tara wallah abchii, il89ah ityanin teslamli edich oo mashkoora bas plz nazlai ilpart lat6awleen
fatma90
New member
- إنضم
- 22 يناير 2009
- المشاركات
- 597
- مستوى التفاعل
- 0
- النقاط
- 0
fatma90
New member
- إنضم
- 22 يناير 2009
- المشاركات
- 597
- مستوى التفاعل
- 0
- النقاط
- 0
fatma90
New member
- إنضم
- 22 يناير 2009
- المشاركات
- 597
- مستوى التفاعل
- 0
- النقاط
- 0
((في بيت فوزيه))
خذتهم السوالف.. وشافو الوقت..تأخرو عن بيوتهم ف قرروا انهم يمشون ..
ام جاسم (خالده) : يلا يا فوزيه انا اترخص الحين... القعده معاكم ما تنمل .. بس شسوي لازم ارد بيتي..
فوزيه: وين تو الناس ما شبعنا منج..
خالدة : بعد قلبي والله.. حتى انا ما شبعت منكم و من سوالفكم.. بس وايد تأخرنا .. خل اشوف العيال شيبون ما يبوون ..
فوزيه: على راحتج عيل .. عاد مرينا مره ثانيه مو تقاطعيين..
خالدة:انشالله .. من عيوني .. يلا يما منيره خل نمشي نروح بيتنا .. يلا مع السلامة
فوزيه: الله يسلمج حبيبتي ..
ومشت ام جاسم و بنتها منيره... ظلت منى و بنتها روان قاعدين مع فوزيه ربع ساعه عقبها قررت انها تمشي.. لانها تأخرت عن بيتهم و بيتهم بعيد .. علشان يمديها توصل.. ويرن تليفون منى... المتصل (سعود)
منى: هذااا سعود داااق.. شالطاري.. خل اشوف شفيه .... الووو
سعود: هاااا يماا شلونج..؟ .. يما وينكم داش البيت ماكو احد البيت فاضي..وين رايحين
منى:الناس يقولون السلام يقولون قوه .. انت هااا؟ متى بتتعلم يعني.. انا بيت خالتك فوزيه..وانت شعندك راد البيت .. العاده كله هايت مع ربعك ومانشوفك..
سعود: ربعي بيروحون البحرين بعد شوي.. قلت ارد البيت .. ولاني حدي يوعان.. عاااد تصدقين يما كنت بروح معاااهم .. على وششششك حددي..ههههههه بس قلت مالي خلق حنتج ..
منى: ياسلااام علييييييك .. وتضحك بعد .. انا اقول جان رحت معااهم.. واذا وصلت اهناك عطني خبر انك رايح.. لا شحقه بعد .. اذا خلصت شبعت من الهياته وانتو رادين على حدود الكويت بلغني انك سافرت البحرين و توك راد .. مو جذي احسن؟
سعود: يما شفيييج كليتين يخو مارحت انا كااااني .. قتلج كنت كنننننت .. ما قتلج رحت.. انزين يما يوعان شنو عشاكم؟؟
منى: ماعندنا عشا .. شوفلك أي شي بالمطبخ.. افتح الثلاجه و اذا تبي شي حطه بالميكرويف واكل..
سعوود: اووووووو لا يماا حوووسه و حاااله.. لا يما ناطرتج تيين .. او اذا ما تبين تدشين المطبخ .. يبيلي شي معااج ينوكل ..
منى: بششششششششش عيال هالوقت حتن اللقمه حق نفسهم مالهم خلق يسوون.. يبون احد يووكل و يشربهم و يدرسهم و يمتنحن عنهم بعد!!! ... يصير خير .. يلا انا شوي و ارجع البيت ......مع السلامه..........
فوزيه توها صاكه التليفون من سعود... نواف و فهد توهم داشين البيت.. رادين من القهوة..
فهد و نواف: السلام علييييكم...
فهد: اووووو خالتي الحلوة عندنااااا.. لا لا ماصدق.. خالتي من وين طالعه انتي.. من زمااااااااااان مو شايفييييييييينح..
منى:انا اللي من وين طالعه ولا انتو.. اللي ما تبينون .. وكل ما امركم يا انك فوق بشقتك ولا طالع.. كلش ما تنشااااااف
فهد: ههههههههه .. خالتي والله مادري محد يقولي انج عندنا.. ولا تدرين فيني جان ييت طيران.. روووونه شلونج..
منى: هههههههه حبيبي انت
روان: انا زينه انت شلوووووونك .. شخبار مرتك ليلحين ما يابتلك النونو الجييكر
فهد: هههههههه افا علييييييييييييج.. النونو ياي بالطررريج.. والله عاد اذا بيطلع جيكر راح يطلع على بنت خال ابوه االلي اهيا انتي .... هههههههه حدها يا خال ابوي حك ظهري صح؟؟
روان: ههههههههه اااي حداا .. والله لو بيطلع علي جان يابخته طقه الملح (واهي تتفيخر بنفسها وتتغشمر)
نواف: روووووون شخبااار درجااتج شسوييتي شهببتيييييي؟؟
روان: تماااااام شااطره انا امتيااااااااز عباااااالك مثلك لازم تعطينا جم كيكه بالشهااده..
نوااف: ااااااي أي ام قلييييييييييييب انتي
روان: واااااااااااي يما شووووووووفيه...!!
منى:بسمالله على بنتيي.. نواافووووووو و يهد شفيييك حاط دوبك و دوووبها!!
نواف: خالتي اتغشمر اطفرها بس..هههههههههههههههه
منى: أي عباااااالي بعد..!!
يلا فوزيه انا بمشي الحين بروحه حق سعودوو بالبيت قاعد ناطرني اروح اوكله ..
فوزيه: هههههههههه .. على هواااااااج... و قولي حق سعود خالتج زعلانه منك .. ماتطل عليها كلش ولا تزورها .. نسيت ملامح ويهه حتن !
منى: ههههههه ... انشالله اقوله .. يلا روان مشينا .... مع السلامه
فوزيه:حياكم الله ... مع السلامه.... خل ادق على على اخوكم احمد.. اشوفه وين اهو قال ساعتين و بيرجع مادري شفييه بطئ .... الووو قووووووووة احمد
احمد: هلا يمااا يقويج (ويمه ازعاج الشباب بالدوانيه)
فوزيه:وينك احمد يما تاخرت قلت ساعتين و بترجع.. قمت احاتيك!
احمد:ياحبيبتي ياللي تحاتيني... لا يما انا خلصت شغلي مع ناصر رفيجي من زمان و قلت امر الدوانيه اقعد.. دام عندج حريم بالبيت اخليكم تاخذون راحتكم
فوزيه: يما وين حريم كلها خالتك و جارتنا منى محد غرررريب .. وتوه اخوانك قاعدين مع خالتك ويسولفون.. خلاص يما .. بتتأخر بتعشى بالبيت ولا برا؟؟ علشان ننطرك ع العشا..
احمد: لا يما تعشو انتو بالعافيه.. انا بتعشى مع ربعي بالدوانيه...
فوزيه: خلاص يما على خير.. دير بالك على نفسك حبيبي.. مع السلامه
احمد: انشالله يا حبيبتي انتيي.. الله يسلمج .. وسكر التليفون
بهاللحظه الشباب: هوووووووووب هوووووووووب بوشهييييييب طلعت منت هين .. ودااااااق الثقل علييييينا و حالتك حااااااااااااله.. خووو شدعوة تخشخش عليييييييينا
احمدو: شنو شفيييييييكم انتو
واحد الشباب: الحب الحب .. طلعت حبيب من زمااااااااان واحنا نقول هالاحمد هالتكاانه شدعوة ياخوووووووووووك مابينا اسرارر .. و قاضب علييينا يعني انت الملتزوم .. ماشي دووغري على قولة المصريييين كاااااااااااااااااااااااك.. واخيرا الحب دق بابك
احمد: ولوووووووو زييييييييين .. حبيبي لاينطلك عررررررررررررج بس....!! هذي الواااالده مالت علييييييك.. خليت سوالف المراهق حقك بالمراااااااهق
بهاللحظه اندقرووو الشباب.. بس هم ردوو يطفرونه مره ثااانيه .. غشمره شباب يعني... و احمد بقلبه ( اهو من ناحيه دق باب الحب .. ااااااااااااااااااااااااااااايه دق بابه من صج )) !!
(في بيت ام عهود) الزمن- بعد اسبوع الساعه 3 العصر
ام عهود راحت لي غرفة عهود و طقت الباب..
ام عهود:عهوود يلا يما بدلي اهدومج علشان يمديج تخلصين لي عقب ساعه
عهود: ليش يما وين بنروح؟
ام عهود: انتي ناسيه ان اليوم اول يوم دوام المعهد باللي سجلتكم فييه
عهود: اااااااااييييي صح !! .. نسيت راح عن بالي!!
ام عهود : يلا يما عهود بسرعه انا دقيت على خالتج منى (ا م روان ) علشان تروحين مع السايق تمرين روان بيتهم.. واول ما توصلين اهنااك كلميني.. و مو تتأخرررين يبتدي الدوام 4 ونص ترا انزيييييين؟
عهود: ااااي انشالله .. لا ماراح اطول بس بدش الحين اتسبح و ابدل على ما اخلص الا صارت 4 اروح امر روان ....
وتسبحت عهود و بدلت و اكشخت .. و انزلت راحت للسياره .. اركبت و راحو لبيت روان .. دقت على روان قالتليها طلعيلي انا ناطرتج برا ... و اطلعت لها روان .. ركبو السياره.. و راحيحين المعهد.. بالسياره
روان: وااااااااي عهووووووودو شكلج زووغه صايره تينننييييييين
عهود: ااي ااي شعباالج كبرنا احنا لازم نكشششششخ
روان: هههههههه عالاقل انتي لوتكشخين يبين عليج انج كبيييييييره.. بس انا اذا بكشخ مايبين علي .. شكلي كللششششش مايووحي كله عبالهم انا يااااهل اووففففففف .. شذنبي انا اذا شكلي صغير عقدووووووني تراااااااا ..
عهود: هههههههه .. عشوووووووووون عييييييييييييل... يلا يلا رواان وصلنا .. راااجووو بس بس وقف سياره منيي .. كاهو الباااب .. لحظه خل ادق على امي اقولها ان وصلنا اهيا موصيتني ...
وكلمت عهود امها و طمنتها و انزلو من السياره و دشو قسم التسجيل و راحوا شافوا نتيحه اختبارهم وطلعوا بنفس المستوى الي اهو مستوى" ب" ,, المستوي المتوسط
ودورا على الكلاس مالهم لقووووه.. و دخلوو واقعدوا بالصفوف الاماميه
وكان معاهم بالكلاس تقريبا 15 شخص
مختلط منهم الي يبي دورات صيفيه للتقويه مثل روان وعهود و كان اغلب الكلاس يبون دورات تقويه...
والي يبي شهاده وكانوا 4 اشخاص الي اهم حسين ومشاعل وجراح ونوره
.. ف لازم يجتهدون و يشدون حيلهم علشان الشهاده..
واهما بالكلاس .. قاعدين وطبعا مستحيين حيييييل من الوضع.. اول مره يدشون مكان فيه خلط..
دش المحاضر.. سلم عليهم ..و كلمهم عن اساسيات الماده اللي ماخذينها..وشلون درجاتها وان الماده اللي ياخذونها عليها درجات و شهاده .. علشان ما يستهينون بالماده .. وشلون تقسيمه الدرجات.. و تقسيم المنهج .. و قالهم ان في اخر الكورس مشروع جماعي لازم الكل يشارك فيه وان راح نسوي 3 مجموعات .. منافسه بينهم .. و نقيم الشغل بينهم و ....الخ...
(في بيت فوزيه) بالتحديد.. الاحداث اللي صارت بين منيره و احمد:
احمد طبعا دش بمرحلة اسمها" العشق " ... صار كل يوم ينطر منيره .. متى طلعتها للمدرسه ومتى ردتها .. ,يراقبها من بعيد لي بعيييد .. ووده لو يروح يكلمها ولا يسولف معاها .. و منيره مثل ماعرفتو ان البنت المؤدبه الخجوووله .. كانت تحس بنظرات احمد لها وملاحقته و بنفس الوقت كانت تدري ان اهو ماراح يظرها .. ف خلته عاادي .. و من ناحيتها هم اهيا بدت تحن له و بدت تحبه .. بس ما كانت تبين له .. وكانت تتذكر اول يوم طاحت عينه بعينها .. سالفة بنجر السياره .. و شلون نظراته ( احمد ولد مملوح طويل حنطاوي شوي .. عيونه عسليه .. رياضي البنيه .. و ضحكته الحلوة ) ف كان جذااااااااااااب حيل.. و فوق كل هذا و هذا عيال الفريج كلهم يمدحون باحمد و بشهامة احمد .. حتن ام منيره واايد تمدح باحمد و معتبرته مثل ولدها .. واهو من اقرب الاصدقاء ل جاسم .. ف كان مثل الاخووو اللي يعتز فيه و وايد يحترمه.... ف هذا اكثر شي جذذذذذب منييره حق احمد... لكن احمد وده يتقرب حق منيره اكثر لان واااااااااايد عاجبته .. و كانت نيته صااافيه جدام منيره..يبيها صج مو على لعب.. بس في مشكله كانت تدور بمخه !! ان انا شلونا خون صاحبي و اغدر فييييييييه !! هذي اخت صاااااحبي عررضه !! شلون اهتك عررضه .. و فكره تييبه و فكره توووووووووووووديه شيسوي ..... الين وصل الى مرحله خلاص بس مايقدر يقاوم اكثر من جذي .... ورااح في يوم من االايام شاف منيره واهي طالعه للجمعيه وراح وراها .. ولا يقرب صوبها عند السياره طبعا من حسن حظه ان المواقف كانت خاليه مافيها اوادم و اهيا واقفه من الباب الخلفي للجمعيه ف حس الوضع باطمنان ............ و يقولها .. منيره!! طبعا منيره انصدمت اهوا شلون يكلمها جذي .. شلون يناديها باسمها !!!....
احمد: منييره منيييره ..... (بكل جراااءة و بخجل )
منيره: تناديني انا؟؟؟ (وومنييييييييره خاااااااااااايفه)
احمد: اااي ممكن شوي اكلمج؟
منيره: تكلمني انا؟؟ هاا ليش شتبي؟؟ (مرتبكه ماتدري شتسوي)
احمد: شفيج لاتخافين .. انا اخاف عليج اكثر منج ( قالها و مايدري شلون طلعت منه)
منيره:لوسمحت رجاءا.. وخر عني .. عيب عليك.. احد يمر يشوفنا..
احمد: صدقيني مو قصدي اني احرجج .. او ااذيج .. بس بعطيج شي واحد علشان امشي واوخر من اهني..
منيره: احمد لو سمحت انا ملاحظتك وايد هالايام تراقبني وانا ساكته .. انا وايد احترمك .. ولاتنسى انك رفيج اخوي.. ف لاتغير نظرتي تجاهك لو سمحت (واهي تطالعه ودددها.. بس تدري ان هالشي غلط و مو من اخلاقها))
احمد: لا الله يخليج لاتفهميني غلط........انا مابي شي .. و انا مو من نوع الشباب اللي يخربط و يلعب واعتقد معروف عني هالشي.... هااااج تفضلي .......(واهو ماد لها ايده ومعطيها الرقم و بنفس الوقت منحررررررررررررررج)
منيره: شنوو... انت شنو شاايفني ؟؟؟ تبيني اخذ رقم من احد !!!!
احمد: انا قصدي شريف صدقيني ... و بس بعطيج اياه اذا احتجتي شي تقدرين تكلميني....
(عصبت منيره و خلته و انزلت الجمعيه بسرعه شرت الغرض اللي تبيه و ارجعت البيت و اهيا خاااايفه قلبها يطقطق))
وحس احمد ان سوا شي غلط!! بس شيسوي مو بيييده... فكر بوايد طررررق ان يوصل لها بس كل محاولاته فاشله و ما باليد حيييييييييله .. يبيها له زوجه من صج و قلبه ميت علييها .. بس شلون يقدر يوصلها ما يدري .. خصوصا ان احمد توه عالزواج عمره 20 و اهيا 18 اخر سنه لها بالثنويه...ف تو الناس عليييييهم ............ بس مايقدر يقاوم اكثر من جذي.. وخايف ان البنت تطير من اييييييده .................... احمد فكر فكر...بس!! لقيييييييييييتهااا !! رواااااااااااااااان !!! (واستانس شوي رجع له الامل و لو بشي بسيييييط)
في المعـــــــــهـــــــــــد (((باختصـــــــــــــــــــار)))
بلشوا الماده الي كانت بدايتها عن المحادثه وخلصوا 4 اسابيع منها
ودخلوا بال4 اسابيع الثانيه الي فيها شغل المشروع الجماعي
قسم المحاضر الطلبه على قروبات على حسب درجاتهم علشان يكون في تكافئ بالمستوى
القروب الاول كان قروب روان ومعاها بنتين وشابين
القروب الثاني كان قروب عهود ومعاها حسين وشاب وبنتين
والقروب الثالث 3 شباب وبنتين
كانوا بعد الكلاس يتجمع كل قروب ويتباحثون بالموضوع والشغل ويوزعون المهام فيما بينهم و المشروع لازم يكون بينهم و بين بعض و في سريه تامه .. علشان محد ياخذ افكار من بعض ف كانت كل مجموعه متحفظه جداااااااااااا بالافكار...
كان قروب روان بسرعه يخلص لانهم ماخذين السالفه لعب كلهم يبون التقويه و بس ف ماكنت تعني لهم الشهاده المهم نخلص التقويه و نمشي وبس
اما في قروب عهود لا ...كان في اثنين منهم يبون شهادتهم الي اهم حسين ونوره فكانوا حريصين ودقيقين يبون الشغل يطلع حلو علشان الدرجه تكون عاليه... وكانو مجتهدييين وااااايد..
ف تلقون دايما اجتماعهم يطول وروان مضطره تنطر عهود لانهم كانوا يرجعون مع بعض
حسين عمره 20 سنه
شال مسؤوليه بوقت مبجر
فاللي يشوفه يعطيه اكبر من عمره الحقيقي
كان شاب اسمراني عرييييض وطوله متوسط.. و جسمه رياااااضي وجماله متوسط
شاب راكد يخطط حق كل خطوه يخطيها
وكان دايما يشوف زملاه بنظرة احترام و متفهمين و كبار و روان يشوفها على انها ياهل
واخته الصغيره كانت تكسر خاطره لانها عاجل وساكته ومسكينه
وفي يوم من الايام تاخر عليهم الوقت واهم مجتمعين...
واستوعبو ان الوقت تأخر... واهما قاعدين بتفقون عالمشروع
ف حسين سأل عهود: عهود وين روان رفيجتج ؟؟ ليكون واقفه برا نفس كل يوم؟ خليها تدخل داخل معانا ترى تأخر الوقت والمعهد الحين يفضى.. و ظلمت الدنيا برا
عهود: قاعده برا بس مو راضيه تدخل معانا.. الشباب على قولتهم تاخذ افكارنا وتنقلها حق قروبها.
حسين: لا يبا شالحجي وين قاعدين احنا انا الحين اكلمهم وادخلها
عهود: والله ودي مسكينه كل يوم انقعها برا..
حسين: شباب بعد اذنكم ترى ندخل روان داخل مو عدله البنت ناطره برا الحين يفضى المعهد..
مشاري: لا يبا حسين باجر تاخذ افكارنا واهم يسوونها..
حسين: انت من صجك .. لا يبا شدعوة جذي .. عادي ماتسويها بس بتقعد خوو شفيكم !!
مشاري: انا قلت لكم وانتوو ..وكيفكم.
حسين فتح الباب وتلفت يدور روان
حسين: روان تعالي بابا دخلي داخل معانا
روان: نعم ( واهي مستحيه منه ومنحرجه:$ )
حسين: تعالي يبا دخلي الحين المعهد يفضى... و الدنيا ظلمت لي متى بتتيمن واقفه برا؟؟
روان: لا ميخالف حسين اخاف اضايقهم واهم مو حابين وجودي
حسين: منو هذا اللي ما عنده سالفه يتضايق منج .. تعالي حياج
قامت روان ودخلت داخل الكلاس الي قاعدين فيه
وكملوا شغلهم
حسين حس انهم فعلا متضايجين من وجودها و مو ماخذين راحتهم وايد
حسين: روان..
روان:هلا
حسين: انا وثقت فيج ودخلتج وعطيت الشباب كلمه انج ماراح تطلعين الي يصير هني برا والافكر الي احنا قاعدين نطلع فيها ما تطلع حق قروبج... ماشي؟؟
روان: اكيد حسين وين قاعدين احنا شالسوالف طبعا ماراح اطلع شي..
حسين: أي بابا وانا واثق من هالشي بس ابي اكسر الحواجز وابي الكل يااخذ راحته
خلصوا اجتماعهم وطلعوا...
حسين: عهود
عهود: نعم
حسين: نطروا انا بوصلكم لي باب المعهد واتطمن عليكم انكم ركبتوا السياره
عهود: لا ماله داعي
روان: أي عفيه حسين وصلنا المكان يوحش ماكو احد
حسين: افا عليج
عهود تساسر روان: روانو ترى ماله داعي
روان: خليه ايي اهو راضي ليش نرده والله امن لنا شفيج شالمشكله
عهود: ماشي ماشي
روان: يعطيك العافيه حسين ما قصرت تعبناك معانا
حسين: العفو افا عليج ما سوينا شي .. يالله تامرون على شي
عهود: لا سلامتك مشكور مشكور
حسين: الله يسلمج .. روان ديري بالج على عمرج
روان: ان شالله .. يالله مع السلامه
ركبوا عهود وروان السياره مع السايق
روان: وااااااي امبي مو صج مو صج حسين هذا يهبل .. تحسين ريال عود وعتيج دقه قديمه
عهود: أي حده.
روان: وانا غرااااااامي الريال الي جذي .. الدفش الاملح وااااااااااي اخق اخق .. احسبه ابو
عهود: يوزي انتي عاد عن الهبل خو انتي جنوب واهو شمال
روان: انزين انزين...
يتبــــــــــــع/\\\\\\\\\\\\\يتبع
fatma90
New member
- إنضم
- 22 يناير 2009
- المشاركات
- 597
- مستوى التفاعل
- 0
- النقاط
- 0
وصلت روان البيت
روان: يالله عهدو اشوفج باجر .. باي
عهود: اوكي يالله باي
روان: هااااااااي يمااا
منى: هلا يما .. ها شلون المعهد وياج؟
روان: تماااااام والله يما
منى: ماشالله ما شالله الويه ينور والضحكه شاقه الويه شعندج؟
روان: ماكو شي يما عادي .. قولي عساها دوم هالضحكه بروحها علي بالحسره
منى: عساها دوم يما خو ابيلج الزين انا
روان: يالله يما انا بروح ابدل
راحت روان غرفتها وتفكر بينها وبين نفسها .. يا حلوه ويا زينه .. حده حنون .. يا بخت الي بتاخذه .. جم عمره شكله عود .. وااااااااي نظرته تذبح تذبح.(طبعا اهني تعرفون ان روان في عمر المراهقه .. يعني تتعلق بأي احد يحسسها بالحب تجاهها.. ويحسسها بالامان.. ف حست بالميل صوبه..خصوصا ان هذا اول شخص يمر بحياتها و تشوف هالشعور من ناحيته...والاهم من هذا قلنا ان حسين شاب شايل المسؤوليه و راكد...ف صاير جنه ابوو يخاف على بنته .... و روان فقدت حنااااااااان الابو من صغرها ....)
منى: رواااان .. يالله يما تعالي تعشي.
في بيت فوزيه وبالتحديد في غرفه احمد..
احمد و اهوا يدرس و يراجع دروسه .. ولكن مشغول باله مع غيره ! يحاول يفكر شلون يوصلها و مالقه جدامه الحل الاخير غير روان بنت خالته ! ... مسك التليفون و دق على بيت خالته ..
روان: الووو؟
احمد: قووووووة رواااااان.. شلووووووووونج
روان: هلا منو احمد!! انا تماااام انتش لونك
احمد: دوم انشالله .. انا بخير.. روااااانوو.. ترا ولهااان علييييج وينج من زمان ماتيين بيتنا.؟
روان: يمه يمه ..انا مو قبل يومين كنت عندكم !! شنو من زمان مو شايفج!!
احمد: بيييييييه قبل يومين.. انتي ما تدرين اذا مر يوم علي وانا ولهان عليج جنها سنه كامله ...(ويجااملها)
روان: يه يه شالحجي الحلو هذا ..شوف انا اقولك هالحجي وراه سالفه .. (واهي تضحك ) ههههههههههه .. احمدوو عطني من الاخير خووووو اعررفك انا تعلمني فيك
احمد:ههههههههههه كفو بنت خالتي... أي عندي سالفه مهمه جدا جدا جدا جدا جدا جدا جدا..
روان: اولللللللله كل هالجدات!! ههههههههه شرايك بالجدااات !! انزين يلا يلا قول شعندك..؟
احمد: لا يبا اقولج سالفه خطيره جدا جدا جدا جدا و صارلي ساعه اقولج من زمان مو شايفج .. و اليوم يمر جنه سنه .. اخر شي تبيني اقولج اياها عالتليفون.. تعالي واقولج..
روان: امبيييه لا ماااحب الحين الدوده تحوووس فيني.. انزين قولي شنوو الموضوع عطنيييي نبذه عنه على ما اقول حق امي... مابي احاااااااااتي واايد
ا م روان و اهيا مااااره الصاله ... روان منو عالتليفون؟؟
روان: يما هذا احمد يقولنا تعالو اليوم عندنا
ا م روان : اشفيه احمد .. عطيني اكلمه.... الوو .. هلا احمد شلونك
احمد: هلا خالتي الحلوووة ... انتي شلونج انا بخير اسال عنج ولهان علييييييييج
ام روان : ولهت علييييك العاااافيه حبيبي.. احمد جنك مو خالي.. شعندك قول
احمد: هاااا؟ لا خالتي ماكوشي .. بس ذاك اليوم يوم مريتي بيتنا وانا كنت طالع كنت بسولف معاكم من زمان مو شايفكم .. ف شرايكم تيون عندنا اليوم انتي وروان
ام روان : انا بروح السوق بعد شوي اشوف اذا مداني و خلصت مبجر مرريتكم
احمد: خلاص انشالله .. عيل اذا بتيون دقي علي علشان اقعد بالبيت ..
ا م روان : خلاص انشالله ولا يمك .. سلم على امك .. مع السلامه
احمد: الله يسلمج ..مع السلامة
ا م روان : روان حبيبتي بدلي وتعالي معاي بنروح السوق. عقب اذا خلصنا مبجر بنمر بيت خالتج ونودي العشا معانا
روان : الللله .. أي سوق بنروح؟؟
ام روان : ماادري يمكن شرق ولا الفناار .. انتي بدلي ويصير خير
روان : يلا اوكي الحين اروح ابدل
راحت روان بدلت بسرعه و انزلت و كانت متحمسه للسالفه اللي بيقولها اياها احمد .. و كانت تخمن بمخها عن شنو موضوع السالفه اللي بيقولها.. وراحت اركبت السياره مع امها وراحو للسوق .....
في بيت (فوزيه).. في شقه فواز ..طبعا نوال ماده البوز صارلها يومين على السالفه اللي صارت مابينها و بين فواز و ماتكلمه .. و فواز طبعا يحب نوال حييل و مايحب يشوفها زعلانه او شي مكدرها.. شافها قاعده عالقنفه وتطالع تلفزيون.. فواز راح و قعد يمها.. طبعا نوال ولا كلمه ولاشي ولا كأن في شخص قاعد يمها..
فواز: شدعوة يبا شدعووة .. الحلو شايل علينا..ترا واايد جذي.. مانرضى على زعلى
نوال: ..........(لاتعليق طبعا..التفتت عليه طالعته بطرف علينها و ردت التفتت للتلفزيون)
فواز: افا .. انا فواااز .. الغالي .. جذذذي اخرررتهااا.. ماحب اشوف حبي متضايق.. يلا عاد نوال بس عاد يوزي صارلج يومين وانتي على هالحال... خلاص عاااااااااااااااد .. عطيييني الابتسامه الحلوة
نوال: اااااااافففففف .. الواحد مايطالع تلفزيون براااحته
فواز: لامايطالع تلفزيون براحته .. يطالع زوجه برااحته (وهو يطفرها)
نوال: زوجها اذا كان يقدررررررها و يسويلها اللي تبي.. مو يصرخ عليها و يعايرها..
فواز: افا انا الحين اعايرج .. خلاص انسي اللي صااار الحين.. المهم اني ماحب اشوفج زعلانه... انا ماعندي الا انتي .. تزعلين عني وين ارو ح انا .. كلنا 2 مجابلين بعض جنه قطااوة .. يعني تزعلين .. انا اجابل منوووو بالله
نوال: شتقصد بكلامك ...(واهي اللي افتحت الباب على عمرها..)
فواز: شقصد؟ ماقصد شي ..(مو فاهمه .. شتقول عنه)
نوال: أي قول قصدك لاني ليلحين ما يبتلك عيال!!! خو خالتي ما تقصر فييك تششك علي..(وافتحت الموضوع بلسانها)
فواز: لا انا اصلا ماقصدت العيال و مو حاط هالفكره براسي اصلا..(واهو ضاق صدره شوي .. يوم تذكر هالسالفه)... ودام انتي اللي فتحتي الموضوع .. وذكرتيني بهالسالفه.. انا بسالج .. متى انشالله ناويه تحملين؟؟ ترا مو يهال احنا و انا عمري صار 26 الحين و ابي ولد .. وشوفي اخوي مرته الحين حامل و توهم ماصارلهم سنه ونص من تزوجو... شناطره انتي بعد؟
نووال: لااا الظااهر اليوم خالتي تاااااااارسه مخك عدل .....!!(نوال اصلا مومفكره بالحمال و الولاده الحين كلش... خايفه على جسمها لا يخترب بعد الولاده..و ماتبي تشيل مسؤوليه بيت و عيال الحين..حابه تتمتع بشبابها)
فواز: سمعيني انتي.. انا اللي قاعده اكلمج الحين.. مو امي.. و امي مالها شغل ولا يابت الطاري .. بس انتي اللي فتحتي الموضوع على نفسج.. وانتي اللي قلتيها بلسانج
..(فواز واهوا يلف ويهاا الناحيه الثانيه و ينافخ و يتحلطم... هذي حتى الواحد لي بغى يراضيها .. تنكد علييييييه)
نوال: خير؟؟ قلت شي؟؟
فواز: لا ما قلت شي .. قلت احبج (وهو يحاول يلطف الجو و يرد المياه لمجاريها)
نوال: امممممممممم (و قلبها شوي حن علييه)
فواز: خيييير؟؟ قلتي شي؟؟
نوال: لا ما قلت شي.. قلت نفس اللي قلته (وهي شوي تتطنز .. بس على دلع)
فواز: قوليها؟
نوال: قلت احبك (وووووووووووووبدلع)
فوااااز: اخيييييييييييييييييييييييه... عيدها بعد..
نوال: شنو حلاووو ؟؟ يلا اعيدها مره ثانيه حق اللي مايسعون عدل... احبك
فواز: من قلبج؟؟؟؟؟؟؟؟
نوال: امممممممم ... اممممممممم .. تقريبا (نوال تحب فواز.. بس مشكلتها طبعا اللي مخرب عليها و غرورها و دلعها.. يعني لي بغت الشي لازم يوصلها حالا ولا تطنقر !!)
وماقدر يقااومها .......ويطب عليييييييها فواااز و يبوسها و.............
في بيت فوزيه .. (تحت بالصاله)
فوزيه و فهد و مرته قاعدين بالصاله....
فوزيه: الا مشاعل ما قلتلي شكثر صارلج .. متى ودلاتج؟
مشاعل(مرت فهد): انا بالسابع الحين .. بس مايندرى متى اولد الله يستر (طبعا مشاعل موذاك الزود مع خالتها .. بس تعتبر اهون من نوال و غرورها )
فهد: ااي ااي يما بنييب النوووونو .. واخيرا بصير ابوو بتصيرلي هيبه.. بكشخ عليكم .. و بخليج تصيرين يده
فوزيه: اااي كبرتوني وانا بعدي شباب هههههههههههه..الله يبلغني فيكم والله يرزق اخوووكم فواااااااز
ويدخل البيت ابو فواز (زياد)..توه راد من الشبره شاري الخضرا والفواكهه للبيت.. وينادي الخدم يشيلون الاغراض من السياره .. يودونها المطبخ .. واهو دخل الصاله..
زياد: السلام علييكم
الجميع: عليكم السلام و الرحمه
زياد: شلوونكم
الجميع: الحمدلله بخيييير
زياد: الله يا ام فوااز توني ياي من الشبره .. شريتلج الفواكه السنعه تفاح وخوخ و رقي و عنب .. كل حبه على هالكبر (وياشر بيده) .. رخص رخص اليوم .. الحمدلله
ام فواز : يعطيك العافيه .. ماقصرت
زياد: الله يعافييج.. الا فواز واحمد ونواف وينهم ماشوفهم قاعدين
فوزيه: الله يسلمك فواز فوق بشقته .. واحمد بداره يذاكر دروسه..و نوافو يا هايت مع ربعه او تلقاه بالقهوه
وبهاللحظه ينزل احمد من الدري ... السلااااااااام علييييكم
زياد:عليكم السلام ... كاهو الطيب عند ذكره
احمد: خيييييييييير ياييبين طاريي جنه ,,,؟
فوزيه: اكيد يما انيب طاريك بالخير... انت احمداني شمعة البيت من بعد الغالي
احمد: يـــــــه من قدددددددي .. الله يطولنا بعمرج يما
فهد: احــــم ,, احنا عيال اليران جنه!
فوزيه:لا مو ولد اليران ولدي.. بس كل واحد عنده مرته وتدلعه .. احمد فقير ماعنده احد يدلعه ..خل يتزوج و اخلي الدلال حق نوافوو.. بس هم يظل احمد العزيز اللي شايل امه و ابوه ( اهني انددددقر فهد .. و حس بالنغزات)
احمد: أي يما نسيت اقولج!! اليوم يمكن خالتي منى تمرج .. مساع كلمتها بالتليفون
فوزيه: صج.. عيل خلا اقوم اشوف شنو نسوي حق العشاا .. يتعشون معانا قبل لا يمشون ..
احمد: أي يمااا عاد مشتهي بلاليييط مع بيض .. اللي تسوينه من ايدج كل مره .. اخيييه عجيب ..
فوزيه : حاااضر يما ماطلبت شي اسويلك .. وانت فهد شتحب تاكل علشان ما تقعد تكحكح علينا كل ساعه ..
فهد: يما مادري اذا راح اتعشى معاكم ولا لا .. بس أي شي يطلع منج حلو.. كيفج
فوزيه: خلاص خل اقوم المطبخ اشوف شنو بنسوي حق العشا اليوم.. واذا في شي ناقصني بقولك احمد علشان تمر الفرع تيبهم
احمد: أي انشالله يما...تامرين امر
(في شقه فواز ) ..
فوااز : يماااا عسل عسسسسل
نوال: وااي بس عااد....( مبتسمه و بدلع)
فواز : تصدقيين يعت ...
نوال: أي انا بعد يعت مو متغديه..
فواز: شرايج ننزل ناكل لنا شي من تحت ؟
نوال: ها؟ لا لا شرايك نقولهم اهما ايبولنا اكل فوق؟ ولا تدري شرايك نروح نتعشى بمطعم.. عشاء رومنسي اليوم ...
فواز: هم فكره !! .. يلا عيل نقوم نتسبح ونروح ؟؟
نوال : اااي يلا خل اقوم .. علشان يميديني ابدل واكشخ
فواز: خلاص عيل على قمنـــا ..
نوال: اووكي
فواز: لحظــه لحظه ..شنو؟
نوال: شنو ؟ شفيك؟
فواز: شنو شفيني؟ وينها؟ (ويأشر على خده)
نوال: واااي انت يعني ما شبعت!!
فواز : لاطبعا ماشبعت .. يلا يلا ولا ماكو قومه
نوال: هههههه ..انزين ... اموااااااااااه
فواز: ااااااااااخخ .. عسـل من صج
وقام فواز و قامت نوال و راحو يتجهزون حق الطلعه ...
(منى وروان بالسوق)
منى: يلا روان اخذيلج هالبدي البيجي احلا من اللي بييدج .. ارتب و شكله راقي
روان: لا يما شنو هذا موديله جنه مال اول سنه يدي .. ماحب جذي
منى:انزين انزين,, يلا ترا اخرتينا انا قلت بمر بيت خالتج... امشي بسرعه عند المحااسب خل نطلع ساعتين صارلنا بالسوق .. ترى طاحت ريلي وانا امشي..
رواان:ههههههه أي يما صرتي عيوز بعد.. انشالله يماا يلا خنحاسب..
منى: هو هو هو .. انا عيوووووووز... اصلا اللي يشوفني عباله انا اختج مو بنتج .. اقول يالله اهووو عند الممحااااسب لا يضيع علينا الوقت
ويحاسبون اغراضهم..ويطلعون بسرعه للسياره..
منى: يلا خل نروح بيت خالتج.. بس خنودي معانا عشا .. شرايج شنو ناخذ .. مشويات ولا معجنات..
روان: لاااااااا يما معجبنات ثقيله عالبطن الحين ... اخذي مشويات احسن
منى: امشي عيل نمر ميس الغانم دام يمنا.. ناخذلنا جم صحن مشويات و نروح..
وراحت منى .. شرت من ميس الغانم اكل .. و راحت حق بيت فوزيه عالساعه 6 المغرب.. دشت و سلمت و قعدت .. الموجودين ( فوزيه_ احمد – فهد – مشاعل مرت فهد – نواف ) و سوالف و ضحك و يطفرون رواان الصبيان حاطين حيلهم بهالبنت لانها اصغر الموجودين.. و رواان تحاتي .. هذا ليلحييين ما قالي السالفه .. شصااير.. نزل فواز مع نوال مرته .. شافو اليمعه ..
فوزيه: تعال فواز اقعد خالتك بتعشى عندنا اليوم خلك معانا
فواز: هلا خالتي شلونج . هلا يما .. لا يما كان ودي اكون معاكم بس اسمحيلي انا ونوال عندنا موعد مهم لازم نروحله ( و نوال تتأفأف .. و تنقز فواز من ايده..يلا امش)
فوزيه: خو يتأجل الموعد .. خلك قاعد معانا باليمعه الحلوة.. مستعيل على شنو
( و نواااااال.. هدتهم و اطلعت برا حق السياره)
منى: خليهم فوزيه على راحتهم .. اكيد عندهم شغل ضروري.. مومشكله مره ثانيه انشالله نشوفهم
فواز: يما انا استاذن..مع السلامه..(وطلع ورا نوال )
احمد: (على طاوله الاكل وبيده ورقه وقاعد يشخبط )روااااانو تعالي بقولج لغز ...
روان: (واخيرا بتبرد الدوده اللي فيني .. وراحت روان)) .. شنو بتقول
احمد:امممم .. بقولج موضوع .. بس مادري من وين ابتدي ..
روان: شنو قول .. شصااير؟؟؟
احمد: امممممممممممممممم ( وقعد يفكر شيقولها .. شلون يبلش بالموضوع).. روان!
روان: اووووفففففففف قووول شصااير... غريبه يعني اول مرت تكوون مستحي..
احمد: سمعي رواان .. انا اوثق فيج وايد.. واعدج مثل اختي..
روان: انزين؟؟ انا ليلحين ترا مو فاهمه شي.. اشفيك؟
احمد: شوفي... انا حبيت وحده بس مو عارف اوصل لها
روان: ااي؟ (و روان منصدمه مو مصدقه ! صج جذب! ..احمد يحب!مايلوق)..ومنو هالوحده؟
احمد: منيره...
روان: أي منيره؟؟ منيره ماغيرها؟ بنت خالده جارتكم (واهي منصدمه لان منيره مو مال هالسوالف حبني و احبك.. و احمد مو من نوع اللي يلعب و يكلم و يخربط)
احمد : أي هذي منيره ... سمعي.... ابيج تجسين نبظها .. وشوفي وضعها..
روان: انزين احمد.. انا مو وايد وياها ترى
احمد: حاااولي .. وشوفي اذا يتم نيره عندنا.. بدق عليج ..واشوفج اذا تقدرين تمرينا ولا لا ..واذا امي بتروح عندهم..روحي معاها اذا قدرتي..
روان: انشالله انشالله
(وبهاللحظه يتساسرون فوزيه و منى)
فوزيه:.. شوفي شوفي احمد و روان بسمالله عليهم لايقين على بعض ..دانشالله خل تتخرج بنتج و تكبر و نزوجها احمد..
منى: أي والله احمد و لدنا و يستاهل كل خير...وماراح نلقى احسن مننه مو كفايه شوفي شلون قاعدين مع بعض مشالله عليهم متفاهميين ..
فوزيه: أي والله انا حاسه ان يميلون حق بعض واايد .. الله يديم هالمحبه و نفرح فيهم
عقبها حطوا لعشا و تعشو و سولفو و ضحكو و ستانسوووووو .. و طقت الساعه.. و وقررت منى و روان ان يردون البيت لان الوقت تأخر.. وسلمو عليهم و قالو بيمشون.. نغز احمد روان بعينها و جنه يقولها موتنسين اللي وصيتج عليه.. وروان تبتسم فاهمه اللي قاعد يتكلم عنه .... و ردت منى و روان البيت..
(باجر الساعه 4 ونص روان و عهود راحو المعهد ب)
دخلوا الكلاس .. وكل من قعد بمكانه
بس عين حسين على روان .. يحليلها نتفه .. جم عمرها هذي .. يمكن فيها 12 ..
عقب الكلاس طلعوا يسولفون بالممر
حسين: شلونج عهود .. شلونج روان؟
عهود: هلا حسين
روان بخجل: الحمدلله انت شلونج؟
حسين: بخير باباتي
روان بينها وبين عمرها .. اااااااه بس اااااااه يا حلوه
حسين: ها روان شلون شغلكم بالقروب؟
روان: والله بارد انا ما احب جذي احب شغلي حار بحار .. تخيل الاسبوع الياي السبت بنقدمه واهم للحين ما وزعي الادوار بيننا .. لا واليوم ماكو اجتماع
حسين: ههههههه يالله ما عليه ما بقى شي وتقدمونه بس الحسافه انه درجه القروب وحده.... فيها وايد ظلم حرام
روان: أي هني المشكله .. يالله الله كريم بعد شسوي.
حسين: ماشي اخليج عيل بعد ربع ساعه اجتماعنا وبروح اشرب لي قهوه اعدل هالكور.
روان: ماشي اوكي
عهود: خلصتي سوالفج؟!!
روان: شفيج؟
عهود: خلصتيييييي؟
روان : أي شفيج معصبه عاد!!
عهود: امشي الكلاس
روان: ماشي .. شفيها هذي شدعوه جذي معصبه على شنو عااد
راحوا قعدوا بالكلاس ينطرون القروب يتجمع وبلشوا الاجتماع
مشاري: انا اشوف نخلي ساره اهي الي تقود قروبنا
حسين: لا انا مو موافق ساره بسرعه ترتبك
ساره: لا حسين انا فيني صفات القياده
حسين: اوكي بس انتي مستعده تبدين قبلنا كلنا وتتكلمين بشكل عام وتعريفي عن الموضوع .. وتعرفينا على الكلاس وتقولين كل واحد وجزأه .. و و و
ساره: أي اقدر.
مشاري: تقدر وانا ما اشوف في احد انسب منها يمسك
حسين: لا ما تقدر اهي بسرعه تتنرفز .. ونرفزتها تنتقل لنا احنا .. قول انا ما اتأثر ومتعود بس باجي البنات عهود وهدى توهم صغار وراح يتأثرون بربكتها
ساره: انت تشك بقدراتي !!
حسين: ما اشكك بس هالثقه الزايده راح تودينا بداهيه وانا واحد ابي يطلع الشغل حلو
مشاري: اذا ساره ما مسكت منو بالله يمسك
حسين: انت عهود انا .. ليش اهي يعني
ساره: رجاءا حسين انت تشكك بقدراتي احترم نفسك
حسين: انا محترم نفسي وماغلطت عليج .. بس رايي وقاعد اقوله بصراحه .. ماراح اجاملج وتقولون عني جنتل على حساب الشغل
ساره: اسفه شباب بس انا ما اقعد وهالانسان موجود
حسين: حياج الله
مشاري: يا جماعه مو جذي
حسين: مو اهي ما تبي تقعد .. يعني اصير انسان سلبي واضيع تعب هالاسابيع اللي طافت كلها علشان خاطرها .. انا قلت رايي اقل شي تحترمه.
ساره: انا ماشيه مالي قعده
حسين: يبا خلاص نطلع بريك ربع ساعه روحوا هي عمرج وفكري بكلامي عدل .. وفكري بمصلحه القروب .. وعقب تعالي قولي رايج وقرارج.
طالع الكل من الكلاس وتموا حسين وعهود وروان
روان بينها وبين نفسها: وااااي يا حلو شخصيته قوي ما احس انه من شباب هالوقت احسه قديم.
عهود: روان امشي بكلم حسين عن شغله
روان : هااا أي يالله يالله
عهود: حسين انا رايي من رايك ترى انا وحده ارتبك بسرعه ما ابي ساره تمسك وانا بعد ما اقدر امسك انا ودي انت تمسك او مشاري
حسين: انا ما ودي امسك لان اذا صار غلط بسرعه اطلع من طوري .. بودي مشاري الصراحه اذا انتي شايفه عمرج ما تقدرين
روان: سوو تصويت الباجي ما قالوا رايهم منو يبون
حسين: انتي شايفه جذي
روان: أي
حسين: تبون عصير شي بروح الكافيريا
روان وعهود: لا مشكور
حسين: اكييييييييد قولو لا تستحون
روان وعهود: اكيدين
حسين: اوكي عيل بييب لكم ماي
روان: واي عهدو مو صج عجيييييب
عهود: عاد اتصدقين انا ما احب الي جذي عصبي بسرعه يتنرفز
روان: عيل انا عكسج بهالسالفه احب الريال الي جذي .. عصبي واذا دخل مكان ينحسب له حساب وجذي واحب يكون اجتماعي وحنون .. يعني كل الي بحسين.
عهود: اهااا .. بس عن الهبل هاا.
حسين: هاكم باااااااااااااااااااااارد يرد الروح
عهود وروان: مشكور
حسين: العفو شدعوه
روان: حسين ترى كنت وايد ناشف مع ساره يعني كنت قدر توصل لها الي تبيه بطريقه احسن.
حسين: انا صريح ما احب الف وادور.
روان: حلوه الصراحه بس حاول انك توصل رايك بطريقه حلوه للي جدامك يعني رايك يوصل بس من غير لا تجرح الي جدامك.
حسين بينه وبين نفسه خو انا دفش بعد شسوي: أي بحاول ولو ان هذا طبع ما اقدر اغيره.
روان: كل شي يتغير شنو يعني طبع مثل ما انت خليته فيك تقدر انت تغيره اذا مقتنع انه طبع مو حلو.
حسين: ان الله .. انزين ما قلتوا لي انتو تعرفون بعض من زمان؟
روان: أي من زمان من اولى متوسط
حسين: هههههه من زمااااان صار وليش انتو الحين أي صف؟
عهود: بنروح ثانيه ثانوي؟
حسين: هااا
عهود: أي مثل ما سمعت
حسين: اهاا .. ماشي انا اخليكم .. طلع حسين من الكلاس واهو منصدم .. (وانا اقوووول هالنتفه هذي يطلع منها كل هالحجي طلعت بالثانوي.. من شكلها قلت الحين بتقولي بنروح رابعه متوسط .. بس كلامها عقدني .. يعني فيها 15 - 14 سنه .. ماشالله.))
روان: شفتي ويهه.
عهود: هههههههههه .. اييي عقدتي الريال.
روان: كاااااااااااااااااك عادي مو اول واحد.
رجعوا بعد البريك وافقوا على ان مشاري اهو الي يقود القروب بعد اخذ راي الاغلبيه و ساره رضت عن طيب خاطر
مشاري: ماشي شباب موعدنا يوم السبت ان شالله حفظوا عدل ولا تنسون ترتيبكم بالموضوع وانا ودي نيي قبل الكلاس نسوي بروفه علشان لا نتوهق شرايكم؟
حسين: انا ما عندي شي بس قول الوقت وانا اكون موجود احسن البروفه تخلينا ناخذ على بعض اكثر.
مشاري: خلاص اخذوا راي اهلكم بنات الي تقدر تيي تدز لي ايميل بالموافقه عندكم اليوم وباجر.. يالله يعطيكم العافيه.
حسين: يالله بنا اشوفكم على خير.. ديروا بالكم على عمركم .. باي
روان وعهود: باي.
روان واهي تساسر: عهدو عسل عسل عسسسسسسل
عهدو: بس بس خبيتينه فيه أي عسل اجلح املح
روان: حلات الريال جذي اجلح .. وااااي فديت قرعته انا
عهود: أي هي مينونه استحي على ويهج .. امج وثقت فيج ويابتج اهني علشان هالخرابيط .. وبعدين منو حسين .. ترى فتره وبتعدي وبشوف غيرج يبا انتي ياهل يمه وما ينظر لج غير هالنظره واذا اهو حنون على قولتج فلانه كان ينظر لج انج ياهل ما اشوف حنانه هذا الا لج انتي فرق بينج وبينه 6 سنين والكبار يخرعون ترى ديري بالج.
روان خافت من كلام رفيجتها بس بعدين قالت يبا كلها اسبوعين وكل واحد يروح بطريجه واهو بس عاجبني ما وصلت معاه لحب عهدو تخربط خليها.
يا يوم البريزنتيشن قروب حسين ما سووا بروفه يوا ودخلوا على طول الكلاس تقدم اول قروب الي اهو قروب روان.
تكلموا عن موضوعهم بس ماكان فيه أي تناسق كل واحد بصوب
حسين تحسف على الي قدمته روان
روان قعدت بمكانها والعبره خانقتها ليش انها تفشلت جدام الناس اول مره تطلع بصوره مو حلوه العاده دايما متميزه دايما شغلها مضبوط وكامل
عهود: شفييييج؟!!
روان: عهود فشله ما احب اطلع بهالصوره جدام الناس الكل نقد علينا .. الحين لازم اشتغل عدل بالبرزينتيشن الياي عيل انا يحطون لي c أي شي من متى.
عهود: انزين خلاص هدي الحين دورنا ادعي لي.
روان: الله يوفقكم.
قدم قروب حسين شغله وطلع حلوو كامل من كل النواحي .. حتى اسأله الطلبه جاوبوا عليها كلها .. الكل حب شغلهم وما انقدوا فيه شي الا صوت ساره لانه كان واطي.
عهود: اوووووف روان والله هم وانزاح
روان: لا ماشالله شغلكم حلوو الصراحه تساهلون ال a بدعتوا
عهود: شلون كان صوتي ما بينت علي الربكه؟
روان: لا والله كل شي تمام وحسين الصراحه بدع راكد بالكلام يشدج غصب حقه ما تضيع ولا كلمه ولا تسرحين كلش عنه
عهود: اايييي شفتيه ما شالله انا انصدمت عجيب والله
روان: أي ماشالله
وخلص القروب الثالث الي عطوها الدكاتره b وكان عليهم بعض الملاحظات
طلعوا من الكلاس وتجمعوا كلهم بالممر
حسين: ها روان ما عليه حبوبه تعوضينها بالبرزنتشين مالج ان شالله
روان: الله كريم
حسين: وليش ماده البوز جذي لا يبا ضحكي واسانسي واي شي تبيه بشغلج الياي انا موجود.
روان: صج
حسين: لا جذب .. اكيد افا عليج صج من عيني هاذي قبل هاذي
روان. تسلم بخجل .. شغلكم وايد كان حلو وانت الصراحه بدعت يعطيك العافيه
حسين : احم الله يعافيج .. اخجلتم تواضعنا
روان: هههههههههههه
حسين: يالله حبوبه تامرين على شي
روان: لا سلامتك
حسين: الله يسلمج فكري بالموضوع عدل هاا بشتغل فيه معاج
روان: صج .. مشكور حسين مشكور
حسين: العفو بابا يالله فمان الله
روان: باي
راح كل واحد بطريجه وقعدوا يفكرون بالموضوع الي راح يسوونه
الحين كل واحد بروحه وكل واحد بيشتغل نفس شغل القروب من الالف لي الياء يعني لازم يشدون حيلهم وخصوصا روان لان مو عاجبتها درجتها وتبي تعدل وضعها وصورتها واهم شي رضاها عن نفسها واهي فيها هالطبع لازم تسوي شي تكون اهي راضيه عنه حتى لو ما عجب احد المهم اهي تكون راضيه.
روان: عهدو شنو الموضوع الي نقيتيه انا عيزت وانا افكر مو لاقيه كلش
عهود: انا بتكلم عن جمعيه الامم المتحده وتفرعاتها وبعدين بركز عن الحملات مالت حقوق الانسان الي يسوونها
روان: اهااا .. نايس بس بالنسبه لي هذا موضوع كبير ومتفرع انا ابي شي انا اعرفه عدل ويكون بسيط وحلو بنفس الوقت
عهود: تدرين الحين هابين بسالفه اطفال الانابيب بين التحريم والتحليل شرايج اخذي هالموضوع وتكلمي عنه من كل النواحي
روان: مممممم هذي بدش فيها باديان وجذي صعبه شوي
عهود: لا عادي
روان: انزين وشرايج بسالفه الموت الاكلينيكي هم نفس الشي الحين هابين فيها وادش فيها بسالفه التحليل والتحريم شرااايج؟
عهود: هم ممكن .. بس فكري بعد باشياء اخف من جذي
روان: أي أي بفكر وباخذ راي حسين يوم السبت
عهود: وحسين شكو ان شالله
روان: ما قلت؟؟؟؟ لج قالي فكري بموضوع تبينه وراح يشتغل فيه معاي اذا ابي شي بقوله واخذ رايه
عهود: وشكو شمعنه انتي يعني؟!! ترى انا بديت اخاف منه صج ديري بالج ترى اهو كبير وممكن يلعب عليج!! وهذول يعرفون يلعبون بعقل البنات ويعرفون شلون يلفون ويدورون
روان: ان شالله ان شالله لا تحاتين
راحوا يوم السبت وكلهم حماس ولا حسين مو موجود
روان: عهدو حسين مو موجود اليوم ما يا!!
عهود: يمكن تعبان او عنه ظروف شي ما تدرين
روان: تعبااااان
عهود: أي تعبان لا تهب عليج لوزج بس وتطلع عيونج علينا على بو حسين مو حاضر
روان: ههههههه .. لا شدعوه بس اقولج يعني انه مو ياي.. واحنا متفقين ان نتناقش بالمشروع!!
عهود: أي اوكي دريت
رجعوا البيت وروان تفكر شفيه ما داوم اليوم لا يكون تعبان ولا فيه شي .. ااو الله يخس ابليسج يا عهدو خليتيني افكر .. لحظه وانا شكو افكر ما حضر ما يشوف شر ان شالله خير ليش اعقد الامور .. واااااي عاد انا لاااااازم احاتي واذا ماكو شي احاتيه ادور على شي يخليني احاتي .. بس بس خلاص انسي.
راحوا اليوم الي عقبه ولا حسين موجود .. من غير شعور راحت له روان
روان: قووووه
حسين: هلا بابا هلا روان شلونج
روان: تمام الحمدلله انت شلونك امس مو حاضر عسى ما شر
حسين بينه وبين نفسه يحليلها فقدتني: ابد ما شر بس تعبت شوي بالدوام رجعت وحطيت راسي ونمت وما وعيت الا الساعه 6 المغرب
روان: اهااا .. يالله يعطيك العافيه والله فقدناك امس
حسين: مشكوره :$ سوري امس وعدتج اني اقعد معاج على موضوعج بس كشت
روان: لا عادي افا عليك شدعوه المهم راحتك
حسين: تسلمين والله كلج ذوق .. المهم شصار عليج لقيتي موضوع
روان: ممممم محتاره بين شيئين وبنفس الوقت مو مقتنعه فيهم عدل
حسين: اها وشنو اهم
روان: خلنا نخلص من محاضره الكمبيوتر واقول لك بالبريك قبل الانجليزي
حضروا المحاضره الي اهو ماكان معاها فيها .. وحست لما شافته انها ارتاحت وانها مستانسه وحست اكثر شي بامان انه موجود حولها ما تحاتي شي .. خلصوا المحاضره وبدوا البريك
حسين: روان
روان واااااي ابوي انت : احم نعم
يالله امشي نقعد وقولي الموضوع على الماشي
روان على كثر ما اهي متحمسه على كثر ما اهي خايفه: أي بس وين نقعد ؟
حسين: بالممر طبعا هناك مو حلوه اقعد معاج بكلاس ما ابي اييب لج كلام انتي في غنى عنه وخلي عهود بعد تيي تقعد معانا لا نصير بروحنا
روان حست براحه شوي: اوكي
راحوا قعدوا وبدت روان بالكلام
روان: انا بين موضوعين الي اهو طفل الانابيب او الموت الاكلينيكي بين التحليل والتحريم
حسين: بيييييييييييييييييييييييييييييييييييييييه .. من صجج!! هذي مواضيع وايد معقده وكبيره عليج ترى .. انا انصحج بعدي عن الامور الي فيها فتاوي
روان: انزين شنو اتكلم عنه عيل
حسين: ممممممم خليني افكر لج .. انتي ميولج جذي اشياء علميه وسوالف
روان: ااااي
عهود:انزين .. شرايج تتكلمين عن السمنه وانتشارها بالكويت ومكانه الكويت بين العالم من هالناحيه
روان: حلووو
حسين: صح فكره حلوه .. هم فكره مرض السكر حلوه علشان تييبين معاج الادويه وتتكلمين عن المراحل لان السمنه في نواحي شويه ماراح توصلين حق ثلث ساعه بس السكر اوسع
عهود: أي صح احلى واحلى بعد تكلمين عنه من كل النواحي
روان: انتو شايفين جذي
حسين وعهود: اااي
روان: خلاص شوركم وهدايه الله
حسين: خلاص انتي اليوم روحي البيت وسو لج سيرج عنه من كل المواقع واشتغلي بضمير لان طافج كل الويك اند وامس بعد
روان: ان شالله .. يالله قوموا الكلاس
دخلوا الكلاس
حسين بينه وبين نفسه .. يحليلها والله حليوه ..وانا ماادري ليش هامتني .. يمكن لاني احس اني مهم بالنسبه لها .. بس اهي صغيره يا حسين لا تتعلق فيها جذي اركد شفيك مو انت الي جذي !! بس احس ان موضوعها صعب عليها وماراح تعرف تطلعه توها فقيره .. خلاص انا بكتب لها رؤوش الاقلام والاشياء الي تدور عليها بالنت علشان نختصر الوقت اضمن انها بتييب كل الي نبيه وانا اتفرق حق عمري بعد
خلص الكلاس واهم طالعين شافها وناداها
حسين: روان .. روان
روان: هلا حسين شفيك
حسين: شوفي انا كتبت لج الاشياء الي تدورينها كل هالمعلومات انتي محتاجتها دوريها كلها بس تحصلينهم تكونين انتي بالسيف سايد ماشي حبوبه
روان: اوكي ولا يهمك اليوم اكون خالصه كل هالاشياء
حسين: اوكي .. ماشي تامرين على شي
روان: لا مشكور
حسين: يالله باي
روان: باي
مر عليهم يوم الاثنين والثلاثه وحسين كل يوم يقعد معاها نص ساعه بس يجيك على الي سويته يضيف ويحذف ويرتب اما يوم الاربعا قال لها يالله اقريه وجنج قاعده بالكلاس .. قرته له وسو نفس الي اهي ناويه تسويه
روان: بس حسين انا ودي اييب الادويه والابر الي ياخونها بالعلاج جذي فناتق
حسين: ممممم اهي فكره حلوه وانا بحاول اشوف لج مني ولا مني بس روان بابا ركزي على المضمون مو على الفناتق
روان: هههههههه يعني مو حلو الي قلته
حسين: لا حلو بس شوفي جم شغله ابيج سوينهم .. اول شي رفعي صوتج شوي ولا تتكلمين بنفس الوتيره لا مره صيري سريعه ومره بطيئه وفجأه رفعي صوتج فجأه علشان السرحان يصحصح
روان: ههههههههه جذي جني هبله .. وبشنو بيسرح الموضوع كلش مو مال خيال اصلا
حسين: بعيونج
روان: نعم
حسين: هاا لا في شعره بتدش بعيونج ديري بالج
روان: صج وين .. ها راحت
حسين: أي أي راحت .. المهم والله انتي سمعي كلامي خو رفعي صوتج مو تصرخين قلنا علشان تقولين هبله
روان: هههههه اوكي وبعد
حسين: ثاني شي لا تركزين نظرج بمكان واحد لا وزعي النظر ..
واستمر حسين بالنصايح واهي تسمع له بكل اهتمام واعجاب
روان: ان شالله لا تحاتي بحاول اسوي كل الي قلتلي عنه .. الحين كل شي تمام
حسين: أي تمام
روان: يالله عهدو اشوفج باجر .. باي
عهود: اوكي يالله باي
روان: هااااااااي يمااا
منى: هلا يما .. ها شلون المعهد وياج؟
روان: تماااااام والله يما
منى: ماشالله ما شالله الويه ينور والضحكه شاقه الويه شعندج؟
روان: ماكو شي يما عادي .. قولي عساها دوم هالضحكه بروحها علي بالحسره
منى: عساها دوم يما خو ابيلج الزين انا
روان: يالله يما انا بروح ابدل
راحت روان غرفتها وتفكر بينها وبين نفسها .. يا حلوه ويا زينه .. حده حنون .. يا بخت الي بتاخذه .. جم عمره شكله عود .. وااااااااي نظرته تذبح تذبح.(طبعا اهني تعرفون ان روان في عمر المراهقه .. يعني تتعلق بأي احد يحسسها بالحب تجاهها.. ويحسسها بالامان.. ف حست بالميل صوبه..خصوصا ان هذا اول شخص يمر بحياتها و تشوف هالشعور من ناحيته...والاهم من هذا قلنا ان حسين شاب شايل المسؤوليه و راكد...ف صاير جنه ابوو يخاف على بنته .... و روان فقدت حنااااااااان الابو من صغرها ....)
منى: رواااان .. يالله يما تعالي تعشي.
في بيت فوزيه وبالتحديد في غرفه احمد..
احمد و اهوا يدرس و يراجع دروسه .. ولكن مشغول باله مع غيره ! يحاول يفكر شلون يوصلها و مالقه جدامه الحل الاخير غير روان بنت خالته ! ... مسك التليفون و دق على بيت خالته ..
روان: الووو؟
احمد: قووووووة رواااااان.. شلووووووووونج
روان: هلا منو احمد!! انا تماااام انتش لونك
احمد: دوم انشالله .. انا بخير.. روااااانوو.. ترا ولهااان علييييج وينج من زمان ماتيين بيتنا.؟
روان: يمه يمه ..انا مو قبل يومين كنت عندكم !! شنو من زمان مو شايفج!!
احمد: بيييييييه قبل يومين.. انتي ما تدرين اذا مر يوم علي وانا ولهان عليج جنها سنه كامله ...(ويجااملها)
روان: يه يه شالحجي الحلو هذا ..شوف انا اقولك هالحجي وراه سالفه .. (واهي تضحك ) ههههههههههه .. احمدوو عطني من الاخير خووووو اعررفك انا تعلمني فيك
احمد:ههههههههههه كفو بنت خالتي... أي عندي سالفه مهمه جدا جدا جدا جدا جدا جدا جدا..
روان: اولللللللله كل هالجدات!! ههههههههه شرايك بالجدااات !! انزين يلا يلا قول شعندك..؟
احمد: لا يبا اقولج سالفه خطيره جدا جدا جدا جدا و صارلي ساعه اقولج من زمان مو شايفج .. و اليوم يمر جنه سنه .. اخر شي تبيني اقولج اياها عالتليفون.. تعالي واقولج..
روان: امبيييه لا ماااحب الحين الدوده تحوووس فيني.. انزين قولي شنوو الموضوع عطنيييي نبذه عنه على ما اقول حق امي... مابي احاااااااااتي واايد
ا م روان و اهيا مااااره الصاله ... روان منو عالتليفون؟؟
روان: يما هذا احمد يقولنا تعالو اليوم عندنا
ا م روان : اشفيه احمد .. عطيني اكلمه.... الوو .. هلا احمد شلونك
احمد: هلا خالتي الحلوووة ... انتي شلونج انا بخير اسال عنج ولهان علييييييييج
ام روان : ولهت علييييك العاااافيه حبيبي.. احمد جنك مو خالي.. شعندك قول
احمد: هاااا؟ لا خالتي ماكوشي .. بس ذاك اليوم يوم مريتي بيتنا وانا كنت طالع كنت بسولف معاكم من زمان مو شايفكم .. ف شرايكم تيون عندنا اليوم انتي وروان
ام روان : انا بروح السوق بعد شوي اشوف اذا مداني و خلصت مبجر مرريتكم
احمد: خلاص انشالله .. عيل اذا بتيون دقي علي علشان اقعد بالبيت ..
ا م روان : خلاص انشالله ولا يمك .. سلم على امك .. مع السلامه
احمد: الله يسلمج ..مع السلامة
ا م روان : روان حبيبتي بدلي وتعالي معاي بنروح السوق. عقب اذا خلصنا مبجر بنمر بيت خالتج ونودي العشا معانا
روان : الللله .. أي سوق بنروح؟؟
ام روان : ماادري يمكن شرق ولا الفناار .. انتي بدلي ويصير خير
روان : يلا اوكي الحين اروح ابدل
راحت روان بدلت بسرعه و انزلت و كانت متحمسه للسالفه اللي بيقولها اياها احمد .. و كانت تخمن بمخها عن شنو موضوع السالفه اللي بيقولها.. وراحت اركبت السياره مع امها وراحو للسوق .....
في بيت (فوزيه).. في شقه فواز ..طبعا نوال ماده البوز صارلها يومين على السالفه اللي صارت مابينها و بين فواز و ماتكلمه .. و فواز طبعا يحب نوال حييل و مايحب يشوفها زعلانه او شي مكدرها.. شافها قاعده عالقنفه وتطالع تلفزيون.. فواز راح و قعد يمها.. طبعا نوال ولا كلمه ولاشي ولا كأن في شخص قاعد يمها..
فواز: شدعوة يبا شدعووة .. الحلو شايل علينا..ترا واايد جذي.. مانرضى على زعلى
نوال: ..........(لاتعليق طبعا..التفتت عليه طالعته بطرف علينها و ردت التفتت للتلفزيون)
فواز: افا .. انا فواااز .. الغالي .. جذذذي اخرررتهااا.. ماحب اشوف حبي متضايق.. يلا عاد نوال بس عاد يوزي صارلج يومين وانتي على هالحال... خلاص عاااااااااااااااد .. عطيييني الابتسامه الحلوة
نوال: اااااااافففففف .. الواحد مايطالع تلفزيون براااحته
فواز: لامايطالع تلفزيون براحته .. يطالع زوجه برااحته (وهو يطفرها)
نوال: زوجها اذا كان يقدررررررها و يسويلها اللي تبي.. مو يصرخ عليها و يعايرها..
فواز: افا انا الحين اعايرج .. خلاص انسي اللي صااار الحين.. المهم اني ماحب اشوفج زعلانه... انا ماعندي الا انتي .. تزعلين عني وين ارو ح انا .. كلنا 2 مجابلين بعض جنه قطااوة .. يعني تزعلين .. انا اجابل منوووو بالله
نوال: شتقصد بكلامك ...(واهي اللي افتحت الباب على عمرها..)
فواز: شقصد؟ ماقصد شي ..(مو فاهمه .. شتقول عنه)
نوال: أي قول قصدك لاني ليلحين ما يبتلك عيال!!! خو خالتي ما تقصر فييك تششك علي..(وافتحت الموضوع بلسانها)
فواز: لا انا اصلا ماقصدت العيال و مو حاط هالفكره براسي اصلا..(واهو ضاق صدره شوي .. يوم تذكر هالسالفه)... ودام انتي اللي فتحتي الموضوع .. وذكرتيني بهالسالفه.. انا بسالج .. متى انشالله ناويه تحملين؟؟ ترا مو يهال احنا و انا عمري صار 26 الحين و ابي ولد .. وشوفي اخوي مرته الحين حامل و توهم ماصارلهم سنه ونص من تزوجو... شناطره انتي بعد؟
نووال: لااا الظااهر اليوم خالتي تاااااااارسه مخك عدل .....!!(نوال اصلا مومفكره بالحمال و الولاده الحين كلش... خايفه على جسمها لا يخترب بعد الولاده..و ماتبي تشيل مسؤوليه بيت و عيال الحين..حابه تتمتع بشبابها)
فواز: سمعيني انتي.. انا اللي قاعده اكلمج الحين.. مو امي.. و امي مالها شغل ولا يابت الطاري .. بس انتي اللي فتحتي الموضوع على نفسج.. وانتي اللي قلتيها بلسانج
..(فواز واهوا يلف ويهاا الناحيه الثانيه و ينافخ و يتحلطم... هذي حتى الواحد لي بغى يراضيها .. تنكد علييييييه)
نوال: خير؟؟ قلت شي؟؟
فواز: لا ما قلت شي .. قلت احبج (وهو يحاول يلطف الجو و يرد المياه لمجاريها)
نوال: امممممممممم (و قلبها شوي حن علييه)
فواز: خيييير؟؟ قلتي شي؟؟
نوال: لا ما قلت شي.. قلت نفس اللي قلته (وهي شوي تتطنز .. بس على دلع)
فواز: قوليها؟
نوال: قلت احبك (وووووووووووووبدلع)
فوااااز: اخيييييييييييييييييييييييه... عيدها بعد..
نوال: شنو حلاووو ؟؟ يلا اعيدها مره ثانيه حق اللي مايسعون عدل... احبك
فواز: من قلبج؟؟؟؟؟؟؟؟
نوال: امممممممم ... اممممممممم .. تقريبا (نوال تحب فواز.. بس مشكلتها طبعا اللي مخرب عليها و غرورها و دلعها.. يعني لي بغت الشي لازم يوصلها حالا ولا تطنقر !!)
وماقدر يقااومها .......ويطب عليييييييها فواااز و يبوسها و.............
في بيت فوزيه .. (تحت بالصاله)
فوزيه و فهد و مرته قاعدين بالصاله....
فوزيه: الا مشاعل ما قلتلي شكثر صارلج .. متى ودلاتج؟
مشاعل(مرت فهد): انا بالسابع الحين .. بس مايندرى متى اولد الله يستر (طبعا مشاعل موذاك الزود مع خالتها .. بس تعتبر اهون من نوال و غرورها )
فهد: ااي ااي يما بنييب النوووونو .. واخيرا بصير ابوو بتصيرلي هيبه.. بكشخ عليكم .. و بخليج تصيرين يده
فوزيه: اااي كبرتوني وانا بعدي شباب هههههههههههه..الله يبلغني فيكم والله يرزق اخوووكم فواااااااز
ويدخل البيت ابو فواز (زياد)..توه راد من الشبره شاري الخضرا والفواكهه للبيت.. وينادي الخدم يشيلون الاغراض من السياره .. يودونها المطبخ .. واهو دخل الصاله..
زياد: السلام علييكم
الجميع: عليكم السلام و الرحمه
زياد: شلوونكم
الجميع: الحمدلله بخيييير
زياد: الله يا ام فوااز توني ياي من الشبره .. شريتلج الفواكه السنعه تفاح وخوخ و رقي و عنب .. كل حبه على هالكبر (وياشر بيده) .. رخص رخص اليوم .. الحمدلله
ام فواز : يعطيك العافيه .. ماقصرت
زياد: الله يعافييج.. الا فواز واحمد ونواف وينهم ماشوفهم قاعدين
فوزيه: الله يسلمك فواز فوق بشقته .. واحمد بداره يذاكر دروسه..و نوافو يا هايت مع ربعه او تلقاه بالقهوه
وبهاللحظه ينزل احمد من الدري ... السلااااااااام علييييكم
زياد:عليكم السلام ... كاهو الطيب عند ذكره
احمد: خيييييييييير ياييبين طاريي جنه ,,,؟
فوزيه: اكيد يما انيب طاريك بالخير... انت احمداني شمعة البيت من بعد الغالي
احمد: يـــــــه من قدددددددي .. الله يطولنا بعمرج يما
فهد: احــــم ,, احنا عيال اليران جنه!
فوزيه:لا مو ولد اليران ولدي.. بس كل واحد عنده مرته وتدلعه .. احمد فقير ماعنده احد يدلعه ..خل يتزوج و اخلي الدلال حق نوافوو.. بس هم يظل احمد العزيز اللي شايل امه و ابوه ( اهني انددددقر فهد .. و حس بالنغزات)
احمد: أي يما نسيت اقولج!! اليوم يمكن خالتي منى تمرج .. مساع كلمتها بالتليفون
فوزيه: صج.. عيل خلا اقوم اشوف شنو نسوي حق العشاا .. يتعشون معانا قبل لا يمشون ..
احمد: أي يمااا عاد مشتهي بلاليييط مع بيض .. اللي تسوينه من ايدج كل مره .. اخيييه عجيب ..
فوزيه : حاااضر يما ماطلبت شي اسويلك .. وانت فهد شتحب تاكل علشان ما تقعد تكحكح علينا كل ساعه ..
فهد: يما مادري اذا راح اتعشى معاكم ولا لا .. بس أي شي يطلع منج حلو.. كيفج
فوزيه: خلاص خل اقوم المطبخ اشوف شنو بنسوي حق العشا اليوم.. واذا في شي ناقصني بقولك احمد علشان تمر الفرع تيبهم
احمد: أي انشالله يما...تامرين امر
(في شقه فواز ) ..
فوااز : يماااا عسل عسسسسل
نوال: وااي بس عااد....( مبتسمه و بدلع)
فواز : تصدقيين يعت ...
نوال: أي انا بعد يعت مو متغديه..
فواز: شرايج ننزل ناكل لنا شي من تحت ؟
نوال: ها؟ لا لا شرايك نقولهم اهما ايبولنا اكل فوق؟ ولا تدري شرايك نروح نتعشى بمطعم.. عشاء رومنسي اليوم ...
فواز: هم فكره !! .. يلا عيل نقوم نتسبح ونروح ؟؟
نوال : اااي يلا خل اقوم .. علشان يميديني ابدل واكشخ
فواز: خلاص عيل على قمنـــا ..
نوال: اووكي
فواز: لحظــه لحظه ..شنو؟
نوال: شنو ؟ شفيك؟
فواز: شنو شفيني؟ وينها؟ (ويأشر على خده)
نوال: واااي انت يعني ما شبعت!!
فواز : لاطبعا ماشبعت .. يلا يلا ولا ماكو قومه
نوال: هههههه ..انزين ... اموااااااااااه
فواز: ااااااااااخخ .. عسـل من صج
وقام فواز و قامت نوال و راحو يتجهزون حق الطلعه ...
(منى وروان بالسوق)
منى: يلا روان اخذيلج هالبدي البيجي احلا من اللي بييدج .. ارتب و شكله راقي
روان: لا يما شنو هذا موديله جنه مال اول سنه يدي .. ماحب جذي
منى:انزين انزين,, يلا ترا اخرتينا انا قلت بمر بيت خالتج... امشي بسرعه عند المحااسب خل نطلع ساعتين صارلنا بالسوق .. ترى طاحت ريلي وانا امشي..
رواان:ههههههه أي يما صرتي عيوز بعد.. انشالله يماا يلا خنحاسب..
منى: هو هو هو .. انا عيوووووووز... اصلا اللي يشوفني عباله انا اختج مو بنتج .. اقول يالله اهووو عند الممحااااسب لا يضيع علينا الوقت
ويحاسبون اغراضهم..ويطلعون بسرعه للسياره..
منى: يلا خل نروح بيت خالتج.. بس خنودي معانا عشا .. شرايج شنو ناخذ .. مشويات ولا معجنات..
روان: لاااااااا يما معجبنات ثقيله عالبطن الحين ... اخذي مشويات احسن
منى: امشي عيل نمر ميس الغانم دام يمنا.. ناخذلنا جم صحن مشويات و نروح..
وراحت منى .. شرت من ميس الغانم اكل .. و راحت حق بيت فوزيه عالساعه 6 المغرب.. دشت و سلمت و قعدت .. الموجودين ( فوزيه_ احمد – فهد – مشاعل مرت فهد – نواف ) و سوالف و ضحك و يطفرون رواان الصبيان حاطين حيلهم بهالبنت لانها اصغر الموجودين.. و رواان تحاتي .. هذا ليلحييين ما قالي السالفه .. شصااير.. نزل فواز مع نوال مرته .. شافو اليمعه ..
فوزيه: تعال فواز اقعد خالتك بتعشى عندنا اليوم خلك معانا
فواز: هلا خالتي شلونج . هلا يما .. لا يما كان ودي اكون معاكم بس اسمحيلي انا ونوال عندنا موعد مهم لازم نروحله ( و نوال تتأفأف .. و تنقز فواز من ايده..يلا امش)
فوزيه: خو يتأجل الموعد .. خلك قاعد معانا باليمعه الحلوة.. مستعيل على شنو
( و نواااااال.. هدتهم و اطلعت برا حق السياره)
منى: خليهم فوزيه على راحتهم .. اكيد عندهم شغل ضروري.. مومشكله مره ثانيه انشالله نشوفهم
فواز: يما انا استاذن..مع السلامه..(وطلع ورا نوال )
احمد: (على طاوله الاكل وبيده ورقه وقاعد يشخبط )روااااانو تعالي بقولج لغز ...
روان: (واخيرا بتبرد الدوده اللي فيني .. وراحت روان)) .. شنو بتقول
احمد:امممم .. بقولج موضوع .. بس مادري من وين ابتدي ..
روان: شنو قول .. شصااير؟؟؟
احمد: امممممممممممممممم ( وقعد يفكر شيقولها .. شلون يبلش بالموضوع).. روان!
روان: اووووفففففففف قووول شصااير... غريبه يعني اول مرت تكوون مستحي..
احمد: سمعي رواان .. انا اوثق فيج وايد.. واعدج مثل اختي..
روان: انزين؟؟ انا ليلحين ترا مو فاهمه شي.. اشفيك؟
احمد: شوفي... انا حبيت وحده بس مو عارف اوصل لها
روان: ااي؟ (و روان منصدمه مو مصدقه ! صج جذب! ..احمد يحب!مايلوق)..ومنو هالوحده؟
احمد: منيره...
روان: أي منيره؟؟ منيره ماغيرها؟ بنت خالده جارتكم (واهي منصدمه لان منيره مو مال هالسوالف حبني و احبك.. و احمد مو من نوع اللي يلعب و يكلم و يخربط)
احمد : أي هذي منيره ... سمعي.... ابيج تجسين نبظها .. وشوفي وضعها..
روان: انزين احمد.. انا مو وايد وياها ترى
احمد: حاااولي .. وشوفي اذا يتم نيره عندنا.. بدق عليج ..واشوفج اذا تقدرين تمرينا ولا لا ..واذا امي بتروح عندهم..روحي معاها اذا قدرتي..
روان: انشالله انشالله
(وبهاللحظه يتساسرون فوزيه و منى)
فوزيه:.. شوفي شوفي احمد و روان بسمالله عليهم لايقين على بعض ..دانشالله خل تتخرج بنتج و تكبر و نزوجها احمد..
منى: أي والله احمد و لدنا و يستاهل كل خير...وماراح نلقى احسن مننه مو كفايه شوفي شلون قاعدين مع بعض مشالله عليهم متفاهميين ..
فوزيه: أي والله انا حاسه ان يميلون حق بعض واايد .. الله يديم هالمحبه و نفرح فيهم
عقبها حطوا لعشا و تعشو و سولفو و ضحكو و ستانسوووووو .. و طقت الساعه.. و وقررت منى و روان ان يردون البيت لان الوقت تأخر.. وسلمو عليهم و قالو بيمشون.. نغز احمد روان بعينها و جنه يقولها موتنسين اللي وصيتج عليه.. وروان تبتسم فاهمه اللي قاعد يتكلم عنه .... و ردت منى و روان البيت..
(باجر الساعه 4 ونص روان و عهود راحو المعهد ب)
دخلوا الكلاس .. وكل من قعد بمكانه
بس عين حسين على روان .. يحليلها نتفه .. جم عمرها هذي .. يمكن فيها 12 ..
عقب الكلاس طلعوا يسولفون بالممر
حسين: شلونج عهود .. شلونج روان؟
عهود: هلا حسين
روان بخجل: الحمدلله انت شلونج؟
حسين: بخير باباتي
روان بينها وبين عمرها .. اااااااه بس اااااااه يا حلوه
حسين: ها روان شلون شغلكم بالقروب؟
روان: والله بارد انا ما احب جذي احب شغلي حار بحار .. تخيل الاسبوع الياي السبت بنقدمه واهم للحين ما وزعي الادوار بيننا .. لا واليوم ماكو اجتماع
حسين: ههههههه يالله ما عليه ما بقى شي وتقدمونه بس الحسافه انه درجه القروب وحده.... فيها وايد ظلم حرام
روان: أي هني المشكله .. يالله الله كريم بعد شسوي.
حسين: ماشي اخليج عيل بعد ربع ساعه اجتماعنا وبروح اشرب لي قهوه اعدل هالكور.
روان: ماشي اوكي
عهود: خلصتي سوالفج؟!!
روان: شفيج؟
عهود: خلصتيييييي؟
روان : أي شفيج معصبه عاد!!
عهود: امشي الكلاس
روان: ماشي .. شفيها هذي شدعوه جذي معصبه على شنو عااد
راحوا قعدوا بالكلاس ينطرون القروب يتجمع وبلشوا الاجتماع
مشاري: انا اشوف نخلي ساره اهي الي تقود قروبنا
حسين: لا انا مو موافق ساره بسرعه ترتبك
ساره: لا حسين انا فيني صفات القياده
حسين: اوكي بس انتي مستعده تبدين قبلنا كلنا وتتكلمين بشكل عام وتعريفي عن الموضوع .. وتعرفينا على الكلاس وتقولين كل واحد وجزأه .. و و و
ساره: أي اقدر.
مشاري: تقدر وانا ما اشوف في احد انسب منها يمسك
حسين: لا ما تقدر اهي بسرعه تتنرفز .. ونرفزتها تنتقل لنا احنا .. قول انا ما اتأثر ومتعود بس باجي البنات عهود وهدى توهم صغار وراح يتأثرون بربكتها
ساره: انت تشك بقدراتي !!
حسين: ما اشكك بس هالثقه الزايده راح تودينا بداهيه وانا واحد ابي يطلع الشغل حلو
مشاري: اذا ساره ما مسكت منو بالله يمسك
حسين: انت عهود انا .. ليش اهي يعني
ساره: رجاءا حسين انت تشكك بقدراتي احترم نفسك
حسين: انا محترم نفسي وماغلطت عليج .. بس رايي وقاعد اقوله بصراحه .. ماراح اجاملج وتقولون عني جنتل على حساب الشغل
ساره: اسفه شباب بس انا ما اقعد وهالانسان موجود
حسين: حياج الله
مشاري: يا جماعه مو جذي
حسين: مو اهي ما تبي تقعد .. يعني اصير انسان سلبي واضيع تعب هالاسابيع اللي طافت كلها علشان خاطرها .. انا قلت رايي اقل شي تحترمه.
ساره: انا ماشيه مالي قعده
حسين: يبا خلاص نطلع بريك ربع ساعه روحوا هي عمرج وفكري بكلامي عدل .. وفكري بمصلحه القروب .. وعقب تعالي قولي رايج وقرارج.
طالع الكل من الكلاس وتموا حسين وعهود وروان
روان بينها وبين نفسها: وااااي يا حلو شخصيته قوي ما احس انه من شباب هالوقت احسه قديم.
عهود: روان امشي بكلم حسين عن شغله
روان : هااا أي يالله يالله
عهود: حسين انا رايي من رايك ترى انا وحده ارتبك بسرعه ما ابي ساره تمسك وانا بعد ما اقدر امسك انا ودي انت تمسك او مشاري
حسين: انا ما ودي امسك لان اذا صار غلط بسرعه اطلع من طوري .. بودي مشاري الصراحه اذا انتي شايفه عمرج ما تقدرين
روان: سوو تصويت الباجي ما قالوا رايهم منو يبون
حسين: انتي شايفه جذي
روان: أي
حسين: تبون عصير شي بروح الكافيريا
روان وعهود: لا مشكور
حسين: اكييييييييد قولو لا تستحون
روان وعهود: اكيدين
حسين: اوكي عيل بييب لكم ماي
روان: واي عهدو مو صج عجيييييب
عهود: عاد اتصدقين انا ما احب الي جذي عصبي بسرعه يتنرفز
روان: عيل انا عكسج بهالسالفه احب الريال الي جذي .. عصبي واذا دخل مكان ينحسب له حساب وجذي واحب يكون اجتماعي وحنون .. يعني كل الي بحسين.
عهود: اهااا .. بس عن الهبل هاا.
حسين: هاكم باااااااااااااااااااااارد يرد الروح
عهود وروان: مشكور
حسين: العفو شدعوه
روان: حسين ترى كنت وايد ناشف مع ساره يعني كنت قدر توصل لها الي تبيه بطريقه احسن.
حسين: انا صريح ما احب الف وادور.
روان: حلوه الصراحه بس حاول انك توصل رايك بطريقه حلوه للي جدامك يعني رايك يوصل بس من غير لا تجرح الي جدامك.
حسين بينه وبين نفسه خو انا دفش بعد شسوي: أي بحاول ولو ان هذا طبع ما اقدر اغيره.
روان: كل شي يتغير شنو يعني طبع مثل ما انت خليته فيك تقدر انت تغيره اذا مقتنع انه طبع مو حلو.
حسين: ان الله .. انزين ما قلتوا لي انتو تعرفون بعض من زمان؟
روان: أي من زمان من اولى متوسط
حسين: هههههه من زمااااان صار وليش انتو الحين أي صف؟
عهود: بنروح ثانيه ثانوي؟
حسين: هااا
عهود: أي مثل ما سمعت
حسين: اهاا .. ماشي انا اخليكم .. طلع حسين من الكلاس واهو منصدم .. (وانا اقوووول هالنتفه هذي يطلع منها كل هالحجي طلعت بالثانوي.. من شكلها قلت الحين بتقولي بنروح رابعه متوسط .. بس كلامها عقدني .. يعني فيها 15 - 14 سنه .. ماشالله.))
روان: شفتي ويهه.
عهود: هههههههههه .. اييي عقدتي الريال.
روان: كاااااااااااااااااك عادي مو اول واحد.
رجعوا بعد البريك وافقوا على ان مشاري اهو الي يقود القروب بعد اخذ راي الاغلبيه و ساره رضت عن طيب خاطر
مشاري: ماشي شباب موعدنا يوم السبت ان شالله حفظوا عدل ولا تنسون ترتيبكم بالموضوع وانا ودي نيي قبل الكلاس نسوي بروفه علشان لا نتوهق شرايكم؟
حسين: انا ما عندي شي بس قول الوقت وانا اكون موجود احسن البروفه تخلينا ناخذ على بعض اكثر.
مشاري: خلاص اخذوا راي اهلكم بنات الي تقدر تيي تدز لي ايميل بالموافقه عندكم اليوم وباجر.. يالله يعطيكم العافيه.
حسين: يالله بنا اشوفكم على خير.. ديروا بالكم على عمركم .. باي
روان وعهود: باي.
روان واهي تساسر: عهدو عسل عسل عسسسسسسل
عهدو: بس بس خبيتينه فيه أي عسل اجلح املح
روان: حلات الريال جذي اجلح .. وااااي فديت قرعته انا
عهود: أي هي مينونه استحي على ويهج .. امج وثقت فيج ويابتج اهني علشان هالخرابيط .. وبعدين منو حسين .. ترى فتره وبتعدي وبشوف غيرج يبا انتي ياهل يمه وما ينظر لج غير هالنظره واذا اهو حنون على قولتج فلانه كان ينظر لج انج ياهل ما اشوف حنانه هذا الا لج انتي فرق بينج وبينه 6 سنين والكبار يخرعون ترى ديري بالج.
روان خافت من كلام رفيجتها بس بعدين قالت يبا كلها اسبوعين وكل واحد يروح بطريجه واهو بس عاجبني ما وصلت معاه لحب عهدو تخربط خليها.
يا يوم البريزنتيشن قروب حسين ما سووا بروفه يوا ودخلوا على طول الكلاس تقدم اول قروب الي اهو قروب روان.
تكلموا عن موضوعهم بس ماكان فيه أي تناسق كل واحد بصوب
حسين تحسف على الي قدمته روان
روان قعدت بمكانها والعبره خانقتها ليش انها تفشلت جدام الناس اول مره تطلع بصوره مو حلوه العاده دايما متميزه دايما شغلها مضبوط وكامل
عهود: شفييييج؟!!
روان: عهود فشله ما احب اطلع بهالصوره جدام الناس الكل نقد علينا .. الحين لازم اشتغل عدل بالبرزينتيشن الياي عيل انا يحطون لي c أي شي من متى.
عهود: انزين خلاص هدي الحين دورنا ادعي لي.
روان: الله يوفقكم.
قدم قروب حسين شغله وطلع حلوو كامل من كل النواحي .. حتى اسأله الطلبه جاوبوا عليها كلها .. الكل حب شغلهم وما انقدوا فيه شي الا صوت ساره لانه كان واطي.
عهود: اوووووف روان والله هم وانزاح
روان: لا ماشالله شغلكم حلوو الصراحه تساهلون ال a بدعتوا
عهود: شلون كان صوتي ما بينت علي الربكه؟
روان: لا والله كل شي تمام وحسين الصراحه بدع راكد بالكلام يشدج غصب حقه ما تضيع ولا كلمه ولا تسرحين كلش عنه
عهود: اايييي شفتيه ما شالله انا انصدمت عجيب والله
روان: أي ماشالله
وخلص القروب الثالث الي عطوها الدكاتره b وكان عليهم بعض الملاحظات
طلعوا من الكلاس وتجمعوا كلهم بالممر
حسين: ها روان ما عليه حبوبه تعوضينها بالبرزنتشين مالج ان شالله
روان: الله كريم
حسين: وليش ماده البوز جذي لا يبا ضحكي واسانسي واي شي تبيه بشغلج الياي انا موجود.
روان: صج
حسين: لا جذب .. اكيد افا عليج صج من عيني هاذي قبل هاذي
روان. تسلم بخجل .. شغلكم وايد كان حلو وانت الصراحه بدعت يعطيك العافيه
حسين : احم الله يعافيج .. اخجلتم تواضعنا
روان: هههههههههههه
حسين: يالله حبوبه تامرين على شي
روان: لا سلامتك
حسين: الله يسلمج فكري بالموضوع عدل هاا بشتغل فيه معاج
روان: صج .. مشكور حسين مشكور
حسين: العفو بابا يالله فمان الله
روان: باي
راح كل واحد بطريجه وقعدوا يفكرون بالموضوع الي راح يسوونه
الحين كل واحد بروحه وكل واحد بيشتغل نفس شغل القروب من الالف لي الياء يعني لازم يشدون حيلهم وخصوصا روان لان مو عاجبتها درجتها وتبي تعدل وضعها وصورتها واهم شي رضاها عن نفسها واهي فيها هالطبع لازم تسوي شي تكون اهي راضيه عنه حتى لو ما عجب احد المهم اهي تكون راضيه.
روان: عهدو شنو الموضوع الي نقيتيه انا عيزت وانا افكر مو لاقيه كلش
عهود: انا بتكلم عن جمعيه الامم المتحده وتفرعاتها وبعدين بركز عن الحملات مالت حقوق الانسان الي يسوونها
روان: اهااا .. نايس بس بالنسبه لي هذا موضوع كبير ومتفرع انا ابي شي انا اعرفه عدل ويكون بسيط وحلو بنفس الوقت
عهود: تدرين الحين هابين بسالفه اطفال الانابيب بين التحريم والتحليل شرايج اخذي هالموضوع وتكلمي عنه من كل النواحي
روان: مممممم هذي بدش فيها باديان وجذي صعبه شوي
عهود: لا عادي
روان: انزين وشرايج بسالفه الموت الاكلينيكي هم نفس الشي الحين هابين فيها وادش فيها بسالفه التحليل والتحريم شرااايج؟
عهود: هم ممكن .. بس فكري بعد باشياء اخف من جذي
روان: أي أي بفكر وباخذ راي حسين يوم السبت
عهود: وحسين شكو ان شالله
روان: ما قلت؟؟؟؟ لج قالي فكري بموضوع تبينه وراح يشتغل فيه معاي اذا ابي شي بقوله واخذ رايه
عهود: وشكو شمعنه انتي يعني؟!! ترى انا بديت اخاف منه صج ديري بالج ترى اهو كبير وممكن يلعب عليج!! وهذول يعرفون يلعبون بعقل البنات ويعرفون شلون يلفون ويدورون
روان: ان شالله ان شالله لا تحاتين
راحوا يوم السبت وكلهم حماس ولا حسين مو موجود
روان: عهدو حسين مو موجود اليوم ما يا!!
عهود: يمكن تعبان او عنه ظروف شي ما تدرين
روان: تعبااااان
عهود: أي تعبان لا تهب عليج لوزج بس وتطلع عيونج علينا على بو حسين مو حاضر
روان: ههههههه .. لا شدعوه بس اقولج يعني انه مو ياي.. واحنا متفقين ان نتناقش بالمشروع!!
عهود: أي اوكي دريت
رجعوا البيت وروان تفكر شفيه ما داوم اليوم لا يكون تعبان ولا فيه شي .. ااو الله يخس ابليسج يا عهدو خليتيني افكر .. لحظه وانا شكو افكر ما حضر ما يشوف شر ان شالله خير ليش اعقد الامور .. واااااي عاد انا لاااااازم احاتي واذا ماكو شي احاتيه ادور على شي يخليني احاتي .. بس بس خلاص انسي.
راحوا اليوم الي عقبه ولا حسين موجود .. من غير شعور راحت له روان
روان: قووووه
حسين: هلا بابا هلا روان شلونج
روان: تمام الحمدلله انت شلونك امس مو حاضر عسى ما شر
حسين بينه وبين نفسه يحليلها فقدتني: ابد ما شر بس تعبت شوي بالدوام رجعت وحطيت راسي ونمت وما وعيت الا الساعه 6 المغرب
روان: اهااا .. يالله يعطيك العافيه والله فقدناك امس
حسين: مشكوره :$ سوري امس وعدتج اني اقعد معاج على موضوعج بس كشت
روان: لا عادي افا عليك شدعوه المهم راحتك
حسين: تسلمين والله كلج ذوق .. المهم شصار عليج لقيتي موضوع
روان: ممممم محتاره بين شيئين وبنفس الوقت مو مقتنعه فيهم عدل
حسين: اها وشنو اهم
روان: خلنا نخلص من محاضره الكمبيوتر واقول لك بالبريك قبل الانجليزي
حضروا المحاضره الي اهو ماكان معاها فيها .. وحست لما شافته انها ارتاحت وانها مستانسه وحست اكثر شي بامان انه موجود حولها ما تحاتي شي .. خلصوا المحاضره وبدوا البريك
حسين: روان
روان واااااي ابوي انت : احم نعم
يالله امشي نقعد وقولي الموضوع على الماشي
روان على كثر ما اهي متحمسه على كثر ما اهي خايفه: أي بس وين نقعد ؟
حسين: بالممر طبعا هناك مو حلوه اقعد معاج بكلاس ما ابي اييب لج كلام انتي في غنى عنه وخلي عهود بعد تيي تقعد معانا لا نصير بروحنا
روان حست براحه شوي: اوكي
راحوا قعدوا وبدت روان بالكلام
روان: انا بين موضوعين الي اهو طفل الانابيب او الموت الاكلينيكي بين التحليل والتحريم
حسين: بيييييييييييييييييييييييييييييييييييييييه .. من صجج!! هذي مواضيع وايد معقده وكبيره عليج ترى .. انا انصحج بعدي عن الامور الي فيها فتاوي
روان: انزين شنو اتكلم عنه عيل
حسين: ممممممم خليني افكر لج .. انتي ميولج جذي اشياء علميه وسوالف
روان: ااااي
عهود:انزين .. شرايج تتكلمين عن السمنه وانتشارها بالكويت ومكانه الكويت بين العالم من هالناحيه
روان: حلووو
حسين: صح فكره حلوه .. هم فكره مرض السكر حلوه علشان تييبين معاج الادويه وتتكلمين عن المراحل لان السمنه في نواحي شويه ماراح توصلين حق ثلث ساعه بس السكر اوسع
عهود: أي صح احلى واحلى بعد تكلمين عنه من كل النواحي
روان: انتو شايفين جذي
حسين وعهود: اااي
روان: خلاص شوركم وهدايه الله
حسين: خلاص انتي اليوم روحي البيت وسو لج سيرج عنه من كل المواقع واشتغلي بضمير لان طافج كل الويك اند وامس بعد
روان: ان شالله .. يالله قوموا الكلاس
دخلوا الكلاس
حسين بينه وبين نفسه .. يحليلها والله حليوه ..وانا ماادري ليش هامتني .. يمكن لاني احس اني مهم بالنسبه لها .. بس اهي صغيره يا حسين لا تتعلق فيها جذي اركد شفيك مو انت الي جذي !! بس احس ان موضوعها صعب عليها وماراح تعرف تطلعه توها فقيره .. خلاص انا بكتب لها رؤوش الاقلام والاشياء الي تدور عليها بالنت علشان نختصر الوقت اضمن انها بتييب كل الي نبيه وانا اتفرق حق عمري بعد
خلص الكلاس واهم طالعين شافها وناداها
حسين: روان .. روان
روان: هلا حسين شفيك
حسين: شوفي انا كتبت لج الاشياء الي تدورينها كل هالمعلومات انتي محتاجتها دوريها كلها بس تحصلينهم تكونين انتي بالسيف سايد ماشي حبوبه
روان: اوكي ولا يهمك اليوم اكون خالصه كل هالاشياء
حسين: اوكي .. ماشي تامرين على شي
روان: لا مشكور
حسين: يالله باي
روان: باي
مر عليهم يوم الاثنين والثلاثه وحسين كل يوم يقعد معاها نص ساعه بس يجيك على الي سويته يضيف ويحذف ويرتب اما يوم الاربعا قال لها يالله اقريه وجنج قاعده بالكلاس .. قرته له وسو نفس الي اهي ناويه تسويه
روان: بس حسين انا ودي اييب الادويه والابر الي ياخونها بالعلاج جذي فناتق
حسين: ممممم اهي فكره حلوه وانا بحاول اشوف لج مني ولا مني بس روان بابا ركزي على المضمون مو على الفناتق
روان: هههههههه يعني مو حلو الي قلته
حسين: لا حلو بس شوفي جم شغله ابيج سوينهم .. اول شي رفعي صوتج شوي ولا تتكلمين بنفس الوتيره لا مره صيري سريعه ومره بطيئه وفجأه رفعي صوتج فجأه علشان السرحان يصحصح
روان: ههههههههه جذي جني هبله .. وبشنو بيسرح الموضوع كلش مو مال خيال اصلا
حسين: بعيونج
روان: نعم
حسين: هاا لا في شعره بتدش بعيونج ديري بالج
روان: صج وين .. ها راحت
حسين: أي أي راحت .. المهم والله انتي سمعي كلامي خو رفعي صوتج مو تصرخين قلنا علشان تقولين هبله
روان: هههههه اوكي وبعد
حسين: ثاني شي لا تركزين نظرج بمكان واحد لا وزعي النظر ..
واستمر حسين بالنصايح واهي تسمع له بكل اهتمام واعجاب
روان: ان شالله لا تحاتي بحاول اسوي كل الي قلتلي عنه .. الحين كل شي تمام
حسين: أي تمام
التعديل الأخير:
حوريه ورديه
New member
- إنضم
- 27 أبريل 2008
- المشاركات
- 1,023
- مستوى التفاعل
- 0
- النقاط
- 0
