روايتي الاولـــــــ " جبتها ع الجرح "

[Bq]

وينج طولتي يالله بشوف فصلت ليث

 

[امنيه حنيني]

والله اسفه بنات
النت كان مقطوع عندي
والحين راح انزل البارت
وانا اسفه مره ثانيه

 

[امنيه حنيني]

[,,البــــــــــــــــــــــــــــ السادس ــــــــــــــــــــارت ,,]

((اليوم الثاني الساعة 10 الصبح انطلقوا للمزرعة
ف المزرعة))
ام خالد:بسم الله ماشاء الله...كيف حالك يابنتي
شهد مستحية:الحمد لله خالتي ...شلونك انتي عساك بخير
ام خالد:بخير دامك بخير
شهد تبتسم:تسلمي ياقلبي
ام محمد:الا ياشهد انتي باي شهر
شهد مستحية:الشهر الثاني
ام محمد:اهتمي بنفسك...ولا تتحركي كثير زين...واكلي الخضرة والفواكه ترها زينة
شهد:انشاء الله
ام خالد:وانا انشاء الله راح اودي لك الاكل الصحي كل يوم..لازم تغذي الجنين الي بطنك
شهد:مب لازم ياخالتي تعذبي حالك
ام خالد:شنو اعذب حالي....انتي بنتي ياشهد
((حاولت شهد تمسك دموعها ووقفت))
ام محمد:ع وين يابنتي
شهد والعبرة خانقتها:اشوف اخواني
((راحت شهد تمشي ومجلست ع البركة السباحة...مسكت جوالها..واتصلت ع رقم سالم المرحوم))
شهد:الووووو...سالم شخبارك...سلومة ياريتك عندي تشوف غيث وليث اشلون صاروا رجال يخافوا علي من كل شي...وانا راح اخلص ثلاث ثوني وادخل ادارة اعمال لامسك الشركات((تمسح دموعها))سلوم بعد 7 اشهر باصير ام ...واذا جاني ولد راح اسميه سالم..واذا بنت اسميها شيخة ع امي...سالم انا لقيت ناسس يحبوني ويهتمون فيني وف اخواني
((جلست تبكي..ومر راكان من المسبح..وسمع كلام شهد..تقطع قلبه وراح لها))
راكان:ممكن اعرف ليش تبكين
مسحت شهد ادموعها:هلا راكان
راكان:لا تبكين
شهد:مو بيدي غصب عني
راكان:عارف بس حاولي عشان اخوانك
شهد تحاول انها تبتسم:انشاء الله
راكان:اقدر اعر ليش تبكين
تنهدت شهد:اشتقت لسالم
راكان:حتى انا
شهد:انت كيف تعرف سالم
راكان:سالم يدرس بنفس الكليه الي انا ادرس فيها انا ومحمد..وغير كذا انا من زمان من كنت انا صغير..وصرنا اصاحب ...بس انا خلصت واشتغلت بشركة اخوك مع اعمامي
شهد:يعني تعرفه من قبل
راكان:ايه كان ابوك الله يرحمه صديق ابوي واعمامي المقرب...وبعد موته اخذك سالم لبيت صغير يهرب من ابو فيصل وابنه...بس اهم ضحكوا عليه وتزوجتيه
شهد:اهاااا..وين غيث ولليث
راكان:مع محمد ف مسبح الشباب
شهد:تكفى ابعد ليث عنه..اخاف يعصب عليه ويرميه ف المسبح
راكان:ههههه لاتخافين عمامي هناك
شهد:الله يعين زوجته
راكان:شهد ابيك بسالفة
شهد:خير انشاء االله
راكان:محمد تقدم لنورة
شهد:هههه..انا نفسي اعرف كيف راح يتزوج نورة...اثنينهم طيور
راكان\..................
شهد:راكان اشفيك
راكان:انا بعدني ماكلمت نورة
شهد:ليش
راكان:انتي عارفة ان سالم يحب نورة ونورة تحبه
تذكرت شهد الوصية:اهممممم
راكان:للحين ماقدرت اخبرها...احسها للحين حزينة
شهد:هذا الغالي..بس مب مبين عليها
راكان يتنهد:انا اعرفها تقدر تخبي حزنها بشكل فضيع
شهد:تريدني اكلمها
راكان:ياريت
شهد:خلاص ولا يهمك ...بس يقدر يصبر شوي ع ماولد
رفع راكان راسه:ليش
شهد بضحكة:اخاف اخبرها ...وتكون معصبة..ومن العصبية تضربني واروح فيها
راكان:هههههههههههههههههههههههههه
شهد :لاتضحك
راكان:ايه يقدر هههههههههههههههههههه
شهد:هههههه
راكان:انا رايح تامرين ع شي
شهد:ايوة
راكان:امري
شهد:اعرف ان طلاباتي كثية وماتخـــــــــ
قاطعها مبتسم:خلصي
شهد:الشركة
قاطعها:قصدك الشركات
شهد:كم عدد الشركات
راكان:4 شركات
انصدمت شهد:4 ...ومين متولى ..معرف وش تقولون عنه
راكان:واحد سالم قبل لايموت...واحد عمي ابو خالد....واحد عمي ابو محمد...واحد انا
شهد:بس انت محامي
راكان يبتسم بحزن:سالم علمني كيف اتولى ادارة الشركة
شهد:والحين شركة سالم مين عليها
راكان:عماني ابو محمد وابو خالد والادهم..ناطرينك تخلصي دراسة للتسلميها
شهد:صعب
راكان:مافي شي اسمه صعب
شهد:صادق..بس انت راح تساعدني
راكان:طبعا
(وبعد 7 اشهور)
شهد تصارخ:ااااااااااااااااااه...نورة...نورة...سالم..لح قوا علي
دخلت نورة مذعورة:شهد وش فيك
شهد تبكي:بطني يانورة باموت من الالم...اااااااااااااااااااه
نورة:راح تولدي
شهد تبكي:ااااااااااااااااااااه...يارب رحمتك...اااااااااااااااااااااه
((ركضت نورة غرفة راكان))
نورة:راكون ...راكون...الحق
راكان:هممممممممممممم
نور:قوووووووووم
راكان يضربها بمخدة:نورة ولي يسلم يرحم والديك خرجي..باكرة دوام والشغل راكب راسي
نورة:راكون قووم شهد باتولد
راكان:انزين بعدين
نورةتضربه:شنو بعدين انت بعد. .اقولك شهد باتولد
راكان مفهي:متى
((اتصلت نورة ع خالتها ام خالد))
ام خالد:هلا نورة
نورة:خالتي لحقي علي شهد باتولد..ومعرف وش اسوي
ام خالد:روحي المستشفى
نورة:راكان الدلخ رافض يقوم..والبنت ميته الم
ام خالد تصرخ:كبي عليه ماي
نورة:انشاء الله
ام خالد:انا راح انتضرك ف المستشفى
نورة:انشاء الله
((دخلت الحمام وكبت الماي ف جيك...وكبته ع راكان))
راكان:يعلك المرض المزمن الي ماله علاج
نورة:قوم شهد باتولد
راكان:الحين
نورة تصارخ:قوم الله يخليك
((رقف راكان ولبس الدشداشه وخرج))
راكان:انا ف السيارة نزليها
نورة:اوكي بس التوام
راكان:انا راح احملهم
((راحت نورة ولبست شهد العبايه..وركبت السيارة))
شهد/ماريد اولد ماريد..اااااه
نورة تمسح ع جبين شهد:بسم الله عليك
((ليث وغيث حاضنين بعض ويبكون..دخلوا المستشفى ..وشافوا ام خالد وام محمد...وخالد ومحمد...خرجت ام خالد بكرسي متحرك..ودفعها راكان لداخل المستشفى..شافوه الممرضات ودخلوها الغرفه...كانوا الكل ناطرين الدكتورة تطلع))
ام خالد:انا ماقدر اجلس كذا
خالد:الله يهداك يايمه جلسي
ام خالد:لا انا بادخل عندها...البنت محتاجة احد
ام محمد:دخلي ياختي وانا جالسة هنا
((دخلت ام خالد وبعد ساعة طلعت ودموعها ع خدها))
ام محمد:وش فيم تبكين
خرجت الدكتورة:وين زوجها
الكل:ليش
الدكتورة:البنت صغيرة ف السن..وماتتحتمل
ام خالد:المطلوب
الدكتورة:لازم زوجها يجي يوقع ع اوراق..لان اذا تبعت راح نضطر نعمل لها ولاده قيصرية
راكان:البنت مطلقة
شكت الدكتورة:كذا راح اضطر اعلم الشرطة
صرخ راكان:الحين ايش دخل الشرطة
الدكتورة بوقاحة:يعني بنت عمرها ماتجاوز 17 السنة وحامل..كيف كذا...لا وبعد مطلقة
وقف راكان:صدق قليلة ادب وتربيه
محمد:اذلفي عن وجهنا لا نصفعك
خالد:وش قلة الادب هذي
الدكتورة:سوري مضطرة ابلغ الشرطة
((وراحت))
راكان يمسك ع راسه:اذا اتصلوا ع الشرطة..راح اضطر اتصل ف فيصل..وبعدها اكيد راح يطالب بحضانه الطفل
الكل :لا الاه الا الله
((بعد ربع ساعة,,وصل الشرطي))
الشرطي:السلام عليكم
الكل:وعليكم السلام
الشرطي:وين ولي امر البنت
راكان:متوفي
الشرطي:وزوجها
راكان:مطلقة
الشرطي:ممكن تتصل عليه
راكان يناضر محمد وخالد:بس.....
الشرطي:ارجوك
ام محمد:راكان يمه روح اتصل عليه
راكان للشرطي:تريد تقول شي قول ف وجهي ماله داعي نكلم طليقها
الشرطي:بس انا لازم اجتمع مع ولي امرها..اتاكد ان البنت كانت متزوجة
راكان:انا خاطبها..وانتضرها تولد واتزوجها
((الكل انصدم ..وابتسم محمد))
الشرطي صدقة لانه باين من عيون راكان انه يحب شهد:اهاااا..انزين تعال وقع بعض الاوراق
ارتاح راكان:انشاء الله
((راح راكن مع الشرطي..وبعد 6 ساعات))
خرجت الممرضة:مبرووووك ولد
((بكت نورة وحضنها راكان..وام خالد وام محمد حضنوا بعض يبكون..واما غيث وليث كانوا نايمين ف غرفة الدكتور هيثم...دكتور سالم قبل لايموت))
نورة:خالتي ارجعي البيت شكلك تعبانة
ام خالد:لابعد راح اجلس واتطمن عليها وبعدين ارجع
ام محمد:انا برجع ارتاح..رجولي عورني..وراح اجاب اغراض للولد
نورة لام خالد:خالتي فديت روحك ارجعي..وانا وراكان هنا وان صار شي راح اتصل عليك
ام خالد متردده:بس
خالد:لابس ولاشي..ارجعي والعصر اجيبك
ام خالد:وعد
خالد:هههه..اشفيك يمه اقتلبتي طفله
ام خالد تضربه:طفله بعينك
خالد:هههههههههه
ام خالد:قول وعد
خالد:مايتاج الوعد..انا راح اجيبك من غير وعود..انتي تامرين يالغالية
ام خالد:يالله عيل من رخصتكم
محمد لامه:وانتي يمه تبين وعد
نورة:هههههههههههههههه
محمد ف نفسه/فديت الضحكة ياربي
ام محمد:امشي اامشي لايجيك نعال ع وجعهك
محمد:يمه لازم تفشليني
ام محمد:امشي بس
محمد:يالله
ام محمد:نورة يمه ان صار أي شي اتصلي واحنا جاين
نورة:انشاء الله
((راحوا واجاء راكان))
راكان:راحوا
نورة:ايه ...خالاتي كانوا مرة تعبانين..بس يقاومون
رراكان:اشلون شهد
نورة:بعدها داخل غرقة الولاده..راكان حاول تلقالها جناح..عشان الزوار
راكان:انشاء الله ...بس يطلعونها
نورة:وين التوام
راكان والتعب باين ع وجهه:عند الدكتور
نورة:أي دكتور!!!!
راكان:قصدي ف غرفة الدكتور
نورة:ادري بس أي دكتور
راكان:دكتور سالم الله يرحمه
((انفتح جراح نورة وقالت ياريتني ماسالت ...ياريتني ماسالت...))
نورة:هذي شهد خرجت
((رفع راكان راسه وشافها نايمة..والممرضات يودوها الغرفة))
راكان:روحي لها,,وانا رايح اخذ التؤام..ونرجع البيت
نورة:اوكي

وهذا البارت
انتظر ردودكم
واسمع ارائكم
واتحمل انتقاداتكم

 

[Bq]

البارت رووووعه تسلمين ناطرينج

 

[الاحاسيس المبهمه]

تسلمييين البااارت واايد حلوو

 

[جوريه92]

يسلمووووووو
البارت روعه

 

[MISS ZOZO]

الباااااااااااارت وااااااااااااااو حده عجيييييييييييب يسلمو حياتي


بــس لاتطولين علينا >> حدها مشتاقه حق الاحداااااااااااث

 

[جوريه92]

جـــــــــــــــــــــــــــاري
الانتظــــــــــــــــــــــار

 

[Bq]

وينج ؟؟

 

[امنيه حنيني]

سوري بنات
هذا البارت

[البـــــــــــــــــــــــــــــــــــ السابع ـــــــــــــــــــارت]


((الساعة 4 العصر))
((فتحت اعيونها بشويش ...ورجعت تسكرها))
نورة:الحمدلله ع السلامه...مبروك شهود
شهد بتعب:ولدت
نورة:ايه
شهد:وش جبت
نورة ودموعها تنزل:ولد
شهد ودموعها تنزل ع خدها:سالم..جبت سالم
نورة تبوسها ع خدها:يتربى بعزك..وانشاء الله يصير نفس خاله
رفعت شهد راسها وشافت دموع نورة...نزلت راسها:اااااااااااه....((سكتت شوية))....وين غيث وليث
نورة تمسح ادموعها:مع راكان وخالتي ام محمد...يشوفوا سالم
شهد:جيبي سالم ابي اشوفه...اشتقت له
نورة توقف تعدل حجابها:انشاء الله
((خرجت نورة..وجلست ع الممر تبكي...حطت ايدها ع فمها تكتم شهقاتها العالية
نورة ف نفسها:رحت يالغالي رحت وخليتني

راح حبيب قلبي راح وخلاني
شفته بوسط عني خذيت انا بقلبي
تترك الدنيا وتروح وتزيدني جروح
جلبي كما اهواااه والله مابى انساه


مسحت دموعها...وراحت تجيب طفل شهد))
شهد تمسك سالم ودموعها تنزل ع خدها وتمسحها وترجه تنزل ع وجه سالم:
صغير....هههههه...ياحبيب ماما...يابعد قلبي انت...اسمع كلام امك واطلع نفس خالك سالم...خالك سالم رجال...ويارب تكون نفسه
بكى سالم...رفعت راسها:اشفيه
((شافت الكل يبكي))
ام خالد:الولد جاع..اطعميه
((استحت شهد ونزلت راسها...لان راكان كان داخل...خرج راكان وتركهم لياخذوا راحتهك))
شهد ووجها محمر:ماعرف
((وقفت ام خالد وجلست تعلمها))
((بعد 5 اشهر من الاحداث))
راكان يلعب سالم:شهود قلبي كلمي نورة..والله مايصير كذا
شهد توقف:انشاء الله...انتبه لسالم...وشوف غيث وليث وينهم
راكان:انشاء الله..بس انتي روحي
شهد:والله خايفة لاترميني من الشباك
راكان يبتسم لها:اذا رمتك ارميها وراك
تخصرت:لا والله..ليش ماتروح تقولها...واذا رمتك ارميها انا وراك
راكان:سوري انا مو مستغني عن نفسي
((عصبت وراحت له...وبدت تضربه واهوا ميت ضحك عليها))
((دخل غيث وليث))
غيث يبوس كف ايده:الحمدالله ع نعمة العقل
ليث نفس حركة غيث:الله يعيننا ع الازعاج...طيور ماكنهم متزوجين...لا شوف سلوم المهبول يضحك اهوا وخراسه
غيث:امشي خليا نروح نلعب بالبليستيشن...بدال من نطالع الاطفال هذول
ليث يصارخ:اهيه انتوا....باباي زيتونة...بسكم عاد....انت باباي والله انك راح تطيح من عين ولدك
راكان يمسك شهد ويثبتها:انت شعيط ومعيط...وش دخلكم
غيث:اسفين ياعمي تدخلنا ف املاكك الخاصة...وانت امشي لا يقوموا لنا
ليث يسال شهد:شهود...سمور راح تجي اليوم
شهد:أيه
غيث:ولبنى
شهد:معرف
غيث مبرطم:ليش تلاقي الجواب ع سؤال ليث...وانا لا
الكل:ههههههههههههههههههههههه
ليث:يالله حبيبي خلينا نلعب
((راحو التؤام وتركوا شهد وليث))
شهد:ابعد
راكان:لا
شهد:ابعد والله راح اطلع لنورة...ولا راح اتهاوش معاك
راكان:انا متزوج طفله
شهد رافعه حاجب:والله هذي الطفلة الي تقول عنها..صار عمرها 17 سنه..لا وابشرك ام بعد
راكان يبعد شعرها عن وجهها:واحلا ام
جلست شهد بجانبه:ااااااااااااااااااااااااااااااااااااه
راكان:سلامتك من الااااااااااااه...وش فيك ياقلبي
شهد منزله راسها:حبيبي تتوقع أي راح اقدر امسك الشركة بعد الغالي الله يرحمه
رفع راكان راسها :وليش ماتقدري...قدرتي تتحملين فيصل...ووموت الغالي...وتربيه اخوانك...وحملك وولادتك...ةتقولين ماقدر اتولى الشركة
نزلن دموع شهد:لا انا ماقصدي كذي
راكان يمسح دموعها بكل حنيه:عيل وش قصدك
بكت شهد:انا ماقدر ادخل مكان كان فيه سالم...قلبي ينقبض والله كل يوم اشوفه ف احلامي..راكان انا حيل مشتاقة لسالم
راكان يحضها:شهد حبيبتي سالم راح مكان افضل من الدنيا الي عايشين فيه...وبعدين الموت احسن له..بدال المرض الي تعذب فيه
شهد:............................
راكان يبوسها ع راسها:حبيبي روحي كلمي نورة وبعدها تعالي لي للغرفة....اوكي
شهد تمسح دموعها:اوكي
((طلعت شهد حامله سالم بين ادينها...دخلت الغرفة نورة...وشافتها تسمع اغنية راح حبيب قلبي....حزنت شهد ع حالها))
شهد:الله الله ع الرومانسية
عدلت نورة جلستها:ياهلا والله بسلومة
برطمت شهد:وانا
نورة تبوس سالم:خلي راكان يبوسك
استحت شهد:وجع وجع
نورة:ههههههههههه
((ناضرت شهد وجه نورة..ولاحضت اثار الدموع))
شهد:نورة ابيك بموضوع
نورة تسكر الاغنيه:خير انشاء الله
شهد:لا خير
نورة:ايش فيك شهد
شهد:نورة الصراحة بلا لف ولا دوران.....مـــــ.........محمد تقدم لك...ولاه سنه يتضر الرد بس ابضروف ماساعدت
((انصدمت نورة ..كانها تلقت صفعة ع وجهها))
شهد مقدرة شعور نورة الي تحس بها الحين وماتلومها اذا رفضته ....مسكت يدها وقالت:نورة
سالم ماتت خلاص انسيه وعيشي حياتك....ولا ترفضي محمد محمد رجال ماينعاب....محمد رجال والنعم فيه...يحبك وجالس سنتضر ردك من سنه...لو كان رجال ثاني راح ودور غيرك
نروة:....................
شهد:أذا كان سالم الله يرحمه عايش والله مايرضى بالي يصير
نورة:بس انا احب سالم ولا احب غيرة
شهد فاهمه وضعها:نورة حطي نفسك ماكان سالم الله يرحمه...باترضي ان سالم مايتزوج ويعيش ع ذكارك
نورة:لا طبعا
شهد بحنية:اكيد هذا شعور سالم..والله انه يريد لك الخير
نور:خليني افكر شوي .... وارد لك
شهد:فكري ياعمري واستخيري ربك
نورة:انشاء الله
((طلعت شهد وشافت راكان ينتضرها))
راكان:وافقت
شهد:لا قلت لها تفكر شوي
راكان:كان قليتلها اني موافق ولا تحاتج تفكير
شهد:لا لازم تفكر وتقتنع
راكان يجلس:اوووووووف
((خرجت نورة لابسة عبايتها وماسكه شيلتها))
راكان:ع وين
نورة بصوت واطي:للبحر
راكان:اروح وياج
نورة:لا مايحتاج
راكان:انتبهي لنفسك
ورة تنزل الدرج:انشاء الله
((بعد ماخرجت))
شهد:معرف احسها راح ترفض محمد
راكان:لا انشاء الله
((ف البحر))
نورة جالسه ع البحر تغني بصوتها الحلو:

اأبسكت يا بحر ومشي وخلي ظيقتي فيني..
تصدق يا بحر أني توقعتك تشيل هموم..
ولاكن إنصدمت أنك غرقت بدمعه من عيني..

غريبه يابحر

جلست نورة تبكي ...تذكرت كيف حبت سالم وسلمت له قلبها لسالم بس وحرم قلبها يحب من بعده...رجعت نورة بذاكرتها لورى...ذاكرة اول مرة تقابل سالم بعد سني ماشفته

((رن تلفون البيت))
نورة:الووووووو
سالم:مرحبا
نورة:مرحبتين
سالم:كيفج
نورة:لا احلف انت..استحي ع وجهك...واخلص من تريد
سالم اوووووف بعده لساها طويل:ابي راكان لو سمحتي
نورة:راكان مب هنا
سالم:وين راح
نورة:وش يعرفني اتصل عليه
سالم:اعصابك اتصلت عليه مايرد تلفونه مسكر

نورة:غريبة ... اتصل ع حمود
سالم:مين؟؟؟؟؟؟؟؟؟؟؟؟
ضحك سالم:اشلونك نورة
استغربت نورة:تعرفني
سالم:عز المعرفة
نورة:بسرعة مين....خالد...محمد...علي
سالم:ولا واحد
نورة:مين
سالم:تتذكرين المصري
فتحت نورة اعيونها:سالم الدبه
سالم:ههههههههههههههههههههههههههههههههههه
نورة:اخبارك؟؟؟ واخبار اهلك؟؟؟واخبار اختك شهود
سالم:امي وابوي ماتوا مع اهلك...وصار عندي اخوان تؤام غير شهد
نورة حزنت عليه:عادي كلنا ع هذي الطريق
سالم:والنعم بالله
نورة:اخبار اختك كم صار عمرها.؟؟؟
سالم:13 سنه
نورة:ماشاء الله كبرت...ههههه...اذكر انك كنت تغار منها
سالم:ههههه...كنت...بس الحين والله احبها واموت فيها
نورة:الله يخليكم لببعض
سالم:امين
نورة:سالم خلاص سكر ..مو حلوة
سالم:اوكي مع السلامه
نورة:باي

تذكرت موقف وكان اول مرة تشوفه بعد 8 سوات
نورة لابسة برمودة جينس مع تيشرت كت احمر...وكانت داخل المطبخ
نورة:راكان لي ساعة اتصل عليــــــــــــــــــــ
سالم المصدوم وهي مصدومة
نورة نست نفسها:مين انت
سالم:..............
نورة:الله راكان غيرت شكلك ف ساعتين...كيف
انفجر سالم من الضحك:هههههههههههههههههههه
نورة:يعلك تضحك من غير ضروس...مين انت خلصني
سالم:ماعرفتيني انا سالم
نورة:وااااااااااااااااااااو سالم تغيرت
سالم:للسوء ولا الاحسن
نورة تحط ايدها ع راسها تفكر:امممممم....للاحسن طبعا...زامن كنت بطة وابيض
سالم:وبعدني ابيض
نورة:ايه والله...سلوم وش تسوي هنا
سالم:اخوك الزطي قلت له عطشان قال لي ادخل مافي احد....والله اني اسف
نورة:لاعادي...انا طالعة خذ راحتك

((مسحت نورة ادموعها...لاكن رجعت تزل مرة ثانية...تذكرت لمن اعترف اه يحبها..وعلم راكان ...وحلف انها ماتكون لاحد الا له...تذكرت لمن خبرها بمرضه))
نورة:هلا حبي
سالم:هلا
نورة"سلومة اشفيه صوتك
سالم بتعب:نورة انا تعبان
خافت نورة:سلامتك من التعب ياعمري...عساه فيني ولا فيك
سالم يصرخ:لا تفاولين ع روحك
عرفت ان ف شي صاير له:حبيبي وش فيك
بكى سالم....وبكت نورة معه
نورة:سالم فديت عمرك تعال عندي البيت
سالم:................
نورة:ان كنت غالية عند تعال البيت...انا وراكان ف البيت يعني مو بروحي
سالم:انشاء الله...تامرين ع شي
نور:ابيك سالم من كل شر...وتكفى لاتسرع
سالم:انشاء الله
((وصل سالم البيت..ودخل المجلس))
راكان:خير سالم اشفيك
سالم يجلس وايده ع راسه:......................
راكان يروح لسالم:سالم
بكى سالم:........................
حضنه راكان:سالم وش فيك....اخوانك فيهك شي....سالم تكلم خوفتني ياخوي
سالم:لا اخواني مافيهم شي
راكان:عيل من
سالم:انا
نورة:انت ....انت وش فيك
سالم وعيونه مليناه دموع:طلعت مصاب بسرطان
((جلست نورة وعيونها ملاينه دموع...مب مصدقة الي تسمعة))
راكان:انت متاكد
سالم ودموعه ع خدة:ايوة متاكد
نورة:امكن صار لخبطة بين الملفات
سالم:لا متاكد...ارسلت اوراقي لألمانيا وطلع صح...مصاب بالسرطان
راكان:بعد ف بداية المرض...تقدر تتعالج
سالم يبكي:ياريت ياركان ياريت....المرض اكل جسدي كله...راكان اخواني
راكان:انت اهدي بالك....واخوانك ماعليهم شر
سالم:كيف اخبرهم اني رايح
نورة وفكها يرتجف:لا لاتقول كذا...ارجوك لاتقول كذا
سالم يناضر نورة الي تبكي:انا خلاص منتهي
صرخت نورة:اقولك لاتقول كذا,,,,انت ماراح تموت
((حس سالم انه راح يستفرغ...ركض للحمام يستفرغ....جلس سالم ووجهه مصفر...حاس بدوخة...سانده راكان وجلسه ع الكنبة))
راكان:نورة جيبي ماي
نورة تبكي:.......................
صرخ راكان/نورة
((دخلت ورة المطبخ...وصارت تبكي بهستيريا ...بعد ماهدت راحت غسلت وجهها))
وقالت:انا مفروض مابكي...لازم اوقف بجانب سالم....سالم محا تجني
((حملت كوب ماي...ودخلت المجلسس..عطت راكا الماي وشرب سالم))
سالم يغمض عيونه:اخواني ياراكان اخواني...من لهم غيري يهل الدنيا
راكان:ارتاح ياسالم...اخوانك بعوني الثنتين
سالم:راكان ماوصيك عليهم
نورة:سالم قلبي ....الله يخليك لاتتكلم ع نفسك كذا ..كانك مودع الدنيا
سالم:وهذا الي راح يصير
نورة:لا انشاء الله
((وقف سالم))
راكان:ع وين
سالم/تاخرت ع شهد وعدتها اخذها السوق تاخذ اغراض
راكان:انت ارتحا ونورة تروح
سالم:اولا شهد ماتعرف نورة...وثانيا انا ابي اوديها ابي استغل كل ثانية معهم قبل ما اروح
((خرج سالم حامل همومه.....تذكرت موقف لمن سالم قال لها))
سالم:نورة عمري...اذا تزوجتي راح تنسيني
نورة:مين قال اني راح اتزوج
سالم:ههههه...يعني راح تضلي عانس..هههههه
عصبت ورة عليه:سالم وبعدبن معاك
سالم:هههههههههههههههه....ورة عانس
نورة:انا الغلطانه لاني رديت ع سؤالك
((((وسكرت بوجهه..وصلتها رساله منه
"نورة انتي بعدك صغيرة..والطريق قدامك..تقدري تتزوجي...انا خلاص راح افسخ الخطوبه...مابيك تتعلقين ف امل اني اعيش...المرض خلاص انتشر ف جسمي كله...وانا كلمت راكان...وهذي اخر رسالة ارسلها لك....وتذكري حتى لو مت والله ان حبك ساك بقلبي"))
((جلست نورة تبكي وتبكي وتبكي...ودموعها جبت وصارت دم بدالها....نورة للحين محتفضة بالرسالة...مسحت دموعها ورجعت البيت))
((بعد يومين))
نورة:انا مو موافقه
راكان:ليش ؟؟؟
نورة:ما اقدر اوافق
راكان:ورة حبيبتي سالم مات
نورة:عارفة وهذا الي حارق قلبي
راكان بقوة:استغفري ربك
نورة تمسح ع وجهها:استغفر الله...((قالت بصوت هادء))...محمد رجال والنعم فيه....وميت بنت تتمناه....وراح يلقي بنات احسن مني
راكان:بس اهوا يبك انتي مايبي الميه
قاطعته نورة:راكان الله يخليك مابي محمد
راكان:هذا اخر كلامك
نورة:وماراح اغيره
راكان:الولد يحبك وشاريك
نورة:وانا ماحبه وماقدر اضلمه معاي
راكان:بس
شهد تقاطعه:خلاص حياتي الي يريحك...ونحن ندور راحتك
((طلعت نورة غرفتها بعد ماباست خد راكان))
راكان:ليش قلتي كذا...كان نقدر نقنعاها
شهد:حبيبي لا تغصبها ع شي اهي ماتبيه...صدقني انا مجربه...والله صعب
راكان يتنهد:الله يهديها

ناطرها ارائكم

 

[MISS ZOZO]

كمليييييييييي


هذا الباااااااااارت يبجي والله قلبي عورني وبجيييت مع نوره خخخخخخ




يسلمووووو حيااااااااااتي

 

[Jro7 Al.nass]

واااااااااي البارت يقطع القلب..قصة رووووعة كمليها حبوبة ناطرينج

 

[Bq]

كملي تسلمين

 

[جوريه92]

البارت يقطع القلب

كملـــي بليزززز

 

[امنيه حنيني]

[البـــــــــــــــــــــــــــــــ الثامن ـــــــــــــــــــــــــــارت]
((الاخــــــــــــــــــــــــــــــــــــــــــــ ــــير))

((بعد 6 سنوات))
((راكان ومحمد يدخلون مكتب شهد))
راكان ومحمد:السلام عليكم
شهد:ياهلا والله ....وعليكم السلام
راكان يبوس خدها:اخبارك قلبي
شهد:الحمدالله زينه اخبارك انت
راكان:بخير بشوفتك
شهد:وش عندكم ...وش جابكم هنا
محمد:طردة محترمة
شهد:هههههه..لا بس انتوا ماتجون هنا الا اوي ع شي
محمد يجلس:والله ياختي زوجك يريدك
شهد:خير راكان فيك شي...والتؤام فيهم شي..نورة...ولا سالم وحميد وحمدان ولا شيخة
راكان يضرب محمد:مافيهم الا العافية...بس عندي رسالة ولازم اسلمها
نزلت شهد نضارتها:رساله!!!!!!!!!
راكان:ايه راساله
شهد:من من؟؟؟
راكان يطالع محمد:من سالم اخوك
شهد بصدمه:سالم اخوي
راكان:ايه...قبل لا يموت كتب واصايه لك وقال لي اسلمها لك اذا مسكتي الشركة
شهد:وينها
((اعطها وباس راسها...وطلع اهوا ومحمد
فتحت شهد الرساله))
((
"إلى اختي العزيزة ((شهد))
اكيد الحين وانتي تقرين الرساله تبكين...ههههه...((ضحكت شهد وزادن دموعها))
شلونك؟؟؟واشلون غيث وليث ؟؟؟انشاء الله مرتاحين...شهد انا اعطيت راكا الوصايه لاني عارف اني راح اموت..ووصيته عليكم وع التؤام بالذات..لاني عارف انك ممكن تلتهين عنهم...شهد انا اسف اذا بيوم قصرت معكم بشي...شهد انا اسف لاني عيشتكم ف فقر ومع اني احمل 4 شركات...بس صدقيني غصبا عني ....وبعدين عشان تقدرون نعمة ربكم...شهد ابيك تعلمي غيث وليث احسن تعليم...اريد الناس يقولوا اخوان سالم رجال رفعوا الراس...شهد انا مرتاح كثير ...انا كنت كتبت الوصية بعد ضرب فيصل لك باسبوع...وعرفت انك ساكنة مع راكان...شهد راكان يحبك من كنى صغار ...هههههههه.....كان يقول لمن يشوفك انا ماراح اتزوج الا شهد....صدمه صح...ونورة...اخخخخخ ياقلبي عليها...والله أني احبها واموت فيها...بس النصيب ماكان لي فيها...انشاء الله تكون تزوجت ومعها اولاد ومرتاحة...شهد اريد اقولك بس اهتمي بنفسك وباخواني...اخواني ياشهد ...غيث وليث بوسيهم لي...
.....مع السلامة....صح نسيت...اذاكان لي معزة ف قلبك مسحي دموعك الغالية




مع السلامة"

((وطت شهد الرسالة ...وجلست تبكي))
شهد:ااااااااااااااااااااه ياسالم....ااااااااااااااااااااااه...الله يرحمك ويسكنك فصيح جناته

((خرجت شهد من المكتب ..ودخلت مكتب راكان))
راكان:ياهلا وسهلا...وانا اقول ليش االمكتب منور
دخل ليث:منور بوجودي طبعا
كشر راكان:انت وش جابك...ماعندك مدرسة
دخل غيث:راكان هذا الولد مشكله
راكان:ليش
غيث يجلس:ضرب المدرس
الكل شهق:اهئ...ايــــــــــــــش
محمد:بعدي والله
ضربه راكان بالقلم:لاتشجعه...ليش ضربه
غيث:ساله
شهد:ليث ليش ضربت المدرس
ليث يجلس:لانه قليل الادب ويريد له تربيه من اول وجديد
محمد:ههههههههههههههههههه
شهد:محمد لاتضحك
راكان:انت عطيني السبب..واذا كان مقنع والله وهذا انا حلفت اخليه يعتذر لك قدام الطلبه والمعلمين
ليث يصاخ:تريد تعرف ليش ضربته...انا اقول لك ...سمعته يقول للمعلمين ان سالم اخوي يشرب وراعي بنات
الكل منصدم:ايش
ليث:ايه قال كذا وانا عصبت عليه وراحت اعطيه هذيك الصفع تبرد ع القلب
راح راكان له وحضنه:فديتك رجال والله
شهد:مين المعلم....عطيني اسمه
ليث:اهوا ف احد غيرة...طليقك فيصلوه
شهد:اها...بس اهو وش دخله المدرسه..وكيف صار معلم
راكان:فيصل اصله مدرس بس يشتغل ف شركه ابوه ورامي التدريس...اما انت ياليث وهذا انا حلفت لك والله لاخليه يعتذر لك
غيث"راكان تقدر تخليه يبوس رجلي
محمد:ايه يقدر...وليش مايقدر...تراك غيث
راكان:بس انت عاد لاتكبر راسه...عيب بابا نخليه يبوس رجلك....ولو انه يستاهل الذل...بس انتوا انسوا الموضوع وخلوه علي..وانا تصرف معاه
غيث:لا مو كذا وبس...الحين ناوي ياخذ سالم
شهد:اهوا وش دراه ان عنجه ولد
ليث:اصلان المدير يعرفنا...واتصل ف نورة...وارسلت لنا السايق مع سالم...وكان فيصلوه خارج من المدرسة..وقال((يقلده))هذا ولد شهيد
قاطعته شهد:وع وع وع وع وع وع ...شهيد بعينه
راكان:وبعدين ايش قلت له
غيث ياضر ليث بكره:هذا المجنون مامسك لسانه...قاله يامجنون هذا ولدك
الكل:..........................
ليث:انا زش دراني انه مو عارف ان عنده ولد
راكان:وش صار بعدين
ليث:ولا شي ..قال متى طلع لي هذا الولد
راكان:وبعدين؟؟
ليث:قلت له قبل 7 سنوات ....ويومين...و30 دقيقة....وثانيتن...لا ثلاث...لا صارن اربع....مشى معصب عنا...يعني راح وخلانا
الكل:هههههههههههههههههههههههههه
شهد:سالم وينه
غيث:مع نورة ف البيت
شهد لراكان:راكان انا خايفة لا ياخذة...تارني والله اموت
راكان يحضنها:لاتخافي مايقدر ياخذة....الكفاءة لنا



((بعد 14 سنه))
شهد تصارخ:غيث ليث يالله
((نزل غيث وليث بالبشت...ونزلن دموع شهد ...باسوا راسها))
شهد:مبروك
غيث و ليث يحضنها:الله يبارك فيك يمه
سالم يصور بالكيمرة الفيديو:كلمه ليوث بمناسبة زواجك اليوم
ليث:ليوث بعينك..زتران عريس
سالم:يمه ابي اتزوج
شهد:خلص دراستك اول
سالم:لا والله ...مابي ابي اتزوج اليوم
شهد:من وين نجاب العروس
سالم:موجودة
شهد:لا يعني لا
ليث:وااااااااااااااااااااااااااااااااااااااااااااا ك...حرق نفسك
شيخة:خالي خليك عاقل تراك معرس
((شيخة 18 سنه...نشخة طبق الاصل من امها شهد...مالكة ع ولد محمد راشد))
ليث:روحي روحي لزوجك
استحت شيخة:انت مايخصك اروح ولا ماروح
غيث:فيديت ياناس الي يستحون
((سالم 20 سنه...نقول انه نسخة طبق الاصل من خاله سالم...وبعض الاحيان اذا تهواش مع امه يقول لها((احترميني انا اخوك الكبير ))تسكت شهد وماتتكلم...تتذكر اخوها))
نزلت نورة:الله الله..وش الجمال هذى
غيث وليث:ندري انا جميلين...مايحتاج تقولين
ورة:ولي ع الغرور
ليث:اقول نورة
نورة:نعم
ليث:ولا اقول ماشي
نورة:الله يالزمن من يصدق ان ليث يتزوج سمر..ههههههههههههه
راكان:مابعد الكره الا الحب
ليث:بس عاد بلا فضايح
شيخة:ليش خالي كنت تتهاوش مع سمور
ليث:سمور بعينك..قولي لها خالة سمر...ترها عمه زوجك
شيخة:اووووف..زاشفيك انت ع زوجي
((مسكها سالم لانها كانت باتهرب من ليث يريد يمسك شعرها...واهي تصارخ وغيث يفكهم ونورة تضحك...ابتسم شهد وتقول ياريتك معنا ياسالم...تشوف اخواني معاريس...حست باحد يحضنها من ورى شافت راكان ابسمت له ...وباسها ع راسها بقوة))
غيث:شواخي
شيخة:عيونها
غيث:فديت عيونك..تعرفي انا احبك واااااااااااااااااااايد
سالم:ينعل ابو المصلحة ياشيخ
ليث:اخلص اخلص
شيخة:هذي التفديات ماتجي بلاش
غيث:افااااااااااا افاااااااااااا بس افاااااااااااااا
سالم:انتبه لا يطيحن براطمك
غيث:اوووف منكم
شيخة:امر خالي وش تبي مني
غيث:اتصلي ع لبى ابي اسمع صوتها
الكل:نــــــــــــــــــــــــــــعم
غيث:بسم الله الرحمن الرحيم
شيخة:سوري ماقدر
غيث:ليش
شهد:امشوا تاخرنا ع الناس
غيث:ابي اكلم زوجتي
ليث:اذا اتصلتي ع لبني راح تتصلين ع سمور
راكان:غيث ليث خلوا الهبال وامشوا
ليث وغيث:اووووووووووف
((راحوا بيت ابو محمد..وملك غيث ع لبنى....وليث ع سمر...
ف مجلس الرجال))
سالم:يبه ارجوك اتزوج
راكان:اعقل وراح ازوجك
سالم:يبه ارجوك
محمد:بعدك صغير ع الزواج
سالم:انزين راشد اصغر مني وتزوج شيخة
راكان لمحمد:كله منك ....انا قلت لك سالم راح ينشب بحلقي يريد يتزوج...بس انت ماتسمع الكلام
محمد:خلاص ولدي تزوج بنتك...خخخخخخخخخ
دخل ليث:اوووووووووف
محمد:خير
ليث:من وين يجي الخير وشيخة عندنا
راشد:لو سمحت اترك زوجتي ف حالها
ليث:تشب بس تشب...لا اقوم لك بالعقال ع ضهرك
سالم:يبه شوف راشد عمرة19 سنه ومتزوج ...وانا20 سنه بعدني
راكان:لا
سالم:ليش
خالد:ركان زوجه
راكان:لا
دخل غيث:اوووووووووووووووف
الكل:ههههههههههههههههههه
غيث:راكان بنتك باقتلها والله
راشد:وبعدين معاك انت وياه ع مرتي...بعدوا عنها
غيث:خليها تبعد عنا ....واحنا والله راح نبعد
((جلس غيث بجانب ليث))

ليث:كيف النفسية
غيث:مررتااااااااااااااااااااااااح....وانت
ليث:وانا بعد
غيث:انا اول ولد وبنت اجابهم اسميهم((حامد وشيخة))ع ابوي وامي
وليث:وانا (سالم وشهد)
جلس سالم مابينهم:اووووووف...اريد اتزوج
غيث:اشفيك
سالم:...............
ليث:سالم
سالم:رحت لابوي
ليث:أي واحد فيصلوه ...او راكان
سالم:فيصلوه الكريه
ضربه غيث:عيب هذا ابوك
سالم/اخس ابو بالدنيا....هذا تسمونه ابو
ليث:ايه والله ...بس ايش سوى لك
سالم:رحت له الشركة...تخيلوا طردني قدام الموضفين كلهم
غيث:وانت ايش سويت
سالم:ماشي عندي كرامة...طلعت وخليته
ليث:ماعلية..عندك ابوك راكان...مب مقصر معاك بشي
سالم:ايه والله
غيث يحضنه:لا تضيق صدرك وانا اخوك
ليث:صح وين حمدان وحميد
سالم:تلقيهم ف المول
غيث:واخوانك مب عارفي ان اليوم ملكتنا
سالم:والله انت تعرفهم روح لهم
((ليث يتصل ف حمدان))
حمدان:هلا والله بالمعرس
ليث:عرست عليج جنية
حمدان:اعوذ بالله منك...مو بني ادمي
ليث:يالله تشب...وينك انت واخوك
حمدان:عند الباب
ليث:وش تساوي انت تؤام عند الباب ...تتصورون معه
حمدان:هههههه...دمك خفيف....اقول عطيتك وجه اقلب بس
ليث:انزين ان ماقلت لابوك عن الشرايح الي معاكم ماكون خالكم
حمدان بخوف:اسف والله اسف...انا عند الباب لان امي نورة تبي اغراض
ليث:اغراض يالكذاب
حمدان:والله وبرحمه امي وابوي ماكذب,,,تعال اذا مو مصدقني
ليث:خلاص شوي تنشق من الحلف..تعال انت واخوك الحين
حمدان:روحي مني..من اتصلت وانت تتامر علي
ليث:ادخل لا اقول لابوك الحين
حمدان:اوووووف انزين الحين داخل
((سكر منه))
غيث:وينهم
ليث:يفكروني غبي قالوا ان نورة موصيتهم ع اغراض
((دخل حمدان وحميد 19 سنه...حمدان نسخة من ليث...وحميد نسخة من غيث))
حمدان وحميد:السلام عليكم
الكل:وعليكم السلام
راكان:الحين شرفتم
باسوا راسه:السموحة يبة
راكان:وين كنتوا
حميد:امي نورة كانت تبي اغراض
راكان:اها
راشد باذن حمدان يتطنز:عمتي نورة تبي اغراض ها
حمدان:انطم





((بعد سنتين))
ليث:شهد تكفين دخلي
شهد:ليث اجلس
خرجت الممرضة:مبروك ولد وبنت
((نزلن دموع ليث وراح يبوس راس شهد ..ومسك يدها وباسها...وجلس بحضن شهد يبكي))
شهد تمسح ع ضهره ..ودموعها ع خدها:مبروك يمة ....مبروك
مسك ليث يدها وباسها بقوة:يمه جاني شهد وسالم...حاني شهد وسالم
شهد تمسح دموعه:خلاص يابعد قلبي لا تبكي
ليث:فرحان فرحان...واخيرا صا عندي شهد وسالم
سالم:سوري اسمي ماراح ابيعه لولدك
ليث:انت انطم
شيخة:اوووووف العايلة كلها تؤام
جيت نورة:غيث مرته ولدت
الكل:احلفي
نورة:والله
شهد:وش جابت
نورة:تؤام ولد وبنت
الكل:هههههههههههههههههههههههههههههه

((بعد 5 شهور))
شهد:سالم روح لابوك
سالم يقلب القنوات:لا
شهد:راكان كلمه
راكان:وش اقول
شهد:خليه يروح لابوه
راكان:تراه رجال وعارف مصلحته...يريد يكسب رضى والديه او لا
سالم:مادام اني رجال وعارف مصلحتي زوجني
راكان:لا لا لا لا...زخلص دراستك اول
شهد:سالم اسمع تروح اليوم لابوك...تراه له شهرين ف المستشفى تعبان
سالم:عساه مايخرج من المستشفى الا للقبر
((وقفت شهد...وجلست تضربه...واهوا ميت ضحك عليها,,
دخل ليث وزوجته
ليث:شهد بعدك ع شغل الاطفال
شهد:قول له يروح لابوه
سالم:وانا اقولك مو رايح..مابي اروح
دخل غيث وزوجته:سبحان الله ....كاني اني اشوف سالم اخوي الله يرحمه لمن يتقاتل مع شهد
ليث:هههههه...وانا كاني اشوف لمن شهد تتقاتل مع راكان...وسالم من غير ظروس يضح
الكل:هههههههههههههههههههههههههههههههههههه
سالم:اوكي انا رايح له.....بس والله هذا انا حلفت ان غلط علي..مب رايح له مرة ثانية
شهد:اوكي بس انت روح له

((ف المستشفى))
سالم:سلام
فيصل:خير وش عندك جابك ولد شهيد
سالم:رد السلام واجب
((وقف حامد اخو سالم عمرة 20 سنه))
حامد:هلا سالم ادخل
سالم:اشلونك يبه
فيصل من غير مايطالعه:بخير
سالم:متى راح تخرجن هنا
فيصل:وش دراني
سالم:يالله انا رايح...تامر ع شي يبة
ابتسم فيصل/ايه لا ترجع مرة ثانية
حامد:يبة حرام عليك...((لف لاتجاه سالم))سالم ياخوي ابوي مايقصد الي يقوله ...تراه تعبان
فيصل:لا اقصد...روح عن وجهي ...كل ماشوفك اشوف خالك...وهذا الي يحرق قلبي...مات قبل مانتقم منه
انجرح سالم منه وقال بصوته الحلو:
جبتها ع الجرح وكانك مادريت
وانت قاصد ماهي عني اصدفه
والدليل انك تبسمت ومشيت
وانا ناديلك ولا يمي التفت
من عرفتك وانت تجرح مااكتفيت
دنيتي وهي دنيتي من اكتفت
اقوى صدمه من يدينك خذيت
وهذي صدماتي الجديدة شرفت
انصدمت بوقتها كاني انغميت
كل قطرة دم بعروقي انشفت
وانهدم جدام عيني مابنيت
والضنون الطيبة بلحضة اختفت
هذا حضي من على الدنيا وعيت
كل مضوي شمعة في دربي طفت
مع جميع الناس ياربي وفيت
ليه بس الي معي دمعى وفت


فتح فيصل اعيونه:الاغنية الي غنتها شهد
((حس فيصل بجرح سالم))
فيصل:سالم
مسح سالم دموعه:انا رايح تبون شي
فيصل:ايه
سالم:امر يبة
فتح فيصل يده لسالم:تسامحني
ركض سالم له وحضنه:ليش يبة ليش,,,,ليش تركتني يبه...ليش خليتني بروحي
فيصل:سامحني
سالم:مسموح يالغالي ....مسموح
فيصل:انا اسف
سالم يبوس راسه:لا تتاسف
فيصل:قول لامك تسامحني
شهد:مسموح
سالم:يعني سامحتي ابوي
شهد:ايه
((باس سالم راسها وايدها))
شهد ودموعها ع خدها:يعلني اشوفك معرس
سالم:يبه ابي اتزوج
راكان:ولي ع هذي السالفة
الكل:هههههههههههههههههههههه
شهد:زوجه
سالم:ايه ايه زوجني ارجوك
راكان:خلاص خلي امك تدور لك وحده
سالم:لا انا حاط عيني ع احد
شهد:مين هي
سالم:بنت عمتي ميعاد
شهد:خلاص ولا يهمك
حميد:ايوة ايوة مين قدك
حمدان:يبه ابي اتزوج
حميد:وانا بعد
راكان:تشب انت وياه .. ولا النعال ع راسكم
الكل:هههههههههههههههههه
دخل شهد الصغيرة من الباب:عموة
راحت شهد لها وباستها ع خدها:ياقلب عموه انتي
دخل غيث وليث من باب المطبخ معهم كيك كبير ويغنو:ست الحبايب ياحبيبه ياغلى من روحي ودمي
لفت شهد لراكان:وش السالفة
وقف راكان وباس راسها وراه حمدان وحميد وشيخة وسالم:كل عام وانتي بخير يا اغلى ام بالدنيا
شهد مستغربة:وش السالفة
راكان:اليوم عيد الام
حطوا غيث وليث الكيك ع الطاوله وراحوا لها وباسوا راسها
غيث:بشنو نجازيك
ليث:لو اقول من اليوم لاخر يوم ف عمري شكرا ماراح اوفي حقي
غيث:انتي عمرك مابخلتي علينا بشي....انتي امي وانتي اختي
ليث:انتي ابوي وانتي اخوي
غيث:انتي كل شي بعمري
ليث يبوس رايها وخدها:كل عام وانتي بخير يااغلى ام ياامي
غيث:كل عام وانتي بخير يام سالم
حضنتهم شهد بقوة جلست تبوس راسهم بقوة:انتوا عيالي قبل اخواني...انا وسالم ربيناكم
....انا مابي منكم شكر بس ابي اشوفكم فرحانين
((دخلت سمر ولبنى معهم كياس بايدهم))
سمر تبوس راس شهد:هذي هديه من من شهد وسالم عيالي,,,لعمتهم
((كانت الهدية عبارة عن طقم الماس ضخم لها))
باست شهد سمر:ليش عذبتي نفسك
سمر:وين العذاب ف اني اجازي اعضم ام ف التاريخ
تقدمت لبنى:اما انا دورت لشي اعطيك اياه تكون ذكرى وترها من شيخة وحامد وابوهم غيث
((فتحت شهد الهدية وعبارة عن صورة لشهد وسالم وغيث وليث حاضنين بعض...امكن انتوا تشوفوا الهديه عادية...بس كبيرة بقلب شهد))
شهد لغيث:من وين لك هذي الصورة
غيث وعيونه ف لمعة:لمن كنت ف البيت اول يوم زواجك كنت رايح اجاب لسالم ماي كان تعبان...فتحت الادراج لقيت هذي الصورة ...وصورة امي وابوي احنا معهم...خذيتهم واحتفضت فيهم
شهد ودموعها تنزل:انت تعرف ام لي 24 سنه ادور ع الصورة هذي...هذي الصورة الوحيد لسالم واهوا كبير
حضنها غيث:اسف يالغالية
شهد:لا عادي
حمدان يناضر الكيكة:اقول خلصوا الفلم الهندي اريد اكل الكيك
حميد:ايوة والله طول المسلسل
شهد:هذا الي انتوا فالحين فيه الاكل والمولات
حميد:حرام عليك يمة احنى مانخرج من البيت طوال الوقت نذاكر
ليث:راكان تراهم عندهم شرايح حق المغزلية
حمدان:خالي حرام الكذب
ليث:الحين خالي
حميد:يبة تراه يكذب
راكان:اجول روح كذب ع امك مو علي اليوم تطلعوا جميع الشرايح,,,ولا والله اسحب منكم السيارات والتلفون..غير الحجز مدة 4 شهور
حمدان:لا الحين اجيب الشرايح
حميد:وجيب شاريحي...انا مو قادر انحبس 4 شهور
الكل:ههههههههههههههههههههههههههههه
خرجت شهد للحديقة البيت ورفعت راسها للسماء وقالت ف خاطرها
:سالم نفذت وصيتك ياسالم...كبرت غيث وليث...ودرستهم باحسن المدارس...وزوجتهم...وجابوا عيال شهد وسالم وشيخة وحامد...ااااااااااااااااه ياسالم
يارب توكون راضي علي
راكان:وش تسوين
شهد تطالعه بحب:ماشي
راكان يحضنها:علي
شهد:اليوم احس اني خلاص نفذت وصية سالم
راكان:امممممم..ع اليوم
شهد:وش
خرج راكان من جيبه صندوق وقدمه لها:فتحيه
فتحت شهد الصندوق وكان خاتم ضخم كله الماسات:وااااااااااااااااااااااااااو ...مرة حلو
رفعت راسها وعينوها مليانه دموع:مشكور ياقلبي
راكان:كاذا ياقلبي حافي
باست شهد راكان ع خده:احبك
سمعوا صوت حمدان:اخخخخ ياقلبي ع الرومانسية
حميد دايخ فوق حمدان:الحقني الحقني..ماقدر ع الحب انا
راكان:وش عندكم هنا
حميد:هذي الشرايح يايبه
اعطوا ابوهم الشرايح وراحوا
راكان لشهد:انا اليوم عازمك ع مطعم
شهد:الحين
راكان:ايه الحين
شهد:دقايق اروح ابدل
راكان:لا ماله داعي انتي كذا تجنين
شهد:راكان
قرب راكان منها:عيونه
شهد:احبك
راكان يدور بها:وانا اموت فيك


من داخل البيت الكل يناضر شهد وراكان من الشباك

((
**سالم:خطب بنت عمته وعيش مرتاح عند امه شهد وابوه راكان...ويزور ابوه فيصل
وعنده شهد وراكان وفيصل

**نورة:رفضت انها تتزوج,,,لاكن لمن وصلت 30 سنه غصبها راكان تتزوج دكتور سالم الله يرحمه..الدكتور هيثم...الي اخبر راكان انه عقيم...مايقدر يجيب عيال...ولاكن حب نورة من كلام سالم الله يرحمه المستمر عنها...وانه كان يدخل ع سالم وكان يون من الالم وطوال الوقت يناندي باسم نورة...وافقت نورة علية..واستحمل جفها وكلامها المسموم لين تعلقت فيه وصارت تموت عليه...لاكن بارادت الله حملت نورة ومعها ولد وسموه موهاب
**غيث وليث
غيث:الطفل الهادء والعاقل
ليث:ابو لسان طويل
كيف قدروا يستحملوا موت سالم وهم صغار...وحبهم الكبير لشهد((الحين مرتاحين مع زوجاتهم واولادهم))
**فيصل:كان انسان ماهمه الا نفسه بس بعد موت ابوه تدهورت الشركة ومسكها رجعها احسن من اول...قسى قلبه ع سالم ولده لانه يتذكر ضلمه لسالم تاب...ورجع علاقته احسن من اول مع ولدة..وصار يطلعوا عائلته وعائلة راكان وصاروا اسرة مقربة من بعض

**شيخة:تزوجت ولد عمها راشد والحين اهي حامل ببنت واتفقوا اهي وراشد يسمونها حور العين

**محمد:تزوج ع بنت عمه دانه بعد محاولات فاشلة انه يتزوج نورة...وعايش حياته مع زوجته والاده

**حميد وحمدان:عايشن حياتهم كل يوم لهم مشكلة وراكان يروح يحلها وكل شهر لهم سيارة جديدة وغير الترقيم ف المولات ...لاكن الحين طايحين ع ابوهم يزوجهم...وراكان رافض لين يتعدلون...وعشان يثبتوا لابهوم داوموا ف الشركة مدة يومين وماقدروا يكملوا بعدهم ع حالهم


**راكان:الحنون الطيب الخلوق...خفض وصيه سالم ...واهتم ف اخوانه وحطهم بعيونه...وحبه لشهد من كانت صغيرة...ووقوفة معها ف الحلوة والمرة..وغير وقفتته مع نورة الي صارت دكتورة نفس...والحين عايش مرتاح الا ان حميد وحمدان معذبينه


**شهد:الام الحنونة...الاخت الصادقة...لو كتبت عشرين صطر ماراح اووفيها حقها...صبررت ع عذاب فيصل...وموت سالم..وحملها...وزواجها من راكان..ومسكت الشركات ...اشياء كثير سوتها...والحين استقالت من الشركة اهي وراكان...وسلمت كل شي لغيث وليث وسالم واولاد محمد وخالد وعيال عم راكان...بس الادراة لشهد يعني مايصير شي الا بشورها وماشيه الشركة


**سالم:الاخ الي ضحى بكل شي لخوانه...هرب بهم من جشع ابو فيصل...وحبه الكبير لنورة...بس ماقدر يكمل معها والمرض اكل جسدة....انا ماعرف ايش اوصف سالم بس راح اكتفي بكلمتين الحنون والوفي




&&&تـــــــــــــــــــــــــــــــــمـــــــــ ـــ ـــــــــــــــت&&&


هذي قصتي جبتها ع الجرح
مع تحياتي:امنيه حنيني


والقاكم قريبا في روايتي القادمه

 

[MISS ZOZO]

واااااااااااااااااااااااااااااااااااااااااو قـصـه رووووووووووووووووووعه من قلب



يسلموووووووووو حيااااااااااتي على القـصـه >>> كأني عشت الدور معاهم لوووووول

 

[امنيه حنيني]

واااااااااااااااااااااااااااااااااااااااااو قـصـه رووووووووووووووووووعه من قلب



يسلموووووووووو حيااااااااااتي على القـصـه >>> كأني عشت الدور معاهم لوووووول

والله انتي ارووع يالغلا

 

[ASOOMA COOL]

يسلموووووووووو حبيبتي ع القصه ولله اني بجيت مع شهد يوم يموت اخوها فديتها

 

[Bq]

يعطيج الف ألف عافيه ع القصه الحلوه ما قصرتي

 

[جوريه92]

واااااااااااااااااااااااااااااااااااااااااااااااو
نهايه نايس
لكن ما كان الروايه قصيره