو انج بتطلعين من المستشفى العصر وثاني واحد انج انج لا خلاص ماني قايل*
شيخه :- اوووه فهود قول يلا عاد*
فهد :- ههههه أنزين انج بتسافرين برا*
شيخه :- ها
فهد :- ههههههههه شفيج انصدمتي اي بتسافرين يوم الخميس انشالله ودراستج بما انج تعبانه وقفت قيدج مو هذا الي كنتي تبينه*
شيخه بفرحه :- ههههه فديييييتك والله احبك*
فهد :- فداج ياقلبي شيوخ حبيبتي مضطر امشي والله عندي جم شغله بالدوام لازم اروح اذا احتجتي شي دقي علي وانا بمر عليج العصر أخذج*
شيخه :- لا تعب روحك فهود بدق على دلول الحين واهي بتوديني*
فهد :- خلاص أوكي بس اذا ماقدرت عطيني خبر*
شيخه :- اوك انشالله*
فهد :- يلا سلام*
شيخه :- الله وياك ديربالك فهود*
فهد :- انشالله*
طلع فهد من الغرفه وشيخه تدعي له وبقلبها تدعي وتقول ربي لاتحرمني من اخوي يارب تسعده بدنيته*

 

[رقيقه القلب]

البارت السادس*
غفت شيخه من التفكير وقعدت على دخلت دلال عليها*
دلال :- أوه أوه القمر قاعد عيل قربت منها وباستها على خدها شلونج شيوخ *
شيخه بابتسامه :- الحمدلله بخير انتي شخبارج*
دلال :- أنا بخير دامج انتي بخير*
شيخه :- دلول ابي اطلع بليز والله مليت كارهه المكان والله*
دلال :- مممم اروح اكلم الدكتور يسجل لج خروج وارجع لج*
شيخه أوكي بس مو تتاخرين*
دلال :- لا ماراح أتأخر*
طلعت دلال من الغرفه وشيخه انسدحت بمكانها بعد ربع ساعه بالضبط رجعت دلال*
شيخه :- ها خلاص بنطلع الحين*
دلال :- اي يلا قومي غسلي وبدلي خل نطلع*
شيخه :- أوكي قامت بمساعده من دلال وراحت الحمام غسلت ويهها وجسمها ولبست تريننغ كحلي ورفعت شعرها عنقوص وطلعت من الحمام*
شيخه :- يلا دلول نطلع*
دلال :- أوكي يلا بس ماتبين ويل جير احسن*
شيخه :- لا لا مايحتاج اقدر امشي *
دلال :- أوكي عيل براحتج يلا خذت جنطتها وطلعوا من الغرفه لبست شيخه نظارتها ماتبي اي انسان يعرفها او يشوفها بهالحاله*
واهما يمشون بالممر شافت شيخه محمد واقف من بعيد ويطالعها وده يكلمها بس مو قادر ظل يلاحقها لين طلعو من المستشفى ركبو السياره ومشو ومحمد بعده وراهم*
بسياره دلال*
شيخه :- دلول ممكن توديني البحر ماودي ارد البيت ابي اقعد عل بحر*
دلال بابتسامه :- من عيوني تأمرين امر*
اكتفت شيخه بالابتسامة حطت راسها على الدريشه واهي تفكر فمحمد (وشنو الي رجعه الحين بعد فتره دامت ثلاث سنين شيبي مني معقوله لين الحين يحبني لا لا لو يحبني جان ماسوا فيني جذي)*
وصلو البحر ونزلت شيخه ودلال راحت تشتري عصير وترجع*
قعدت شيخه على الرمل وعيونها عل البحر شنو تعشق البحر تموت بالبحر بس تخاف منه تخاف تنغدر منه *نفس الحب تعشقه بس بعد تخاف منه*
دموعها تنزل بصمت واهي تطالع البحر تفكر بأمها بابوها الي راحو تفكر بآخوها الوحيد تفكر باللي كان حبيبها وغدرها تفكر شلون بتكون حياتها بعد امها كل هذا كانت تفكر فيه ومو حاسه بالشخص الي كان يطالعها وقلبه يتقطع عليها قرب منها وعيونه مغورقه التفتت شيخه عليه وردت تطالع البحر*
شيخه :- شيايبك يامحمد شيايبك*
محمد :- شيخه وراس أمي أني لحد الحين احبج والله احبج والله أني ندمان والله*
شيخه :- ماينفع الندم الحين الي صار ماضي وانتهى أتركني بحالي ارحمني يامحمد خلاص ابعد أنا بسافر بعد اربعه ايام يعني خلاص انساني*
محمد :- بتسافرين وين وليش*
شيخه :- أظن هذا شي خاص فيني ومو من حقك انك تسألني هالسؤال وخلاص انساني يامحمد انساني*
محمد بانكسار. :- شيخه مستعد اتزوجج والله واسوي لج الي تبينه بس لا تقولين أنساج*
شيخه بتعب :- محمد خلاص الله يخليك روح عني روح*
محمد :- بروح بس وغلات امج الي راحت ابي منج طلب*
شيخه :- شنو*
محمد :- ابي حظنج ياشيخه لآخر مره تكفين ابي حظنج مو عشاني عشان امج تكفين*
سكتت شيخه ونزلت راسها والدموع تنزل ورأ بعض قامت وقربت منه *فتحت ايدها واهو قرب منها وحظنها حييييل حس بدفا الكون كله حتى شيخه على كثر الي سواه فيها وعلى الي صار الا انها مازالت توهم نفسها ان تكرهه وأنها ناسيته بس العكس صحيح

قامت تبجي بحظنه بجي يعور القلب واهو بعد قام يبجي معاها ويمسح على راسها ماهتمو للناس ولا شنو ممكن يقولون عنهم ابد*
ابتعدت شيخه عنه واهي تمسح دموعها عطته ظهرها وقالت :- أظن أخذت الي تبيه الحين ممكن تمشي*
محمد :- أنا أسف والله أسف ومشى*
قعدت شيخه بمكانها واهي تبجي ومنزله راسها تتذكر يوم كانت بحظنه حست بالحنان حست بدفا مو طبيعي*
قالت بصوت مسموع :- ياليت اقدر اسامحك يامحمد بس عقلي مو راضي يسامحك*

 

[Miss MzajeYa]

واااااااااااااااااااااااااو البااااااااااارتااات عجيييييييييييييبة شووووية عليييها

امم محمد حقييييير بدرجة مو طبيعية ودي اذبحه وافتك منه حرام اللي قاعد يسويه بشيوووخ

شيييخة حياتي والله مسكينة ودلال وفهد الله يخليهم لشيووخ حتى ما تهنت بحياتها شيوخ لا من موت امها وابوها ولا من فراق محمد

يعطيييج الللف عااافية ع الباااارت العجيييب

ناااااااطرييييييينج بالبااارت الياااي حياتي

 

[رقيقه القلب]

البارت السابع*
*رجعت دلال ومعاها عصير حق شيخه عطتها اياه وقعدت*
دلال :- أوف شيوخ مابردتي*
شيخه :- لا مو برد وايد*
دلال :- واي ياحبج حق البرد*
اكتفت شيخه بالابتسامه بس ولفت تطالع البحر بعد مده دامت نص ساعه تقريبا لفت شيخه على دلال وقالت :- يلا دلول خل نمشي*
دلال :- وأخيرا يلا امشي*
شيخه :- يلا * *
قامو راحو السياره طول الطريج كان الصمت سيد الموقف وصلو بيت شيخه وأنزلت شيخه وراحت دلال بيتهم*
ظلت شيخه تطالع البيت من برا ماودها تدخل البيت وأمها مو فيه كرهت البيت من دونها دشت البيت ووصلت لها ريحت امها قامت تطالع الصاله وتتذكر كل لحظه حلوه مرت عليها مع امها غورقت عيونها بس كتمت البجيه ماتبي تبجي كملت طريجها لين فوق طاحت عينها على غرفه امها من غير شعور راحت للغرفه بطلت الباب ونفس الشي ماشافت غير الذكريات وريحه امها تتمنى لو ان كل هذا حلم وودها تصحى منه سكرت الباب بألم وراحت غرفتها أخذت لها شور وبعدها صلت وانسدحت على الفراش تفكيرها راح لبعيد ظلت تفكر بكل شي بمستقبلها بآخوها بنفسها من بين تفكيرها رن فونها على وصول مسج من محمد كان المسج محتواه بالضبط*
شيوختي احبج وايد*
ومستحيل أنساج وراح اسوي المستحيل عشان تكونين لي*
سامحيني صكرت الفون وعيونها تدمع وتقول بقلبها وينك عني من بعد الي صار ليش توك اتييلي ااخ يامحمد طعنتني وماقدر اسامحك*
ودها فيه بس ماتبيه*
عقلها يقول لها لاتسامحينه*
وقلبها يقول لها سامحيه هذا الي انتي تحبينه وتعشقينه احتارت مو عارفه شلون تتصرف على هالتفكير نامت شيخه وقلبها يعورها
*سهم قاتل اخترق..... قلبي من الاعماق ومزقه
بطعنة من يديك
طعنة اسطرها على.......صفحات قلبي
طعنة غدر من يديك
يا حبيبي
وادفن ماضي كان.....جميل عشته معك
واقول لكل عاشق...تجرع حصرات الجراح
وعان ويلات العشق
***
كان حبيبي امس......اغلى انسان على قلبي

هويته من الاعماق....كان دواي وطبيبي

كان حبي الاول .....والاْخير وكان في يوم

ما عشقي الابدي

كنت مسلوبةالارادة.....بين بدي حبيبي

طعن قلبي بسهم.....غادر لانه عرف حبي
له بريء وصادق

عذبني بسهمه ورحل....وتركني اعاني
ويلات الجراح

وقفت في مهب الريح......صمدت وتحملت

ويلات العذاب

اقول لك بصراحة.....وبكل صوتي اعترفلك

انا لا اريدك ابعد عن
طريقي

اتركني وارحل من......حياتي ولا تخضع
** * * * * * * * * * * * * * * * * * * منقوووول*

بعد مرور اربعه ايام ( قبل رحله شيخه بيوم )*

دلال وشيخه بالغرفه وقاعدين يزهبون اغراض شيخه حق سفرتها*
دلال :- وااااي شيوخ بشتاقلج والله*
شيخه بابتسامه :- ههههه فديتج والله بكلمج كل يوم واتطمن عليج لاتحاتين*
دلال :- اي قصي علي بتروحين باريس وين تدرين عني وانتي حولج الفرنسيين*
شيخه :- ههههههههه والله لو ماودي جان مارحت بس انتي تدرين حلم حياتي أني اروح هناك*
دلال :- حياتي انتي اضحك معاج انشالله تروحين وتستانسين وبيدج اثنين فرنسيين واحد حقي والثاني حقج وتغمز حق شيوخ*
شيخه :- هههههههههههههههه والله انج خبله
رن فون دلال وكانت امها كلمتها وصكرت الخط دلال :-شيوخ حياتي أنا لازم اروح الحين أمي بتروح بيت يدتي وماعندها احد يوديها مضطره اروح سوووري شيوخ *
شيخه :- عادي والله اصلا خلصنا مافي شي بس اصكر الجنطه*
راحت دلال حق شيخه ولمتها حيل :- وااي شيوخ ياحماره راح أفقدج*
شيخه :- دلول عاد لاتبجيني*
دلال واهي تبعد عنها :- لا يمعوده الا البجي تكفين ضحكت شيخه ومعاها دلال وصلتها لين عند الباب وباستها وراحت*
صعدت شيخه فوق وراحت عند فهد بالصاله*
فهد :- ها راحت دلول*
شيخه :- اي راحت*
فهد :- شيوخ زهبتي كل أغراضج مو ناقصج شي*
شيخه :- اي زهبت كل شي لا الحمدلله مو ناقصني شي*
فهد :- شيوخ بطلت لج حساب وحطيت فيه مبلغ عشان لا سمح الله احتجتي يكون عندج*
قربت شيخه من فهد وباسته على خده :- فديتك الله لايحرمني منك*
ابتسم فهد :- ولا منج يارب يلا عاد روحي نامي عشان تقومين مصحصحه حق باجر*
شيخه :- اوك قامت شيخه غرفتها واول ماحطت راسها نامت من التعب لان من الصبح تحرس بالمجمعات تشتري أغراض حق السفره*

 

[رقيقه القلب]

البارت الثامن*
الساعه 6 الصبح*
قعدت شيخه على صوت المنبه قامت صكرته وقامت بنشاط دشت الحمام تسبحت واطلعت لبست لها تنوره قصيره فوق الركبه بشوي مع * *دلاغ شفاف طويل ( الكامل ) لونها اسود وبلوزه لونها عنابي فاتح شوي مع كعب عالي *عنابي سوت شعرها ستريت وحطت مكياج خفيف ناعم وخلته كان شكلها صج يشووق <<<< ادري بتقولون كل هاللبس حق الطياره اي حق الطياره شيخه مو متعوده تطلع من البيت بهلاقه دايم تحب تكشخ وتلبس وتحط مكياج ونادرا مايشوفونها مهلقه*
المهم طلعت شيخه من الغرفه ونزلت تحت شافت فهد نايم بالصاله بلبس الطلعه وشكله يضحك وحالته حاله ابتسمت شيخه على شكل فهد راحت قعدته*
شيخه :- صباح الخير*
فهد :- صباح النور ها شيوخ خلصتي نمشي*
شيخه بابتسامه :- اي خلصت يلا*
فهد :- يلا عيل قولي حق الخدامه تنزل جناطج وتوديهم السياره أنا ناطرج
راح فهد السياره وراحت شيخه تكلم الخدامه تنزل أغراضها نزلت أغراضها وتأكدت ان كل شي خذته وطلعت ركبت السياره وهي حاسه ان هالسفره ممكن تغير من حياتها وايد*
وتعدل نفسيتها*
طول الطريج شيخه تفكر بهالشي وصلوا المطار نزل فهد اغراضها ودشو المطار*
فهد :- شيوخ حبيبتي ديري بالج على روحج اي شي تبينه دقي علي نقصج فلوس نقصج اي شي دقي علي ماوصيج استانسي*
شيخه :- انشالله لاتخاف انشالله ماراح ينقصني شي*
فهد تنهد :- أنزين تعالي لميني ولا ماتبين اذا ماتبين خلاص عادي يلا باي ولف ويهه على اساس ان بيروح سحبته شيخه من ايده وحضنته حييل ضحك فهد على اخته وحضنها وبعدها وباسها على راسها وقال :- انتبهي على روحج*
شيخه وعيونها مغورقه :- انشالله يلا مع السلامه*
فهد :- الله وياج*
راحت شيخه صوب الجوازات وهي كل شوي تلتفت صوب فهد لمن وصلت عند النهايه راحت شيخه بطريجها لمن وصلت عند باب الطياره ركبت شيخه الطياره وهي تحس بفرحه شوي انها بتحقق حلمها بعد دقايق امتلت الطياره بالناس وصار موعد الاقلاع سمت بالله ودعت بقلبها انها تكون هالسفره حلوه عليها*
صعدت الطياره لفوق وشيخه فرحانه حيل ان ممكن بهالسفره تنسى العذاب وتنسى محمد ورجعته وتنسى شوي من وفات امها .....

عند دلال*
قاعده مع بنات خالاتها ولاهيه بالسوالف والضحك*
رن فونها برقم غريب طنشت وماردت كملت سوالف مع البنات بس الرقم دق مره ثانيه استأذنت من البنات وراحت بعيد وردت على الفون*
دلال :- الو*
؟ :- الو دلال أنا محمد*
دلال حاولت تتذكر منو محمد وبالاخير عرفته :- اي هلا هلا محمد خير فيه شي*
محمد :- دلال تكفين شيخه وينها ليش مارحتي لها اليوم*
دلال باستغراب :- وانت شدراك أني مارحت لها اليوم وبعدين شيخه مسافره*
محمد بصدمه :- شنوووو سافرت اليوم بس أهي قالت بعد خمس ايام*
دلال :- مادري عنها يامحمد فيه شي ثاني بعد قبل مااصكر*
محمد برجا وصوت يكسر الخاطر :-تكفييين قوليلي شيخه وين مسافره واي فندق ساكنه*
دلال :- وانا شدراني وين ساكنه مادري*
محمد :- دلال لاتجذبين اذا أنا شايفكم بالكوفي قبل جم يوم وانتي الي كنتي تحجزين الفندق حقها
دلال :- فهد أنا مو مينونه عشان اعطيك وين مكان شيخه شنو ناويه عليها أنا*
محمد :- طلبتج دلال عطيني اسم الفندق والله *
أنا احب شيخه والله احبها دلال وراس امج الغالي عطيني مكانها وين واوعدج وعد ان ماراح اسوي لها شي بس ابي اكون بقربها*
دلال انكسر خاطرها على محمد وبعد تفكير قالت :- خلاص محمد ثواني ويوصلك المسج*
محمد بفرحه :- فديييتج مشكووووره دلال واايد مشكور
دلال :- حياك يلا مع السلامه وسكوت الخط وبعد دقايق وصل المسج حق محمد*

فتح المسج وراح بسرعه يشوف متى اقرب طياره على فرنسا ( باريس ) عشان يسافر وكان اقرب طياره على الساعه 9 بليل على طول حجز التذكره وراح البيت زهب اغراضه وظل ناطر متى يصير الساعه 9 عشان يروح المطار*


عند شيخه
وصلت شيخه فرنسا الجوو كان خيااااال حده*
خلصت من اجراءات وطلعت شافت السياره ناطرتها أخذو اغراضها وركبت السياره وراااحو لمده نص سااعه على طريج الفنددق *

 

[رقيقه القلب]

البارت التاسع*

خلاص قررت ابتعد وارحل عن اراضيك..
خلاص القلب ماعاد يتحمل خطاياك..
تلعب على الحبلين لاجل تساليك..
خلني ارجوك عسى ربي يخليك..
ما كنت حشى والله بخليك..
في يوم ولا اقدر انساك..
والحين ارجوك روح اسمحلي وحياك..
وعسى ربي يحفظك للي يغليك..


وصلت شيخه الفندق سوت اجراءات الدخول وخذت بطاقه الغرفه وصعدت كان الفندق حيل راقي وهدوؤء*
دخلت الغرفه بهدوؤء والتعب هالكها دشت الحمام تسبحت على السريع ولبست لها بجامه ناعمه بطلت فونها ودزت مسج حق رفيجاتها وفهد تخبرهم انها وصلت حق الفون عز الطاوله وراحت سيييده على الفراش واول ماحطت راسها نامت على طول.*


عند محمد الي حاليا بالطياره ودقايق وتطير
وهو كله امل ان شيخه تسامحه وترجع له طارت الطياره على الساعه ٩ وربع ووصل تقريبا على الساعه ٤ وربع*
اول ماطلع من المطار دبر له اي تاكسي وعطاه الفون عشان يقرا اسم الفندق الي دزته دلال وبعد نص ساعه وصل الفندق نزل وهو يحس بفرحه ومازال يدعي ان شيخه تسامحه راح عند الرسبشن عشان يحجز غرفه حجز وأخذ بطاقه الغرفه وصعد اول ماوصل تسبح ولبس ملابسه ونزل اللوبي على امل ان شيخه ممكن تنزل وهو اصلا مو مستوعب ان الحين الفجر وظل قاعد*
*وهو مستعد ينطرها طول الوقت*
الوقت الحالي ١٠ وربع*
بالنسبه لشيخه كانت نايمه بهدووء وراحه انها خلاص حققت حلمها قعدت وهي مستانسه حدها دشت الحمام غسلت ويها وتوضت وصلت الصلوات الي طافتها ولبست لها سكني اسود مع بلوفر ازرق مكتوب عليه من ورا shayoo5a رفعت شعرها عنقوص بطريقه حلوه وحطت لها مكياج ناعم ونزلت تحت*
محمد مازال موجود بمكانه اول مانزلت شيخه فز قلبه لها وهو مشتاااق لها ومو عارف شلون يبدي معاها لاحظ ان أهي رايحه صوب الكافيه تتريق ففضل ان يكلمها بعد ماتخلص قعد بمكانه وهو خلاص حس ان موقادر يستحمل اكثر*

بعد ربع ساعه خلصت شيخه وطلعت ويمها الفرنسي وهي تتكلم معاه بالفرنسي وتشكره <<<<< ماخذه دورات تعليم الفرنسي*

الغيره شبت عند محمد وهو يطالعها شلون تضحك معاه وتمد ايدها تشكره*
مشت شيخه اتجاه البوابه عشان تطلع تتمشى وتتسوق قرب منها محمد وناداها*
محمد :- شيخه
لفت شيخه بصدمه من سمعت الصوت وهي تتمنى ان مو اهو :- انت*
شيايبك انت شتبي مني شتبي *

 

[Rahaf Al-k]

الرواايه حدهاا حلــوه و تشووق
يلاا كملي حبيبتي نااطرينج

 

[Dlool Al7lwa]

كملي بلييييز
اب اب اب

 

[(zoz♥)]

روايه مررررره حلوه

بليز لاطولين​