رد: روايتــــــــي الاولـــى بعنوان [مذكرات ملاك ] رواية واقعيه كوميديــه
البارت الثالث
فهد يطالع السياره اللي يمه : جويسم شوف شوف مو جنها هاذي ..بدور ..
جاسم طالع البنت وانصدم حيل ويهها صار جذي -_- ويقول بقلبه : معقوووله هاذي انتي بدور وبنتج اللي يمج .معقووله انتي اللي قبل حبيبتي واحبج اكثر من نفسي ..أنتي هاذي ..صج الدنيا دواره ..وقام يخزها بدون لاتدري
نرد سنه 2006
بدور + جاسم بمواقف الجامعه
بدور : أنا اسفه جاسم ماقدر اكمل معاك حياتي واكون زوجه تكفى سامحني ..
جاسم : صج انج مو كفو انا عطيتج حياتي كلها وضحيت عشانج اخر شي تقولين ما اقدر ..
بدور : والله ياجاسم انا مضطره حيل ابوي مو داشه بمخه فكره الزواج ..وقالي تتزوجين ولد عمج غصبن عليج .واكرهه حيل .بس والله ورافع سابع سما اني احبك وماراح انساك وطول عمري بتذكرك
جاسم : شلوون تبيني اشوفج مع واحد غيري شلون بغير حياتي وانساج ..شلون تبيني ماتذكر وحده قضيت معاها كل اللحظات الحلوه..شلون تبيني انسى وحده عطيتها قلبي وكل عمري قوليلي ؟؟
بدور : والله اسفه جاسم سامحني غصب عني
جاسم : بدور خلاص انتهت السالفه انتي روحي طريجج وانشالله الله يرزقج بالزوج الصالح وانا ببروح بطريجي وكل شي بيننا انتهى خلاص ..
بدور : جاسم ديربالك على نفسك .. مع السلامه
راحت وعطته ظهرها
جاسم :يطالعها وكل عيونه دمووع
نرد للواقع
فهد : اوهو جاسم شفيك تنحت نحن هنا ..جاسم لاتضيق خلقكك عليها هاذي وحده ماتسوى
جاسم مارد عليه وقال : انا برد البيت
فهد : شنو الحين احنا طاقين درب اخر شي تقول نرد البيت ..لا يمعود
جاسم : مو عاجبك كاهو تكسي قدامك انا برد البيت بتيي معاي ولا لا
فهد : اوهو انت اليوم مو صاحي ....
_______________________
عند غاليه وساره وملاك بالغرفه
ملاك : واي مو صج هالقصه عجيبه بسوي شعري نفسها
ساره : لا ويع شنو هاذا
غاليه : مو هاذا ولا هاذا ..هاذا حلو
ملاك : ويييييييييع غلوووي شهالذوق الخايس
غاليه : جب جب الشرها علي الللي قاعده معاكم
ملاك : لا خلاص كلش ولا زعل غلوي
ويسمعون اصوات يايه من الدريشه ..يطلون ولا يشوفون جاسم مع فهد طالعين من السياره
ملاك : شعليييج غلوي اخوي جاسم ياي
غاليه استحت : جب ملوك لاهفج بالبطل
ساره : هههههههههههههههه اتحبينه
غاليه : اي
ملاك : ههههههههههههه شهالنعومه اللي نزلت فجاءة
غاليه : انتي مالج شغل
ملاك : كاهو ياي بناديه
غاليه : لا ويييييييين قعدي استحي مابي
ملاك : ههههههههههه
جاسم واهي ياي بالممر الغرف ..طلعت ملاك من الغرفه وغاليه وساره يطلون من الباب يشوفون جاسم
ملاك :جاسم شلونك
جاسم : تمام اشتبين
ملاك : لا ماكو بس اسال عن حالك
جاسم حس حركه مو طبيعيه صوب الباب وشاف عين غاليه وساره يطالعونه وقال : مشالله من متى ملاك الدعله تسال عن الحال اقول روحي انتي وهالثنتين اللي يطلون من الباب ترى حده ايبين
ملاك ومنحرجه : هااه لا ماكو شي تتخيل انت
جاسم : اي اي ايصير خير انا بروح غرفتي واياني وياج اشوفج طاقه باب غرفتي فاهمه ..
ملاك بقلبه ويع من زينك : اوكي
راحت ملاك عند الغرفه
ملاك : هههههههههههههههه تفشلت وترى شافكم لما تطلون عليه
غاليه : هههههههههه اي شفت امبيه فشله واهو ولا عبرني
ساره : هههههههههههههه
غاليه تحب جاسم لانه من وهي صغيره تحبه بس اهو مايحبها بس مايكرها وكله يعطيها طاف غاليه بقلبها هالجاسم الا اييب راسه ابي الفت نظره
ساره : والله حلوه سوالفكم مايمل منها بس انا الحين لازم اروح الساعه 9
ملاك : افا سارون قعدي تكفين
ساره : انشالله مره ثانيه
غاليه : حبيبتي الله معاج
________________________
عند عهد اخت غاليه
ودلال اخت ملاك
دلال : واي عهود بشتري بي بي عقب باجر وبفعل الخدمه
عهد : صصصصج يحظج انا امي مو راضيه
لما اروح تاسع
دلال : انتي من صجج ماراح تشترين ..اينن في بي بي ام قالتلي ملاك بس ماعرفله
عهد : شنو يعني
دلال : مالي خلق افهمج قولي حق غاليه اختج
عهد : غلوي ماتعطيني ويه ..كله مع البي بي
دلال : ممم اشرايج انروح انشوف غرفه ملاك وانشوف تلفوناتهم ..اكيد الحين ياكلون العشى
عهد : اي يلا تعالي
دلال وعهد راحو الغرفه لقوها فاضيه ..واتستغلو الفرصه
دلال : امبيه هاذا اشفيه خربطت جان يطلعلي رقم واحد غريب بس حطيت رفض
عهد : دلال بليز خنطلع خايفه الحين يهاوشونا
دلال : ي الخبله قعدي ماراح ايشوفون
عهد : انا ماراح اسوي شي انتي كيفج
دلال : خلاص قعدي ي المينونه
دلال واهي تخربط بتلفون ملاك جان يدق رقم غريب :امبيه منو هاذا شفيه يدق ارد ولا لا
عهد :ردي يمكن يكون احد من عايلتنا
دلال : اوكي برد
........: السلام ياقمر
دلال : أأأأأأ أنت منو
.......: اشفيج خايفه ..أنتي اللي داقه
دلال : أي كنت بدق على اختي بس خربطت بالرقم
.......: جم عمرج
دلال : أأأ عمري 12
عهد : بصوت خفيف يثوله لاتقولين اي شي عنج
......: صوت منو في احد يمج
دلال : لالا انا بصكر انت واحد ماعرفه
.......: انا اسمي .....جان تسكر دلال قبل لا يقول اسمه
دلال : امبيييييه عهوووووود شسوي منو هاذا الحين ملاك بتذبحني
عهد : عندي فكره مسحي رقمه ايصير
دلال : اي كااا بمسح بس خوفي يدق مره ثانيه
عهد : لا انشالله مايدق
____________________________
من باجر الساعه 6 المغرب
حفله عبدالعزيز ولد مريم
كانت ملاك لابسه نفنوف ابيض قصير من زارا
ورافعه شعرها ..وحاطه ميك اب خفيف
وساره كانت كاشخه بعد
وغاليه وشهد يسولفون بالصاله الثانيه
اليهال يغنون :هبي بيرثدي عزوووووز هبي بيرثدي .......
طفوو الشمووع
وحاطين اغاني ويقصون كيك وعصاير وببسي
ملاك : حياتي فديته العمر كله عزووز
مريم : ههههه مايدري شسالفه
عزوز : اغوووووو( كلام يهال ههههههههه)
ساره : حياتي اينن ..ملوكه انا بروح حمام
وايي دقايق اوكي
ملاك ترقص عزوز وقالت : اخذي راحتج
ساره راحت الحمام واول مادشت جان تشوف ظل واحد وراها
ساره : ....................
توقعاتكم + ردودكم
1شنو تتوقعون تشوف ساره بالحمام ؟؟
2تتوقعون جاسم يحب غاليه ولا لا ؟
3تتوقعون جاسم ينسى اللي صارله مع بدور ويفكر يتزوج ؟؟
4هل راح يتصل الرقم الغريب على ملاك مره ثانيه ؟؟
__________________________
