روآيتي الأولى : [ و يبقى خـــآلد ] بقلمي sweet memy

[zizo0ou]

يسلمووووووووووووووو

 

[sweet_memy]

البارت الواحد و الثلاثون :



قعدت الصبح على صوته ،

اسراء : ها ماماا شنو تبي ؟
وليد : وينا باباا
اسراء : بابا بالدوام حبيبي
وليد ( يبجي ) : وينا بابااا
اسراء : يا ماما بابا بالدواام
بجا اكثر و مسك الفون و عطاها ( يعني دقي عليه )
اسراء تتنهد : ان شاء الله بدق
خالد : الو
اسراء : هلا خالد
خالد : اهلين
اسراء : هاك ولدك يبيك من مساع يبجي يبي يكلمك
خالد : بعد عمري وليدان وينه عطيني
وليد ( يبجي ) : باباااا
خالد : وليدااان ، شفيك تبجي ؟
...
و ظلوا يسولفون تقريبا ساعه ، و بهالساعه ارتاحت شوي من حنه وليد .. و بعدها طلعت و خلت وليد عن امها ..

ام عبدالعزيز : وين بتروحين ؟
اسراء : يمه عندي مشوار مهم
ام عبدالعزيز : اممم ، انزين لا تتاخرين ، تدرين ولدج دلوع و كله يبيج
اسراء : ياليت يبيني كله يبي ابووه
ام عبدالعزيز : اي مدلعه 24 ساعه اكيد يبيه
اسراء : المهم يمه ، خليه عندج ماراح اطول .. يلا مع السلامه
ام عبدالعزيز : مع السلامه



و بـ البيت ورا الغدا


خالد : تسلم ايدج ، خوش اكل
اسراء : بالعافيه
قرب خالد من اسراء و حط راسه بحضنها
اسراء : لاااا خالد !
خالد : شفيج ؟
اسراء : لا تنام هني ، حط راسك على جتفي
خالد : وليش يعني ؟ مو اول مرة اسويها
حطت ايدها على بطنها و ابتسمت
خالد : شفيج ؟
اسراء : خالد عندي خبر حلوو
خالد : خبر حلو ؟! و شناطرة قولي !
اسراء ابتسمت
خالد : قولي فرحيني
اسراء خذت ايده و حطتها على بطنها
خالد ماصدق ! مو مستوعب كلش !
خالد : حامل !!؟
اسراء بصوت واطي : اي ، حامل !
ماصدق خالد الي سمعه ! مو معقوله تكون حامل !
اسراء : خالد ؟ وين رحت ؟
خالد : كاني م معععاج !
اسراء : شرايك بالخبر ؟
خالد :وايد حلو ! ماتشوفيني مستانس و طاير من الفرحه بعد !
شافته و ابتسمت
خالد : اي بسس ..
قاطعته بسرعه : خالد ادري شنو بتقول ، مالي داعي تقول شي .. الي صار برضاي ترا ، و انتا تستاهل
ابتسم لها ابتسامه كبيرة و قرب منها و لمها حيييل و طبع على راسها بوسه


حمدت ربها انها قدرت تحمل و الحبوب مافادتها ، و بشرها الدكتور بـ استقرار حالتها ..

بيت بو عبدالعزيز :


عبدالعزيز : ما بغيتي تحملين ، يلا نبي نشوف عزيز الصغير
اسراء : و من قااال اني بسمييه عزييز ؟ و انا مابي ولد
عبدالعزيز : مانبي بنات ، نبي صبيان
اسراء تنهدت : يارب تطلع بنت
ام عبدالعزيز : الله يكتب الي فيه الخير
بو عبدالعزيز : وليد ولدج وينه ؟
اسراء : عند نور يلعب معاها
بوعبدالعزيز : يحليله كبر والله
اسراء : اي والله كبر و زادت شطانته ، مينني مينني هالولد ، و كله يبي ابوه
ام عبدالعزيز : بس خليه عند ابوه دام يبيه
اسراء : اي اهوه يبيه كيفه يتحمل ولده و الي بـ بطني


بيت خالد :


وليد : ماما وينا بيبي
اسراء تأشر على بطنها : مني بيبي
خالد : والله اني متشوق انطر اليوم الي بتولدين فيه
اسراء : حبيبي تو الناس
خالد : شوفي حبيبتي ، ابيج تحافظين عليه وايد ، مابي الي صار يتكرر مرة ثانية ، خليج كله مرتاحه و لا تحوسين وايد ، انسي شي اسمه مطبخ ، انسي شي اسمه دوام انسي كل شي ! بس ارتاحي و تدللي و انا تحت امرج
اسراء : يا بعد عمري يا خالد ، الله لا يحرمني منك
خالد : ولا يحرمني منج
( بجا وليد و قعد يفرك عيونه )
اسراء : ها ماما دخت ؟ يلا تعال نام
شالته جان يفززز خالد
خالد : خليه ! لاتشيلينه تتعبين ، انا اشيله
اسراء : اوكي
شاله و وداه غرفته و غطاه عدل ونام ،
اسراء : انا بعد دخت ، بنام
خالد : يلا حبيبتي نامي ، و انا بعد بنام وراي دوام
اسراء : تصبح على خير
خالد : تلاقين الخير




قعدت الصبح و اللوعه مافارقتها دقيقه ! حست بـ لوعه قامت ركضت بسرعه ، حست ان روحها بتطلع ، و ماقدرت تتحمل ..
اسراء : واي الظاهر هالمرة النساة جايده ، الله يعيني
سمعت صوت وليد يبجي و راحت له لقته بـ المطبخ !
اسراء : وليد ؟ شموديك المطبخ ؟
وليد : ابي بيده ( بيضه )
اسراء : واا بعد عمري تبي بيضه ؟ ان شاء الله اسويلك بيضه ،
فتحت الثلاجه شافت البيض حست بلوعه و صاحب اللوعه ترجيع خفيف
قعدت بـ الصاله لما ارتاحت و راحت غرفتها ، اما وليد فـ سوت له الخدامه بيض و كلى ،
و عقب ما كلى قعد مع امه بـ الغرفه ..
وليد : ماما وينا بابا
اسراء : بابا بـ الدوام ، الحين ايي
وليد : ماماا تيي توم أت تي ( توم أند جيري )
اسراء : وليد ماما انا تعبانه روح قول حق الخدامه
وليد : مامااا اتييي
اسراء : حبيبي قول حق الخدامه
وليد : مااااا ماااا
تنهدت : انزين ، ( قامت شوي شوي و حطتله الي يبي و رجعت فراشها )
قعدت بالسرير لما وصل خالد ،
دخل خالد الغرفه و شكله مستانس : قوه حبيبتي
اسراء بـ تعب : هلا حبيبي خالد
خالد قرب شوي منها : شلونج ؟
بدت تتضايق شوي اسراء : الحمدلله ..
خالد : شفيج ؟!
اسراء : خالد اي عطر حاط وييع ريحته مو حلوة !
خالد : مو حلوة ؟! هالعطر انتي شاريتلي اياه
اسراء : خالد ما اقدر ما اقدر روح بعيد عني ، احس اني برررجع روح بعيييد !
استغرب خالد و راح بعيد عنها
اسراء : لا تقرب يمي كلش ، ما اقدر
خالد : و ماصارت نساتج الا فيني يعني
اسراء : لاتقرب خالد تكفى
خالد : انزييين بيه محنا مقربين .. وين الغدا ؟
اسراء : بالمطبخ
خالد : اي يلا حطي الغدا ، انا ميت من اليوع
اسراء : خالد مافيني اقوم ، قول حط لك انتا و وليد و اكلوا
خالد تنهد : انزين


و عقب الغدا ،


دخل خالد الغرفه و شافته اسراء
اسراء : تكفى خالد وخررر عني
خالد : شلون يعني ما انام
اسراء : روح نام بـ الصاله ولا بغرفه وليد
خالد : ترا بدعتي فيني والله
اسراء : قوووم خالد وااي برررجع ما اقدر ، قوم وخر عني روح بعيييد مابي اشم ريحتك !
خالد تنهد : ولييه و الله بلشة ، انزين انزين بطلع
طلع خالد و ارتاحت شوي ..


و بعد اسبوع ،


بيت بو عبدالعزيز :


عبدالعزيز : حرام عليج خليتي الريال ينام مع ولده و بالصاله و انتي نايمه ع الراحه بالغرفه بروحج ؟
اسراء : شسوي يعني ، مو بيدي
ام عبدالعزيز : الله يعينج على نساتج ، جايده هالمرة
تنهدت اسراء : الله يعين ،
عبدالعزيز : و ان شاء الله بتيين عرسي و انتي تعبانه جذي ؟
اسراء : عرسك تو الناس عليه ،

عبدالعزيز : مابقى شي ، كله 3 اسابيع
اسراء : يصير خير ، من كثر حنتك ترا ماني رايحه عرسك ، وليدان وينه ؟ تأخرت بروح البيت
ام عبدالعزيز : قعدي تو الناس ،
اسراء : لا يمه بس احس بدوخه ،
وليد : ماما وين لوح ؟
اسراء : يلا ماما بنروح البيت
وليد : بيت ؟
اسراء : اي يمه
وليد : بابا بيت ؟
عبدالعزيز بضحكه : شفيه ولدج يتكلم جنه هندي
اسراء : عسل عسل كلامه ، صح وليدان ؟
وليد مايدري شسالفه : اي انا أسل ( عسل )
عبدالعزيز : ويهك وليدان ، يـ الجيكر
اسراء : اييي ما الومك محتر ، ماحصلت مثل جماله
عبدالعزيز : بصراحه بهذي صدقتي ، اول مرة تقولين شي صح .. بل عليه ولدج جمييل
اسراء تلم ولدها حيل و تبوسه على خده : اسم الله عليه ، كله منك أخرتني .. يلا يمه مع السلامه
ام عبدالعزيز : الله يسلمج يمه


بيت خالد :


ردت اسراء البيت لقت الهدوء طاغي ع المكان ، راحت الغرفه ما لقت خالد ، ما اهتمت و غيرا ملابسها و من التعب حطت راسها ع المخده و نامت .. اما وليد فـ راح غرفته و شاف خالد نايم بـ سريرة ، جان يقرب منه و ينام على صدره ..


و أخيرا ، بعد 3 اسابيع عرس عبدالعزيز :


تحسنت حاله اسراء شوي ، و قلت نساتها .. صارت تقعد مع خالد شوي و ماتتضايق منه ، استانس خالد حيل و فرح ، لان كان فاقدها وايد ، معاه بنفس البيت لكن ما يشوفها .! ولا يطلع معاها .. لكن الحمدلله ان الاوضاع تحسنت ..
خالد : انا متزوج ملاك مو بشرر ،
اسراء : يعني شكلي حلو ؟
خالد : تهبلين يا بعد عمري ، عاد ما اوصيج رقص ماكو
اسراء : واااي خالد ، يعني انا حامل
خالد : تسوينها
شافته بنظرة و ابتسمت ...
اسراء : انزين يلا خالد ترا تأخرت وايد ، يلا ودني
خالد : يلا يلا ،
بـ العرس :

بـ اكبر قاعه في فندق مرينا كان عرس ( عبدالعزيز & عايشه ) هـ البنت لمحها بـ الكلية معاه و فجأة دشت قلبه ، خلته يفكر بـ الزواج من بعد ماكان رافض فكرة الزواج نهائيا ،
كانت العروس حيل حلوة و رقيقه و نعومه حيل ، كانت حيل لايقه على عبدالعزيز ، دخلت بـ خطوات قصيرة و بهدوء تام ، و بـ ابتسامه مرتسمه على شفاتها ، قعدت ع الكوشه و الحيا طاغي عليها ، تنطر قدوم حبيبها و ريلها ( عزيز ) ..
و دخل عزيز ، و الابتسامه ما تفارقه ابد ، كان مستانس بـ هاليوم حيل ، و شلون ماراح يستانس و اليوم عرسه ؟! كانت الاجواء حيل حلوة ، و الكل مستانس و يضحك ، لكن ضحكه المعاريس كانت الأحلى ..


بيت خالد :

خالد قرب من اسراء : اسراء ؟! شفيج ؟
اسراء كانت مغمضه عيونها و تحاول تبان طبيعيه : مافيني شي
خالد : الله يهداج شلون مافيج شي ، شكلج تعبانه
اسراء : ماعليك خالد ، مافيني شي
خالد : اسورة حبيبتي قومي المستشفى ، مو زين عليج ترا
اسراء : خالد ماكو شي .. لا تخاف
و نامت و الالم مسيطر عليها ..


sweet_memy​

 

[قلب نواف]

يسلمـو البـارت حده روعـه

 

[فيلجـ كول ـاويه]

وييييييي شفيها ؟!؟!؟

الله يوفق عزوز وعواش <<اصغر عيالج خخ<<اصلن ماعندي عيال لووووووول

ادري ملييقه خخ

ناطرينج حووبي

 

[~RouNa~]

الله !! 121

عزيز تزوج وحدة اسمهاعوااشة 121

رااح يتوفقون صدقيني <<



والله يستر بعد شـ فيييها اسرااااء

 

[UNiQe^PRiNceSs]

تسلميين حبيبتي

ناطرين ​

 

[sweet_memy]

البارت الثاني و الثلاثون :


قعدت من النوم و حالتها تحسنت شوي .. ارتاح خالد لما شافها مرتاحه و ما تعاني من شي ..



بيت بو عبدالعزيز :


اسراء : يا حلاة البيت من غير عزيز ، هدووووء
بوعبدالعزيز : اي والله هدوء ،
اسراء : ياربي هالريال مليييق
ام عبدالعزيز : يالله عاد لا تعيبون على وليدي ، بعد عمري والله اني فاقدته ، مكانه مبين بـ البيت .. الله يرجعه بـ السلامه
اسماء : شلونه مع عايشه ؟ مادق عليج ؟
ام عبدالعزيز : دق علي 3 مرات ، زين يقول مستانس
اسيل : الله يسعدهم
وليد : ماماا ابي حواوة
اسراء : لا ماما ماكو حلاوة مو زين على اسنانك ، مساع كليت وحده
اسيل : عطيه خليه يستانس ،
اسراء : لا مو زين على اسنانه ، بس ياكل 1 او 2 بالاسبوع
اسماء : يحليلج والله ، تخافين على ولدج
اسراء : ايي شلون ما اخاف عليه ( و تلمه ) هذا وليدان الغالي ، صح ؟
وليد يقلدها : صح
اسراء : وااي حبيبي انتا
اسيل بغشمرة : بسسسج لا تلمينه يموت الياهل الي بـ بطنج
ام عبدالعزيز : اسم الله عليه ، بسكم لا تخرعون اختكم
اسراء : اي والله ، زين افتكيت من عزيز ييتوني انتوا


بيت خالد :

اسراء : هلا حبيبي ، تأخرت بـ الدوام ؟
خالد : الله لا يوريج الزحمه ، صاير حادث الله يكافينا الشر و الشارع مسكر
اسراء : لا حول ولا قوة الا بـ الله .. انزين حبيبي يلا غير ملابسك و ارتاح عشان تتغدى
خالد : يلا .. وليدان وينه ؟
اسراء : يلعب بغرفه الالعاب
خالد : يلا كلها جم شهر و يلعب مع اخته
شافته و ابتسمت ..


و بعد الغدا ،

كانت حاطه راسها على جتف خالد و مغمضه عيونها ،
اسراء بصوت نعسان شوي : حبيبي
خالد : عيونه
اسراء : مشتهيه فراولة
خالد : بدت الطلبات ، آمري حبيبتي .. بس فراولة ؟!
اسراء : و توت اسود
خالد : الفراولة مقدور عليها ، لككن التوت الاسود من وين اييبلج اياه ؟ عطاها البلاك بيري ماله
اسراء : شنوهذا
خالد : مو تبين توت اسود ؟ هذا بلاك بيري
اسراء : واااي يا خالد ، انا ابي توت اكله مو فونك
خالد : ايي من ويين اييبلج ؟
اسراء : اووه خلودي يعني انا ما استاهل انك تروح و تدور عشاني ؟
خالد : الا تستاهلين و نص ، جم اسراء عندي انا ، وحده و عسى الله يخليها لي
استحت حيل و غطت ويهها ، مد ايده و شال ايدها و شافها و صارت عينه بعينها
خالد : اقدر اقول ان ويهج يصير أحلى لما تستحين ؟!
ماقدرت تتحمل و غمضت عيونها حييل
اسراء : خالد بسس استحيي
خالد : خلاص خلاص ، سكتنا
سكتوا شوي .. حست اسراء بـ الهدوء الموطبيعي .. قربت من خالد اكثر و حطت ايدها لى شعره و لعبت فيه
اسراء : خالد ؟
خالد : هلا حبيبتي
اسراء : اممم جنه شعرك يبيله ترتيب شوي ؟!
خالد : خلييه بالغصب طال شوي
اسراء : اممم مو أحلى انك تقصه ؟
خالد : يعني .. ؟
اسراء : انا اشوف جذي ..
خالد : خلاص ، ولا يهمج ، نقصه
اسراء : اي بس لي رحت للحلاق قوله شوي شوي على شعرك ، تراه غالي
خالد : تحبينه ؟
اسراء : حبه من حبك
و قام خالد من مكانه ..
اسراء : تعال حبيبي وين رايح ؟
خالد : بروح اشتريلج الي تبينه
اسراء : الحين عاد ؟!
خالد : ما اقدر ما ألبي طلباتج ،
اسراء : يا بعد عمري والله
خالد : يالله انا رايح ، ديري بالج على نفسج ..
اسراء : حافظك الله حبيبي

و بعد 3 ساعات رد خالد البيت ،

كانت اسراء منسدحه بـ الفراش و وليد يمها يلعب بـ ايدها و بـ شعرها ، و اهيا مغمضه عيونها و حاسه بشعور حلو .. سمعت صوت وليد الي صرخ بـ أعلى صوته : بابااااااا !
فتحت عينها لقت خالد جدامها ، و النيولوك مخليه روعه
خالد : شرايج ؟!
اسراء : واااو خالد ! وايد حلوو صاير ،
خالد : يعني عجبج النيولوك ؟
اسراء : وايد عجبني ..
خالد : تفضلي
اسراء : شنو هذا ؟
خالد : فتحيه و شوفي
عطاها خالد صندوق لونه احمر على قلب الحب ، فتحته و لقت داخله صحن لونه احمر و فيه حبات فراولة و حبات توت
اسراء : اللله .! شكله وايد حلو ،يا بعد عمري والله
خالد : بـ العافيه

و بعد 7 شهور :

خالد كان قاعد مع وليد كـ العاده ، و اسراء من التعب ماتقدر تتحرك من مكانها و على طول بـ الفراش ..

خالد : وليدان بابا ، اقعد شوي انا بروح اشوف ماما و ايي
راح لها خالد ، شافها تعبانه حيل و ويهها اصفر ومالها خلق شي ..
تنهد خالد : لي متى يعني هـ العناد ؟ قومي المستشفى انتي وايد تعبانه
اسراء : خالد مابي اروح مافيني شي
خالد : كل هذا و مافيج شي ؟!
اسراء غمضت عينها حيل و حست بـ الم مو طبيعي : خا ..... آآآآآآآآآآآه !!!
صرخت حييل و الالم يتزايد عليها ، خذاها خالد و طار فيها المستشفى ، كان خايف عليها حييل لانها كانت تعبانه ، كان ينطر هـ اللحظه الحاسمه ، مايدري شنو راح يصير ، الخوف كان ملازمه و التوتر باين عليه .. ما ابالغ اذا قلت انه ظل ينطر الدكتور 8 ساعات .. ، ينطر يبشره بخبر يفرحه .. طلع الدكتور و البسمه مرسومه على شفاته
الدكتور : مبروك ، بنت
خالد : الحمدلله يارب ! طمني دكتور شلون حالتها ؟!
الدكتور : اذا تقصد الياهل فـ بخير و صحه و عافيه الحمدلله ، لكن امها ..
خالد : شفيها ؟
الدكتور : تعبت وايد من الولاده ، و الحين اهيا بـ العناية المركزة
خالد : عناية ! ليش يا دكتور شفيها ؟!
الدكتور : لا تنسى انها كان من الصعب عليها تحمل ،
تنهد خالد حيل : لا حول ولا قوة الا بالله ،
الدكتور : الحمدلله على كل حال

و ظلت يومين بـ العنـآية ، لما تعافت ،


خالد : الحمدلله على السلامه حبيبتي
اسراء وآثار التعب مبينه عليها : الله يسلمك
خالد : يبتي بنت أحلى من القمر
اسراء ابتسمت
ام عبدالعزيز : كلها خالد ، و كلش ما تشابهج ، بس ماخذه بياضج
اسراء : عقب كل هالتعب ما تشابهني
خالد : هههه شفتي ،
اسراء : ها خالد شبعت يهال ولا تبي بعد ؟
خالد : لا بس حبيبتي ، 2 كافي ، عقب هالتعب مابي شي
اسراء : اقتنعت الحين يوم اقولك تعب
خالد : اي اقتنعت
اسراء : خالد ابي اشوف بنتي
خالد : ان شاء الله ، الحين اقولهم اييبونها

و عقب ما يابوها ، شالتها حست انها شايله ريشه ، كانت حيل صغيره ،
شافتها اسراء و ابتسمت ، حست بشعور حلوو يوم شالت بنتها
خالد : شفيتها شلون حلوة ؟
اسراء : اكيد حلوة دام تشابه ابوها
ام عبدالله : ها شقررتوا تسمونها؟
التف خالد على اسراء و التفتت اسراء على خالد و شافوا بعض ، و ضحكوا
خالد : ماقررنا اسم ليلحين
اسراء : تصدق خالد ماطرا على بالياسم كلش !؟
خالد : تصدقين ولا انا ؟
شافوا بعض و اضحكوا
ام عبدالعزيز : الله يخليكم حق بعذ و يديم ضحكتكم
اسراء : خالد وليد وين ؟
خالد : عند عمته قاعد مع حصوصه
اسراء : عفيه خالد ييبلي اياه اشتقتله
خالد : حاضر بييبه يشوف اخته

ودشت فاطمه و معاها وليد و حصه ،

فاطمه : السلام عليكم
الكل : و عليكم السلام
قربت فاطمه من اسراء و باستها : الحمدلله على السلامه حبيبتي
اسراء : الله يسلمج
وليد : اووه ماماااا !
اسراء : قلبيي انتااا تعال
ركض و نقز فوق الفراش وقعد يم امه و باسها و لمته حيييل
ام عبدالعزيز : شوي شوي ترا مو زين عليج
اسراء و اهيا تلمه : شسوي مشتاقتله حيل
وليد : ماما توفي بيبي !
اسراء : اي ماما هذي اختك
وليد : ماماا اتيي انيي
اسراء : لا ماما هذي بيبي ماتقدر تشيلها
وليد : مامااا اتييي
اسراء : خالد شوفه
خالد : لا وليدان مايشيلونها بس يشوفونها ،




و بعد 4 شهور ..


اسراء و خالد كان اهتمامهم كبير حييل بـ بنتهم اليديده رونق ، كان حييل هاديه و مريحه امها و ابوها .. عكس وليد الي كان مزعج و كله يبجي ، اغلب وقتها كانت تقعد مع بنتها و تلعبها و توكلها و تغني لها .. اما وليد فكانت تهتم فيه بس مو مثل اول .. و من جذي صار يغار منها ، كل ما يشوف امه شايلتها يروح و يلصق بـ امه و يبوسها ، و ساعات يطق اخته و ياخذ اغراضها و يخشها ،

اسراء : ياربي على الولد الي يغار ، شسوي
خالد : وليدان تعال ،
شاف ابوه ماسك رونق جان يعصب و يزعل
خالد : هاج مسكي بنتج .. وليدان تعال يلا
وليد : مااابي
خالد : يلا تعال رورو مو عندي
و قرب منه و قعد يمه
خالد : يلا قوم البس جوتي عشان نطلع ، بس انا معاك
استانس و راح يررركض يلبس و طلع مع ابوه ،
تنهدت اسراء : الله يهديه ..

و بعد ساعتين رد وليد و الفرح باينه على ويهه الطفولي ،
وليد : ماماا شوفي شليت حلاوة و بيضه كندل و بطاط وااايد و ككاو و وجبه و عطوني لعبه
اسراء : الله ، اكل شوي و خشه مو تاكل كله مرة وحده
وليد : انزين



بيت بو عبدالله :


ام عبدالله : وين خالد ما بين صارله يومين ما شفته ما مرني ، يوسف يمه عطني التلفون
يوسف : بتدقين على منو ؟
ام عبدالله : على عمك خالد
يوسف : انا بدق اعرف رقمه
ام عبدالله : يلا دق و عطني
خالد : الو
ام عبدالله : هلا خالد
خالد : هلا يمه هلا بالغاليه
ام عبدالله : هلا فيك ، وينك يمه ما تبين
خالد : لاهي والله مع اليهال
ام عبدالله : الله يخليهم لك ، اقول خالد
خالد : هلا يمه
ام عبدالله : ترا باجر بنروح المخيم الصبح ، تجهز و تعال مبجر
خالد : اممم .. حلو ، صار
ام عبدالله : عاد تعال مبجر مو تتأخر
خالد : لا مانبي متأخر ، ان شاء الله من الصبح اكون هناك
ام عبدالله : يالله زين ، مع السلامه ،


خالد : باجر بنروح المخيم
اسراء : لا خالد ما اقدر اروح ، الجو بارد و رونق ياهل اخاف تصير مريضه
خالد : شبتسوي يعني بتقعد بالخيمه و لبسيها عدل ماراح يصير فيها شي
اسراء : خلاص انزين
خالد : يالله نومي وليدان عشان لا يبجي باجر الصبح
اسراء : يالله ماما وليد تعال البس بجاما
وليد : الحين انام ؟
اسراء : اي الحين ، عشان باجر بنروح البر
وليد : اللله عشان اسوق بقي ؟
اسراء : اي يلا نام بسرعه عشان نطلع باجر بسرعه
وليد : ماما بس شويه بشوف سبيس تون
قعدت معاه شوي تشوف معاه باباي ..
اسراء : هذا مو امس شايفه ؟
وليد : اي بس امس ما شفته كله
اسراء : لااااااه ؟ قوم قوم يلا يالشيطان امس شايفه كله ،
وليد : بابااا شوف ماما ماتخليني اشوف
خالد : قوم ولا ماراح تروح باجر ترا


sweet memy​

 

[ladeen]

كم جزء باقي على نهاية القصه؟؟
احس اخرها يا خالد يموت
او اسراء وعيالها يموتون و يبقى خالد
p:

 

[قلب نواف]

يـسـلـمـؤؤ ع البـارررت

 

[فيلجـ كول ـاويه]

يسلموو

ناطرينج...

 

[كاسبرينوو]

يسلموو عالبارت
اي والله حتى انا احس جذي
بلييييز نبي النهايه سعييده

 

[UNiQe^PRiNceSs]

والله انا بعد حاسه ان بيصير شي مو زين

كملي حبيبتي ناطريينج​

 

[المتألقة]

كملي حبيبتي هههههههه اندمجت

 

[بيـــشو17]

عجيب البارت االله يستر يمكن وليد يصير فيه شي وااي عاد حبيت وليد يونس فديته:nbvppw: :fun:

waiting حبوبه وتسلمين على هالبارتات الحلوه:wqedqw::e3:

 

[KUWAITIYA72]

مرحبا يعطيج الف عافية على البارت وبصراحة ماودي اكون متشائمة مثل البعض لأني بصراحة ما اتمنى حق هالقصة اي نهاية حزينة تكدرنا حرام والله

 

[ladeen]

Memy **** elpart??

 

[ladeen]

*** ****a

 

[sweet_memy]

سوري بنـآت

امس ماكان يفتح معاي المنتدى ..

ان شاء الله اليوم بنزل بارت امس و اليوم ،
و اليوم راح تكون النهايه ..

 

[sweet_memy]

البارت الثالث و الثلاثون :



بـ المخيم :

وليد : بابااا شوف بقي ابي الكب ( اركب )
خالد : يلا الحين نركب انا معاك
وليد : لا لا ابي بلوحي
خالد : شلون تركب بروحك هذا كبير ما تعرف تسوقه
وليد : انا كبيل اعلف ( كبير \ اعرف )
خالد : لا بابا ماتسوقه بروحك ، تعال يلا نركب

و ركبوا البقي و وليد كان حيييل مستانس ، خصوصا ان خالد يسوق بسرعه فـ الوناسه تزيد ،

و عند الحريم بـ الخيمه :

وليد : مامااا لكبت ( ركبت ) البقي مع باباااا
اسراء : اي شاطر اركب مع بابا مو بروحك
وليد : انزين
وليد : حللللة ( حررررة ) لونق ما لكبت البقي
فاطمه : امبيه هذا من صجه يغار ؟
اسراء : شفتي ؟
فاطمه : اصلا رونق صغيره ما تركب البقي
وليد : لانها بيبياا انا كبييل ( كبير ) صح ماما ؟
تنهدت اسراء : صح
وليد : ماما منو احلى انا ولا لونق ؟
فاطمه : رونق احلى
وليد : اصلا انا قلت حق ماما صح ؟
اسراء : ولييد عيييب
فاطمه : صاير شيطان مع الويه
وليد : شوفيها ماما تقولي مع الويه
اسراء : واي واي وليد بس
و بجت رونق
اسراء : واي حبيبتي شفيج ليش تبجي ؟ ( شالتها و حطتها بحضنها )
وليد : ماما ابي اقعد بحضنج ؟
اسراء : لا حبيبي بس انتا صرت كبير ما تقعد بحضني صح ؟
وليد : ---
اسراء : عفيه على ولدي الشاطر ، الي يحب اخته
فاطمه : وليد تحب رونق ؟
اسراء : ايي يحبها وايد ، لانها اخته صح ؟
وليد : --
فاطمه : تحبها ولا لا ؟
اسراء : فطووم تكفين بس ، ترا يبجي الحين
فاطمه : وااي احسه متحسف يقول اي احبها
اسراء : عيزت وانا احببه بـ اخته ، ماكو فايده فيه ..
خالد : شلوونكم
الكل : الحمدلله
خالد : اوه اوه رونق قاعده ، عطيني اياها
قام وليد من مكانه شوي شوي من غير محد يحس فيه و طلع بره و قعد يلعب مع ناصر و يوسف ..

طلع وليد و قعد يلعب مع ناصر و يوسف و بعدين دشوا يتغدون ماعدا وليد الي ظل بروحه برة

اسراء: خالد ؟ وليد ويين؟
خالد : يمكن بره يلعب مع اليهال
اسراء: اي يهال ماكو احد بره كلهم هني
يوسف: وليد بره قاعد بروحه
خالد: بروحه؟ شسوي بروحه ؟
يوسف: قال مابي ادش داخل
اسراء: خالد روح شوفه خـ ايي يتغدى
خالد: يلا يلا الحين اقوم اشوفها

و عقب ماقام و غسل طلع بره يدور وليد

خالد: وين راح هذا .. ماكو احد هني

ظل خالد يمشي و يدوره و مالقاه .!
خالد: وين راح يعني !
وعقب ما مل من كثر ما يدور رد الخيمه ..
و بطريجه للخيمه شاف البقي منقلب و تحته وليد !!

خالد : وليد !!
.........

خذاه و بسرعه طاار فيه لـ اقرب مستشفى ، حس ان ولده خلاص ماات، لا صوت ولا حركه و الدم منتشر على ويهه و هدومه متشققه ، حس بالخوف و زااد سرعته لما وصل للمستشفى ...



بـ المخيم :

اسراء : مايصير جذي يعني لا وليد ولا خالد ! وين راحوا !!
فاطمه :هدي هدي شوي ، اكيد راح يدوره
اسراء : صارله اكثر من ساعه الحين ! اخاف صار فيهم شي!
فاطمه : لاتخافين ماكو الا العافيه .. شبصير يعني
اسراء: و الي قاهرني اكثر انه مايرد على فونه ، يعني اكيد صاير شي و مايبي يقولي
فاطمه : ماكو الا الخير ان شاء الله قعدي انتي بس و ذكري الله
تنهدت حييل : لا اله الا الله


بـ المستشفى :

خالد : دكتور طمني عليه !
الدكتور : لا مافي شي الحمدلله مجرد كسور بسيطه و جروح و نزيف خفيف
خالد : كل هذا و مافي شي ! شفيك الله يهداك
الدكتور : حالته الحمدلله مستقرة ، و قدرنا نسيطر على الوضع
خالد : ابي اشوفه
الدكتور : تفضل

دش خالد و لقى وليد منسدح ع الفراش و ايده اليمين مجبسه و ريله اليمين مجبسه و لافين راسه و لقى اثر كدمات منتشرة على كل جسمه ...
وليد و الدموع تنزل من ويهه الطفولي : بابااا
خالد قرب منه و باسه على خده و مسك ايده : نعم حبيبي
وليد : شنو هذا الابيض الي على ايدي ؟
شافه خالد و تنهد : هذا حاطينه عشان ايدك تصير زينه و تطيب
وليد : وين ماما ؟ ابيها
خالد : ان شاء الله بعدين بتيي ماما
وليد: بابا ابي الوح البيت مابي اقعد مني
خالد: ان شاءالله بتروح البيت و بتلعب و تستانس بس لازم تقعد هني شوي ، شفت شنو صار فيك ؟ لانك ماسمعت الكلام و رحت و سقت البقي بروحك ؟
بدا يبجي : خلاص بس مالاح اسوق البقي بلوحي
خالد : عفيه ع الشاطر
ورن فون خالد ، تنهد و رد
خالد: الو
اسراء: خالد ! انتا ويين !! و وين وليد ؟!
خالد : هدي هدي شوي و بقولج كل شي
اسراء : قول يا خالد خرعتني وقف قلبي عليك انتا و ولدك
خالد : انا بالمستشفى مع وليد ، لقيته طايح من البقي و بسرعه وديته المستشفى
اسراء انصدمت و دمعت عيونها : يمممه ولدي !! شفييه وليييد شصارله !!! عطني اياه بكلمه
وليد و صوته ممزوج بالدموع : ماماا
اسراء بجت اكثرر يوم سمعت ولدها يبجي : هلا حبيبي هلا مااماااا ، شلوونك حبيبي زيين ؟
وليد : ايدي تعولني و ليلي بعد و حاطين عليهم شي ابيض
اسراء : يابعد عمررري انتاا واللله ، ليش حبيبي جذي شسويت انتا ؟
وليد : طحت من البقي
حست قلبها يتقطع : ليش حبيبي ماتسمع الكلاام ( تنهدت ) عطني بابا
خالد : الو
اسراء : خالد ليش مادقيت علي و قلتلي ؟ يعني ماتدري اني احاتيكم ؟
خالد : ماكنت ابي اخوفج
اسراء : انزين تعال اخذني ابي اشوف ولدي
خالد : شلون اييلج و اخليه بروحه ؟
اسراء : ميخالف بس شوي المهم اشووفه
خالد : يلا انزين الحين ياي
وليد: باباا ويين ماماا ابيها
خالد: الحين بروح اييب ماما ، انتا اقعد شويه هني و الدكتور يقعد معاك انا بروح شوي اييب ماما و ايي انزين ؟
وليد : مابي اخاااف اقعد معاي
خالد : حبيبي بس شوي اييب ماما و ايي مرة ثانية
وليد : ابي الوح معاك
خالد : يا يبه مايصير ، اقعد شوية و انا بقول حق الدكتور يقعد معاك و يشغل لك التلفزيون عشان تشوف بباي على ما ايي انزين ؟
وليد : بس شويه لووح
خالد : اي حبيبي بس شويه .. مو تبجي انتا بطل قوي

و راح خالد و ظل وليد بالغرفه مع السستر الي شغلتله التلفزيون و عطته العاب و سولفت معاه ، استانس شوي بس كان ناطر امه و ابوه ايون ..

رجع خالد بسرعه المخيم و خذا اسراء و راحوا المستشفى ..

اول ما شافت ولدها دمعت عينها .. قربت منه و لمته حيييل و باسته : يا بعد عمري والله ، ليش حبيبي تسوي جذي ليش
وليد : ماما شوفي يعول ( يعور )
اسراء : اسم الله عليك حبيبي ، وين يعورك
أشر على ايده و ريله و راسه
اسراء : بعد عمري ، ميخالف شوي و يطيب و تصير مثل اول قوي
...


ظلت معاه بـ المستشفى يومين ، حس وليد انه قريب حيل من امه ، و انها تحبه و تهتم فيه مو بس تهتم بـ رونق ، اما رونق فـ كانت عند ام عبدالعزيز لما تحسنت حاله وليد شوي و طلع من المستشفى ،


و مع الايام شوي شوي بدا وليد يحب اخته و يلعب معاها ، ارتاحت اسراء و خالد بعد .. و افتكوا من غيره وليد الي مالها حد .. صار ما يقدر يفارقها و على طول معاها ، استانست اسراء حيل من هالشي ..

عاشوا حياة سعيده من غير مشاكل ، حسوا انهم كبروا شوي و راحت ايام اول ايام ، كبروا اليهال و كانوا حيييل قراب من خالد ، يحبونه بشكل جنوني .. و خصوصا رونق الي ماكانت تفارق ابوها ابد ، دلوعه ابوها و طلباتها اوامر ،



بـ غرفه خالد :



خالد : شرايج نسافر ؟
اسراء : حلو ، صج اليهال محتاجين سفر عقب المدرسه
خالد : وين بتروحون ؟
اسراء : اممم .. وليد يحن يبي اسبانيا
خالد : و رورو وين تبي تروح ؟
اسراء : مادري عنها
وليد + رونق : بووووووووووووو !
اسراء : بسم الله ! ماتعرفون تدخلون بهدوء ؟!
قربت رونق من ابوها و قعدت يمه و حطت ايدها ورا ظهره و باسته
خالد : هلا هلا هلا بـ رورو حبيبتي
رونق : هلا فيك باباتي
خالد : سمعوني .. قررنا نسافر ، وين تحبون تروحون ؟
وليد : انا ابي اروح اسبانيا ، بروح ملعب مدريد
رونق : لا لا لا انا ابي اروح فرنسا
وليد : لا أسبانيا
رونق : فرنسا
وليد : اسبانيا
رونق : فرنـ ...
قاطعتها اسراء : بسسس !
خالد : مايصير جذوا اتفقوا على مكان واحد
رونق : باباااتي انا ابي اروح ديزني لاند ابي العب
وليد : وانا بروح ملعب مدريد و بصور مع اللاعبين
رونق : انا ما احب الكرة و المباريات و اشياء الصبيان ، بابااتي فررنساا
خالد : خلاص نروح اول اسبانيا و فرنسا
رونق : وناااسه ، متى بنسافر ؟
خالد : بعد اسبوعين
وليد : اللله ! عشان اروح مباراة هناك
اسراء : انزين انزين ، الحين الساعه 11 شمقعدكم ؟ قوموا ناموا يلا
رونق : ماماتي تو النااس
اسراء : لا مو تو الناس ، قومي نامي مابيج تسهرين
رونق : ان شاء الله
قربت من امها و ابوها و باستهم على راسهم طلعت ،
وليد : يبااا بتخليني اروح المباراة صح ؟
خالد : يصير خير بعديين ،
وليد : تصبحون على خير
خالد + اسراء : و انتا من اهل الخير ،



بيت خالد :



كانت رونق مندمجه تشوف الفلم يالها وليد من وراها و خرعها
وليد : بوووووووو !
رونق : واااي وليد يا سخفك !
وليد : انا السخيف ؟
رونق : اي انتا في غيرك ؟
وليد : سخيف ها ؟ اوريج انزين انزين
رونق : شتوريني صورتك
سكت شوي و سكر التلفزيون
رونق : هيييي ليش تسكره ! ماتشوفني قاعده اشوف الفلم !
وليد : عشان تعرفين شلون تقولين سخيف
رونق : اييي سخييف زييين .. يماااااااااااااااااااا
وليد : كاااك امي ماراح تسمعج
رونق : يماااااااااااا شوفي وليدووووووو
قرب منها و قرصها : منو وليدوو !
رونق : آآآي يا المليييق وخر عني .. يمااااااااااا

رونق: يماااااااا شوفي السخيييييف
وليد: لاتقولين سخيف لا اطقج الحين
رونق: يماااااااااا
ودش خالد و سمع الصراخ
خالد: شفيكم انتوا شهالصراخ الي واصل لي بره !
رونق قامت من مكانها و لصقت بـ خالد و مسكت ايده حييل: باباتي شوف وليد سكر التلفزيون و قرصني و قال بطقني بعد
وليد: و انتي قلتيلي يا السخيف
رونق: انتاا الي بديت
خالد: بس ! وليد ليش سكرت التلفزيون؟
وليد: كنت بلعب معاها
خالد: تلعب معاها تسكر التلفزيون؟
رونق: شفت بابااا اهوا الي بداا (سوت روحها تبجي و لمت ابوها )
خالد: بس خلاص لاتبجين، وين امج؟
رونق: بدارها
خالد: انزين يلا مابي اسمع ولا كلمه بروح ارتاح لما يصير وقت الغدا، وان سمعت صراخ ماكو سفر


بـ غرفه خالد :

اسراء: خالد ياي متأخر اليوم
خالد: رحت حجزت تذاكر حق السفر
اسراء: ايي متى السفر؟
خالد: مالقيت حجز بعيد شوي، حجزت حق بعد اسبوع ونص
اسراء: جنه مبجر ؟
خالد: شسوي ماكو حجز
اسراء: يلا زين .. يلا غير ملابسك على ما احط الغدا



و على الغدا :

وليد: قومي ليش قاعده مكان ابوي؟
رونق: كيفي ابوي يحبني
وليد: والله ؟ يحبج؟
رونق: ايي حرره
وليد: وااي يا ملقج ، صج ياهل
خالد: انا شقلتلكم؟ ليش تتهاوشون!
وليد: هذي الياهل
رونق: اسكت يالمليق
ظل خالد واقف ينطر رونق تقوم من مكانه
رونق : باباااتي ليش واقف؟ اقعد
خالد: ناطر الملكه رونق تقوم من مكاني
رونق: حرة انا ملكه باباتي قااال
وليد: اففف صج صج ياهل
خالد: بتسكتون ولا شلون؟ ترا احلف وما اسفركم
اسراء: بسكم عن الشطانه، ابوكم حجز ترا و كلها جم يوم و نسافر
رونق: صج بابااااتي! بنروح ديزني لاند؟
خالد كان ياكل و مارد عليها
دمعت عين رونق و ظلت ساكته وما كلت،
اسراء: رنوقه ليش ماتاكلين؟
رونق بـ صوت اختلط مع الدموع: مابي اكل مو يوعانه
حس فيها خالد: تعاالي تعالي رورو اكلي
راحت و لصقت بـ ابوها : ليش مارديت علي مساع
خالد: يا يبه تشوفيني قاعد آكل شلون ارد عليج؟ يلا بس مسحي دموعج و اكلي ، و بوديج ديزني لاند
رونق : صج ! ونااااسه
اسراء: انزين يلا اكلي انتي الحين
وليد بصوت واطي ماينسمع: اففف يا المدلعه



بيت بو عبدالله :

فاطمه: ها متى السفر؟
اسراء : عقب باجر ان شاء الله
فاطمه: بالسلامه ان شاء الله
اسراء: الله يسسلمج، و انتوا متى بتروحون استراليا؟
فاطمه: وراكم الاسبوع الياي
رونق: مامي وين باباتي؟
اسراء: بره بالحديقه
رونق: بروح اقعد معاه
اسراء: ليش ؟ قعدي هني مع حصه
رونق: ابي ابوووي
تنهدت اسراء: روحي
فاطمه: رنوقه وايد تلصق بـ ابوها
اسراء: اي من كثر ما حن علي ابي بنت ابي بنت يتله بنت ٢٤ ساعه لاصقه فيه
فاطمة: اي والله من كثر ما حن




sweet memy​

 

[zizo0ou]

يسلمو على البارت