رواياتكم القديمة وين؟؟

[نونة حبيبها]

مرحبا بنات
حبيت اطرح سؤال صعب نوعا ما
رواياتكم والكتب الي خلصتوا منها
ايش مصيرها؟؟
انا صار الوضع لايحتمل مع انه مرتبين بصندوق كبير
جزء اعطيتهم لخالتي
وجزء تبرعت فيهم لمكتبة المستشفى الي اشتغل فيه
بالرغم من كل الروايات جديدة الاصدار واستعمال نظيف جدا

 

[7ikayat]

مكتبة خاصة بي نونة
مستحيل أرمي كتاب ولو كان سيء !​

 

[~ تريآق]

صرآآآحة أنا أحتفظ فيها .. ومرتبتهم في المكتبه ..
بس مؤخرا زي ماقلتي بدا الموضوع يبيخ ويزيد عن حده
فقررت اني ابيع الكتب اللي ماعجبتني على مكتبة الكتب المستخدمة

عاد دوري يمكن تلقين عندكم وحده وتريحج ^^

وبعد بعض البنات هنا يحطون الكتب حقتهم .. واللي تبي تشتري تقول طلبها .. وراعية الكتب توصلهم بالطريقة اللي تناسبها

ومووفقه ان شا لله :eh_s(7):

 

[7ikayat]

المشكلة ترياق ان ما عاد حد بغى كتب مستعملة للبيع, ولا حتى ببلاش ولو للمكتبة الوطنية
​

 

[~ تريآق]

ههههههه صآدقة ..
بس هنا يمديني ابيع الكتب الانجليزية .. لو في البلد كان علوم ..

 

[رحيل المرافيء]

انتي منين نونة ؟؟؟؟؟؟
فيه بعض الأماكن تشتري كتب مستعملة

 

[نونة حبيبها]

انا من الشرقية..
الكتب كانوا مرتبين مرة وحاطتهم بصندوق بس الوضع ازعج امي وزوجي صاروا يعلقوا كثير
وصلت لمرحلة الطفش طبعا في روايات ماقدرت اوزعها
بشقتي راح اسويلي مكتبه كبيرة بس مو كل الكتب بخليها الا الي عجبتني مرة
والحمدلله مكتبة المستشفى تبعنا للاستخدام العام فتبرعت فيهم وقبلوهم لانهم جداد مافي نقطه قلم وكلهم اصدارات جديدة

 

[مُخملْ]

أحتفظْ فيهمْ في مكتبتيْ ،
مُستحيل أتخلصْ من كُتُبي ~> مَاعدا اللي اصبحوا خارج النص وماعجبوني :d

 

[رفيقة دنيا]

السلام عليكم

أنا ما أتحمل أقط كتاب شلون لو مجموعة كتب؟

هذوله مثل عيالي الصراحه ما أتحمل

شوفي لج طريقه .. غرفه فاضيه .. سرداب .. وحدات تخزينيه ..

موفقه​

 

[ليلو جبريت]

انا اجمع الكتب فوق المكتب لما يوصلون لي المكيف او السقف اشتري لهم مكتبه

وما ارمي كتبي الا لما سافرت الامارات ورجعت اخذت المهمين بس \:

 

[Q8SeaGull]

السلام عليكم:

الكتب المهمة أحطها بغرفتي داخل خزانة الكتب
أما الباجي اللي ماراح احتاجهم احطهم بغرفة المكتبة
​

 

[عادت ذكرياتي]

حبوبة زين ليش ما تسوين أرفف علوية يعني تكون دار ما دار الغرفة مثلا او الصالة ويكون منظرها حلو بعد

آنا بالنسبة لي ما أقط إلا الكتب اللي ما تعجبني وهالشي ناااااادر

 

[المهفة]

نصيحة احتفظى فيهم وورثيهم عيالج .اشرايج ابتفكيرى ؟

 

[3oosh <3 MJ]

انا ما اقدر اقط الكتب الصراحة، حتى اللي ما تعجبني
حطيهم فصناديق مؤقتاً لين ما تقدرين تشترين لج مكتبة يديدة
والمكتبة تقدرين تحطينها فالصالة، تخلي المنظر حلو

 

[silent-girl]

السلام عليكم

أنا ما أتحمل أقط كتاب شلون لو مجموعة كتب؟

هذوله مثل عيالي الصراحه ما أتحمل

شوفي لج طريقه .. غرفه فاضيه .. سرداب .. وحدات تخزينيه ..

موفقه​

مثل الي بقوله :rerrerek:

 

[نَوْرَسْ]

أحتفظ بجميع الكتب والروايات فوق رفوف مكتبتي، حتى وإن كنت لم أستسغ بعضها ..

ولكني بحاجة إلى مكتبة جديدة الآن، فقد امتلأت مكتبتي تماما وبات آخر ما اشتريته من كتب مكدسا في أكوام بانتظار الفرج!



مودتي،

 

[al-musk]

مخشوشين والله

حلو الواحد بعد سنين يرد يشوف مكتبته وشنو عنده كتب وأهله يستفيدون منها وعياله بعد
دايم أبوي يقول الكتاب لازم نحتفظ فيه ومانعطيه لأي احد

 

[مُخملْ]

منْ كَم يومْ ذكرتجْ d:
أبوي كان يجمعْ الكتب المكررة واللي محد يقراها
بيوديها المكتبة العامة ، طبعاً أنا أولْ وحدةْ نطيت أبغي
أتخلص من الكتب اللي ماعجبتني وماكملت قرايتها حتى .
تصدقين ماقدرتْ! احسهم شي غالي ماقدر أفَرّط فيه ، حتى
لو ماعجبني ، يظل كتابْ ماقدرْ أتخلى عن كُتُبيْ ،

 

[RowTow]

بمكتبه.
ما أقط شي نهائيا.
و كل ما تصغر المكتبه أسوي وحده جديده.
ألحين عندي وحده مثل هاذي, على زاويه ههه

 

[ع الذكرى]

كتبي غاليه علي جدا ممكن اتنازل عن اشياء كثير الا كتبي