البارت الثاني
في الديوانية
الكبار قاعدين يسولفون عن البورصه والشركات والشغل والجانب الثاني ناس يلعبون بليس تيشن واللي يلعب psp واللي جنجفة واللي قاعد يسولف
فهد : يالله والله داايخ حدي
سعود : من صجك انت حد امه ميت على النووم
حمد : هذا جزاه اللي يسهر ووراه صلاة يمعه وزواره نامو مبجر بس عشان هاليوم
سعود : جب زيين والله صاير ينصح بعد
حمد : معذور مو نايم مسكين لووووول
سعود : هذا اللي بقوم عليه الحين يضحك الجلب
حمد : الجلب ويهك لا تسب
سعود : صج جليل حياا انا عمك عمت عيينك
حمد : عمي على عيني وراسي بس ميانه عادي ههههههه
سعود : حمود والله لو موداايخ جان كفختك ..فهود والله ماادري شلوون هذا معانا بشلتنا انا ويااك
فهد : اي صح شلتنا احنا الكسل والخمول والطلعاات والوناسة والبطاله انت تشتغل
حمد : اووف يعني بس عشان اشتغل تقولون جذي عني يبا البركة بعمك هذا ولا انا عادي عندي اشتغل ولا لا بس اهو جبرني وانا مارديته
فهد : احنا بوفيصل الله يطول بعمره ماادري شلون هالشئ الوحيد اللي مو قادر علينا فيه
سعود : اي والله تصدق
حمد : لا يبا انا مارديته ومالي خلق محاضرات وسوالف خل اسمع الحجي احسن فهد : براافوو اخ حمد رجااء حاار خلك على طول جذي
حمد : تتطنز مع ويهك
فهد : سلامة عمرك ,, الا شرايكم نروح الديوانية
سعود : وين اليوم قعده تعرف بعد شلون نروح احنا نطول اهني على ال12 والوحده من صجك على مانوصل الا وحده ونص ,,2 الا ربع بعد ليش رايحين مع هالويه
فهد : اوووف ياربي احنا عقاب هاليوم يعني تعرف احنا الشلة الثلاثه نطييح على بعض غيرنا مايصلح مع ان كل الشباب موجودين بس حد امه ملاقة والله مشكلتنا مشكلة
سعود :ايه صاج اخ فهد شرايك تعرض مشكلتنا الازليه عند خالد عبدالجليل ترى والله شي
حمد :لووول تصدق عاد عشان يقول والله نهد القضايا المهمه ونتفرق لقضية تافهة مثل قضيتنا :/
فهد : مالت حتى مالت تدري الشرهة مو عليك علي انا الحمار اللي قاعد اسولف معاك
سعود : توك تدري انك حمار انت حمار من زمان
حمد وسعود ميتين ضحك
فهد : جب جب قله حيا والله
عبدالله (بوفيصل) : فهد , سعود
فهد وهو يساسر سعود : وليه رحنا ملح طلع اسمنا
سعود : جب شوف شيبي
فهد : هلا يبا
بوفيصل : هلا فيك الا اليوم حضراتكم ليش خامدين عساكم الخمده وهادين صلاة اليمعه هاا
فهد : ولين سعود رد عليه
سعود : لا والله انا شكو تقطها براسي هذا ابوك انت رد
فهد : واخوك وابوك لوووول انت اكثر قرابة
بوفيصل : احاجي الطوفة انا
فهد : هاا لا أأأ ماادري راحت علينا نومة
بوفيصل : حق المارينا والافنيوز والشاليه والدوانية والقز والطلعات تقومون لو من عز نومكم لكن حق الصلاة ماتقومين وتروح النومة عليكم صح
سعود : بوفيصل يبا حقك علينا اليوم بس طافتنا صج راحت علينا النومة والله
بوفيصل : والله حق نفسكم مولي انا شنو مستفيد كيفكم لوعتو جبدي وانا اعلم فيكم ماكو فايده العوي عوي وانتو كبار مو يهالو
محمد (اخو بوفيصل) : وانت صاج يابوفيصل هذول وين ينصلحون ياطالعين يامجابلين هالنت ولا البليستيشن لا شغل ولا مشغله
الجد فيصل : اييه ياعيال هذا الجيل جيل خرابيط مو رجوله كلهم اشباه ريايل
سعود : افا والله يبا
فهد : سعود تكفا لا تجادل خلاص وربي بتفتح علينا ملفات احنا بغنى عنها
جاسم زوج عمتهم قطع الحوار : الا بوفيصل شصار على المناقصة اللي قلت عنها
بوفيصل : اي الله يسلمك المناقصة ...ودار الحديث بينهم وسعود وحمد وفهد بمكان وكل واحد لاهي مع الثاني
في الصاله دخلت ساره بعد ماخلصت من مكالمة عبدالعزيز
منيرة : شتبي غاليه منج هالحزة
ساره : ها أأأ إي كانت تبي تسألني عن شغله
منيرة : اي وشنو هالشغله
ساره بقلبها (ياورطتي شقول مليت وانا اكلك)
منيرة : شفيج تنحتي اقولج شنو الشغله
ساره : وااي عليج يمه سرحت بشغله تذكرتها اي تبي تاخذ رايي شنو تلبس ملفع للبدله اللي بتلبسها عاد انا قلت مااقدر احكم الا لما اشوف بعيني الالوان عدل وجذي
منيره :اييي
مريم (عمتها ) : ياحلاتج والله يابنت اخوي قمر تهبلين الله يبلغنا فيج وتفرحينا
ساره : فديتج عمتي احرجتيني بكلامج ..ايي طبعا مايبتي هالطاري الا امي متكلمة
منيرة : اي والله اتكلم من القهر ليش مااتكلم
شهد (اخت منيرة وزوجة عمها محمد ) : اسم الله عليج من القهر
سارة : استغفر الله ..قولو تبون الفكة مني خلاص عاد يعني متى نفتك من السيرة هذي يعني لازم تضيقون خلق الواحد وتزيدون فوق همومة هم
مها : اي اللي كبرج تزوجو وعندهم يهال وانتي عله على قلب امج تزوجي وريحيها
ساره : اظن انتي مالج شغل فيني فاهمة .. وانا متى ما شفت اني ابي اتزوج بتزوج وانتي اخر وحده تيي تحاجيني بالموضوع هذا اووكي
منيرة : ساروه عيب هالحجي انتي موياهل اعلمج ومها زوجة اخوج العود
ساره : انا ماقلت شي غلط وبعدين عود مو عود انا اقول اللي اقوله دام مقتنعه فيه اتمنى تصكون السالفة هذي محد له شغل فيني
(الجده ساره) : انا قلت ماتغصبون بنتي لا تحنون على حفيدتي خلوها بكيفها
مريم : يمه احنا نبي لها الخير لكن بالنهاية على راحتها
سارة حيل تضايقت وماسكة نفسهاا حيل شوق حست فيها
شوق : سارون امشي دارج رويني المجلات اللي قلتي عنها
ساره صعدت بدون لا تتكلم ويا شوق لانها ماسكة نفسها
شهد : منيرة خلاص وعد تصكين السالفة هذي لانه البنت بتنفجر لا تحنين عليها حتى لو تبين الستر لها احسن من تكره الزواج وتظل عندج ماتتزوج
وظلو يسولفون نروح لدار ساره اللي دخلت وحدها متضايقة
شوق : سارون قلبي كل الكلام اللي انقال قطيه ورى ظهرج يقولون اللي يقولونه
ساره قامت تبجي :انا ماابي شي وانتي تدرين ابي هالسالفة بس تنصك آآه ياعزوز تعال شوف ساره حبيبتك شقاعدين يسوون فيها
شوق : ساره جد ليش عزوز مايي يخطبج مو يحبج وتحبينه وولد خالج خلاص انتهى الموضوع ليش مانخلص من هالسالفة
ساره : شوق ماتدرين يعني غشيمة انتي تدرين ان عزوز قاعد يشتغل ليل نهار عشان مايحتاج لاحد وبعدين اهو قاعد يمهد السالفة لخالي ترى الموضوع مو هين انا مستحيل اهد الكويت واعيش بعيد عنكم واهو بيهد ديرته ويعيش اهني عشاني تتوقعين الموضوع سهل عليهم انا بعد مااضمن موافقة ابوي الموضوع صعب ومعقد واحنا قاعدين نبذل طاقتنا كلها اهو يشتغل وانا ارفض اللي يخطبوني وتدرين لو مو ابوي بصفي ولا جان من زمان انا متزوجة خاايفة وربي يي اليوم اللي يتاثر ابوي بالكلام اللي ينقال ويشك فيني ويقول في عذر ثاني يخليها ترفض لانه العقل يقول جذي انتي تعرفين اللي تقدمولي شنو واحد احسن من الثاني وانتي تعرفين الحيوان فهد يقلب راس ابوي وامي من الاساس راسها مقلوب علي بكل صغيرة وكبيرة ..قعدت تبجي بحرقة شووق لا تشوفيني اروح واطلع والبس واسوي اللي بخاطري او انكت واسولف واضحك يعني مستانسة انا كل يوم وكل ساعه وكل دقيقة اتقطع تعبت والتعب هلكني اخااف يزوجوني غصب وابتعد عن الشخص اللي روحي اعشقته تدرين والله والله لو تصير اموووووت والله اموووووت وقعدت تبجي بشكل يقطع القلب
شوق ( مااقتنعت بكلام ساره وانه يمهد السالفه بس مشتها) : اسم الله عليج حبيبتي لا ان شاء الله بتاخذينه واذكرج وانتي على الكوشه ..وكل اللي صار بيكون مااضي
سارة : متى بس قولي انا مليت من الوضع اللي انا فيه اوكي ابوي معاي في كل شي وسعود مايقصر بس فهد مضايقني بكل صغيرة وكبيرة ..مو كل وقت ابوي موجود ساعات مسافر بعد تاجر يعني وقت اللي مو موجود منو يفكني من ايده وانتي تعرفين لساني مااقدر اسكت
شوق : خلاص قولي لعمي يحط حد لفهود وبعدين سعود وصالح ومحمد موجودين
ساره : صالح اذا فهد قاله اختك لابسه هاللبس مو سنع بيقول حيلك فيها زين تسوي ومحمد قليل ماينزل عندنا ترى وسعود مو كل وقت موجود وابوي مكلمة وكل مرة يوصي قبل لا يسافر لكن ماكو فايدة وانا اكلها خصوصا امي مع فهود بكل شي وهو الحيوان عنده اسلوب يقنع الواحد انا تعبانة ياشوق وربي ..لمتها شوق وقامت تطبطب عليها وتمسح على شعرها ولا يرن تيلفون ساره واغنية يلوموني ((قلبي يتصل بك))
شوق : هذا عزوز
ساره : مااقدر ارد راح يحس
شوق : ردي لا تخرعينه عليج ومسحي دموعج وعدلي صوتج وماراح يحس بشي ان شاءء الله
ساره : هلاقلبي
عبدالعزيز : ابوووي انتي فدييتج ..حياتي فيج شي
ساره وهي تحاول تخفي بحه الحزن والبجي بصوتها : لا حياتي شنو يكون فيني وانت حياتي كلها
عبدالعزيز : توني قبل ساعتين مكلمج مافيج الا العافيه الحين صوتج غيير
ساره : .........
عبدالعزيز : عمري انتي قولي منو مضايقج منو مزعلج مها او منى قطو عليج حجي
ساره وهي تبجي حييل : عزوز ابيك محتااجتك يمي مااقدر اعيش بدونك تفهم وينك عني ابيك يمي ابي ابجي على صدرك ابي احس بحنانك ابي احس انه واحد يخفف عني همومي انا تعبانة بدونك محتاجتك ليش جذي ياربي ليش انا بديرة وانت بديرة ووقت احتاجك فيه حييل ومااقدر استحمل التعب مااقدر اشوفك ولا احس بقربك لييش قولي ليييش يصير فينا جذي وهي تشاهق من البجي
عبدالعزيز بدت الدموع تتجمع بعينه على انه قوي ودمعته ماتنزل الا نادر
عبدالعزيز وصوته فيه بحه الم : حياتي انتي لانه هذا القدر وانتي تدرين انا احفر بالصخر عشانج اشتغل اتعب عشانج كل ماتعبت ولا يأست حطيتج جدامي يرووح التعب كله ساره انتي حبي الاول والاخر اعشقج مووت ولدرجة الجنون مستعد ابيع الدنيا كلها عشانج تدرين اذا تضايقتي دنيتي تصير سووده مافيها اي شعاع نور ينورها او ينور طريجي من قال انا صابر لا مو صابر بس قاعد اتحمل انتي تعرفين خالج امي مضمونة يمكن بس خالج يبيله صبر والله
ساره : ادري والله حاسة فيك انا ليش اقول هالحجي خايفة مااكون لك
عبدالعزيز قاطعها : انتي ليي والله والله محد ياخذج غيري ماابي اسمع هالحجي منج مفهوم
ساره : انا والله قاعده اشوف الويل من فهد وامي بالطالعه والنازلة ياتتحلطم او تقط حجي كله مو عاجبتها
عبدالعزيز : ياربي احنا شنو سوينا عشان يصير فينا جذي آآآخ سمعيني انا الحين على اقرب طيارة وبكون عندج
ساره : حياتي لا تتعنى خلاص كنت متضايقة وبس قطيت هالكلام والحمدلله ارتحت خلاص مابي اتعبك كفاية كلامي تعبك
عبدالعزيز : ساره انا لو مو تعبج مااعيش المهم انج ارتحتي
ساره : اي انا بس اكلمك ارتااح
عبدالعزيز : خلاص عمري اخليج انا الحين بشوف الحجوزات
ساره : ان شاء الله وحط بالك على نفسك
عبدالعزيز : ان شاء الله يالله مع السلامة
ساره : الله يسلمك
وصكت التيلفون منه وقعدت تبجي
شوق : هبلة وليش البجي الحين مو راح ييلج وراح تشوفينه
سارة : ابجي لاني احببببببه ابجي لاني مو قادرة انطر متى اشوفه
شوق : اييه هذا اللي يسمونه حب الجنوني
.................
في الصالة منى وسها قاعدين وطايحيله حش
سها : شفتيها شلون تضايقت بس يبنا سيرت الزواج
منى : اي يبا قلتلج اقص ايدي اذا ماعندها وااحد ولا في وحده ترفض الزواج بالطريقة هذي وماوراها شي مستحيل
مها : انا قايلة لفصيل هالحجي وماعجبة وقال صكي السالفه ماابي اسمعها مرة ثانية اي مايرضى عليها
منى : يمعوده اهم شي ماتفضحناا احنا عايلة معروفة ويبون الشاره علينا
مها : شنو تسوين بعد ماكو فايدة محد يقدر عليها هذي ووراها الراس العود عمي وين احد يقدر يكلمها اللي يقدر عليها بس فهد
منى : اي والله تصدقين وخالتي صافة معااه والله زين يسوي فيها صج صج ريال ويوم عن يوم يكبر بعيني
مها: اي ياليت اخوانة مثله يوقفونها عند حدها هذي بنت وعمرها بالعشرينات ومفتحه بكل شي مصييبه
منى : ليتها على جذي اهي بعد لاتحشم ولاتحترم احد
مها : اي والله
