روايتي الاولى ((احرموني ياناس من اغلى ماعندي))

[so_what]

رتاج تكسر الخاااطر ، و فخر تنرفز ما حبيتها ، يسلموو حبيبتي على البارت ناطرينج

 

[شنو نهايتنا ؟]

يسلموو حبيبتي على البارت ناطرينج

 

[شنو نهايتنا ؟]

يسلموو حبيبتي على البارت ناطرينج

 

[shawagi]

يالله بنات انشالله بعد ساعه تقريبا راح ينزل البارت

 

[shawagi]

البـــــــــــــارت الخــــــــــــــــــــأمس

راشد:لااظاهر انتي نسييتي رتاج شنو بالنسبه لي
دلال:حبيبتك؟مرتك؟بنتك؟؟
راشد:غلاها اكثر مما تتصورين رتاج انا معتبرها اختي رفيجتي بنتي كاتمة اسراري تعاوني اعاونها واي احد يمسها اذبححححححححه(كان متضايق على معصب)

طبعا بتسألون ليش ماتكلمين عن فهد .. فهد هذا قصته قصه انطواااائي حيييييييييييييل محد معبره بس بوفهد مايردله طلب واهوا ذراع ابوه اليمين بس فهد نوعه جدي ومايعرف يعبر عن مشاعره عشان جذي الكل يشوفه جاف

ببيت فخر طبعا تلفون البيت ينسى يطيح من ايد فخر
فخر:حبيي قلبي مابي مابي بشوفك
رقم 17:يابنت الحلال وين اشوفج
فخر:مرني من بيتنا الصبح امي دوام وماكو احد بالبيت
رقم17:خلاص صار بس هاا عاد موتلبسيلي هذي الخرجه الي على راسج
فخر:اي اكيد

صار الصبح فخر اتفقت مع خدامتهم الفيليبينيه طبعا فخر مضبطتها خشي علي واخش عليج
الخدامه:يلا سورعه روحي أبل ماما يجي (بسرعه روحي قبل لا ماما اتي)
فخر:يلا باي

طبعا الاخ لعزيز ناطرها بره واهيا مو مقصره طالعتله بشورت وبدي جبنيز من كثر ما هو ضاغط على كرشتها خيوطه بتنفل وحمره حمره لزوم الاغراء

رقم17:هلا بالعسل هلا
فخر:امممممممممووووووووااه على خده صباح الخير
رقم17: صباح النور ها متأكده ان مافي احد بالبيت؟
فخر:اي حبي اخذ راحتك لأن دوامات
رقم17:اي اشوى واهوا قاعد يطالعها بنظره يعني ابيج قربي
طبعا فخر ماصدقت على الله قطت روحها عليه
قام يقرب صوب رقبتها حنجها يمسك خصرها واهيا مو مقصره بالتبوس وقاعده على حضنه طبعا
فجأه صوت احد يطق الباب
فخر:وااااااااي حمود هذي اميييييييييييييييييييييييي
رقم17:شسوي وين اروح؟(كان حده مختبص)
فخر:اووووه انحاش روح اي مكان لا تبطل الباب والله امي فيها ضغط مابيها تشوفني انت متاكد ان التغيم مايبن
رقم 17:اي يبا شفيج تغيم 100% وعلى طول حررررررررررك
ام فخر واقفه ودموعها بعينها
شوي ولا تطيح من حيلها
رقم 17 اهوا الوحيد الي نقشها من بعيد :فخر فخر امج طاحت
فخر:شنووو وييين ودني ودني لها
وداها لها شالوها وودوها البيت
اول ماصحت لقت فخر قاعده تبجي وتلم امها
ام فخر:انتي لي متى بتسوين فيني جذي والله انا تعبت منج(وقعدت تبجي)
فخر(قامت تصيح):يمااا والله اسفه والله بس اهوا جبرني والله يمه قالي انا ادل بيتكم وان ما طلعتيلي بره راح افضحج
ام فخر من التعب سكتت
فخر وعدت امها انها ماتعيدها
ام فخر:والله يافخر ان عدتيها مره ثانيه عند ابوج على طول والله مايهون علي اقوله لأن ادري اني راح اخسرج (بقلبها على تصرفاتج انا خسرت فخر الي ربيتها)
قامت توعدها وتواسيها

طبعا بتقولون فخر تتوب ؟ اكيد لأ!!!
هذي السالفه تكررت تقريبا 3 مرات مرتين ببيتهم وهالمره بالسياره بس طبعا كل مره مع واحد

ام فخر وايد تسحب حجي وتترجى رتاج انها تقولها عن الشباب الي تكلمهم بس رتاج ماكنت تعطيها تقول انا مادري عنها اي شي من هاالقبيل

طبعا هذي حال رتاج\فخر\راشد\دلال
رتاج المسكينه المجروحه من امها والي متعلقه بأخوها وماتحب اي احد ياخذه منها الشاطره البريئه
فخر معالم الفصعنه كلها فيها مغازلجيه مأذيه امها بس على كل هذا والله حبوبه
راشد الي يحب دلال حب موطبيعي والي قاعد بين نارين اما ان يكمل معاها ويخطبها لأنه يحبها او ان يرفضها عشان رتاج وامه
دلال عاشقة راشد و ...

كل الي قلته من البارت الاول لي الخامس كان هذره زايده لكن البارت الي الحين بينزل اهوا بداية القصه .. بدايه حب.. فراق.. خيانه

 

[so_what]

يسلموووو على البارت ناطرينج

 

[shoOshii]

thenxx 7bebty 3l part
na6rench 3la nar
pllz kmlay

 

[Riooma]

yala 7bebti na6retech oo na6ra bedayat alqesa plz plz al7en nazleha

 

[Zoz.Q8]

نااااايس الروايه حبيبتي .. تسلم ايدج على البارتاات وبليييييز كملي

 

[shawagi]

يسلمووو ماتدرون شكثر فرحت على مروركم انشالله بنات اليوم عال 11 البارت عندكم

 

[Ashley Dolls]

الروايه مررررررررره حللللللللللللللللللللللوه
مشكوره ع الروايه حبيبتي
ولي يعافيك بسرعه نزلي البارت

 

[shawagi]

بهالبارت انشالله راح تبدي الاحداث المهمه

البـــــــــــــارت الســــــــــــــــــــادس

راشد وايد حاول مع رتاج انها تقولها شلي صاير بس رتاج حاولت تناسى الموضوع وماتقوله شي وردت علاقتهم مثل قبل بس بينها وبين نفسها تضايق

رتاج نزلت من دارها ولأول مره بالتاريخ تشوف فهد قاعد بالصاله ويطالع تلفزيون
رتاج:فهد؟
فهد:نعم
رتاج:عادي استخدم لابتوبك شوي؟ ابي انزل اغاني
فهد:اخذيه
رتاج صعدت داره خذت الابتوب نزلت اغاني واقعدت تسمعهم عقب لزوم الفضول دشت عالمحادثات مع ان مو من عوايدها تعبث
smile..: قلبي
fahood:عيونه
smile:ولهت عليك
fahood:بس برب ياعمري ثواني واردلج
smile:تيت
وكان التاريخ 12-3 2005

رتاج ابو علامات الاستفهام على ويهها منصدمه مو قادره تصدق عينها : معقوووووووووله؟؟ فهد يحب!!!
قامت سكرت الاب على طول وردته مكانه

رتاج:مشكور فهد رديته مكانه
فهد:العفو

يا بوفهد ورتاج ركضت ولمته تحس نفسها من زمان مو شايفته
ام فهد: اي عاد بدينا دلع قطاااع مماحب تلوع جبدي لما اشوفج تدلعين
بو فهد بجديه:عسل بنتي
ورتاج حتى ماعبرت عادي عندها صار تعودت


بعد 7 اشهر ..
طبعا بدت المدارس وانشغلو البنات بالدراسه للعلم ان بدور اكبر من رتاج بسنه دراسيا ودلال كبر رتاج
قلت الطلعات من الشباب والبنات وصارو يشوفون بعض باليمعات بس واذا طلعو كلش كلش العمه الحكومه(ام مشعل) توديهم الجمعيه بسسس

المهم كانت رتاج قاعده مع فخر يلعبون بيلياردو ببيت يدهم
رتاج واهيا متردده:فخر شلونج مع عبود
فخر:موقفته على ريل وحده اي شي ابي ييبلي بس مليييق مايرضى يشوفني يقول عيب انا ماعندي هالخرابيط
رتاج(حدها استانست):اي والله شكله خوش واحد
فخر:لاخوش واحد ولا شي شنو عايش دور ان اهوا ريلي لا تطلعين ولا تين واستأذني انا مايمشي معاي جذي كلش بس قاعده اقزره واجذب عليه
رتاج بقلبها:فخر ماتستاهله انا وايد ارتحتله ليش تسوي في جذي حرام
فخر:هييي انا اكلم منو
رتاج:ها؟شنو؟
فخر:قاعده اقولج عالاسبوع الياي باخذ منه 100 دينار
رتاج:ليش!!
فخر:ولد حلال خلاستغله شوي شوراي
رتاج:واذا يوم من الايام شكج شبتسوين ؟ اشوى ان مايدل بيتكم
فخر:قبل لا اسوي اهوا راح يموت لأن يحبني وانا كنت 3 تجربه بحياته بس كل وحده ظل معاها شهر انا 7 اشهر!!! ومن قالج ان مايدل بيتنا اصلا بالصدفه طلع بيتهم مو الفريج الي ورانا الي وراه
رتاج:حرام عليج فخر
فخر:هذي الدنيا ولا ليش اعيش مسكينه يبا العبها صح!
رتاج:الله يهديج ويصلحج بس
فخر:مو قالولج مينونه
رتاج(بقلبها مينونه بس؟؟):يلا عاد بلا هذره زايده قومي سويلي ايميل انا اتفقت مع راشد وراشد رضا بس نصحني اني مادش اي موقع ولا اكلم اي احد وانا وعدته
فخر:كولولولولولولوييش زين تطورتي
رتاج:يلا خلصينا وعطيني كل الايمييلات الي تعرفينهم يعني بدور دلال رفيجاتج الي اعرفهم هيك شي يعني خالاسولف معاهم
فخر:اوكي شنو ودج يكون؟
رتاج:smarty
فخر:اوكي دقايق بس

من قبل شهر راشد هد دلال لأن مشعل شكها وصارت هوشه بينه وبين راشد والحكومه تدخلت وكبرت السالفه وراشد اعترف انا اهوا يحبها ويبيها زوجه له بس ام فهد طبعا مارضت وراشد حاول ينساها دلال كانت صعبه عليها الفرقه بس اول اسبوعين لكن بعدين كان عادي الوضع عندها حتى لما تشوفه ماتحس بشي واكتشفت ان الي كان بينهم مجرد اعجاب مع ان راشد كان يموت عليها

فخر:تمت العمليه وضفتلج البنات يلا قرقي
رتاج:شكرا يا عسل فديتج تعبتج معاي
فخر:لا ولو اصلا انا حدي استانست لأن طلعتي من العصر الحجري الي انتي فيه
رتاج:ههههه يلا خل اشيك عالايميلات

رتاج شيكت عالايميلات ولا تبطل عيونها@@@@@@@@@@@@@@@@@@@@@@@@
فخر بسرعه بسرعه تعالي شوفي قوليلي هذا ايميل منو
فخر:هذا ايميل دلال
رتاج:ايا الحقيره تخونين اخوي بأخوي!!!!!!!!!!!!!!!!!!

اي اي انصدمو تخيلو دلال كانت تكلم فهد ومحد كان يدري عقب راشد يا بينلها اعجابه واهيا فكرت دام راشد اجمل ومستقبله احلى من فهد وافقت عليه وببداية العلاقه كانت تكلم فهد وراشد مع بعض بس عقب فتره راحت قالت حق فهد

فهد:حبيبتي احبج
دلال:اي
فهد:انتي دنيتي كلها مارتاح حق احد كثرج اكلمج وفضفضلج انا دلال ماشوف احد ولا احب احد بالبيت لأن احسهم مايحبوني مايسألون عني حتى عالغدا ماينادوني
دلال:اها
فهد:شفيج؟
دلال:فهد انا كنت بكلمك بهالموضوع من زمان بس ماسنحت لي الفرصه انا احب راشد وراشد يحبني وقصت له القصه كلها
فهد(واهوا مجروح ولا تكلم ولا كلمه غير..):الله يوفقكم
دلال:باي فهد

رتاج دمها فور وماخلت سبه ماسبتها:ايا بنت الك.. حبيتي راشد وخذيتي مني قلنا اوكي كلمتي فهد قلنا اوكي اما تكلمينهم اثنينهم وتجرحين قلب اخوي ليييييييييييييييييش ونزلت منها دمعه لأنها متضايقه على اخوها فهد وحست بالضيقه الي اهوا دايما عايش فيها
طبعا فخر كانت منصدمه:انا اعترف اني فصعه وصايعه ولعوب بس مو جذييييييييييييييييييييييييييييييييييييي!!

رتاج كانت تبي تحاجي دلال بس فخر منعتها
رتاج بقلبها :انا اعملج والله راح ياخذ حق اخوي منج
رتاج:انا لازم اقول حق راشد
فخر:انتي شفيج اهوا هدها من الهوشه هذيج
رتاج:والله ان ماخذيت حقي منها الحين رح اخذه بعدين
فخر:وانا معاج لأن حيل منصدمه ومعزت فهد من معزتج


ردت رتاج البيت ومر الاسبوع كالعاده دراسه ونوم بس يوم اليمعه الي بعده بالزواره
فرح:رتاج بكلمج بموضوع
فرح هذي اخت فخر اصغر منها بسنه كتكوته وطيبه وهااااااااااااااااااااااااااااااااااااديه لي درجة الكل يسميها الدب الكسول
رتاج:تفضلي
فرح:ابي ارقام كل الشباب الي تكلمهم فخر
رتاج ساكته عقب تكلمت:فخر ماتكلم الا بالنت فروحه
فرح:رتاج لو سمحتي امي بتموت بسبتها
رتاج سكتت وحاولت تغير الموضوع لكن فرح ترد عليه
رتاج:خلاص فروحه انا بس ارد البيت اطلع النوته الي مسجله فيهم الارقام لأن انا امسحهم من فوني
فرح:ناطرتج


ردت رتاج البيت فكرت بمرت عمها وفكرت بحال فخر اهيا عيزت منها دايما تنصحها بس فخر تستهزئ فيها فشافت ان هذا الحل الوحيد بس طبعا ماتعطيها كل الارقام عشان لايوقف قلب امها قررت تعطي فرح بس 3 ارقام

عقب تفكير عميييييييييييييييق قررت ان عبدالله يكون واحد من هال3 ارقام عشان تقدر تقرب منه اكثر

رتاج:فرح هاج الحين بنقلج الرقم والاسم
ونقلتها
فرح:يعطيج العافيه ومشكوره لأنج تنصحين اختي لأن والله لا انا ولا امي نقدر عليها وامي ماودها تقول حق ابوي عشان لا يذبحها
رتاج:بس تكفون لا تقولولها ان انا عطيتكم قولو طلعتو برنت من تلفونكم البيت
فرح:اي اي اكيد ولا يهمج
رتاج:ماقصرتي
باي

ام فهد قامت تخلي الفون عند رتاج طول الوقت بس مو حبا لها لأ بس عشان تبي تصيد عليها ايييييي شي

ام فخر دقت عليهم تفاهمت معاهم وقعدت تبجي والشباب انكسر خاطرهم ووعدوها ان مايكلمونها لأن اساسا ولا واحد يحبها يوم شافو امها بهالحاله قررو يتركونها بحالها الا عبود

بعد ساعتين من لما فرح سدته من رتاج وصل مسج حق رتاج من عبود بس عاد شنو الي في ؟؟ هذا بالبارت الياي

ابي توقعاتكم ومروركم العسل

انشالله البارت الياي راح يكون احلى

 

[شنو نهايتنا ؟]

ابي بارت

 

[shawagi]

انشالله ياحلوه باجر انزل البارت من عنوني

 

[ايطاليه]

القصة رووووعة كملي حبيبتي

 

[shoOshii]

thenx 3; part
kmlay pllllz

 

[Riooma]

laish bacher al7eeeeeeeeeeeeeeeeeeeeeeeeeeeeeeeeeeeeen 3afiaaaaaaa

 

[shawagi]

ثاااااااااانكيو على مروركم ياحلوين

و ان شاء الله اليوم عال 1 راح انزل البارت

راح تنصدمووووووون

 

[shoOshii]

ween al.part
na6reench

 

[shawagi]

البـــــــــــــــــــــــــــارت الســـــــــــــــــــــــابع

وصل مسج حق رتاج بطلته ولا من عبود
((السلام رتاج شخبارج؟ انا اسف لأني ازعجتج بس .. وكتبلها السالفه كلها انا والله احبها يارتاج وادري انها تحبني احنا حق بعض يارتاج والله هذي اول حب بحياتي ماقدر اتخلى عنها اذا عن امها انا مستعد احاجيها بس شقولها انا ليلحين ماكونت نفسي رتاج تكفين ساعديني))
رتاج حست بغصه بينها وبين نفسها:والله ياعبود انك ماتستاهلها ماتدري انها تخونك مع مليون ماتدري انها تستغلك ماتدري انها معتبرتك خروف مثل باجي خرفانها . خساره عليها الحب الي معطيها يا
فكرت انا لازم اقوله لازم يبتعد عنها لازم
ردت عليه بهالمسج((هلا والله عبود والله مادري شقولك بس نا اشوف ان احسن انك تبعد لأنها ماتستاهلك))
عبود((ليش ماتستاهلني انتي ماتدرين ان احنا نحب بعض وحياتنا من غير الثاني ماتسوى شي!!))
رتاج((عبود بس اهيا ماتحبك))
عبود((اي ادري ماتحبني .. اهيا تعشقني وتموت فيني))
رتاج بطتها((لا عبود اهيا تخونك مع مليون واحد عبدالله انت شلون صدقتها شلون انت ماتدري انها تستغلك تبيني اقولك جم واحد تكلم!! تبي تأكد!! خلاص عبدالله بليز بعد عنها مو عشانها لأ عشانك وعشان امها))
عبدالله تنح ماصدق((شوفي يا اخت رتاج اذا انتي تحاولين تشوهين صورة فخر بعيوني فأنا اسف اقولج هارلك اهيا عاميتني بحبها لي فاهمه))
رتاج((عبدالله انا لو ما ماعزك جان ماقتلك))
عبود((انتي عيل سنين وبنين تمثلين حبج لفخر ولا ليش تفضحينها عندي مفروض تسترين عليها انتي جذاااااااابه))
رتاج((خلاص براحتك بس هاك هالرقم وتأكد هذا واحد تكلمه اسمه احمد اوكي؟؟))
عبود بينه وبين نفسه اممم لا يطلع كلام رتاج صج والله اذبحها لأن صج اهيا مره غلطت ونادتني احمد .. معقوله؟؟
عبود مادق عالرقم لأن شقوله!!انت تكلم وحده اسمه فخر؟؟ اكيد بقول لأ
عبود صدق رتاج وتأكد مليون بالأميه لأن امها لما دقت عليه قاعده تقول اهيا وايد ميننتني كل يوم اشكها مع واحد بعدو عنها الله يخليكم
عبود بقلبه: امها ليش استخدمت صيغة الجمع ؟ انزين رتاج شتستفيد اذا جذبت ؟؟ فخر ليش من اول مارقمتها قالت حبي؟؟ اكيد متعوده اكيد تكلم اكيد اكيد بس انا اعلمها الي مو متربيه والله لا اطلع حرتي فيها وبكل اهلها ياحيوااااااااااااااانه عطيتج قلبي روحي حياتي اشيل اللقمه من حلجي واعطيج ياها صج حقيييييييييره ساااافله
قطعت افكاره مسج رتاج ((عبود والله انا من اول ماشفتك ارتحتلك واهيا تسولف عنك ومبين انك خوش واحد صج انك ...(المذهب الثاني)) بس هم ارتحتلك ومن زمان بغيت اكلمك عن هالموضوع بس كنت خايفه بس قلت هذا وقته انت تستاهل الي احسن منها والله ياعبدالله لا تندم عليها لأن اهيا ماتستاهل اهيا صج بنت عمي واحبها اموت عليها بس بهالسوالف انا ماشجعها اوكي تحب مو مشكله عندي مع ان غلط اما ان اشوف واحد يحبها وتقعد تخونه جدامي وانا ((اعزه)) له ماسمحلها))
عبود((اوكي ماقصرتي))

رتاج بقلبها: انا الي سويته صح ولا غلط؟ انا ليش سويت جذي ليش يعني بحبني مع ويهي!! اكيد بقول هذي بنت عمها اكيد نفسها اففف اففف

طبعا فخر ماتدري بأي شي صار كل ماتبي تحاول تكلم احد يا فرح او امها يكونون موجودن فماكو مجال

بعد يومين ..
صارت بين عبود وفخر مسجات
رتاج((مو مفكر تحب))
عبود((الدنيا وسخه وراح اصير اوسخ منها))
رتاج((شتقصد))
عبود((يعني راح العب واسرسر واروح وارد ومثل ماخانوني بخون))
رتاج((لا عبدالله تكفه بليييز لا تفكر جذي انا والله احبك مابي اشوفك جذي))
عبود انصدم@@تحبني؟؟
رتاج بقلبها امبيييييييييييي انا شقلت!!!!!! ياربي عليج يارتاج يافشلتج يارتاج
عبود((تبين الصراحه))
رتاج(شنو))
عبود(انا ارتاحلج احس ان فيج براءه مالقيتها بفخر))
رتاج ماردت عليه
مر اسبوع تقريبا واهما كل يوم بليل مسجات ويتطمنون على بعض رتاج حابته بس عبود معتبرها اخته واهيا ماقصرت شوي شوي قاعده تخفف جرحه
طبعا عيارت رتاج لما تدزله مسج ماتكتب عبود تكتب خيوو بعدي تطورت حبيبي خيو لما حس عبود
عبود((تحبيني))
رتاج((اعزك))
عبود((اكيد))
رتاج((اي وانت))
عبود((امممم اطيب وارق اخت))
رتاج سكتت ومادزلته

مر شهر تقريبا طبعا كل ويك اند رتاج تشوف فخر وعلاقتهم نفس قبل وفخر قالت حق رتاج ان رقم 17 و 22 متغيرين عليها عبود مايرد عليها ومره شاله ولا يتفل بويهي ويسده

رتاج ارتاحت ان عبود نسا فخر وما قام اييب طاريها

مسجات
عبود((رتاج ماتشوفين فخر))
رتاج حست بخنقه(( امبلا ليش؟؟)) بقلبها اكيد اشتاقلها ياربي انا شكثر حاولت انسي ياها بس ماكو فايده لي متى ببينلك اني احبك افهههم افههههم
عبود((لا بس مشتهي تفلين بويها))
رتاج استانست على ارتاحت على ضحكت ماتدرون شنو كان شعورها
استمروو عالمسجات وكانت سوالفهم عاديه وعبود ماييب طاري فخر الا ومرفقه بسبه لها ورتاج ترتاح اكثر واكثر
بالويك اند فخر لاحظت انا رتاج وايد ماسكه التلفون وتددزز مسجات بس كلش ماحطت ابالها انها تكلم صبي لأنها شكثر حاولت انها تييرها طريجها بس ماقدرت
رتاج بس ردت من اليمعه
رتاج((ها عبدالله شلونك؟))
عبدالله((تمام يابختي وايد تسألين عني))
رتاج((لأني احببببببببببببببببببك))
كان عبود بالرحاب مع رفيجه حس بشعور مو طبيعي رتاج هالهاديه هالبريئه تحبني انزين شمعنه اانا اخاف هذا من دوابير فخر ؟؟ لال الا مادري
عبود((تحبيني ؟؟ انزين ليش))
رتاج((شوف عبدالله ادري ان عيب الي قلته ومالا داعي بس هذا شعوري تجاهك مابي اجذب اكثر من جذي مو مشكله لا تبادلني الشعور بس كان لازم اقولك واسفه مره ثانيه))
عبود((لا رتاج اصلا يابخته الي يحبج اصل وفصل جمال اخلاق طيبه شيبي اكثر من جذي بس انا اسف رتاج انا توني مطعون مو من اي وحده من بنت عمج!!))
رتاج((عبدالله انا مو قاعده اجبرك تحبني ولا انك تفكر تحبني لا بس انا بينتلك شعوري بسسسسسس حتى لو تيي تقولي رتاج انا اكرهج عادي عندي بس يا عبدالله انت غلطان مو شرط اذا بنت عمي سوت شي انا اسوي مثلها انت لوتدري فخر النقيض مالي بس توالمنا وحبينا بعض يالله عبدالله انا اخليك الحين لأن احس روحي تعبانه شوي لا ترد علي لأن راح اسك الجهاز))

عبدالله قره المسج 3 مرات وقرر ان يعطي نفسه فرصه ثانيه مع هالذهبه الي بيده مايبي يخسرها وان شاء الله اهيا بتعوضه
مارد عليها بولا مسج

بلشو البنات امتحانات وكالعاده فخر ماتدري وين الله قاطها ورتاج تاكل الكتب اكال ماشاءلله عليها امتحنو وطلعت النتيجه رتاج امتياز وفخر جيد وام فخر مناشبتها وايد تقارنها برتاج وفخر تعصب

طول هالمده ماوصل من عبدالله ولا مسج ورتاج قررت انها مادزله كافي نزلت نفسها واعترفتله بحبه


ورتاج درت ان راشد اخوها حبله وحده وهم اسمها دلال بس ماتضايقت كلش لأنها حست بطعم الحب وماتبي تمنع اخوها من هالشي

باليمعه
رتاج:فخر مبروووووووك
فخر:على وت؟
رتاج:عالفون زين امج شرتلج
فخر:اششششششششششش فضحتينا هذا واحد يايبلي يا
رتاج:انتي بقره ثووووله ماتيوزين!!! ماتشوفين حالة امج وشكثر تترجاج !! ليش جذي ليش
شوي ولا يوصل حق رتاج مسج
عبود((ولهنا عليح يالغاليه والله حسيت بقيمتج والله يارتاج حاولت ابعد مابغيت اظلمج معاي بس شفت ان روحي كانت معاج اشتقتلج والله انتي صج حبيتيني قبل لا احبج بس والله بهالفتره تعلقت فيج ماقول اني احبج واقص عليج بس احتمال مليون بالاميه ان راح احبج واعشقج بعد لأن صج صج انا شاريج ومتعلق فيج))
رتاااج طارت من الفرحه لي درجة انها تناقز ودمعت عينها من الضحك على طول فخر ولا تيير الفون
وقرت المسج قعدت تطالع الرقم تطالع لفت طالعت رتاج رتاج خقت حست باحساس بااااااااااااايخ خصوصا هذي بنت عمها الي حسبت اختها: والله فخر والله لا تفهميني غلط
فخر قعدت تبجي الي رتاج بققت عينها ماتوقعت ان فخر تبجي على صبي لا ومنو عبود!!:بوووووووق اشكره هااا ليش جذي رتاج ماتوقعتج جذي هذا انا الي احبج وبديتج عالكل تطعنيني جذي
رتاج حاولت تفهمها ان اهيا ماتحبه ورتاج محتاجه تحب احد مع انها تدري ان غلط اهيا حبته وخلاص صار الي صار..



اسفه لأني طولت ساعه عليكم ..


ابي مروركم الحلو وردودكم الأحلى