رواية البيت المسكون رعب بقلم سموره الكويتيه

[ام حمادي309]

البارت الثالث

روان : تشوف الطفل الميت في حظنها وتصاااارخ وتبجى

وكان الطفل يناظرها

بعد مده من الصراخ روان

((ابو روان و ام روان والخادمه ميري

يررررركضووون روان اشفيج اشفيج ))


ابو روان : يفتح باب غرفة روان

الكل يدخل الغرفه

ابو روان : اسم الله عليج رونه اشفيج اشلون طحتى ؟؟

ام روان والخادمه ميرى : يحاولون يقومونها من على الارض

روان : شبووو الكهربه وخروو هذا عنى وكانت فى حاله هستيريه فوق ماتصورن

ام روان : روان قومي اشفيج الكهربه شغاله ومنو اللى نوخره عنج ؟؟
اسم الله عليج شنو فيج

روان كانت ملابسها متكشفه وحالتها حاله

ابو روان : يابنيتى مافيج الا العافيه ام روان غسلى وجها وقعدى معاها اشوى لما تهدي
انا بروح اتمدد شوى اذا هدت نادينى اشوفها

ام روان : ان شاء الله لاتحاتى مافى الا الخير

ابو روان : وهو طالع من الغرفه الله كريم

روان : للحين ساكته ومصدوووومه وتلفت يمين وشمال وامها تكلمها ماترد عليها

ابو روان : وهو رايح لغرفته عشان يتمدد وقبل لايتعدى غرفة روان فى طاوله
يشوووف القطووه السوداء تطالعه ( تخزه ) وعيونهاا تلمع ابو روان كل شعر جسمه
وقف حس بقشعريره فى جسمه ابو روان تت تت تت القطووه ولا تحركة من مكانها وتخزززه
وبدون شعور وبالخوف ابو روان يفصخ انعاله ويحذف فيها القطوه ...
القطوه اركضت ركضه خفيفه وقبل لاتنزل من الدرج خزززة ابو روان ونزلت

ابو روان : دخل غرفته وتمدد على السرير يفكر فى روان وشنو فيها
فجأأأأأأأة انفتح باب غرفته

ابو روان: يفززززززز مخترع

ام روان :اشفيك خرررعتك هههههههههه ترى روان قاعده مافيها شى اذا تبي تشوفها

ابو روان : الحين الحين جايكم

ام روان : (وهى طالعه) زين انا بروح عند روان وانت تعال تطمن عليها مو تنااام

ابو روان : قام دخل غرفة روان

روان : قاعده تبجى وتراجف ومتغطيه بالديباج وام روان قاعده تسكتها

ابو روان : نوال تقولين مافيها شي تعال شوفها والبنت ميته بجى وتراجف جذى ؟؟

ام روان : عبدالله اشفيك ؟؟؟
انا متى قلت لك @@ ؟؟

ابو روان : انتى ما جيتي عندى الغرفه وقلتيلى تعال شوف روان ساكته مافيها شى تعال مو تنااام؟؟

ام روان : @@ انا ماقمت ولا تحركت من مكاني
ام روان : اشعليج روان ابوج الظاهر غفى وانتى فى باله مانقدر على هذا الحب اللى عطاج يعطينى

ابو روان : @@ اعوووذ بالله من ابليس اعوذ بالله من ابليس

ام روان : انت اشفيك ؟

ابو روان: مافينى شى

روان : من بعد الصمت يبااا انت شفت امي ياتك وكلمتك ؟؟

ابو روان : اى رونه الظاهر مثل ماقالت امج من خوفى عليج غفيت وانا افكر فيج وتخيلت امج ياتنى تبشرنى انج مافيج شى

روان : تصررررررررخ يبااا انت ما تحلمت انت شفت اللى انا شفته ؟؟

ابو روان : @@ شنو اللى شفتيه رونه حبيبتى

روان : وهى مهستره وتبجى يباا شفت جنيه والله شفت جنيه طفت علي الكهربه وماخلتني اطلع كانت تلحقنى ولما طحت حطت فى حظنى بيبي صغير جنه ميت

ابو روان و أم روان : @@ انصدموووو من كلام روان وقامو يطالعون بعض بصدمه
بس ام روان خذت كلام روان بعدم الجديه وقالت..
ام روان : شنو هالخرابيط هذا كله من التلفزيون اللى مقابلته 24 ساعه وتشوفين افلام الرعب

روان : تبجي كنت ادرى محد فيكم بصدقنى والله كنت ادرى انا مو مينونه مومينوووووونه
وتمجع فى شعرها وتصرررخ وتبجي

ابو روان و ام روان : قاعدين حواليها ويهدونها ومره يقولون لها مصدقينج بس اهدى ومره يقولون لها انتى توهمين ومره يذكرونها بالله


ابو روان: سرح فى كلام روان وكان شبه مصدقها وصار يفكر فى ام راون لما جاته الغرفه
وبعدين لما يسئلها تقول ماتحركت من مكانى وهو كان مو نايم والقطوه اللى طلعت من تحت الطاوله بس سكت وماحب يقول حق ام روان ولا روان لسببين
الاول :كان متأكد ان ام روان ماراح تصدقه وبتقوله انت خرفت او انك تبي ترجع البيت القديم او او او سوالف ام روان اللى ماتنتهي
والثاني : كان مايبي يزرع فى قلب روان الرعب ويصير فيها شى


روان : انا ما ابي انام اهنى ودونى عند جدتي بنام عندها

أم روان : انتى شنو تقولين جدتك فاضيه حق تخاريفج بروحها تخاف من الظلمه ناقصه تخريع منج ومن افلامج الرعب

روان : لا ما ابى انا اهنى ما ابي

ابو روان : خلاص ابنيتى روووونه كلنا بنام بالصاله اليوم مع بعض

ام روان : عبدالله من صجك انت ؟

ابو روان : اى من صجي يالله نزلو لنا فرش وخل ننام بالصاله مع بعض

أم روان : نامو انتو بالصاله انا بنام بغرفتى

ابو روان : نوال انا قلت نزلو الفرش وخل ننام كلنا بالصاله

ام روان : انت شكلك خووفتك بنتك بتخااريفها زين بنزل الفرش

ابو روان و روان: بروحهم فى غرفة روان

ابو روان : يالله ابنيتى تعالى ننام تحت كلنا وباجر ان شاء الله يصير خير نامي عند جدتج اذا تبين

روان : صج يباا

ابو روان : صج ابنيتى

نزلو الفرش والكل نام تحت وكانت نومه مافيها اى شي
بس ابو روان و روان : استصعبت نومتهم بالبدايه


الصبح

ام روان : عبدالله الساعه 8 بتروح الشركه ؟؟

ابو روان : اى اى كانى قايم

((قام بو روان اخذ الشور وكانت ام روان مزهبه الريوق كالعاده تريق وطلع ))

روان : قعدت من النوم الساعه 10 يمه وين ابوى ؟

ام روان : ابوج راح الشركه قومي يالله قعدي معاى خل نعدل دار حق نواف
اذبحتنى الخادمه ماقولها شى وتيبه صح اقولها جيبي ملابس تجيبلى ماى
وانا كل ماشفت الماى زفيتها وشربت الماي اليوم شربتنى تااانكى ماي كامل

روان : تضحك ههههههههههههههههه يمه وشلى حادج تشربين

ام روان : منكم كله منشفين ريجى انتى مع افلامج الرعب وبوج ونومتنا امس بالصاله جن عزاب والخادمه بغبائها اصلا انا اشوى على اشرب تاانكي المفروض اشرب نهرررر

روان : تضحك ههههههههههههههههههههه يمه والله انتى فلم بروحج مع تشكيج

ام روان : تضحك انا فلم روانوو لا يكون بعد من افلامج الرعب

روان : اووو عاد يمه يلا انا باخذ شورر وتريق وايي اساعدج

أم روان : زين موطولين على لاتجيبلى الجلطه الخادمه هذى

روان : (وهى رايحه) اسم الله عليج يمه ان شاء الله ماراح اطول

ابو روان : ماراح الشركه وراح بيت اهله وشاف اخوانه هناك وقالهم القصه كلها

(((طبعا ماراح اضيعكم وعرفكم فى اهل ابو روان ومثل ماقلت راح اختصر لكم القصه
فى الامور الغير مهمه عشان مانطلع عن الرعب فى القصه)))

طبعا الكل شار عليه ان يجيب شيخ يقرأ فى البيت واللى قاله حط قرآن فى البيت
واللى قاله اوهام ومافى جن بس عشان البيت جديد عليكم باجر تعودون
يعنى اختلفت اقوالهم فى الامر وطبعا الكل كان مومصدق مثل ماكان متوقع ابو روان

ابو روان فى الشركه

ابو روان : ابو عبد المجيد عطنى رقم الدلال ولا اقولك دق عليه خله يجينى اهنى

ابو عبد المجيد : خير طال عمرك فى شى البيت ؟؟

ابو روان : قال القصه كلها حق ابو عبد المجيد

ابو عبد المجيد : معقوله يا ابو روان اخاف اوهام

ابو روان : ابو عبد المجيد دق عليه خله يجينى اهنى الشركه

ابو عبد المجيد : ان شاء الله طال عمرك

الدلال وصل الشركه

ابو روان : يسلم عليه استريح

الدلال : عدوك الريح امر طال عمرك اى خدمه اقدر اخدمك ؟

ابو روان : البيت من متى مهجور ؟ وعطنى رقم اللى كانو ساكنين فيه قبلنا ؟

الدلال : خير ان شاء الله ؟؟

ابو روان : خير بس عطنى رقم التلفون وجاوب على سؤالى

الدلال : طال عمرك البيت صارله تقريبا 3 سنين مهجور من شريته انا من راعيه

ابو روان : وانت ماسكنت فى البيت ؟؟

الدلال : لاوالله ماسكنته أجرته

ابو روان : متى اجرته وانا لما شريته ماكان مأجر

الدلال : طال عمرك شريته وأجرته بس ماطولو المأجرين وطلعو يمكن ماكملو شهرين وطلعو
ومن بعدها عرضته للبيع وما اجرته حق احد بعدهم من 3 سنوات بس ليش كل هذى الاسئله ؟؟

ابو روان : وشلى يخلى المؤجر مايكمل شهرين ويطلع يعنى انت ماتعرف ؟

الدلال : طال عمرك شنو ورى اسئلتك هذى كلها فى شى ؟؟؟

ابو روان : اى فى شى وقاله القصه كلها

الدلال : الكلام اللى تقوله كله موصحيح وانا بعتك وانت شريت يالله تـامر على شى
وطلع

ابو روان : حسبي الله ونعم الوكيل



نهاية البارت

​

 

[وش عـاد بـاقـي]

القصة تجنننننننننننننننننننننننننن أشكررج على الروآية الرووعه ونآطرين إبدآعآتج

 

[fato_kw]

ناااطرين البارتات المرعبه

كملي رووعه البارت


waiting

 

[ام حمادي309]

القصة تجنننننننننننننننننننننننننن أشكررج على الروآية الرووعه ونآطرين إبدآعآتج

تسلمين حبووووبه

من ذووقج

ان شاء الله ماراح اقطع عنكم كل يوم بااااارت​

 

[ام حمادي309]

ناااطرين البارتات المرعبه

كملي رووعه البارت


waiting

مشكوره حبيبتى على المتابعه ​

وان شاء الله باجر البارت الرابع انزله​

 

[ام حمادي309]

واللـــه

كنت متوقعه التعليقات وايـــد اكثر من جذى

والتواجد

اذا ظل التواجد والتعليق لما باجر بهذا القدر

راح اضطر انى احط كل يومين او ثلاث باااااااااارت


الروايه كلها على بعضها 14 بارت مومعقول تكمل الروايه
والردود عليها قليله

​

 

[غاليــه]

كملي حبيبتي متابعينك
امووووت في قصص الرعب

 

[g76aniya]

لا يوقف ..
يلا حبوبه .. بالانتظااااار ..
يمكن ماتلاقين ردود واايد .. لان مو الكل يحب الرعب .. ..

 

[بنوتة عراد]

رد : رواية البيت المسكون رعب بقلم سموره الكويتيه

واي ام حمادي ناطرينج ع نار
فديتج انشالله تزيد تعليقات قصه تستاهل اكثر من جذي
وايد حلوه

 

[pinky berry]

رد : رواية البيت المسكون رعب بقلم سموره الكويتيه

حبيبتي والله

كمليهااا .. وانشالله تزيد الردود

ماقصرتي

 

[P!NKia]

نااااطرينج

 

[ام حمادي309]

كملي حبيبتي متابعينك
امووووت في قصص الرعب

مشكوره على المتابعه

فديتج ان شاء الله اقل من نص ساعه وينزل البارت​

 

[ام حمادي309]

لا يوقف ..
يلا حبوبه .. بالانتظااااار ..
يمكن ماتلاقين ردود واايد .. لان مو الكل يحب الرعب .. ..

مشكوره على المتابعه

صح كلامج يمكن الرعب ميوله قليل

شوى انزل البارت​

 

[ام حمادي309]

رد: رد : رواية البيت المسكون رعب بقلم سموره الكويتيه

واي ام حمادي ناطرينج ع نار
فديتج انشالله تزيد تعليقات قصه تستاهل اكثر من جذي
وايد حلوه

ان شاء الله بعد عمرى اشوى راح انزل البارت

مشكوره على المتابعه
​

 

[ام حمادي309]

رد: رد : رواية البيت المسكون رعب بقلم سموره الكويتيه

حبيبتي والله

كمليهااا .. وانشالله تزيد الردود

ماقصرتي

اللــــه يسمع منج ونشوف اكثر اقبال

على الروايـــه​

 

[ام حمادي309]

نااااطرينج

لعيونكم احلا بارت

دقااايق ونزله


وخل اشوف تعليقكم على البارت


واعتذر عن تأخرى فى رواية انت بحرى وانا اليم للى متابعينها
ان شاء الله من يوم الثلاثاء راح ابلش انزل البارت 25
اعتذر منكم
​

 

[ام حمادي309]

البارت الرابع






ابو عبد المجيد : بشر طال عمرك عسى تطمنت ان البيت مافي شى ؟؟

ابو روان : مينون انا لامينون الله يهداك بس يابو عبدالمجيد

ابو عبد المجيد : اسف طال عمرك ما كنت اقصد انا بس عمرى ماعرف شى عن الجن
لاتواخذني سوالف الجن مامرت على من قبل

ابو روان : مسموح يا بو عبد المجيد انت سامحنى اذا فقدت اعصابي عليك

ابو عبد المجيد : مسموح طال عمرك بس انت عشان تطمن جيب شيخ يقرأ فى البيت

ابو روان : هذا اللى راح يصير ان شاء الله

((ابو روان يدق تلفون على اخوه سامي وهو ملتزم واصغر من من ابو روان بسبع سنوات))

ابو روان : الو السلام عليكم سامي اشلونك

سامي : وعليكم السلام ورحمة الله وبركاته الحمد لله انت اشلونك

ابو روان : الحمد لله سامي ابي شيخ يقرأ فى البيت على الموضوع اللى قلت لكم عنه

سامي : خير ان شاء الله خير ما تسوى انا اعرف قراى اكلمه وردلك خبر

ابو روان : سامي الحين تردلى الخبر

سامي : ان شاء الله

((طبعا سامي كلم الشيخ وعطاه رقم ابو روان وتم الاتصال وتفقو على بعد صلاة المغرب
يصلى ابو روان فى المسجد اللى الشيخ هو الامام فيه ))

(ابو روان وصل البيت وكانت الساعه 2 الظهر وهم يتغدون)

روان : يبه انت على وعدك اللى امس ؟؟

ام روان : اى وعد بعد ؟؟

ابو روان : روان تبي تنام اليوم عند جدتها شريفه اشرايج نوال تروحين معاها وامر عليكم
الساعه 10 بالليل اخذكم

روان : لايبه انا ابي انام هناك

ام روان : مافي نوم هناك بنروح ونرجع الساعه 10 بالليل ابوج يمر ياخذنا
بس انت اشعندك تبي تصرفنا ؟؟

ابو روان : هاا لا ماعندي شى اليوم مشغول وما راح ارجع البيت الا الساعه 10 بالليل
ليش تقعدون بروحكم روحو وسعو صدركم هناك

ام روان : زين مو تأخر علينا فوق الساعه 10

ابو روان : ان شاء الله

روان : يعنى يبه مافى نومه هناك ؟؟

ابو روان : يصير خير روونه بعدين

الساعه 3,30 العصر

(ابو روان يوصل ام روان وروان والمولود نواف والخادمه بيت شريفه ام نوال
والبيت الحين صار فاضى وهذا اللى كان ابو روان يبي عشان يدخل الشيخ يقرأ
وبدون لا احد يعرف عشان مايزيد من خوف روان ولا يسمع كلمه من ام روان
مثل انت خايف او خرفت او شي من هذا الكلام
ابو روان صلى المغرب فى المسجد اللى تواعد فيه مع الشيخ وكان الشيخ اهو الامام
بعد الصلاة ابو روان راح سلم على الشيخ وعرفه بنفسه وقاله كل السالفه واللى صار مع روان واللى اهو شافه وصارله )


الشيخ : يالله نتوكل على الله ونروح البيت بس البيت فى احد الحين ؟؟

ابو روان : لا مافى احد البيت فاضى

(وهم بالسياره رايحين البيت الشيخ بدأ يقول حق ابو روان درس فى العقيده وهدى من روع ابو روان ويقوله ان احنه لازم نؤمن بالجن وانهم موجودين وهم ذكرهم الله فى كتابه الحكيم
وذكرهم الرسول صلى الله عليه وسلم فى السنه
وصلو البيت)

ابو روان : شوووف غرفة البنت تحترق ابو روان قبل لاينزل من السياره شاف ناار يطلع من دريشة روان وكانت دريشتها تطل على الشارع

الشيخ : تعوذ من ابليس مافى نار ولا شى قول لااله الاالله

ابو روان : ينزل بسرعه بيدخل البيت

الشيخ : يمسكه عطنى مفاتيح البيت انا افتح وانت خلك خلفي

ابو روان : ياشيخ يعنى انت ماتشوف النار شابه ؟؟

الشيخ : لا مافى شى عطنى المفاتيح وخلك خلفي

ابو روان : تفضل ياشيخ

(يفتح الشيخ الباب وابو روان ماشى خلفه حتى استقر جلوسهم فى صالة البيت)

الشيخ : شيل كل صوره او محرم موجود فى الصاله

ابو روان : ان شاء الله وساعده الشيخ فى شيل الصور اللى فى الصاله

الشيخ : بدأ فى القراءه........................

ويستمررر فى القرأه فى صوت عذب ومرتفع ومكرر لبعض الايات


الشيخ وابو روان يحسووون فى حراره فى البيت ثم يرتفع عوووووويل وصـــــــراااااخ
لصووووت امرأه

الشيخ : مأ سمك ؟

الجنيه : لن أخبرك

الشيخ : ما ديانتك ؟

الجنيه : الاسلام

الشيخ : وهل يجوز للمسلمه ان تعذب المسلمين وتنقص عليهم حياتهم فى بيوتهم ؟

الجنيه : هم من قام بأيذائي وانقاص حياتى على

الشيخ : كيف ؟

الجنيه : انا ساكنه فى هذا البيت مع ابنتى من حوالى 4 سنوات
وابنت هذا الرجل قد قتلت ابنتي وهذا الرجل ضربنى

الشيخ : وكيف كان ذلك ؟

الجنيه : من عدد اسابيع اتى هذا الرجل وبرفقة ابنته وزوجته وشخصين اخريين
وقد فتح الباب الرجل الذى كان يرافقهم بقول ( بسم الله ) فتنحت ابنتى عن طريقهم
ودخلو المنزل وبعد دقائق خرجت ابنت هذا الرجل وهى تجرى فى الحوش
ووطأت قدمها على رأس ابنتى وكانت تلبس كعب عالى فقتلت ابنتى

الشيخ : البنت لم تقصد ولم ترى طفلتك فما يجوز ان تؤذيها

الجنيه : بلا تقصد وان قالت بسم الله لتنحت ابنتي عن طريقها
والرجل هذا ضربنى بالنعال
وانا سوف انتقم منه ومن ابنته

الشيخ :اخرجي من هذا البيت وتوبي الى الله والله يعوضك خيرا من ابنتك

الجنيه : لن اخرج الا بشرط

الشيخ: وماهو الشرط ؟؟

الجنيه ان اخرج من هذا البيت وادخل فيك انت لاعذبك

الشيخ : لابأس اخرجي من هذا البيت وادخلى بي ان استطعتى

فعم السكوت فى ارجاء البيت

وفجأه

صوت الجنيه تبكي

الشيخ : مايبكيك ؟؟

الجنيه : لايستطيع اى جنى ان يدخل فيك اليوم

الشيخ : ولما ؟؟

الجنيه ك لأنك قلت اليوم ( لااله الا الله وحده لاشريك له الملك وله الحمد وهو على كل شيئ قدير)) 100 مره

الشيخ : صدق رسول الله صلى الله عليه وسلم من قال وذكر ماقالته الجنيه 100 مره فى اليوم
كانت له حرز من الشيطان

الجنيه : شرط اخر

الشيخ : لا نريد لن نسمع شروط منك واسمعى انتى منا قول الله ويبدأ فى القراءه

الجنيه : تبكي وتصرخ سأنتقم منكم سأنتقم منكم


وتمت القراءه حتى صلاة العشاء وخرج الشيخ دون جدوى من الجنيه
بسبب هروبها والروغان

خرج الشيخ وابو روان لصلاة وبعد الصلاة

ابو روان : ياشيخ ما هو الحل ؟

الشيخ يجب ان تكون هناك عدة جلسات وعليكم ان تغادرو هذا البيت حتى تخرج هذه الجنيه منه

ابو روان : مشكور ياشيخ وسوف اقوم بما قلت وارحل عن البيت ولنا لقاء ان شاء الله غدا

(ابو روان وهو بالسياره يشعر بحراره شديده تدخل في جسده ومن ثم يسمع صوت الجنيه وهى تقول له )

الجنيه : ان اتى هذا الشيخ مره اخرى الى البيت او حاولت الاتصال به سوف تفقد ابنتك وتفقد نفسك وانا من اليوم سوف لان اتخلا عن جسدك وسوف يكون جسدك مسكن لى وان هجرت البيت سوف اسكن فيك واخر يسكن فى جسد ابنتك

ابو روان اصبح ممسوس وفى جسده الجنيه هى من تقوم بتوجيهه بدون شعور منه

ابو روان : الووو ام روان انا داخل الفريج يالله طلعوا انا بانتظاركم بره

ام روان : يالله روان ابوج بره ينطرنا

روان : يمه انا ما ابي اروح كيفج خلج بشوف لما متى بتنامين اهنى

(تخرج ام روان والمولود نواف والخادمه ميرى وتصعد السياره)

ابو روان : وين روان ؟

ام روان: تقول تبي تنام اهنى عن جدتها

ابو روان : مو بكيفها هذى

ام روان : @@ اول مره تشوفه يعصب على روان اشفيك معصب؟؟

ابو روان: يدق على روان الوووو روانوو يالله تعالى انا ناطرج بالسياره وسكر التلفون بوجها

روان : @@ استغربت محادثة ابوها لها طلعت وركبت السياره

روان : يبه انت وعدتنى امس انى انام عند جدتى شريفه

ابو روان : امس شى واليوم شى

ام روان وروان @@ ساكتين ومنصدمين من تصرف ابو روان

وصلو البيت
روان خايفه ومرعوبه لا يصير لها مثل ليلة امس

روان : يبه بنام بالصاله بعد اليوم خووش نومه كانت امس

ابو روان: روحى دارج ونامي هناك بلا دلع

روان ام روان @@ انشاء الله يبه

روان: دخلت دارها وصارلها فى الدار تقريبا اكثر من ساعه والوضع هادى ومافى اى شى
ارتاحت وقامت عشان تشبك على الكمبيوتر واول ما شبكة وشاشة الكمبيوتر للحين سوداء
تشوف روان فى الشاشه الطفل الميت

روان تفرك عيونها تغمض وترد تفتح تشوف الصوره نفسها

خافت وصرخت وقامت بتطلع تروح حق امها وهى لافه تشوف الجنيه صارت جدامها

والطفل خلفها

روان تمالكت اعصابها وحبت تتأكد من اللى تشوفه صج ولا خيال لان كانت الصوره مو واضحه وكأنها دخان راحت روان باتجاه الجنيه

وترفع يدها عشان تبي تلمسها وبالفعل المستها
وكانت يدها تجيس شي صلب شخص واقف امامها مو خيال روان طاحت على الارض وقامت تصرخ وتبجى ومحد يسمعها

الجنيه: تقرب من روان حتى استقرت فوقها

روان : تصرررررررررررررررخ وتبجي وتنادى ولا حياة لمن تنادى










نهاية البارت





شنو تصورون صار حق روان فى البارت الخامس ؟؟
تابعو البارت وراح تعرفون

​

​

 

[P!NKia]

يعنى ممكن تذبحهاا ؟؟
اهى بتنتقم من روان اتوقع تسكن فى جسدها
اعوذ بالله
وناااطرينج

 

[حياتي فراغ]

رد : رواية البيت المسكون رعب بقلم سموره الكويتيه

امبييييييه بسم الله
آخر بارتين يخرعوووون
صراحة انا داي اشوف عنوان القصة و أقول ادش ولا لا ... ماتوقعت أنها جذي روعـــه
ناطره البارت الخامس
و اتوقع ايي احد ينقذ روان

 

[Ǥoldɛn ʝɛωɛL]

رد : رواية البيت المسكون رعب بقلم سموره الكويتيه

WOOOOOOOOOoo000OOW

القصه حدهااا حدهااا عجيبه

وتخرع بعد لوول

لان حدي احب الرعب بس ما ادري شلون لما اقرى شي عن الرعب ما اعرف انااام كلش :eh_s(10):

يعطيييج الف الف عافيه وهذي اول مره اقرى روايه بالمنتدى و كانت اختيار موفق 100 %

متابعتج + حبيت اشجعج مو بس كلام + تصميم

بحطه بتوفيعي كبنر و اللي يبي يحط عادي يستاهل اللي يقرى روايتج

استمري:balo: