رواية بقايا روحي ..روعه لا تطوفكم...

[يارضاها وقف وناظر شوي]

مرحبا .. بنات .. بعد تردد قررت انزل هالرواية اللي عجبتني ..

واتمنى تعجبكم .. وبنزلها على اجزاء ...


اتمنى .. محد ينزل شيء ..

للكاتبه ملكة الليل ..


قعدت على صوت الباب ... إزعاج ....
: فــــــــــرح يله قعدي تأخرنا ..؟
نقزت من سريرها سعاد عندنا ... تأخرنا على شنو فتحت الباب ...
سعاد بوجه متهجم : لا كملي نومتج بعد بعد تو الناس ...
ابتسمت فرح : شنو بيصير يعني .. اتاخر عليه بالطقاق ولفت وراحت الحمام
سعاد وهي تقعد على السرير : فرح يله حدنا متأخرين على الصالون...
خذت شاور سريع .. وطلعت وسعاد ترتب أغراض لأخر لحظه عشان لما تسافر تأخذهم معاها ..
لبست ملابسها وطلعوا للصالون
فرح: سعاد أبي شيء ناعم .. شي خفيف
سعاد : زين زين أنتي بس اسكتي خلي المرة تحط لج ..
وفعلا كان ماكياج ناعم حيـــل لأنها بتطلع من البيت للمطار .. ماراح تدخل الصالة لأنه ماكو حفله ولاشيء
رجعوا البيت ولبست نفنوف قصير أوف وايت مع لؤلؤ وكريستال خفيف عل الصدر ولبست عبايتها فوقه ..وملفعها..
كانت الساعة 6 المغرب
سعاد : يله فرح الرجال تحت ينطرج بالسيارة
فرح : مابي مابي .. قولي له اني مغصوبة .. عفية الله يخليج... مابي أروح يبي فلوس أنا أعطيه
سعاد وهي تحاول تخفف عنها : فرح زوجي يمدحه ويقول خوش رجال وطيب والكل يعتمد عليه بعايلتهم
فرح : يبيه خل يأخذه أنا مابيه... ودموعها مغرقه عيونها بس تحاول تمسكهم ..
سعاد وهي تبتسم: بقوله انج قلتي هالحجي .. يله قومي أنتي اعتبريها سياحة ماعجبج الوضع اطلبي الطلاق
شنو يعني ..!!!
فرح وهي منصدمه : انتي شتقولين ...؟
سعاد : ايي شسوي لج قنالج خوش رجال ماتبي هذا الحجي اللي تبين تسمعينه قلناه لج ...
دق تلفون سعاد وطلعت تتكلم .. قعدت فرح تأخذها الأفكار
لا مستحيل أنا أتزوج .. أبي أتوظف .. ابي اروح لامي مابي اتزوج .. الله يسامحك يبه ليش بعتني .. وعلى منو ناس مانعرفهم ولا يعرفون أصلا اني موجوده .. قطعت عليها افكارها سعاد..
سعاد : فرح .. يقول فيصل انه اذا ماطلعت ترا بيدخل يطلعها
عضت على شفايفها بدأ الهم بدأ .. وقامت وكل عضله في جسمها تقاوم .. حتى عقلها يقاوم هالفكره
طلعت وقبلها اغراضها كانت تحت .. نزلت .. حست ببروده في عضامها لما شافت اللموزين واقفه عند الباب.. فتح لها الباب السايق .. ضمت سعاد .. وعيونها عليها .. الثنتين بكوا .. صعدت فرح هي اصلا ماتحب هالمواقف.. حست بالسيارة تتحرك .. بس ماتشوف احد طالما هي منزله راسها .. واول مارفعت عينها شافته.. نزلت عينها بسرعه .. ماظن شافني لانه لاف وجهه للجهه الثانيه .. رفعت راسها شوي شوي شافته ... هيبته خلبتها تنزل راسها ثاني مره .. تنهدت بهدوء عشان مايسمعها .. كان الصمت سيد الحوار... حست انه في شيء غلط .. شلون واحد توه متزوج مايشوف عروسته .. ولا يسلم عليها حتى .. احسن لانه ماراح اعرف ارد عليه لو تكلم خليه ساكت احسن .. فكرت بحياتها شلون راح تكون .. معاه .. وشلون راح يكون اسلوبه معاها .. الله يستر بس لا يطلع من النوع اللي يطق بس الله يستر ... وصلوا المطار ونزل الاغراض السايق .. مشت وراه ولا كلمها ولا كلمه .. وقف وبغت تصدم فيه بس انتبهت انه وقف .. المطار زحمه ... بعد دقايق التفت عليها .. وفجأه تكلم : روحي قعدي اهناك وانا لما اخلص اناديج ..
طالعته وصدمتها نظرة الاشمئزاز بعيونه .. آآآآآآه ياقلبي .. تحركت للمكان اللي اشر لها عليها وقعدت وهي تحاول بكل طاقتها تمسك البجيه لا تطلع .. ماتبي تبجي بمكان عام .. ولا تبي توريه انكسارها .. مرت دقايق ثقيله عليها .. ربع ساعه .. ماحست إلا اهو واقف عندها لانها كانت تدز رسايل بجهازها ..
رفعت راسها .. ماتكلم .. تحرك واشر لها تمشي معاه .. تحركت مثل الخروف اللي يقودونه للذبح.. بعد الانتظار لاعلان موعد الطياران اصعدوا على الطياره .. بدرجة رجال الاعمال اشر لها تقعد على كرسي بجانب الدريشه.. قعدت .. صقعها .. لما تحرك وقعد بالكرسي اللي وراها .. لالا الوضع فعلا مو طبيعي هذا الظاهر مغصوب على الزواج مثل حالتي .. لا شعوريا ابتسمت .. احسن .. جذي راح يسهل عليها امور كثيره .. كانت تخطط لها .. تنهدت .. شر البلية مايضحك .. شلون يغصبونه عل الزواج .. لا يكون ماعنده شخصيه ولييييييه..
انا شحقه اشغل مخي .. السفره طويله لإيطاليا خل انام احسن لي .. اللي بيصير يصير .. ههههههههه ضحكت وهي تلف وجهها لدريشه .. وغفت ..

بالطياره ...
مدام .. مدام ...
صحت فرح على صوت غريب فتحت عيونها .. كانت المضيفه ..
المضيفة : مدام شو حابه تاكلي جاج وإلا لحمه وإلا سمك ..
فرح : لا شوكرن مابي شيء ..
المضيفة : حايه تشربي شيء .. ؟
فرح : ممكن ماي لو سمحتي ..
المضيفة : حاظر .. وحطت لها ماي وتحركت .. شربت فرح ماي وعدلت شكلها .. مو مرتاحه بالمكياج لازم تمسحه .. بالحمام احسن .. قامت للحمام ومعاها جنطتها اليد .. التفتت عليه .. كان نايم .. بس وسيم .. تاملته.. خشمه المرسوم .. وشفايفه.. تحرك .. تحركت وراحت الحمام .. مسحت مكياجها بمزيل المكياج حاطته معاها .. وغسلت وجهها ثلاث مرات .. لما حست انه نضف من المكياج .. حطت مرطب .. وقلوس .. وطلعت ..رجعت مكانها .. ماكان مو جود في مكانه.. حست بارتياح قعدت بمكانها .. وطلعت المنظره من جنطتها تبي تتاكد انها مانست عدساتها .. الحمدلله لابستهم مانست .. من كثر ماتعودت عليهم تنسى مرات انها لابسه عدسات .. نزلت المنظره بجنطتها .. حست بالم فضيع بذراعها التفتت وانصدمت زوجها ماسكها بقوه بذراعها .. بين الالم بعيونها .. تكلم وهو يصر على اسنانه : مره ثانيه ماتتحركين من المكان لما تتسأذنين فاهمه ...!!
فرح نزلت راسها .. وهزت بالايجاب .. ترك ايدها بشمئزاز .. وتحرك يقعد بمكانه .. مسكت ذراعها محاوله انها تمسح الالم .. غرقت عيونها بدموعها.. بس لا ماااابي ابجي انا اقوى من جذي .. تنفست مرتين بقوه شهيق وزفير .. عشان تروح البجيه .. طلعت جنطتها تدور أي شيء تلهي نفسها فيها .. فتحتها لقت رواية تقراها من زمان ولما الحين ماخلصتها .. استانست طلعتها وقعدت تقرا.. مر وقت طويل وهي تقرا الرواية الرومنسيه .. حست بتعب من القعده بس ماتقدر تتحرك من مكانها .. انام احسن لي .. لفت وجهها جهت الدريشه ونامت .. حست بحركه غريبه .. قعدت الظاهر وصلو لانه الكل ياخذ اغراضه وينزل .. قامت من مكانها .. مالقته بمكانه .. ارتعبت وين راح .. وقفت مكانها .. التفتت على المخرج مره ثانيه .. شافته .. تنفست الصعداء.. واقف يكلم المضيفة .. وبعدين التفت على فرح واشر لها تلحقه .. وبسرعه تحركت من مكانها تلحقه.. خلصوا اجراءات المطار وطلعوا بسياره تنطرهم عند المطار قعد هو يم السايق وقعدت هي وراه ..
حست بشعور بشع .. بشعور عندما تحس انك منبوذ .. او كانك جرثومه ستاذيهم.. عضت على شفتها التحتيه محاوله منها منع دموعها او بكائها من الخروج .. شعور بشع عندما تحس بعد الانتماء .. حركت راسها يمين يسار تحاول انها تتدارك الامر.. آآآآآآآه حست بالم فضيع في حنجرتها ..... غصه... ألــــــــــــــــــــــم رهيب .. حست كانها بالعه موس غمضت عيونها تحاول تبلعها بالم .. فتحت عيونها .. وطاحت عيونها بعيونه .. من خلال المراية الجانبيه للسيارة عقدت حواجبها .. وصدت .. فتحت جنطتها .. طلعت تلفونها وشغلته .. وصلها مسج .. كان من سعاد تحمدلها عل السلامه .. ومسج ثاني .. وثالث ورابع .. كلهم من سعاد تذكرها انها ماتنسى عدساتها .. عدساتها بسرعه طلعت المنظره وشافتهم موجودين الحمدلله انها تشتري اللي تنام فيهم ليله .. رجعت تلفونها الجنطه ..واخيرا وصلوا ..

نزلت من السيارة وكان هو نازل قبلها ودخل البيت قبلها .. كانت فيلا هاديه محوطه بالأشجار وسور وبوابه .. غير الحديقة الاماميه اللي ركنو السياره عندها .. نزلت وهي تتأمل المكان ... روعه أشجار .. وورود وهي تعشق الورود .. دخلت الفيلا .. صالة كبيره .. ولها بوابات للجهة الثانية من البيت تطل على مسبح .. وحديقة احلى من اللي كانت فيها قبل شوي .. طلعت على غرفة الطعام .. ولقت غرفة فيها تلفزيون كبير مسطح الظاهر غرفة المعيشة للعايلة ..
فجأها الصوت : اهلا وسهلا مدام .. التفتت ناحية الصوب كانت خادمة صغيره بالسن مبين عليها قدي وناسه في احد اسولف وياه .. ابتسمت فرح ..
الخادمة : مدام بدك وريك غرفتك من شان ترتاحي شوي ..
هزت راسها بالايجاب فرح .. وتحركت مع الخادمة وصعدت فوق .. لقت صالة وسيعه ومطبخ تحضيري وممر كله غرف .. واشرت لها الخادمة على باب وقالت لها انه هذي غرفتها وشكرتها فرح ودخلت الغرفة ..حست بقشعريره من برودتها .. الغرفة بارده .. وستايلها ذكوري بحت .. ابيض وازرق .. الغرفة مقسمه جزئين غرفة جلوس وغرفة نوم مابينهم باب .. لقت تلفزيون نظام سنمائي .. وقعده على حرف ال بالانجليزي .. حلوه .. تحركت للجزء الثاني من الغرفة .. سرير مربع .. كبير كبير حيــــــــــــــل .. لونه اسود والكفر اللي عليه بعد اسود.. عقدت حواجبها لون كئيب لغرفة .. لاحظت انه للسرير عمدان .. اكيد كان هناك ستاير نازله .. بس مو موجوده .. شهقت لما شافت البلكونه .. وبوباتها اللي ماخذه كل جدران الغرفة .. واااااااااو .. فتحت البلكونه
تخطف الانفاس .. النظر الطبيعي اللي محاوط المنطقة .. تاملت المنظر .. حست ببروده .. دخلت الغرفة .. وسمعت طق عل الباب .. فتحت الباب .. ابتسمت
الخادمة : مدام .. شو حابه تاكلي عل العشاء
فرح : أي شيء عادي .. مثل اهل البيت عادي حبيبتي ..
الخادمة : مدام .. ونزلت راسها الخادمة
فرح باستغراب: شفيج...؟
الخادمة : مافي حدا بالبيت غيرك انتي ..!
فرح بصدمة : شنو..؟؟؟؟؟؟؟
الخادمة: بس استاز عبدالعزيز وصانا عليكي وئال اعمولو شو ماتطلب المدام ..
فرح ببسمة استهزاء : لا ... فيه الخير والله ..
الخادمة : .......
فرح : حبيبتي .. أي شيء .. مو مشكلة .. حتى لو من اللي انتم تاكلونه ماعندي مانع...
ابتسمت الخادمة ..
فرح : حبيبتي وين حطيتوا ملابسي ..
الخادمة اشرت لها على باب بالغرفة مانتبهت عليه ..
شكرتها وسكرت الباب .. عبدالعزيز .. ههههههههههه ضحكت بصوت عالي توها تعرف اسمه .. هههههههههههه .. شر البلية ما يضحك .. فتحت الباب .. كانت غرفة الملابس .. وداخلها الحمام ..لقت ملابسها مرتبه بالكبت .. خذت ملابسها ودخلت الحمام .. الحمام روعه .. لونه ابيض يفتح النفس اكثر من غرفة النوم .. لقت المغاسل عل اليمين .. ودخلت .. لقت الحمام .. لقت الشاور .. وجنبه الجاكوزي .. ماخذ تقريبا نص الحمام .. خذت شاور وطلعت تستكشف الفيلا .. لقت غرفة مكتب تحت وفيها مكتبه كبيــــــــــره
مرت اربعة ايام .. ماشافت احد ..
بس هي والخدامات .. تعرفت عليهم صارت تطلع لهم المطبخ .. ومرات تقعد بغرفة المكتب .. تقرا ..
حست بتعب .. من القراءة .. حركت رقبتها يمين ويسار .. آه .. طالعت الساعة 2 ونص بليل .. طلعت لغرفتها
دخلت وماشغلت النور .. توجهت لغرفة الملابس خذت ملابس ودخلت الحمام تأخذ شاور سريع .. نشفت شعرها بالمجفف .. بعد مالبست بجامتها ..طلعت لغرفة النوم وهي مظلمة سكرت باب غرفة الملابس .. دق تلفونها .. استغربت منو بيدق عليها .. هالحزه .. تحركت تاخذ تلفونها .. كانت سعاد
فرح : هلا والله سلم قلبه .. حبيب قلبه
سعاد : هذا كله لي .. لالا ماقدر انام الليلة ..هههههه
فرح : عيل شووون جم سعاد عندنا .. وحده وملوعة جبودنا ..
تحركت فرح تقعد على السرير ..و هي تواجه غرفة الجلوس
سعاد: لا والله هين اوريج ..
فرح : لالا والله اتغشمر .. بعدين شلوووون تقدرين اربعة ايام ماتكلميني فهميني .. وإلا عشان حبيب القلب عندج انا بنت البطة السوداء .. هااا
سعاد : صج والله ماتستحين .. عروس عيب ادق أول الأيام انطر جم يوم وادق يكون هو مل منج وانتي مليتي
فرح : أي شيء .. ليش انتي مليتي من زوجج من رابع يوم ..؟
سعاد : أي شيء انتي والله .. انا امل من قلبي هذا بعد اللي باقي ..


اشوف الردود ونكمل..

 

[يارضاها وقف وناظر شوي]

..


بنات لا تدققون ..

الكابته في بدايتها ..

واول تجربه .. طوفوا اوكي ...

اهم شيء شجعوها بنت ديرتكم ..


..

 

[كيتي]

كمليييييييييييييييييييييييييييييي كملييييييييييييييييييييييييييي

صراحه حريتيني كملييييييييييييي بليييييييييز

 

[يارضاها وقف وناظر شوي]

كمليييييييييييييييييييييييييييييي كملييييييييييييييييييييييييييي

صراحه حريتيني كملييييييييييييي بليييييييييز

..

بعدهم .. حبيبتي مشكوووره على التعليق ..



ممتنهـ..



..

 

[balsam]

بدايه حلوه .. كملي بلييييز

 

[أغلى حبيبه]

كملي عفيه لاتعلقينه

 

[q8_nawnaw]

يعطيج العافيه
بس ما عليج امر ممكن تحطين البارت كامل

 

[يارضاها وقف وناظر شوي]

فرح : ههههه مو صاحية
سعاد : انتي بس اللي صاحية .. شلونج شخبارج .. ان شاء لله مرتاحة .. انا قلت دام مادقت تبيجي يعني الوضع سليم عندج ..
فرح : هههه الحمد لله انا بخير الله يسلمج .. انتي شلونج شخبارج ..؟
سعاد : انا تمام اهم شيء انتي قولي لي يله شنو صار بسرعه
فرح بخجل : ابيه لا انتي ماتستحين .. عيب ..
سعاد : نعم .. نعم .. عليّ انا هالحركات .. يلا فرح بلاش خجل قولي لي شصار عفيه شقال لج شنو حط لج .. وين طلعتوا .. وين رحتوا ..
فرح فشله شقولها هذا ان زوجي ماشفته من عقب المطار ..
سعاد : هـــــــــــــــــــــا قولي يله
فرح : سعاد تدرين اني ماحب اتكلم عن هالسوالف ..
سعاد : من صجج ليما الحين تستحين .. حتى عقب ماتزوجتي .. والله انج ..
قاطعتها فرح : ايي استحي .. وماحب هالسوالف متى بتفهمين اذا انتي صديقت الطفولة جذي تقول عيل شخليتي للناس ..؟
سعاد : ماعلينا منج ان ماطلعت منج المعلومات هذي ماطلع سعوووده
فرح : هههههههههههههههههههه نشوف
سعاد : أيي نشوف والايام بيننا ..
فرح: سعاد .. عفيه غيري الموضوع .. حست ان دموعها قريبه لازم تغير الموضوع ..
سعاد : زين ...
تكلموا ربع ساعه سوالف عاديه .. حست بتعب .. فرح .. بس ماتبي تسكر التلفون أخيرا أخيرا احد حس أنها موجوده .. حطت السبيكر .. ونزلت التلفون على الطاولة الصغيرة اللي جنب السرير .. وفتحت الجرار وطلعت علبة عدساتها ونزلتهم .. ونزلت تقعد عل الأرض وهي تتسند على حافة السرير
سعاد : فرح ...
تمددت فرح على الأرض : آه .. نعم
سعاد : شفيج .. ؟
فرح : مافيني شيء بس ظهري عورني وانسدحت عل الارض وعورني زياده ..
سعاد : زين بسألج ..؟
فرح : آمري .. شتبين ههههههه
سعاد : لا تتطنزين .. انتي قاعده بالظلمة صح
فرح قعدت عدل بسرعه وطقت الطاولة الصغيره كانت قريبه حيل ...
فرح : آآآآووه
سعاد : شفيج بعد ..؟
فرح وهي ماسكه مكان الطقة : أأأه تعور .. انتي شتبين قاعده بالظلمة وإلا لا ..
سعاد : انتي لما الحين ماطلعتي من المود اللي انتي فيه ..
فرح : أي مود مافيني شيء بس احب اقعد بالظلمة فيها شيء .. ومسكت التلفون وحطته عند اذنها وهي تسكر السبيكر ..
سعاد : لا سلامتج مافيج شيء .. يله تبين شيء
فرح : وين تبي تروحين ..؟؟
سعاد : بس مكالمات دوليه .. وبعدين فصولي عندي من خمس دقايق بس عشانج انا ماسكرت ..
فرح : هههههههههههههههه لا والله وتقولينها بمنه .. هين اوريج انتي وفصولي هذاحقج يله مع السلامه
سعاد : مع السلامه
صعدت على السرير وتمددت ..حست بتعب .. تغطت وهي تغمض عيونها عشان تنام .. مارتاحت تنام عل اليسار .. لفت على جنبها اليمين .. وهي مغمضه عيونها جرت البطانيه بس حست بشيء ماسكها جرتها بقوه وسحبتها .. في شيء غريب .. مدت ايدها تلمس البطانيه .. ولمست شيء غريب .. قعدت .. وفجأه وبسرعه لقت ايد مسكره حلجها وايد محاوطتها وماسكه أكتافها الاثنين .. وهمس بإذنها
: لا تصارخين .. أنا عبد العزيز .. بهدج بس لا تصارخين ..
هزت رأسها بالموافقة .. وفعلا تركها .. وهي تحركت بهدوء لما طلعت من السرير .. مد ايده وشغل الابجوره اللي عنده .. وتكلم بهدوء
عبدالعزيز: شتسوين بغرفتي ..
فرح بصدمة وعيونها غرقانه بدموعها : غرفتك .. قالوا لي غرفتي ..
عبد العزيز وهو يطلع من السرير : انتي نامي أهني وباجر نتفاهم .. سحب مخدته وطلع من الغرفة من باب غرفة الملابس ..انتبهت على ملابسها ... لالالالا مستحيل شافني بالبجامه .. صارت دموعها تنزل لا شعوريا .. حطت أيدها على عيونها تحاول أنها تمنع دموعها من أنها تنزل .. آآآه .. دخلت السرير ونامت .. من التعب مافكرت بالموضوع نامت بسرعة ..

قعدت الساعة 12 الظهر طولت بالنوم .. توضأت للصلاة وصلت الصبح مع الظهر .. قعدت بغرفتها .. تحس بصداع تمددت على السرير .. تذكرت الموقف اللي أمس فزت قعدت بمكانها .. عبد العزيز موجود بالبيت.. لا ماتبي تتعامل معاه مبين انه مغرور حيل مابي أتكلم معاه ولا أتعامل معاه.. تمددت مره ثانيه عل السرير .. سمعت طق على باب الغرفة سبب لها ألم شديد في رأسها حطت ايدها على جبينها .. وهي تضغط عليها
فرح: منو
الخادمة : كارولين ..مدام..
فرح : تعالي ..
دخلت وسكرت الباب وراها .. تكلمت وهي مبين عليها خايفه
الخادمة : مدام .. .. وكملت بتردد .. مدام .. بدنيا نغير غرفتك ملابسك بتكون مكانها لكن انتي بدك تنامي بالغرفة التانيه ..
فرح بابتسامه صفرا : واوامر منو هذي ..
الخامة : استاز عبد العزيز ..
فرح : آآهه .. استاز عبد العزيز .. ممكن اعرف ليش ..؟
الخادمة بتوتر : لانه .. لانه .. لانه هاي الغرفة غرفتو ومابحب حدا يدخلها .. انتي ماتعرفي شوعمل لما عرف انك.. انتبهت على كلامها الخادمة وسكتت وهي تحط ايدها على حلجها ... وقفت فرح وترفع شعرها بكلب..
فرح : وين اروح .. ماتاثرت فرح بالكلام اللي سمعته لانها متوقعه منه اكثر ..
الخادمة وهي تتحرك : تفضلي مدام ..
تحرك فرح وراها واتجهت لغرفة الملابس .. ومرور بغرفة الملابس دخلت لغرفة ثانيه من خلال باب موجود يعني غرفة الملابس مشتركة بينهم .. دخلت غرفة نفس حجم الغرفة اللي كانت فيها ونفس التصميم بس الاثاث كانت فيه لمست انوثه .. لون الغرفة ابيض والاثاث بني معتق بذهبي .. وفيها ورود .. وفيها صوفا لونه حمراء .. كانت اجمل من هذيك الغرفة حيل حيل .. ابتسمت فرح .. وناسة روعه كانها غرفة ملكية راقيه ..
الخادمة مدام : هيدي الغرفة مؤقتاً .. بس بنزبط الغرفة هديك بتكون لك ..
انصقعت فرح : مؤقتا .. ليش ..؟!!
الخادمة بابتسامة : مدام هيدي غرفة محدا بالمره يدخلها .. بس لانه ماجهزت غرفتك فئال هيدي مؤقتا
فرح :آهه هيك لكان .. شكرا كارولين ..
الخادمة : بدي شيء .. ملابسك بنفس المكان مابتتغير ..
فرح: لا مشكورة .. واتجهت فرح لجهة غرفة النوم
توجهت الخادمة لباب الغرفة .. وقفت كأنها تذكرت شيء ..
الخادمة : مدام ..
التفتت فرح عليها
فرح: نعم..
الخادمة: مدام الغداء الكل لازم يكون موجود تحت في غرفة الاكل ..
حست بمغص في معدتها ..
فرح : أنا مابي أكل مشكورة .. واعتذر لي منهم
ابتسمت الخادمة وطلعت من الغرفة .. قفلت فرح الباب .. وتمددت على السرير .. ريحته حلوه .. وغفت وهي ماتحس ..

وقفت تطالع المكان حولها .. أول مره تشوفه .. مكان غريب .. حست بحركة غريبه وراها التفتت وراها وصرخت بقوة من المنظر اللي شافته .. كان شخص ماتعرف منو بالضبط .. لابس قناع بس قناع ذهبي
خافت حيل .. فزت من نومها .. الحمد لله كان حلم .. تحركت من مكانها .. شافت الساعة بتلفونها .. 8 بليل .. ولما الحين تحس بصداع .. طلعت لغرفة الملابس وهي ماسكها رأسها .. يمكن حمام ساخن ينفع شويه .. واندفعت للحمام .. دخلت وسكرت الباب ..والتفتت .. طاحت عيونها بعيونه .. شهقت .. بس لاف الفوطه على خصره وشعره مبلل .. طلعت بسرعة وراحت غرفتها وقفلت الباب .. حست بإحراج شديد.. اكره هذي المواقف .. اكرهها.. الحين شنو بيفكر عني .. ياربي .. متى بتادب وأطق الباب .. غمضت عيونها بشده .. لحظه أنا ليش اهتم ..
مايهمني تفكيره عني ..سمعت صوت باب غرفة الملابس يتسكر من الجهه الثانيه .. يعني خلص .. فتحت الباب بهدوء وهي تنطر أي ردة فعل غريبه .. مافيها احد دخلت وبسرعه للحمام وقفلت الباب وراها .. وقفت بالماي الساخن .. تحاول جاهده بكل قوة انها تنسى اللي صار .. وكل مرة تحاول ان الموضوع مايسيطر عليها بس لا .. كان اقوى منها .. لما اخذها وهي صغيرة ماتجاوزت الست سنوات .. سحبها بقوة .. وهو رجل في اواخر العشرينات .. وهي ضعيفة من كانت صغيرة .. صرخت قامت .. بس هيهات .. دخلها غرفة وبالتحديد حمام غرفته .. واول مالقت لها فرصة .. عضته بقوة .. انشغل بألمه وهربت .. بكل قوتها اندفعت .. خارجه من غرفته .. محد يدري عن الموضوع حتى امها .. لانه كان من العائلة .. وقريب للعائلة ..
غسلت مرة .. مرتين .. ثلاث .. تحس فيه يلمسها لما الحين .. ليش مايروح .. ليش .. طلعت من الحمام وهي تمسح دموعها .. بعد 14 سنه على هالموضوع لما الحين تحس فيه يلمسها .. حست بشمئزاز من نفسها .. وقف التنفس عندها .. ماقدر أتنفس وأنا لما الحين أحس فيه .. خذت شهيق .. وزفير بقوة .. ثلاث مرات .. لازم انساه .. لازم هالموضوع ينمسح من ذاكرتي .. اكره حياتي .. والحين أبوي بعد باعني .. ابتسمت .. ياحلاوه .. ماعليه الله كريم إن شاء لله يطلع فعلا إنسان محترم.. الله كريم .. لبست بجامتها .. المفضلة ..عبارة عن ستان ابيض .. عندها وحده قبل لا تتزوج واشترت لها وحده جديدة لما كانت تجهز .. نشفت شعرها .. وصلت الصلوات اللي طافتها.. اول مره تخلي الصلاة تطوفها .. لانه المكان والوقت تغير عليها .. لازم تعدل نومها .. وتنام كفاية .. حست بجوع .. فتحت الثلاجه اللي موجودة كلها حلويات .. ماحب الكاكاو عل الريق..
دقت على المطبخ .. وطلبت ساندوش مع عصير .. بعد عشر دقايق وهي تطالع التلفزيون طق الباب ..
فرح: تفضل ..
حاولت الخادمة تفتح بس فرح مقفله الباب بالمفتاح .. قامت من مكانها وفتحت الباب .. دخلت الخادمة .. وحطت الاكل على طاولة ..
الخادمة : بديك شيء تاني مدام ..
فرح : لا شكرا .. بس ممكن ..
الخادمة : شو مدام ..
فرح بابتسمه : ممكن بس لا تقولين مدام .. أحس إني كبيره ناديني فرح وأنا بناديج كارول شورايك ..؟
الخادمة وهي تضحك : مابيصح مدام ..
فرح : لا يصح أنا قلت لج .. بليز ماحب احد يقولي مدام ..
الخادمة : حاضر.. أي اومر ثانيه
فرح ومزاجها فجأة تعدل : كلا شكرا جزيلا عزيزتي ..
طلعت الخادمة واتجهت فرح لصينيه .. روعه الاكل شكله لذيذ ساندوش مع بطاط مقلي وطماط وخس مزينين فيه الطبق




طلعت الخادمة واتجهت فرح لصينيه .. روعه الأكل شكله لذيذ ساندوش مع بطاط مقلي وطماط وخس مزينين فيه الطبق خذت الصينية قعدت وحطتها على بحضنها .. قعدت تأكل وهي تطالع التلفزيون .. شعور لذيذ لما تشبع بعد فترة من الجوع ..نزلت الصينية وتمددت على الصوفا .. تشرب عصير وتطالع التلفزيون .. حاطه على كارتون نت وورك .. تحب أفلام الكارتون خصوصا المانجا .. لكن المانجا .. ماتطلع على التلفزيون لازم تشتريها أفلام .. حست بملل .. غيرت القناة .. مافي شيء حلو .. سكرت التلفزيون وحذفت الريمونت على الصوفا اللي جنبها وعدلت قعدتها .. انزل وإلا اقعد أحسن أخاف أشوفه ... حست باشمئزاز .. ماحبهم ماحب الرياجيل كلهم .. كائنات مالها داعي بصراحة .. تذكرت إن في غرفتها بلكونه.. أروح اقعد أهناك شوية أحسن لي .. لبست روب ثقيل لان الجو بارد شوية .. وأخذت روايتها المفضلة .. تعيش جو جميل مع الروايات اللي تقراها .. تحسها قريبه منها .. فتحت البلكونه .. روعه منظر الحديقة بإضاءتها اللي منور المكان .. طلت على الحديقة اللي تحت وشافت إن حتى المسبح فيه ليت داخل .. روعة المنظر .. رجعت

بتقعد على الكراسي الموجودة .. انتبهت إن البلكونة مشتركة مع غرفة عبد العزيز .. اوووف .. فكرت .. خل أشوف إذا بغرفته أنا انزل تحت .. مشت على أطراف أصابعها وبخفه .. وهي عاضة شفايفها.. قربت من باب البلكونه .. والليت خافت يطلع من الغرفة .. مدت رأسها وهي مختبية بالجدار .. شافته واقف ويتكلم بالتلفون .. وهو معطيها ظهره .. والتفت ..لجهة البلكونه .. بسرعة رجعت رأسها .. سمعت خطوات تقترب
..

هالله هالله بالردود ونتقبل النقد بكل انواعه بس بشويش هههههه

 

[يارضاها وقف وناظر شوي]

بدايه حلوه .. كملي بلييييز

..

يسلمو عزيزتي..

..

 

[يارضاها وقف وناظر شوي]

كملي عفيه لاتعلقينه

..

مشكوووره على المرور..


..

 

[يارضاها وقف وناظر شوي]

يعطيج العافيه
بس ما عليج امر ممكن تحطين البارت كامل

..
الله يعافيج..

ان شاءلله..

..

 

[ديمة الخير]

رواية حلوة وغريبة بنفس الوقت ؟ هو شفيه عسى ماشر مخلي المدام اربع ايام؟؟ لو انا مكانها رحت لهلي ههههههه.. نزلي 3 اجزاء عفية

 

[أغلى حبيبه]

عفيه لا اطولين علييييناا

 

[يارضاها وقف وناظر شوي]

رواية حلوة وغريبة بنفس الوقت ؟ هو شفيه عسى ماشر مخلي المدام اربع ايام؟؟ لو انا مكانها رحت لهلي ههههههه.. نزلي 3 اجزاء عفية

..
حبيبتي مشكوووووووررررررره .. والله ضحكت لما قريت تعليقج..

بحظلج 3 اجزاء تامرين امر..

..

 

[يارضاها وقف وناظر شوي]

عفيه لا اطولين علييييناا

..


حااااااااظر ..تامرين ..

..

 

[يارضاها وقف وناظر شوي]

البارت الثالث..




ركضت لغرفتها .. ركضت بسرعة .. حتى انها ماسكرت باب البلكونه وطلعت من الغرفة كلها .. سكرت باب الغرفة .. كان على وشك انه يشوفها .. بس الحمد لله انه ماشافها .. ابتسمت على نفسها .. ونزلت من الدرج .. نزلت وهي تدندن .. دخلت غرفة المكتب دخلت وسكرت الباب وراها وشغلت الليت .. هدوء .. ضحكت ضحكة خبيثة .. لو يدري اني بهالغرفة جان طردني الليلة .. ضحكت مرة ثانيه بصوت واطي .. خذت روايتها المفضلة بالانجليزية لجين اوستن كبرياء وتحامل .. من اروع الروايات اللي قرتها .. وتحب تقراها الف مره .. يمكن تستغربون انها تقعد بروحها واجد.. بس لانها تعودت .. من تركت أمها أبوها صار يحبسها بغرفتها أيام .. فتعودت على الوحده صار عندها اكتفاء ذاتي .. ماتبي من احد شيء .. ولا تعطي احد شيء .. قعدت على الكرسي .. اللي مقابل طاولة المكتب .. قعدت تقرأ .. بعد فترة حست بالم في رقبتها .. من القراءة .. نزلت الكتاب على الطاولة .. واتجهت لباب الحديقة من غرفة المكتب فتحت الباب .. كانت بالجهة الجانبية من الحديقة .. وعلى اليمين الباب الرئيسي .. وقفت عند الباب الحديقة.. واستندت عليه وهي مربعه أيدينها على صدرها .. أحب الليل والسبب هدوءه .. أحس بسَكينه
متى بعيش حياتي طبيعيه .. متى.. أبي بس أعيش طبيعيه .. مابي فلوس .. ولا أبي شيء ثاني .. أبي أعيش طبيعيه .. أبي ادرس .. أتوظف .. أحس إني إنسانه لها كيانه واستقلاليتها .. الله يسامحك يا ابوي .. كان لازم هالبيعه ..
شتسوين اهني ...؟
مسكت صرخة حاولت الهروب منها .. حطت ايدها على حلجها .. والتفتت وراها .. عبد العزيز واقف عند المكتب ..
فرح : ...
عبد العزيز وهو يقترب منها ..
عبد العزيز : ادخلي داخل .. ولا تقربين من اهني مره ثانيه .. غرفة السواقين والخدم قريبه من اهني
تحركت فرح وهي تحاول تهرب منه .. سكر باب الحديقة .. تذكرت الرواية .. خذتها .. وحطتها في روبها ..
التفت عليها .. وابتسمت وهي تغمض عينها .. يعني بريئة .. بسرعة لازم اطلع قبل لا يحس إني خذيت الرواية .. تحركت تبي تطلع من الغرفة ..
عبد العزيز : أي شيء تأخذينه يرد مكانه ..
جمدت مكانها .. اووووف ..
فرح : يضايقك لو اخذ شيء ..؟
عبد العزيز : طالما يرد مكانه .. قالها بنبرة تهديد ..
فرح :حاضر .. وتوجهت لباب تبي تطلع..
عبد العزيز: ولا تدشين أهني مره ثانيه بدون استئذان ..؟
جمدت مكانها لحظه .. والتفتت عليه ..
فرح: حاضر عمي .. أي أوامر ثانيه ...
عبد العزيز: ايي عمتي .. لا تتصرفين أهني كأن البيت بيتج .. أنتي مجرد ضيفه وضيفه غير مرغوب فيها بعد..
شافت بعيونه حقد .. آآآه .. ليش أنا ما أذيته بشيء ..؟؟
هزت رأسها بالإيجاب .. ونزلت رأسها تبي تطلع .. بسرعة قبل لا تنزل دموعها .. دايما تحس انها طفيلي .. دايما غير مرغوب فيها .. مو أول مره .. طلعت وصعدت لغرفتها بسرعة .. حذفت الرواية.. لأبعد مكان بالغرفة .. حقيــــــــــــــــــــــــر .. وقليل أدب .. أول مره أشوفه جذي يتكلم معاي الحقير....!!
قطت نفسها على الصوفا .. الله يعيني على قلة الأدب...

مر اليوم الثاني لوجود عبد العزيز بالبيت بهدوء.. ماطلعت من غرفتها بالمرة.. تسهر لوقت متأخر..

باليوم الثالث.. الساعة 12ونص

متمددة تطالع فلم على التلفزيون .. ومتغطية ببطانية صغيره عند التلفزيون .. في أصوات غريبة عند البلكونه
عدلت قعدتها .. صوت طفل .. توجهت للبلكونة .. فتحت الباب .. شافت بنت صغيره تلعب حول عبد العزيز وهو قاعد عل الطاولة على اللاب توب .. وقفت البنت الصغيرة تطالع فرح .. اللي طالعه وشعرها .. منتثر حول أكتافها اسود مثل سواد الليل .. ينعكس عليه نور القمر وكثيف .. مسكت البنت قميص عبد العزيز وتجره : بابا .. منو هذي .. ؟
بابا .. نزلت الكلمة عليها مثل الصاعقة..!! بابا يعني بنته لالا يمكن بنت أخوه وتقوله بابا ..؟؟ او أخته وهو مربيها وتقوله بابا .. طالعته معقده حواجبها.. نظراته كلها برود .. يالله على عيونه .. بس حقير
عبد العزيز: لمــى حبيبتي ليش ماتنامين ..؟
اسمها لمى ياحليها خل استجوبها بعدين هههههههههههههههههههههههه أفكار شريرة..
فرح بابتسامه: لمى حبيبتي تعالي سلمي علي ..
الأيام بينا يا عبد العزيز هههههه ضحكت ضحكة شيطانيه والأفكار هذي تدور في خاطرها .. وقربت منها البنت الصغيرة ..
فرح : أهلا حبيبتي ونزلت لمستواها وحبتها على خدها ..
لمــى ببراءة الطفولة : منو أنتي ..؟
ايي والله منو أنا حتى أنا مادري منو.. احتار فيني على قولة محمد عبده هههههههههههههههه .. مادري منو أنا والله..
فرح وهي ماسكه أكتاف الطفلة : أنا اسمي فرح .. وأنتي أسمج لمى صح ..
هزت لمى رأسها بالإيجاب ..
فرح: زين ليش ماتنامين الوقت متأخر .. حيل ..؟
لمى : نمت بالطيارة .. الحين مافيني نوم ..
فرح : صج ..
عبد العزيز : يله لمى تعالي ..
وقفت فرح .. وراحت لمى لعبد العزيز .. وراحت فرح لغرفتها وسكرت باب البلكونه .. متزوج .. وعنده بنت وين زوجته .. ليش مامنعت زواجنا .. أكيد منفصل .. قعدت على الصوفا والأفكار تأخذها وتوديها.. لا يكون متزوج أكثر من وحده .. يا إلهي أنقذني .. وإذا فعلا متزوج أنا وين بيكون موقعي .. ليش تزوجني إذا ضيف غير مرغوب فيه .. ؟؟ يا ربي .. إلى متى بحس إني ضايعه بالدنيا .. الله كريم .. تنهدت عمق .. قررت ترجع الرواية قبل لا يعرف الرواية اللي ماخذتها شنو .. لبست الروب على بجامتها الورديه .. وطلعت بهدوء ونزلت لغرفة المكتب وحطت الرواية بمكانها .. وبسرعه سكرت الليت .. ماحست إلا بالي يسحبها تواجه
عبد العزيز واقف عند باب المكتب : شتسوين أهني ..؟
فرح بصدمة : ارجع اللي خذيته .. ؟ قريب منها حيل .. لازم تبتعد
عبد العزيز وهو يضغط على ذراعها : وأنا ماقلت لج لا تدشين أهني بدون استئذان ..؟
فرح بألم : اسفه .. بس اترك ايدي ..
عبد العزيز اترك ايدها كانها شيء مقزز .. مسكت ذراعها اللي تألمها وتحركت تبي تطلع من الغرفة ..
عبد العزيز : اخيرا قررتي تطلعين من غرفتج.. لا تتعودين عليها هذي مو لج ..
وقفت تطالعه .. شنو الحقد اللي بعيونه ...
فرح : ادري مو لي .. وانا ماطلعت لاني ضيفيه غير مرغوب فيها فما أحب أزعج احد بوجودي .. عن إذنك..
وتوجهت لباب تبي تطلع .. وفجأه مسكها من ذراعها وسحبها توجهه واصدمت بجدار صدره .. حست أنها عنده قصيره ..
فرح : آآآآي .. اترك ايدي .. غرقت عيونها في بحر من الدموع ..
وتركها .. وركضت لغرفتها .. الحقير .. ليش يعاملني جذي .. أنا ماسويت له شيء.. يااربي ساعدني .. يارب خلصني منه .. دخلت غرفتها وقفلت الباب ..انهارت تبجي ..

 

[يارضاها وقف وناظر شوي]

مرت أيام وهي تتحاشى وجوده ماتطلع من غرفتها إلا لما تتاكد انه مو موجود .. وطبعا البنت الصغيرة ماشافتها من هذيج المره .. يمكن البنت تنام مبجر وتقعد مبجر بس فرح تنام متأخر وتقعد متأخر من الملل



عرفت من الخدم انه مو موجود اليوم طالع عنده شغل .. فماخذه راحتها عل الاخر بالبيت .. ماقعدت بغرفتها من قالت لها كارولين انه طالع .. بس تمشي تعبت من الحبس .. كل زاويه بالدور التحتي مرت عليها بس عشان تغير جو ..

الساعة 2 بليل
بالمطبخ التحضيري في الدور الثاني ..
كانت لابسة بجامه تي شيرت نص كم وبنطلون برمودا .. مع سلبيرز .. قاعده تسوي لها ساندويتش .. مع بيبسي من زمان ماشربت بيبسي .. ههههههههههههههههه تشرب شويه وتضحك .. حياة سعيده..؟
شلون كنت ماحب البيبسي قبل .. صج ماعندي سالفة .. البيبسي وبس .. شربت شويه ورفعت البيبسي فوق
فرح : oh yah baby…
نزلت البيبسي على الطاولة وكملت تسوي الساندوش .. وفزعت من الصوت اللي سمعته .. سمعت صوت حركة بالصالة لا يكون وصل وانا مادخلت غرفتي .. وقفت تطالع باب المطبخ بترقب .. اتخبى ورا الباب .. لالا وين انحاش .. أكيد راح يطقني .. غرقت عيونها تبي تبجي .. قربت الحركة منها .. عطت الباب ظهرها .. وسوت نفسها تشتغل وهي أصلا مو شايفه شيء .. ان شاء لله يمر من أهني ومايشوفني .. ياربي أنقذني يارب يارب يارب .. غمضت عيونها .. وهي تحس بالحركة وقفت ثواني .. فتحت عيونها مافي صوت .. راح غرفته .. التفتت عل الباب.. وانصدمت شافته واقف هناك .. ورجعت لفت عنه .. خذت السكين وسوت نفسها طعنت نفسها .. تباً لي.. ليش حظي جذي.. مانتتبهت إلا اهو واقف عندها ..توترت .. شيبي هذا الحين ..
عبد العزيز: شنو هذا اللي بإيدج..؟
واشر على الرضه اللي بيدها .. توترت أكثر ..هذي من هذاك اليوم اللي عورها بيدها بقى اثر خفيف.. نزلت رأسها تطالع الصحن إلي جدامها ..
فرح : أنا .. أنا .. دعمت الباب ..
عبد العزيز : انزين .. سوي لي معاج وتعالي ابيج .. وطلع من المطبخ ...
ابيج .. ابيج .. خلص الهواء من المطبخ .. تبي تتنفس مو قادرة هواء هواء .. نزلت رأسها عند ركبتها وهي واقفة .. ورجع الهواء .. شنو يبي .. يارب ساعدني .. حطت له الساندويتش اللي سوتها لها .. وصبت له بيبسي .. وخذت الصينية لغرفتها .. لبست روبها .. وطلعت للبكونه .. الحمد لله كان قاعد أهناك .. مابي أدش غرفته .. قاعد على اللاب توب .. حطت الصينية وتحركت تبي ترجع غرفتها .. ووقفها
عبد العزيز: لحظه ..
التفتت عليه وهي خايفه من اللي راح يقوله ..
عبد العزيز : من باجر راح تنامين بغرفتي ..
فرح وقريب بتخونها قوتها وتنهار جدامه : لا .. مابي
رفع راسه يطالعها ... تاملها لحظات ..
عبد العزيز : لأنه اهلي بيجون أهني باجر وطبعا كل شخص يبي غرفته ..؟
فرح: عادي ماعندي مانع انام باي مكان بس بغرفتك لا ..
ماتدري شلون طلعت منها هالكلامات .. بس يستاهل ..
عبد العزيز : يعني وين مثلا بتنامين بغرفة الخدم ..
فرح : ماعندي مانع ..دام إني ضيف غير مرغوب فيه .. فما اظن انك بتهتم وين انام
عبد العزيز: فــــــــــــــــــرح .. قالها بعصبيه ..
فرح وهي تحاول تخفي دموعها : انزين ... وتحركت لغرفتها بسرعة وصفقت باب البلكونه وسكرت ستايرها.. لازم ما ابجي أنا اقوى من جذي .. أنا اقوى .. بس دموعها كانت اقوى منها نزلت دموعها وهي تكابر.. تنهدت بعمق ..


ثاني يوم...


وصلت الساعة الحاسمة الساعة 4 العصر.. وفرح تشيل أغراضها البسيطة بغرفة النوم .. مجرد كريمات الليل .. وكتبها ورواياتها ..طلعت من غرفتها ودخلت غرفة الملابس .. ووقفت قدام باب غرفة .. ماتملك الجرأة .. أنها تفتح الباب ...
فجأه دخلت الخادمة غرفة الملابس ...استانست فرح ..
فرح : كارولين .. عبد العزيز مو موجود صح ..
الخادمة : إيي مدام طالع من بكير..!
فرح : عفيه تعالي معاي الغرفة ..
الخادمة : لشو أنتي خايفة .. لك يخزي العين استاز عبد العزيز .. وسيم وشهم وكل رفئات اخواتوا البنات بحبو .. أنتي شوووو .. مابتحبيه ..
فرح : ههههههههههههههههه لا مابحبوو .. المهم تعالي معاي غرفته أخاف يقول أنتي ليش داشه أهني ويذبحني ..؟!
الخادمة وهي تتوجه لباب الغرفة وتفتحه : تفضلي مدام ..
دخلت فرح الغرفة .. وكانت مظلمة وستايرها مسكره .. فتحت الخادمة الستاير .. وحطت فرح أغراضها على الطاولة عند التلفزيون ..
الخادمة وهي تطالع فرح نظره فرح فهمتها : مدام .. إذا بديك تنامي لوحدك فيكي تستخدمي هاي الصوفا ..
وبحركة من كارولين تحولت الصوفا الى سرير .. وسيع ..
فرح : واااو .. وناسه بنام أهني ... وبعيد عنه بعد ..
الخادمة : مدام .. أنتي زعلانه من الاستاز ..؟ أنا أول مره أشوف معاريس هيك بيعملوا ..
فرح : منو معاريس .. هههههههههههههه مادري والله شنو السالفه بس اعرف أنتي تزوجت هالانسان اللي يكره وجودي في حياته ..!!
الخادمة : غريبة .. الاستاز ..وسكتت فجأة
فرح بفضول: شنوو فيه الاستاز ..
الخادمة : مابعرف بس هو مزاجي ومائدرت افهمو ..
فرح : اها .. يلا خل نطلع قبل لا يوصل ..
وطلعوا من الغرفة ... دخلت فرح غرفة الملابس خذت شاور .. ولبست قميص ناعم .. زييتي مع تنور بيج بطبعات زيتيه قصيره .. ورفعت شعرها .. ولبست حلق كبير شوي مع خاتم فخم .. وحطت مسكرا وقلوس وردي ناعم .. وطلعت غرفة الصالة اللي فوق .. وقعدت تطالع التلفزيون .. لحظات وطلعت عندها لمى
لمى : شتسوين ..؟
فرح : أهلا لمى تعالي قعدي عندي .. نطالع التلفزيون ..
لمى وهي تقترب لفرح : بابا .. راح يجيب عمتي وجدي بعد شوي .. أنا بقعد انطرهم تحت ..
فرح : والله ..
هزت لمى رأسها بالإيجاب بفرح .. وقعدت جنب فرح تطالع التلفزيون ..
مرت ساعة تقريبا ..
سمعت أصوات كثيرة تحت .. وبسرعه نزلت لمى تحت .. فرح جامدة بمكانها .. خايف من أنها تواجههم .. شلون راح يتعاملون معاها .. هل بعد راح تكون غير مرغوب فيها بالنسبه لهم.. هل راح يكونون سيئين بالتعامل معاها .. غرقت عيونها بالدموع من هالافكار فقط .. وقطع عليها افكاراها صوته ..
عبد العزيز: أنتي .. لاتنزلين الحين انطري ببدل ملابسي وبتنزلين معاي..
التفتت عليه فرح .. وطاحت عينها بعيونه .. طالعته ثواني وانتبهت انه واقف يطالع عيونها .. صدت بسرعة عشان مايشوف الدموع .. ودخل غرفته ..
ليش يعاملني على إني إنسانه بدون مشاعر أو أحاسيس او كأني قتلت احد من عايلتهم .. تنهدت بعمق.. لازم أهيئ نفسي للأسوأ خذت شهيق وزفير بقوه وقفت عشان تعدل شكلها .. راحت لمرآه موجودة بالصاله.. الحمد لله مانزلت الماسكارا .. وشكلها تمام .. ملامحها البرئيه ..
والتفتت وشافته توه طالع من الغرفة .. تحرك من غير مايطالعها.. كانها غير موجودة ..
عبد العزيز: يلا تعالي معاي ..
تحركت تمشي وراه .. وااو شحلات ريحته .. بس هو قليل أدب .. ووصلوا الصاله وقبل لا يدخل وقف ووقفت
التفتت عليها طالعته بقوه .. تكلم
عبد العزيز: تسلمين وتطلعين .. مو تقعدين ..
صدمها .. ليش .. ؟؟
عبد العزيز : صدقيني لو طولتي أكثر من انج تسلمين بذبحج ..
طعنه .. حست بطعنه بقلبها .. كلامه مؤلم .. بس ليش ..؟؟ تحرك ودخل .. ووقفت هي ثواني تستجمع قوتها.. ودخلت بأحلى ابتسامه .. عبست وجوه الحاظرين كلهم .. الاب والابن والبنت .. سلمت عليهم باليدين فقط وطلعت بسرعة .. دخلت غرفتها منهاره .. ليش إذا الكل مايبيني ليش متزوجني لما الحين .. ليش اخطبوني من الاول وبسرعه مرت فكره ببالها شهقت منها لا يكون ابوي اللي خطبهم .. ياإلهي .. لالا مستحيل صج ابوي يحب الفلوس بس مايبيعني .. الله يسامحج يمه رحتي وخليتيني بين هالأسود .. وانهارت .. حست بغصة بالم بحلقها .. طلعت للبلكونه تبي تهرب بس وين ولمنو ..؟؟ أبي افهم بس ليش يعاملوني جذي .. شالسالفه .. أبي افهم .. لازم اتكلم مع هالزفت اللي اسمه عبد العزيز .. وقعدت تبجي بالبلكونه .. وقررت أنها تنطره عشان تتفاهم معاه .. مر اليوم بطيء وهي تنطر .. حتى محد احد كلف خاطره يناديها تتعشى او يرسلون لها العشاء فوق .. مو مهم .. ماتبي تاكل الحين .. الساعة 11 بليل ولما الحين ماصعد غرفته .. اووف حست بتعب وبدلت ملابسها ببجامتها البيضاء المفضلة .. وعدلت مكانها اللي بتنام فيه .. تمددت وتغطت بالبطانيه وسكرت الليتات .. عشان مايشوفها .. خلي المواجهة باجر الحين بنام .. والصبح يحلها الف حلال .. وغفت ..

اليوم الثاني الساعة 10ونص
فتحت عيونها بكسل .. تأملت فترة المكان غريب .. فزت بسرعة .. آآه تذكرت أنها بغرفة عبد العزيز رجعت تنام مره ثانيه .. سمعت أصوات بالبلكونه..لفت على الجهة الثانية شافت الجزء الاعلى من سرير عبد العزيز هذا اللي تقدر تشوفه من مكانها .. مو موجود .. قامت غسلت وجهها لبست عدساتها .. وهي بالروب طلعت للبلكونه.. عبد العزيز مع لمى قاعدين يفطرون .. قعدت عل ابعد كرسي عندهم ..
لمى : صباح الخير فرح ..

 

[يارضاها وقف وناظر شوي]

البارت الرابع..


فرح بابتسامه : صباح النور لمى ..
خذت لها كرواسان مع عصير طازج .. قعدت تاكل بدون نفس تدري انه وده يقتلها بس تتامل تعرف .. ليش..؟
لمى : بابا أروح ابدل ملابسي عشان نطلع الالعاب..
عبد العزيز وهو يطالع الاب توب : ايي حبيبتي..
تحركت لمى وطلعت من البلكونه .. اسأله الحين وإلا لا .. شخسرانه خل اجرب ..
فرح : .. أ ... مم ..
شلون اسأل .. ؟؟؟شقوله .. ياربي ...!!
طالعته بتوتر .. شلون اتفاهم وياه هذا ..؟؟
فرح : عبد العزيز ... ممكن سؤال..؟
عبد العزيز رفع راسه يطالعها : ........................
بعد يطنش ياحلاوه ...
فرح بلامبالاه: ليش تزوجتني ..؟
تغيرت ملامحه .. ماتدري هل هو معصب وإلا .. لا ..
عبد العزيز: ليش تسألين مو عاجبتج العيشه أهني..؟
فرح ببرود: لا..
ابتسم وهو رافع حواجبه ... وسيم.. ياناس والله وسيم .. يكفي بس لونه الجذاب..
عبد العزيز : وليش يهمج تعرفين مو أنتي موافقه .. ليش تسألين ..؟
موافقه ..... موافقه .. فرح لا شعوريا : ههههههههههههههههههههههههه موافقه
عبد العزيز : ليش تضحكين ..
سكتت .. شقول له اقول إني مادريت إني بتزوج قبل العرس بأسبوعين .. ههههه يقول موافقة .. أنا لو تذبحوني مابي اتزوج ... موافقه ..
فرح : ............. لا وشيء تذكرت شيء ..
عبد العزيز : .....
كملت فرح أكلها .. ماحست بالعيون اللي تراقبها .. التفت عليه .. عينها بعينها نزلت الأكل اللي بإيدها
وقامت تبي تدخل الغرفة .. وخافت لما سمعت صوته يتكلم ..
عبد العزيز : تبين تروحين معانا ..؟
فرح وكانت واقفة وراه : وين ..؟
عبد العزيز : يعني سمعتي لمى تقول الألعاب يعني بوديها الحديقة ..
طالعت ظهره وودها تطقه على راسه ..
فرح : اوكي.. وبسرعه اتجهت لغرفة الملابس .. شاور سريع .. لبست بنطلون بيج مع جاكيت لتحت الركبة بيج .. غيرت لون عدساتها من العسلي للاخضر .. حطت كحل بني تحت العين وفوقها خفيف مايبين مع مسكارا وقلوس وردي غني .. نشفت شعرها ولمته ولبست ملفعها خذت ملفع بيج مبطن باسود مع نظارتها الشمسيه حطتها بالجنطه .. تاكدت من كل اللي تحتاجه موجود معاها .. علبة العدسات كلينكس ومعقم طبي يستعمل كغسول وفتحت الباب بتطلع من غرفة الملابس .. اصدمت فيه ..
فرح : اوو .. أسفه....... رفعت عينها تطالعه ..
عبد العزيز : .......
وانسحب عن طريقها .. وطلعت من غرفة الملابس .. دقايق وطلع وهو مبدل لبنطلون جينز مع قميص ابيض طالع أطول مما هو عليه .. وشعره مخليه أروع .. طلع من الغرفة وتحركت وراه ...
عند السيارة صعدت لمى بجنب السايق وفرح بالمقعد الخلفي خلفها ... هههههههه ضحكت بداخلها أحسن خل لمى تقعد قدام أريح منه ومن وجهه ..
راحوا مدينة الألعاب ولعبت لمى تقريبا كل الألعاب واللي كان يدخل معاها مربيتها أما عبد العزيز واقف عند بوابة الخروج وفرح من بعيد تراقبهم وتمشي خلفهم ..
الساعة 3 العصر ..

طلعوا من مدينة الألعاب .. وراحوا مطعم
اقعدوا على الطاولة .. لمى قدام أبوها .. وفرح ابعد مكان بالطاولة وهي تتأمل الناس حولهم .. ياترى هل هم سعيدين .. هل يحبون حياتهم .. وإلا عندهم هم .. وماشين حياتهم .. يارب ساعدني تنهدت بعمق .. وقطع عليها حبل أفكارها .. صوته
عبد العزيز : وأنتي شنو تبين تأكلين ..؟
فرح التفتت عليه بسرعة : ها .. لحظه .. وارفعت المنيو تختار .. يارب يكون في أكل للنباتيين شافت باستا بالخضار .. الحمد لله .. وطلبت كانت لذيذه ..
عبد العزيز طلب له قهوة بعد الأكل وقعد يشرب ..
عبد العزيز : شنو قصة علب العدسات إلي بكل مكان ..
ارتبكت فرح .. يكلمني .. لا ويسأل عن أكثر شيء مابي احد يعرف عنه ..
فرح وهي تحاول تسيطر على توترها : ولا شيء عقده قديمه عندي .. وابتسمت ..
عبد العزيز : الحين لون عيونج اخضر وإلا عسلي أنا ماعرفت ..
فرح : ههههههههههههههههههه
طالعها باستغراب .. مسكت ضحكتها
فرح : لا عسلي .. بس مرات تصير خضرا هههههههههههههههه
عبد العزيز : مستخفة دمج أنتي الظاهر .. وقام من مكانه ..
عبد العزيز : يلا مشينا
وطلعوا من المطعم .. السيارة كانت بعيده وظلوا يمشون فترة .. فرح تمشي بعيد عنهم .. واختفوا .. وينهم
تدورهم حولها ماكو احد .. ياربي وين راحوا .. يمين .. مافي احد .. يسار وجوه ماتعرفها .. وين راحوا .. لا يكون كانوا يبون يتخلصون مني .. حطت ايدها على جبهتها تبي تستوعب الموقف .. وينهم .. تركوني أهني .. ماعرف احد .. منو بيرجعني .. وين أروح .. غرقت عيونها .. وقفت مكانها .. تلتف لكل جهه .. ماكو احد .. بجت .. ليش ..... تركوني بالشارع .. بالشارع .. آآآآه يالقهر آه.. يأس.. خوف .. مشاعر سيطرت عليها.. لفت بيأس خلفها لعل وعسى تلمح بيرق امل .. ومن بين الوجوه شافته .. متجه جهتها .. شهقت .. وبخطى سريعه راحت عنده وبقبضت يدها ضربته على كتفه
فرح : How dare you leave me like thise..?
عبد العزيز : ................
راحت ورا ظهره ومسكت قميصه بخوف ....
فرح :you gone leave me like them I thought
وبجت من جديد ..
بعد فتره .. هدت قميصه ..والتفت عليها ..
عبد العزيز : يلا تعالي معاي .. ومسك ايدها ..
لا لا لا ... أنا اعرف امشي مو لازم تمسك أيدي ... شلون اخليه يتركها .. سوت نفسها تطلع كلينكس من الجنطة عشان يهدها وفعلا تركها .. ودورت لمى مالقتها ..
فرح : عبد العزيز .. لمى وين ..
عبد العزيز : رجعت مع السايق تبي تنام ..
فرح : اهه ..
وقعدوا على كرسي مزدوج بنص الشارع .. وعم الهدوء بينهم فترة ..
عبد العزيز : تبين تعرفين ليش متزوجج أنا ..
فرح وبعيونها رجاء هزت رأسها بالموافقة ...
عبد العزيز : ابوج ماقالج شيء بالمرة ..
فرح : لا .. ليش في شيء لازم اعرفه
عبد العزيز وهو يتنهد : لا .. خلاص ..

 

[يارضاها وقف وناظر شوي]

وقفت فرح قدامه بتحد : لا لازم اعرف .. ليش الكل يعاملني على إني نكره .. على إني قاتله احد من اهلكم .. او أنا اللي باخذ فلوسكم كلها .. وعطته ظهرها وكملت : احتمال أكون ضحية حالي حالكم ..
عبد العزيز : .......
فرح وهي تلتف عليه : ارجوك .. صدقني مابي اكون أنا من يدمر حياتكم .. او يفرق بينك وبين ام لمى
عبد العزيز فجأة : هههههههههههههههههههههههههههههههههه
استغربت ضحكه المفاجأ ..
فرح : اشفيك .. ؟؟
عبد العزيز : جم عمرج فرح ..
حست بصاعقه .. جم عمري .. وبشكل هستيري .. ضحكت
فرح : ههههههههههههههههههههههههه ماتدري جم عمري ..
تغيرت ملامحه ...
فرح : عمري 20 ..
حط يده على جبهته من الصدمة .. لاحظت تغير لون وجهه ..
فرح : عبد العزيز .. فيك شيء .. حاس بشيء ..؟؟
عبد العزيز : لا .. يله امشي خل نرد البيت ..
تحرك ومشت وراه .. وصلو السيارة.. طول الطريق وهو ساكت .. استغربت منه هالهدوء اللي كان فيه من طلعوا وهو طيب معاها.. ماحسسها أنها إنسان غير مرغوب فيه ..
الساعة 6 المغرب
بالغرفة قعدت بملل على الصوفا بعد مابدلت ملابسها .. دخل عبد العزيز .. وقط نفسه عل السرير .. بعد ماسكر كل ستاير الغرفة .. وطلعت فرح وهي تسكر الليت .. نزلت تحت تتمشى .. واول ماوصلت الحديقة .. فجأة صوت غريب : هيه هيه أنتي ..
لفت جهت الصوت كانت وحده من اللي سلمت عليهم مع ابو عبد العزيز .. عيونها مبين أنها شريرة .. ابتسمت فرح
فرح : مرحبا .. أنا فرح ..
مريم : ادري انج فرح .. وين رايحه
فرح : لا بس اتمشى .. بالحديقة
مريم وهي تقرب من فرح : لا والله تتمشين .. يلا انقلعي داخل ولا أشوف وجهج بالبيت يازباله ..
حست فرح بصدمة كانها اصدمت بجدار بسرعة الف ..عبست ..
فرح ببرائه : ليش ..
مريم : نعم نعم .. شنو ليش بيتنا حبيبتي وإلا اقول يتنفذ غصبن عنج فاهمه .. مارباج الظاهر عبد العزيز أنا اوريج ..
فرح بسرعة .. طلعت .. صعدت لغرفتها .. أول مامسكت الباب تذكرت أنها مو غرفتها غرفة عبد العزيز .. وراحت لمكان اكتشفته لما كانت بالبيت بروحها .. درج الخدم باخر ممر الغرف .. ويودي لغرف الخدم والمطبخ .. ولدور التحتي كله .. قعدت على الدرج تبجي .. بصوت واطي.. آآه تنهدت كم مره بعمق .. أنا مالي ذنب .. ليش جذي يعاملوني ..انا ماسويت لهم شيء آآآآه يالقهر .. والله ماسويت لهم شيء.. أصلا ماعرفهم .. بحياتي .. يبه الله يسامحك ..
طلعت للغرفة .. كانت الساعة 8 بليل
لبست بجامتها .. وعدلت مكانها .. وهي تشاهق بصوت واطي .. حطت رأسها على المخده .. وهي مو قادرة توقف بجي .. بالعكس زادت نوبة البجي عندها ... نطرت دقايق وهي تحاول أنها ماتطلع صوت بس مو قادرة
قامت من السرير وهي تجر همومها وألمها .. وراحت الحمام .. دخلت وفتحت الماي عل الاخر .. وبجت بصوتها الطبيعي .. والماي كان يغطي على صوتها .. وأخيرا خفت نوبة البجي .. تنهدت .. غسلت وجهها بالماي البارد .. وردت تنام .. حست أنها تعبت من مجرد هالكلمات اللي سمعتها من هالانسانه المنحطة ..
تعبت من التفكير .. وتعبت أكثر من البجي .. نامت اخيرا..
الساعة 4 الفجر
قعدت وهي تحس بضيق .. بس ليش اخلي هالانسانه تخرب علي .. يكفي الوضع اللي أنا فيه .. جوعانه التفتت على سرير عبد العزيز .. نايم لمى الحين .. لبست الروب فوق بيجامتها الحريره .. طلعت للمطبخ التحضيري وشعرها على راحته .. دورت شيء تاكله لقت شاندويتش بعلبه .. فتحتها .. كانت شاندويتش جبنه مع طماطم .. كلتها .. ههههههه الحين صج بيعصبون عليها بس مايهمني.. ليش الاسلوب المنحط اللي يعاملونها فيه .. فتحت الفريزر لقت ايس كريم بعلبه كبيره .. وااااااو ايس كريم بنكهة الفانيلا .. حطت لها بصحن بعد ماذاقت شويه حطت الملعقة بحلجها..ورجعت العلبة مكانها .. وفجأة هو واقف عند الباب ..
عبد العزيز : شتسوين ..؟
فرح طلعت الملعقة من حلجها: ولا شيء .. تبي ايس كريم .. وابتسمت ..
عبد العزيز : حطي لي.. قرب وقعد عند الطاولة اللي قبالها .. وهو لابس بجامته .. شوورت مع تي شيرت ..
طلعت العلبة .. وحطت له بصحن ..
فرح : مرات لما تحس انك داون أكل كاكاو أو ايس كريم .. بتحس انك تطير .. ههههه
عبد العزيز : داون يعني شنو ..
فرح : يعني نفسيتك شويه تعبانه .. أو المود مو ذاك الزود .. شوكولا الحل .. تبي أحط لك مثلي وإلا لا ..؟
طلعت كت كات من الكبت ..
هز رأسه عبد العزيز بالإيجاب .. انتبهت انه سرحان بعيونها .. لا عيوني عدساتي نسيتهم .. ماراح ينتبه يارب... مايبنون الضوء خافت بالمطبخ التحضيري.. إن شاء لله ماينتبه ...
فرح : اوكي .. عطته ظهرها وحطت الكت كات بكيس صغير وكسرته كسر صغيره أول شيء بيدها بعدين قامت تمرر عليه عصا خشبية مالت العجينة بقوة.. ألتفت على عبد العزيز
فرح : ترااااا .. وحطته على الايس كريم ..
أكل عبد العزيز ..
فرح : لحظه .. مو تأكل جذي لحظه
عبد العزيز يطالعها منصدم ..
فرح : لازم تستمع في اللحظة .. شوف لما تأكل حطها بحلجك من فوق وذوبها بلسانك شوي شوي .. جذي وكلت .. وغمضت عيونها وهي تذوبها بلسانها ...
فرح :جرب.. أنا أحب أكل الكاكاو جذي ..
عبد العزيز : شفيها عيونج ..؟
انصدمت فرح ماتوقعت انه شافهم .. خل أقوله يمكن يكرهني ويطلقني وافتك منهم ..
فرح : امممممم .. هذا لونهم
عبد العزيز ووجهه بلا تعبير : ......
فرح : عشان جذي البس عدسات لأنه مو أي احد يتقبل .. وحده عسلية ووحده خضرا .. وابتسمت ..
كملت فرح : يعني لما قلت لك اليوم اللونين ماكنت اجذب ههههههههههههههههههههه ..
طالعها .. وطلع من المطبخ .. شفيه هذا شهالغرور اللي فيه ..


تعبت اكمل بعدين .. هالله بالردود ..

 

[شـ هـ ـد]

رووووووووووووووعه

بلييييييز كمليهااااااااا