روان وحسين انتي زوجتي حبيبتي.....انتي اختي@@!! (قصه حقيقيه) !

[عاشقة روحها]

وااي عجيب البااارت..

يالله نبي بارتات بسرعه بلييز..

 

[NANA Q8]

شوفي انا ناطرتهم نطره ما تد\رين
بليييز عجلي ونخلص
ترى احترقت اعصابنا

 

[اسوى ملايين]

يعطيكم العافيه انتي وفطوم على هالبارات الروعه ..

بس بلييييز لا تطولون علينا جذي .. ترى ننسى الاحداث وتمصخ القصه تسير باارده

 

[اسوووره]

ردينا على التعلق بلييييييييييييييييييييز كملي

 

[warood]

Yalla pllllzz!! wainkum! REdaw 3alaina .. o kitbaw il 8e9a plllz!! walla etha nesaina il 8e9a t9yr mu 7ilwa ya3ni mu fahmyn minha shay .. ya3ni mu ma38oula kil shway binrid nigra mn il awal!! Plllzzz mu 6alwoun

 

[sh3ollah]

ليش تعلقونا زين
عطونا موعد ثابت
قولو بالوقت الفلاني بنزل البارت
عندي لكم حل اسهل
حطوا القصة كاملة وبس
بس ترى جد ما يصير جذي مع احترامي .....

 

[warood]

Yalla plz plz Nabi negra il 8e9a!! mitshawgyn o nabi n3arf shnu 9ar plz plz plz mu t9yreen ba6ee2a! Bserrr33aaaa!! ;** PLZ

 

[com-teacher]

وييييييينكم ؟

 

[RaAaRy]

يالله كملوووووووووووووووووووو بليييييييييييييييز ماحب جذي احب اقرا الاحداث ورا بعض جذي بننسى والله ملاااااااااااقة @@"

 

[TuTTi^FruTTi]

امبيه شدعوه يعني ماتقدرون تحطوون بارت كل يوم !!

صج مصخت السالفه ياتكملوونها عدل يا لا تكملوونها


قلنا ظروف بس مو جذي خوو !!


او عطوا البارتات حق وحده تقدر تحط كل يوم مو تعطونها حق وحده هم ماتقدر تحط كل يوم ونتعلق

 

[RaAaRy]

اي والله صاجة القصة صارت مماصخة نقرى بارت اليوم وعقب سنة البارت اللي وراه وعلى ما نتذكر لازم نرد نقرا اللي قبل شنو هالحالة <<<<<<<<<<<<<<تتحلطم لي باجر ما طفارتها هالحركة

 

[عاشقة البحر 93]

يعطيييج العااافية حبوبة ونااطرينج وسلمي لنا على فطوووم

 

[عاشقة البحر 93]

حبوبة الي قاعدة تنزل البارتات على الاقل خل تحط قبلها بيوم انه بتنزله هاليوم اوتقول اي شي لحد يعلقنا جذي شنو الكاتبه للحين ما خلصت من كتابة القصة ؟؟...


ناطرينج حبوبة

 

[com-teacher]

يعطيييكم العافيه عالانتظاااااااار

 

[warood]

nshalla bs tkamlounha esena il yaya!! yalllaaaaa

 

[alMzYona]

Gowa shlonkom !!
Sorry 3l ta25eer bs Walla Ya BnaaT ana madri mTa YKhle9 alparT ana Kel Yoom adesh aShoF emailaTy 6rshat ParT anzla Lkoom maBedi ShY Asweeeh Sam7oonii
=================يتبع===============



حسين: ااي ااي كاا خلاص شفتج الحين اييلج .....
روان : اووكي .. (طبعا اهي مو شايفته من الزحمه و ماتدري اهي وينه ..ف اقعدت بالسياره على ما اييلهااا )
حسين: (واهو يبطل الباب الثاني من السياره ) ... قووووووة ياحلوووو ...
روان: يمااااااااا (اخترعت ما توقعته )
حسين: ههههه اشفيج نقزتي ... شدعوة كل هذا انا اخرع؟
روان: لأ بس كنت سرحانه شوي وانت طبيت على فجأة ...امبيه حسين خل اروح اخاف احد يشووفني ....حدي خايفه..........
حسين: يبا ماكو احد .... يعني شدعوة في احد و بيي انا جذي؟! وااي .. طالع طالع هالقمر مستحي ... طاع الويه فرق بين الحين و مساع ... بس هم كله عسل ..
روان:..................(واهي مستحيه تنزل راسها)
حسين: ياخي فدييييييت اللي يستحووووووووووون .. اشووف اشوف
روان:بس عاااااااد.... حسين !!! بسألك سؤال .!؟ انتش لون ييتني بسرعه جذي لمن دعمت ؟؟؟ بسمالله مامداك وصلت ؟ ؟؟؟؟ شنو طاير على سعفه ؟؟؟
حسين: انا طااير على سفه هاا ؟؟؟؟ الله يسلمج كنت اانا اساسا بمر الشويخ عندي شغله .. و يوم دقيت عليج سالتج وينج قلتيلي بروح الخالديه عندي محاضرات .. ف قلت امرج الخالديه اسويلج اياها مفاجاة و انا من زمان مو شايفج ... لكن انتي مو ويه مفااجأة .... هههههه ,,,
روان: لااااااااا خو شسوي اهو اللي دعمني منو انا ......... امممم يالله اانا بروح الحين .. حدي مختبصه و خايفه مادري كله احس احد قاعد يشووفني عفيه خل اروح ...
حسين: لاااا ما شبعت من شووفتج ...
روان: مره ثاانيه ... بروحي منأرفه من نفسي ههههههه ... بعدين بعدين
حسين: كاااااااااااااااااااااااااااااااااااااااااك
روان: لاتضحك على..  ....
حسين: لا لا خلاص ماراح اضحك مره ثانيه (واهو حاط ايده على حلجه و يضحك و يطفرها )..
روان: افففف ... يلا بروح انا الحين ....
حسين: لحظه( و يتلفت يمين و يسار يشوف ماكو احد) .. يلا روحي و ديري بالج على روحج .. بوصلج انا بمشي وراج ليما تطلعين من شويخ ,,
روان: اووكي .(واهي نازله)
حسين: رووونه..... احبج !!!

(اسحت وراحت سيارتها بسرعه ........وصلها حسين لي منطقتهم !! )





اختصار الاحداث ....

ظل احمد و منيره عالمكاتيب ... و صارت منيره مرتاحه اكثر من قبل ... في طرق تواصل بين احمد و منيره ... و طبعا مرسال الغرام اهو روان ,,,, و بعض المرات يشوفها بالجامعه ... وبعد مضاء اسبوعين .... بعد الحاح و اصرار احمد و حنته على امه ... قررت انها تزوجه ... و لكن مثل ما قال ابو احمد ماله غير الاكل و الشرب و الغرفه اللي بيسكن فيها .... علشان كان يبيه ان يعتمد على نفسه و يتزوج .. و احمد موافق على هالشرط و راضي... ب اللي يهمه ان تكون منيره معاه بالحلال و يجمعهم تحت سقف واحد .....

وروان و حسين .. كل يوم حبهم يزيد اكثر و اكثر و يتقربون من بعض اكثر .. و شوفاتهم تزداد خصوصا بوقت فرااغ روان و بالبريكات بين المحاضرات .. كانت تشوف حسين ... و حبته اكثر لمن اعرفت ان اهو مستقبلها و ان احمد رااح ... و نفس الشي حسين .. تطمن زياده .. لما عرف ان احمد يحب و حده و قريب يتزوج


اما فواز و نوال... نوال كالعاده دايمما رافعه خشمها و شايفه نفسها .. و خصوصا الحين وقت الحمال .. صايره عند فواز يادهينه لا تنكتين اكثر من قبل ... و فواز ناطر الولد ... و خذت النساه حجه انها دايما تنام عند امها .. و تروح و ترد محد يقولها لأ ... و فواز متحمل .. كل هذا في سبيل الولد ... و دايما تتذمر و تحن على فواز ان يطلعون في شقه او بيت بروحهم .... لكن فواز ما باليد حيله ..! ماعنده ....!


مشاعل و فهد..... (ابو ابراهيم ) ,, مستانسين بالولد ... و هم مشاعل ما كانت ذيك العلاقه مع فوزيه ... لان فوزيه دايما تناشب الكل ف مشاعل ماتتحمل .. و تسكت ساعات و ساعات ترادد .. عالمزااج ..... بيبوو ... ابراهيم ... صار دلوع العايله ... محبوب من يدته و يده مالي عليهم البيت .... و فوزيه ماتخليه ينام برا البيت حتن ابيت يدته ..... ماكانت تقدر على فرااقه ... ف كانت هالمشكله اهي اللي تسبب ما بين فوزيه و مشاعل ...

بيت فوزيه\\\


احمد: يلأ يمـــا تأخرنا عليهم ...
فوزيه: اشفيك انت مستعيل ؟؟ تو الناس خو 5 ماصارت
احمد: أي ميخالف يما على ما تخلصين و تبدلييين الا صارت 7 بعد مو بس 5 !!! يلا خنروح على ما يمدينا الطريج
فوزيه: اللهم طولك يا روح ... انت شفت ناس تحن و شفت يهال يحنون ... بس مثلك بهاليوم بالذات ما شفت .. لجيتني انت من كلمت خالده من يومين و انت كل شوي تيلي متى يصير باجر و متى يصير باجر ... و من الصبح تقولي متى يصير العصر ... ياربي علييييييييك... كل هذا ميت عالزواج !! اثقل !َ
احمد:...... يماا شدعوه .....(انحرج من امه)......... يما تدرين اشلون .. انا بروح اشتري شي عالاقل كيك صغار ولا شي تودينه معاج؟ ولا شرايج؟
فوزيه: كيفك كيفك ... احسن بعد شوي افتك من حنتك .. رووح
احمد: خلاص انشالله .. بس يما تكفين مو تتاخرين بس نص ساعه و برجع... مع السلامه (وطلع)

راحت فوزيه تبدل و تتبخر و تكشخ .... بعد نص ساعه وصل احمد .. و طق الهرن (طبعا بعد ما نقع بره ) ... و طلعت فوزيه

احمد: يما و اخيرا يتي .... يه ي هيه شالزين يا يما ... ترااج صكيتي عالعروووس ... يابخت ابوي فيييج بس (ويرفع لها)
فوزيه: اسكت بس اسكت .. هذا انت ما عندك الا عيارتك
احمد: من صج يما ... شبااب شبااب .. وين اللي يقول الحرمه كل ما تكبر محد يطل بويها ..... الا ما شافوو ام فواز جان غيرو هالمقوله ......
فوزيه: ( صكها الثقه و استانست ... ) .. اقول يلا سوق وانت ساكت
احمد: انزين يما شقلتي حق امها؟؟ قلتيلها ياين نخطب منيره؟
فوزيه: لا طبعا... قتلها بزورج و جذي .. عادي ... اول بشوف مايتها البنت تبي ما تبي .. يبون يزوجونها ولا لا .... بعد انت ما قصرت فشلتني ... لا وظيفه ولا عماة عين .. تبي اقولها بالتليفون علشان تفشلني ..... خل اروج اجس النبض اول و تالي اقولها..
احمد: اللي تشوفينه ... يما عاد لا تكسرين بمجاديفي ... رفعيلي جدامهم شدعوة يما ولدج انا .. لا تطيحين حظي ...
فوزيه:شقالولك انا مخروشه ما افتهم ؟؟ صج اني ماني براضيه باللي سويته .... لكن شقول بعد !!!
احمد: لا يما لا تقولين جذي انتي الخير والبركه .. على راسنا من فووق ............... كا يما وصلنا .... ييما هاج هذا الكيك توني شريته من الخباز ... عاد مادري شنو اخترت نوعت .... يما انا بتمشى شوي و بروح عند واحد من الربع قريب ... متى ما خلصتي دقي علي.. هالله هالله يما ما وصج ..
فوزيه: على خير انشالله ... بس مو تبطي !! مع السلامه ...

ونزلت فوزيه بيت خالده ...

خالده: حي الله من زارنا يا ام فوااز ... تو ما تبارك البيت .. شلونج و شخبارج ...
فوزيه: الله يحييج .. متبارك باهله ماتقصرين .. والله كلنا طيبين نسأل عنج ...
خالده: اسمحيلي والله انشغلت انا و لويه البيت و جذي .. الواجب اني انا ازوركم و ايلكم ... لكن مثل ما تشوفين ...
فوزيه: لا شدعوة مسموحه يا ام جاسم ..,,

(و بهاللحظه منيره عارفه فوزيه ليش يايه .... و عارفه شعندها ... منيره واقفه عند الدري و تطلطل .....)

فوزيه: الا منيره وينها ما اشوفها ؟
خالده: والله منور اعتقد تدرس بدارها .... من دشت الجامعه واهي مو على بعضها معفوسه فوق تحت ,,, والله كنت فرحانه فيها يووم تخرجت من الثنويه ... لكن الحين اللي يشوف منور على هالحاله ... تمنيتها ليلحينها بالثنويه ... ما سوت عليها الابتسامه طارت من ويها ! كل هذا دراسه ....
فوزيه: الله كريم انشالله ..... الا يا ام سعود .. انا يايتج و عندي لج طلب .. بس ماني عارفه من وين ابتدي ..
خالده: افا علييج .. قولي لا يرد ج الا لسانج ... شتامريني عليه .. لا تستحين مني احنا خوات من عمر ....!!
فوزيه: اممم ... انا ياايتج .. و طالبه ايد بنتج منيره حق ولدي احمد .... و ادري ان الولد بعده ما اشتغل .. بس مثلج عارف الزواج ستر له .. وانا قلت ماكو الا منيره ... تربيه و ادب و اخلاق و كفايه انها بنتج و انا عارفتها و عارفه امها ...
خالده: ......................................................... (بعد صمت و تفكير) افا عليج يا فوزيه .... انا من ناحيتي .. وين القى احسن من احمد ... احمد ولدنا و عارفينه و عارفين شهامته... و الكل يتمنى يناسبه .. بس يام فواز ... احمد مو مخطوب حق بنت خالته ؟؟ بنت منى؟؟؟؟؟؟؟
فوزيه: لا حبيبتي .. كلام اهل بس ... اهم حسبة اخوان .. محد يفكر بالثاني ك زوج .... و احمد ياني من قبل اسبوع يحن يبي يتزوج يقولي بكمل نص ديني ... عاد قال شوري علي شوفيلي بنت الحلال .. انا قتله ماكو الامنيره ... ابدااا ... اهي اللي تسعدك و تحافظ على بيتها و عليك ...
خالده: والله مادري شقولج ... بس فاجأتيني ... جان علي انا موافقه وهذا احمد ما ينرد !! .... لكن هم البنت لها راااي ... و اخوانها بعد لهم راي .... نشوف نسال البنت اذا راضيه .. على بركة الله .... و اذا قالت تبي تكمل دراستها .... انشالله اذا اكو نصيب بياخذها ..
فوزيه: من حقج يا ام جاسم .... خلاص شاوري البنت و اخوانها .... و ردي علي خبر ..
خالده: انشالله ما يصير خاطرج الا طيب ....
فوزيه: الله يكتب اللي فيه الخير انشالله ..

وسولفت فوزيه و منى .... سالفه مني و سالفه مناك و راح عليهم الوقت ... بعد فتره...... دقت على احمد علشان يرردها للبيت .،،،،
احمد طبعا قاعد طول الطريج يسأل شصار و شنو ماصار ... حاب يعرف كل التفاصيل الصغيره ... و يسألها اذا شافت منيره او لأ .... لكن امه قالتله الشور شور البنت و اخوانها و ناطرين منهم خبــر ،،,


بيت خالدة\\ طبعا من اطلعت فوزيه من عندها .. واهي محتاره ماتدري تفاتح منيره ولا لأ ... البنت توها بالجامعه .. ووراها دراسه ما تبي الزواج يشغلها عن دراستها.... و بنفس الوقت .. احمد والنعم فيه .. لو تلف الديره كلها ما تلقى مثل اخلاقه ..! واللي محيرها اكثر .. ان احمد بعده ما توظف و يبي يتزوج ... و شلون يوافقون يزوجونه واهو ما توظف ... يمكن يبي يكمل نص دينه مثل ما قالت فوزيه؟؟ يمكن الزواج ستر له ؟! .. ف قررت انها تروح عند منيره و تعرف راايها بالموضوع .,, . وراحت لغرفه منيره وتطق الباب ,,,

منيرة : منو .؟
الام: انا امج .. بعد منو في غيري بالبيت ؟
منيره: تعالي يما الباب مفتوح ....
الام : هاا شتسوين ؟
منيره: ماكو توني خالصه دراسه قاعده اتسلى بالمجلات ..
الام :امممم .... منوور ... تدرين منو ياي عندنا مساع ؟
منيره: أي ادري .. فوزيه اللي كانت جارتنا ..
الام : اشدراج؟؟؟
منيره: ماكو بس سمعتج مساع تكلمينها بالتليفون و تقوليلها حياج و جذي ....
الام: تدرين ليش يايه؟
منيره: لأ .... مادري ... بس اكيد تحشون بالناس .. (واهي تستعبط)
الام: وويعه منور .. احنا من متى نحش بالناس ها؟؟ لأ ... يايه علشانج ..
منيره: علشاني انا؟ شلون يعني ؟؟
الام: ... فوزيه تبيج حق ولدها احمد ... وانا ما عطيتها كلمة .. قلت اشوف اخذ رايج .. ترا يما الزواج مو قصب .. ص جان احمد خوش ولد و ما يتطوف ... لكن الدراسه اهم .... وانا قلت اشوف راايج ......واذا بتكملين دراستج ... نأجل الموضوع
منيره:....... هاا ؟؟؟؟؟ (حست بشعوررررر عجيييييييب ... ماتدري شتقول ... بس ما حبت تحسسها انها ميته على احمد وانها مطفوقه عالزواج ),,
الام: اشفيييج تسبهتي .. انا قاعده اسالج ... ؟ والله شكلج منتي موافقه ... عادي يما قولي لا تستحين .. كل شي قسمه ونصيب .. و اقولها انشالله مافي نصيب الحين
منيره: لأ يما..... خليني افكر شوي ( واهي بداخلها ودها تقولي ااي ااي ااي موافقه يالثلاث ..)
الام: أي فكري ... و اقولج ترا الولد ما توظف ليلحين ,, لكن قال يبي يكمل نص دينه و يبي يتزوج ... اذا انتي راضيه تعيشين معاه جذي ؟؟؟ و هالشي يسعدج ..؟ واذا منتي راضيه .. لا يما نبيلج الخير احنا ...و على مهلج و لا تتسرعين .. هذا زواج مو لعب .. و شوفي وين مصلحتج فيه سويه .. وانا بشاور اخوانج .. و بشوف راي اختج مها ...
منيره: ها؟ اخواني؟؟؟؟؟؟ ( خافت يوم سمعت كلمة اخواني .. خافت من اخوها جاسم !!)
الام: ااي اكييد بشوف رايهم .... اشفيج ؟؟ بسم الله عليج والله منتي طبيعيه ... عالعموم لا تفكرين بالموضوع ولا تشغلين بالج فيه .. اهم شي استخيري بصلاتج .. و شوفي قلبج وين يرتاح له ..
منيره: انشالله .. انشالله

وطلعت من غرفه منيره ...... و راحت دقت على جاسم اقوله يرد البيت مبجر مو كالعاده كله بالدوانيه .. تحوس تنظف الصاله على ما ايون اخوانها وتشاورهم ,,, بعد صلاة العشا دخل جاسم ...

جاسم : قوة يما ,,
خالده: الله يقويك ...
جاسم: شلونج يما ؟ شصاير ؟ فيج شي ؟ صاير شي؟؟ دقيتي علي تقولين رد و مو راضيه تقوليلي شفيج .. خرعتيني ؟
خالده: انت ما تيي البيت الا اذا صاير شي يعني؟؟ ما نشووفك كلش؟
جاسم: شسوي يما بعد تدرين طول الصبح لي العصر دوام .. و ربعي ما قمت اشوفهم وايد نفس قبل .. بس بليل اقعد عندهم .. الا خلي عنج هالسوالف ... يما مو خاليه .. شنو اكوو
خالده: يايه بقولك ان اختك انخطبت اليوم وانت ماتدري عن البيت ..
جاسم: شنو ؟! اختي؟ أي اخت ؟
خالده: يالللله على هالولد بينني ... أي اخت بعد ..؟ تهقى بنزوج اختك مها على ريلها مثلا؟؟ . منور بعد منو اكو غيرها ..
جاسم: شنو!!! منوررر ؟!!!!! ... و منو هذا اللي خاطبها بالله..
خالده: شيخ الشباب .. واحد تحبه و ماعتقد بتعارض عليه .. يابختها منور والله
جاسم: أي منو عاد ؟
خالده: احمد ولد بو فواز يارنا قبل ... رفيجك تعرفه
جاسم: شنو!!!........... زييين ما بغى .. استغفر الله!
خالده: شنو اللي ما بغى ؟ اشفيك؟
جاسم: هااا ! .. لا اقول ما بغى يتزوج هذا ...
خالده: و شحقه يعني ,, ترا الولد توه صغير ,, و هذا مثل للشباب السنع .. ما يخربط لا يمين ولا يسار ... يبي الستر ,, جان زين كل الشباب مثله ,, جان الديره بخير .. ها اشقلت عنه ؟
جاسم: أي صح قلتلي!......... مادري خنشوفه خل ايي اول و بعدين يصير خير !
خالده: اشفيك .. جنك منت موافق ؟! وانا اللي توقعتك تفررررح له .. انت ما تتمنى ان يكون زوج اختك واحد شهم وصيته واصل لي اخر الفريج بأخلاقه ؟ وين نلقى احسن منه ..؟ نسيت وقفته معانا بالبيت ..و ...و...و....الخ !
جاسم: ........... خلاص خل ايي .. ( حس بجاسم ان عرف غلطته و حب يصلحها وان شاري اخته و مايلعب عليها .. لكن بنفس الوقت الطريج اللي اتخذه ... خطأ !! )


المهم ...... بختصر عليكم الاحداث و مابي اطولها لأني حابه انهي القصه بسرعه مع انها وايد فيها احداث طويله ,,,,,,,,,

بعد اسبوع ,,, راحت فوزيه و احمد و فواز و وبو فوزا ,, يخطبون منيره رسمي من اهلها ,, بعد ما استاذنت لهم خالده ان ايون الرياييل و يكلمون اخوانها ,, و الله يكتب اللي فيه الخير ,,,

اتفقوا على كل شي ,, و كل شي كان جداااااا بسييييييييييط .... عالمهر ,, الي اهما 4 الاف من الحكومه و الشبكه قروو انها تكون حيل بسيطه ,, و يسون حفلة الملجه في بيتهم ,, بين يمعة الاهل بس,,, و الملجه الاسبوع الياي (الملاج ايي يكتب العقد الرسمي ) ,, الحفله بعد اسبوعين لزوم التجهيز,, كانت منيره عمرها 20 و احمد 22 ..

طبعا منى ,,,, كانت متضايقه بالبدايه عاللي صار .. و على احمد انها كانت تبيه لبنتها ,,, و لكن يوم اعرفت ان العروس اهي منيره ,, هم تطمنت لأن تعتبر احمد مثل ولدها و تبي له الخير ,,, و علاقة منيره ب روان ,, فيها حزازيه وايد ,,, يعني منيره ماكانت تحب روان,, وانتو عارفين الاسباب ...... اما روان عادي مع منيره ,,,,......... و صار الاسبوع اللي بعده

وحضرو الريايل لبيت ام جاسم حتى تتم الملجه ,,, و ملج احمد على منيره ,,,, و من فرحتهم مو مصدقين منيره واحمد انهم تلااقو مره ثانيه ,,, تلاقو بالحلال ......... جدام الكل و بدون خوف..... و اخيرا احمد قدر يحط عينه بعين جاسم ,, و ترد العلاقه بينهم ,,, و على كلام احمد قال ( انا من صارت السالفه ما كنت اقدر احط عيني بعين جاسم الا بعد ما تمت الملجه و طلع الملاج من البيت )*

و بقى الاسبوع اللي بعده ,,,, اسبوع التجهيز لمنيره ,, و بعدها تروح لبيت زوجها او بالاصح ,, لغرفه زوجها ,,, اللي اهي عباره عن غرفه و حمام ........ لكن كل شي يهون .. في سبيل الحب .. و في سبيل انهم تلاقو من جديد ,,, كانت راضيه تقعد معاه لو بكوخ صغير .. المهم تكون معااااه و بين احضانه ,,,

وابتدا الاسبوع الثاني ,,, و احمد مع امه من الصبح ب لوويه في تسنيع البيت ,, و تغير غرفة احمد او تغير بعض الاكسسوارات فيها ,,

فوزيه: يا انك بتييب لي الدسك بضهري يا احمدوو ,, انا بعرف شعليه مستعيل ,, خو ملجه و ملجتو ,, يعني ماراح تطير منك البنيه .....
احمد: (واهو منحرج) أي يما خوو شنووو بعد,,,,,,,,,,!! ما باقي شي عالاسبوع
فوزيه: انا بنزل اجهز الغدا ,, ابوك على وصول ... و تالي ارد لك و لعفيستك .... ياهي اوراق بدارك ياهي كتب ياهي ..... انا بعرف انت شلون عايش جذي
احمد: هههههه ,, يما ابيهم ملوت الجااااامعه ,, بس راح اسنعهم اردهم بالمكتبه
فوزيه:زين عيل ,, رتب اغراضك خلني اروح اشوف جدري عالنار.. ابوك على وصول,,, مو تنسى تنزل تتغدا بعد شوي .. مابي اصارخ واايد ! (وراحت )
احمد: ههههه انشالله ,,,,,,,, (وقعد احمد مع عفيسته و لويته و اغراضه) ممممممممم هالابجورة لو اغير مكانها اخليها اهني تطلع احلا.... هالكبت لو ادزه اهناااك .. توسع شوي الغرفه .... يبيلي اشتري كفر يديد للسرير .. و احط ستاره يديده...اممممم شنو بعد شنو بعد ,,,,,,,,,,,,,؟
(وقعد احمد يخبص و يحوس و يفكر شيسوي و شيحط ....بعدها نزل علشان يتغدااا معاهم )

فوزيه تجهز السفره ..... زياد (بوفواز) قعد يقرا الجريده على ما يتجمعون العيال كلهم و فوزيه تحط الغدا .....

نزلو كلهم تغدو.... و طبعا كان محورهم الاساسي المعرس اللي اهو احمد ... شنو التعديلات اللي يبي يسويها ... متى الحفله ... شنو الاغراض اللي ناقصته ,,, و كل واحد يعطيه بفكره و راي يساعده ,,, الكل متشارك بالحوار .. الا زياد .. كان مستمع اكثر من ما هو متحدث ... مزاجه مو رايق بهاليوم ... و مبين عليه التعب ... وفوزيه دايم تساله فيك شي؟ منت طبيعي؟ يقولها لا بس حاس بتعب شوي... يمكن مو نايم عدل البارح ...

تغدو كلهم و قامو ,, قعدو بعد الغدا تجمعو و ريحوو ,,, زياد قام منهم .. قال حق فوزيه قعديني عالعصر كالعاده وراي شغل.... خطواته ثقيله كانت ,,, ماتدري فوزيه شفيه اذ اهو من الارهاق .. او في شي مضايقه من الشغل ,, او يمكن صخونه .. ف خلته يروح ينام .. يمكن يصحصح ..

طبعا رد احمد لعفيسته و راحت وراه فوزيه ,,,, وقالتله بحذف كل هالدثره بالزباله ,,,,, ولا ترا ماكو زواج .... هههههه ... احمد بدون تررد قالها حذفي اللي تبينه جان بتحذفين الطوفه وياهم هم شيليها ماعندي مانع... و قام طيران شال بس الاغراض المهمه و الباجي راااحوووو بالزباله ...... أي طبعا معرس لازم غرفه يديده .. و سجل احمد بورقه شنو اللي يحتاجه علشان يروح باجر و يشتريهم... و طبعا كل دقيقه و الثانيه .. داق على منيره ... و الحين صار بكل ثقه يدق عليها من تليفون البيت و يطلبها بالاسم !! ,,, اااي و منيره رد لها موبايلها .. من بعد الزواج ,,, و احمد شراها جهاز يديد هدية الزواج....! ايي مرته حلاله .... و منور نفس الشي .. كل دقيقتين مشتغله على احمد .. و الحب يمشي بينهم =)

فوزيه: انت كل شوي ران تليفونك ؟ منو هذا اللي كل شوي يدق.. ما اذانا؟؟؟ ليكون هذي ست الحسن ؟؟؟؟؟؟؟؟؟؟؟؟
احمد: (حس بغيرة امه ) ... لا يما شدعوة هذول ربعي يباركون لي بالزواج ... أي يما صرت معرس الحين تليفوني ما يسكت
فوزيه: بس لجوووناااا عاااد ماصارت ,, شنو ماعندهم ذوق بكل وقت يدقوون... 3 ونص العصر الحين ...
احمد: عادي يما ميانه خو .........!!!!!!
فوزيه:اقول طلع الكتب الداثره اللي بالمكتب .... شوف شنهو ما تبيه خل اقطه .... انا مادرررررري شلون عاااااااايش بين الكتب ,,,
احمد: ههههه يما دراستي هذي بعد شسوي.. و اخش كتبي حق ربعي تدرين احنا نتبادل كتب .. ف حسافه اقطهم ... هااج يما علشان خاطرج مابيهم ... قطيهم,,
فوزيه:يما منك و من عياارتك ,,,,,, اهوو خلني اروح اقعد ابوك ,,, وانت شوف شنهو اللي تبيه شيله ........(ورحت فوزيه) ......واحمد ما صدق خبر مسك التليفون ,, وراح يكلم حبيبة القلب
,,, شووي ولا يسمع صووت بجي و صرااااااخ .. فووزيه تصااارخ .......... قووووم قوووووم يابوفوااااز قووووم لا تصير مااصخ ... لا لااااا ماصدق ...... احمد طار على غرفة امه
​

 

[alMzYona]

حبايبي ,, اذا تبون الاحداث كامله بالتفاصيل .. راح تطول شوي على ما تكتبها,,

او ان تبون تحط القصه بالاختصااار .. تعطيكم الزبده و نهايه القصه باختصار ؟​

 

[GreenRose]

رووووووووووووعه كملي حبيبتي حتى لو باختصار طووووووووووولت واااااااااااااايد القصه

 

[PorscheGirl3]

بليييز كمللي

 

[n00ni]

التفاصيل احسن