~~..روايتي الأولى ..شوقــــي المـــفـــضـــوح ..~~

[شوقي مفضوح]

رد : ~~..روايتي الأولى ..شوقــــي المـــفـــضـــوح ..~~

المطار ..

نوره و فاطمه يسلمون على بعض و مو مصدقين ان خلاص بتسافر و مرح تشوفها مده طويله ..

فاطمه ( تبجي ) : نووووره دربالج على نفسج ..( تشاهق ) ..درباالج نوره دربالج ..انتي ما تستاهلين الي يصيرلج ..

نوره ( تبجي معاها) : مو بايدي شي يا فاطمه شسوي انا ؟ حتى اخواني مو بصفي ..

فاطمه : ميخالف الله ياخذ حقج ..

طبعاً بقولكم شغله تصدمكم ..

مشعل & عبدالله ..

درو ان فاطمه خذت علي و مقصوبه ..و علي اكبر منها بـ 15 سنه..و اهما ما همهم و لا شي ..الي يهمهم دراستهم ..

و مستقبلهم ووظيفتهم ..



مشعل يايهم مستانس ..

مشعل : يلا فطوم ..وين ريلج ؟ ..يلا خنمشي قبل لا تطير الطياره ..

فاطمه ( تطالعه من فوق لي تحت..وردت تطالع نوره ) : مع السلامه حبيبتي ..

نوره ( تطالع الأرض ) : مع السلامه ..


تيمعو كلهم ..سالم ..نوره ..مشعل ..علي ..عبدالله ..

و راحو ركبو الطياره ..

نوره حست بقمته و قامت تصيييييييييييييح عند الكاونتر ..

علي ( لامها ) : نووووره شفيج حبيبتي شفيييج ..

سالم : نوره يبه شدعوه كلها علاج ..

مشعل : نوره عيل انا شقول بقعد فيها 9 سنين ..انتي كلها جم شهر و تردين ..

عبدالله : افا يابنت عمي ..ماكو الا العافيه ..

علي : نوره حبيبتي انتي ..( يمسح دموعها ) ..خلاص انا يمج تخافين من شنو ..

نوره ..تشاهق و مو قادره تتحمل السفره ..

سمعو هالأغنيه .. http://www.youtube.com/watch?v=-MPYk2Zl3X8


يا دمع عيني خف جرحت عيني .. والعين تبكي خوف تفقد بصرها
كف يا دمع ماودي انك تجيني .. بنسى عسى نفسي تدارى خطرها

ودي الصبر والوقت يرحم انيني .. والنفس من ذا الصبر تجني ثمرها
يا غير صبري مل والله يعيني .. والروح تبكي ضايقه من صبرها

هو صاحبي كفى ودمر سنيني .. كان الامل كان لحياتي عمرها
كان الوفى والشوق يموت فيني .. هو دنيتي ملهم عيوني نظرها

هو غايتي هو راحتي هو ضنيني .. هو مهجتي بالحب نفسي غمرها
يا حيف وقتٍ حال بينه وبيني .. و اتبدلت الاحلام لحظة سفرها


واللي انكتب ووانصار وسط الجبيني .. لابد ها الايام تكشف خبرها
يا دمع عيني خف جرحت عيني .. والعين تبكي خوف تفقد بصرها


ركبوها الطياره ..و سالم حاس بتأنيب ضمير ..حس ان غلط ..بس مابيده شي ..

علي ..كل ماله و يتعلق بنوره أكثر و أكثر ..

نوره ..كرهت حياتها ..خلاص السنه التمهيديه بالطب راحت عليها ..مرح تقدر تدرس ..

مشعل & عبدالله يسولفون عن تخطيطاتهم بالدراسه ..



بيت بوعلي ..

ام علي : اخيييه البيت فاضي من غير عبدالله و علي ..

بوعلي : عادي هذي سنة الحياة ..

ام علي : اي والله شنسوي بعد ..

بوعلي ..رن تلفونه و توتر لما شاف الرقم ..

ام علي : رد ..

بوعلي : هااا ..لا لا مو مهم ..

ام علي : اها اوك ..




قرطبه ..بيت بوناصر ..

اليده ..: ياويل قلبي يا ام ناصر ..هالحزه ..نوره تشرب معاي جويهه ( جاي ) ..و مشيعل يطفرني ..و قعدت تبجي ..

ام ناصر ..: اخنقتها العبره ..اي والله خالتي صدقتي ..و نوره بعد ما تهنت لا بحايتها و لا بدراستها و لا بريلها ..

اليده : شنسوي بعد ..هذي كتبة الله ..

ام ناصر : و نعم بالله ..

ناصر نزل ..

ناصر : السلام عليكم ..

اليده + ام ناصر : و عليكم السلام

اليده : هلايمه تعال ..

ام ناصر : تغمزله ..شلون دانه ..

ناصر ( استحى ) : هممم زينه دانه ..

اليده ( تخز ناصر ) : هاو منهي دانه ؟

ام ناصر : هذي ان شاء الله رح تكون جنتي ..وليدي ما خش علي و قالي عاجبته و يبيها ..

اليده : ويييييييه دانه ..من صجك انت تاخذ دكتوره ؟ خفارات و دوام تالي الليل ..

ناصر : عادي يدتي اضبط خفارتها ..او انقلها المستوصف الي يم بيتنا ..

اليده : اذا اجذي توكل على الله يمه ..

ام ناصر : الي الله كاتبه بيصير ..بس خل تستقر حالة اخوانه ..تالي يصير خير ..


بالحديقه ..

بوعلي : شفيج انتي شفيج جم مره قايلج لا تدقين و انا بيتي ..
....: ..........


الاقيكم بالبارت الي بعده:eh_s(8):

 

[Miss.blue berry]

رد : ~~..روايتي الأولى ..شوقــــي المـــفـــضـــوح ..~~

ثيــــنكيو على البارت ~~~
بس مو جنه قصير ...نبي بعد بارت لووول ....تساحل لوول
امم و مسكينه نوره ما كملت دراستها و راحت عليها السنه ~~
و انشالله الله يوفقها مع علي ~~
نــاطرين البارت الياي

 

[6amni bs]

رد : ~~..روايتي الأولى ..شوقــــي المـــفـــضـــوح ..~~

كملييييييي

 

[MeeMeeYoo_2]

يعطيج العافيه


ناطرييين

 

[شوقي مفضوح]

رد : ~~..روايتي الأولى ..شوقــــي المـــفـــضـــوح ..~~

ثيــــنكيو على البارت ~~~
بس مو جنه قصير ...نبي بعد بارت لووول ....تساحل لوول
امم و مسكينه نوره ما كملت دراستها و راحت عليها السنه ~~
و انشالله الله يوفقها مع علي ~~
نــاطرين البارت الياي

welcome حبيبتي

احم اي اهو قصير

اي حدها تكسر الخاطر وعليه:eh_s(2):

آآمين:eh_s(2):

ان شاء الله


:aha:

 

[شوقي مفضوح]

رد : ~~..روايتي الأولى ..شوقــــي المـــفـــضـــوح ..~~

كملييييييي

ان شاء الله

حياج الله

:eh_s(21):

 

[شوقي مفضوح]

رد : رد: ~~..روايتي الأولى ..شوقــــي المـــفـــضـــوح ..~~

يعطيج العافيه


ناطرييين

الله يعافيج

حياج الله

:33_1185028183:

 

[شوقي مفضوح]

رد : ~~..روايتي الأولى ..شوقــــي المـــفـــضـــوح ..~~

احم :eh_s(22):

حبايب قلبي اول شي اشكركم على التشجيع الحلو :eh_s(22):

و المتابعه :eh_s(22):

ادري بارت اليوم قصير :eh_s(22):

شسمه أوعدكم بالبارت الياي يكون طويل و ترى أحداثه رح تكون قويه ..:eh_s(13):

see you:eh_s(22):

:stars:

 

[dlo3t^baba]

الروايه رووووووووووعه
اسلوووبج حلووو ماشاء الله
يعطيج العافيه حبيبتي وتسلميين

 

[شوقي مفضوح]

رد : رد: ~~..روايتي الأولى ..شوقــــي المـــفـــضـــوح ..~~

الروايه رووووووووووعه
اسلوووبج حلووو ماشاء الله
يعطيج العافيه حبيبتي وتسلميين

حبيبتي عيونج الحلوه :eh_s(21):

الله يعافيج

:aha:

 

[Miss.blue berry]

رد : ~~..روايتي الأولى ..شوقــــي المـــفـــضـــوح ..~~

نبي بااارت

 

[dlo3t^baba]

نريد بارت

 

[دلووول الكويت]

يعطيج العافيه حبيبتي ع القصه الحلوه
نااطرييييينج ^_^



...

 

[شوقي مفضوح]

رد : ~~..روايتي الأولى ..شوقــــي المـــفـــضـــوح ..~~

نبي بااارت

ان شاء الله :nbvppw:

أشكرج على التشجيع و المرور الحلو

:eh_s(22):

 

[شوقي مفضوح]

رد : رد: ~~..روايتي الأولى ..شوقــــي المـــفـــضـــوح ..~~

نريد بارت

لوووووووووووووول

ان شاء الله حبيبتي

اريدكم تنتظروني


:edbf4317b9:

 

[شوقي مفضوح]

رد : رد: ~~..روايتي الأولى ..شوقــــي المـــفـــضـــوح ..~~

يعطيج العافيه حبيبتي ع القصه الحلوه
نااطرييييينج ^_^



...

الله يعافيج حبيبتي

عيونج الحلوه


:hearting:

 

[شوقي مفضوح]

رد : ~~..روايتي الأولى ..شوقــــي المـــفـــضـــوح ..~~

المستشفى ..

د.ناصر ..دش على مكتب د.دانه .

ناصر ( مبتسم ) : هلا بحبيبتي و ام عيالي و كتاكيتي ..

د.دانه ( استحت ) : ههه ام عيالك مره وحده ..

ناصر ( يغمزالله ) : وافديت الي يستحون ..لا لا بتيبين درزن ها هههههههه..

د.دانه : الله يرزقنا ..ههههههه

د.ناصر : اقول دانه حبيبتي ..ابي اكلمج بموضوع ..

د.دانه : شالموضوع حبيبي ..؟؟

د.ناصر ( يأشر على مكتبها ) : اول شي هالدوام اتغيرينه ..(يأشر على راسها) ..تلبسين حجاب نفس البنات المحترمات ..
( يأشر ع الجنز الي لابسته ) ..بنطرونات مابي ..(يأشر على حلجه ) ..حمره حمره برا غرفتنا ماااااااكو ..(يأشر على عيونه)..كحله فرعونيه لاااااااااااااااااء ..(يأشر على راسه ) ..مفهووووم ؟؟


د.دانه (فار دمها) : نعم نعم ..دوامي اسفه ما اغيره انا مرتاحه فيه و مرتاحه من معاملة مسؤولنا ..و اتحجب انا مأجله هالموضوع ..و بنطروني حداا عملي بالنسبه لشغلي ..و حمره خير يا طير مافيها شي ..و ان شاء الله الكحله شفيها ؟؟
تبيني اطلع عيوني بيضه ؟؟..لا مو مفهوم ..

دانه من النوع الي ينعاد و الشي يركب راسها و ما تغيره ..و اهي مدلله حييييل وحيدة امها و ابوها ..و ما ينرفض لها طلب ..
و سالم طلب منها شروط تعجيزيه ( بالنسبه لها يعني ) ..و اهيا جميييييييييله و سالم يحقله ان يغار طبعاً هذي بتكون زوجته ..


د.ناصر ( حس وده يسوطرها ) : سمعي يا بنت الناس ..كلمتي انا ما اثنيها (يعني ما اقولها مره ثانيه ) ..بتسمعين الكلام قصبن عنج ..

د.دانه(ترفع حاجبها) : و الي يقول اني مرح انفذ و لا شي من الي قلته ..

د.ناصر( يصرخ) : دااااااااااااااااااانه ..لا تحطين راسج براسي ..

د.دانه : لا بحطه مو انت الي اتحكم فيني ..

د.ناصر ( انجرح حييييل ) : ماشي يا دانه ماشي ..و طلع من المكتب ..




حصه ..طبعا درت و كانت تسمع حسهم عالي ..و كانت ناويه على شر ..و قاعده اتخطط ..والله يستر منها ..






جنوب السره ..



بوعلي ..دش بيته <<الأخ طلع متزوج

عذاري : اهلييييييييييييييين باباتي ..

بوعلي : هلا هلا يبه ..شلونج بنيتي ..

عذاري: بخير يبه جعلك بخير ..

مرته ام عذاري ..: هلا هلا حسين تو ما نور البيت ..

بوعلي : هلا حبيبتي ( يبوسها على راسها ) ..

بنته الثانيه دشت البيت ..

ساره : هااااااااي باباتي ..( باسته على خده )

بوعلي : هلا فيج سارونه ..تعالي باباتي بحظني ..

خالد ..نزل من الدري ..

خالد(يبوس راس ابوه ) : مساك الله بالخير يبه ..

بوعلي: يمسيك بالنور يبه ..

عذاري : باباتي شرايك نطلع انتعشى برا اليوم ..

بوعلي : تم ..قومي بدلي ..

عذاري و ساره و خالد و ام خالد و بوعلي ...بدلو و طلعو يتعشون برا ..

طبعاً بوعلي ..طلع متزوج على ام علي مرته ..لأن ما يابت غير علي و عبدالله و بطلعة الروح و عقب علاج ..و اهو كان يبي عيال ..فـ تزوج عليها ام خالد ..و عياله ما شاء الله مملووووحين يهبلووون ..جمالهم رباني ..



منو يدري بزواجه ؟؟ لو اقولكم منو يدري تنصدمون ؟؟






اليده + ام ناصر ..اهو قايل لهم و محلفهم ما يطلع الحجي برا ..و ام ناصر مالها شغل بالعه موس و ساكته ..




الشاميه ..


فيصل ( يشرب قهوه ) : الا صج رفيجتج وينهي ما تبين ..

فاطمه ( خنقتها العبره ) : نوره بعد عمري سافرت ..( تبجي ) ..زوجوها ..حراااام و الله ما تستاهل ..

فيصل ( انصعق من الصدمه ..نوره !! ) : ووويييييييين سافرت ..؟؟

فاطمه : راحت تعالج بعد قلبي ما تستاهل ..حلمها تبخر ..كانت ودها تصير دكتوره و تعالج الناس ..اللحين اهي تبي منو يعالجها ..و فوق كل هالمصايب ..زوجوها علي ولد عمها و اكبر منها بـ15 سنه ..

فيصل ( انصدمم حييييييييل ) : زوجوها ..؟؟

فاطمه ( تطالعه مستغربه ) : اي زوجوها ..شدعوه عليك مهتم جذي ؟

فيصل : ها لا لا ولاشي ..يلا انا طالع مع السلامه ..

فاطمه ( الله يستر !!) : مع السلامه ..





مدينة كامبردج - بولاية ماساتشوستس الأمريكية.

المطار ..




مشعل : شدعوه هالزحمه ..؟؟

عبدالله : شرايك يعني شوف العرب شكثرهم مكودين ..كلهم يايين يا يدرسون يا يعالجون ..

علي : حبيبتي نوره ..تعبانه تبين تقعدين ؟

نوره : لا عادي انطركم ..بس مطولين ؟؟

علي : لا اللحين يمشي الدور لا تحاتين ..

نوره : اوك ننطر ..

مشعل : وين سالم ؟؟

عبدالله ( يتلفت ) : بسم الله وين بيكون راح يعني ..توه كان يمنا ..

مشعل ( اخترع ) : سالم ما يمشي يا عبدالله ..وين بيروح يعني ..

علي ..يايهم ..: يلا عبدالله ..مشعل يلا يبه يلا ..

مشعل : سالم ساااااااالم وييييينه ...

علي ( يتلفت ) : ويييييييينه ؟؟

عبدالله : توه كان يمنا صوب الجناط ..وين بيروح يعني ..

علي : يمكن بالحمام ؟؟

مشعل : لا لا مو بالحمام يا جماعه شفيكم انتو ..اقولكم سالم على الويل جير ..ما يمشي ..اذا بيروح الحمام يقولي انا ..

نوره يايتهم من بعيد ترررررررررركض بسررررررعه ..

نوره ( اتنفس بسرعه ..و اتكلم بشكل متقطع ) : س ..سـ...ساااالم ...سااا ...لم ..أأأ

علي : نوره شفيج تركضين جذي مو زين على ريلج و جتفج ..وينه سالم ؟ شفيه ؟

مشعل : خلصي نطقييييييييي

نوره : سااالم خذووووووه الأسعااااااف ..




فرايديز ..ع البحر ..


ناصر : آآآآه يا داااااانه جذي تسوين فيني ..؟؟ كل هذا عشان بحافظ عليج ؟؟..و كل هذا عشان اغار عليج .؟؟

دش داخل ..يبي يشرب قهوه تقند راسه عقب النجره الي صارت بالمستشفى ..

مرت بنت يمه : واااااااي يهبل شكله دكتوووووووور

رفيجتها : وااي وااي عسل برقمها ..

ناصر لاعت جبده ..و بقلبه ( الله يستر عليكم وين خوانكم ) ..

طبعاً كل العاده ..زحمه و لازم تحجزين بالأسم ..

القرسون : اسمك ..؟؟( يطالع البنت الي وراه ) ..أأ سوري استاذ بس البنت قبلك ..

ناصر : اوك مو مشكله ..

الرقسون : اسمك ..

عذاري : عذاري حسين عبدالعزيز الـ.....

ناصر ( انصدددددددم ) : ........

القرسون : اسمك استاذ ؟؟

ناصر : ناصر بدر عبدالعزيز الـ....

عذاري ( انصدددددمت) :.......

يا بوعلي ..بس مانتبه من وجود ناصر لأن معطيه ظهره ..

عذاري ( تسوي روحها مافي شي ) : يبه لقيت مسفط ؟؟

بوعلي : اي يبا لقيت اوووف زحمه ..

عذاري : عادي يبه اهني كلا زحمه ع البحر ..يلا وصل دورنا خنطلب ..



ناصر بقلببه ..( منوووو هذي ؟؟ لايكوووون بنت عمي ؟؟ يعني عمي حسين طلع متزوج ؟؟ )

 

[Miss.blue berry]

رد : ~~..روايتي الأولى ..شوقــــي المـــفـــضـــوح ..~~

ثيــــنكيو حبيبتي على البارت الحلووو ~~
ويي عمهم طلع متزوج ~~
عاد الله يستر لا يقول لازم تتزوجون بناتي بس ~~
امم و عاد ناصر انشالله يتحرك و يكلم عمه و يقول منو هذيلا او شي .... لوول يعني عشان يصير في اكشن
امم و قيصل اتوقع انه كان يحب نوره ~~
و الله يتر شبسوي
و دانه اممم يعني هم كانت غلطانه ~~
اوكي اذا مو راضيه بالي يقوله مثلا مو كل شي يعني ناقشي باشياء و اشياء نفذيها مثلااا ~~
بس جذي تعاند اتوقع ما راح يتزوجها امم يمكن يتزوج عذاري او حصوو يمكن تسوي خطه و ياخذها ما يندرى بس اذا دانه ظلت جذي معانده ~~
اممم بس ما قلتيلنا جم اهمار عذاري و ساره و خالد و مواصفاتهم امم و وين يدرسووون لووول ~~
و ناطرين البارت الياي حبيبتي

 

[شوقي مفضوح]

رد : ~~..روايتي الأولى ..شوقــــي المـــفـــضـــوح ..~~

ثيــــنكيو حبيبتي على البارت الحلووو ~~
ويي عمهم طلع متزوج ~~
عاد الله يستر لا يقول لازم تتزوجون بناتي بس ~~
امم و عاد ناصر انشالله يتحرك و يكلم عمه و يقول منو هذيلا او شي .... لوول يعني عشان يصير في اكشن
امم و قيصل اتوقع انه كان يحب نوره ~~
و الله يتر شبسوي
و دانه اممم يعني هم كانت غلطانه ~~
اوكي اذا مو راضيه بالي يقوله مثلا مو كل شي يعني ناقشي باشياء و اشياء نفذيها مثلااا ~~
بس جذي تعاند اتوقع ما راح يتزوجها امم يمكن يتزوج عذاري او حصوو يمكن تسوي خطه و ياخذها ما يندرى بس اذا دانه ظلت جذي معانده ~~
اممم بس ما قلتيلنا جم اهمار عذاري و ساره و خالد و مواصفاتهم امم و وين يدرسووون لووول ~~
و ناطرين البارت الياي حبيبتي

العفو حبيبتي عيونج الحلوه ..:33_1185028183:

لوووووووووووووول

لا لا تو الناس كلشي تعرفونه بالبارت الياي :stars:

المواصفات و وين يدرسون اممم صبري على رزقج لووول :27d66a9c24b146327bf


:33_1185028183:

 

[شوقي مفضوح]

رد : ~~..روايتي الأولى ..شوقــــي المـــفـــضـــوح ..~~

يا بنوتات يا حلوين :eh_s(18):


انا طريقة كتابتي شوي لو تدققون رح تلاحظون شغله ..

فيني غموض بالكتابه ..يعني اكتب الحدث و ما اوضح لكم شنو السبب او شنو ممكن يصير ..

كل حدث وراه غموض ..اوضحه بالبارت اللي عقبه و نفس الشي ..البارت الي عقبه ..

يعني مثلاً مثلاً ..

لما سالم خذوه بالأسعاف ..رح يكون لسبب ما تتوقعونه ..مو تعبان و لا مريض ..

يعني احب اخلي شوي بالحدث غموض و بجذي تحلو القصه :eh_s(21):


:aha: