روان وحسين انتي زوجتي حبيبتي.....انتي اختي@@!! (قصه حقيقيه) !

[~om-7seen~]

بليز كملي القصه

 

[love-s-h-f]

حبيبتي بلييييز كمليها

 

[جيز كيك]

كملي القصة بليييييييييييييييييييييييييييييييييييز ... متشوقه بقراها الله يخليييييج ​

 

[fatma90]

رااااااااااح اكملها انشالله اليوووووم ...

صج ان تعبانه و منشوووووووله و حالتي حاله بس بكملها

 

[اسوووره]

ابدعتي ماشالله عليج ... متابعينج حبيبتي ...

 

[فطومـ]

ما تشووفين شر إن شااء الله
بسـ تكفين كمليها لان حدي مندمجة

 

[نونيتا]

ماتشوفين شر ان شاءالله

 

[حوريه ورديه]

رااااااااااح اكملها انشالله اليوووووم ...

صج ان تعبانه و منشوووووووله و حالتي حاله بس بكملها

سلامات حبيبتي

وباالانتظار البارت الياي

 

[fatma90]

ردت روان البيت .... راحت تدور امها تحووس من مكان لي مكان...

روان : يمـا... يماا
منى:هلااا روااان انا اهني بالمطبخ تعااالي
روان: قووووووووة يماا..
منى: هلا يقويج شلونج شلون المعهد..
روان: سكتي يما اليوم البرزنتيييشن سوييته وااااااو.. عجب الكل ما تتخيلين شلون كاان .. الدكتور قالي مالج متكامل من كل النوااحي.. وخصوصا لمن وقفت جدام الكلاس و قعدت اشرح و اوريهم الاشيااء .. يما حسست نفسي جني دكتوره قاعده تلقى محاااضره عجييبه .. ووريتهم المجسمات اللي اخذتهم من المستوصف حق موضوعي .. وخلصت و قلت كلمة الشكر لهم .. يما و الكل وقف صفقلي .. يقولولي ابدعتييييي .. و....و...

(وام روان تطالع روان شلون تسولف و شلون منفعله .. و متستانسه ان شلون هالطلاقه اطلعت من روان شلون الهجراءه .. روان اللي شلون كانت منطويه خجوله منعزله صارت تتكلم بثقه .........وهذا اللي تبيه من زماااان ,,,,,وصار ! )

منى: عفييييييه على بنييتي .. عفيه علييج والله هذي روان اللي دايما رافعه راس امها ..
روان: أي يما وايد استانست بصراااحه... و استفدت واااااايد خبرات .. واليوم كان اخر يوم حسافه .. بس في الاسبوع الياي نروح نسلتم الشهادات.. و هالشهاده قالولنا تفيدنا حق زيادة الخبره.. يعني أي مكان نقدم فيه نعطيهم نسخه من هالشهاده راح تفيدنا واااايد.. يما صج اانا مستانسه على سويته اليوم .. بس تصدقين ضايق خلقي.. تعودت على المعهد .. و عالقروب اللي كان معانا بنات حليوييييييين (تقصد القروب الكل)
منى: يلا ميخالف.. اهم شي انج استفدتي من هالمعهد و استانستي بالعطله..

روان : .. أي الحمدلله.... وااااااااااو يمااا شتسويييييين يشووووووق (واهي ما انتبهت من مساع خذتها السوااالف و الحماااس..)
منى: اسوي كيكه ككاو .. ادري فيج تحبينها .. قلت بسويها قبل لا تيين من المعهد .. بس انتي مشالله عليج خربتي المفاااجأة
روان : وااااااااااااي الله يشوووووق يما عطيني السولس االزاايد بذووقه مااقدر لذييييذ من شكله و ريحته اكفحت براسي..(وتيب قفشه و تذوووق شوي)
منى: نطرررري خو كاهي الكيكه بالثلاجه خل تبرد و تاكلينها شفييج مستعيله...
روان: يمااا الحلو اللي تسويينه انتي لااا يقوووووووووم اصلا شينطرني.. خلاص يما ننطره يبرد و ناكله ... المهم يما انا بروح داري و بطالع شوي تلفزيون .. تبين شي ؟
منى: لا حبيبتي سلامتج..
روان: باااي
(وراحت روان غرفتها خذت شووور من بعد اليووم اللي كان فيه تعب و عنااااااااء و توتر و قلق.. والحين ارتااااحت سوت شي اهيا رااضيه عنه.... و البست ملابس البيت و انسدحت عالقنفه بالصاله و تطالع التلفزيون...)

(في بيت زياد و فوزيه):-

دش احمد البيت و شاف امه و نواف قاعدين بالصاله .. و قعد يمها يسولف معاها..

احمد: يمااا .. بسالج؟
فوزيه: اسال ..قول؟
احمد: يماا .. من متى تعرفين جارتنا خالده..؟
فوزيه: بييييييييه يمه اهيا يارتنا من زمااااان .. من ايام ما كان اخوك العود يلعب بالسكه ... من عمر تربينا مع بعض ..
احمد: يعني وايد كنتو مع بعض وجذي؟
فوزيه: أي يما كنا مثل الخوااات حيل .. ونعرف بعض وايد .. ليش تسال هالاسئلة الغريبه؟؟
احمد: لا ماكو يما بس طرا على بالي هالسؤال توا .. وشرايج فيهم؟
فوزيه: والله خووش ناس اهم خايفين ربهم و خلوقين و اهي اختي قبل لاتصير صديقتي ولا جارتي...
احمد: انزين يما شسالفة ابوهم اللي مايدري عنهم؟؟
فوزيه: والله يما ابوهم سالفته سالفه طووووويله.. الله يهديه بس ..
احمد: اشلون يما؟
فوزيه: ماادري .. بس كل اللي اعرفه ان ابوهم تركهم من يوم ما كانت منيره 5 اسنين .. و راح مصر و خلاهم وعلى ما اظن انه تزوج اهناك.. . و يمر بين فتره و فتره الكويت عليهم..
احمد: يعني ماكو علاقه بينه و بين خالده؟
فوزيه: لا .. طلقها .. بس بينه و بين عياله و متى ما اطلبو منه شي يعطيهم..و خالده من زمان شايله مسؤوليه تربيه العيال و البيت .. صايره مكان االام و الابو الله يساعدها.. بس والله ربت و تعبت و يازين ما ربت ادب و اخلاق و مايطلع منها العيبه لا عليها ولا على عيالها.. الله يسخرهم لها انشالله و يترس عينها فيهم و باحفادها..
احمد: أي والله يما صاااجه .....(وتطري على باله منيره و ادبهااااااااا وخجلها اللي مغطييها).........والله يما بو جاسم ماعنده سالفه.. يهد مرته هالذهبه و يروح عنها..
فوزيه: شنسوي بعد يمه.. هذا حال الدنيا الله يساعدها..


(في شقه فواز)فواز يقلب بالمحطات اللي بالتلفزيون ...ونوال تسولف بالتليفون مع امها ... ماصكته منها الا عقب ساعه ونص من السوالف !.. وتروح فواز ..

نوال: فوااااازي ..
فواز: عيووونه !
نوال: تسلملي عيونه... فوااااز بطلب طلب
فواز: تدللي امرري انتي.. (واهوا بقلبه.. ولييين بدينا بالطلبات اللي تكسر الظهر)
نوال: فواااز حبيبي... شرااايك نسافر ؟ نروح لنا اسبوعين فرنسا ولا المانيا نغيرجو شويه.. بدال حر الكويت ..
فواز: نوال حبيبتي .. انا ودي اسافر واواديج جوله حول العالم.. بس تدرين عندي التزاماات وااايد هالجم شهرر ماعندي فلوس و السفره يبيله مصاريف و خصوصا الهم الاكبر حق مصاريفج و مشترياااتج!!! .. و عطله الربيع رحنااا .. خل ننطر لمن يصير عندي جم فلس اوديج ...
نوال: تدري امي توها داقه علي تسولفلي تقول ان اختي مستانسه بلندن و بيروحون فرنسا و يروحون ديزني ؟؟ و تقول الجو عندهم براااااااااد
فواز: عليهم بالعافيه
نوال: بس جذي؟
فواز: شنو اللي بس جذي؟
نوال: هذا ردك؟؟ عليهم بالعافيه؟ أي عليهم بالعافيه! وواحنا شنو قاعدين جذي ..
فوااز: شسوي يعني بابا شايفه يم بيتنا بير نفط احفر فيه و اطلعلج فلوس ولا شنوو..
نوال: ااااااااي بس هذا اهوا الحل!
فواز: شنو اللي هذا اهو الحل؟
نوال: بيتكم !
فواز : شفيه بيتننا ؟؟!!!!!!!!!!!!
نوال: ليش ما تقولهم تبيعون البيت و كل واحد ياخذ نصيبه! ولا تنسى بيتكم بمنطقه راقيه و كبير و بفريج زين .. يعني ماراح يطلع اقل من 450 .. و البيت كبير عليكم .. يسكنون ببيت صغير ولا يشترون لهم شقه على قدهم...
فواز: بس بس.. انتي شتقولين؟ تبين اورثهم و اهم حيين؟؟ لا السالفه ماتمشي ..
نوال: انت اشفيك .. انت ما طلبت الا حقك و مردك بتاخذه .. اذا مو الحين بعدين ف نفس الشي.. حل ناخذه الحين نستانس نعيش حالنا حال الاوادم يسافرون و يروحون و يتمشون..
فواز: هالموووضووووع مااااايمشي .. شتبين اقولهم خل نبيع البيت علشان زوجتي تروح تسافر؟؟
نوال: لااااا قولهم ابي حلالي.. ابي فلوس محتاج فلووس.. خل نشتريلنا بييييت بدال هالمحكر اللي قاعدين فيه الواحد مايقدر حتن ياخذ راحته ما يحس بالاستغلاليه كلش!! وفلوس البيت و تاخذ قرض من البنت و تشتريلك بيت و نسوي اللي نبيه بروحنا ولا علينا من احد .. مو كل شوي وين راييحين و ين ياييين ! ماصارت هالحاله ..
فواز: بس بس سكري الموضوع ( امممممم وقعد يفكر بمخه جنه السالفه اعجبته.. بس شيقول حق امه و ابوه ! بورثكم وانتو حيين ! هم ما تمشي!!!!) ... انا طاالع شوي عندي شغل .. سلاااااااام..

نزل فواز تحت.. شاف احمد و نواف و امه قاعدين..

فواز : السلام .. يما وين فهد؟
فوزيه: فهد طالع اظن ... ليش شبغيت فيه دااش علينا جذي وين فهد؟
فواز: لا يما بغيته بموضوع .. يلا انا ماشي مستعيل.. مع السلامه
فوزيه: الله يسلمك ... هالولد ماادري شفيه مااادري !! كل ما يشوفنا على طول يقضب الباب و يطلع ما يقول امر اقعد معاهم اسلم ..كلشششششش!!
احمد: خلييه يما هذا ولدج بعد ماتعرفينه .. ورا مرررته!
فوزيه: عيب عيب يما لاتقول عن اخوك جذي
احمد: أي هذا الصج ......

وراح فواز السياره....ركب السياره ودق تليفون على اخوه فهد ...

فهد: الووو
فواز : هلا فهيد وينك؟
فهد: انا بالقهوه ليش شبغيت؟؟
فواز:انت باي قهوه؟؟؟؟ ابييييك بموضووع ضروووووووري ضروري
فهد: نفس قهوتنا اللي كل مره بحولي.... شالموضوع ؟؟
فواز: خووش عيل انا يايلك .. الحين اييلك اقولك .. يلا انطرني
فهد: يلا اوكي .. باي..




(بيت منى ..)اليوم موعد تسليم شهادات المعهد... راحت منى و بنتها روان المعهد العصر الساعه 4 ونص علشان تاخذ شهاداتها روان اللي متحمممسه تبي تعرف التقدير .. و متحمسه تعرف درجة البرزنتيشن.. وصلو المعهد..

منى:يلا روان .. نزلي بسرعه يبي شهادتج وتعالي انا انطرج اهني برا.. موتطولين!!
روان: انشالله يمااا... لا ماراح اطول

(انزلت روان تسأل عن القسم اللي فيه توزيع الشهادات .. قالولها في قسم التسجيل.. اتجهت الى قسم التسجيييل.. واهي رايحه بالممر ولا تشوف ......حسين !!! )

حسين: رواان !! ..
روان: هلااااااااا حسين !
حسين: شلوونج روان شخبارج؟؟؟؟؟
روان: انا بخير انت شلونك؟
حسين: والله تماام ... هاا خذيتي شهادتج ولا بعد؟
روان: لا الحين رايحه باخذها.. وانت؟
حسين: هم انا الحين رايح باخذها.. شنو تتوقعين تقدريج؟
روان: مادري اسكت حسين حدي خاايفه...
حسين: لا انشالله كل شي تماام انتي شاطره ماينخاف علييييج
روان: انشاللله

ودشو قسم التسجيل و قعد المسؤول يطلع لهم شهاداتهم ...
المسؤول: روان محمد ال....
روان: ااي ااي هذي مالتي..
المسؤول: مبروك تقديرج امتياز!
روان: هيااااااااااا ... (واهي مستااااااااانسه)
المسؤول: حسين ال..
حسين: أي هذا انا
المسؤول : مبروك هم امتياز و خذيت الشهاده اللي تبيها انت
حسين: مشكور ما قصرت حبيبي !!
المسؤول : العفو حياكم الله..

طلعو روان و حسين من القسم مستانسين..... حس حسين ان استانس لكن بنفس الوقت ضاق خلقه .. ان انتهى الكورس و ماراح يشوف ربعه و قروبه و بالاخص ...رواان ... اللي اعتبرها قريبه منه وايد .. و برييئه حيل .. و بسرعه دشت قلبه... واهم توهم طالعين..

حسين: مبروك روان عالنتيجه
روان: اللللللللله يباااااااااااارك فييييييك .. بروح ابشر امي بالسياره تنطرني!!
حسين: روان !
روان: هلا حسين؟؟ (و اوقفت مكانها)
حسين: ميخالف اقولج شي؟
روان: هلا..؟ (واهي منصدمه)
حسين: روان هاج هذي الورقه فيها ....رقمي .. (واهو ماد ايده)
روان: نعم ؟؟ حق شنو رقمك؟
حسين: لا قلت احنا بعد اليوم ماراح نشوف بعض كلش.. فقلت يمكن تحتاجين شي.. تقدرن تتصلين علي..
روان: لا مشكور حسين ما قصرت... حتن لو بحتاج ..عندي اهل اطلب منهم..
حسين: (حس ان انحرج شوي من كلامها).. مادري روان موقصدي شي .. بس لاتفهميني غلط..
روان: اسمحلي ماقدر اخذ رقمك... و مشكور حسين ما قصرت معاي واااايد.. و اخليك انا الحييين .. لان امي تنطرني برا .. اشوفك على خير انشالله ..باي(واهي قلبها متقطع حاسه شعوره و شعور الفراق...بس مابيدها الا انها تسوي جذي)
حسين: على راحتج... مع السلامه (وحس انه مخنوووق شوي... وراح وراها يطالعها لين اركبت سيارة امها)...


منى: اشفيييييج روانو تاخرتي زرعتيييني؟؟؟؟؟؟؟؟؟؟؟؟؟
روان: هاا؟ لا يما ما تاخرت .. بس كان زحمه داخل تدرين الكل ياي ياخذ شهادته.. اييي يماااااا شوووووووفي شهاااااادتي ....امتيااااااااااااااز
منى: اشووووووف... مشالله ... شااطره بنتي مبروك يماااا
روان: الله يبارك فييييج وناااااااسه...
منى: للا بعد قوليلي وين هديتي؟؟ ناطرتج تقولينهاا؟
روان: لا يما مشكوره اهم شي شريتيلي البيانو اللي خاطري فيه ... بس يما الحين ما احتاج شي ..ماكو شي براسي لو فيه اقولج عقب ههههههههههه..
منى: يما منج يمه .!!.. يلا عيل بروح اعشيج بمطعم اللي تختارينه اليوم على هالمناسبه الحلوة.. اختاري وين تبين؟
روان: ماادري يماا كيييفج .. بس شرايج نروح الفنار الحين؟ نشتري جم بدله
منى: يلا نروح ليش لا ...


(القــــهــــــوة)وصل فواز القهوة ... قعد يدور اخو.. وكل ما يمشي يتلفت على احد يعرفه و يقعد يسلم علييه.... ليما لقى اخوه فهد قاعد ...

فواز: انت اهني وانا قاااااعد ادور علييييك..
فهد: هلا فواااز أي اهني... شنو السالفه المهمه اللي خلتك تيي القهوه طيرااااان..
فواز: اسمع!! انت ماتبي تفسفس بالفلوس؟ يصير عندك جم فلس وتشوف حياتك
فهد: ليش الاخ طايحلك على بنك و ناوي تبوقه.. اذا هذا احنا و هذا حالنا من وين تبيني افسفس على قولتك (واهوا يتطنز)

==============يتبع ===================

 

[fatma90]

واسفه عالتأخييير

 

[fatma90]

الشــــر ما ايييلكم انشالله

 

[حور العيون]

كملي حبووووووووووووبه عفياااا

 

[love-s-h-f]

تسلمين حبيبتي
وما تشوفين شر
و يعطيج ألف ألف عافيه
وناطرين التكمله

 

[اسيرة احزاني]

يعطيج العافية
وماتشوفين شر حبوبة

 

[فطومـ]

كملي تكفين حدي اندمجت
القصة طويلة ولا لاء

 

[نونيتا]

يسلمووو عالباااااااااارت

ناطرين

 

[نونيتا]

ماكو بارت اليوم ؟

 

[حوريه ورديه]

ناطرينج حبيبتي

 

[نونيتا]

وييينج فطوووم

 

[fatma90]

تسلمين حبيبتي
وما تشوفين شر
و يعطيج ألف ألف عافيه
وناطرين التكمله

الله يسلمج حبيبتي... مشكوره عالمتابعه وراح انزل البارتات الباجي