روايتي آآآآآه من الأجانب

[قمر جنها]

[No message]

 

[انوار الكوويت]

ااب

 

[قمر جنها]

الجزء الثامن عشر


​

(جوري تبكي بصمت , و سالم ينظر اليها): الله يبارك فيك (غطت انفها و فمها بيدها و جرت الى دورة المياه) ..


(تفاجأ فهد و صار يراقب دورة المياه , منتظرا خروج جوري , قال): شفيها ؟


سالم: ما فيها شي , انت تصير لها ؟


فهد: لا , هي ودانه , كانو السكرتيرات عندي , بس , قالت اني خلاص راح ارتبط و طلعت من عندي ..


سالم: ميخالف البركه بدانه ..


دانه: تسلم استاذ سالم (انزلت رأسها , لتقرأ رسالة أحدهم) بعد اذنكم .. ..


محمد: تفضلي دانه .. ..


(ذهبت دانه بعد ان قرأت رسالة الوتس اب من جوري تطلب منها الخروج لتلتقيها بجانب الباب الخارجي لمكان الدعوه).. ..


(ظل فهد صامتا لأول مره , و محمد يتحدث مع سالم بشأن العمل) .. ..



@@@@@@@


(خرجت دانه و رأت جوري تجلس على السلم الجانبي بعيدا عن الانظار تبكي بحرقة).. ..


(دانه متعاطفة): جورية شفيج.. ..


(رفعت جوري يدها من على وجهها شديد الاحمرار بسبب البكاء قائلة): دانووو(ارتمت على صدر دانة و صلرت تجهش بالبكاء).. ..


(دانه تهدئ جوري و تمسح بيدها على رأسها قائلة): جورية اهدي شفيج؟ ما قال شي فهد , شفيج ركضتي تبجين؟


جوري: دانووو , انا ما زعلت منه / بالعكس , شفت بعيونه عتب , هل لاني قلت له احبك و انا مخطوبه , وله اني قطت روحي بحضن هذا , وله لاني لابسه بس مفصخه ,, بس نظرته عورت قلبي .. ..


(مداخلة من دانه): ادري شفته شفته , بس جوريه انتي ما شفتي شصار فيه اول ما دشيتي؟


.........


(فهد بتعجب): دانه!! هذي منو ؟؟


دانه: جوري استاذ فهد ..


فهد: و شفيه هذا ثقه لامها جذي؟ شيصير لها هو؟


دانه: خطيبها ..


فهد: من صجها !!


دانه: ايي , امها راضيه , برضا امها ..


(صرخ فهد قائلا): وين ابوها ؟ شلون يزوجها شايب , نصاب و سكير؟!!..


دانه: ابووها مات من 4 سنين استاذ فهد , و اكيد لو هو عايش جان ما رضا..


فهد: افف , يتيمه بعد , انزين ابوها الله يرحمه متوفي , اخوانها الصبيان شلون يرضون؟!! ..


......


دانه: جوري ويهه كان/ كله ذهوول !! مبين متحسف عليج ,, انا قلت له وحيدة امها و ابوها ,, كان قاعد يطالعني ,, بعدين سرح يمكن حول دقيقه و نص دقيقتين ,, حتى اول ما ييه سالم سلم عليه سرحان ,, اكيد لاحظتيه انتي؟؟


جوري: ايي لاحظته , و لاحظت ان سالم يحاجيه و هو يطالعني .. ..


@@@@@@@@@@@


(في منزل علي , عندما دخلت مريم غرفة حور و حمد , وجدت بدور تجلس مع حور تشاهدان التلفاز).. ..


(مريم باستغراب): بدوره متى ييتي؟! ريلج ريل نمله , والله ولا حسيت فيج.. ..


بدور: من زمان يما , رحت ما لقيت صالونتي رديت على طول .. ..


(سمعت مريم جرس جوالها).. ..


مريم: هذا تلفوني يرن ,, خل اروح اجاوبه , يالله حور يمه قلت اطل عليج , بس مدام عندج سندريلا خل اروح.. ..


(ابتسمت حور قائلة في نفسها): الله سندريلا مره وحده (حور تنظر لبدور بحقد) انا مو قادره افهم!! شلون انتي قادره تخلينهم كلهم يحبونج ,, مالت على حظي .. ..


بدور: حور , ميخالف اسئلج سؤال ؟


حور: اي حبيبتي سئلي , عادي احنا صديقات .. ..


بدور: انتي و حمد كنتو تحبون بعض / وله هو تقدم لج على طول ؟


(غضبت حور و قالت بحقد): ليش معاملته اوحت لج بالحب؟!! مبين ان خطووبه عاديه ,, خذا اللي يبيه مني (ثم ادركت بانه يجب عليها ان تخفف من انفعالها) , امبي بدوره سوري مو قصدي اعصب ,, حطيت حرتي فيج حبيبتي ,, بس كل اللي اقصده ان الرياييل ببداية زواجهم , يحبون حريمهم , يقولون لهم كلام حلو ,, بعدين يملون ,, يتغيروون , كل واحد اول ما تحمل مرته يقلب عليها .. ..


(كانت بدور تنظر لحور بوجهها الملائكي الجميل , فعقبت على كلامها قائلة): لا عادي حور , انا بعد سؤالي سخيف ، بس صدقيني مو قصدي اضايقج (في منتصف حديثها , دخل حمد الغرفة) .. ..


حمد: ها بدوره , انتي هني ؟


(بدور متوتره): ايي انا , قلت اقعد مع حور على ما انت تيي (نهضت لتترك الغرفة).. ..


حمد: الله , الله , الله , شدعوه ,,,, دخلت الشياطين خرجت الملائكه , قعدي يبه قعدي ولهان عليج , ما اشوفج كلش ..


(نظرت بدور لحور وجدتها تنظر لحمد بحقد فقالت في نفسها): امبي انا خل اروح , حوريه شكلها تغار عليه حيل (أجابت حمد): لا والله حمد , انا بنام , تصبحون على خير...


حمد: و انتي من اهله بدوره .. ..


(خرجت بدور مباشرة , فجلس حمد على السرير و شد شعرها قائلا): انتي شنو قايلة لها انا مو قلت لج (صارت حور تتذكر ما حدث بالأمس)...
......


حور: امبي نسيت اقول حق بدوره تترس لي بطول الماي مخلصين كلهم , ماكو الا انزل اييب لي من المطبخ الخارجي اكيد راح الاقي بالثلاجه اللي بره بطول ماي بارد....


(نزلت حور للطابق الأسفل لتجلب الماء , دخلت المطبخ و اخذت بعض قناني الماء , سمعت اصوات غريبه تأتي من خلف المطبخ , خرجت تراقب من هناك , وقفت مكانها مذهوله عندما رأت زوجها حمد مع امرأه تجهلها عاريان بالقرب من المطبخ الخارجي , فصرخت): حمد (نظرت اليه مره اخرى , و ذهبت تجري).. ..


(دخلت غرفتها تبكي بحرقة و تقول في قلبها): كنت حاسه انه يخونني .. ..


(دخل حمد من خلفها يهددها قائلا): تدرين اذا احد عرف شي من اللي شفتيه شراح اسوي ,, راح اطلقج , ف مو من صالحج اني اذا تحجيتي فاهمه ,, (قال ساخرا)لأني متأكد حيل انج ما ودج تردين حق بيت العز , اعتقد ابووي و عمتي ارحم عليج من امج اللي بتراضي ريلها , و ابوج اللي يبي يراضي مرته .. ..


(رفعت حور رأسها باكية): اكيد عمي علي و خالتي مريم ارحم من امي و ابوي و ريلي الخاين .. ..


(رفع حمد يده و لطمها على وجهها قائلا): احترمي نفسج , ولا تطولين لسانج لا اشق حلجج .. ..


.........

حور: انا ما قلت حق احد شي , مو عشانك , عشان لحد يقول ان ناقصني شي , عشان جذي انت خنتني , لاني متأكده ان مو نااقصني شي انت اللي ناقص .. ..



@@@@@@

(توجهت مريم لغرفتها مسرعة لتجيب الجوال الا ان المتصل قد اغلق الخط , رفعت جوالها و نظرت للرقم , استغربت لأنها تجهله).. ..

​

 

[قمر جنها]

مريم: شنو هالرقم؟!! لا و داق علي 3 مرات.. ..


(اتصلت مريم على الرقم المتصل): الوو.. ..


(كانت امرأه): الوو , هلا مريم ,, شلوونج ؟؟


(عقدت مريم حاجبيها استغرابا لانها لا تعرفها): هلا والله , سامحيني يا اختي , بس ما عرفتج منو معااي؟


(ضحكت المتصلة): انا ابتهال , بنت خالة حسين و نورة عيال عمج ...


(استغربت مريم اكثر و صارت تقول في نفسها): ليكون الشيبه مطرشها تقنعني , مينون اذا صج ,(ثم اجابت) هلا فيج هلا والله , شلونكم , شلون اليهال عمار و ليلى , وعبدالله , شلونهم الله يحفظهم ...


ابتهال: والله ليلى زينه , كبرتني /سوتني يده , بس اخوانها بعدهم , عاد انا داقه عليج على هالسالفه ...


مريم: اي سالفه ....


ابتهال: عبدالله ولدي محاجيني يبي يعرس , عاد قلت له عن بدور الله يسلمها ...


(ابتسمت مريم و صارت تقول في قلبها): عاد خوش وليد , الله يهديج عاد و توافقين يا بدوره , (ثم اجابتها) اي والله و النعم فيكم , ما تلاقي احسن منه , الله يعلم ...


ابتهال: الله يبشرج بالخير , خلاص شوفي انتي / متى نيي لها / و عطيني خبر...


مريم: ان شالله حبيبتي...


ابتهال: ان شالله مريم ان شالله , يالله/ مع السلامه ...


مريم: مع السلامه حبيبتي , حياج الله (اغلقت الخط) ....




(ذهبت مريم لغرفة حمد و حور و دخلت مباشرة , تفاجأت عندما رأت بأن حمد قد اتى)...


مريم: حمد !! متى ييت ؟


حمد: من شوي...


مريم: زين يمه ,, عيل وين بدوره ..


حور: خالتي اكيد بدارها .. ..

(كانت مريم متوجهة لغرفة بدور و هي تقول): الله يهديج يا يمه , و ترضين تشوفينه هالمره , يالله بسم الله .. ..


(دخلت مريم غرفة بدور قائلة): ها حبيبة , رحت غرفة حور ما لقيتج .. ..


بدور: شسوي يما ,, حمد ييه شسوي اقعد .. ..


مريم: اييه (تقول في قلبها) شلون ابدي يا ربي (عادت تخاطبها) تذكرين ابتهال ؟


بدور: اللي تصير حق خالتي نوره ؟


مريم: ايي؟


بدور: ايي شفيها؟


مريم: داقه تسلم , و حاجتني تبيج حق ولدها , انا قلت لها اشوف شتقول وارد لج خبر .. ..


(بدور غاضبة): يماا , يعني انتي مو عارفه الرد , شكثر قلت لج ما افكر بالزواج .. ..


مريم: ما يصير يمه بدوره , محد دايم لج .. ..

بدور: عادي ,, اللي خلقني ما ينساني .. ..


(غضبت مريم قائلة): والله اللي خلقج ما يرضى باللي قاعده تسوينه.. ..




(في الحادية عشرة و النصف , عندما كانا مريم و علي يجلسان في غرفة المعيشة , يتابعان احد مسلسلات الدراما المصرية , دخل فهد و لم يلقي التحية , فناداه والده): فهد يبه!!


(وقف فهد مكانه و استدار مبتسما و اجاب): هلا يبا , السلام , ما حسيت ان في احد .. ..

علي: و عليكم السلام ! شفيك ؟ مو نايم ؟


(قال فهد مشوش الذهن): بلا نايم , قصدي لا مو نايم , يالله تصبحون على خير .. ..


مريم: و انت من اهله يمه (التفتت مريم لعلي وجدته ينظر لفهد قلقا , دخل فهد للممر ذاهبا لغرفته) شفته علي , شكله ما يطمن .. ..


علي: شوفي مريم , انا كل مره اقول لج لا توسوسين , لكن فهد صج شكله مو عدل .. ..


(دخل بدر و القى التحية): السلام عليكم (قبل رأس والده) شلونك يبا , شلونج عميمه(قبل رأسها).. ..


علي: هلا يبه حياك الله , بدر , قبل لا تروح دارك , مر غرفة فهد , شكله ما يطمن , اقعد معاه سولف , حاول تخلي يفضفض لك .. ..


مريم: اي والله بدر , روح له ضايعه حواسه مساع , و يقول فيني النوم .. ..


(نظر بدر لهما , و خشا ان يتعب والده , فابتسم قائلا): يبا , عميمه , انا راح اروح له الحين , شبيكون فيه!! ما تعرفونه؟! اكيد شغل , و المشكله ما يكون شي جاايد بس هو قلبه حار , هو بس يرهق روحه بالشغل .. ..





(فهد في غرفته يضع اسطوانة لإحدى الأفلام البوليسية , بذهن شارد , يقول في نفسه): الله !! تاخذين واحد كبرابووج !! معقوله تكونين ماديه و تفكرين بالفلوس لي هالدرجه , لا لا ما اعتقد , عيل ليش تبجي لما باركت لها , يمكن مقصووبه , (يخاطب نفسه) شفيك يا فهد ,!! مالك بالعاده تفكر ببنت لدرجة انك رحت الدعوه و نسيت تقدم عرض الشغل .. ..





(عندما كان بدر يوشك الدخول لغرفة فهد , نادته عمته): بدر , بدر .. ..


(التفت بدر لها): هلا عميمه .. ..


مريم: حبيب عميمه انت , بدر يمه , ابيك لي خلصت من فهد , تعال عندي ابي اكلمك .. ..


بدر: من عيوني الثنتين عمه .. ..


(دخل بدر غرفة فهد , الا ان فهد لم يشعر به فقال باستغراب): فهيييد!!! (نظر فهد لبدر مبتسما) ذكرتني بنفسي امس , حالتي حاله مو حاس باحد ,, شفييك ؟


فهد: ما فيني شي .. ..


بدر: بس ابوي و عمتي قايلين لي ايي اتطمن عليك ,, و انا شايف ان صح كلامهم , فيك شي .. ..


(تنفس فهد بعمق): اي والله فيني شي , فيني شي لدرجة اني اول مره احس اني ابي اتكلم حق احد .. ..


بدر: الله , قويه , شفييك؟؟


(خرج بدر من غرفة فهد بعد ما يقارب الساعتين قائلا): الله , انا طولت عند فهييد , مادري عمتي قاعده ولا نايمه ؟


(صار بدر يطرق باب غرفة مريم): عميمه ,,


بدر: هلا بدر حبيبي تعال .. ..


(دخل بدر لغرفتها قائلا): هلا عميمه .. ..


مريم: تعال يمه ,, بدر ,, بدوره تاخذ بخاطرك ,, كلمها ختوافق على ولد ابتهال خوش ولد .. ..


(بدر ينظر لعمته متفاجئ)...

 

[قمر جنها]

يتبع....​

أتمنى يعجبكم البااارت


بانتظار توقعااااات

 

[انوار الكوويت]

البارت روعه
حمد يغث واتوقع حور ما راح تسكت
وفهد راح يحب جورى ويتزوجها
وبدر راح يقول لعمته انه عبدالله فيه عيوب وجذي
وحسن ليش ما كتبتي عنه
ويعطيج العافيه وعساج على القوة

 

[قمر جنها]

حبيبتي تسلمين لي

ثانكس على التوقعاات

حسن ان شالله الجزء اليااااي


قبلاتي

 

[قمر جنها]

وين البقيه

منتظره آراءكم و توقعاتكم

 

[انوار الكوويت]

بليز نبي بارت

 

[قمر جنها]

من عيوني انونه

على ما اجهزه انزله على طول

 

[قمر جنها]

هنوووءه
معي احلى
سلطانة الاحساس
نمله معضله
مس روما نسيه
ورده
ناطره اراءكم بالبارت 18 ،،، و اذا الله اراد راح اجهز ال 19

 

[معي احلى]

لاتتوقعي رد اكثر من هلمي بالباقي .. هلمي ب الباقي ..

 

[قمر جنها]

ما عطيتيني رايج

 

[قمر جنها]

ولا توقعااتج

 

[Ms.romanceya]

اتوقع انه رح يزوجون بدور غصب
و بدر و بدور يكتشفون عن حبهم

و حور ما رح تسكت لحمد

و فهد رح يعشق جوري و تتطلق من سالم ​

 

[قمر جنها]

تسلمين لي حبووبه على التوقعات

 

[قمر جنها]

هنووووءه شنو توقعاتج و آراءج

 

[قمر جنها]

وين هناء

وين الباجيين

الباارت اوشك على الانتهاء

متابعتي الصامته فديتج ،،، قريتي البارت ال١٨ ولا بعدج

 

[قمر جنها]

هنووووءه متابعتي الاولى ،،، قريتي البارت ال١٨ حبي ولا لأ

انا ناطره رايج يا عسل

و البارت ال١٩ اوشك انزله

 

[قمر جنها]

الجزء التاسع عشر​

(بدر ينظر لعمته متفاجئ , و قلبه يخفق قائلا في نفسه): الله يسامحج يا العمه , انا اقول لها ! خل ارضى انا عشان اقدر اخليها ترضى .. ..


مريم: عرفته يمه , عبدالله ولد ابتهال .. ..


(قال بدر , و كان صوته قد تغير): ايي عمتي اعرفه , بس مو كبير عليها شوي , اقصد كان معاي بالمدرسه , لا مو كبير قصدي .. ..



(مريم باستغراب): الله خير حافظ شفيكم عيال اخوي اليوم !!؟ هو لا مو كبير , بينه و بينها 3 سنين بس , عمره مناسب , و اسم الله عليه محترم كل منو يمدحه , و هي اقول لها احنا مو دايمين لج ,, تقول لي اللي خلقني ما ينساني ,, و نعم بالله / بس اللي براسها براسها ماكو فايده فيها , عشان خاطري بدر حبيبي تلين بالها , انا اشوفها تحط لك خاطر ..


بدر: بس عمه , انا اشوف , ان المفروض ما نضغط عليها , ووو .. ..


مريم: بدوووور يمه , لا تعلني تقول لي حجي ابوك .. ..


بدر: لا عميمه , قصدي .. ..


(قاطعته مريم قائلة): لا قصدي ولا مو قصدي , حاجها يمه , حاجها حبيبي عشان خاطري .. ..


بدر: ان شالله عمه ان شالله , يالله عميمه تصبحين على خير .. ..


مريم: و انت من اهله حبيبي .. ..


@@@@@@


(في اليوم التالي , في الشركة عند علي) .. ..


(دخل حسن يلقي التحيه على دانه قائلا): صباح الخير دانه.. ..


(رفعت دانه رأسها و اجابته مبتسمه): هلا حسن صباح النور .. ..


حسن: شنو تسوين من الصبح ؟


دانه: امس طلعت مبجر ما كملت شغلي , فييت مبجر قبل لا ايي استاذ علي اخلصهم .. ..


حسن: انزين عطيني اساعدج .. ..


(تفاجأت دانه سعيده): صج !! تعرف اسباني ؟؟


(عقد حسن حاجبيه مستغربا): اسباني !!


(ضحكت دانه قائله): ايي شفيك ؟


حسن: انا على بالي انجليزي طول هالفتره .. ..


(دخل علي و القى التحية): السلام عليكم , حيا الله الشباب..


حسن و دانه: و عليكم السلام .. ..


علي: ها دانه يبه , ترجمتي الرسايل .. ..


(دانه تتذكر فهد مع جوري و تجيب خائفة): بصرااحه , انا امس تعبت و ييت مبجر اخلصهم .. ..


علي: ميخالف يبه قواج الله , اول ما تخلصينهم يبه ييبيهم لي .. ..


(كان حسن ينظر لدانه سارحا و يخاطب نفسه): لا لا مو صج , جميله و دمج عسل على قلبي .. ..


(رأته دانه و نادته): حسن !!


(ابتسم حسن و اجاب): هلا حبوووبه .. ..


دانه: سرحاان ؟!


(كان حسن ينظر بعيني دانه): ايي سرحاان , سرحاان بجمالج ,, مو مصدق ان وحده حلوه و روحها بعد حلوه ..


(خجلت دانه الا انها اجابت واثقه): طبعا طبعا , ما قلت شي يديد (ابتسمت) حسن .. ..


حسن: عيون حسن .. ..


دانه: خلنا اصدقاء احسن .. ..


حسن: ليش ؟ ليش اصدقاء احسن ؟؟


دانه: بس احس ما احب ارتبط بواحد صغير .. ..


حسن: صغيير!! ليش انتي جم عمرج مثلا ؟؟


(ابتسمت دانه): انا 22 .. ..


حسن: لا والله !!! , تقولين عني صغير و انا اكبر منج ب3 سنين ؟؟


دانه: ايي صغير , انا اتمنى شريك حياتي يكون اكبر مني ب5 سنين عالاقل , عشان يكون ناضج .. ..


حسن: و منو قايل لج / ان يصير ما اكون ناضج , وانا ولد على القاسم , جان الله وكيلج لي يومج انام بفنقر و اقعد بفنقر لين اصير ريال .. ..


(دهشت دانه قائلة): من صجك حسن و انت هالكبر ؟؟


حسن: ايي من قلب من صجي , سئلي عنه , شهير ابووي , جدام اي احد نتفنقر انا و اخواني اذا غلطنا .. ..


دانه: لا بس مابيك حسن , اخاف تكون معقد تحط حرتك فيني .. ..


حسن: لا هو يفنقر الشباب , بس نصير المرأه , كل شي ولا احد يدوس على طرف حق بدوره .. ..


(ضحكت دانه قائله): والله يا حسن , انت اللي روحك حلوه.. ..


حسن: اشكرج اشكرج اخجلتم تواضعنا , عيل ليش تصديني مثلا .. ..


دانه: بس , بصراحه , ابي اكون صريحه معاك , انا صارت لي شغله بالماضي .. ..



(قاطعها حسن قائلا): لا دانه لا بليز , انا ما اطالبج تقولين لي اي شي صار لج بالماضي حبي , ايا كان هالشي , تهميني الحين / حاضرج شنو , واذا الله كتب / مستقبلي شلون ممكن يكون معاج .. ..


(ذهلت دانه قائلة): صج عاد ؟! اذا صج !! صح كلامك انت ناضج , اسلوبك مو اسلوب يهالوو , بس همن اسلوبك شبابي بعض الشيء .. ..


(ضحك قائلا): اقول لج متربي على فناقر ,, و ما تبيني اسلوبي شبابي !!! عشان خاطري , عطيني فرصتي , واذا ما عجبتج سحبي علي مره ثانيه .. ..


دانه: خلاص اوكي .. ..


حسن: الله يبرد قلبج مثل ما بردتي قلبي , و تأكدي اني ماخذها جد السالفه .. ..


@@@@@@@@@@@


(خرجت بدور من منزل علي تجري باتجاه بيت ام جاسم , وصلت و صارت تضرب الجرس و تطرق لكن احدا لم يجب , عادت للمنزل متوتره و توجهت لوالدتها بالمطبخ قائلة): يما , حمد ما يرد عالتلفون , و ماكو احد ببيت ام جاسم / شنسوي .. ..


(اجابت مريم بهدوء): شوي شوي يمه لا تخافين , هي تصرخ خايفه من عوار الطلق , ما راح تولد الحين (تضحك) .. ..


(تذمرت بدور قائلة باستغراب): يما !!! شفيج تضحكين !! البنيه تصرخ و انتي تضحكين .. ..


مريم: انا اضحك عليج مو عليها يا حظي , صعدي عندها خل اجرب اتصل على احد .. ..


(حينما خرجت بدور من المطبخ تجري لتصعد لحور و تواسيها كانت تناجي الله عز و جل قائلة): يا رب تدز لنا ملاك رحمه يهون عليها .. ..


(في هذه الأثناء دخل بدر المنزل و القى التحية): السلام عليكم , شنو هالصراااخ !!؟ شصاير؟ .. ..


(التفتت بدور لبدر , فذهبت له قائلة): بدر , الله يابك .. ..

يتبع....​