رواية (كويتيات) بقلمي حقيقيه عن صديقاتي قصص حب جريئه تحكي واقع بنات متحررات بالكويت

[غــلآهاا غير]

وااااااااااااو انا من متابعينج كملي

 

[دلوعة الكويت90]

هل الخيانه ذنب ام واقع هل للخيانه ممبرر ام انها بكل الاحوال تعد خيانه مرام التي لم تغلط يوم كانت عذراء وفتاه غلطت اليوم بعد ان تزوجت ذهبت الا عالم الضياع عالم من دخل فيه عجز ان يخرج .. كانت تحادث يوسف يوميا كانت قد اعطت نفسها عذرا للخيانه او انها ربما لم تسميها خيانه كانت تتحدث مع يوسف بأمور حياتها وبخلافاتها مع زوجها لاشيء اكثر ربما مالت مرام الا يوسف ولاكنها لاتعلم للان هل ماتفعله صحيح ام خطأ؟؟
بنفس الوقت كان رائد يتمتع بحياته مع حنان وقد سمح لنفسه بأن تدخل عرش زوجته وتدخل فراش زوجته!!! نعم كان بمنتهى القساوه لم يكن يعتبر مرام شيئا في حياته سمح لنفسه بستبدال تلك العفيفه بفتاه نسيت العفه غريب امر هؤلاء الرجال!!

ساره كانت في منزل امها في تلك الاثناء كانت تنظر الا صور مشعل في ايام حبهم كانت قد علقت قلادة علا رقبتها بحرف اسمه وكانت غرفتها كلها ذكرياته هنا هديه هنا قميصه هنا عطره هنا رساله ,,, كان مشعل في تلك الاثناء يفكر جديا في الطلاق!! نعم الطلاق شيء غريب لقد مر علا زواجهم اربع او خمس اشهر ويفكر بالطلاق كانت ساره في عمر الزهور في 18 والنصف وكانت حامل … اتصل مشعل علا محمد وطلب ان يحادث ساره بأمر ضروري...

ساره : نعم شتبي مو كافي الطق الي طقيتني تبي تطق بعد تبي تهين بعد؟؟
مشعل : سمعيني سمعيني عدل ساره انتي طــــــــــــالق ..
ساره : الو الو ..

كان وقع الصدمه على ساره اكبر مما تخيلته هل هذا العالم اللذي تخيلته ؟؟
هل هذا الحبيب اللذي كانت مستعده لتضحي بحياتها من اجل ضحكته؟؟
لالا مايحدث ليس صحيحا كانت تتخيل هذا الشيء وتتساءل هل اصبحت مطلقه؟؟ وفي بطني ابنه كيف سنحت له نفسه فعل ذلك بي وانا لم التحق بالجامعه او اكمل دراستي بسببه …..

محمد: شفييج ساره شنو قالج مشعل؟؟
ساره : مشعل طلقني!!
محمد : شنووووو انتي من صجج هذا خبل ولا مو صاحي مو طبيعي؟؟ مينون ساره انا نصحتج لاتاخذينه بس انتي ماطعتيني نصحتج ساره وهذا الي صارلج لازم تتحملينه ,, الحقييييير قهرني والله لاوريه .
ساره : محمد اطلع وسكر الباب محتاجه اقعد بروحي..

في تلك الاثناء قررت ميرا ان تتصل بخالد لقد كانت غاضبة منه ولاكن لاتستطيع علا فراقه فقد اعمى الحب عيوبه في عينها ,,كثير من الفتيات يعانون نفس قصة ميرا واصعب مافي الامر عندما تعلم بأن حبيبك لايستحقك ولاكنك لاتسطيع ان تبتعد عنه..
خالد : هلا ميرا.
ميرا : مااشتقت لي؟
خالد :مو تو ماتبين تكلميني؟؟
ميرا: تكفه الي فيني كافيني لاتزيدها علي خالد.
خالد: ابي اشوفج شلون؟
ميرا : باجر دوامات اطلع من الجامعه معاك اوكي.
خالد : ماشي علا الساعه جم ؟
ميرا : علا الساعه 11 الظهر انت مرني اوكيك.
خالد : طلعه عاديه ولا ؟؟
ميرا : علا راحتك انت.
خالد : اي ابيج تلبسين لي شي حلو اوكي؟
ميرا : حاااضر من عيوني اهم شي تكون مرتاح هذا الي يهمني ياروحي.

كانت هديل تكلم مرام بالهاتف..
هديل : ها يالخايسه وينج ماتبينين؟
مرام : ماكو في بيت اهلي تخيلي صارلي اسبوع ولا اتصل فيني تو دزيت له مسج بالغلط ولا حتى رد علي.
هديل : انتي غلطانه خليتيله البيت.
مرام : والله ياهديل ماكان ودي بس مهما يكون ترى كل انسان عنده كرامه والي سواه محى كرامتي كلش , انا الي ابي اعرفه بس ليش ماضريته بشي ,, ليش سوا فيني جذي انا توني بنت وصغيره شذمبي تدرين قمت احاجي وادش الجات واكلم شباب انا الي كنت مااحب هالسوالف قمت اسويها قوليلي من السبب.
هديل : انالله وانا اليه راجعون هذا مايستاهلج والله والله راح يوريه انتي مالج الا الصبر ولاتضيعين نفسج دير بالج ترى الشباب اغلبهم خبيثين لاتضيعين روحج .
مرام : مالج شغل فيني انا خلاص ماعاد يهمني شي وبديت انساه اصلا صج اني احبه بس قاعد انسى انسى والله كريم انتي شلونج قوليلي شخبار فهد؟
هديل : بيسافر تخيلي اليوم الساعه وحده والله لروح اشوفه بالمطار مالي شغل بفاجئه.
مرام : وحده الظهر بتطلعين من الجامعه باجر بس باجر اول يوم حرام.
هديل : لالا وحده بالليل .
مرام : انتي مينوووونه منتي صاحيه صح؟
هديل : حبه خلاني مو صاحيه ههههههههه صراحه اي بسويها لاني صج احبه.
مرام : طريج المطار يخرع وبعيد وبالليل ماتخافين؟
هديل : انا مالي شغل مسويتها مسويتها... لحضه لحضه سوير تدق علي خل ارد عليها يلا باي

ساره وهي تبجي : هدووووول لحقي علي بمووت من القهر.
هديل : شفيج شفيج خرعتيني ترى صج.
ساره : مشعل طلقني .
هديل : …........................ (نص دقيقه ساكته) شنو ؟ شلون ليش شصار ؟؟
ساره : هديل شسوي شسوي ؟؟ والله ماسويت شي غلط ليش يسوي جذي؟؟
هديل : تعوذي من ابليس هذا المكتوب مالج باليد حيله .
ساره : بس انا حامل.
هديل : شنووو؟؟ خليني اشوفج موضوعج مو شوي.
ساره : وين حتى سويج سيارتي خذاه.
هديل : طااع هذا مو بكيفه.

مرام تتكلم بالتلفون..

مرام : تشوفني!!
يوسف : اي ابي اشوفج.
مرام : من صجك؟؟ لا ماا..مااقدر.
يوسف :ليش ,, خايفه مني بس ابي اشوفج لو من بعيد ودي اعرف شلون شكلج؟
مرام : جيكره ونعال.
يوسف : افااا , بعدين مو انتي الي تحكمين علا نفسج انا لازم اشوفج عشان احكم تكفين .
مرام : ليش تبي تشوفني شتستفيد يعني؟؟
يوسف : ودي اعرف شلون شكل البنت الي احبها.
مرام : تحبني؟؟؟
يوسف : اي احبج .
مرام : بس انت ماشفتني عشان تحكم علي او انك تحبني؟
يوسف : انا حبيت طيبت قلبج حبيتج لانج علا نياتج حبيت صوتج حبيت حسج صرت اتمنى اسمع صوتج لان صار يدفيني .
مرام : يوسف احنا ماتفقنا علا جذي انا اسفه بس ترى انا بنت متزوجه انت عارف هالشي يعني مو من حقي احب وشوف الناس شلون بتكون صورتي عندهم انا ماارضى علا نفسي هالشي انا طول عمري ماوصخت نفسي اسفه يوسف لاتدق علي ماارضى اني اخون زوجي بهالطريقه ولو كان يظل زوجي .


اغلقت مرام سماعة الهاتف بدون شعور كانت مشاعرها مختلطه مشاعر فرح ؟؟ لا مشاعر خوف ربما مشاعر فتاه لاول مره تسمع كلاما ناعما من الجنس الاخر لم تتوقع ان علاقتها بيوسف ستتطور هكذا …قررت ان تغلق جهازها وتنام حتى لاتفكر بالموضوع لانه من الاساس خطأ,, في تلك الاثناء لم تعرف مرام بأن رائد (مخربها )مع حنان وكانت في احضانه وتنام على سريرها فكرت مرام بالموضوع وبجلوسها في منزل اهلها كان يجب ان تفعل شيئا كانت تفكر برائد او اذا كان قد اصابه مكروه فقررت الذهاب الا المنزل لتعرف احوال رائد بنفسها اذا كان لايرد على هاتفه …...........

(صدمه صح؟؟) , ياترى شنو بتكون ردة فعل مرام وشلون راح تكون ردة فعلها وساره حياتها تلخبطت شراح تسوي؟؟ وهديل حبيبها بيسافر فرحة عمرها بيخليها بروحها !! وميرا حطت نفسها بشغله اهي مو قدها تحبين انسان مو كفو ان يكون حبيبج تضيعين فرص زواجج عشانه ليش؟؟ شراح يصير لها ؟؟ هل خالد راح يتغير؟؟ ولاراح يزيد غروره؟؟ كل شي تعرفونه بالاجزاء اليايه ...​

 

[غــلآهاا غير]

امبييييه مرام ياحياتي الله يعينها رائد مايستاهلها كسرت خااااااطري حيييييل الله يعينها على هالزوج وسااره حدها انظلمت شفييه مشعل ليش ما تأكد اوول مسكييييييينه تطلقت ومالها ذنب وميراا غلطااااااانه غلطاااانه حيل خالد نذل (سووري عالكلمه بس هذا الصج) مثل اخووووووووه لاتطلع معاه وهدوول الله يصبرها على فراق فهد بس انشالله فتره وتعدي وللحمدلله انهم يحبووووون بعض حيل .. مشكوره عالبارت وناطرينج

 

[Riooma]

keep going good work mashalah.

 

[دلوعة الكويت90]

حياتي (غلاغا غير) والله انزل البارتات عشانج فديتج شفتي شلون بس يايج يايج الجزء الياي صدمه,,

وثانكس ريومه علا متابعتج

 

[دلوعة الكويت90]

خيانه وانتهت اخر سوالف عشقي المجنون …
في ليله حلمي الوردي تحطم في نهايتها..
في ذيك الليله كان اهون علي احيا بدون عيون ..
ولا اشوف الي شفته من حبيبة قلبي ساعتها ..
بعيني شفتها ماهو حكي واشي وخيال ضنون..
بعيني ليت عيني عمرها مايوم حابتها ..
وقفت انسان حالي يدور ليه ومن متى وشلون..
عساني القى سبب واحد يبرر لي خيانتها ..

http://www.4shared.com/audio/CK1Sd2zE/___online.htm


في تلك الحضات كانت مرام في طريقها الا منزلها لاتعلم ماينتضرها وعندما وصلت رأت سيارة في الخارج كانت تتمنى ان لاتكون ضنونها في محلها ,, المشكله بأن اضواء غرفة النوم مفتوحه يعني لو كان صديقه هل سيجلسون في غرفة النوم ؟؟؟ فتحت باب المنزل بهدوووء دون اصدار صوت فقد كانت تملك نسخة عن قفل المنزل وصعدت الا الدور الاول وهي يتسحب رجيلها عندما سمعت صوت ضحكات ….!!!!!! صوت ضحكات فتاه ؟؟ احست مرام بدوارة واحست بأنها لاترى شيئا امامها ,, ولاكن الفضول اللذي كان فيها اراد ان يعرف من تلك الفتاة كانت تتمنى ان لايكون رائد معها كانت تحاول وضع ابعد الامور التي تخفف من هول صدمتها ولاكن عندما فتحت باب الغرفه رأت ماكانت تخشاه رأت حنان في احضان رائد….. كانت واقفه عند عتبة الباب والكل مصدوم حنان كانت قد اوطئت برأسها وعضت شفتيها فهي تعلم بأنها المخطئه وان ماتفعله شيء لايشرف .. ومشعل يحاول ان يبعد حنان عنه بقر مايستطيع احس بالخجل لما يفعل اما مرام المسكينه كانت قد فتحت عينيها وحاجبيها مرتفعان نضرة تعجب وانصدام والدموع كانت تذرف من عينها دون شعور كانت متردده هل اتركهما واذهب؟؟ لااا لملت مرام نسفها وقررت ان تنقض على حنان دون شعور كانت مقهوره .. غاضبه .. لاتعرف ماذا كانت حالتها في تلك اللحضه ولاكن ماتعرفه بأنها لم تكن بوعيها … انقضت علا حنان وقد مسكت شعرها بقوه وهي تصرخ .. ياااااابنت الكلب يااااااااازبااااااااله يالوصخه .. وهي تبكي وتون وبدل ان يسكن رائد مرام او ان يعذر منها فاجأها بلطمة علا وجهها جعلتها تترك ماتفعل وتكتفي بالصمت ...

رائد : طلعي بره مرام مالج حق تسوين الي تسوينه انا حر بتصرفاتي سمعتي؟؟ وانا ماابيج واهي الداشه وانتي الطالعه ومااسمحلج تمدين ايدج عليها يلا مرام طلعي بره وورقتج راح توصلج لي بيتج .. انتي طالق..
مرام : تطلقني عشان هالزباله بنت الحرام الوصخه .. ليش انا شسويتلك .. انا زوجتك زووووجتك .
رائد : يبا يلا ماعدتي زوجتي خلاص ,, عفيه كرامه انتي ماتستحين انا ماابيج من اول يوم ماتحسين ماتهيعين مااحبج انتي جيكره ماتنبلعين ؟؟
مرام : …........(مصدووووووووووومه) انزين ليش تزوجتني دامي مو عاجبتك ؟؟ هذي وصخه بنت حرام.. الي قاعد تسويه حراااام.
رائد : حرام اني تزوجتج وضلمتها اي وعلا فكره بس ترى حنان ((((زوجتي)))) علا سنة الله ورسوله .
مرام : ز...زوووجتك؟؟؟؟؟؟؟؟؟؟ ماشي الله يوفقكم بيباي..

خرجت مرام تجر رجلها كانت تتمنى لو انها لم تات كانت تتمنى لو انها لم تتزوج..
الدموع تكاد تعميها القهر يكان يشلها صحيح بأن رائد لم يكن زوج الاحلام الرمانسي ولاكنها كانت تحبه في تلك الايام فقد كان اول انسان في حياتها


ركنت مرام سيارتها في احد وجهة كنتاكي في شارع الخليج وفتحت المنضره لتنظر الا وجهها كانت الدموع قد جعلت عيناها تدميان لم تكن تضع اي نوع من انواع المساحيق وكان شعرها غير مسرح قررت ان تذهب الا صالون ارادت ان تغير من شكلها ومن نفسيتها.

دخلت مرام الصالون لاتعرف ماذا تفعل وكانت تتكلم مع الصالونه..
الصالونه : ممكن اساعدك بدك ايه؟
مرام : ماادري بس ابي اطلع من الصالونه انسانه ثانيه ابيج تغيريني ابي اصير حلوه,, شنو ممكن اسوي.
الصالونه : اي ياالبي انتي مااشالله حلوه بس نائصك شوي شغلات , ايه شوفي بدك تحفي حواجبك لان منون حلوين وبدك تئصي شعر لانو منو مرتب وكمان بدي اصبغه شو رأيك بشي اشئر؟؟ هاي لايت وبدي سويلك تنضيف بشره ومنكير بديكير كل شي انتي بس سئي فيني ..

.

قررت هديل ان تأجر سيارة من احد مكاتب التأجير لانها تحتاجها وغدا الكليه فأخذت السياره وركنتهاا عند الباب ودخلت المنزل.. وكانت بنتضارها زوجة ابيها ..(ناديه)

ناديه: تو مانور البيت(بستهزاء)
هديل : هلا خالتي ماكو والله كنت مع رفيجتي لان شفتها متضايقه ..

اقتربت ناديه من هديل ونضرت الا عينيها مباشره ..

ناديه : انتي عندج فلوس من وراي ماخذه من ورث ابوج شي وانا ماادري؟
هديل : لاحشى خالتي .
ناديه : من وين لج فلوس سياره؟؟؟؟
هديل : لاياخالتي هذي سياره اجار بس خذتها اسبوع حق الدوام باجر .
ناديه : اهااا ومن سمحلج؟
هديل : من يوديني باجر؟
ناديه : اي والله مالنا خلج يلا يلا طسي دارج بس سديتي نفسي.

في تلك الاثناء .. كان مشعل نادما قد احس بفراغ يريد ساره يريدها ان تكون معه امر غريب في الامس قرر طلاقها واخراجها من حياته والان يحس بأنه طفل بدونها .. احس بالذمب ,,, لا لااعتقد ذلك ولاكنني احس بأنه احتاج الا حبيبته ومثل مايقولون.. مرد الجلب لاصحابه.. لم يستطع مشعل النوم في تلك الليله كان يفكر بساره وولده اللذي في بطنها قرر الاتصال بها ولاكنه فوجيء بشخص يرد عليه ,,, لالا لاتتفاجؤا كان الشخص اللذي يرد عليه قد اعتاد علا ان يقول .. الجهاز مغلق او خارج نطاق التغطيه ….
لم يعرف مشعل ماذا يفعل ولاكنه قرر بالنهايه ان يرتدي دشداشته ويذهب الا منزل ام ساره ليرجع زوجته .. استغربتم انا قد استغربت اكثر منكم من الموضوع لاتعلقوا علا ماحدث فهو ليس من نسج خيالي بل انه ماحدث بالتفصيل دون زياده في هذه المره .. وصل مشعل الا منزل ساره وكانت الساعه التاسعه والنصف قرر دق الجرس عندما فتح محمد الباب مستغربا رفع محمد حاجبيه كان محمد في قرارة نفسه وكان مايتمناه في تلك الاثناء ان يضرب مشعل ضربا مبرحا ولاكن شيئا ما منعه اتعلمون ماهو هذا الشي؟؟ انها الدموع في عيني مشعل ووجهه البائس قد جعل محمد يرد عليه ويقول.
محمد : ا.. اهلين هلا مشعل تامرني بشي.
مشعل : ابي ابي سااااره الله يخليك محمد انا ندمان تكفه ابي ارجعها ابي اشوفها..
محمد : والله ماادري شقولك انت تفضل وخلني احاجيها...

وجلس مشعل وهو متوتر في الصاله املا بأن يحن قلب ساره عليه عندما ذهب محمد الا غرفة ساره التي كانت مستلقيه علا فراشها ..

محمد : سوير قومي ريلج ياي البيت.
ساره : شنووو ؟؟ شيايبه ؟؟
محمد : يبي يرجعج..
ساره : من صجه هذا امس مطلقني اليوم يرجعني ؟؟ لالا ماابيه.
محمد : يبا والله شكله يعور القلب يبيج .
ساره : خل اشوف شعنده خله يدش.

….....بعد مادخل مشعل.....
مشعل : حياتي انا اسف سامحيني تكفين مو قادر اعيش بدونج ابيج معاي لاتخليني والله نادم مااعيدها سامحيني ..(وقعد يبجي)
ساره : اااااااخ يامشعل ماادري شقولك لاتعور قلبي خلاص انا سامحتك .
مشعل : صج؟؟ يلا يلا لمي اغراضج بردج البيت الحين.
ساره مستانسه : اوكي اوكي يلا اطلع بره ببدل.
مشعل : ماتبيني اشوف جسمج مثلا هييييه ترى انتي زوجتي.
ساره : يوووه مشعلوا اطلع بره عشان ابدل (وحذفت عليه الكوشيه)
مشعل : زين زين ههههه.


دقت الساعه ال11 مساءا ..
هديل ارادت الخروج كانت تريد ان تودع حبيب قلبها رحلة الا المطار؟؟
لم تحسب لناديوو حساب وارادت الخروج دون تفكير بما سيحدث ارتدت قميص جبونيز مقلم قصير وبنطال جنيز وكعب ناعم وتركت شعرها الناعم اللذي يصل الا اخر ضهرها منسدلا ورسمت عينيها وارتدت عدسات ملونه وانهتها بحمره حمراء ماركة (ماك) كانت في غاية الجمال ونزلت بهدوء وهي تفتح باب الخروج والا بصوت يناديها : هدييلوو وييييين رايحه تالي الليل؟؟

 

[دلوعة الكويت90]

ياترى منو الي نادها ؟؟؟؟؟؟؟
وشراح يصير ؟؟؟؟؟؟؟
في الجزء الياي باجر

 

[com-teacher]

يعطيييييييييييييج الف عاااافية نبي بعد

بليييييييييييييييييييييييييييييييز

 

[miss disaster]

اتوقع هاذي اختها نسيت شسمها

و يسلمو وناطرين الياي

 

[غــلآهاا غير]

حبيبتي دلوعه يسلم شانج ياقلبي .. البارت رووووووعه .. اممم اتوقع اللي نادتها ابرار ناطرينج

 

[بيه كويتيه]

انا اتوقع واحد من عيال مرت ابوها وبعدين يلحقها

او بنت مرت ابوها

ناطرين البارت الياي

 

[6amni bs]

رد : رواية (كويتيات) بقلمي حقيقيه عن صديقاتي قصص حب جريئه تحكي واقع بنات متحررات بالك

واااو يعطيج العاافيه كملي حبوبه روايتج عجيبه
ناطرينج

 

[BNT KWT]

متابعييينج كمليي


خووووووش روووواايه تينن

 

[دلوعة الكويت90]

انا اتوقع واحد من عيال مرت ابوها وبعدين يلحقها

او بنت مرت ابوها

ناطرين البارت الياي

اممممممممم قربتي

حبيبتي دلوعه يسلم شانج ياقلبي .. البارت رووووووعه .. اممم اتوقع اللي نادتها ابرار ناطرينج

اسمها انوار لوووووول احتمالج يدل انج متابعه جيده بس طالعه علي دايم اغلط بالاسماء

يسلموووووو كل الي ردوا علي فديتكم واليوم بنزل بارت عشانكم والحين بقع اكتبه مفاجأأات راح تنصدمون

 

[ح رؤف آلـ غ ـلأ]

رد : رواية (كويتيات) بقلمي حقيقيه عن صديقاتي قصص حب جريئه تحكي واقع بنات متحررات بالك

يآآآي الصرآآحة الروآية أكشن لووولل

بس جد جد جد الله يستر على كل بنات المسلمييييين

وبطلات روايتنا جراءة غير طبيعية

ساارة ومشعل هذا تالي الزواج من ورى علاقة << اللهم لا شماتة

وناطرين البارت حبيبتي.. ​

 

[a7la banoota]

رد : رواية (كويتيات) بقلمي حقيقيه عن صديقاتي قصص حب جريئه تحكي واقع بنات متحررات بالك

eb 9ara7a el 89a rw3aaa na6reench

 

[Q8_ButterFly]

رد : رواية (كويتيات) بقلمي حقيقيه عن صديقاتي قصص حب جريئه تحكي واقع بنات متحررات بالك

كملي كملي كملي بليز حدي مندمجه فيها​

 

[Riooma]

good work, bs laish al parts qsar wayed

 

[دلوعة الكويت90]

دقت الساعه ال11 مساءا ..
هديل ارادت الخروج كانت تريد ان تودع حبيب قلبها رحلة الا المطار؟؟
لم تحسب لناديوو حساب وارادت الخروج دون تفكير بما سيحدث ارتدت قميص جبونيز مقلم قصير وبنطال جنيز وكعب ناعم وتركت شعرها الناعم اللذي يصل الا اخر ضهرها منسدلا ورسمت عينيها وارتدت عدسات ملونه وانهتها بحمره حمراء ماركة (ماك) كانت في غاية الجمال ونزلت بهدوء وهي تفتح باب الخروج والا بصوت يناديها : هدييلوو وييييين رايحه تالي الليل؟؟




هديلو وين رايحة تالي الليل ؟؟




هديل : الله يااااااخذج انوارو طيحتي قلبي هذي سوالف تسوينها؟؟
انوار : انزين ماجاوبتيني وين رايحه؟؟
هديل : ليش ليش اللقافه لاتتليقفين وخلاص ردي دارج وسكري حلجج.
انوار : لا ماابي ماراح اروح لين تقولين لي وين رايحه؟؟
هديل : اوف رايحه المطار,, ارتحتي.
انوار : اي يلا ذلفي قبل لاتيي امي.


في تلك الاثناء لم تكن انوار وحدها من تسمع اجوبة هديل بل كان هناك شخص اخر …...... عبد العزيز اخو انوار يبلغ من العمر 20 , لم يكن عبدالعزيز يسكن مع امه الا منذ اشهر بعد وفاة ابو هديل ,, كان في السابق يعيش عند ابوه وكان يسأم من قوانين والده ومن اوامره فقرر الانتقال الا منزل امه اللذي اصبح منزلها بقانونها بعد وفاة زوجها ابو هديل ,,, قرر عبدالعزيز في تلك الليله ان يخرج لمشوار صغير وكان سببه فضول معرفة وجهة انوار ….


في تلك الاثناء كانت ساره مع مشعل عرسان من جديد ..
مشعل : شلون خليتيني ورحتي والله حرام عليج.
ساره : وانت الي سويته مو حرام .
مشعل : حياتي انا اسف ,, بس ساره بكلمج بموضوع ممكن؟؟
ساره : امر حياتي .
مشعل : انا ابيج تتحجبين لاني اغار عليج.
ساره : يووووووه يامشعل ماتكلمنا بهالموضوع اول؟
مشعل : والله ترى انا ريال مالي غاريه تحجبي ساره حتى امي مو عاجبها الوضع.
ساره : اهااا يعني عشان امك؟؟ عناد عليها ماني متحبه.
مشعل : سااااره انا رايح اشتريلج حجاب وراح تلبسين عبايه عاجبج عاجبج مو عاجبج ردي بيت اهلج .
ساره : انت من صجك ؟؟
مشعل : اي وكلام يوصلج ويتعداج ,, انا خواتي كلهم متحجبات شفيها لو تتحجبين؟؟ عيب حرام فشله؟؟ استرلج واحسنلج .
ساره : اووووووف.




مرام كانت قد انتهت من.. النيو لوك وطلعت وااايد حلوه .. قصت شعرها قصة حليمه وصبغتها هايلايت اشقر فاتح وحفت حواجبها علا طريقة الجاينيز والتقشير وتنضيف البشره .. نتيجه مرضيه جدا .. وبالاضافة الا لمسات المكياج الخفيف والناعم كانت قد رسمت حاجبها لتبرزهما ووضعت الكثير من المسكارا لتبدو رموشها كأنها اصطناعيه ووردت خديها ببلاشر مائي وحمره ورديه فاتحه .. نضرت مرام الا نفسها بالمنضره وهي للمره الاولى التي تعتني بنفسها هكذا كان اخر همها المكياج والموضه ,, لم ترد مرام العوده الا المنزل في تلك الاثناء قررت ان تعطي نفسها مجال للتتنفس .. اتصل عليها يوسف في تلك الاثناء قررت ان ترد .


يوسف : مابغيتي تردين؟؟
مرام : سوري انشغلت.
يوسف : انا اسف اذا كنتي ماتبين تشوفيني خلاص بلاها بس لاتزعلين مني.
مرام : اااا امبلى ابي اشوفك.
يوسف : صج؟؟؟؟ سبحان مغير الاحوال مو مصدق بس متى؟
مرام : الحين عندك شي؟
يوسف : نووو وحتى لو عندي اطنشه .


نضرت مرام الا ملابسها ولم تقتنع بهم كانت مرتديه بلوزه واسعه رماديه وليقنز قصير اخضر ,, احست للمره الاولى بالتناقض وبأن لبسها لايتناسب مع القصه الجديده والنيو لوك قررت الاتصال بميرا لكي تستعير منها بعض الملابس وذهبت لمنزل ميرا علا عجله واستعارت منها قميص ابيض مخطط بوردي خطوط ناعمه وجينز ازرق داكن وحزام ديور وارتدت اقراطا ذهبيه للتتناسب مع شقار شعرها الجديد كانت مرام ممتلئه قليلا قليلا فقط ,, اتصل يوسف بها ليحدد مكان اللقاء وقررا ان يلتقيا بالشيشه … نعم نسيت ان اخبركم بأن مرام كانت تدخن الشيشه قبل الزواج وبعد الزواج تركتها ولاكنها اشتاقت الا طعم المعسل وخاصه العنب بالنعناع .. اتفقا على الذهاب الا الدور السابع ,, (شيشة الدور السابع بالسالميه)..








في تلك الاثناء كانت هديل في طريقها الا المطار لم تخبر فهد بقدومها قد ارادت ان تفاجئه ..
وكان عبد العزيز يلحقها بهدوء احست ساره بأحد مايلاحقها ويبدو انها عرفت ملامح عبدالعزيز فقررت ان تقف على حارة الامان فوقف عبدالعزيز ورائها نزل عبد العزيز من السياره الا نافذة سيارة هديل..


هديل : انت شتبي لاحقني تراقبني مثلا؟؟
عبد العزيز : ماادري يمكن ,, بس بسألج وين رايحه الساعه 11 ونص ترى.
هديل : انت شكو لاتتدخل عبدالعزيز كافي انك دخيل في بيت ابوي.
عبد العزيز : وبععد طلع لج لسان؟
هديل : عبدالعزيز لو سمحت وخر عني لاافضحك الحين جدام خلق الله.
عبد العزيز : حلو حلو يالقطوه,, عاد تدرين طالعه تهبلين اليوم ,, من او ماييت البيت وانا حاط عيني عليج عاجبتني ,, ومااعترف اني كنت اطل عليج وانتي بغرفتج وانتي ماتدرين بالعربي انا مراقبج وعارف كل شي عنج وبكلمه مني تنطردين من البيت .
هديل : انت مو من حقك تتكلم جذي اصلا انت لااخوي ولا ابوي انت شكو انا حره بتصرفاتي لو سمحت اقلب ويهك.
عبد العزيز : شرايج تغيرين مشوارج وتيين معاي شقتي نونس نفسنا واعتبر اني ماشفت شي.
هديل : تتتتف عليك وعلا قذارتك يالنيس..


اغلقت هديل نافذة السياره وحركت بسرعه محاوله اضاعت عبدالعزيز.,, ونجحت في اضاعته مما جعل عبدالعزيز يفقد اعاصبه ويرجع الا المنزل غاااضب... الله يستر..




تعـــــــال قبل لتروح عنــي ضمني اقرب من انفاسي ترى حالي صعيب..
ابنتثر قدام عينك لمني وبسألك هل نلتقي عما قـــــــريب..


وصلت هديل الاارض المطار متلهفه لرؤية حبيب القلب فهد لم يكن يعرف فهد بقدومها فتصلت عليه ساره لتعرف مكانه ..


هديل : الووو هلا حياتي انت بالمطار.
فهد : اي بالمطار قاعد كل من برجر كنج ويا الربع .


هديل : ويا منو عبيد وبندرو الخبلان؟؟ اي سوري حبيبي كان ودي اييك بس عارف القوانين.
فهد : ايه لنا الله ..


كان فهد جالس مع اثنين من اصدقائه في مطعم برجر كنج في مطار المغادرين وفي تلك اللحضه كانت هديل متوجهه الا طاولة فهد واصدقائه..


عبدالله : احححححححح يلعن يوم الصاروخ الي وراك شوف شوف بندرو يلعن خيرها شهالجمال ؟؟
بندر : اخييييييييه لو هذي حبيبتي والله ماحاجي غيرها.


التفت فهد الا هديل .. كانت هي من يتحدث عنها اصدقائه..


فهد : شوف بندرو بكلمتك هذي صدقت.. عمري مااخونها.


وقف فهد من مكانه تاركا مافي يديه مبتسما ابتسامة حب الا هديل نضر فهد الا هديل من اسفل قدميها متفحصها بدقه وكان يتسائل .. جنها محلوه ولايتهيألي ..
وعض فهد علاشفتيه واقترب من هديل صج حبيبتي غير .. امسكت هديل يدي فهد دون شعور وجرته مسرعه لم يعرف فهد الي اين تأخذه وكان صديقا فهد قد فتحا افواههم .. والعيون مبققه .. صدمه غيره ,,


عبدالله : والله طلع صاحبنا مو هين!!
بندر : بس بس انا احلى منه ظلم ….
عبدالله : الله كريم بس انا وياك حضنا ردي بعدين انت شنو احلى منه رابح صقر .
بندر : ااانا رابح صقر ,, علاالاقل يحبوني البنات..
عبدالله: الي الي شبه شيخو البطه العبده الطقاقه صح؟
بندر : جب يانعال اهي كانت تلحقني انا شكو بعدين اهي مو طقاقه اهي بس ريحتها خياس ومشعره ولها ضرسين بس ولا مافيها شي ترى؟؟


ذهبت هديل الا سيارتها التي ركنتها في مواقف المطار وفتحتها وسحبت فهد وادخلته الي المقعد الخلفي بالسياره .. لايروح فكركم بعيد .. بدأت هديل بالنضر الي عيني فهد ثم اخرجت قلاده علاشكل قلب الحب صغيره جدا ومعلق بسلسة فضيه وبها اسمان .. هديل , فهد ..


هديل : ابيك تلبسها علاطول .. لاتقول فشله انا ماخذتها صغيره عشان مايصير شكلها علط بس بليز اذا تحبني لاتقطها ترى بسألك عنها لارديت من السفر وهااا لاتقول ضاعت .
فهد : هدول من صجج البس قلاده شيميل انا؟
هديل : فهد تلبسها يعني تلبسها مو شغلي ماابيك تنساني لو لحضه .
فهد : البسها بعد امري لله كلش ولا هدول و حياتي انا اكيد ماراح انساج .
اقترب حاجبا هديل من بعضهما وارتفها بألم ودمعت عينيها ثم اقترب من فهد وحضنته بكل قوتها محاوله كتم عبراتها ولاكن انينها فضحها مما الم قلب فهد ولمعت عيناه ولاكن لم تذرفا دمعا بعد وامسك بوجهها ونضر الي عينيها مباشره كانت ممتلاءه بالدمع فقد ضاعت اناقتها وسال كحلها ,, وضع اصبعه السبابه محاولا مسح دموعها ثم مرر اصبعه علا شفتيه محاولا تذوق دموعها..


فهد : ياااحيوانه ليش تبجين؟؟
هديل : والله مو بيدي تدري شنو يعني بتخليني؟؟
فهد : هديل تكفين لاتنكدين علي ابي اسافر وانا مرتاح ماابي اقعد احاتيج هدول تكفين اذا تحبيني بطلي بجي ماابي اشوف دموعج هدييييييييييل!!!!!!!


فجأه رن هاتف فهد .. المتصل بندر ..
بندر : انت ناوي تطير عنك الطياره يلا ترى حده حده بسك رمنسيات.
فهد : هدول ترى تأخرت.


مسحت دموعها هديل :اوكي حياتي لحضه بس بوصلك لين الباب.


كانا يستمتعان بالحديث الا ان وصلا الا نقطة الافتراق بوابة المغادرين امسكت هديل بيد فهد بقوه وهي تعصر اصابعه وعيناها تدمعان دون شعور.. ((ترى مشهد واقعي بحت وحقيقي صار لهديل الصجيه))


هديل : ودي المك.
فهد : هدول جدام الناس ترى .
هديل : فهد اوعدني تدير بالك علا نفسك اوعدني تتغدا وتتعشى وماتضايق روحك ادري اذا تضايقت صحتك تتعب.
فهد : صحتي ماتتعب الا اذا انتي الي كنت مضايقها او متضايق منها .
هديل : فهد احبك والله احبك والله والله ماراح اخونك حياتي تكفه اول ماتوصل دق علي ترى ماراح انام لين توصل .


رجعت هديل الا السياره وهي تكفف دموعها وتنضر الا الناس وكيف تنضر اليها وكانت تقول في نفسها .. ااااااااخ يافهد شلون بعيش بدونك الله يصبرني بس علا فرقاك ياحبيب وروح ساره .. بنفس الوقت كان فهد يقول في نفسه .. صج زاد غلا هالبنت يحلوها تبجي عشاني والله فطعت قلبي بس صج صج احبها .. اقتربت هديل من سيارتها والا بهاتفها يرن .. المتصل انوار ..


انوار : يالخبله وينج ؟؟
هديل : بالمطار ليش شصاير صوتج مو طبيعي.
…...............


ياترى شصاير وشفيها انوار كله راح تعرفونه بالجزء الياي وميرا غطينا عنها راح تاخذ دور قوي بالبارت الياي ومرام ياترى شراح يصير لها ومشعل وبعدين وياه شنو راح يصير كله تعرفونه بالبارت الياي ولاتنسون ابي ردود تشجع.

 

[miss disaster]

اما هذا عبدالعزيز @@ نعم خير شتبي داش بقوه الاخ

بس بسألج اهو شيصير لهم اخوها ؟ ولا ولد مرت ابوها ؟

يسلمو حبيبتي وناطرين الياي