رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

[هولندية 93]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

حياكم الله و مشكورين والله عالمتابعه اخوي يقول البارتات افكارها حلوه بس من البارت 18 و ليي اخر بارت بيكون سوه فيهم مجهود و يتمنى تقروون الروايه كلها

 

[هولندية 93]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

تستاااااااهلون البارت 17 حبيباتي قلت خل احطه لكم لووول
الباااارت السااااااابع عشرالبيت اليوم كان فاضي..

لا حس ولا خبر..

حتى كانتي و ميري راحوا مع الام حق السوق ومعاهم فرح و ساره و محمد..

بيجددون الغرف و الاثاث و السراير..

وعبدالله بالشغل..

و روان كانت مع عبدالرحمن بروحهم في هاليوم..

-روان:عبدالرحمن ..اي زر اضغط على المفعول؟..

-عبدالرحمن:لا حطي جم قطره على راحة ايدج..يكون احسن من الزر..

-روان:اي والله ..صح..

وبعد فتره من الوقت ما بين خمس دقايق الى عشر دقايق..

عبدالرحمن بكل خجل:روان..

روان و اهيا مندمجه بالتجربه:هلا..

عبدالرحمن بهدوء و الساعه 11 بليل:انا ..ان شاء الله..يعني بنكون ..كلنا يعني..

روان وقفت و شافته:كلنا يعني؟؟..

عبدالرحمن تلعثم و قال:لا..قصدي انه..مادري ولاشي..

روان و اهيا تبتسم:لا قول..انا اسمعك..بغيت شي مني؟؟..

عبدالرحمن:اه..اي..خل نرد و باجر تكملين التجربه..

روان:اهممم..اوك..

عبدالرحمن:على فكره اليوم آخر يوم لي بهالمكان..

روان بصدمه:وليش؟؟بتسافر ولا شنو؟؟..

عبدالرحمن:لا والله..بس اهلي حيل ضغطوا علي اني اترك الشغل ..بس كنت متعلق فيه عـ..

روان مهتمه:كمل ..متعلق فيه ليش؟؟..

عبدالرحمن بصوت جريء:انا تعلقت فيج يا روان..والله اول ما شفتج مادري شصار ..احس اني انسان ثاني..بس اهلي ضغطوا علي..فرحت و كلمت ابوي و قلت له..اني بييلكم البيت مع الاهل و نخطبج..ونعيش حياتنا..باجر ان شاء الله اوك؟؟..

روان و اهيا تضحك:ههههههه..ومن قال اني ابيك؟؟..لا يا عيوني انا مابي اتزوج..

عبدالرحمن بعصبيه و اهوا يطلع:ضيعت الوقت عيل..اسف عالازعاج..

روان:لا عبدالرحمن..تعال دقيقه بقولك ليش..تعااااال..عبدالرحمن..

لكن محد رد عليها و تركت التجربه و ردت للبيت بعد ما مرها عبدالله..

-----------

وبالبيت..و الساعه 1 بعد منتصف الليل..

فرح بغرفة امها:يما..في شي لازم اقولج اياه..

ام عبدالله:سبحان الله ..احس انه في موجة مشاكل بترد لنا ..احس عام 2010 و كل اللي صار بينعاد مره ثانيه..

فرح:يما مادري شتقولين بس..شادن..

ام عبدالله مستغربه:شفيها بعد؟؟..

فرح:اول ما يت بيتنا و قبل لا تدخل..قالت انهم يايين هني عشان....

ام عبدالله:عشان شنو بعد..ما تردين قولي؟؟..

فرح:قالت ردوا عشان ياخذون حق ساره و جاسم زوجها و اكيد بيردون لندن..

ام عبدالله منصدمه:لا والله و شدراه بكل شي؟؟الورث شدراه فيه؟؟..

فرح خايفه:يما ..تكفين لا تزعلين..بس انا و ساره كنا نكلم جاسم من 6 اشهر ..و عشان جذي عرف كل شي..

ام عبدالله معصبه و تصارخ:لا والله يعني كل شي طلع منج يالفاشله ..يالتعبانه انتي و ساره..

-------------

و بهالوقت ملى البيت صراخ جاسم:شادن..شاااادن و صمخ وينج؟؟..

طلعوا كل اللي في البيت ..

ام عبدالله:خير خير شصاير بعد؟؟..

جاسم:الساعه 1 و ربع و شادن مو بالبيت وين ذلفت؟؟..

روان بحقاره:شوفها بأي مكان فيه شباب و تلقاها..

جاسم و مد ايده على روان:اكلي تبن ..يالشريفه..

قام عبدالله و طق جاسم و طاحوا طق في بعض..

الكل تذكر لحظة هوشة عبدالله و جاسم مع بعض في البيت المشئوم عام 2010..

و هاللحظه تكررت مره ثانيه..

و فككهم كل من محمد و ساره و ام عبدالله..

و بنفس الوقت اللي وقفوا فيه و محد تآذى..

انفتح الباب الرئيسي..

ودخلت شادن مع بنتها هيا اللي توها تمشي و تتعلم المشي..

جاسم راح لها و تلها و صارخ:وين هايته وين؟؟..

شادن:جاااسم..انا حامل..

جاسم و اهوا بهدوء وتوتر:شنووو؟؟..صج..عالبركه..

ام عبدالله:تصبحون على خير..

و الكل راح..

---اي نعم..شادن حامل بالطفل الثاني..---

--------------------------

فرح عند امها بالغرفه:يما..شنو بتسوين؟؟..

ام عبدالله بنظرة جاده لفرح:باجر..باجر يا فرح..بتبدي حرب و ملحمه..

فرح:يما..شنو ناويه عليه؟؟..تكفين بعدي عن الشر..

ام عبدالله:يلا روحي نامي الساعه 1 ..

فرح:انزين بس ..

ام عبدالله:و سكري الليت وراج ..تصبحين على خير..

وراحت ام عبدالله لفراشها..

و فرح تتأتئ:بـ..بــ..انزين..انتي من اهله بعد..

و سكرت الليت و في قلبها خوف وتوتر من اللي بيصير باجر ..

--------------------------------

و بعد ما دقت روان اكثر من 10 مرات على عبدالرحمن زميلها سابقاً بالمختبر...

دزت له مسج تقول: ( عبدالرحمن انا اسفه على اللي صار بس والله مو قصدي..

لو ترد علي و اقولك سالفة اختي شهد الله يرحمها..

جان ما سويت اللي انت سويته و وقفت معاي مو ضدي..

بس هم انا ارتحت لك..لو تبيني انا ابيك و اشتريك..

انطركم باجر المغرب بفارغ الصبر ..

ابي اعيش حياتي كلها معاك..)

و حطت راسها و في بالها الف شغله و شغله..

------------------

وصار اليوم الموعود..

اليوم اللي توعدت فيه ام عبدالله..

...

الاوضاع لحد اللحين هاديه..

و يابوا الاثاث اليديد..

لكل من ساره و فرح و محمد..

وام عبدالله واقفه و اهيا تقول:اصلا لو كنت ادري يا ساره و يا فرح عن اللي سويتوه..جان ولا فلس حمر طلع مني..

محمد :شنو بعد؟؟..شسووا؟؟..

ام عبدالله:لا يا محمد ولا شي..

--------

و بعد فتره..و الساعه 5 العصر..

دخل جاسم مع شادن و هيا..

شادن راحت فوق و اهيا تقول:وااي اشوي برتاح..خو الجنين يبيله راحه..

جاسم و لما شاف ماكو احد بالصاله غير ام عبدالله..

راح لها بتوتر و قعد وقال:ها يا خاله شخباركم؟؟..

ام عبدالله و اهيا تشوفه:والله خبري خبرك..بس متى المحكمه؟؟..

جاسم بصدمه:شنو..اي محكمه؟؟..

ام عبدالله و اهيا توقف:بلا لف و لا دوران..شادن الصبح يت ليه باب داري و هددتني انكم بتاخذون مبلغ و قدره 9000.000 ملايين دينار..واحنا مالنا حق مو جذي؟؟..

جاسم بخوف:اهوا..صح حقنا يكون لنا اقل ..بس والله الورث اهم و انتوا شريتوا البيت و اخذتوا كل اللي تبونه..و الباجي لي و للي ماتوا من اهلي و لساره و شادن و هيا و اللي بالطريج..

ام عبدالله:اي صح صح ..بس متى المحكمه ..لآني متحمسه..

جاسم:ايييه..عن قريب عن قريب..عقب باجر يا ..

ام عبدالله:كملها..يا..

جاسم بحقاره و نظره كريهه:يا ..خالتي..

ام عبدالله:نلتقي بالمحكمه..يالله شيل قشك و اغراضك و روح برا شوف اي مكان ..غير بيتي..

جاسم بصراخ:شاااادن ..زهبي الاغراض بنروح موفين بيك بنقعد لما يصدر الحكم و ناخذ الفلوس لنا..

شادن:اوووكي حياااتي..

---------------------------------

وبعد لحظات..

و اهيا تشيل الاغراض..

كانت بحوسه و خوف..وتوتر زاد عن اللازم..

-وين الصور..وين الارقام..وين الصور؟؟

دخل جاسم و قال:هااه حبيبتي..خلصتي..

فز قلبها من الخوف و قالت:هااه اي خلصت..انت روح تحت و ناد كانتي و ميري و انا اخلص اللحين و نطلع..

جاسم:اي اي ..يالله خل نفتك..بعد 48 ساعه بنكون اغنياء..

شادن و بضحكه مصطنعه:هههههههه ..اي اكيد..يالله روح ناد الخدم لا نتأخر..

جاسم واهوا يروح:من عيوني ..انشالله..

وردت شادن للبحث و البحث عن الصور و الارقام..

---------------------

وام عبدالله بغرفتها محتاره من الخطوة اليايه..

نطت روان و قالت لها:يمااااا..ابي سياااره..

ام عبدالله:من وين اييب لج يعني؟؟..

روان:من معاشج ولا من الورث..

ام عبدالله:ماااكو ورث ..مااا عندنا شي اللحين..

روان مستغربه:شلون يعني؟؟..وين راح الورث؟؟..

ام عبدالله:تعالي قعدي و شوفي شنو اللي راح يصير لنا..

-------------------------------------------------------------------------

و بهالفتره اللي قالت ام عبدالله كل شي لبنتها روان..

كانوا كل من جاسم و شادن و بنتهم هيا طلعوا..

----------------------------

روان بخوف:و انتي شنو بتسوين؟

ام عبدالله:والله انا اقدر افرق بينهم ..و اقدر اقهرهم..بس الفلوس بتروح..لآن لما يت لي شادن و قالت لي ان هالمحامي اللي بيحكم الحكم و بيصدره اهو رفيج زوجها جاسم..و تكفين بلا اسئله مالي خلق اتكلم عن سالفة الورث..

روان:انزين انزين..و شنو ناويه تسوين اللحين؟؟..

ام عبدالله:اول شي ناويه اقول و اعلم كل اللي في البيت..لازم يكون عندهم خبر و يجون معاي المحكمه عقب باجر ان شاء الله..

روان:ولييييش؟؟لالالا..انا معاج وبس..محد غيرنا يروح..

ام عبدالله:لا يا روان لا..راح يجون..عشان يشوفون نوايا جاسم السوده..و بعدها..

روان :كملي يا يماه لا توقفين كملي..

ام عبدالله بقهر:و بعدها يا روان..راح نعطيهم ساره و نتبرى منها و ما بأذني ماي..و بعدين نفضحج يا شادن...

روان:شلون تفضحينها..

ام عبدالله بقهر بعد:انا اقووولج شلون..

-----------يتبع الجزء 18-----------​

 

[6amni bs]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

بدعتي بالبارت روووعه
يعطيج العاافيه
كمليييييييي :eh_s(3):

 

[هولندية 93]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

حياج الله طمني بس احس البنات كلهم ملوا من الروايه لوووول بحاول انشرها لكم بسرعه خصوصا بقى 4 بارتات قويه

 

[6amni bs]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

حياج الله طمني بس احس البنات كلهم ملوا من الروايه لوووول بحاول انشرها لكم بسرعه خصوصا بقى 4 بارتات قويه

يلا عيلللل ناطرين البارت :eh_s(8):

 

[Soswah]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

هولندية: بغييت اقووله الرواية رووعه وتسلم ايدج وايد اخووج الطيبة و انا تابعت الروايتين الي قبل "وما بعد الورث ؟" مم .. وحبيت اكون بالروااية الي بيكتبها واسمي ساارة وابي يكون دوري وحده نسره مغروره ;pP ​

 

[ام عيوضي]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

تسلمين اختي
يعطيج العافيه

 

[Soswah]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

يعطيج العاافية ,, سجليني من المتاابعين ​

 

[warood]

Hiiinndd 7beeeeeebtiii .. 3afya la tet2a5erain 3alaina rewaytiiich t'haaaabiil o shekray o5oooch eli ketabha o 3la kil mn sharak fyyha ;** Teslam eedkum ;** ;D


Soswah .. 7beebti bs Laish ta5thyyn door il ma'3roora enesra chii y3nii entaii ra7 tkoonyn 3adootii .. L2ana ana abii il maskeena il ma'9looma xP Umbaih allaaah yastr shnu bey9eeer b.rewaya il yaya ;D

Na6reeen Partiich o Na6reen Rewaaytiich il Ydeeda 7beebtii Hiindd ;** Bnte'9aariich ;D

 

[Soswah]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

يلا حبيبي نااطرينج نبي باارت D;​

وروود : لووووووول ايي نسرة بالخيال معاااج ;pP ... وبالوااقع لااا العكس العكس ;pP فديتووج خيتوو ​

 

[هولندية 93]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

باااااك يا بنااات..بناااات اعذرووني والله بس صارلي ظرف و ما قدرت بعوضكم بالبارت 18 الحين والله صارلي ظرف و ماقدرت ادخل بليييييييييييز سامحوووني و ساره حبيبتي مشكوووره على انضمامج و بتكونين من المشاركين بالروايه اليديدهو ام عيوضي حياج الله و الله يسلمج ما قصرتوا

 

[هولندية 93]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

البـــــــارت 18


-الجزء 18-

في الصاله...

قالت ام عبدالله كل اللي بيصير لكن تجاهلت ترك ساره..

و تجاهلت فضيحة شادن..

روان بلقافه:اي و بعدها راح نفضح ......

ام عبدالله تقاطعها و بصراخ:لاااااا..ماكو سالفه..

وراحت فوق..و زهبت جنطتها..وحطت جم شغله فيها..

-------------

وفي اليوم الموعود...

قامت ام عبدالله الساعه 7 الصبح..و المحكمه الساعه 9 الصبح..

اصلا ما نامت الليل عشان تقوم..

راحت و قومت الكل و راحت لدار ساره و شالت اغراض ساره كلها..

و لما رجعت ساره شافت الفوضه.. و الجناط..

قالت:خالتي ..ليش كل هذا ..شنو قاعده تسوين؟؟..

ام عبدالله:والله يا ساره شلناج بعيونه..لكن صار الوقت تردين لأخوج اللي يحبج و اللي ذبحتيني عليه..و اللي لما قلت لا تدقون عليه..دقيتي..و فرح عقابها عندي..

ساره بحزن و ضيج:لا ماني طالعه بقعد عندكم..ابيج يا..

و قالتها من قلبها:ابيييج يا يماااااااااااا...

و راحت و ضمت ام عبدالله لكن وخرتها و قالت :يالله..شيلي اغراضج و تعالي معانا..

الساعه 8:59 دقيقه الصبح..

دخلوا كلهم المحكمه...

ام عبدالله و نظراتها الحايره..

و روان و نظراتها الحزينه..

عبدالله و الكره و البغض للي بيصير..و يفكر هل راح نكسب القضيه؟؟..

فرح و نظراتها الحزينه اللي ما توقعت انه هالاشياء تصير الا بالافلام و المسلسلات..

محمد اللي سكت و عنده امل بكسب قضيه ما يدري شنو محتواها..

ساره البنت المسكينه اللي مالها ذنب..

جاسم المسكين الاكبر و الرجل الأغبى على اللي بيسويه..

شادن و ابتسامتها الراقيه في داخل المحكمه..

و هيا البنت البريئه اللي مالها ذنب بعد..

---------------------------------------

بعد ربع ساعه..

اي نعم..

ربع ساعه بس..

و خلصت القضيه..

شلي صار؟؟..منو كسب؟؟..

طلعوا كلهم برا..

و فجأه واهم راكبين اللكزس..

وصل جاسم ووقف جدام السياره..

فتح عبدالله نافذة السياره و قال:و لك ويه توقف جدامنا يالخسران..التسع ملايين لنا..و سلم على زوجتك اللي قالت لأمي انه رفيجك الغبي بالمحكمه..و طلع لايعرفك و لاشي..هههههههههههاااااي..

----

لكن بهاللحظه هذي..

الكل وقف قلبه..

ام عبدالله:لا يا جاسم تعوذ من ابليس..تعوووذ بوريك شي عن شادن..

روان:لا يماااه لا يسويهااااا..

فرح:بسم الله شسوي هالمره احنا بالسياره ما عندي صخره احذفها ..

ساره معاهم:لا ياخوووي لا يقص عليك الشيطان..

ام عبدالله:نزلي لا بارك الله فيج و لا بأخوج فوقج..

محمد بصراخ:دوس دووس دوووس..لا يسويها..

ورفع جاسم ايده..

اللي كانت حامله المسدس..

نزلت ساره و بعدها ام عبدالله و طلعت من جنطتها رقم بورقه مكتوب سعود..

و حذفته و حذفت 5 صور..وقالت:شوف شوف الحلوه الأموره شنو مسويه..

قال:شنو..منو الحلوه بعد؟؟..

قالت:قبل لا تسوي شي يا جاسم..شوف شادن الجذابه ..شوف شسوت..

و بهاللحظه وصلت شادن مع بنتها هيا و شافت منظر الصور..و الصدمه فوق ما تتوقعونها..

جاسم:شنو هذاااا؟؟..شنوووو هذااااا؟؟..

ام عبدالله:هذي الحلوه اللي كل مره اسمعها تتكلم بالتلفون و من كثر ما تسولف عرفت اشياء و اشياء..

وقالت القنابل ورا بعض:شادن يا جاسم..متزوجه واحد بنفس هالوقت..ولا بنتك هيا اسمها ماريا مو هيا..و على فكرررره..ترى هذي مو بنتك هااه..

جاسم بصراخ:شنو مو بنتي..تبين تتشرهين علي بعد ما كسبتوا القضيه؟؟..

قالت:لا والله بس ابيك ترد جاسم القديم..الأولي..اللي كنت معانا و تفرح و تنام معانا و تشاركنا افراحنا و ليالينا و ايامنا..وينك يا جاسم وينك؟؟..

جاسم و لف على شادن و بنظرة جاده:صج اللي سمعته..

شادن بتوتر:وتصدقها بعد..لا ارمني بعد بالمسدس..لا سوها بعد سوها..

مسك شعرها وقال:صج اللي سمعته؟؟

قالت:على فعلتك هذي..اي متزوجه و ماريا بنت سعود مو بنتك..

قال:انتي طالق..ومابي ارد لج لو شنو يصير..

و نزلها عالرصيف..و..

رفسها على بطنها و الصياح ملى المكان..

:آآآآآآآآآآآآآآآه لا ابي الياااااااهل خله لي عشاااني..

قال:لا والله مابيه و لا ابي اشوف رقعة ويهاا..

و شال المسدس و حطه على راسه..

ام عبدالله:لا ..اياني و اياك تسويها لااااه يا جاسم لا..

ساره:جاااسم لا..

عبدالله نزل و قال:جاااسم..مهما صار احنا اخوان لا تسوي شي..رد لربك و صل صلاتك و اكيد ربك بيغفر لك..قبل لا تنتحر و تدخل جهنم الله يكفينا شرها..

قال:و تحياتي للإنتحاري..

ساره تركض:لا ا ا ا ا ا ا ا ا ا ه..

و نزلوا اللي بالسياره..

الكل يصارخ:لا تسويها لا تسويها كل شي يتصلح..

ام عبدالله:دقوا عالإسعاف يودون شادن..

الكل بحوسه..و آخر شي رمى نفسه على مكان معدته..

و كالعاده اسعاف و يركبون شادن و جاسم و العنايه المركزه..

------------

توت..توت..توت..توت..

توت..توت..توت..توت..

:آآآآه..

صوت واحد يقول:الحمدلله على السلامه..

:الله يسلمك..

-------------------

توت..توت..توت..توت..

توت..توت..توت..تووووووو...

صوت وحده تقول:إنا لله و انا اليه راجعون..

و غطت الويه..

--------------------------------------------------------------

ردت الحياة لطبيعتها..

الكل تعود على كل شي..

من مات؟؟

من نجى؟؟

مرت اياااااام..

...........................................

روان بالمختبر:و هذا كل اللي حصل..

ريم:الله يكووون بعونكم..وشلون شادن؟؟..

امجاد:اي والله شلونها؟؟..

روان:والله مرت 6 ايام و ما شفناها..كنت اروح مع امي لها بالمستشفى يومين و اليوم الثالث راحت..و صار لها 6 ايام..ما ندري عنها..

هند:ويييييييييي..الله ياخذها..اكيد ردت لسعود..

روان:مالنا شغل فيها..

امجاد تكلم ريم:ريم وين شوق؟؟..

روان مستغربه:اي شوق؟؟..

امجاد:وحده يديده دخلت للهندسه الكيميائيه على رغبة خطيبها ..

روان بصدمه:شنوووو؟؟..وينها؟؟..

ريم:دقت علي مساع و قالت ما تقدر تيي اليوم لآن اليوم عندهم عزيمه..

امجاد:اها..انزين انا بروح المختبر الرابع..

هند:يلا و انا وياج بعد..

وراحوا..

روان:تكفين يا ريم تكفين ابي رقم شوق..تكفين..

ريم:وليش؟؟تعرفينها ولا شنو؟؟..

روان بتصنع واضح:اي اي اي ..اعرفها من زمان ..بس قطعنا عن بعض..ابي اكلمها..

ريم:ولا انه يبين الجذب بويهج بس سجلي عندج...

-------------------------------------------------------------

ام عبدالله تدعي:يا رب ارحم ام غدير و غدير و هديل و بدر و ..

و جاسم بعد..يا ارحم الراحمين..ارحم جميع اموات المسلمين و المسلمات..

فرح و اهيا تقعد بغرفة امها:يما..صج ساره بتودينها مكان غير بيتنا..يعني الله يرحمه جاسم و مات ..

ام عبدالله:لا يا بنيتي..لا..ما بقى احد ما عايلتها..

فرح:عيل لحقي عليها ..

ام عبدالله:لييييييييش؟؟شصاااااااااااااار؟؟؟..

------------------------------------------------------------------------

روان:الوووو عبدالله..خلص دوامي مرني بليز..

عبدالله:انا بالشغل..قولي لآي احد يقطج..

روان:اووووه..لو عندي سياااره..

عبدالله:باي باي مشغوول..

روان:اففف..باي..

و طلعت هند مع امجاد..

روان:تكفون احد يقطني عالبيت؟؟..

امجاد:اي حياج انا و هند بيوتنا قريبه نوصلج..

روان:حبيباتي والله مشكورين..

---------------------------------------------------------------------------

ساره..ساره..ساره وينج؟؟

ساره ردي علينا؟؟..

فرح:يمااااااااا..سااااره..انحااااشت..

ام عبدالله بخوف:لا هذي امانه عندنا..وعمرها 16وين بتروح وين؟؟..

فرح:بسرعه دقي على عبدالله..

ام عبدالله:بس اغراضها هني..

و تذكرت شي و قالت:مستحيل..

فرح و وصل محمد:شنو اللي مستحيل؟؟..

ام عبدالله:وخروا بسرعه ورااااااي..

--------------------------------

(ايامنا بتنور و ايامنا بتشرق..ايام الفجر و الهوى الغالي..

بتشرق حياتنا الجديده و الاماني بتكبر..

حياكم الله في اهم ليالي ايامي..

انا و قمري ..

بليلة الاربعاء تبدي سهرتنا..

في صالة ريجنسي تكون غايتنا..

حياكم ..)

صارت بروان غصه..

وقالت بسرعه:هند..امجاد..تعرفون شوق؟؟..

امجاد و هند:اي اللي معانا بالشغل..

روان:اي..هذي مخطوبه صح؟؟..

امجاد و اهيا تسوق:اي والله..

روان:ما تدرون منو خاطبها؟؟..

هند:لا والله مادري بصراحه..

روان:ايه..اوك..بس بس كاهو بيتنا..

امجاد:اوك..بس ليش السؤال؟؟..اذا ممكن يعني؟؟..

روان:لا والله بس فضول فيني..

ونزلت و اهيا تقول :مشكورين..

و طلعت ام عبدالله و فرح ومحمد..

و ركضت بالشارع و قالت:رواان منو هذيله؟؟..

روان بخجل:هذيله امجاد و هند رفيجاتي بالشغل..

ام عبدالله:ممكن بسرعه صارت سالفه و لازم احد يودينا..طلبت تاكسي بس بيتأخر و ماكو وقت..

روان بهدوء لآمها:يما..عيب طالعه بعز القايله و انتي جذي و تطرين منهم..

ام عبدالله:ساره يا روان ..ساره انحاشت و ماخذه جوازها و ..

روان:وشنو..

ام عبدالله:و ماخذه كرت البنك..

روان:ويييه شدعوه بتعرف الرقم..

قالت:الورقة الصغيره اللي كاتبه فيها الرقم مو موجوده..

امجاد:حياكم بسرعه نروح للمخفر..

ام عبدالله:لالالالا..نبي البنك..

امجاد:ماكو مانع..بس في بنوك وايده..و منتشره بالكويت و مو شرط تاخذ من البنك نفسه اللي انتوا فيه..

هند بلقافه:الورث وينه بالبنك..

ام عبدالله و ما همها شلون عرفت: اي اي.. بسرعه للبنك اللي عند مدرسة المغيره..بقطعه 5

و ركبوا كلهم..

-------------------------------------

وبعد لحظات قليله..

وصلت وحده معاها بنت صغيره..

و دخلت من باب المطبخ..بالمفتاح..

و تركت البنت..

و راحت بعد ما قفلت الباب..وتركت رساله فوق الكبت اللي بالمطبخ..

و دخلت كانتي مع ميري و شافوا اللي شافوه............

-----------------------------

بهالوقت..

وصل عبدالله للبيت..

ودخل..

وصارخ:يمااااااااا..يمااااااااا..

يت كانتي و ميري مع البنت..

عبدالله:هياااا؟؟..

كانتي :انا ما يدري هاذا روووح مطبخ..شوف هذا بيبي..

عبدالله:ووين شادن؟؟..

كانتي:ماكو احد..بس هيا ماكو احد بعد..

ميري:شووف هاذا ورقه..انا مافي عرف يقرى عربي..

عبدالله بعد ما قرى الثلاث سطور:جذي السالفه عيل..

ميري:شنو يكتب؟؟..

عبدالله و كأنه ما سمعها:يعني كل السوالف و الحوادث..كانت من؟؟..

و وقف ووجه صار احمر:يعني..يعني..يعني..قلبي تعب..ما اقدر اقول والله..

و بعد لحظه:دخلوا هيا داخل..و اقفوا كل الأبواب..وانا بتأكد من النوافذ و الدرايش..

بتبدي حرب مره ثانيه..

ميري:شنو يقول انتاا؟؟..

عبدالله بصراخ :سوي اللي اقوله..و حسابج يا يما عندي..كل هالسنين و احنا عبالنا صج اللي حصل..آخر شي..نعرف الموضوع من وحده غريبه اسمها غريب..

وقال:شادن..

و سكت و قال:انطرك يا...اي انطرك و ادري انك تعرف بيتنا..

--------------------------

:رصيدكم 750 فلس بس..

ام عبدالله مصدومه:شنو؟؟..و بكيف منو؟؟..

الموظفه:يا عمتي قلت لج 3 مرات..ماكو مبلغ 9 ملايين..بس 750 فلس..

روان:انزين مني مناك؟؟..

الموظفه:خواتي انا آسفه ..بس البنك الوطني امان ماكو بوق ..الا اذا احد خذى الرقم منج و خذى الفلوس..

ام عبدالله:عيل سااااره..ساره لا بارك الله فيها و لافي الساعه اللي شلتها بعيوني و ضميتها..

امجاد:خالتي ..مو حلوه هني يسمعونج..ردوا البيت و تفاهموا..واكيد ساره بترد البيت..وين بتروح يعني؟؟..

ام عبدالله:والله قهر ..والله قهر يا رب قهر قهر قهر..

روان:يما خل نرد..وتعوذي من ابليس..و امسكي قهرج و اعصابج..لما نرد البيت..

فرح و محمد:اي يما تحملي..راح نلقاها..

ام عبدالله:آآآآآآه..ان لقيتها..برد الفلوس لنا..و اهيا مالها نصيب..و بوديها لآي مكان..مابيها في بيتي ..اخاف تخربه و تخربكم..خو عايله ما تخاف ربها..مدمنه و فصعه..و مساعد حرامي مع انه ما قصر..و الابو..الابو غير..الابو حرمكم من ابوكم ابوكم ابو روان..

روان:شكو ابو غدير بأبوي؟؟..

ام عبدالله:ولا شي..

و ردوا للبيت و بنفس اللحظه اللي راحت فيها امجاد وهند..

وقفت سيارة لاند من مديل 1998 ميلادي..

ونزل واحد لابس دشداشه ..و بدون غتره و عقال..و وضحت صلعته..

الساعه في تمام ال3و نص العصر..

وقفت ام عبدالله..

و روان..

وفرح..

ومحمد..

......هذا اهوا......

روان بصراخ:وااااااااااي..مستحيل جذي..احنا بفلم ولا شنو؟؟..

ام عبدالله:يااا سترك يا رب العالمين..

طلع عبدالله..

ووقف و قال:هلا و الله ..هلا فيك..تفضل بيتنا ..حياك..

ام عبدالله:اي حياك و اي تفضل..ما يدخل بيتنا لو شنو يصير..

عبدالله:يما..ممكن تسكتين شوي..

روان:شنو هالاسلوب الوصخ ؟؟..كلم امك بحترام..

عبدالله:اسكتي يا روان..الكل يسكت..هذا اللي بيقول اعظم سر..ورى كل هالسوالف..خلاص..احنا قربنا لنهاية القصه..

ام عبدالله:عبدالله هذا بيخرب بيتكم بيخرب بيتنا احنا..

عبدالله:يما..دخلوا كلكم داخل و تزهبوا..مثل ما قلت كل شي بنعرفه اللحين..وصلنا للنهايه..

روان:يا ساتر شنو بتكون نهايتنا..

محمد:الوضع خرا خرا خرا..

فرح:الا الوضع..ما ينقدر يوصف..حتى بالافلام..

دخلوا كلهم..و قعدوا بالصاله..وكانتي و ميري فوق معاهم الورقه..و معاهم هيا بعد..

عبدالله:حياك..اقعد ..

و كمل:كل شي بتعرفونه اللحين حتى انا..مادري شسالفه..بس اللي اعرفه..

ان امي..اللي اهيا امنا..ام عبدالله..جذبت جذبه عظيمه..راح تهز الكل..

و قال بعد نفس:تكفين يا روان..اترجاج ..اخذي نفس..و ارتاحي و يا فرح ومحمد..لأن اللي بينقال راح يسبب الف بالـ% سكتات قلبيه..وموت..و شلل..و حالات نفسيه صعبه انها تنحل..و صدمات بتعور قلوبكم الخفيفه..

و قال آخر ثلاث كلمات :تفضل احنا نسمعك..

------------------------------------------------------------------------

يتبع الجزء 19

اعظم سر سينكشف؟؟؟؟...

ما هي نهاية المأسآة؟؟...

من سيصمد؟؟من؟؟من؟؟..

تابعوني:مبارك المحجان..

رمز المتابعه:^_^ ^_^​

 

[6amni bs]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

واااااي الله يستر :eh_s(11):
يعطيج العاافيه كملي

 

[هولندية 93]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

حياكم معانا و انشالله يازلكم البارت 18 و الشخصيات الحقيقيه تحييكم بعد البارت 19 باجر انشالله

 

[هولندية 93]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

مشكوووره على الرد طمني بس اخووي حط اللغز الأخير بأول فصل من اول روايه الي لما تتعرفون على الشخصيات يعني مراح تصيدون الشي الي خشته ام عبدالله عنهم لوووول والله انا قبل لا اقرى احترت حياج معانا طمني بس

 

[Soswah]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

ولوو خيتوو ,, يعطييج العاافية ..
الله يستر من هالسر ​

 

[هولندية 93]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

الله يعاااافيج اختي نورتي والله..شوفي شنو خاشه ام عبدالله ..الا بغيت ساره جم عمرج احسج صغيرونه لووول كل ساره صغيره احس مثل بنت خالتي ساره الي بالقصه كبرها اخوي ههههههههههه

 

[Soswah]

رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

لا لا هولندية انتي جذي قاام تحرجيني ;pP .. احم احم عمري 14 ;pP ​

 

[MeeMeeYoo_2]

رد: رد : رواية اخوي الثالثه (و ما بعدك يا أيها الورث؟؟!!..)تكملة للروايتين السابقتين

شلون اهيا متزوجه جاسم ومتزوجه غيره !!

مافهمت ؟؟

حتى لو خيال استغفر الله مايصير نحلل على كيفنا بالقصص !

ناطرييين

 

[Zoozie]

السلام عليكم

الرواية بصراحة حلوة وناجحة

انا قريت الاجزاء السابقة

بس عندي انتقاد بسيط

بصراحة الاحدااث واايد قوية و متخربطة ببعضها

يعني انا في وااايد اشياء مافهمتها بس طوفت هع

يعني لو يكون الشرح بطريقة ثانية شي جذي يكون احسن

وان شاء الله ما تفهمين كلامي غلط

واعتبريه نصيحة مني

ومشكوورة اختي

تسلم يدج على نشر الرواية

يعطيج العافية

ناطرينج