رواية "يا زين أحبك أكثر من حياتي!" 2012

[Mo7aSbChia]

Wayyyd 6wlttay:s
Waiting for you xo

first of all, your nickname is amazing!

as soon as I finish the comments, I'll be posting the new chapter

enjoy xx

 

[Mo7aSbChia]

Kamlay plz

inshalla

 

[Mo7aSbChia]

Ay youm bitkamleenha?????

ilyom :eh_s(8):

 

[Mo7aSbChia]

waaainich

:eh_s(8)::eh_s(8):

 

[Mo7aSbChia]

طولتي

سوري

 

[Mo7aSbChia]

ابـــ = جآآآآآآري الانتظآآآآآآآآر​

ثينكيو :eh_s(9):

 

[Mo7aSbChia]

أب
أب
أب

ثينكيو :eh_s(9):

 

[Mo7aSbChia]

!!!!!!!!!!!!!!!!

!!!!!

 

[Mo7aSbChia]

متى راح تنزلين البارت؟

بعد شوي

 

[Mo7aSbChia]

waiting;*

thanks :*

 

[Mo7aSbChia]

وينج طولتي علينناااااااااااا
اب اب اب ابا با اب

سوري

ثينكس :eh_s(8):

 

[Mo7aSbChia]

وينج حبوبه عساكي بخير

انا بعد وياهم اتابع

الحمدلله

حياج الله :ggdw:

 

[Mo7aSbChia]

Wayd waayd 6wltay 3aala al'aql gulai lena **** btnzlena !

agolikom wana madri? awal ma aktib wakhalis ga3da a7i6ha.

 

[Mo7aSbChia]

عسى المااانع خيرررر
طولتي ختووووووووووووؤ

لا بس على ما افضي واكتبها :eh_s(8):

سوري

 

[Mo7aSbChia]

محااااااااسبجية طمنينا عليج ليش طوولتيي المهم ويييتنق يو

الحمدلله انا بخير..سوري عالتأخير :eh_s(17):

 

[Mo7aSbChia]

معذوووووره حبي
عاااااااااادي بس مو تطولين حيل

الحين بحطه :*

 

[Mo7aSbChia]

الروايه عجييييييييييييبه
كممممملي ناطرينج

ثينكيوو :*

انشالله

 

[Mo7aSbChia]

يا زين أحبك أكثر من حياتي!
​

الجزء الثامن​

يوم الثلاثه..الساعه 11:20 بليل..بمستشفى ***..
بو عبدالعزيز بغرفة الدكتور : "بس اهوا ما فيه ضغط! شفيه بالضبط يا دكتور حيرتنا!"
الدكتور : "مثل ما قلتلك عمي..صحيح اهيا حالات نادره..بس تصير..هبوط ضغطه بصوره مفاجئه خلته يدش غيبوبه.."
مشاري : "انزين الحين شنو بتسوون؟ شالحل؟"
الدكتور : "ماقدر اقول شي الحين ليما تطلع نتايج الفحوصات.."
بو عبدالعزيز : "حالته خطره وايد؟"
الدكتور : "لا تحاتي عمي احنا حاطينه الحين بالطوارئ ومعتمدين على الاجهزة..حالته مستقره بس اهو بغيبوبه! والله يعلم متى يرد وعيه.."
بو عبدالعزيز : "ما نوديه برا؟"
الدكتور : "احنا عندنا كافة الاستعدادات حق حالات مثل هذي..بس اذا يريحك العلاج برا انصحك على الاقل تنطر نتايج الفحوصات.."
بو عبدالعزيز لف ويها على مشاري..وطالعه بنظره تعوّر القلب..
مشاري شافه..بعدين شاف الدكتور : "يعطيك العافيه دكتور.."
طلعوا منه و كان فهد برا ناطرهم..سكره من دلال اللي ما خلته دقيقه بروحه..شلخته كول ورا كول..
فهد شافهم و ويها مصفوق : "ها؟؟؟؟"
مشاري : "ما يندرى ليلحين..ناطرين الفحوصات"
فون مشاري رن..: "هلا دلال..لأ..لأ دلال خلاص انا الحين راد البيت لا تدقين..مع السلامه"

...​

لولو قاعده تكلم عبدالرحمن بالـwhatsapp وتشوفه اونلاين بس ما يرد..واخيراً رد!:
لولو : "ليش لما ادق ما ترد؟"
عبدالرحمن : "مع ربعي"
لولو : "وإذا!! من متى ما تكلمني جدام ربعك؟!"
عبدالرحمن لايعه جبده وماله خلق : "من لما حطوا ابالهم بينّا شي..شوفي الجلبه اللي وياج شناقله حجي"
لولو @@ : "شكو؟!"
عبدالرحمن : "ومسويه روحها كلش انا المسيجينه..واشكره اهيا اللي مشيشتج..قلتي ظروف ها؟؟"
لولو : "امبيييه شكو شكو! عادي ادق اوضحلك شي؟"
عبدالرحمن : "قلتلج مع ربعي"
لولو : "اوكي مو مشكله...السالفه و مافيها..بيني وبينك طبعاً..كانت تكلم واحد و طحنا عليه مع وحده.."
عبدالرحمن : "اي يعني يحط عليها وحده واهيا من الحرّه تشوّه سمعتج.."
لولو : "اوكي عاد خلاص قلنالك مو اهيا.."
عبدالرحمن : "الحين شتبين؟"
لولو (انا شبي؟!) ما ردت عليه..

...​

بيت بو مشاري..جريب الـ12
دلال قاعده تبجي يم امها..والزين ماسكه جوا..وبو مشاري قاعد ما يدري شيسوي..
دخل مشاري..جان تروح له دلال على طول..واهيا تبجي قاعده تخربط بالحجي
مشاري مو فاهم شي منها..: "ما فيه شي مخلينه يرتاح.."
دلال زادت البجي..
مشاري : "لا حول ولا قوة الا بالله..يمه تعالوا اخذوها"
دلال : "مشاري اللااهييخاليييك ودنييي"
راحت لها ام مشاري ومسكتها وسحبتها صوب القنفه
بو مشاري : "دلال يبه قالولج ما فيه شي تعوذي من ابليس! هذا الشيطان يقص عليج الله يهداج انتي العاقله جذي تسوين؟!"
دلال بدال لا تقعد راحت غرفتها (قبل لا تتزوج) و هدتهم..
دخل عليهم شاهين مخترع : "ها شصاير؟!!"
بو مشاري : "عبدالعزيز دش بغيبوبه.."
شاهين @@ : "متى؟؟ من شنو؟؟!"
مشاري و اهوا رايح يقعد على قنفه : "واهما طالعين من إهني بالطريج طاح عليهم..لو ما دلال بوّشت السياره (حطتها عالـN) جان داشه فيهم سياره"
شاهين : "اوووفف!!!"
الزين منومه جوا بحضنها : "انزين مشاري...جد اهوا شفيه؟ وليش مايصير نروح نشوفه؟"
مشاري : "الزين يعني الريال بغيبوبه تروحون إشماله تروحون! ليلحين اهما ما يدرون من شنو ناطرين الـtest results"
ام مشاري : "الله كريم انشالله.."
بو مشاري : "ما يستاهل بو جوا"
شاهين @@ : "عيل دلال وينهي الحين؟؟"
ام مشاري : "بغرفتها"

...​

يوم الاربعه..4/1/2012..الساعه 10:19..
بنك ***
مبارك كان قاعد بمكتبه..وخالد قاعد على واحد من الكرسيين اللي إجبال المكتب..ويسولفون..
دخلت دانا "موظفة بالبنك" عليهم..
دانا : "هلا بو عبدالله؟"..ابو مبارك اسمه عبدالله..
مبارك عدل قعدته وقعد يشوف الاوراق اللي جدامه : "دانا..ابيج تفضيلي مكتب من مكاتب الإداره اهني.."
دانا رفعت حايبها : "بس كل واحد له مكتبه؟!"
مبارك : "تصرفي..حتى لو تشاركين انتي مكتب اي وحده..اشدعوا عليكم كل واحد حاجز له غرفه كامله ومايبي يشارك احد!"
خالد طالعها بنظرة "واااك"
دانا كانت حدها منصدمه!
مبارك : "انا عينت موظفه و مومعقوله اخليها تشارك احد بمكتبه واهيا ما تعرف احد!"
دانا : "بس الفرع مو محتاج تعيينات يديده!"
مبارك رفع راسه وشافها : "انشالله حاطه ابالج بتعلميني شنو محتاج الفرع؟"
دانا : "لأ بس يعني الفـ.."
مبارك قاطعها : "انزين..بس..خلّص كلامي.."
طلعت دانا بدون لا ترد..
مبارك شاف خالد..شافه خالد..جان يضحكون

...​

الساعه 7:36 بليل..
ليلحين دلال متعلقه بغرفتها...وكل ما تسمع انه مشاري موجود تقعد تحن عشان يودونها حق عبدالعزيز...او يقولولها اهوا وين واهيا تروح!..ماكو فايده..ما يبون يقولولها انه بغيبوبه..
ام مشاري قاعده تكلم ام شملان (مرت اخوها) بالفون : "لا والله صعبه نحضر..تدرين عقب طيحة بو جوا..باركيلي المعاريس..نشوفج انشالله..سلمي..مع السلامة"
الزين : "واي عاد جد ما كان لي خلق اروح اشوى!"
ام مشاري : "انا وايد قلبي معورني على اختج..مادري شالحل معاها"
الزين بنبرة جدية : "شبيدنا نسوي بعد يمه..الله يشافيه"

...​

دلال كانت منسدحه على فراشها..كل خمس دقايق توعد نفسها انها مِهي باجيه..بس ترد تدمّع عينها..هذا عبدالعزيز..عزيزها! بو جوا!..صج انها قاعده اب بيت اهلها، اقرب الناس لها، بس صارلها 3 سنين تشوفهم بالإسبوع مره! تعشقهم مو بس تحبهم، بس مو قاعدين يفهمونها..او على الاقل اهيا حاسه جذي..فجأه، واهيا قاعده تبجي، تذكرت فهد..وقامت بسرعه ودوّرت فونها ودقت عليه..
فهد : "الوو"
دلال تشاهق : "الوو..و فـ..ـهاااد!!"
فهد عوّره قلبه..: "هلاا"
دلال : "فهد! فهد تقدر اتيي؟ فهد الله يخليك تعال..الحين بسرعه اوكي؟"
فهد : "ليش فيج شي؟؟؟"
دلال واهيا تبجي : "فهد عفيا تعاال"
فهد : "يللا شوي وايي.."
دلال : "لا تطوّل.."
فهد : "انزين ماني مطوّل لا تبجين"

...​

الساعه 11:14 بليل..كانت قاعده بالصاله مع شاهين..
بالـWhatsApp..: "انا برا"
شافت دلال الكلمتين و قطت الفون عالقنفه وشفطت (لول) واهيا تطلع برا البيت..
شاهين انصدم من حركتها ولحقها (ولييه هذي وين رايحه بعاااد! ينّت وإقعدت..)
دلال شافت فهد و بلّشت تبجي اقين..راحت له و إمسكت زنده حيل.. شوي وتلمه
شاهين @@ : "دلال!"
ما ردت عليه..شافه فهد ورد إنظره على دلال
دلال : "شلونه؟؟ فهد عفيا قولّي الصج ليش محد راضي يوديني له اهوا شفييه؟؟؟ عفيا ودني فهد عفيا محد راضي يقولّي اهوا بأي مستشفى وين اروح ادوره الله يخليك ودني"
سكت شوي..جان يقولّها : "دلال عزيز تعبان..وروحتج له مالها معنى! خلج إهني مع جوا شالفايده تروحين له واهوا مو حاس باللي حوله"
دلال (مو حاس باللي حوله؟؟؟!!!!! مشاري قاللي بس مخلينه يرتاح!!!) : "عادي حتى لو...بس ابي اشوفه..فهد محد فاهمني اهني تِكفا ودني لو اشوفه من بعيد والله قلبي معورني.."
دش شاهين البيت..
خايف يوديها وتسوي مناحه بالمستشفى و ما ترد..مِسح ايده على ويهه و حط ايده صوب حلجه يفكر..(الحركه اللي تصير جنه ماسك حلجه بإيده..بس إبهامه "الصبع الكبير" تحت حنجه) وقعد يطالعها (توهق البطل)
فهد بهدوء : "اوديج..بس توعديني نص ساعه تشوفينه من ابعييد! وبعدين إنرد.."
دلال قامت تضحك واهيا تبجي : "ايي اي والله والله"
فهد : "وإن سويتي سوالف ترا حلمي اوديج مرا ثانيه"
دلال : "والله ماراح اسوي سوالف والله"
فهد : "اوكي..باجر العصر امرج.."
دلال @@ : "اولااااا!! ابي الحيين!"
فهد : "عاد يللا دشي داخل يللا! ما تنعطين وي كلش"
دلال : "انزين ميخالف الصبح..شينطرني لي العصر فهد!!"
فهد : "اوكي عيل بينا call"
دلال : "اوكي.."
لفت دلال عشان تدش بيتهم..
فهد بصوت واطي : "تصبحين على خير"

...​

دلال واهيا داخله البيت..راحت الصاله تاخذ فونها..شافت شاهين..: "الله انشالله لا يخليني احتاجكم..اخواني وماتبون تودوني حق ريلي! اروح مع فهد احسلي.."
شاهين : "اصلاً فهد اهوا اللي قايلنّا لا نقولج اهوا وين.."
دلال : "اوكي بس بيوديني.."
شاهين : "يخربط عليج"
دلال راحت : "اوكي...تصبح على خير"
خذا شاهين فونه و دق على فهد : "ها فهيد؟ شبتسوي؟!"
فهد : "شبسوي بعد؟"
شاهين : "ما عندك دوام باجر؟"
فهد : "ساحب عليهم.."
شاهين : "الحين انته ذابحنا لا تودونها و لا تودونها آخر شي بتوديها؟!"
فهد : "لا يمعوّد اسكت بس لا تسمعك...بس جذي"
شاهين : "حدها صدقت ترا..يمكن ما تنام من الوناسه الحين.."
فهد
شاهين : "يللا عيل نشوفك على خير"
فهد : "على خير.."​

...​

 

[جوري ستايل]

يسلموووووووووووووووووووووووووووووووو
كملي حلووووو الباارت <<<الله يشافي عزيز
ما ادري حاسه انا مبارك وخالد ناااوين على شى شنوووووو هو ما ادري <<<الله يستررررررمنهم

 

[Miss MzajeYa]

ياحياتي ياعزوز الله يشافيك انشاءالله

دلال قلبي معورني عليها كسرت خاطري

يعطيج العافية ع البارت