رواية (كويتيات) بقلمي حقيقيه عن صديقاتي قصص حب جريئه تحكي واقع بنات متحررات بالكويت

[دلوعة الكويت90]

هذا اول موضوع لي بالمنتدى اتمنى تشجيعكم ومتابعتكم



محدثتكم( سحيله ام الخلاجين) من الكويت تنقل لكم اخبار وفضائح عالميه فتيات قد تحررن من عبودية المجتمع لتخرجم من القيود الا عالم نسين فيها العادات والتقاليد شيء يعجز عن الوصف ....







هل سأبدأ بكان يامكان كقصص الاطفال ام سأبدأ بتعريف الشخصيات مع كتابة اعمارهم كروايه ممله امممم لااعرف من اين ابدأ فروايتي ليست من نسج الخيال هل سوف افقد صديقاتي ان عرفن بروايتي هذه اممم (مايشوفون شر) فالحقيقه ان اسد رغبتي في كشف الحقيقه اقوى من ارنب اخفائي لها ترددت كثيرا قبل ان ابوح بالاسرار ولاكن ولابد ان ازيح الستار لتروا وتشاهدوا احداث قصتي , ومع تغير بعض الاحداث وتشويش بعض التفاصيل مع تزويير الكثير من الاسماء سأبدأ بسرد الرواية




ومثل عادة اغلب الفتيات عندما يجتمعن مع بعضهن



يتناقلن اخبارهن ومغامراتهم



جلسن ساره وميرا ومرام وهديل على كنبة وقد شغلن افواههم بأكل المكسرات وشرب القهوه والشاي ..




ساره : حياالله من يانا ..



ميرا : سوير ماعندكم ام بي سي فور ابشوف مهند ويه مرته الجيكره صارلي سنه افرفر بالقنوات مالقيتها.



ساره : يالهبله اهي رقم 6 وانتي طايره 400 ردي ردي.



ميرا : جذي من اول .. كاااهوو واااي يمه فديته ليش جذي حلو وحبيبته جكر استغفر الله صج حظوظ, ماييني حبيب جذي؟؟: اي قولي



مرام : وييييه والله انتوا مصدقين مسلسل فاشل اي حب اي بطييييخه .. يبا ماكو حب ارضوا بالواقع, الزواج التقليدي هو كل شي.



ميرا : اي اي درينا عاد انخطبتي وصرتي شريفة روما .. وحناا بعنعنس الا تعالي وين بطاقات الدعوه مو عرسج الاسبوع الجاي.



مرام وهي تشرب الجاي : امم اي شفيج مو ناسيتكم.



ساره : هديل لاحس ولابطيخ ماادري شسرحانه فيه يبا علمينا ؟



هديل : .. اي تعالو اشرايكم بقزة للعنوسيه بدل العزوبيه للشباب نسويها للعنوسيه بمناسبة توبة مرام النصوحه وزواجها من ولد عمها الوسيم.



ساره : ولا خوش فكره وانا توها طالعه الرنج مالتي من الوكاله ولازم اول من يركبها انتوا شرايكم؟؟



ميرا : اي اي تكفين نبي نقز تعالي الساعه الحين 8 ترى تو الناس امشوا الحين.



هديل : اي بس انا ماقلت لامي اخاف ماترضى!!



ميرا : يامعوده طاف طلعي وبعدين قولي لها. شفيها امج دعله ترى مالنا خلق تخرب علينا يلا قومي....



دخلن الفتيات الاربع الا غرفة ساره الخاصه ليرتبن اشكالهن وبدأن بتلوين وجوههن بألوان تتلائم ووجمالهم..



كانت ساره البالغه من العمر 18 سنه تمتلك وجها طفوليا قد مال الا اهل المغرب فجدتها من ذلك الاصل كانت ساره بيضاء اللون ذات شعر ناعم وطويل قد طال اخر ظهرها بينما عيناها الواسعتان وانفها الناعم جعل منها لوحة براءة ولا يكتمل جمالها الا عندما تبتسم لتبرز شخصيتها الطيبه...



هديل , ذات 19 ربيعا.. كانت ذا جسم يميل الا النحافة كان لوجهها سحرا ما مع ان ملامحها عاديه ولاكن الجاذبيه التي في وجهها جعلت منها لوحة رائعه يعجز الناس عن تجاهلها..



ميرا ,, ذات ال20 ربيها , كانت ملامحها تميل الا الشراسه دائما تشبه بالقطه بسبب حاجبها الذان حفتهما على طريقة الجاينيز بالاضافة لعيناها العسليتان الواسعتان ونضرتها الجريئه ..



مرام : 20 ربيعا كانت اقلهم جمالا فقد افسد جمالها امتلاء جسدها قليلا ...



,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,



خرجن الفتيات ليركبن رنج ساره السماوي وعلين على اغنية راشد الماجد(ويلاه ضاق الصدر وماذكر يسأل علي ويلاه نساااه طول الهجر........) وبدأت تعلو اصواتهم باللغناء انفعالا مع الاغنيه ..



ساره وهي تقود السياره : بنات ترى في ورانا جيب كايين شباب زقررت لاحقينا مااوصيكم الثقل بس ولا وحده تلتفت مو تصيرون خفيفات.



مرام : امبيييه طالع شيسوي يغمز لي الحمد لله والشكر هههههه



ساره : ياخفيفه لا تبوسمين.



ميرا : اللي لابس اسود يما شحلاته والله مصيبه عيون ..



هديل : كلهم عقد طالع ابو قذيله والله ثلاثتهم ون حليب عقيدي تو حليب جيزي ثري حليب ماادري مجهول الاخير .. عليكم اذواق ..والله لايتحرش عشان مااجرح احساسه هذا.



ساره : امبيه طالع الحمار بغى يدعمني لاااااء سيارتي تكفه ... بطل الدريشه امبيه شيقول؟؟



- قسم باالله ان ماخذتي رقمي لادعم سيارتج عادي انا بيمه وبقط اللوم عليج .



- يلا يبا اشدعوه انا ابي ام الوردي.



هديل : لحضه اخوي انت متأكد انك شفت ويهك انا شحلاتي اطالع جكرك ليش سمله علي روح غسل الدهن اللي بقذلتك بعدين تعال غازل.



-مقبوله منج الله يسامحج.




ساره : حرام عليج ليش سويتي جذي؟



......................



بعد دقايق ..



ساره : وييه ماصدقت ذلفوا تكفون بنات العقل بسكم كلام خايس اوكي؟




............



نزلو البنات من السياره اللي صفطتها ساره بالمواقف اللي تحت في مارينا مول وهم يتمشون ويضحكون ..



............



هديل : لامو من صجهم,,, بنات... سيارة الكايين كاهو سفط ولييييييييييه امشوا ولا تردون ..



..................................



كان احد الشباب الملقب بالذيب اسمه فهد كانت هديل عاجبته حيل وقال اييب راسها اييب راسها ونزل اهو ورفيجه وخلو الثالث بالسياره ..



فهد راح حق هديل وقام يكلمها...




فهد : تكفين والله عاجبتني والله حلووه.



هديل : ادري ماقلت شي جديد.



فهد: تعجبني الثقه امانه والله شاريج تكفين يابنت والله ارجع للبيت ابجي .



ساره : يبا الصبي شاريج انتي ليش الدلع هذا؟



فهد : شفتي , والله اقنعيها ماكو فايده؟



ساره همست بأذان رفيجاتها امشوا خنضيعها عشان ياخذ راحته والله انه حلو ماادري شحقد تتدلع يلا امشوا قبه قبه .. وغمزت لفهد وراحت.



هديل : امبيه وين البنات ,,



فهد بصوت حزين : حرررام خلوج بروحج انا باااكلج..



هديل : واااااااي يمه يالمليق ,, وخر عني انت شتبي انا ماابيييييك طس ياخي انت ماكو كرامه؟؟



فهد نزل راسه وانحرج ولف رايح لسيارته ومشي واهو منصدم من ردة فعلها.



هديل حست بــتأنيب الضمير ونادته بسرعه : لحضه اخوي انا اسفه ماكنت اقصد بس تنرفزت شوي..



فهد يسأل رفيجه شقالت؟



رفيج فهد : تقول اهي اسفه ,



فهد : هييييه انزين سجلي رقمي اماااااااانه ولا ازعل وماانام بالليل .فهد. 6770 ...



هديل : لا انت سجل 9722,, تلفوني طافي لان..........



رجعوا الفتيات الا منازلهم وكل يفكر بحبيبه والدنيا والزمن والمستقبل المجهول فتيات ربما كان جل تفكيرهم الزواج عن الحب والاستقرار ......



جلست هديل على سريرها البنفسجي وهي تحضن دفتر يومياتها الزهري لتكتب التاريخ واحداث اليوم وقد خصصت ثلاثة اسطر لتتكلم عن فهد المجهول بات خيالها يسرح لتمتد خيوطه الا افاااق بعيده مفكره بسنوات وسنوات متخيله حياتها ثم غفت عيانها لتكتمل خيالاتها الا احلام ورديه ..




من جانب اخر كانت ساره تفكر بمشعل( حبيب القلب) قد مضى على معرفتها به 9 اشهر قد افنت مشاعرها كلها تجاهه فقد عاشت متيتمة الاب وهوحي فقد طلق امها وعاشت بلا رجل حاني اعتبرت مشعل حبيبها واباها واخاها ودنيتها وحياتها ..
بدأت تفكر ساره في نفسها .. هذا شفيه صارلي ساعتين ادق عليه مايرد شصاير؟؟
خل اجرب الحين (ومسكت التلفون ودقت على مشعل الي مخزنته (بعدهم كلهم)

ساره : الو ويييه مابغيت تشيل الخط؟
- هلا اختي انتي تقربين لصاحب التلفون ؟
ساره : منو معاي مو تلفون مشعل ؟
- اختي معاج الشرطه
ساره : عسا ماشر شصاير ؟؟؟؟؟؟؟؟

............................
يتبع ؟
-شراح يصير لساره ومشعل ؟
وهل راح تكلم هديل فهد؟
وشلون علا ميرا ؟
وشلون على زواج مرام؟
اسأله راح اجاوب عليها بالجزء الثاني واتمنى الردود عشان اكمل .....








.................................................. ........

 

[ام هلال]

كملي اختي عساج عالقوه

 

[نور زوجها]

كملي كملي حرام اندمجنا

 

[love-s-h-f]

امبيييييي كملي حبيبتي اندمجت

 

[sindrella]

كملي كملي بليييز :d

 

[miss limoona]

كملي كملي بليييز

 

[B!g Sm!le]

كملي ناطرينج

 

[eng.7oor]

يلااا كملي كملي شوقتينا

 

[بالحيل مختلفه ..}]

كملي كملي اندمجت ويااهم حيييييييييييل ..

 

[~ مآ يهمـ ~]

حلووهـ ..

بإنتظار تكملينها ؛)

 

[دلوعة الكويت90]

حبايبي وايد استانست من ردودكم عشان جذي بنزل الجزء الثاني وابي رودكم الي تووووونس وتسلموووووووون


بلا خوف


سأكتب عن صديقاتي


عن الأغلال دامية بأقدام الجميلات


عن الهذيان .. والغثيان .. عن ليل الضرعات


عن الأشواق تدفن في المخدات


عن الدوران في اللاشيء





(نزار قباني)




ارجع لكم اليوم بئيميل جديد وستاره جديده تزاح عن مسرحية الاحلام تفائلت برسائلكم الجميله ودفعت دفعه لاكمال مابدأت به ... لا ابالي ان قلت الحقيقه ولن ايأس حتى انتهي من قصتي ...




فوجئت ساره بصوت رجل غريب يتحدث من هاتف مشعل دارت بها الدنيا ولم تقف بدأت تقذف بها من زاويه الى اخرى قطعت تسائلها بسؤال واضح للشرطي..




ساره : شصاير شفيه مشعل؟




-اختي مشعل بالمستشفى سوا حادث موجود الحين بالاميري بالعنايه المركزه ...



ازدادت المسافه بين عينها وحاجباها والقت سماعت الهاتف وامتلاءت عيناها دموعا .. هل حبيبها بين الحياه والموت .. اخذت ساره عبائتها واسرعت الى مشعل اللذي كان بغرفة والاجهزه تلف حول وجهه اللذي قد تغير لونه واستاءت حالته عائلة مشعل كانت تعلم بعلاقة مشعل وساره ورحبت بها ..




ساره : شلونه مشعل الحين؟



ام مشعل : والله مادري يابنتي من اول مايينا وهذي حاله داش في غيبوبه الله يعلم متى يطلع منها؟



ساره : ياحبيبي يامشعل ليت الي فيك فيني .. خالتي اقدر ادش اشوفه ؟



ام مشعل : اي يما روحي اهو بروحه الحين ..



اقتربت ساره من مشعل ودمعتها بعينها وقامت تكلمه ..




ساره : مشعل ياعمري انت تدري شكثر احبـــــــــك لاتخليني بالهدنيا بروحي من لي غيرك ياعمري الله يخليك قول شي سمعني صوتك اللي مااقدر اعيش بدونه ..




دمعت عينا مشعل بدون مقدمات .. ومسحت ساره دموعه بحزن وجلست تتكلم الى مشعل وعن حبهم وكيف التقوا ..



ساره : مشعل حبيبي .. ماتعودت انك ماتوفي بوعودك تذكر يوم تقول انك بتبقى معاي طول العمر ؟... تذكر سوالفنا .. مشعل اذا صار فيك شي انا مالي معني بالهدنيا .. بس انت قوي وراح تقوم عشان نتزوج وتشوف عيالك مشعل لاتخليني



ومسكت ايده ..



مشعل ضغط على ايدها شوي كأنه يقولها لاتخلين ايدي وخلج معاي ..





من جانب ثاني وفي بيت هديل الي راحت بخيالها وتفكيرها الي عمره ماارتاح وفجأه رن تلفونها رنة راشد الماجد(بلا حب بلا وجع قلب) رقم غريب..



ساره : الو انت فهد صح؟



فهد : اكيد ناطرتي على جمر صح؟



ساره : لا



فهد : اشوفج بسرعه عرفتيني؟



ساره : لان انا ماكلم ولا احب الشباب ومحد مليق غيرك يعرف رقمي.



فهد : ههههههه ماشالله اجابه بديهيه , بس ليش ماتحبين الشباب ؟



ساره : لانهم جذابين ومليقين وبس اكرههم.



فهد : يعني تكرهيني؟



ساره : اي , لا , ماادري.



فهد : يا اي او لا شنو هذا ماادري بعد شكو؟



واستمرت بينهم الاحاديث التي استمرت ساعات وساعات والاتصالات التي كانت تمتد مطولا كانت احاديثهم عاديه عن الحياة وعن الدراسه وكانت تمتلاء بالضحكات ..




ومن جانب اخر كانت مرام مع امها في السوق يشترون لجهاز العروسه



مرام : يماااا هذا استحي البسه



ام مرام : اشفيج يما لازم تلبسين جذي لريلج انا يوم تزوجت ابوج لبست الالعن , ولاترى بتلوع جبد المعرس منج.



مرام : يما بتلوع جبده اذا شافني وانا وشحمي .



ام مرام : مافيج يمه شي اصلا بعض الرياييل يحبون المتمن اكثر من الضعف بعدين انتي مو متينه وايد وانشالله بتضعفين ..



مرام : واااااي يما ميته خوف ماني عارفه شراح اسوي باجر بالعرس ..





وبعد يوم حان وقت العرس والبنات كشخوا وراحوا للعرس




بالعرس........



دخلت العروس وكانت في غاية الارتباك فكانت اعين النساء تترقب مشيتها بكل تمعن وتلاحظ اقل الحركات كانت ساره وميرا وهديل (صديقاتها ) يمسكن طرف ثوب العروس الخلفي وكانت مرام تمسك بطرف ثوبها الامامي مرتبكه وتمشي وهي تعد الثواني لكل خطوة كما تدربت وكانت احاديث النساء تملاؤها النميمه والتعليقات الذي لايخلو عرس منها..




-وييييييييه شوفي العروس تتعلج الحمد لله والشكر طالعي شلون تمشي جنها نعامه.



-ههههههه وي شفيها جنها بغت تطيح والله مكياجها وااااااايد تلطيخ ولا اهي سمره وحاطه كريم فاتح صارت رصاصيه.



-هههههه سلفر والله مسكينه اي اقتنعي باللي انتي فيه غصب يبون يصيرون بيض .



-شوفي اللي لابسه بنفسجي(كانت ميرا)ماشالله عليها قمر وقبله احلى من العروس شعرها بل بل بل شكثثثثره مو شعري انا صج مالت والله شكلها موصلته ماضني شعرها.........




.... جلست مرام على الكوشه وهي تنضر الا الصاله التي تمتلاء بالاقارب والاصدقاء والجيران وهي تتمنى السعاده , رائد زوج مناير ابن رجل من اكبر التجار ويملك اموالا اغرت ابا مرام وظن انه سيشتري السعاده لابنته بالمال,, حان وقت دخول المعرس



ميرا كانت ترتدي ثوبا بنفسجيا طويلا وعاري الاكتاف وفيه فتحه طويله وكان الثوب يبرز انوثة احلام التي كانت قد اهتمت بتسريحتها وبمكياجها جيدا كانت هديل تلفت الانضار بجمالها وسحرها وضحكتها البريئه كانت ساره والفتيات يرقصن على انغام اغنيه راشد الماجد (قوم علم الصبح ويش البارحه قلنا ......) بعد انتهاء الاغنيه قطع استمتاع الفيات صوت ام المعرس بالمكرفون (يلا يابنات تغطوا بيدخلون الرجاجيل), وشغلت اغنيه خاصه لدخول المعرس ,,,, فجاه توقفت الموسيقى التي كانت قد وضعت لدخول المعرس خلل ماقد تم بالديجي, توجهت ساره الا غرفة الديجي لترى ماحدث وكانت مهندسة الصوت السوريه غاضبه.



ميرا: وشصار شفيه الديجي؟



-وانا شو بيعرفني واحد من الصغار داس على الكيبلات مابعروف شوعمل ؟



ميرا: وهذا وكته؟؟



..............................



من جانب اخر كان اخو المعرس خالد مرتبك لايعرف ماذا يفعل , توجه الا الباب الخلفي ليدخل لغرفة الديجي ويصلح المشكله وكانت ميرا لم ترتدي غطوتها ودخل خالد.



...........................



خالد اندهش من جمال ميرا اللي كانت تكلم مهندسة الصوت برقه وصوت ناعم التفتت ميرا على خالد , نزلت ساره بسرعه عينها عند خالد وتغطت بشال البدله كثر ماتقدر .



خالد : اختي انا اخو المعرس شصاير؟



ميرا ماعرفت شتقول اول مره تصادف رجال غريب ومملوح استحت ونزلت راسها :ماادري تقول اا.. اا الجهال داسوا على ال.. الكيبلات



خالد انعجب بخجل ساره وسرح بخياله



ميرا : اخوي زين ماتعرف اي احد يحل هالمشكله.



خالد بلا اعرف بس تلفوني طافي تلفونج معاج؟.................



ميرا كانت منزله راسها ومستحيه وعطته التلفون اللي كانت حاطه صورتها خلفيه للجهاز.



.........................



خالد بلقافه : هذي انتي اللي بالصوره .



ماشاءالله ملح وقبله



ميرا تضيع الموضوع : دق بسرعه فشله الناس ينطرون.



............................



خالد دق على ولد عمه اللي يعرف بهالسوالف وحلوا المشكله وطلع الصوت مره ثانيه ودخل المعرس واهله وسط اليباب .



ميرا راحت حق رفيجتها هديل وقالتلها شصار وهي خدودها حمممممر



............



ميرا : امبيييييه فشله وانا بدلتي مفصخه والله فشله



هديل : اي جود يخطبج شكله تنح عليييج.



ميرا: انتي حدج فاضيه انا بحاله وانتي بحاله , بس اتصدقين والله مزيون يممممممه يافشلتي عاد شكلي زين ؟



هديل: اي قولي جذي من الاول انزين انتي ماعرفتي ولد منو؟



ميرا: اي جنه قال اخو المعرس.



هديل : والله عاد لو جاج تبوسين ايديج وجه وظهر عندهم فلوووس وعيال حمايل.



ميرا: انا ماتهمني الفلوس اهم شي القلب , انا ماابي اتزوج وبس انا ابي احب اللي باخذه.



هديل: اي اشوه ان رجع الصوت فكينا من سوالفج البايخه زين كاهم الرجاجيل قوليلي اي واحد فيهم هو.



ميرا: كاهو هذا اللي واقف يم المعرس.



هديل : يممممه فدييته ياليت انا رايحه اصلح الصوت.



ميرا : جب يلا بتحسديني على شوفه , انزين قومي خل نروح وره ناكل انا ميته جوع.



هديل : ماتبين تتمقلين بفارس احلامج؟



ميرا: هه مليقه , يلا امشي.



....................



انتهى العرس وذهب الكل الى منزله ليرتاح وظل تفكير خالد بالفتاه التي شاهدها نضراتها لم تترك خياله نضرات خجل مملوءه بالجمال وكان يتسائل في نفسه قائلا : من بنته هذي وشلون اوصلها؟؟

 

[غرآمهآ الرزه]

يعطيييج العااافيه حلووو الباررررت

وناااطريييين

 

[sindrella]

حلو البارت

كملي كملي الباجي

 

[JaN JaN]

روعــــــــــــه :ggdw:

كملي كملي ..

 

[bent ahlha95]

بليييييييييييييييييييييييييييييز كملي

 

[غرآمهآ الرزه]

كملي بلييييز

 

[حور العيون]

كملي حبوووووبه

 

[fdeetni]

كملي ناطرينج

 

[fdeetni]

يلا كملي ناطرينج حبوبه

 

[q8ya-barby19]

يلاااا نبي التكمله يا قلبي