رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

[كويتية بحتة]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

يلا رووونا بليز لا تطولين علينا في البارت
ترا حدي متشوقة ابعرف شبيصير

 

[shaikha al-h]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

waitinggggg

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

إنشالله أحاول كثر ما أقدر أنزلكم البارتات بسرعه سامحوووني على القصور ومشكورين على المروووور ;*~

 

[sweet_girl96]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

rwoona 7yat!i miss u << mta 3rfteha 3shan tshta8elha
*
7dii mtshw8a abii partii yala rwooni fdeEetCh :*

 

[shaikha al-h]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

بليييز يالله

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

سوري بنات شسوي والله مو بيدي ماكو وقت كلللش عشان أكتب والأحداث بالبارتات اليايه مهمه عشان جذي أبي أتفرغ من قلب عشان ما أخورها وأنا أكتب لووول سامحوني إذا ما قدرت أكتب هالإسبوع بس إنشالله هذا آخر إسبوع وبخلص يوم الخميس وأتفرغ من صج وكل يوم أرز ويهي وأكتب ليما تملون من ويهي لووول إدعووولي بنات وموفقين كلكم إنشالله فوق الـ 90 أحبكم باااي ;***~

 

[رفيف الورد]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

الله يوفقج يا رواين وربي يحقق لج كل اللي يتمناه قلبج وتتفوقين بحياتج العلميه والعمليه والمستقبليه عاجلا غير آجلا آمين يا رب العالمين

حبيبتي خذي راحتج يا غلاتي وأهم شيء دراستج قبل كل شيء يا حبيبتي روونتي يا تاج والغلا يا رب يخلي لج أهلج وأحبابج ولا يحرمج منهم حبيبتي وتسلم إيدج روونتي عالكتابه ما شاء الله تبارك الرحمان

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

تسلمييييين حبيبتي على الدعوه يعطيييج العافيه ما تقصريييين ;*~

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

..البارت الرابع والأربعون..
بالمستشفى
وهاب وفواز طلعوا من عند الدكتور
فواز ووهاب ساكتين
فواز ساكت لأن قاعد يفكر بالأشياء اللي قاعده تصيرله ووهاب ساكت لأن منبطه جبدددده من فواز وااايد
ركبوا السيارة وليلحين ساكتين أول ما ركبوا السيارة فواز طلع باكيته يبي يدخن
وهاب شافه طلع الباكيت حدددده تنرفز
وهاب: فواااااز شفيييييك إنت !!؟
فواز: شنووو !
وهاب سحب الباكيت من إيده حيييل وحذفه من الدريشه
وهاب: إنت ما سمعت شنو الدكتور قالك توووه !
فواز: يعني تبيني أقطع بيوم وليله !
وهاب: إنت قاعد تدخن أقوى نوع يا حمار وتدخن باكيت أو أكثر كل يوم !...الدكتور قالك إقطع فاهم شنو يعني إقطع إنت مو مستوعب إن اللي فيك مو شويه !
فواز: خلاص بدخن النوع اللي أقل منه !
وهاب: إنت ما منك فايده
فواز: شنووو بعد يعني ما تبيني أدخن القوي ولا اللي أقل منه قولي شلون أقطع !؟
وهاب سكت لأن اقتنع بكلامه لأن صح لازم يخفف لما يقطع
فواز: روح مر بقاله خلني أشتري
وهاب سكت وراح يدور بقاله عشان فواز يشتريله زقاير
------------------------------------------
بعد 3 أيام
فهود قاعد بدوانية بيت صلوح
كل واحد فيهم ماسك اللاب وشابك
صلوح: فهوووود بدزلك هالصورة شوفها
فهود: أوكي
صلوح: ها وصلت
فهود: إي كاهي قاعده تندز...وصلت
صلوح: هااا شرايك فيها
فهود: عجييييييييبه
صلوح: قايل حق أبوي ياخذلي نفسها
فهود: حلوه وتضبيطها حلو
صلوح: عرفت حمود الخال ؟
فهود: اللي كان معانا بالمدرسه ؟
صلوح: إيييي هذي سيارته
فهود: حلوووه
صلوح: من صجك ذيك المرة شفته على الخليج وسلمت عليه كانوا قاعدين يستعرضون أهو وجم واحد من ربعه...سلمت عليه وشفت سيارته مينووووونه وقالي للبيع
فهود: جم يبي عليها ؟!
صلوح: يبي يبيعها بـ6
فهود: زيييين
صلوح: حددده قلت حق أبوي يقولي ما تسوى
فهود: لا حرااام
صلوح: شدراني عنه
فهود: إممممم
صلوح: تعاااااال نسييييت أقووولك
فهود: شنووو
صلوح: أبوي مو راضي أدش مطافي
فهود: إحللللللف
صلوح: والله إنبطت جبدي ذيك المرة قاعد أكلمه يقولي خلاص مطافي مااااكو تكمل دراستك
فهود: ووين بتدش ؟
صلوح طالع فهود جان يضحك: مادري جنه بسافر أدرس بره
فهود: لوووووول قووول والله
صلوح: والله
فهود حددده استانس لأن ما راح يسافر بروحه وأحد معاه وخاصة رفيجه صلوح يمكن يقدر يستانس إهناك وينسى روان
------------------------------------------
لطيفه قاعده مع خواتها في بيت يدهم
هيا: وي لطوف متى صار عرس ولدج ؟
مريم: إي والله بنسافر إحنا
لطيفه: إيييي قالوا بيأجلونا شهر
هيا: صج
لطيفه: إيييي...لا تشوفين شصار بخلود حده اكتأب أول شي بس بعدين رضى
هيا: لوووووول هالصبي كله مستعيل على رزقه
لطيفه: إي والله
مريم: لطوف أنتي ما قلتيلنا إذا بتسافرين معانا ولا لأ
لطيفه: أنا عطيت خلود يسويلي الفيزا بس مادري والله جني بيي أغير جو شويه وآخذ معاي فهود وخلود ما يقدر إيي لأن دوام
هيا: إي إذا بتيين قوليلي أنا أخلي عادل يحجزلج أخاف ما تلقين حجز لأن إحنا حجزنا خلاص
لطيفه: خلاص باجر أو لما أرد البيت أردلج خبر بس أسأل فهود إذا بيي ولا لأ
هيا: أوووكي
وكملو سوالفهم مع بعض
-----------------------------------------
ريون قاعده مع روان في بغرفة ريون منسدحين ويسولفون ويطالعون التلفزيون برنامج أميركان آيدول
روان: كااااااااااااااااااااااااااااك أمبييييييييه ريوووووووون شوفييييييييييه فللللللللللم
ريون: لووووووووووووووووول أمبييييييييه هذا منووو قااااااص عليييييييه قايله صوتك حلوووو
روان: لووووووووول واااااااي بطني ريون ماني قادرة أستحمل مسكييييين
ريون: لوووووووول إنتي جيكي على الزوغه اللي وراه مسكينه عبالها قاعده بفرفة نومها مو برنامج أميركان آيدول لووووول لابسه قميييص نوووم
روان: لوووووول أحلى شي الريييييش كاااااااااك...أمبيه أول الحلقات أحلى شي قعدي وضحكي
ريون: حدددده أمبييييه وعلى هالريش اللي لابسته طالعي صوتها مسكينه قاصه بدلااااغ
روان: كاااااااااااااااااااك واي جنه مسكرين خشمها وقاعده تغنيييي لووووووول
جان يدش عليهم حمود
حمود يطالعهم وأهما ميتييييييين من الضحك
حمود: حمدالله والشكر الله يعطي ريون وروون العقل
روان: لوووووووول حمود إقعد طالع طالع والله ضحححك
حمود: لا مشكووورة ما أقعد مع ميانين أنا
ريون: لووووول بالطقاااااق إذلف وسكر الباب من وراك خلنا نفصل عدل
روان: ريوووون يوووعانه
ريون: حمود إطلع لو سمحت وناد جيرما معاك
حمود طلع وسكر الباب
روان: لوووووووول شفيه أخوج متنح
ريون: لوووووووول منصدم من أشكالنااااا
روان: شكله جذييييي
ريون: لووووول شنو تبين تاكلين
روان: مشتهيه ناجتس
ريون: لوووول اسم الله على أميييي
روان: لووووووووووووووول جبي جبي
يت خدامتهم وقالولها تسويلهم عشى
روان: أمبيييه مو مصدقه بنسافر حدي متملله أبي أغير جو وأفتك من كل شي إهني
ريون: حددده بروووح أستانس أبي أقط كل شي وره ظهرييييي
روان تذكرت إن فهود راح إيي معاهم وسكتت
ريون: شفيج سكتي
روان كانت قايله حق ريون كل السوالف مع فهود بس ما كانت قايلتها آخر سالفه صارت
روان: إمممم فهود يمكن إيي معانا
ريون: أوكييييي ويعني ؟
روان: في سالفه صارت أنا ما قلتلج إياها
ريون: ماااااالت قووووولي !
روان سكتت شويه جان تقولها السالفه كلها
ريون ساكته حدددها متنننحه
روان: واااي ريون لا تنحيييين بروحي انا متنحه من السالفه
ريون: أهم شي روون إنزين سؤال
روان: شنو ؟
ريون: إنتي ليش ما تبين فهود والله أهو ولد خالتنا أحسن من غيره لما هدج فروس رحتي وكلمتي فواز معنج كنتي تدرين إن فهود يحبج ولما هديتي فواز ألحين ما تبينه ليش يعني ؟
روان: ريون واي والله حطوا نفسكم بمكاني تخيلي ولد خالتي اللي أعرفه من 16 سنه وأنا أشوفه أخوي مو أكثر أرتاح لما أكلمه وأقوله كل شي بس ما أقدر أحبه والله ما أقدر أهو أخوي مو أكثثثر من جذي ولا عمري تخيلت إني ممكن أحبه وكا كلمته فترة طويله وايد بس ما حسيت بأي مشاعر حب ناحيته أشوفه أخوي وأعزه وبس وأنا من عقب فواز وفروس خلاص ما فيني أحب أحد والله قلبي مات أحس عطيت كل حبي حقهم حبيت فروس بكل شي فيني وكنت أشوفه دنيتي كلهاااا وهدني وعقب حبيت فواز صج إني ما حبيته كثر فروس بس كنت أحبه وجرحني حيييييييل باللي سواه وأدري لو قلت حق فهود أنا أحبك راح أظلمه لأني ما أشوفه غير أخوي وأهو يحبني من صج وأدريييي إن حتى مع الأيام ما راح أقدر أحبه أكثر من جذي والله يستاهل اللي أحسن مني مابي أقص عليه وأوهمه بشي مو موجود !
ريون: وشمعنى تبين فروس ؟
روان: لأن كل اللي صار فيني منه لو أهو مو هادني جان ما صار كل هذا والله أحس نفسي ولا شي ألحين صدقت فواز وسوه فيني جذي محتاجه فروس أهو الوحيد اللي لما كنت أكلمه كان صايني وحاطني بعينه ما عمره سوه شي جرحني وأهو أول حب لي لو أنسى الكل ما راح أنساه أهو شي ثاني بحياتي
ريون: بس إنتي ما تدرين إذا أهو يبيج ألحين ولا لأ
روان: ادري أهو ما قالي إن أهو يبيني ومو حاطه ببالي هالشي ولا حاطه ببالي إن أهو راح يردلي بس المهم يكون عندي وأسمع صوته إذا أهو ما يبيني أنا أبيه صج من عقب ما راح حسيت بقيمته محد راح يعوضني عنننه وأنا ما راح أبينله إني محتاجتله وايد بس بكلمه فريندز وآخذ أخباره مو لازم كل يوم بس على الأقل أكون قريبه منه
ريون فكرت بكلام روان وكان كلامها صح حطت نفسها بمكان ريون تخيلت وإهي ألحين تحب عبود إييلها ولد خالتها أو أي أحد يصيرلها يقولها أحبج ويبيها ما راح تقدر تحبه لو شيصير وروان شافت وايد أشياء ما تقدر تحب بعد وصج من أول ريون تدري فروس شنو بقلب روان ويمكن إهي حاولت تتناساه بس تدري إنها ما نسته وتشتاقله أهو حبها الأول !
ريون: إمممم أوكي خلاص ريون إذا سافرنا وفهود معانا كلميه عادي جنه ما صار شي إنتي صج ما تبينه حبيب بس يظل أهو ولدخالتج وتعزينه خلج عادي
روان: إي أدري هذا اللي بسويه بس أحس أهو ما يبي يشوفني عقب اللي قلته له
ريون: روون خلاص والله أنا حاسه فيج اللي شفتيه مو شويه والحب مو غصب أهو ولدخالتج ومعزته بقلبج نفس أخوج مو أكثر خلج عادي وسولفي معاه عادي نفس قبل وإنشالله أهو ما يكون شايل عليج
روان: إمممم إنشالله
ريون تبي تغير السالفه
ريون: ما فكرتي شنووو لون النفنوف اللي بتشترينه ؟
روان: مادري والله قلت أشوف اللي إهناك وبس ما يهمني اللون وايد بس عاد لون حلووو أكيد
ريون: لووول إي حتى أنا قلت جذيييي
روان: لووول بس أنا أبي أعرف شنو الجنطه اللي بتشيل أغراضي
ريون: أمبيييييه تصدقين ما فكرت فيها
روان: لوووول حددده والله لبسي وايد بتوهق عدل...ودي آخذ حق كل يوم بدله
ريون: لووووووول لا أووووله والله جنطتين ما تكفي إذا كل بدله مع إكسسواراتها
روان: لووووول إي والله جنه وايد 10 أحسن
ريون: لوووووول مرقعتها ألحييييييين
روان: لووووووووول تعالي حمني بيي 4 أيام صح ؟
ريون: إييييي من صجج مو مصدقه ودي أسوي عرررس
روان: لوووول هبلللله
ريون: مشتاقتله خو أخوي
جان تييب خدامتهم الأكل وقعدوا ياكلون ويسولفون لما خلصوا
روان: لوووول أنا خل أدق بسرعه على أمي أشوفها وينها خل تمرني وإهي راده البيت من بيت إيديده
ودقت على أمها عشان تقولها
لما سدته ريون قالتلها: رووون فروس ما تغير صوته ؟
روان: لوووووووول أوووله شياب الطاري لا ما تغير
ريون: إممم لما كلمتيه ما كان في أحد يمه
روان عرفت إنها تقصد إحمدو
روان: لا وييييع إنشالله ما أسمع صوته وإنتي شكو قاعده تفكرين بإحمدو عندج عبود
ريون: لا مو قاعده أفكر فيه بس تذكرته
روان: أكرهه قطيييييعه وييييييع والله
ريون سكتت وقعدت تفكر تذكرت إحمدو تضايقت شويه بس حمدت ربها 1000 مرة إنها تكلم عبود وتدري إنها ما راح تلقى واحد أحسن منه
عقب شويه يت هيا مرت روان وردوا البيت
--------------------------------------
بليل لطيفه ردت البيت وبدلت وغسلت ونطرت فهود على ما يرد عشان تكلمه
قعدت تطالع التلفزيون شويه ولا تسمع صوت الباب عرفت إن فهود
فهود شاف باب غرفة امه مبطل طق الباب على خفيف ودش
فهود: هاااا قاعده يمااا
لطيفه: ناطرتك
فهود: ياهل أنا !
لطيفه: لووول لا أبي أكلمك
فهود: إمممم الوالده عندها سوالف يلا قولي
لطيفه: إمممم خالاتك بيسافرون ويبونا نسافر معاهم تبي تيي ؟
فهود: إمممم خالتي هيا وخالتي مريم ؟
لطيفه: إي
فهود سكت شويه جان يقول: مع عيالهم ؟
لطيفه: إي الكل بيروح
فهود بقلبه ( يعني روان معاهم )
لطيفه: وقلت أنا وياك نروح لأن وناسه ومرة وحده أهما بيشترون ملابس حق عرس خلود
فهود: لا أنا ماني رايحه
لطيفه: ليش ؟!؟
فهود: بس مابي
لطيفه: إنت شفيك هالأيام أحس وراك شي ؟
فهود: لا شكو بس مالي خلق
لطيفه: لا فهود إنت فيك شي أدري أنا أمك
فهود تنرفز شويه بس ماسك نفسه لأن مهما يكون أمه اللي قاعد يكلمها
فهود: خلاص يما إذا انتي بتسافرين سافري معاهم وأنا أقعد إهني ترى مو ياهل انا وخلود معاي
لطيفه: خلاص على راحتك
فهود قام من مكانه وراح غرفته
لطيفه دقت على هيا عشان تقولها إنها بتيي عشان تحجزلها معاهم وفهود ما راح إيي
عقب ما سدته لطيفه وايد أشياء يت ببالها بس ما يا ببالها سبب واحد مقنع يخلي فهود جذي
طفت التلفزيون وحطت راسها ونامت
--------------------------------------------
عقب جم يوم
كان يوم اللي يرد فيه حمني من السفر
الكل رااااح المطار يستقبلونه أهو مع مرته وأهل شهد معاهم
الكل كان مستانس وريون بس شافته طلع من البوابه دمعت عينها كاااانت حدددها مشتاقتللللله
سلموا عليهم كلهم وتحمدولهم على السلامه
حمني يكلم ريون: بعض الناس مشتاقيلي هااا
ريون تطقه خفيف على جتفه: جببببب لا تفشلني لووووول
وراحوا البيت وتعشوا مع بعض

 

[MeeMeeYoo_2]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

ثنكيووووووو

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

العفو حياتي مشكووورة على المرور ;*~

 

[رفيف الورد]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

تسلمين حبيبتي روونه وتسلم إيدج يا نور الغلا بقلوب أحبابها

مبروك لج حمني يا ريون

وروان ليش تخليتي عن اللي حبج وأغلاج فهودي قمر قلبج

ما ينلام فهودي لرفضه السفر معاهم لأن يعز عليه نفسه لأن روان تخلت عنه وليش يزيد المواجع بحياته

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

تسلمين على مرورج حبيبتي نووورتي ;*~

 

[zhooraa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

يسلموووو

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

الله يسلمج مشكورة على مرورج ;*~

 

[الحلوه وبس]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

مشكوووووووره ونبي بعد بارت الله يخليج

 

[admant_7abk]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

مرسي ع البااارت
ناطرين الي بعده

لاتطولين عليناا

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

بناااات باركووولي أخيييييرا خلصت إمتحااااناااات لوووول واي مو مصدقه بتفرغ حق القصه مرة 2 لوووول Pp;
مشتاقتلكممم واللي ما خلصوا امتحانات الله يوقفكم إنشالله اليوم أو باجر البارت عندكم أبي راحه خو مو أكيد اليوم لووول

 

[ƒяǾό7α●ĕŁ5βłă]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

لووووووووول مبرووك انا بعد اليوم خلصت امتحانات وناااسه و نااطرين قصتج الحلوه يا حلوه
واخذي راحه بس مو واايد لان ابيها لووول :q

 

[كاسبرينوو]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

هاي بنات شلونكم شخباركم ؟
واخيييييييييييرا خلصنا:eh_s(9): مبروك حق اللي خلصوا وانشالله نسبتهم زينه .. واللي ما خلصوا شدوا حيلكم والله يوفقكم
حبيباتي احنا مو متأكدين اذا اليوم في بارت ولا لأ ؟ بس انا احاول واشوف